Health Tips : राज्यासह जगभरात दिवाळीचा सण अत्यंत आनंदात आणि उत्साहात साजरा केला जातोय. धनत्रयोदशीपासून दिवाळीच्या या पाच दिवसीय उत्सवाला सुरुवात झाली आहे. दिवाळी हा दिव्यांचा सण आहे, ज्यासाठी लोक काही महिने आधीच तयारी सुरू करतात. घराची सजावट असो किंवा खाण्यापिण्याची. या सणासाठी बरीच तयारी केली जाते. अशा परिस्थितीत, सणासुदीच्या काळात लोक आपल्या आहाराकडे दुर्लक्ष करतात आणि आवश्यकतेपेक्षा जास्त खातात.
अशा स्थितीत पोटाशी संबंधित समस्या बद्धकोष्ठता आणि गॅस सारख्या समस्या जास्त खाल्ल्याने होतात. सणासुदीच्या काळात काहीतरी खाण्याच्या या समस्येला तुम्ही अनेकदा बळी पडत असाल, तर तुमच्या स्वयंपाकघरात असलेल्या काही गोष्टींच्या मदतीने तुम्ही यापासून सुटका मिळवू शकता.
भरपूर पाणी प्या
गॅस आणि बद्धकोष्ठता जाणवत असताना, आपण सहजपणे करू शकता अशी पहिली गोष्ट म्हणजे भरपूर पाणी पिणे. भरपूर पाणी प्यायल्याने शरीरातील विषारी घटक लघवीद्वारे शरीरातून बाहेर पडतात.
बडीशेप फायदेशीर ठरेल
एका तव्यावर बडीशेप भाजून बारीक करा. तुम्ही कोमट पाण्यात ही पावडर पाण्यात मिसळून पिऊ शकता किंवा बडीशेपच्या बिया लगेच चावून खाऊ शकता. बडीशेप अशी एन्झाइम तयार करण्यास मदत करते, ज्यामुळे पचन प्रक्रिया सुरळीत होते आणि अन्नाचे पचन व्यवस्थित होते.
तूपही गुणकारी आहे
तूप हे असे अन्न आहे जे प्रत्येक घरात सहज उपलब्ध असते. तूप हे एक नैसर्गिक रेचक आहे, म्हणजे तुपामध्ये ब्युटीरिक ऍसिड नावाचे घटक आढळतात, ज्यामुळे आतड्याची हालचाल आणि बद्धकोष्ठतेच्या समस्येपासून आराम मिळतो. गूळ आणि कोमट पाण्याबरोबर तूप खाल्ल्यास लवकर आराम मिळतो.
फायबर समृद्ध अन्न
शक्य तितके फायबरयुक्त पदार्थ खा. सफरचंद, संत्री, पपई, गाजर, मुळा, ब्रोकोली, रताळे, पालक, बीन्स, ओट्स, बाजरी, ज्वारी इत्यादी संपूर्ण धान्य खा. फायबर खाल्ल्याने मल मऊ होतो आणि बद्धकोष्ठता दूर होण्यास मदत होते.
प्रोबायोटिक्स
दही किंवा दह्यासारखे प्रोबायोटिक्स घेतल्याने बद्धकोष्ठतेपासून आराम मिळतो, कारण त्यात Bifidobacterium lactis नावाचे बॅक्टेरिया असतात, जे पचनसंस्था मजबूत करतात.
टीप : वरील सर्व बाबी एबीपी माझा केवळ माहिती म्हणून वाचक-प्रेक्षकांपर्यंत पोहोचवत आहे. यातून एबीपी माझा कोणताही दावा करत नाही.
महत्त्वाच्या बातम्या :