Nana Patekar Death Marathi News: नाना पाटेकरांनी स्वत:च्या अंत्यविधीसाठी लाकडं काढून ठेवली, नामचे सीईओ ढसाढसा रडले, शेतातच अंत्यसंस्कार करण्याची नटसम्राटाची शेवटची विनंती, VIDEO

Rohit Pawar On Raj Thackeray MPSC Protest Pune: राज ठाकरेंनी सांगितलं, मुख्यमंत्री सकारात्मक, लवकरच चांगली बातमी; रोहित पवारांची पहिली प्रतिक्रिया, म्हणाले...

निलेश बुधावले, एबीपी माझा — Fri, 9 Oct 2026 13:03:55 +0530

Rohit Pawar On Raj Thackeray MPSC Protest Pune: मनसेप्रमुख राज ठाकरे (Raj Thackeray) यांनी आज MPSC विद्यार्थ्यांच्या आंदोलनावरुन मुख्यमंत्री देवेंद्र फडणवीस (Devendra Fadnavis) यांच्यासोबत चर्चा केली. यामध्ये देवेंद्र फडणवीस खूप सकारात्मक आहेत आणि येत्या काही दिवसांत MPSC च्या विद्यार्थ्यांच्या नोकऱ्यां संदर्भात एक चांगली बातमी येईल अशी अपेक्षा आहे, अशी माहिती राज ठाकरे यांनी दिली. राज ठाकरेंच्या या माहितीवर राष्ट्रवादी काँग्रेस शरदचंद्र पवार गटाचे आमदार रोहित पवार यांनी प्रतिक्रिया दिली आहे. (Rohit Pawar On Raj Thackeray MPSC Protest)

रोहित पवार काय म्हणाले? (Rohit Pawar On Raj Thackeray MPSC Protest)

आदरणीय राज ठाकरे , अध्यक्षांचा राजीनामा आणि आयोगाचे संपूर्ण शुद्धीकरण हीच विद्यार्थ्यांची प्रमुख मागणी आणि जनभावना असून हजारो विद्यार्थी त्यासाठी गेल्या 9 दिवसापासून आंदोलन करत आहेत. शिष्टमंडळाने मुख्यमंत्र्यांशी केलेल्या शेवटच्या चर्चेत 70 हजार पदांच्या भरतीसह बाकी इतर मागण्या विद्यार्थ्यांच्यावतीने मान्य करवून घेतल्याच आहेत, असं रोहित पवार म्हणाले. तसेच मुख्यमंत्र्यांसोबत आपल्या झालेल्या चर्चेत ते सकारात्मक असतील आणि यातूनच मुख्यमंत्री ‘विवेक’ दाखवत अध्यक्षांचा राजीनामा आणि आयोगाच्या संपूर्ण शुद्धीकरणासाठी निर्णय घेणार असतील तर या चांगल्या बातमीची हजारो विद्यार्थी आतुरतेने वाट बघत आहेत. चांगली बातमी येईल, ही अपेक्षा, असंही रोहित पवारांनी सांगितलं.

आदरणीय राज ठाकरे साहेब, अध्यक्षांचा राजीनामा आणि आयोगाचे संपूर्ण शुद्धीकरण हीच विद्यार्थ्यांची प्रमुख मागणी आणि जनभावना असून हजारो विद्यार्थी त्यासाठी गेल्या ९ दिवसापासून आंदोलन करत आहेत. शिष्टमंडळाने मुख्यमंत्र्यांशी केलेल्या शेवटच्या चर्चेत ७० हजार पदांच्या भरतीसह बाकी इतर मागण्या विद्यार्थ्यांच्यावतीने मान्य करवून घेतल्याच आहेत. मुख्यमंत्र्यांसोबत आपल्या झालेल्या चर्चेत ते सकारात्मक असतील आणि यातूनच मुख्यमंत्री ‘विवेक’ दाखवत अध्यक्षांचा राजीनामा आणि आयोगाच्या संपूर्ण शुद्धीकरणासाठी निर्णय घेणार असतील तर या चांगल्या बातमीची हजारो विद्यार्थी आतुरतेने वाट बघत आहेत. चांगली बातमी येईल, ही अपेक्षा..! #MPSC_विद्यार्थी_सत्याग्रह #MPSCProtest #MPSCPuneProtest #MPSCStudentSatyagraha
— Rohit Pawar (@RRPSpeaks) October 9, 2026

राज ठाकरे काय म्हणाले होते? (Raj Thackeray On MPSC Protest Pune)

5 ऑक्टोबर 2026 ला मी जेव्हा पुण्यात एमपीएससी आंदोलक विद्यार्थ्यांची भेट घेतली तेव्हा मी तुमचं म्हणणं, तुमच्या रास्त अपेक्षा याबद्दल मुख्यमंत्र्यांशी बोलेन असं आश्वस्त केलं होतं. स्वतःचा राहता जिल्हा, तालुका, आपलं घर तसेच आपल्या कुटुंबाला सोडून नोकरीसाठी राब राब राहणाऱ्या तरुणांना आणि तरुणींना पाहिलं की जिवाची कालवाकालव होते. म्हणून आज या विषयावर माझी मुख्यमंत्र्यांशी सविस्तर चर्चा झाली. देवेंद्र फडणवीस देखील पूर्णपणे सकारात्मक आहेत हे जाणवलं. आणि येत्या काही दिवसांत MPSC च्या विद्यार्थ्यांच्या नोकऱ्यां संदर्भात एक चांगली बातमी येईल अशी अपेक्षा आहे, अशी माहिती राज ठाकरे यांनी सोशल मीडियावर पोस्ट करत दिली. तेव्हा विद्यार्थ्यांनी देखील संयम ठेवावा, असं आवाहन राज ठाकरेंनी केलं आहे.

पुण्यातील एस.एम. जोशी पुलावरील एमपीएससीच्या आंदोलनाचा आज नववा दिवस- (Rohit Pawar MPSC Protest Pune)

पुण्यातील एस.एम. जोशी पुलावर सुरु असलेल्या एमपीएससी आंदोलनाचा (MPSC Protest Pune) आज नववा दिवस आहे. काल पुणे पोलिसांनी एस.एम जोशी पूल मोकळा करा, असं आंदोलक विद्यार्थ्यांना सांगितलं. मात्र जोपर्यंत मागण्या पूर्ण होत नाही. तोपर्यंत विद्यार्थी आणि राष्ट्रवादी काँग्रेस शरद पवार गटाचे आमदार रोहित पवार (Rohit Pawar) आंदोलनावर ठाम आहेत.

MPSC च्या विद्यार्थ्यांसाठी चांगली बातमी येणार, राज ठाकरे काय म्हणाले?, VIDEO

Pakistan Cricketer at Nana Patekar Death : नाना पाटेकर यांचं निधन; पाकिस्तानचा क्रिकेटर ढसाढसा रडला, नानांनी केलेली ती मदत सांगून भरभरुन बोलला!

किरण महानवर — Fri, 9 Oct 2026 13:01:30 +0530

Pakistan Cricketer Basit Ali At Nana Patekar Funeral : ज्येष्ठ अभिनेते नाना पाटेकर (Nana Patekar Death) यांच्या निधनाच्या बातमीने चित्रपटसृष्टीसह क्रीडा क्षेत्रातूनही शोक व्यक्त केला जात आहे. पाकिस्तानचे माजी क्रिकेटपटू बासित अली यांनाही नानांच्या निधनाने मोठा धक्का बसला. त्यांनी सोशल मीडियावर व्हिडीओ शेअर करत नाना पाटेकर यांच्यासोबतच्या जुन्या आठवणींना उजाळा दिला. 1994 मध्ये झालेल्या पहिल्या भेटीपासून ते कठीण काळात मिळालेल्या भावनिक आधारापर्यंतच्या आठवणी सांगताना बासित अली भावुक झाले. बासित अली यांनी सांगितले की, नाना पाटेकर हे केवळ उत्तम अभिनेते नव्हते, तर खऱ्या आयुष्यातही तितकेच प्रेमळ आणि दिलदार व्यक्ती होते. पडद्यावर त्यांनी साकारलेली पात्रे आणि त्यांचे वास्तविक व्यक्तिमत्त्व यामध्ये विलक्षण साम्य होते.

1994 मध्ये झाली पहिली भेट

बासित अली म्हणाले, "आज सकाळी मला बातमी मिळाली की माझे प्रिय बंधू, मित्र आणि जिवंत दंतकथा नाना पाटेकर आता आपल्यात नाहीत. ते एक अद्भुत व्यक्ती होते. चित्रपटांमध्ये त्यांनी साकारलेली पात्रे त्यांच्या खऱ्या आयुष्यातील व्यक्तिमत्त्वासारखीच होती." नाना पाटेकर यांच्यामुळेच पाकिस्तानचा माजी क्रिकेटपटू रशीद लतीफ याला नाना हे टोपणनाव मिळाल्याचेही बासित अली यांनी सांगितले. नाना पाटेकर यांच्यासोबतची त्यांची पहिली भेट 1994 मध्ये झाली होती.

Former Pakistan cricketer Basit Ali’s emotional tribute to Nana Patekar is a beautiful reminder of a friendship that transcended borders. He recalled how the Bollywood legend stayed in touch for decades, checked on his mother during her illness, and reached out after Basit’s own heart surgery. Beyond the screen, Basit remembered Nana as a warm, caring and genuinely good human being. His words also showed just how deeply Nana Patekar was admired in Pakistan. Some artists belong to everyone. Nana Patekar was loved equally on both sides of the border. 🇮🇳❤️🇵🇰
— Brutal Truth (@sarkarstix) October 8, 2026

आई रुग्णालयात असताना नानांचा फोन

नाना पाटेकर यांच्यासोबतच्या आठवणी सांगताना बासित अली यांनी त्यांच्या संवेदनशील स्वभावाचाही उल्लेख केला. ते म्हणाले की, नाना पाटेकर यांच्याशी महिन्यातून एक-दोन वेळा संवाद व्हायचा. बासित अली यांच्या आई रुग्णालयात दाखल असताना नाना दर आठवड्याला त्यांना फोन करायचे. त्यांच्या आईशी बराच वेळ बोलायचे आणि त्यांना वेगवेगळ्या गोष्टी सांगून धीर द्यायचे. बासित अली यांना हृदयाशी संबंधित त्रास सुरू झाला होता, तेव्हाही नाना पाटेकर यांनी त्यांच्या प्रकृतीची विचारपूस केली होती. त्यांनी संदेश पाठवून तसेच फोन करून बासित अली यांच्या तब्येतीची माहिती घेतली होती. या आठवणी सांगताना बासित अली यांनी नानांबद्दलचा आदर आणि प्रेम व्यक्त केले.

नानांना म्हणायचे 'तरुण'

बासित अली यांनी नाना पाटेकर यांच्यासोबतच्या आणखी एका खास आठवणीचाही उल्लेख केला. ते नाना पाटेकर यांना 'तरुण' म्हणायचे, कारण ते आपल्या वयापेक्षा खूपच तरुण दिसत असल्याचे त्यांना वाटायचे. मात्र, यावर नाना पाटेकर गंमतीने उत्तर द्यायचे, "अरे, तरुण राहून काय फायदा? तू म्हातारा आहेस आणि मीसुद्धा म्हातारा आहे."

हे ही वाचा -

Tukaram Mundhe At Nana Patekar Funeral: पहिले भावूक पोस्ट, मग तुकाराम मुंढे नाना पाटेकरांच्या अंत्यविधीला पोहोचले अन्..., नेमकं काय घडलं?, VIDEO

मराठवाडा पदवीधर निवडणुकीसाठी महायुतीत बंडखोरी, आघाडीतही उमेदवारीचा पेच; बंडखोर उमेदवारांची मनधरणी करण्यात पक्षश्रेष्ठींना यश येणार?

डॉ. कृष्णा केंडे — Fri, 9 Oct 2026 13:00:24 +0530

Chhatrapati Sambhajinagar Graduate Constituency Election : मराठवाड्यात पदवीधर आणि शिक्षक मतदार संघाच्या निवडणुकीसाठी राजकीय वातावरण चांगलेच तापले आहे. सर्वच पक्ष आपली राजकीय ताकद पणाला लावताना दिसत आहेत. दरम्यान, मराठवाडा पदवीधर मतदारसंघाच्या निवडणुकीत महायुतीत बंडखोरी, तर महाविकास आघाडीत उमेदवारीवरून पेच निर्माण झालाय. महायुतीकडून राष्ट्रवादी काँग्रेस अजित पवार गटाचे सतीश चव्हाण मैदानात असताना, भाजपचे एम. के. देशमुख यांनी त्यांच्याविरोधात उमेदवारी अर्ज दाखल केलाय. दुसरीकडे तर महाविकास आघाडीकडून शिवसेना ठाकरे गटाचे दिलीप घुगे यांनी अर्ज दाखल केल्यानंतर, राष्ट्रवादी काँग्रेस शरदचंद्र पवार गटाचे डॉ. प्रतापसिंह पाटील यांनीही उमेदवारी अर्ज दाखल केलाय. त्यामुळे दोन्ही आघाड्यांसमोर उमेदवारीचा पेच निर्माण झाला आहे.आता या दोन्ही बंडखोर उमेदवारांची मनधरणी करण्यात पक्षश्रेष्ठींना यश येणार का? कोण माघार घेणार आणि कोण निवडणुकीच्या मैदानात कायम राहणार? याकडे संपूर्ण मराठवाड्याचं लक्ष लागलंय...

महायुतीत बंडखोरी, आघाडीतही उमेदवारीचा पेच

मराठवाडा पदवीधर मतदार संघाच्या निवडणुकीत महायुतीची उमेदवारी राष्ट्रवादी काँग्रेस अजित पवार गटाच्या पारड्यात पडल्याची चर्चा होती. अजित पवार गटाकडून माजी आमदार सतीश चव्हाण यांनी उमेदवारी अर्ज दाखल केल्यानंतर भाजपमधून एम के देशमुख यांनी बंडखोरी करत अर्ज भरणार असल्याची घोषणा केली. त्यामुळे महायुतीत बंडखोरी झाल्याची चर्चा शहरात रंगली होती. दुसरीकडे, शिवसेना उद्धव बाळासाहेब ठाकरे पक्षाचे उमेदवार दिलीप घुगे यांनी उमेदवारी अर्ज दाखल केल्यानंतर, सतीश चव्हाण विरुद्ध दिलीप घुगे असा सामना रंगणार असल्याचे बोललं जात होतं. मात्र, एम के देशमुख यांनी उमेदवारीचा अर्ज भरल्यामुळे राजकीय चर्चांना उधाण आले.

महाविकास आघाडीतही ठाकरे गटाचे उमेदवार दिलीप घुगे यांनी उमेदवारी अर्ज दाखल केला. त्यानंतर राष्ट्रवादी काँग्रेस शरदचंद्र पवार गटाचे डॉ. प्रतापसिंह पाटील यांनीही उमेदवारी अर्ज दाखल केलाय. त्यामुळे आघाडीसमोरही उमेदवारीचं पेज निर्माण झाल्याची चर्चा आहे. मराठवाडा पदवीधर मतदारसंघाचा निवडणूकिसाठी 62 उमेदवारांनी एकूण 92 अर्ज दाखल केल्याची माहिती समोर आली. यामध्ये 51 अपक्ष उमेदवारांचा समावेश होता. काल केवळ एक अर्ज मागे घेण्यात आला होता.उरलेल्या 2 तासात बंडखोरी शमवण्यात यश येतं का हे पाहणं महत्त्वाचं ठरणार आहे.

मराठवाडा पदवीधर निवडणूक, महत्त्वाचे उमेदवार

सतीश चव्हाण ( महायुती, राष्ट्रवादी अजित पवार गट)
दिलीप घुगे ( महाविकास आघाडी, ठाकरे गट)
प्रतापसिंह पाटील ( बंडखोरी, राष्ट्रवादी शरद पवार गट)
एम के देशमुख ( बंडखोरी, भाजप)
रविराज साबळे ( रील स्टार)
रमेश पाटील ( रील स्टार)

Hanere De Panchi Punjabi Film Review: हनैरे दे पंच्छी: पंजाबच्या गावातली किचकट गोष्ट

नरेंद्र बंडबे — Fri, 9 Oct 2026 12:56:15 +0530

Hanere De Panchi Punjabi Film Review: हनैरे दे पंच्छी (2026) या पंजाबी सिनेमाची सुरुवात जंगलातून होते. पोलीसांचा खबरी जगतर, अमीर या काश्मिरी युवकाला पकडतो. आता त्याला पटियाला पोलीसांकडे सुपूर्द करायचंय. पण घडत भलतंच जंगलातून शहराच्या प्रवासात जगतर आमीरला मध्येच सोडून देतो आणि आपल्या गावाकडे येतो. या गावात एक वेगळीच समस्या त्याची वाट पाहतेय. गावात सवर्ण जमीनदार आणि दलित कामगारांमध्ये संघर्ष सुरुय. जगतर दलित आहे. त्याची जमीन गहाण होती ती नंतर हडपली गेली. गावातल्या सर्वच दलित मजुरांची गोष्ट सारखीचय. हक्काची सरकारी जमीनही मिळालेली नाही. याविरोधात आता दलित शेतमजूरांनी एल्गार केलाय. जगतर या सर्व आंदोलनाचा साक्षीदार बनतो. काही दिवसांनी आमीर त्याला शोधत या गावात येतो. आता दोघं मिळून या आंदोलनात सहभागी होतात. पुढे अनेक अनपेक्षित घडामोडी त्यांची वाट पाहत असतात.

दक्षिण कोरियातल्या 31 व्या बुसान इंटरनॅशनल फिल्म फेस्टिव्हलमध्ये दिग्दर्शक शशांक वालियाचा हनैरे दे पंच्छी (2026) सिनेमाचा वर्ड प्रिमियर झाला. त्याद्वारे पंजाबच्या छोट्या गावातल्या आंदोलनाची ही गोष्ट जागतिक पातळीवर आलीय. आजवर सिनेमात पंजाबबद्दल स्वतंत्र खलिस्तानचा तिढा, ड्रग्स, पोलीस अट्रॉसिटी अश्या गोष्टी दाखवण्यात आल्या. शशांक वालिया प्रेक्षकांना पंजाबच्या आत गावात घेऊन जातो. तिथली सामाजिक आणि राजकिय परिस्थिती दाखवतो. वर-वर समृद्ध वाटणारा पंजाब आतून अतिशय अस्वस्थ आहे. याची जाणिव हनैरे दे पंच्छी पाहिल्यावर होते.

शशांकची गोष्ट दलित-सवर्ण जमिनदार संघर्षावर आधारित असली तरी तो पंजाबकडे पाहण्याचा एक बर्ड आय व्ह्युव देतो. पंजाबमध्ये दलितांवर होणाऱ्या अत्याचांरांमुळं इथं वाढीला लागलेलं ख्रिस्तीन धर्मांतराची गोष्ट शशांक जास्त प्रकर्षानं अधोरेखित करतो. तिथं पर्यंत पोचण्याआधी जमिनदार आणि शेतमजूरांमधला हा संघर्ष नक्की काय आहे? हे दाखवतो. सुरुवातीला दलितांच्या घरातले डॉ. बाबासाहेब आंबेडकर, ज्योतिबा आणि सावित्रीबाई फुले यांचे लहान फोटो दिसतात. सिनेमा शेवटाला येईपर्यंत बाबासाहेब आणि येशू ख्रिस्ताचा फोटो मोठा झालेला असतो. हे असं का घडतंय? याची सर्व कारण शोधण्याचा प्रयत्न शशांकने केलाय.

शशांकच्या हनैरे दे पंच्छी(2026) सिनेमाचा फेमिनिस्ट स्टडी - स्त्रीवादी अभ्यास करता येऊ शकतो. घरातल्या कर्त्या पुरुषानं नशेला कवटाळलंय. यामुळं घर चालवण्याची जबाबदारी बाईवर आलीय. या पंजाबी बायका गावखेड्यात एक नवा फोर्स म्हणून पुढे आल्या. त्यातल्या अनेकजणी जमिनदाराच्या वासनेचा शिकार बनतात पण त्या पुरुषांना पुरुत उरतात. घरच्या पुरुषांनी स्थलांतर केलं तरी त्या जमिन सोडत नाही अशी कणखर पंजाबी महिला प्रेक्षकांना शशांकच्या सिनेमात भेटते.

शशांकनं हा सिनेमा ब्लॅक एन्ड व्हाईट मध्ये केलाय. तो स्वतः सिनेमॅटोग्राफर आहे. "रंग अनेकदा सिनेमाचा पोत बदलवतात. माझ्या सिनेमातली सर्व पात्र आपआपल्या पातळीवर संघर्ष करतायत. त्याचं आयुष्य रंगीत नाही तर सफेद आणि काळं आहे. ते स्वतःही पूर्ण चूक किंवा पूर्ण बरोबर नाहीत. म्हणून आधीपासूनच सिनेमा ब्लॅक अँड व्हाईट करायचं ठरलं होतं", असं शशांक सांगतो.

सिमेनाच्या माध्यमातून काश्मीर आणि पंजाबच्या समस्यांकडे एकत्रित पाहण्याचा दृष्टीकोन शशांकनं दिलाय. जगतरला शोधत गावात आलेला काश्मीरी आमीरला तिथं काश्मिर मध्ये झपाट्यानं होत असलेल्या रस्ते आणि टनलमुळं होणाऱ्या प्रगतीबद्दल विचारलं जातं. या बांधकामामुळं पृथ्वीवरचा हा स्वर्ग आणखी चांगला झाला असेल ना? असा हा प्रश्न ही. यावर आमीर म्हणतो, रस्ते, टनेल, उंच इमारती यामुळं स्वर्गाचा मार्ग सोपा झाला असता तर अमेरिकेताही 'फिरदौस' झाला असता. शशांकनं आपल्या सिनेमातून पंजाब आणि काश्मीर या दोन वादग्रस्त प्रदेशांकडे जगाचा लक्ष वेधण्याचा प्रयत्न केला.

Ashok Kharat Case: अशोक खरातच्या अडचणी वाढल्या! आर्थिक फसवणूक प्रकरणात 14 दिवसांची न्यायालयीन कोठडी, कोर्टात नेमकं काय घडलं?

शुभम बोडके — Fri, 9 Oct 2026 12:55:00 +0530

Ashok Kharat Case: नाशिकमधील भोंदू अशोक खरातच्या (Ashok Kharat) अडचणी पुन्हा वाढल्या आहेत. आर्थिक फसवणुकीच्या (Financial Fraud Case) गुन्ह्यात अशोक खरातला आज नाशिक सत्र न्यायालयात हजर करण्यात आले होते. या सुनावणीनंतर न्यायालयाने त्याला 14 दिवसांची न्यायालयीन कोठडी सुनावली आहे. सरकारवाडा पोलीस ठाण्यात (Sarkarwada Police Station) अशोक खरातविरोधात आर्थिक फसवणुकीचा गुन्हा दाखल करण्यात आला होता. या प्रकरणात त्याची पोलीस कोठडी संपल्यानंतर त्याला न्यायालयात हजर करण्यात आले.

Ashok Kharat Case: वृद्धाश्रमासाठी भूखंड खरेदी केल्याचे प्रकरण काय?

मिळालेल्या माहितीनुसार, एका संबंधित व्यक्तीकडून अशोक खरातने वृद्धाश्रम उभारण्यासाठी भूखंड खरेदी केला होता. मात्र, या भूखंडाचा वृद्धाश्रमासाठी वापर झाला नसल्याचा आरोप करण्यात आला आहे. याच प्रकरणातून आर्थिक फसवणुकीची तक्रार दाखल झाली आणि सरकारवाडा पोलीस ठाण्यात अशोक खरातविरोधात गुन्हा नोंदवण्यात आला. या प्रकरणाचा तपास पोलीस करत आहेत.

Ashok Kharat Case: पोलीस कोठडी संपल्यानंतर न्यायालयात हजर

या आर्थिक फसवणूक प्रकरणात पोलिसांनी अशोक खरातचा ताबा घेतला होता. त्याची पोलीस कोठडीची मुदत संपल्यानंतर आज त्याला पुन्हा न्यायालयात हजर करण्यात आले. तपासाच्या दृष्टीने पोलिसांकडून पोलीस कोठडीचे हक्क राखून न्यायालयीन कोठडीची मागणी करण्यात आली होती. सुनावणीनंतर न्यायालयाने अशोक खरातला 14 दिवसांची न्यायालयीन कोठडी सुनावली.

Ashok Kharat Case: लैंगिक अत्याचार आणि विनयभंगाच्या प्रकरणांची सुनावणी 21 ऑक्टोबरला

दरम्यान, अशोक खरातविरोधात आर्थिक फसवणुकीच्या गुन्ह्याबरोबरच लैंगिक अत्याचार आणि विनयभंगाशी संबंधित प्रकरणेही न्यायप्रविष्ट आहेत. या प्रकरणांमधील पुढील सुनावणी 21 ऑक्टोबर रोजी होणार आहे. त्यामुळे अशोक खरातविरोधातील विविध प्रकरणांमध्ये न्यायालयात पुढे काय घडते, याकडे संपूर्ण नाशिककरांचे लक्ष लागले आहे.

Ashok Kharat Case: अशोक खरातवर एकूण 17 गुन्हे

दरम्यान, लैंगिक अत्याचार आणि आर्थिक फसवणुकीच्या गंभीर आरोपांप्रकरणी मार्च महिन्यात अशोक खरातचे काळे कारनामे समोर येताच त्याला अटक करण्यात आली होती. त्याच्याविरोधात नाशिक शहर, नाशिक ग्रामीण आणि अहिल्यानगर जिल्ह्यात मिळून एकूण 17 गुन्हे दाखल आहेत. यापैकी 12 गुन्ह्यांचा तपास विशेष तपास पथकाकडे (SIT) सोपवण्यात आला आहे. तसेच, मुंबईतील विशेष न्यायालयात अंमलबजावणी संचालनालयामार्फत (ED) स्वतंत्र खटलाही सुरू आहे.

राज्य आणि देश-विदेशातील महत्त्वाच्या बातम्या; पाहा व्हिडीओ

आणखी वाचा

Ahilyanagar Crime News: अशोक खरात प्रकरणाचा भांडाफोड करणारा 'तो' पत्रकारच अडकला; महिला ग्रामपंचायत अधिकाऱ्याकडे 1 लाखाची खंडणी मागितली अन्...; नेमकं काय घडलं?

Tanushree Dutta : 'माझ्याविरोधात बोलण्यासाठी नाना पाटेकरांनी राखी सावंतला पैसे दिले होते'; तनुश्री दत्ताचा मोठा दावा, अडीच तासांचा व्हिडीओ शेअर केला, नेमकं काय-काय म्हणाली?

जयदीप मेढे — Fri, 9 Oct 2026 12:53:10 +0530

Nana Patekar Death Tanushree Dutta Reaction: नाना पाटेकर (Nana Patekar) यांच्या निधनानंतर संपू्र्ण सिनेसृष्टीत (Bollywood) दु:खाचा डोंगर कोसळला. नाना पाटेकरांनी प्रदीर्घ कारकि‍र्दीत बऱ्याच सिनेमांमध्ये उल्लेखनीय भूमिका साकारुन प्रेक्षकांच्या मनात अढळ स्थान निर्माण केलं. तर काही वर्षांपूर्वी नाना पाटेकर आणि तनुश्री दत्ता (Tanushree Dutta) यांचं नाव एका मोठ्या वादामुळे चर्चेत आलं होतं. तनुश्री दत्ताने नाना पाटेकरांवर गंभीर आरोप केले होते. दरम्यान, तनुश्री दत्ताने काल (गुरूवारी, ता 8) नाना पाटेकर यांच्या निधनाची बातमी ऐकल्याचं सांगितलं, त्यांच्या कुटुंबाप्रति आपल्या संवेदना व्यक्त केल्या होत्या, त्याचबरोबर 'इव्हिल डेड Evil Dead' असा उल्लेखही तिने केला होता, त्यानंतर उशीरा तिने सोशल मिडीयावरती लाईव्ह येऊन अनेक गोष्टींवरती भाष्य केलं आहे, यामध्ये तिने राखी सावंतने माझ्यावर जे अत्यंत घाणेरडे आरोप केले होते, त्यासाठी तिला नाना पाटेकर यांच्याकडून पैसे मिळाले होते, असा दावा देखील केला आहे.

View this post on Instagram

A post shared by Tanushree Dutta Miss India Universe (@iamtanushreeduttaofficial)

Tanushree Dutta : तनुश्री दत्ताचा व्हिडिओद्वारे गौप्यस्फोट

तनुश्री दत्ताने तिच्या इन्स्टाग्राम अकाऊंटवर एक व्हिडिओ शेअर करत म्हटले, "राखी सावंतने पत्रकार परिषदेत माझ्यावर जे अत्यंत घाणेरडे आरोप केले होते, त्यासाठी तिला नाना पाटेकर यांच्याकडून पैसे मिळाले होते. हे मी स्वतःहून सांगत नसून राखीची सर्वात चांगली मैत्रीण असलेली राजश्री मोरे हिने ही माहिती दिली आहे. पत्रकार परिषदेच्या दोन दिवस आधी राखीने राजश्रीच्याच गाडीत जाऊन नाना पाटेकर यांच्या घरातून 2 ते अडीच लाख रुपये आणले होते. ही गोष्ट राजश्री मोरे हिने किमान 5 लोकांसमोर सांगितली होती."

नाना पाटेकर यांच्या निधनावर प्रतिक्रिया देताना तिने त्यांना 'ईविल डेड' (Evil Dead) म्हटले होते. आता तनुश्रीने सोशल मीडियावर एक व्हिडिओ शेअर करत आणखी एक खळबळजनक दावा केला आहे. नाना पाटेकर यांनी राखी सावंतला माझ्याविरोधात बोलण्यासाठी पैसे दिले होते, असा आरोप तिने केला आहे.

Tanushree Dutta : 'नाना पाटेकर पैसे देऊन काम करून घ्यायचे'

तनुश्री पुढे म्हणाली, "राखीला या कामासाठी पैसे मिळाले होते हे मलाही आधी माहीत नव्हते. पण माझ्याविरोधात घाणेरडे बोलण्यासाठी तिने नाना पाटेकर यांच्या घरातून पैसे घेतले होते. 'मी टू' (Me Too) मोहिमेच्या वेळी राखीने १५ पत्रकार परिषदा घेतल्या होत्या. त्यानंतर मला मानसिक त्रास झाला आणि नाना पाटेकरांची माणसे मला त्रास देत होती. तुम्ही जाऊन राजश्री मोरेला विचारा, माझीही तिच्याशी चांगली ओळख आहे, ती नकार देणार नाही. तिने स्वतः मला सांगितले होते की ती गाडीतच बसली होती."

आपल्या व्हिडिओच्या शेवटी तनुश्रीने म्हटले, "म्हणूनच मी त्यांना 'ईविल' (वाईट व्यक्ती) म्हणत होते. ते स्वतः काही करायचे नाहीत, तर पैसे देऊन दुसऱ्यांकडून करून घ्यायचे आणि स्वतः मात्र काहीच करत नसल्याचा आव आणून आपली प्रतिमा चांगली ठेवण्याचा प्रयत्न करायचे."

Raju Shetti on Gokul Election: 'तुम्ही दोघं सांगताय म्हणून 24 मते देतो, पण एक मत कोणाला द्यायचं आमचं ठरलंय..' राजू शेट्टींनी गोकुळच्या लढाईत शिरोळच्या सभासदाची 'मन की बात' सांगितली

परशराम पाटील, एबीपी माझा, कोल्हापूर — Fri, 9 Oct 2026 12:27:27 +0530

Raju Shetti on Goku Election: रंगमंचावर आल्यावर आमची भूमिका बदलेल, दोन दिवसांनंतर आम्ही उसाचा दर मागणार आहे, त्यांना काय सोडणार नाही, पण आता गोकुळच्या बाबतीत बंटी पाटलांच्या पाठीमागे आम्ही खंबीरपणाने उभे आहोत, त्यात काही शंका असण्याचे कारण नाही, असा निर्धार स्वाभिमानी शेतकरी संघटनेचे अध्यक्ष माजी खासदार राजू शेट्टी यांनी बोलून दाखवला. कोल्हापुरात गोकुळसाठी राजर्षी शाहू शेतकरी समविचारी आघाडीकडून काल पॅनेल घोषित करण्यात आल्यानंतर राजू शेट्टी यांनी ऊस परिषदेवरून, शक्तिपीठ आणि गोकुळच्या निवडणुकीवरून भाष्य केले.

शिकांत पाटील चुयेकर हेच पहिले अध्यक्ष असतील

दरम्यान, पॅनेल घोषित करताना सतेज पाटील यांनी शशिकांत पाटील चुयेकर हेच पहिले चेअरमन असतील, अशी घोषणा केली. यावेळी बोलतान राजू शेट्टी यांनी शिरोळ तालुक्यातील गोकुळच्या सभासदाची मन की बात सांगितली. राजू शेट्टी म्हणाले की, आम्ही शिरोळमध्ये गणपतराव पाटलांसोबत भेटीगाठी करण्यसाठी फिरत होतो, तेव्हाच एक मतदार भेटला. तो सभासद म्हणाला की, तुम्ही सांगताय म्हणून आम्ही 24 मते देतो पण एक मत आम्ही शशिकांत पाटील यांना द्यायचं ठरवलंय, इतक्या तळागाळात हा संदेश पोहोचल्याचे राजू शेट्टी यांनी सांगितले.

तर दुधाच्या उत्पादनावर सुद्धा परिणाम होणार

राजू शेट्टी यांनी सांगितले की, जिथं दुधाचं उत्पादन जास्त होतंय, मग करवीर तालुका असेल, पन्हाळा तालुका असेल, भुदरगड, राधानगरी आणि आजरा या तालुक्यातूनच प्रामुख्याने शक्तीपीठ महामार्ग जातो, आणि त्यामुळे जी वर्षानुवर्ष बागायत जमीन होती, ती जमीनच जर रस्त्याखाली गेली आणि बाकी पुराखाली जमीन गेली, तर दुधाच्या उत्पादनावर सुद्धा परिणाम होणार आहे. शक्तीपीठ महामार्गाच्या माध्यमातून 2029 च्या निवडणुकीमध्ये 55 ते 60 हजार कोटी रुपये काळा पैसा वापरता यावा म्हणून लादायचा प्रयत्न केला जातोय, त्याचं उत्तर गोकुळचे ठरावधारक या निवडणुकीमध्ये निश्चितच देतील, असे ते म्हणाले. या शक्तीपीठ महामार्गामुळे सांगली-कोल्हापूर जिल्ह्यातून किमान 25 लाख टन उसाचं उत्पादन घटणार आहे, तसंच जवळपास 2 ते अडीच लाख लिटर दुधाचं उत्पादन सुद्धा घटणार आहे, हे आपल्याला परवडणारं नाही, असा इशारा राजू शेट्टी यांनी दिला.

पहिले चेअरमन शशिकांत पाटील चुयेकर असतील

दरम्यान, सतेज पाटील म्हणाले की, हे पॅनेल निवडून आल्यानंतर आमचे पहिले चेअरमन शशिकांत पाटील चुयेकर हे असतील. शशिकांत पाटील चुयेकर यांना शेवटच्या वर्षी चेअरमन करायचं ठरलं होतं, मांडव घातला होता, फटाकड्या गुलाल आणला होता, आता आणलेल्या या फटाकड्या, आणलेला गुलाल हा पुन्हा एकदा चुयेकर साहेबांच्या स्मृतीला अभिवादन देण्यासाठी या जिल्ह्यातल्या स्वाभिमानी लोकांनी आमच्यावर राहावं एवढी विनंती करतो, असे आवाहन सतेज पाटील यांनी केले दुसरीकडे, गोकुळच्या निवडणुकीत आता राजकीय रणधुमाळीला धार आली आहे. महायुतीने जागावाटपाचा तिढा सोडवत पॅनलची दिशा स्पष्ट केल्यानंतर राजर्षी शाहू शेतकरी समविचारी आघाडीनेही आपलं पॅनल जाहीर केलं. आमदार सतेज पाटील यांनी पत्रकार परिषद घेत 25 उमेदवारांची नावे जाहीर केली यामध्ये प्रामुख्याने 18 नवीन चेहऱ्यांना संधी देत महायुतीसमोर राजकीय आव्हान उभं केलं आहे. त्यामुळे गोकुळच्या निवडणुकीत दूध संघाच्या सत्तेसोबतच महायुती विरुद्ध राजर्षी शाहू शेतकरी समविचारी आघाडी अशी राजकीय प्रतिष्ठेची लढाई रंगण्याची चिन्हं आहेत.

इतर महत्वाच्या बातम्या

Satej Patil: 'शशिकांत पाटील चुयेकरांसाठी तेव्हा मांडव घातला, फटाकड्या, गुलाल आणला होता; त्याच गुलालासाठी पहिले चेअरमन त्यांनाच करणार..' सतेज पाटलांची भावनिक साद

Nana Patekar Last Rites Makarand Anaspure Emotional Video Viral: सच्चा दोस्त, आधारस्तंभ हरपला; नाना पाटेकरांच्या जाण्यानं मकरंद अनासपुरे पुरते कोलमडले, डोळ्यांच्या कडा पाणावरा 'तो' क्षण, VIDEO

एबीपी माझा एंटरटेनमेंट डेस्क — Fri, 9 Oct 2026 12:25:49 +0530

Nana Patekar Last Rites Makarand Anaspure Emotional Video Viral: आपली प्रत्येक भूमिका दमदार अभिनय कौशल्याच्या जीवावर फुलवणारा अभिनेता म्हणजे, नाना पाटेकर (Nana Patekar). दिग्गज अभिनेत्याचं असं अचानक निरोप घेणं, प्रत्येकाच्याच मनाला चटका लावणारं ठरलंय. नाना पाटेकरांचं गोव्यात हृदयविकाराच्या झटक्यानं निधन (Nana Patekar Passes Away Goa Following Heart Attack.) झालं असून वयाच्या 75 व्या वर्षी त्यांनी अखेरचा श्वास घेतला. नानांच्या पार्थिवावर (Nana Patekar Funeral) त्यांच्या पुण्यातील (Pune News) डोणजे गावी रात्री उशीरा अंत्यसंस्कार करण्यात आले. त्यांचा मुलगा मल्हार पाटेकर आणि पत्नी नीलकांती पाटेकर यांनी नानांच्या अंत्यविधी पार पाडून त्यांना मुखाग्नी दिला. नानांना अखेरचा निरोप देण्यासाठी राजकीय वर्तुळातील मान्यवर आणि सिनेसृष्टीतील दिग्गज उपस्थित होते. याव्यतिरिक्त सर्वसामान्य आणि चाहत्यांनीही नानांच्या अंत्यसंस्काराला गर्दी केली होती. नानांना अखेरचा निरोप देताना सर्वांचेच डोळे पाणावलेले. या गर्दीत साऱ्यांच्या नजरा खिळल्या त्या मराठी सिनेसृष्टीतील दिग्गज अभिनेते मकरंद अनासपुरे (Marathi Acotr Makarand Anaspure) यांच्यावर. नानांच्या जाण्याचं दुःख त्यांच्या चेहऱ्यावर स्पष्ट दिसत होतं. नानांचं अंत्यदर्शन घेताना तर मकरंद अनासपुरे (Makarand Anaspure) यांच्या अश्रुंचा बांध फुटला.

नाना पाटेकर जेवढे संवेदनशील अभिनेते होते, तेवढेच ते समाजिक जाण असणारेही होते. आपण समाजाचं देणं लागतो, असं ते नेहमीच बोलायचे. त्यांनी स्वतःला समाजासाठी वाहून घेतलेलं. नाना पाटेकर आणि मकरंद अनासपुरे गेली अनेक वर्षे एकत्र काम करत होते. 2015 मध्ये दोघांनी मिळून 'नाम फाउंडेशन'ची स्थापना केलेली. या संस्थेअंतर्गत महाराष्ट्रातील दुष्काळी भागातील शेतकऱ्यांना आणि विशेषतः आत्महत्याग्रस्त शेतकऱ्यांच्या कुटुंबीयांना मदत केली जाते. नानांच्या निधनानंतर मकरंद अनासपुरे यांनी एक भाऊ, मार्गदर्शक आणि सामाजिक लढ्यातील त्यांचा सर्वात खंबीर आधारस्तंभ गमावला आहे. नुकतीच 15 सप्टेंबरला त्यांच्या 'नाम फाउंडेशन'ला 11 वर्ष पूर्ण झाली. पण, त्याच्या वर्धापन दिनाचा कार्यक्रम करण्यास नानांनी नकार दिला, कारण राज्यातील बळीराजावर ओढावलेलं दुष्काळाचं संकट.

नाना पाटकेरांसोबत सामाजिक कार्यात अगदी सावलीसारखे वावरणारे मकरंद अनासपुरेही मित्राचं अंत्यदर्शन घेताना कोलमडून गेल्याचं पाहायला मिळालं. मकरंद अनासपुरे 'नाम फाउंडेशन'चे सीईओ गणेश थोरात यांना घट्ट मिठी मारुन धायमोकलून रडताना दिसले. दोघांनाही आपल्या अश्रुंना आवर घालणं कठीण झालेलं. आपला आधारस्तंभ, मोठा भाऊ आणि सच्चा दोस्त गेल्याचं दुःख त्यांना आभाळापेक्षाही मोठं होतं. मकरंद अनासपुरे शोकाकूल झाल्याचं पाहायला मिळालं.

दरम्यान, ज्येष्ठ अभिनेते नाना पाटेकर यांचं वयाच्या 75 व्या वर्षी निधन झालंय. गोव्यातील राहत्या घरात नानांना हृदयविकाराचा झटका आला. दिग्गज अभिनेत्याच्या अशा अचानक जाण्यानं फक्त मनोरंजन विश्वच नाहीतर, अख्खा देश शोकाकूल झालाय. पुण्यातील त्यांच्या डोणजे गावी नाना पाटेकरांवर अंत्यसंस्कार करण्यात आले. त्यावेळी राजकारणातील मान्यवर, सिनेविश्वातील दिग्गज उपस्थित होते.

पाहा व्हिडीओ : Makrand Anaspure Cry : सच्चा दोस्त सोडून गेला, मकरंद अनासपुरे ढसढसा रडले...

महत्त्वाच्या इतर बातम्या :

Nana Patekar Last Rite Performed At Midnight: नाना पाटेकरांचे अंत्यविधी कुटुंबीयांनी सूर्यास्तानंतर, रात्री उशीरा का उरकले? थोरल्या लेकानं सांगितलं मोठं कारण

Parbhani: दुष्काळाने सोयाबीनचा हाती आलेला घास हिरावला! उरलं सुरलं पीक पदरात पाडण्यासाठी शेतकऱ्याची धडपड; परभणीतील विदारक चित्र

पंकज क्षीरसागर, एबीपी माझा, परभणी — Fri, 9 Oct 2026 12:24:50 +0530

Parbhani: परभणी जिल्ह्यात यंदा पावसाने पाठ फिरवल्याने खरीप हंगामाला मोठा फटका बसला असून, सोयाबीन उत्पादक शेतकरी आर्थिक संकटात सापडले आहेत. सोयाबीनच्या पिकातून चांगल्या उत्पन्नाची अपेक्षा असलेल्या शेतकऱ्यांच्या पदरी यंदा निराशा आली आहे. जिल्ह्याचं खरीप क्षेत्र हे साडेपाच लाख हेक्टर आहे. यातील तीन ते साडेतीन लाख हेक्‍टरवर सोयाबीन पेरलं गेलं.मात्र, पावसाअभावी अनेक भागांत सोयाबीनचे उत्पादन पूर्णपणे हातचे गेले असून, काही ठिकाणी एकरी अवघे एक ते दीड क्विंटल सोयाबीन शेतकऱ्यांच्या हाती लागत आहे.

सोयाबीन गेलं, खर्चही निघेना

सध्या जिल्ह्यात सोयाबीन काढणीचा हंगाम सुरू आहे. मात्र, शेतात उभ्या असलेल्या पिकातून अपेक्षित उत्पादन मिळत नसल्याने शेतकऱ्यांची चिंता वाढली आहे. काही शेतांमध्ये सोयाबीनचे उत्पादन शून्यावर आले आहे, तर काही शेतकऱ्यांना उरले-सुरले पीक पदरात पाडून घेण्यासाठी धडपड करावी लागत आहे. त्यामुळे यंदाचा खरीप हंगाम शेतकऱ्यांसाठी मोठे आर्थिक संकट घेऊन आला आहे. पूर्णा तालुक्यातील एका शेतकऱ्याने सोयाबीनच्या पाच बॅगची लागवड केली होती. यातून शेतकऱ्याच्या हाती अडीच क्विंटल पेक्षाही कमी एकरी सोयाबीन हाती लागले आहे. बियाण्यांच्या बॅगा हजार, सोयाबीन काढायला लागणाऱ्या खर्च दोन हजार रुपये, फवारणी आणि मजुरांचा खर्च वेगळाच. आता सोयाबीन विकायला शेतकऱ्याला त्याच्याच खिशातून पैसे टाकावे लागणार आहेत. खर्च तर निघालाच नाही, पण आहे ते जमापुंजीही सोयाबीन विकण्यासाठी लावण्याची वेळ शेतकऱ्यावर आली आहे.

सोयाबीन पिकासाठी शेतकऱ्यांनी बियाणे, खते, मशागत, फवारणी आणि मजुरीवर मोठ्या प्रमाणात खर्च केला. मात्र, पावसाअभावी उत्पादनात मोठी घट झाल्याने हा खर्चही भरून निघण्याची शक्यता कमी झाली आहे. उत्पन्नच हाती येत नसल्याने पुढील हंगामासाठी भांडवल उभे करायचे कसे, कुटुंबाचा खर्च भागवायचा कसा आणि कर्जाची परतफेड कशी करायची, असे अनेक प्रश्न शेतकऱ्यांसमोर उभे ठाकले आहेत. दुष्काळाच्या या संकटात सोयाबीनचा हातात आलेला घासही हिरावला गेल्याने शेतकऱ्यांचे आर्थिक गणित पूर्णपणे कोलमडले आहे. त्यामुळे नुकसानग्रस्त शेतकऱ्यांना शासनाकडून मदत मिळावी, अशी अपेक्षा व्यक्त केली जात आहे.

Weekly Horoscope: मिथुन, कर्क राशींचे लोक, खर्च जरा हात राखून करा, ऑक्टोबरचा दुसरा आठवडा कसा जाणार? साप्ताहिक राशीभविष्य..

एबीपी माझा वेब टीम — Fri, 9 Oct 2026 12:10:56 +0530

Weekly Horoscope 12 To 18 October 2026: ऑक्टोबर महिन्याचा नवा आठवडा लवकरच सुरु होणार आहे. वैदिक ज्योतिषशास्त्रानुसार, हा आठवडा फार महत्त्वाचा असणार आहे. कारण, या आठवड्यात शारदीय नवरात्रौत्सवाला सुरूवात होतेय. या काळात अनेक छोटे-मोठे ग्रहदेखील नक्षत्र तसेच, राशी परिवर्तन करणार आहेत. त्यामुळे ऑक्टोबर महिन्याचा नवीन आठवडा तुमच्यासाठी कसा असेल? तुमचा व्यवसाय, करिअर, आरोग्य आणि लव्ह लाईफ या काळात कशी असेल? मिथुन आणि कर्क राशींचे साप्ताहिक राशीभविष्य (Weekly Horoscope) जाणून घ्या.

मिथुन रास साप्ताहिक राशीभविष्य (Gemini Weekly Horoscope)

लव्ह लाईफ (Love Life): जोडीदाराशी संवाद वाढल्याने नात्यातील गैरसमज दूर होऊ शकतात. अविवाहित व्यक्तींना नवीन ओळख होण्याची शक्यता आहे. मात्र, कोणत्याही नात्याबाबत निर्णय घेताना घाई करू नका.

करिअर (Career): करिअरच्या बाबतीत बोलायचं झाल्यास, कामाच्या ठिकाणी तुमच्या कल्पनांना महत्त्व मिळू शकते. नवीन काम किंवा जबाबदारी स्वीकारण्याची संधी मिळेल. व्यावसायिकांनी ग्राहकांशी संवाद स्पष्ट ठेवावा. विद्यार्थ्यांनी अभ्यासात सातत्य राखावे.

आर्थिक स्थिती (Wealth): आर्थिक स्थितीच्या बाबतीत बोलायचं झाल्यास, नवीन आठवड्यात उत्पन्न आणि खर्च यांचा ताळमेळ राखणे आवश्यक आहे. अचानक काही खर्च उद्भवू शकतात. खरेदी किंवा गुंतवणुकीपूर्वी योग्य माहिती घ्या आणि बचतीकडे दुर्लक्ष करू नका.

आरोग्य (Health): मिथुन राशीच्या लोकांना या आठवड्यात धावपळीमुळे मानसिक थकवा जाणवू शकतो. पुरेशी झोप, नियमित आहार आणि विश्रांतीसाठी वेळ काढा. सतत त्रास जाणवल्यास डॉक्टरांचा सल्ला घ्या.

कर्क रास साप्ताहिक राशीभविष्य (Cancer Weekly Horoscope)

लव्ह लाईफ (Love Life): जोडीदाराकडून भावनिक आधार मिळू शकतो. मनातील गोष्टी स्पष्टपणे बोलल्यास नात्यात विश्वास वाढेल. अविवाहित व्यक्तींनी नवीन नात्याची सुरुवात करताना समोरच्या व्यक्तीला वेळ द्यावा..

करिअर (Career): करिअरच्या बाबतीत कामात जबाबदाऱ्या वाढण्याची शक्यता आहे. वरिष्ठ आणि सहकाऱ्यांशी समन्वय ठेवल्यास कामे सुरळीत पार पडतील. व्यवसायात नवीन संधींचा विचार करा; मात्र कोणताही करार करण्यापूर्वी अटी नीट वाचा..

आर्थिक स्थिती (Wealth): घर, कुटुंब किंवा वैयक्तिक गरजांवर खर्च होऊ शकतो. अनावश्यक खर्च टाळून आर्थिक नियोजन करा. इतरांना पैसे उधार देताना किंवा मोठी गुंतवणूक करताना काळजी घ्या.

आरोग्य (Health): आरोग्याच्या बाबतीत मानसिक तणाव आणि अनियमित दिनचर्या यांचा परिणाम जाणवू शकतो. ध्यान, हलका व्यायाम आणि पुरेशी विश्रांती यासाठी वेळ द्या. आरोग्याच्या तक्रारींकडे दुर्लक्ष करू नका.

हेही वाचा :

Sarva Pitri Amavasya 2026: 10 ऑक्टोबरची 'सर्वपित्री' अमावस्या अद्भूत! 3 राशींचं भाग्य फळफळलं, शनि अमावस्येता पॉवरफुल योगायोग, श्राद्धाचा मुहूर्त, महत्त्व...

(टीप : वरील सर्व बाबी एबीपी माझा कवळ माहिती म्हणून वाचक-प्रेक्षकांपर्यंत पोहोचवत आहे. यातून एबीपी माझा कोणताही दावा करत नाही.)

CJP आंदोलनापूर्वीच दिल्लीच्या चौफेर नाकेबंदीची तयारी? दिल्लीला येणाऱ्या अनेक गाड्या मुळ स्थानकातून रद्द, 57 मेट्रो स्थानके बंद, पोलिसांनी 10 छावण्या उभारल्या, CJP कार्यकर्त्यांची देशव्यापी धरपकड

परशराम पाटील, एबीपी माझा — Fri, 9 Oct 2026 12:00:22 +0530

Delhi CJP Protest: नवी दिल्ली आणि हजरत निजामुद्दीन स्थानकांवर येणाऱ्या सर्व मेल आणि एक्सप्रेस गाड्या उद्या रद्द करण्यात येतील. रेल्वेने या गाड्या त्यांच्या मूळ स्थानकांवरूनच रद्द केल्या आहेत. सीजेपी आणि डाव्या विचारसरणीच्या संघटनांनी सरकारवर देशभरात समर्थकांना ताब्यात घेतल्याचा आरोप केला आहे. आंदोलनाच्या पार्श्वभूमीवर पोलिसांनी 57 मेट्रो स्थानके बंद करण्याचा आणि 10 नजरबंदी केंद्रे उभारण्याचा निर्णय घेतला आहे. कॉकरोच जनता पक्षाने सांगितले की, दिल्लीला जात असताना पुण्यातील विद्यार्थ्यांना वाटेतच ताब्यात घेण्यात आले. त्यांना बसने एका अज्ञात ठिकाणी नेण्यात आले. सीजेपीने मध्य प्रदेशातील एक व्हिडिओ देखील शेअर केला, ज्यामध्ये तरुण धावत्या बसमध्ये दिसत आहेत. एका तरुणाने दावा केला आहे की त्याला मध्य प्रदेश पोलिसांनी ताब्यात घेतले आहे.

पोलीस हॉटेलची नोंदवही आणि ओळखपत्रांची तपासणी करत आहेत.

दुसरीकडे, दिल्ली पोलीस हॉटेल्स आणि गेस्ट हाऊसमधील नोंदी तपासत आहेत. तेथे थांबलेल्या पाहुण्यांची ओळखपत्रे आणि माहिती बारकाईने तपासली जात आहे.

8 ते 11 ऑक्टोबर दरम्यान पाळत

संशयास्पद वाटणाऱ्या पाहुण्यांची थेट चौकशी केली जात आहे. 8 ते 11 ऑक्टोबर दरम्यान वास्तव्य केलेल्यांच्या नोंदींची छाननी केली जात आहे.

तरुणांच्या गटांची चौकशी

गटागटाने आलेल्या लोकांवर बारकाईने लक्ष ठेवले जात आहे. विशेषतः 20 ते 30 वयोगटातील तरुणांना त्यांच्या दिल्ली प्रवासाविषयी विचारले जात आहे.

दुसऱ्याच्या मालकीची खोली, दुसऱ्याचे वास्तव्य

जर दुसऱ्या कोणी खोली बुक केली असेल आणि तिथे दुसरे कोणी राहिले असेल, तर अशा प्रकरणांची कसून चौकशी केली जात आहे. हॉटेलच्या रजिस्टरमधून खऱ्या ओळखपत्रांची पडताळणी केली जात आहे.

बस आणि मार्गांवर दक्षता

नवी दिल्लीकडे गर्दी जमू नये यासाठी बस ऑपरेटर आणि त्यांच्या बुकिंगवर लक्ष ठेवले जात आहे.

स्थानके आणि विमानतळांवर तपासणी

रेल्वे स्थानके आणि विमानतळांच्या आसपास मोठ्या गटांमध्ये येणाऱ्या लोकांवरही पोलीस कडक नजर ठेवून आहेत.

आंदोलनांपूर्वी लोकांना ताब्यात घेतले

अभिजीत दीपके यांनी बंगळूरमधील आंदोलनांपूर्वी एका सोशल मीडिया पोस्टद्वारे सरकारवर निशाणा साधला होता. त्यांनी लिहिले होते, "तुमच्याकडे सत्ता असेल, पण रस्ते आमचे आहेत." इथेच आपण आपली लोकशाही परत मिळवू. दुसऱ्या एका पोस्टमध्ये, त्याने दावा केला की 10 ऑक्टोबरच्या आंदोलनाच्या पार्श्वभूमीवर मोठ्या संख्येने लोकांना ताब्यात घेतले जात आहे. त्याने लिहिले, "लोकांना तुरुंगात टाकून आंदोलनाचा आवाज दाबला जाऊ शकतो, असे मोदींना वाटते. जेवढ्या जास्त लोकांना ताब्यात घेतले जाईल, तेवढे जास्त लोक आंदोलनात सामील होतील."

10 ऑक्टोबर रोजी दिल्लीतील जंतर मंतरवर सीजेपीचे आंदोलन

ज्ञानेश कुमार यांच्या राजीनाम्याच्या मागणीसाठी 'कॉकरोच पार्टी' 10 ऑक्टोबर रोजी दिल्लीत आंदोलन करणार आहे. 2 ऑक्टोबरच्या रात्री, दीपके यांनी 'एक्स'वर पोस्ट करत म्हटले की, जर ज्ञानेश कुमार यांनी राजीनामा दिला नाही, तर देशभरातील कॉकरोच दिल्लीत पोहोचतील. त्याने असेही म्हटले की, जर दिल्ली पोलिसांनी आंदोलकांना जंतर मंतरपर्यंत पोहोचण्यापासून रोखले, तर त्यांना जिथे थांबवले जाईल तिथे जंतर मंतर उभारले जाईल.

इतर महत्वाच्या बातम्या

INDIA Aghadi Protest: INDIA आघाडीच्या आंदोलनाला महाराष्ट्र काँग्रेसच्या खासदारांची दांडी, हायकमांड प्रचंड नाराज, प्रभारींनी फोन करून सुनावले खडेबोल; नेमकं काय घडलं?

ABP Majha Top 10, 9 October 2026 : आजच्या ब्रेकिंग न्यूज वाचा, एबीपी माझा दुपारच्या बुलेटिनमधील टॉप 10 हेडलाईन्स वाचा - Afternoon

एबीपी माझा वेब टीम — Fri, 9 Oct 2026 12:00:04 +0530

ABP Majha Top 10, 9 October 2026 : आजच्या ठळक घडामोडी, Breaking News Today, सकाळच्या ब्रेकिंग न्यूज, वाचा एबीपी माझाच्या सकाळच्या टॉप १० हेडलाईन्स - Morning
Top 10 ABP Majha Morning Headlines, 9 October 2026 : एबीपी माझा सकाळच्या बुलेटीनमधील टॉप 10 हेडलाईन्स या ठिकाणी वाचायला मिळतील. Read More
ABP Majha Top 10, 8 October 2026 : आजच्या ठळक बातम्या, Breaking News Today, संध्याकाळच्या ताज्या बातम्या, वाचा एबीपी माझाच्या संध्याकाळच्या टॉप १० हेडलाईन्स - Evening
Check Top 10 ABP Majha Evening Headlines, 8 October 2026 : एबीपी माझा संध्याकाळच्या बुलेटिनमधील टॉप 10 हेडलाईन्स या ठिकाणी वाचायला मिळतील. Read More
Congress Vs CJP : टार्गेट एक, रस्ता वेगळा! राहुल गांधी अन् सीजेपीचा एकाच मुद्द्यावरून केंद्र सरकारवर दुहेरी हल्ला; श्रेय कुणाचे?
Congress CJP Political Rivalry : नीट पेपरफुटीपासून ते मुख्य निवडणूक आयुक्तांच्या राजीनाम्याच्या मागणीपर्यंत, काँग्रेस आणि CJP एकाच मुद्द्यावर रान उठवत असले तरी दोघांमधील राजकीय चढाओढ आता उघड झाली आहे. Read More
USA : अमेरिकनं भारताच्या टीसीएस,एचसीएल, विप्रोला PERM मधून वगळलं, पर्मनंट लेबर सर्टिफिकेशन प्रोग्राम नेमका काय?
USA : अमेरिकेनं आयटी कंपन्यांना दणका दिला आहे. पर्मनंट लेबर सर्टिफिकेशन प्रोग्राममधून भारतीय आयटी कंपन्यांना वगळलं आहे. Read More
Nana Patekar Goa Police Registers Unnatural Death Case: गोवा पोलिसांकडून नाना पाटेकरांच्या अनैसर्गिक मृत्यूची नोंद, पोस्टमॉर्टम रिपोर्टकडे लक्ष
Nana Patekar Goa Police Registers Unnatural Death Case: अभिनेते नाना पाटेकर यांचा गोव्यात हृदयविकाराच्या झटक्यानं मृत्यू झालाय. दिग्गज अभिनेत्याच्या मृत्यूप्रकरणी गोवा पोलिसांनी अनैसर्गिक मृत्यूची नोंद केली आहे. Read More
Dipali Sayyed And Vivekanand Patil MPSC Protest: दीपाली सय्यदचं एक वाक्य आणि प्रचंड गोंधळ; विवेकानंद पाटीलने सांगितलं, आम्ही एपस्टीन फाईल्स बघू, आंदोलनस्थळी काय घडलं?
Dipali Sayyed And Vivekanand Patil MPSC Protest Pune Marathi News: एमपीएससी विद्यार्थ्यांच्या आंदोलनाला पाठिंबा देण्यासाठी अभिनेत्री आणि शिंदेंच्या शिवसेनेच्या नेत्या दीपाली सय्यद देखील आंदोलनस्थळी पोहोचल्या होत्या. Read More
पाकिस्तानला धक्का, भारतात होणाऱ्या चॅम्पियन्स ट्रॉफीतून वगळलं, पाकची मागणी अमान्य करत बागंलादेशला संधी
Asian Hockey Champions Trophy 2026: भाराकडून आशियाई चॅम्पियन्स ट्रॉफीचं आयोजन केलं जाणार आहे. या स्पर्धेतून पाकिस्तानची मागणी अमान्य करत त्यांना बाहेरचा रस्ता दाखवण्यात आला आहे. Read More
Smriti Mandhana: \'कॅप्टनशीप भेटेल आमच्या डोक्यातही नव्हतं..\' स्मृती मानधना टीम इंडियाची कॅप्टन होताच वडिलांचा आनंद गगनात मावेना, लेकीच्या त्या कटू प्रसंगावरही बोलले
Smriti Mandhana: एक टी-20 वर्ल्ड कप आणि सेकंड ऑलिम्पिकचं गोल्ड मेडल इंडियामध्ये आणून द्यावे हीच आमची इच्छा आहे, स्वप्न आहे तिच्या कारकिर्दीमध्ये, असेही त्यांनी नमूद केले. Read More
Heart Health: हृदयाचे पंपिंग सामान्य म्हणजे धोका कमी की जास्त? जाणून घ्या EF किती असणं योग्य
Heart Health: इजेक्शन फ्रॅक्शन (इएफ) किंचित कमी झालेल्या परंतु अस्तित्वात असलेल्या हृदयविकाराच्या रुग्णांना परिणामांवर आधारित सेवेची गरज Read More
हवाई प्रवाशांना मोठा फटका! सणासुदीच्या मुहूर्तावर हवाई प्रवास महागला, नेमकी किती झाली वाढ?
सणासुदीच्या काळात विमानाने प्रवास करणाऱ्यांना महागाईचा फटका बसणार आहे. कारण देशातील प्रमुख विमान कंपन्यांनी विमान भाड्यावरील इंधन अधिभारात वाढ जाहीर केली आहे. Read More

Parinay Fuke : नितीन गडकरींचा फोन, प्रदेशाध्यक्ष रवींद्र चव्हाणांची घर गाठत मनधरणी, तरीही अनिल सोलेंचा बंडाचा झेंडा; आता भाजप नेत्यानं माघारीबाबत विश्वास दर्शवला, इतिहास सांगितला

रजत वशिष्ठ, एबीपी माझा — Fri, 9 Oct 2026 11:51:45 +0530

Parinay Fuke : नागपूर विभाग पदवीधर मतदार संघातून भाजपचे बंडखोर उमेदवार आणि माजी आमदार अनिल सोले नॉट रिचेबल झाले आहे. त्यामुळे या मतदारसंघात (Nagpur Graduate Constituency Election 2026) बंडखोरी शमवण्यासाठीच्या भाजपच्या प्रयत्नांना एकप्रकारे जबर धक्का बसताना दिसतो आहे. एकीकडे पक्षश्रेठींसह भाजपच्या नेत्यांकडून सातत्याने अनिल सोलेंची मनधरणी सुरु आहे. अशातच अनिल सोले (Anil Sole) भाजप पक्षाचे जेष्ठ नेते आणि कार्यकर्त आहे. ते आज माघार घेतील असा विश्वास भाजप नेते परिणय फुके (Parinay Fuke) यांनी व्यक्त केला आहे. मुख्यमंत्री देवेंद्र फडणवीस अनिल सोले यांच्याशी बोलले, आज नितीन गडकरी साहेब बोलतील, तर ते निश्चित माघार घेतील, असेही परिणय फुके म्हणाले. तर अनिल सोले अनेक वर्षापासून भाजपमध्ये काम करत आहे. त्यामुळे त्यांच्या प्रेमापोटी काही नेते मदत करत असतीलही. मात्र भाजपमध्ये विदर्भात कोणी बंडखोरी केली तर अनिल सोले त्यामध्ये मार्ग काढायचे, त्यामुळे ते स्वतः देखील माघार घेतील असा इतिहास सांगत परिणय फुके यांनी अनिल सोलेंच्या उमेदवारी माघारीबाबत विश्वास दर्शवला आहे. (Parinay Fuke on Anil Sole)

Parinay Fuke: कोणताही उमेदवार निवडून आला तरी महायुती म्हणून तो जनतेचा आवाज मांडणार

आपल्या कार्यकर्त्याला उमेदवारी मिळावी, अशी सर्वांची इच्छा असते. मात्र, ज्या पक्षाची ताकद त्याप्रमाणे उमेदवारी देण्यात आली. कोणताही उमेदवार निवडून आला तरी महायुती म्हणून तो जनतेचा आवाज मांडणार. आपण राजकारणात लोकांच्या सेवेसाठी आलो. त्यामुळे कोणतं पद असो नसो काही फरक पडत नाही, असेही आमदार परिणय फुके म्हणाले.

मुख्यमंत्री देवेंद्र फडणवीस, केंद्रीय गृहमंत्री अमित शाह यांना भेटून राज्याची स्थिती सांगितली. त्याची दखल घेत पथक येऊन महाराष्ट्रालाल दुष्काळाची मोठी मदत होणार असेही आमदार परिणय फुके म्हणाले. तर राहुल गांधी यांना त्यांच्या पक्षातील नेते, कार्यकर्ते ऐकत नाहीत. राहुल गांधी यांची पप्पूची भूमिका अजून कायम आहे, अशी टीकाही त्यांनी राहूल गांधींवर केली आहे.

Anil Sole: रवींद्र चव्हाण यांनी अनिल सोले यांचे घर गाठत त्यांची मनधरणी करण्याचा प्रयत्न केला, मात्र...

पूर विभाग पदवीधर मतदार संघातून अनिल सोले पुन्हा उमेदवारीसाठी इच्छुक असताना यंदा पक्षाने त्यांना उमेदवारी न देता सुधाकर कोहळे यांना उमेदवारी दिली होती. त्यानंतर 5 ऑक्टोबर रोजी अनिल सोले यांनी अपक्ष उमेदवार म्हणून उमेदवारी अर्ज दाखल केला होता. तसेच त्याच दिवशी संध्याकाळी प्रदेशाध्यक्ष रवींद्र चव्हाण यांनी अनिल सोले यांचे घर गाठत त्यांची मनधरणी करण्याचा प्रयत्न केला होता. मात्र तेव्हा अनिल सोले यांची रवींद्र चव्हाण यांच्यासोबत भेट झाली नाही. तेव्हापासून अनिल सोले सातत्याने नागपूरच्या बाहेर असून गेले दोन दिवस ते नॉट रीचेबल (त्यांचा फोन बंद आहे) झाल्याची माहिती आहे.

Nagpur BJP: नितीन गडकरी यांच्या निवासस्थानी भाजपच्या कोअर कमिटीची बैठक; अनिल सोले यांच्या भूमिके संदर्भात सखोल चर्चा

विशेष म्हणजे पदवीधर मतदारसंघाच्या रणनीतीसाठी केंद्रीय मंत्री नितीन गडकरी यांच्या निवासस्थानी भाजपच्या कोअर कमिटीची बैठक झाली होती. पक्षाच्या प्रमुख नेत्यांच्या उपस्थितीत झालेल्या या बैठकीत अनिल सोले यांच्या भूमिके संदर्भात सखोल चर्चा करण्यात आली. या बैठकीत नितीन गडकरी यांनी सोले यांच्याशी संपर्क साधण्याच्या सूचना दिल्या. बैठकीतूनही सोले यांना दूरध्वनीवर संपर्क साधण्याचे प्रयत्न करण्यात आले. मात्र सोले यांचा मोबाईल बंद असल्याने संपर्क झाले नाही. सोले यांच्या निकटवर्तीयांचेही मोबाईल बंद असल्यामुळे भाजपची चिंता वाढली आहे.

दरम्यान, आज उमेदवारी अर्ज मागे घेण्याची अंतिम मुदत असताना आज संध्याकाळी पाच वाजता अनिल सोले यांच्या प्रचार कार्यालयाचे उद्घाटन होणार असल्याचे मेसेज सोशल मीडियावर फिरत आहे. विशेष म्हणजे भाजपचे माजी आमदार गिरीश व्यास यांच्या बडकस चौकावरील कार्यालयात सोले यांचे प्रचार कार्यालय राहणार आहे.

इतर महत्वाच्या बातम्या

Nagpur BJP: बंडोबांना थंड करण्यासाठी भाजपच्या वरिष्ठांचाही जोरदार प्रयत्न; नितीन गडकरींचा अनिल सोलेंना फोन, पण...; नागपूर पदवीधर मतदारसंघात भाजपचं टेन्शन वाढलं

Someshwar Sugar Factory : सोमेश्वर साखर कारखान्याच्या निवडणुकीत बंडखोरी केलेल्या पुरुषोत्तम जगतापांची पक्षातून हाकालपट्टी; तालुकाध्यक्षांनी केली कारवाई, कारण देताना म्हणाले...

जयदीप भगत, बारामती — Fri, 9 Oct 2026 11:50:19 +0530

बारामती : सोमेश्वर सहकारी साखर कारखान्याच्या निवडणुकीत ( Someshwar Sugar Factory election) राष्ट्रवादी काँग्रेसमधून (NCP) बंडखोरी केलेले पुरुषोत्तम जगताप यांना राष्ट्रवादीतून निलंबित करण्यात आलं आहे. सोमेश्वर सहकारी साखर कारखान्याच्या निवडणुकीत बंडखोरी करीत भाजपच्या (BJP) सहाय्याने पुरुषोत्तम जगताप (Purushottam Jagtap) यांनी पॅनल उभा केल्यानं त्यांच्यावरती निलंबनाची कारवाई करण्यात आली आहे. राष्ट्रवादी काँग्रेसचे तालुकाध्यक्ष संदीप बांदल ही कारवाई केली आहे.राष्ट्रवादी काँग्रेसचे तालुकाध्यक्ष संदीप बांदल यांनी निलंबनाची माहिती देताना सांगितलं की, "या ठिकाणी खऱ्या अर्थानं माजी चेअरमन आणि काही आमच्या संचालकांनी पक्षविरोधी भूमिका घेतलेली आहे, त्यांनी पक्षविरोधी भूमिका घेतल्यामुळे त्यांना आम्ही पक्षातून निलंबित करत आहोत आणि खऱ्या अर्थानं या ठिकाणी आदरणीय दादांचे विचार आपण पुढे घेऊन जात असताना या लोकांनी अतिशय चुकीचं काम त्या ठिकाणी केल्यामुळे त्यांना आम्ही पक्षातून निलंबित करत आहोत, असंही यावेळी बांदल यांनी म्हटलं आहे.

सोमेश्वर सहकारी साखर कारखान्याच्या निवडणुकीच्या पार्श्वभूमीवर राजकीय घडामोडींना वेग आला असून, विद्यमान चेअरमन पुरुषोत्तम जगताप यांनी स्वतंत्र पॅनल उभे केल्याने राष्ट्रवादी काँग्रेसच्या अजित पवार गटात मोठी हालचाल सुरू झाली आहे. निवडणुकीत अजित पवार गटापासून वेगळी भूमिका घेत स्वतंत्र पॅनल उभे करणाऱ्या पुरुषोत्तम जगताप यांच्यासह त्यांच्या पॅनलमधील सदस्यांची पक्षातून हकालपट्टी करण्यात आल्याची घोषणा करण्यात आली. सोमेश्वर सहकारी साखर कारखान्याची निवडणूक जाहीर झाल्यानंतर विद्यमान चेअरमन पुरुषोत्तम जगताप यांनी अजित पवार यांच्या नेतृत्वाखालील राष्ट्रवादी काँग्रेसपासून वेगळी भूमिका घेत स्वतंत्र पॅनल निवडणुकीच्या रिंगणात उतरवले. त्यामुळे कारखान्याच्या निवडणुकीतील राजकीय समीकरणांमध्ये बदल झाला असून, या घडामोडींकडे तालुक्याचे लक्ष लागले आहे.

या पार्श्वभूमीवर राष्ट्रवादी काँग्रेसच्या अजित पवार गटाच्या वतीने जिल्हाध्यक्ष राजेंद्र कोरेकर, संभाजी होळकर आणि बारामतीचे नगराध्यक्ष सचिन सातव यांनी पत्रकार परिषद घेतली. यावेळी पक्षाची भूमिका स्पष्ट करताना तालुकाध्यक्ष संदीप बांदल यांनी पुरुषोत्तम जगताप यांनी पक्षाच्या भूमिकेपासून दूर जात स्वतंत्र पॅनल उभे केल्याच्या पार्श्वभूमीवर त्यांच्यासह त्यांच्या पॅनलमधील सदस्यांची पक्षातून हकालपट्टी केल्याचे जाहीर केले. सोमेश्वर कारखान्याच्या निवडणुकीत यापूर्वीच तीन पॅनल निवडणुकीच्या रिंगणात उतरल्याने चुरस निर्माण झाली आहे. त्यात विद्यमान चेअरमन पुरुषोत्तम जगताप यांनी स्वतंत्र पॅनल उभे केल्याने अजित पवार गटासमोर नवे राजकीय आव्हान उभे राहिले आहे. आता पक्षाने केलेल्या हकालपट्टीच्या कारवाईमुळे या निवडणुकीतील राजकीय संघर्षाला आणखी धार येण्याची शक्यता आहे.

Someshwar Sugar Factory : निवडणुकीचा आजचा प्रचाराचा शेवटचा दिवस

सोमेश्वर सहकारी साखर कारखान्याच्या निवडणुकीचा आजचा प्रचाराचा शेवटचा दिवस आहे. आज सोमेश्वर सहकारी साखर कारखान्याच्या प्रचाराच्या तोफा थंडावतील परंतु या निवडणुकीत राष्ट्रवादी विरुद्ध राष्ट्रवादी विरुद्ध भाजपच्या साथीने पुरुषोत्तम जगताप यांनी तिसरं पॅनल उभं केलं या निवडणुकीत आणखी रंगत आली आहे. 21 जागांसाठी तब्बल 83 उमेदवार मैदानात आहेत. सोमेश्वर कारखान्याच्या परिसरात आज तिन्ही पॅनलच्या सांगता सभा होणार आहेत. या निवडणुकीत राष्ट्रवादी कॉंग्रेस पुरस्कृत श्री सोमेश्वर विकासपुरुष अजितदादा पवार पॅनल उभं केलं आहे. याचे नेतृत्व सुनेत्रा पवार करीत आहेत ज्यांचे चिन्ह कपबशी आहे. या पॅनेलची सांगता सभा सुनेत्रा पवार, विजय शिवतरे आणि राष्ट्रवादीचे अन्य नेते यांच्या उपस्थितीत पार पडेल. शरद पवार गटाचे सोमेश्वर शेतकरी विकास पॅनल मैदानात आहे. याचे नेतृत्व युगेंद्र पवार करत आहेत. यांचे चिन्ह किटली आहे आज सांगता सभेला राष्ट्रवादी काँग्रेस शरदचंद्र पवार पक्षाचे प्रदेशाध्यक्ष शशिकांत शिंदे तसेच खासदार सुप्रिया सुळे यांच्या उपस्थितीत ही सभा पार पाडणार आहे.

राष्ट्रवादी मधून बंडखोर पुरूषोत्तम जगताप यांनी भाजपच्या साह्याने लोकनेते अजितदादा सोमेश्वर विकास पॅनल उभं केलं आहे. ज्याचे चिन्ह शिट्टी आहे. या सांगता सभेला पुरुषोत्तम जगताप पुरंदर हवेली चे माजी आमदार भाजप नेते संजय जगताप आणि शरद पवार गटाचे पुरंदर तालुक्यातील दोन नेते माणिकराव झेंडे आणि सुदाम इंगळे यांची उपस्थिती असेल. आज सोमेश्वर सहकारी साखर कारखान्याच्या परिसरामध्ये तिनी पॅनलच्या सांगता सभा पार पडतील. अकरा तारखेला सकाळी आठ वाजल्यापासून मतदानाला सुरुवात होईल या निवडणुकीत सुनेत्रा पवारांची प्रतिष्ठापणा लागलेली आहे तसेच युगेंद्र पवारांची देखील प्रतिष्ठापनाला लागली आहे.. सोबत भाजपदेखील या निवडणुकीत पुरुषोत्तम जगताप यांच्या साह्याने कडवा आव्हान सुनेत्रा पवार आणि युगेंद्र पवार यांना देत आहे. त्याच्यामुळे या निवडणुकीमध्ये कोण बाजी मारत हे पाहणं महत्त्वाचं असलं तरी आजच्या सांगता सभेमध्ये कोण काय बोलतोय याकडे सर्वांचे लक्ष लागले असेल आज संध्याकाळी या सभा पार पडतील.

Weekly Horoscope : तूळ, वृश्चिक, धनु, मकर, कुंभ, मीन राशींसाठी ऑक्टोबरचा नवा आठवडा भाग्याचा; 6 पैकी 4 राशींवर देवीची कृपा, साप्ताहिक राशीभविष्य

एबीपी माझा वेब टीम — Fri, 9 Oct 2026 11:46:22 +0530

Weekly Horoscope 12 To 18 October 2026 : वैदिक ज्योतिष शास्त्रानुसार, लवकरच ऑक्टोबरचा (October 2026) दुसरा आठवडा सुरु होतोय. या आठवड्यात नवरात्रीला देखील सुरुवात होणार आहे. त्यामुळे हा आठवडा फार खास असणार आहे. तसेच, ग्रहांच्या संक्रमणाने देखील पाहिल्यास या कालावधीत बुध ग्रह, शुक्र आणि सूर्याचं संक्रमण होणार आहे. त्यामुळे कोणत्या राशींसाठी हा आठवडा भाग्यशाली ठरतो हे पाहणं महत्त्वाचं असणार आहे. यासाठीच तूळ ते मीन अशा सहा राशींचं साप्ताहिक राशीभविष्य जाणून घेऊयात.

तूळ रास (Libra Weekly Horoscope)

12 ते 18 ऑक्टोबर हा आठवडा तूळ राशीच्या व्यक्तींसाठी नवीन संधी आणि सकारात्मक बदल घेऊन येऊ शकतो. नोकरी-व्यवसायात तुमच्या कामाचे कौतुक होण्याची शक्यता आहे. आर्थिक बाबतीत उत्पन्न आणि खर्च यांचा समतोल राखणे महत्त्वाचे ठरेल. प्रेमजीवनात जोडीदाराची साथ मिळेल आणि कुटुंबात आनंदाचे वातावरण राहू शकते. आरोग्याच्या बाबतीत कामाचा ताण टाळून विश्रांतीकडे लक्ष द्या.

वृश्चिक रास (Scorpio Weekly Horoscope)

वृश्चिक राशीच्या व्यक्तींसाठी हा आठवडा आत्मविश्वासाने पुढे जाण्याचा ठरू शकतो. करिअरमध्ये नवीन जबाबदाऱ्या मिळू शकतात, तर व्यवसायात विचारपूर्वक घेतलेले निर्णय फायदेशीर ठरू शकतात. आर्थिक व्यवहार करताना घाई करू नका आणि गुंतवणुकीपूर्वी योग्य माहिती घ्या. प्रेमसंबंधांमध्ये मनातील भावना स्पष्टपणे व्यक्त केल्यास नात्यातील जवळीक वाढेल. आरोग्यासाठी पुरेशी झोप आणि संतुलित आहार आवश्यक असेल.

धनु रास (Saggitarius Weekly Horoscope)

धनु राशीच्या व्यक्तींना या आठवड्यात नवीन गोष्टी शिकण्याची आणि प्रगती करण्याची संधी मिळू शकते. नोकरीच्या शोधात असलेल्यांनी प्रयत्न सुरू ठेवावेत, तर व्यावसायिकांनी नवीन योजनांचे नियोजन करावे. आर्थिक स्थिती सुधारण्यासाठी खर्चाचे योग्य नियोजन करा. प्रेमजीवनात आनंदाचे क्षण मिळू शकतात आणि मित्रपरिवारासोबत वेळ घालवण्याची संधी मिळेल. आरोग्याच्या बाबतीत नियमित व्यायाम आणि दिनचर्येकडे लक्ष देणे फायदेशीर ठरेल.

मकर रास (Capricorn Weekly Horoscope)

मकर राशीच्या व्यक्तींसाठी हा आठवडा मेहनत आणि जबाबदाऱ्या वाढवणारा ठरू शकतो. कामाच्या ठिकाणी संयमाने आणि शिस्तीने काम केल्यास चांगले परिणाम मिळू शकतात. आर्थिक बाबतीत बचतीवर भर द्या आणि मोठे खर्च करण्यापूर्वी विचार करा. कुटुंबातील जबाबदाऱ्या पार पाडताना जोडीदाराला वेळ देणेही महत्त्वाचे असेल. प्रेमसंबंधांमध्ये समजूतदारपणा ठेवा. आरोग्यासाठी काम आणि विश्रांती यांचा समतोल राखा.

कुंभ रास (Aquarius Weekly Horoscope)

कुंभ राशीच्या व्यक्तींसाठी हा आठवडा नवीन कल्पना आणि वेगळ्या संधींचा विचार करण्यासाठी अनुकूल ठरू शकतो. करिअरमध्ये सहकाऱ्यांच्या मदतीने काही महत्त्वाची कामे पूर्ण होण्याची शक्यता आहे. आर्थिक व्यवहारांमध्ये सावधगिरी बाळगा आणि अनावश्यक खर्च टाळा. प्रेमजीवनात संवाद वाढल्याने गैरसमज दूर होऊ शकतात. कुटुंब आणि मित्रांकडून भावनिक आधार मिळू शकतो. आरोग्यासाठी मानसिक ताण कमी करण्याचा प्रयत्न करा आणि पुरेशी विश्रांती घ्या.

मीन रास (Pisces Weekly Horoscope)

मीन राशीच्या व्यक्तींसाठी हा आठवडा भावनिक समतोल राखण्यासोबतच ध्येयांवर लक्ष केंद्रित करण्याचा ठरू शकतो. नोकरी-व्यवसायात नवीन कामे मिळू शकतात; मात्र महत्त्वाचे निर्णय घेताना घाई टाळा. आर्थिक बाबतीत नियोजन केल्यास खर्चावर नियंत्रण ठेवता येईल. प्रेमजीवनात जोडीदारासोबतचे संबंध अधिक दृढ करण्यासाठी एकमेकांच्या भावना समजून घ्या. कुटुंबातील व्यक्तींचे सहकार्य मिळू शकते. आरोग्याच्या दृष्टीने पुरेशी झोप, संतुलित आहार आणि नियमित दिनचर्या यांना प्राधान्य द्या.

(टीप : वरील सर्व बाबी एबीपी माझा केवळ माहिती म्हणून वाचक-प्रेक्षकांपर्यंत पोहोचवत आहे. यातून एबीपी माझा कोणताही दावा करत नाही.)

इतर महत्त्वाच्या बातम्या :

Weekly Horoscope : मेष ते मीन, सर्व 12 राशींसाठी ऑक्टोबरचा दुसरा आठवडा कसा असणार? वाचा लकी कलर, नंबर आणि टीप

Navnath Ban on Vivekanand Patil: विवेकानंद पाटलांच्या आव्हानाला नवनाथ बन यांचं प्रत्युत्तर; नाथ संप्रदायातील परंपरा सांगत म्हणाले, 'अहंकाराचा वारा तुम्हाला लागलाय...'

अभिषेक मुठाळ — Fri, 9 Oct 2026 11:41:07 +0530

Navnath Ban on Vivekanand Patil: पेपरफुटीच्या घटनांनंतर महाराष्ट्र लोकसेवा आयोगाच्या (MPSC) अध्यक्षांच्या राजीनाम्याची मागणी करत पुण्यात सुरू असलेल्या विद्यार्थ्यांच्या आंदोलनावरून आता राजकीय आणि वैयक्तिक आरोप-प्रत्यारोपांचा कलगीतुरा चांगलाच रंगला आहे. या आंदोलनाचा मुख्य चेहरा बनलेले विवेकानंद पाटील (Vivekanand Patil) यांनी भाजप (BJP) प्रवक्त्यांकडून होत असलेल्या टीकेचा खरपूस समाचार घेतला होता. उच्च न्यायालयाने (High Court) विद्यार्थ्यांना आंदोलन मागे घेण्याची विनंती केली असली, तरी जोपर्यंत आयोगाच्या अध्यक्षांचा राजीनामा होत नाही, तोपर्यंत आंदोलन सुरूच राहील असा निर्धार विवेकानंद पाटील यांनी व्यक्त केला होता. लोकशाही आणि संविधानाच्या चौकटीत राहून आम्ही मागण्या मांडत असल्याचे सांगत त्यांनी भाजप प्रवक्ते नवनाथ बन यांच्या बौद्धिक कुवतीवर आणि 'उकीरडा बुद्धी' असल्याचा आरोप करत प्रश्न उपस्थित केले होते.

विवेकानंद पाटील यांच्या या टीकेला आता भाजप प्रवक्ते नवनाथ बन यांनी आक्रमकपणे प्रत्युत्तर दिले आहे. नवनाथ बन म्हणाले की, एमपीएससी आंदोलनाचा आज तिसरा भांडाफोड केला जाणार असून त्याचा तिसरा पार्ट समोर येणार आहे. काल पुन्हा एकदा माझ्यावर वैयक्तिक टीका करण्यात आली आणि 250 मार्कांचा पेपर सोडवण्यास सांगण्यात आले. मला विवेकानंदला इतकंच सांगायचं आहे की, ज्ञानोबांनी नाथ परंपरा भागवत धर्मापर्यंत आणून ठेवली आहे. आम्ही नाथपंथी आहोत याचा आम्हाला अभिमान आहे आणि मंत्राचा जप करत लहानाचा मोठा झालेला मी आहे.

Navnath Ban on Vivekanand Patil: पुस्तकात वाचून उत्तर दिले तरी चालेल

त्यामुळे विवेकानंद यांनी आपल्या ज्ञानाचा अहंकार करू नये, कारण अहंकाराचा वारा तुम्हाला लागला आहे. मी प्रश्नाचे उत्तर देणं टाळत होतो; मात्र आता माझा एक प्रतिप्रश्न रोहित पवार आणि विवेकानंद पाटील यांना आहे, वाटल्यास त्यांनी पुस्तकात वाचून उत्तर दिले तरी चालेल, मी त्यांना तशी सूट देतो, असे म्हणत नवनाथ बन यांनी थेट आव्हान दिले आहे.

Navnath Ban on Vivekanand Patil: कोणाची अक्कल काढताना 100 वेळा विचार करावा

नवनाथ बन पुढे म्हणाले की, रामरक्षाचा श्लोक तोंडपाठ म्हटला आहे, रोहित पवार आणि विवेकानंद यांनी किमान पुस्तक वाचून बोलावं. 500 मार्कापैकी त्यांना किती मार्क पडतात. चिंचा आणि बोरं विकण्याचे काम रोहित पवार करत होते म्हणून रोहित पवार यांना येणार नाही, असं विवेकानंद पाटील बोलेल. अशात, सोप्पा देतो आणखी, वारकरी संप्रदायाची आमची परंपरा आहे, ज्ञानोबा तुकाराम माऊलींचा गजर करावा. पुस्तकात बघून अर्थ सांगितला तरी चालेल. विवेकानंद यांनी कोणाची अक्कल काढताना 100 वेळा विचार करावा. अहंकार तुमचा आहे म्हणून मी तुमच्या प्रश्नांची उत्तरं देतोय.

Navnath Ban on Rohit Pawar: रोहित पवार लक्षात ठेवा...

रोहित पवार यांना दोन एमसीक्यू दिले आहेत. राम रक्षा गीतेचे श्लोक किंवा नाथ संप्रादायातील अभंग बोलून दाखवावे. विवेकानंद मी ओबीसी समाजातून येतो, माझ्या आजोबांनी मराठवाड्यातील स्वातंत्र्यासाठी लढा दिला, तुळशीपत्र ठेवत लढा दिला. तुमच्या आजोबांनी कशी घरं भरली? हे सर्वांना माहिती आहे. रोहित पवार लक्षात ठेवा, आजोबांनी कशी घरं भरली हा इतिहास सर्वांना माहिती आहे. त्यामुळे कोणाची बौद्धिक पातळी काढत असताना विवेकानंद आणि रोहित पवार यांनी 100 वेळा विचार करावा. विवेकानंद बोलला की, गट डची परीक्षा पास होऊ शकत नाही, तुमची हीच परंपरा आहे, सरंजामशाही तुमची होती त्यामुळे तुमचे हेच विचार आहेत. साफसफाई करणाऱ्यांचा अपमान तुम्ही करत आहेत, असा हल्लाबोल देखील नवनाथ बन यांनी केला.

आणखी वाचा

नवनाथ बन उकीरडा बुद्धीचा माणूस, विवेकानंद पाटलांची बोचरी टीका, नवनाथ संप्रदायाचा उल्लेख करत दिलं चॅलेंज

Jay Pawar Baramati : 'युगेंद्रदादा खोटं बोलू नका, सभासद सत्य जाणतात...'; जय पवारांचं स्फोटक भाषण, काय काय म्हणाले?

अंकिता खाणे — Fri, 9 Oct 2026 11:13:26 +0530

बारामती : सोमेश्वर सहकारी साखर कारखान्याच्या निवडणुकीत राष्ट्रवादी विरुद्ध राष्ट्रवादी विरुद्ध भाजपच्या साथीने पुरुषोत्तम जगताप यांनी तिसरं पॅनल उभं केलं या निवडणुकीत आणखी रंगत आली आहे. 21 जागांसाठी तब्बल 83 उमेदवार मैदानात आहेत. तर या निवडणुकीच्या अनुषंगाने घडामोडींना वेग आला आहे, अशातच काल (गुरूवारी, ता 8) रोजी राष्ट्रवादी काँग्रेसचे युवा नेते जय पवार (Jay Pawar) यांनी निवडणुकीच्या प्रचारावेळी केलेल्या वक्तव्याने भुवया उंचावल्या आहेत. जय पवारांनी परिवाराच्या भेटीबाबत आलेल्या बातम्यांबाबतही सविस्तरपणे भाष्य केलं आहे, पुढे जय पवार (Jay Pawar) यांनी म्हटलं की, आमच्यामध्ये दादांचं रक्त आहे, दादा काम करत गेले, आपण पण सगळ्यांसाठी काम करतच राहायचं, त्याच्यामुळे आम्ही ही कामं करत राहू. (Jay Pawar)

पुढे जय पवार म्हणाले की, आज आपलेच भावकीतले काही लोक आहेत, काही दिवसापूर्वी ठरलं की एकामेकांबद्दल बोलायचं नाही, मला माहित नाही किती लोकांना माहिती आहे पण, सुप्रिया आत्यांच्या आम्ही घरी गेलेलो, पार्थ दादा, मी आणि युगेंद्र दादा, कारण रेवती आमची बहीण तिचं लग्न झाल्यानंतर ती पहिल्यांदा घरी आली आणि आधीपासून आम्ही त्यांना भेटायला जायचो. साहेबांकडे, सुप्रिया आत्याकडे, तर त्या दिवशी आम्ही भेटायला गेलो, त्या दिवशी आम्ही तिथे गेल्यानंतर लगेच ब्रेकिंग न्यूज आल्या सोमेश्वरमध्ये हे सगळे एकत्र येतात, एकत्र येतात, त्या दिवशी सुप्रिया आत्या बोलल्या की मला कारखान्याचं काय माहिती नाही, ते दादा बघायचे आणि साहेब बघायचे, पण तुम्हाला चर्चा करायची तर तुम्ही करा, तेव्हा युगेंद्र दादांनी पार्थ दादाला आणि मला विचारलं की, आपण एकत्र यायचं का? त्याच्यावरती पार्थ दादांनी त्यांना स्पष्ट सांगितलं की, युगेंद्र आम्ही खरच चर्चा केली पण आमचे कार्यकर्ते बोलतात की असं नाही करायला पाहिजे आणि आमचे कार्यकर्ते आमच्यासाठी झटतात, आमच्यासाठी काम करतात, त्यांचंपण आम्हाला ऐकायला लागतं, त्याच्यामुळे आपण तो पुढाकार नाही घेतला आणि मग त्याच दिवशी ठरलं की ते आपल्याबद्दल बोलणार नाही आणि आपण त्यांच्याबद्दल बोलायचं नाही. पण आज मला बातमी कळाली की त्यांनी सांगितलं की माळेगावमध्ये दादा गेल्यानंतर 70 कोटीचं नुकसान झालं, लगेच मी ती बातमी बघितली, मी सगळ्यांना फोन लावले, तसं काही नाही झालं काही, कारखाना दोन कोटीच्या प्रॉफिटमध्ये आहे, आज आणि हे पण लोकांच्या मनात पाहिजे कारण उगीचच खोटे अफवा लोकांना सांगून निवडणूक नाही लढायची, आपले पुढचे विद्यमान चेअरमन ते काय बोलतात त्यांच्यामुळे भाव मिळाले, त्यांच्यामुळे दर मिळाला मग दादांनी काय केलं, अनेक वर्ष दादांनीच त्यांना संधी दिली ना, दादांनी त्यांना जेव्हा अडचण होती, नाहीतर काय तातडीची गरज होती, ते तेव्हा दादांनाच फोन लावायचे, त्याच्यामुळे त्यांनी पण तसं नाही करायला पाहिजे.

Jay Pawar Baramati : एकत्र येण्याची चर्चाही झाली होती

काही दिवसांपूर्वी सुप्रिया आत्यांच्या घरी बहिण रेवतीला भेटण्यासाठी गेलो असताना सोमेश्वर कारखाना निवडणुकीबाबत एकत्र येण्याची चर्चा झाली होती, अशी माहिती जय पवार यांनी दिली. युगेंद्र पवार यांनीच सोमेश्वरसाठी आपण एकत्र यायचं का, अशी भूमिका मांडली होती. त्यावेळी पार्थदादांनी स्पष्ट सांगितलं की, ‘युगेंद्र, आमचे कार्यकर्ते आम्हाला असं करू नका, असं सांगत आहेत. हे कार्यकर्ते आमच्यासाठी झटतात, त्यामुळे आम्हाला त्यांचं ऐकावं लागतं.’ त्यानंतरही आम्ही शेवटपर्यंत काहीतरी मार्ग निघेल, अशी अपेक्षा ठेवली होती,” असं जय पवार यांनी सांगितलं.

Jay Pawar Baramati : ‘माळेगाव कारखाना 70 कोटींच्या तोट्यात असल्याचा दावा; जय पवारांचा पलटवार’

माळेगाव कारखान्याच्या आर्थिक स्थितीवरून युगेंद्र पवार यांनी केलेल्या आरोपांवरही जय पवार यांनी जोरदार प्रत्युत्तर दिलं. “दादा गेल्यानंतर माळेगाव कारखान्याचं 70 कोटी रुपयांचं नुकसान झालं, असं युगेंद्र पवार यांनी म्हटलं. त्यानंतर मी या विषयाची माहिती घेतली. मात्र, कारखाना दोन कोटी रुपयांच्या नफ्यात असल्याची माहिती माझ्यासमोर आली, निवडणूक लढवायची असेल तर जरूर लढवा; पण वस्तुस्थितीच्या आधारावर लढा. उगाच खोटे आरोप करून निवडणूक लढवण्याचा प्रयत्न करू नका. सभासद आणि शेतकरी सुज्ञ आहेत. त्यांना काय खरं आणि काय खोटं, हे चांगलं कळतं. त्यामुळे सत्य फार काळ लपवता येणार नाही,” असा इशारा जय पवार यांनी दिला.

Jay Pawar Baramati : निवडणुकीचा आजचा प्रचाराचा शेवटचा दिवस

Weekly Horoscope: मेष, वृषभ राशींना नवी संधी मिळणार, घाई करू नका, ऑक्टोबरचा दुसरा आठवडा कसा जाणार? साप्ताहिक राशीभविष्य..

एबीपी माझा वेब टीम — Fri, 9 Oct 2026 11:13:08 +0530

Weekly Horoscope 12 To 18 October 2026: ऑक्टोबर महिन्याचा दुसरा आठवडा लवकरच सुरु होणार आहे. वैदिक ज्योतिषशास्त्रानुसार, हा आठवडा फार महत्त्वाचा असणार आहे. कारण, या आठवड्यात शारदीय नवरात्रौत्सवाला सुरूवात होतेय. या काळात अनेक छोटे-मोठे ग्रहदेखील नक्षत्र तसेच, राशी परिवर्तन करणार आहेत. त्यामुळे ऑक्टोबर महिन्याचा नवीन आठवडा तुमच्यासाठी कसा असेल? तुमचा व्यवसाय, करिअर, आरोग्य आणि लव्ह लाईफ या काळात कशी असेल? मेष आणि वृषभ राशींचे साप्ताहिक राशीभविष्य (Weekly Horoscope) जाणून घ्या.

मेष रास साप्ताहिक राशीभविष्य (Aries Weekly Horoscope)

लव्ह लाईफ (Love Life) : नात्याच्या बाबतीत जोडीदारासोबत छोट्या गोष्टींवरून गैरसमज होण्याची शक्यता आहे. रागाच्या भरात बोलणे टाळा. अविवाहित व्यक्तींनी नवीन नात्याबाबत घाई न करता समोरच्या व्यक्तीला समजून घ्यावे..

करिअर (Career) : करिअरच्या बाबतीत बोलायचं झाल्यास, कामाच्या ठिकाणी नवीन जबाबदारी मिळू शकते. वरिष्ठांशी बोलताना संयम ठेवा. व्यवसायात नवीन योजना आखण्यासाठी वेळ अनुकूल ठरू शकतो; मात्र मोठे निर्णय विचारपूर्वक घ्या..

आर्थिक स्थिती (Wealth) : आर्थिक स्थितीच्या बाबतीत बोलायचं झाल्यास, नवीन आठवड्यात अनावश्यक खर्च वाढण्याची शक्यता असल्याने बजेट तयार करा. कर्ज, गुंतवणूक किंवा मोठ्या खरेदीबाबत कागदपत्रे नीट तपासा. बचतीवर भर द्या.

आरोग्य (Health) : मेष राशीच्या लोकांना या आठवड्यात कामाचा ताण आणि अपुरी झोप यामुळे थकवा जाणवू शकतो. नियमित झोप, संतुलित आहार आणि हलका व्यायाम याकडे लक्ष द्या.

वृषभ रास साप्ताहिक राशीभविष्य (Taurus Weekly Horoscope)

लव्ह लाईफ (Love Life) : प्रेमसंबंधांत जवळीक वाढू शकते. जोडीदारासोबत वेळ घालवण्याची संधी मिळेल. विवाहित व्यक्तींना जोडीदाराचे सहकार्य लाभू शकते. मनातील भावना स्पष्टपणे व्यक्त केल्यास नात्यातील विश्वास वाढेल..

करिअर (Career) : करिअरच्या बाबतीत कामातील सातत्यामुळे वरिष्ठांकडून कौतुक मिळू शकते. नवीन ग्राहक, संपर्क किंवा प्रकल्प मिळण्याची शक्यता आहे. व्यवसायात नवीन योजना आखताना दीर्घकालीन फायद्याचा विचार करा. विद्यार्थ्यांनी अभ्यासात नियमितता ठेवावी.

आर्थिक स्थिती (Wealth) : आर्थिक परिस्थिती सुधारण्यासाठी केलेले प्रयत्न उपयोगी ठरू शकतात. मात्र घरगुती खर्च किंवा मोठ्या खरेदीचे नियोजन आधी करा. बचत आणि गुंतवणुकीत संतुलन राखा.

आरोग्य (Health) : आरोग्याच्या बाबतीत नवीन आठवडा काळजी घेण्याचा आहे, आहार आणि दिनचर्येकडे दुर्लक्ष करू नका. वेळेवर जेवणे, पुरेशी विश्रांती आणि नियमित शारीरिक हालचाल फायदेशीर ठरेल. त्रास जाणवल्यास वैद्यकीय सल्ला घ्या.

हेही वाचा :

Sarva Pitri Amavasya 2026: 10 ऑक्टोबरची 'सर्वपित्री' अमावस्या अद्भूत! 3 राशींचं भाग्य फळफळलं, शनि अमावस्येता पॉवरफुल योगायोग, श्राद्धाचा मुहूर्त, महत्त्व...

(टीप : वरील सर्व बाबी एबीपी माझा कवळ माहिती म्हणून वाचक-प्रेक्षकांपर्यंत पोहोचवत आहे. यातून एबीपी माझा कोणताही दावा करत नाही.)

' ती क्लिप एआयने बनवलेली' वाल्मिक कराडचा कथित कॉल गेलेल्या सुग्रीव कराडची पहिली प्रतिक्रिया; बजरंग सोनवणेंच्या आरोपावर काय म्हणाला?

स्वानंद पाटील — Fri, 9 Oct 2026 11:09:12 +0530

Beed Crime: गेल्या काही दिवसांपासून पुन्हा एकदा बीडसह मराठवाड्यात बीड कारागृहाच्या सुरक्षेवरून प्रश्नचिन्ह उपस्थित होताहेत. विलास घुले खून प्रकरणात खासदार बजरंग सोनवणेंच्या मुलाला अडकवण्याचा कट बीड कारागृहातून होत असल्याचा आरोप खा. बजरंग सोनवणे यांनी पत्रकार परिषद घेऊन केल्यानंतर, या संपूर्ण प्रकरणाला वेगळे वळण लागले. खा सोनवणे यांनी वाल्मिक कराड आणि सुग्रीव कराडची कथित कॉल रेकॉर्डिंगही ऐकवल्यानंतर प्रशासन अलर्ट मोडवर आलं आहे. या आरोपानंतर बीड कारागृहाची 7 तास झडती घेण्यात आली. कैद्यांची चौकशीही झाली. दरम्यान, वाल्मिक करडचा कथित कॉल गेलेल्या सुग्रीव कराडची प्रतिक्रिया समोर आली आहे.

त्यांच्या मुलीचा पराभव केल्यापासून त्यांच्या मनात माझ्याविषयी राग

खा.सोनवणे यांनी समोर आणलेल्या ऑडीओ क्लिपमध्ये कथितरित्या संभाषण करत असलेल्या सुग्रीव कराडची या संपूर्ण प्रकरणावर प्रतिक्रिया समोर आलीय." ती क्लिप खोटी आहे. एआयने बनवलेली आहे. खा.बजरंग सोनवणे यांची मुलगी व माझी पत्नी या केज नगरपंचायतच्या एकाच वॉर्डमध्ये निवडणूकीत उभा होत्या, माझ्या पत्नीने त्यांच्या मुलीचा पराभव केल्यापासून त्यांच्या मनात माझ्याविषयी राग आहे, त्यातूनच मला ते वारंवार बदनाम करण्याचा कट आखत असतात. यापूर्वी देखील त्यांनी मला दोनतीन वेळेस अडकवण्याचा प्रयत्न केला, त्याचे पुरावे देखील माझ्याकडे आहेत. मी त्यांच्या विरोधात कधी गेलोच नाही. यानंतर त्यांनी मला राजकारणातून बाजूला होण्यासाठी प्रेशर आणले होते, परंतु मी मागे हटलो नाही, म्हणून मला अडचणीत आणण्याचा प्रयत्न करण्यात आला. नगरपंचायत निवडणूका जवळ आल्या आहेत, म्हणून मला बदनाम करत राजकारणातून संपवून टाकण्याचा हा प्लॅन असल्याचा आरोप सुग्रीव कराडने केलाय.

'टोलनाक्यावरील भांडण मिटले'

दरम्यान, याच सुग्रीव कराडचा एका जुना व्हीडीओ देखील गेल्या काही दिवसात समोर आला होता. यामध्ये कराड हे केज तालुक्यातील उमरी टोलनाक्यावर वाद घालत शिवीगाळ करत असल्याचे दिसत होते. याबाबत सुग्रीव कराडने खुलासा केला असून "देशमुख हे माझे मित्र आहेत, माझ्या टॅगमधील पैसे संपले असल्याने मी त्यांना विनंती करत होतो, पण त्यांनी ऐकले नाही म्हणून तेथील कर्मचाऱ्यांशी वाद झाला. यानंतर त्या कर्मचाऱ्यांनी माझ्या विरोधात तक्रार दिली. परंतु त्यानंतर आम्ही पोलिस स्टेशन व नंतर कोर्टात जावून हा वाद मिटवला असल्याचा दावा देखील सुग्रीव कराडने केला.

संबंधित वृत्त: 1 तासामध्ये माणसासकट सगळं जाळेन, वाल्मिक कराडचा फोन गेलेल्या सुग्रीव कराडची मस्साजोगच्या तरुणाला धमकी, नेमकं काय घडलं?

गेल्या जवळपास वर्षभरापासून बीड जिल्हा कारागृह चर्चेत आहे. सरपंच संतोष देशमुख हत्या प्रकरणातील आरोपी वाल्मिक कराडसह अन्य आरोपी या कारागृहात बंदिस्त आहेत. त्यामुळे हे कारागृह अतिसंवेदनशील आहे. दिवंगत सरपंच संतोष देशमुख यांचे बंधू धनंजय देशमुख यांनी यापूर्वी कारागृहातील कैद्यांना व्हीआयपी ट्रीटमेंट मिळत असल्याची तक्रार केली होती. दरम्यान खा. सोनावणेंच्या ऑडीओ क्लिप प्रकरणानंतर पुन्हा एकदा बीड कारागृहातील सुरक्षेविषयी प्रश्नचिन्ह उपस्थित होत आहेत.

Raj Thackeray On MPSC Protest Pune: मुख्यमंत्री सकारात्मक, MPSC च्या विद्यार्थ्यांसाठी चांगली बातमी येणार; राज ठाकरेंची सगळ्यात मोठी माहिती

अजय माने — Fri, 9 Oct 2026 10:42:59 +0530

Raj Thackeray On MPSC Protest Pune: पुण्यातील एस.एम. जोशी पुलावर सुरु असलेल्या एमपीएससी आंदोलनाचा (MPSC Protest Pune) आज नववा दिवस आहे. काल पुणे पोलिसांनी एस.एम जोशी पूल मोकळा करा, असं आंदोलक विद्यार्थ्यांना सांगितलं. मात्र जोपर्यंत मागण्या पूर्ण होत नाही. तोपर्यंत विद्यार्थी आणि राष्ट्रवादी काँग्रेस शरद पवार गटाचे आमदार रोहित पवार (Rohit Pawar) आंदोलनावर ठाम आहेत. याचदरम्यान एक महत्वाची माहिती समोर आली आहे. मनसेप्रमुख राज ठाकरे (Raj Thackeray) यांनी एमपीएससीच्या विद्यार्थ्यांना लवकरच चांगली बातमी येणार, अशी माहिती दिली आहे. (Pune MPSC Protest Marathi News)

मुख्यमंत्री सकारात्मक, राज ठाकरे काय म्हणाले? (Raj Thackeray On MPSC Protest Pune)

सस्नेह जय महाराष्ट्र, ५ ऑक्टोबर २०२६ ला मी जेंव्हा पुण्यात एमपीएससी आंदोलक विद्यार्थ्यांची भेट घेतली तेंव्हा मी तुमचं म्हणणं, तुमच्या रास्त अपेक्षा याबद्दल मुख्यमंत्र्यांशी बोलेन असं आश्वस्त केलं होतं. स्वतःचा राहता जिल्हा, तालुका, आपलं घर तसेच आपल्या कुटुंबाला सोडून नोकरीसाठी राब राब राहणाऱ्या तरुणांना आणि तरुणींना पाहिलं की जिवाची कालवाकालव होते. म्हणून आज या विषयावर माझी मुख्यमंत्र्यांशी सविस्तर चर्चा झाली. ते देखील पूर्णपणे सकारात्मक आहेत हे जाणवलं. आणि येत्या काही दिवसांत MPSC च्या विद्यार्थ्यांच्या नोकऱ्यां संदर्भात एक चांगली बातमी येईल अशी अपेक्षा आहे . तेंव्हा विद्यार्थ्यांनी देखील संयम ठेवावा. राज ठाकरे ।
— Raj Thackeray (@RajThackeray) October 9, 2026

राज ठाकरे आंदोलनस्थळी काय म्हणाले होते? (Raj Thackeray MPSC Marathi News)

पुण्यात राष्ट्रवादी काँग्रेस शरद पवार गटाचे आमदार रोहित पवार (Rohit Pawar) यांच्या एमपीएससी आंदोलनाला (MPSC Protest Pune) समर्थन देण्यासाठी मनसेप्रमुख राज ठाकरे (Raj Thackeray) यांनी हजेरी लावली होती. मात्र यावेळी राज ठाकरेंनी अतिशय परखड शब्दात विद्यार्थ्यांना वस्तुस्थिती समजून सांगितली होती. दुसरं कोणतंही सरकार आलं तरीही 70 हजार पदांची भरती होणार नाही हे लक्षात ठेवा अशी वस्तुस्थिती राज ठाकरेंनी मांडली होती. विशेष म्हणजे रोहित पवारांसमोर राज ठाकरेंनी ही वास्तवदर्शी भाष्य केलं होतं. 2023 मध्ये मनोज जरांगेंच्या मंचावरही राज ठाकरेंनी अशीच परिस्थितीची जाणीव करून दिली होती. आरक्षणाचा निर्णय हा मंचावर बसून किंवा आंदोलनातून होणार नाही. तर तो न्यायालयातून सुटू शकतो, असं थेट भाष्य राज ठाकरेंनी मनोज जरांगेंच्या मंचावर केलं होतं. त्यामुळे आपण बोलतो ते कटू असतं लोकांना ते हळूहळू कळतं अशा शब्दात राज ठाकरेंनी MPSC च्या विद्यार्थ्यांशी बोलताना परिस्थिती मांडली होती. त्यानंतर आता राज ठाकरेंनी देवेंद्र फडणवीस यांच्यासोबत विद्यार्थ्यांच्या मागण्यांबाबत चर्चा केली असून मुख्यमंत्री सकारात्मक असल्याचं त्यांनी सांगितलं.

राज्यासह देश-विदेशातील महत्वाच्या घडामोडी, VIDEO:

Satej Patil: 'शशिकांत पाटील चुयेकरांसाठी तेव्हा मांडव घातला, फटाकड्या, गुलाल आणला होता; त्याच गुलालासाठी पहिले चेअरमन त्यांनाच करणार..' सतेज पाटलांची भावनिक साद

विजय केसरकर, एबीपी माझा — Fri, 9 Oct 2026 10:40:38 +0530

Satej Patil on Gokul Election: जनता ठरवेल कुणाचं मिटलं, कसं मिटलं, का मिटलं, तुम्हाला मिटवायचंच होतं आणि पॅनेल एकत्र करायचं होतं मग सहा महिने भांडणं का केली? सहा महिने 1400 संस्थांना त्रास तुम्ही तिघांनी मिळून का दिला? अदृश्य शक्तीचं नाव सुद्धा ते घेऊ शकत नाहीत, तेवढं धाडस त्यांच्यात नाही. दोषी सगळेजण आहेत, गोकुळवर प्रशासक आणला, सहा महिने गोकुळ बदनाम करायचा प्रयत्न केला. मग आजच तुमचं मिटवायचं होतं तर सहा महिन्यापूर्वीच तुम्ही मिटवून जागा वाटप करून शेवटी मुख्यमंत्रीच निर्णय घेणार होते, तिथेच बसून निर्णय घ्यायचा होता, अशा शब्दात राजर्षी शाहू शेतकरी समविचारी आघाडीचे नेते आमदार सतेज पाटील यांनी हल्लाबोल केला.

पहिले चेअरमन शशिकांत पाटील चुयेकर असतील

सतेज पाटील म्हणाले की, हे पॅनेल निवडून आल्यानंतर आमचे पहिले चेअरमन शशिकांत पाटील चुयेकर हे असतील. शशिकांत पाटील चुयेकर यांना शेवटच्या वर्षी चेअरमन करायचं ठरलं होतं, मांडव घातला होता, फटाकड्या गुलाल आणला होता, आता आणलेल्या या फटाकड्या, आणलेला गुलाल हा पुन्हा एकदा चुयेकर साहेबांच्या स्मृतीला अभिवादन देण्यासाठी या जिल्ह्यातल्या स्वाभिमानी लोकांनी आमच्यावर राहावं एवढी विनंती करतो, असे आवाहन सतेज पाटील यांनी केले दुसरीकडे, गोकुळच्या निवडणुकीत आता राजकीय रणधुमाळीला धार आली आहे. महायुतीने जागावाटपाचा तिढा सोडवत पॅनलची दिशा स्पष्ट केल्यानंतर राजर्षी शाहू शेतकरी समविचारी आघाडीनेही आपलं पॅनल जाहीर केलं. आमदार सतेज पाटील यांनी पत्रकार परिषद घेत 25 उमेदवारांची नावे जाहीर केली यामध्ये प्रामुख्याने १८ नवीन चेहऱ्यांना संधी देत महायुतीसमोर राजकीय आव्हान उभं केलं आहे. त्यामुळे गोकुळच्या निवडणुकीत दूध संघाच्या सत्तेसोबतच महायुती विरुद्ध राजर्षी शाहू शेतकरी समविचारी आघाडी अशी राजकीय प्रतिष्ठेची लढाई रंगण्याची चिन्हं आहेत.

राधानगरी तालुक्यातील समीकरणे बदलण्याची चिन्हे

दुसरीकडे, महायुतीचं पॅनेल घोषित झाल्यानंतर महायुतीला तगडा धक्का बसला आहे. अजित पवार गटातील गोकुळचे माजी संचालक किसन चौगले यांना उमेदवारी नाकारण्यात आल्यानंतर त्यांनी आमदार सतेज पाटील यांच्या नेतृत्वातील राजर्षी शाहू शेतकरी समविचारी आघाडीमध्ये जाहीर प्रवेश केला. त्यानंतर त्यांना उमेदवारी सुद्धा देण्यात आल्याने राधानगरी तालुक्यातील समीकरणे बदलण्याची चिन्हे आहेत. दुसरीकडे पी. एन. पाटील गटाला सुद्धा अवघी एका जागेवर बोळवण करण्यात आल्याने करवीर तालुक्यामध्ये मोठा असंतोष महायुतीमध्ये दिसून येण्याची शक्यता आहे.

सात विद्यमान संचालकांना संधी

कार्यकर्त्यांकडून याबाबतच्या भावना सोशल मीडियामध्ये व्यक्त केल्या जात आहेत. गॅरेजवर बसून पी. एन. पाटील यांना कोणतीही घासाघीस न करता 6 जागा मिळत होत्या, मात्र महायुतीमध्ये असून सुद्धा अवघी 1 जागा वाट्याला आल्याने पी. एन. पाटील गटाची घोर निराशा झाल्याची भावना समर्थकांकडून व्यक्त केली जात आहे. त्यामुळे आता येत्या काही दिवसांमध्ये पी. एन. पाटील गटाची नाराजी महायुतीला भोवणार का? याच्याकडे सुद्धा लक्ष असेल. दुसरीकडे, राजर्षी शाहू समविचारी आघाडीचे उमेदवार घोषित करताना सतेज पाटील यांनी 7 विद्यमान गोकुळ संचालकांना पुन्हा एकदा संधी दिली आहे, तर तब्बल 18 चेहरे नव्याने रिंगणामध्ये उतरले आहेत. त्यामुळे काटाजोड लढत अपेक्षित आहे.

इतर महत्वाच्या बातम्या

Pune University FDA Crime : जेवणात जिवंत झुरळ, किचन अस्वच्छ अन्....; ‘एफडीए’ची पुणे विद्यापीठातील हॉस्टेलमध्ये एफडीएची धडक कारवाई, मेस केली बंद

मंदार गोंजारी, एबीपी माझा, पुणे — Fri, 9 Oct 2026 10:40:33 +0530

पुणे: सावित्रीबाई फुले पुणे विद्यापीठातील वसतिगृहातील भोजनगृहावर ‘एफडीए’ने धडक कारवाई केल्याची माहिती समोर आली आहे. मुलींच्या वसतिगृहातील भोजनगृह बंद (Pune University FDA Crime) करण्यात आलं आहे. जेवणात जिवंत झुरळांचा प्रादुर्भाव, अस्वच्छ वातावरणात अन्न निर्मिती, स्वच्छतेचा अभाव, संबंधित केटरर्सकडे अन्न सुरक्षेशी संबंधित आवश्यक नोंदी आणि कागदपत्रे तपासणीसाठी उपलब्ध नसल्याचे कारवाईत स्पष्ट झाले आहे. अन्न व औषध प्रशासनाने (एफडीए) (Pune University FDA Crime) सावित्रीबाई फुले पुणे विद्यापीठातील मुलींच्या वसतिगृहातील भोजनगृहावर धडक कारवाई करण्यात आली आहे. अन्न व औषध प्रशासनाच्या अधिकाऱ्यांनी विद्यापीठातील भोजनगृहांची तपासणी केली. (Pune University FDA Crime)

सावित्रीबाई फुले पुणे विद्यापीठातील मुलींच्या वसतिगृहातील भोजनगृहावर अन्न व औषध प्रशासनाने (FDA) मोठी कारवाई केली आहे. जेवणात जिवंत झुरळे, अस्वच्छ वातावरण, सुरक्षेचे नियम धाब्यावर बसवणे आणि आवश्यक परवान्यांची कागदपत्रे नसल्याने एफडीएने संबंधित 'मे. मराठा केटरर्स'चा परवाना निलंबित केला आहे. विद्यार्थ्यांच्या सुरक्षेशी खेळ करणाऱ्या या अस्वच्छतेमुळे अखेर विद्यापीठावर हे भोजनगृह बंद करण्याची नामुष्की ओढावली आहे. (Pune University FDA Crime)

वसतिगृहातील जेवणात व नाश्त्यामध्ये वारंवार किडे, झुरळे आणि टाचण्या-पिना आढळत असल्याच्या तक्रारी विद्यार्थिनींकडून वारंवार केल्या जात होत्या. मात्र, विद्यापीठ प्रशासनाने याकडे दुर्लक्ष केल्यामुळे विद्यार्थ्यांनी थेट 'एफडीए'कडे धाव घेतली. अधिकाऱ्यांनी अचानक मारलेल्या छाप्यात अस्वच्छतेचा भांडाफोड झाला. याप्रकरणी विद्यापीठ प्रशासनाची बाजू जाणून घेण्याचा प्रयत्न केला असता, संबंधित अधिकाऱ्यांनी प्रतिसाद देणे टाळले.

अन्न व औषध प्रशासनाला संबंधित भोजनगृहात तपासणीदरम्यान काय आढळलं?

- भोजनगृहाच्या अन्न तयार केले जाणाऱ्या ठिकाणी आणि परिसरात जिवंत झुरळांचा प्रादुर्भाव
- अन्न शिजवणे आणि अन्न साठवणुकीची जागा अत्यंत अस्वच्छ आणि आरोग्यास घातक आढळली.
- स्वच्छता आणि काम करणाऱ्या कर्मचाऱ्यांच्या वैयक्तिक स्वच्छतेमध्ये गंभीर त्रुटी
- अन्न सुरक्षेशी संबंधित आवश्यक नोंदी आणि कागदपत्रे तपासणीसाठी उपलब्ध नव्हते.

Jalgaon Crime: रसवंतीची गाडी जप्त केल्याने संतापला, लोखंडी रॉड घेऊन महापालिकेत धडकला; महापौरांच्या गाडीकडे गेला अन्...; जळगावात खळबळ

चंद्रशेखर नेवे, एबीपी माझा, जळगाव — Fri, 9 Oct 2026 10:35:00 +0530

Jalgaon Crime: जळगाव महापालिकेच्या अतिक्रमण निर्मूलन विभागाने रसवंतीची गाडी जप्त केल्याचा राग मनात धरून एका तरुणाने थेट महापालिका प्रांगणात गोंधळ घातल्याची घटना समोर आली आहे. संबंधित तरुणाने महापौर दीपमाला काळे यांच्या आवारात उभ्या असलेल्या वाहनावर लोखंडी रॉडने हल्ला करण्याचा प्रयत्न केल्याची माहिती आहे. सुदैवाने, घटनेच्या वेळी महापौर वाहनात नसल्याने मोठा अनर्थ टळला. या प्रकारानंतर महापौरांनी महापालिका आयुक्तांशी चर्चा करून संबंधिताविरोधात गुन्हा दाखल करण्याचे निर्देश दिले आहेत. तसेच महापालिकेतील सुरक्षाव्यवस्था वाढवून अतिरिक्त सुरक्षारक्षक नियुक्त करण्याचे आदेशही दिल्याचे समजते.

Jalgaon Crime: रसवंतीची गाडी जप्त केल्याने तरुणाचा संताप

मिळालेल्या माहितीनुसार, जळगाव शहर पोलीस ठाण्याबाहेर असलेल्या रसवंतीच्या गाडीवर महापालिकेच्या अतिक्रमण निर्मूलन विभागाने कारवाई केली होती. या कारवाईदरम्यान संबंधित गाडी जप्त करण्यात आली. त्यामुळे संतापलेल्या तरुणाने महापालिका प्रशासनाविषयी नाराजी व्यक्त केल्याचे सांगण्यात येत आहे.

यानंतर संबंधित तरुण मद्यपान केलेल्या अवस्थेत महापालिका कार्यालयात पोहोचला आणि त्याने परिसरात गोंधळ घातल्याची माहिती समोर आली आहे. अतिक्रमण कारवाईचा राग मनात धरून त्याने महापालिका प्रांगणात उभ्या असलेल्या महापौर दीपमाला काळे यांच्या वाहनाकडे मोर्चा वळवला.

Jalgaon Crime: महापौरांच्या वाहनावर लोखंडी रॉडने हल्ल्याचा प्रयत्न

महापालिका प्रांगणात महापौरांचे वाहन उभे असताना संबंधित तरुणाने लोखंडी रॉडने त्यावर हल्ला करण्याचा प्रयत्न केल्याचे सांगण्यात येत आहे. या घटनेमुळे महापालिका परिसरात काही काळ तणावाचे वातावरण निर्माण झाले. दरम्यान, वाहनचालकाने वेळीच हस्तक्षेप करत संबंधित तरुणाला वाहनापासून दूर केले. घटनेच्या वेळी महापौर दीपमाला काळे या वाहनात उपस्थित नव्हत्या. त्यामुळे पुढील अनर्थ टळला.

Jalgaon Crime: महापौरांचे गुन्हा दाखल करण्याचे निर्देश

या प्रकाराची माहिती मिळाल्यानंतर महापौर दीपमाला काळे यांनी महापालिका आयुक्तांशी चर्चा केली. महापालिकेच्या आवारात येऊन वाहनावर हल्ला करण्याचा प्रयत्न आणि गोंधळ घालण्याच्या प्रकाराची गंभीर दखल घेत संबंधित तरुणाविरोधात गुन्हा दाखल करण्याचे निर्देश त्यांनी दिल्याची माहिती मिळत आहे. तसेच महापालिकेत जास्तीचे सुरक्षारक्षक नियुक्त करण्याचे आदेश देण्यात आले आहेत.

राज्य आणि देश-विदेशातील महत्त्वाच्या बातम्या; पाहा व्हिडीओ

इतर महत्त्वाच्या बातम्या

Jalgaon Crime: पैशांचा वाद विकोपाला गेला, 21 वर्षीय भूषणचा काटा काढला; नंतर फुटपाथवर बॉडी फेकली अन्...; जळगाव हादरले!

Bhiwandi FDA Action: गुलाबजाम खरेदी करताय? जरा सावधान! भिवंडीत मिठाईच्या ट्रेमध्ये आढळला चक्क जिवंत उंदीर; FDA ची मोठी कारवाई

Nana Patekar Goa Police Registers Unnatural Death Case: गोवा पोलिसांकडून नाना पाटेकरांच्या अनैसर्गिक मृत्यूची नोंद, पोस्टमॉर्टम रिपोर्टकडे लक्ष

एबीपी माझा एंटरटेनमेंट डेस्क — Fri, 9 Oct 2026 10:21:52 +0530

Nana Patekar Goa Police Registers Unnatural Death Case: दिग्गज अभिनेते नाना पाटेकर (Marathi Actor Nana Patekar) यांचा गोव्यातील (Goa News) राहत्या घरी हृदयविकाराच्या झटक्यानं (Nana Patekar Death Due To Cardiac Arrest) निधन झालं. वयाच्या 75व्या वर्षी नाना पाटेकर (Nana Patekar) यांनी जगाचा अखेरचा निरोप घेतला. गुणी अभिनेत्याच्या अकाली एक्झिटनं सर्वांनाच धक्का बसला आहे. अत्यंत शिस्तप्रिय आयुष्य जगणाऱ्या अभिनेत्याच्या अशा अचानक जाण्यावर कुणाचाच विश्वास बसत नाहीये. डॉक्टरांच्या पथकानं तब्बल 45 मिनिटं नानांना सीपीआर दिला, पण त्यांना यश आलं नाही. अखेर नाना पाटकेरांचा मृत्यू (Nana Patekar Death) झाल्याचं डॉक्टरांनी घोषित केलं. अशातच आता या प्रकरणात एक महत्त्वाची अपडेट समोर आलीय. नाना पाटेकरांच्या निधनाबाबत गोवा पोलिसांनी अनैसर्गिक मृत्यूची नोंद केली आहे.

बीएनएसएस (BNSS) च्या कलम 194 अन्वये गुन्हा दाखल केल्यानंतर नाना पाटेकरांच्या मृत्यू प्रकरणाचा तपास सुरू करण्यात आलाय. डॉक्टरांच्या म्हणण्यानुसार, नाना पाटेकर यांना रुग्णालयात आणलं, तेव्हाच त्यांचा मृत्यू झाला होता. आता पोलिसांकडून याप्रकरणी अधिक चौकशी सुरू आहे.

मनिपाल हॉस्पिटलमधील ऑन्कोलॉजी विभागाचे प्रमुख डॉ. शेखर साळकर यांनी माध्यमांना माहिती दिलेली की, ज्येष्ठ अभिनेते नाना पाटेकर यांना पहाटे 4:20 च्या सुमारास रुग्णालयात आणलx असता ते 'ब्रॉट डेड' (रुग्णालयात आणण्यापूर्वीच मृत) होते. डॉक्टरांनी सीपीआर (CPR) द्वारे त्यांना वाचवण्याचे सर्वतोपरी प्रयत्न केले, त्यानंतर त्यांना कार्डियाक मसाजही देण्यात आलेला. मग नानांना तातडीनं रुग्णालयात नेण्यात आलं. पण, तोपर्यंत खूप उशीर झालेला. रुग्णालयात पोहोचण्यापूर्वीच नानांची प्राणज्योत मालवली होती.

नियमांनुसार, ज्यावेळी एखाद्या व्यक्तीला मृत अवस्थेत रुग्णालयात आणलं जातं, त्यावेळी रुग्णालय प्रशासनाला पोलिसांना सूचित करणं आवश्यक असतं. त्यानंतर या घटनेची नोंद 'मेडिको-लीगल केस' (MLC) आणि अनैसर्गिक मृत्यू अशी केली जाते. त्यामुळे कायदेशीर तरतुदींनुसार, शवविच्छेदन केलं जातं.

Goa: Panaji Police registers an Unnatural Death (UD) case under Section 194 of the Bharatiya Nagarik Suraksha Sanhita (BNSS) following the death of veteran actor Vishwanath (Nana) Gajanan Patekar. According to the police record, the 76-year-old actor was brought dead to the casualty ward of Manipal Hospital, Bambolim, from his residence at Ocean Park, Dona Paula. Further enquiry into the matter is currently in progress, led by PSI Nitin Naik.
— ANI (@ANI) October 9, 2026

नाना पाटेकरांच्या पार्थीवाचं शवविच्छेदन...

डॉक्टरांच्या मते, नाना पाटेकर यांच्या मृत्यूचं कारण हृदयविकाराचा झटका (कार्डियाक अरेस्ट) असू शकतं. त्यांना आधीपासूनच हृदयविकाराचा त्रास होता आणि त्यावर उपचारही सुरू होते. मात्र, मृत्यूचं नेमकं कारण शवविच्छेदनाचा अहवाल प्राप्त झाल्यानंतरच स्पष्ट होईल. नाना पाटेकरांच्या पार्थीवावर गोवा मेडिकल कॉलेज (GMC) इथे शवविच्छेदन करण्यात आलं.

Goa Police have registered a medico-legal Unnatural Death (UD) case in connection with the death of veteran actor Nana Patekar. The case has been registered under Section 194 of the BNSS, with PSI Nitin Naik conducting the inquiry. Nana Patekar was brought to Manipal Hospital from his residence in Dona Paula and was declared brought dead by doctors. As part of the inquiry, police will conduct an inquest, arrange a post-mortem at GMC and record statements of family members and other relevant persons to establish the cause of death. At present, police are investigating the circumstances and cause of death. If the death is found to be natural, the case may be closed accordingly. If any foul play or other suspicious circumstances emerge, further legal action may follow.
— IANS (@ians_india) October 8, 2026

गोवा पोलिसांकडून तपास सुरू

नाना पाटेकरांसारख्या शिस्तप्रिय, फिटनेस जपणाऱ्या व्यक्तीचं असं अचानक जाणं, प्रत्येकाच्याच मनाला चटका लावून गेलंय. अशातच, नानांच्या मृत्यूचं नेमकं कारण काय? हे जाणून घेण्यासाठी कुटुंबीय आणि या प्रकरणाशी संबंधित इतर व्यक्तींचे जबाब नोंदवले जातील. पोलीस सध्या नाना पाटेकर यांच्या मृत्यूशी संबंधित परिस्थितीचा तपास करत आहेत. जर तपासात मृत्यू नैसर्गिक कारणांमुळे झाल्याचं निष्पन्न झालं, तर हे प्रकरण बंद केलं जाऊ शकतं. पण, काही संशयास्पद आढळलं तर, पोलीस पुढील तपास त्या दिशेनं करतील.

'नाना' पाटेकर पंचतत्वात विलीन

हृदयविकाराच्या झटक्यामुळे 8 ऑक्टोबर रोजी वयाच्या 75 व्या वर्षी नाना पाटेकर यांचं निधन झालं. त्यांना अखेरचा निरोप देण्यात आला. पुणे जिल्ह्यातील डोणेजे गावातील त्यांच्या 'नानाची वाडी' या फार्महाऊसजवळ शासकीय इतमामात त्यांच्यावर अंत्यसंस्कार करण्यात आले. त्यांची पत्नी नीलाकांती पाटेकर आणि मुलगा मल्हार पाटेकर यांनी अंत्यविधी पार पाडले.

महत्त्वाच्या इतर बातम्या :

Bhandara Accident News: भाजप खासदाराच्या गाडीनं भंडाऱ्यात दोघांना चिरडलं; भंडाऱ्यातील तुमसर - रामटेक मार्गावरील घटना, गुन्हा दाखल करत अपघातग्रस्त वाहन जप्त

प्रशांत देसाई — Fri, 9 Oct 2026 10:20:31 +0530

Bhandara Accident News: मध्यप्रदेशातील बालाघाटचे भाजप खासदार भारती पारधी (BJP MP Bharti Pardhi) यांच्या वाहनानं तुमसर-रामटेक या राष्ट्रीय महामार्गावर दुचाकीस्वार दोघांना चिरडल्याची (Car Accident) घटना घडली आहे. या भीषण अपघातात दुचाकीवरील दोघेही गंभीर जखमी झाले. परिणामी त्यांना तातडीनं भंडारा येथील खाजगी रुग्णालयात दाखल करण्यात आलं आहे. सुरजित सिंग आणि तसमिरा मेहरा असं या अपघातात गंभीर जखमींचं नावं आहे. मिळालेल्या माहितीनुसार, दोन्ही जखमी हे पंजाब मधील असून भंडारा जिल्ह्यात भात कापणीसाठी हार्वेस्टरवर मजूर म्हणून आलेले आहेत. बालाघाटच्या खासदार भारती पारधी या स्वतः या अपघातग्रस्त वाहनातून बालाघाट येथून नागपूरच्या दिशेनं प्रवास करीत असताना हा अपघात झाल्याची माहिती आहे. भंडाऱ्याच्या तुमसर तालुक्यातील उसर्रा इथं हा अपघात घडला आहे. (BJP MP Bharti Pardhi Car Accident)

दरम्यान, याप्रकरणी आंधळगाव पोलिसांनी गुन्हा दाखल करत अपघातग्रस्त वाहन ताब्यात घेतल असून पुढील घटनेचा तपास पोलीस करत आहे. मात्र या घटनेनं काहीकाळ परिसरात वाहतूक अडथळा निर्माण झाला होता. व बघ्यांनी एकच गर्दी केल्याने परिसरातही खळबळ उडाली होती.

Crime: शासकीय धान्य गोडाऊनमधून 361 कट्टे तांदळाची चोरी; सडकअर्जुनी कृषी उत्पन्न बाजार समितीच्या सचिवासह 11 जणांना अटक

भंडाऱ्याच्या साकोली येथील शासकीय धान्य गोडाऊन मधून 361 कट्टे तांदळाचे चोरी झाल्याचं प्रकरण समोर आलं होतं. याप्रकरणी साकोली पोलिसांनी मोठ्या रॅकेटचा छडा लावला असून 11 जणांना अटक केली आहे. विशेष म्हणजे, या ११ जणांमध्ये धान्य गोडाऊनमध्ये हमालीचं काम करणारे मजूर आणि गोंदिया जिल्ह्यातील सडक अर्जुनीच्या कृषी उत्पन्न बाजार समितीचे सचिव आणि सहकार क्षेत्रात विविध महत्त्वाच्या पदावर असलेल्या राईस मिल संचालक संजय पुस्तोडे याचा समावेश आहे. साकोली शहरातील या शासकीय धान्य गोडाऊनमधून एका पिकअप वाहनाच्या माध्यमातून या धान्याची वेगवेगळ्या दिवशी चोरी केल्याचं प्रकरण आता पोलीस तपासात समोर आलं आहे.

चोरीची ही घटना उघडकीस आल्यानंतर शासकीय धान्य गोडाऊनचे व्यवस्थापक दीपक चौधरी यांच्या तक्रारीवरून साकोली पोलिसांनी सीसीटीव्ही फुटेज तपासणी करून या रॅकेटचा छडा लावला. तपासा दरम्यान गोंदिया जिल्ह्यातील गिरोला हेटी येथील राईस मिल संचालक तथा सडक अर्जुनी कृषी उत्पन्न बाजार समितीचे संचालक संजय पुस्तोडे याला ताब्यात घेतल्यानंतर चौकशीत हा संपूर्ण प्रकार समोर आला. याप्रकरणी साकोली पोलिसांनी आता पिकअप वाहनासह चोरीला गेलेला 5 लाख 41 हजार 500 रुपयांचा तांदूळ जप्त केला आहे.

इतर महत्वाच्या बातम्या

Nagpur BJP: बंडोबांना थंड करण्यासाठी भाजपच्या वरिष्ठांचाही जोरदार प्रयत्न; नितीन गडकरींचा अनिल सोलेंना फोन, पण...; नागपूर पदवीधर मतदारसंघात भाजपचं टेन्शन वाढलं

Weekly Horoscope : मेष ते मीन, सर्व 12 राशींसाठी ऑक्टोबरचा दुसरा आठवडा कसा असणार? वाचा लकी कलर, नंबर आणि टीप

एबीपी माझा वेब टीम — Fri, 9 Oct 2026 10:01:32 +0530

Weekly Horoscope 12 To 18 October 2026 : वैदिक ज्योतिष शास्त्रानुसार, ऑक्टोबरचा (October 2026) दुसरा आठवडा लवकरच सुरु होणार आहे. हा आठवडा फार खास असणार आहे. कारण या आठवड्यापासून शारदीय नवरात्रोत्सवाला सुरुवात होणार आहे. तसेच, ऑक्टोबर महिन्यात मोठमोठ्या ग्रहांचं संक्रमण देखील होणार आहे. त्यामुळे हा आठवडा अनेक अर्थांनी खास असणार आहे. तसेच, या आठवड्यात अनेक शुभ राजयोग निर्माण होणार आहेत. ग्रहांच्या या हालचालीमुळे काही राशींचं भाग्य उजळणार आहे. तर, काही राशींना सावध राहण्याची गरज आहे. नवीन आठवडा तुमच्यासाठी कसा असेल? तुमचा नवीन आठवडा (Weekly Horoscope) चांगला जाण्यासाठी तुमचा लकी कलर, लकी नंबर आणि लकी डे कोणता असेल? जाणून घेऊयात.

मेष रास (Aries)

लकी रंग (Lucky Colour) - जांभळा
लकी नंबर (Lucky Number) - 4
लकी डे (Lucky Day) - सोमवार
टीप ऑफ द वीक - या आठवड्यात तुमच्या हातून काहीतरी पुण्याचं काम होणार आहे.

वृषभ रास (Taurus)

लकी रंग (Lucky Colour) - पिवळा
लकी नंबर (Lucky Number) - 6
लकी डे (Lucky Day) - बुधवार
टीप ऑफ द वीक - तुमच्या कामात येणारे अडथळे हळुहळू दूर होण्याची शक्यता आहे.

मिथुन रास (Gemini)

लकी रंग (Lucky Colour) - हिरवा
लकी नंबर (Lucky Number) - 5
लकी डे (Lucky Day) - शनिवार
टीप ऑफ द वीक - लवकरच प्रवासाचे योग जुळून येणार आहेत.

कर्क रास (Cancer)

लकी रंग (Lucky Colour) - नारिंगी
लकी नंबर (Lucky Number) - 2
लकी डे (Lucky Day) - मंगळवार
टीप ऑफ द वीक - जास्त भावनिक होऊन विचार करु नका.

सिंह रास (Leo)

लकी रंग (Lucky Colour) - निळा
लकी नंबर (Lucky Number) - 2
लकी डे (Lucky Day) - गुरुवार
टीप ऑफ द वीक - कामाच्या ठिकाणी तणाव जाणवू शकतो. कामाचा ताण राहील.

कन्या रास (Virgo)

लकी रंग (Lucky Colour) - हिरवा
लकी नंबर (Lucky Number) - 7
लकी डे (Lucky Day) - शनिवार
टीप ऑफ द वीक - काही गोष्टींची सुरुवात करण्यासाठी हा काळ शुभ आहे.

तूळ रास (Libra)

लकी रंग (Lucky Colour) - राखाडी
लकी नंबर (Lucky Number) - 8
लकी डे (Lucky Day) - बुधवार
टीप ऑफ द वीक - कामाच्या निमित्ताने प्रवासाला जाण्याचे योग येतील.

वृश्चिक रास (Scorpio)

लकी रंग (Lucky Colour) - नारिंगी
लकी नंबर (Lucky Number) - 5
लकी डे (Lucky Day) - शुक्रवार
टीप ऑफ द वीक - व्यवसायाचा विस्तार वाढलेला दिसेल.

धनु रास (Sagittarius)

लकी रंग (Lucky Colour) - पिवळा
लकी नंबर (Lucky Number) - 4
लकी डे (Lucky Day) - गुरुवार
टीप ऑफ द वीक - प्रत्येक गोष्टीचा सकारात्मक विचार कराल. ठरवलेली कामे पूर्ण होतील.

मकर रास (Capricorn )

लकी रंग (Lucky Colour) - पांढरा
लकी नंबर (Lucky Number) - 8
लकी डे (Lucky Day) - बुधवार
टीप ऑफ द वीक - कोणतंही काम करण्यााधी घरातील ज्येष्ठ व्यक्तींचा आशीर्वाद घ्या.

कुंभ रास (Aquarius)

लकी रंग (Lucky Colour) - राखाडी
लकी नंबर (Lucky Number) - 2
लकी डे (Lucky Day) - गुरुवार
टीप ऑफ द वीक - तुमच्या कामाची तुलना इतरांशी करु नका.

मीन रास (Pisces)

लकी रंग (Lucky Colour) - गुलाबी
लकी नंबर (Lucky Number) - 2
लकी डे (Lucky Day) - सोमवार
टीप ऑफ द वीक - नवीन आठवड्यात कामाच्या नवीन संधी मिळतील.

(टीप : वरील सर्व बाबी एबीपी माझा केवळ माहिती म्हणून वाचक-प्रेक्षकांपर्यंत पोहोचवत आहे. यातून एबीपी माझा कोणताही दावा करत नाही.)

इतर महत्त्वाच्या बातम्या :

Shardiya Navratri 2026 : शारदीय नवरात्रीतील 9 दिवस कोणत्या देवीला काय अर्पण करायचं? संपूर्ण यादी वाचा फक्त एका क्लिकमध्ये...

Delhi Jantar Mantar Protest: निवडणूक आयुक्तांच्या राजीनाम्यासाठी दिल्लीत जंतर मंतरवर आंदोलनाची तयारी; कार्यकर्त्यांना पोलिसांचे फोन अन् धमक्या? कार्यकर्त्यांची धरपकड

सूरज सावंत — Fri, 9 Oct 2026 09:43:53 +0530

मुंबई : दिल्ली आंदोलनाला जाणाऱ्या कार्यकर्त्यांवर पोलिसांची नजर असणार आहे. मुख्य निवडणूक आयुक्त ज्ञानेश कुमार यांच्या राजीनाम्याच्या मागणीसाठी 10 ऑक्टोबरला दिल्लीतील जंतरमंतरवर (Delhi Jantar Mantar Protest) आंदोलन केलं जाणार आहे. आंदोलनात सहभागी होण्यासाठी दिल्लीला जाणाऱ्या कार्यकर्त्यांना मुंबई पोलिसांचे वारंवार फोन येत असल्याचा आरोप करण्यात येत आहे. फोन, लोकेशनची विचारणा आणि कारवाईच्या भीतीमुळे विद्यार्थी व कार्यकर्त्यांमध्ये भितीचं वातावरण निर्माण झालं आहे. मुंबई, ठाणे आणि मुंब्रा पोलिसांकडून कार्यकर्त्यांना फोन करून दिल्लीला जाणार का, कुठे आहात, कोणत्या ट्रेनने प्रवास करत आहात, अशी विचारणा केल्याचा दावा विद्यार्थ्यांकडून केला जात आहे.(Delhi Jantar Mantar Protest)

आंदोलनात सहभागी झाल्यास भविष्यात अडचणी निर्माण होतील, असा इशारा देणारे संदेश मुंबईतील हाउसिंग सोसायट्यांच्या व्हॉट्सॲप ग्रुपवर व्हायरल होत आहेत. आंदोलनासाठी दिल्लीला जाणाऱ्यांची माहिती मुंबई, दिल्ली पोलीस आणि रेल्वे सुरक्षा दलाकडे (RPF) असल्याचा कार्यकर्त्यांचा दावा आहे. आंदोलनात सहभागी होणाऱ्यांवर पोलिसांकडून पाळत ठेवली जात असल्याचा आरोप करण्यात येत आहे; मात्र संबंधित पोलिसांकडून आरोपांवर अधिकृत प्रतिक्रिया आलेली नाही. 10 ऑक्टोबरच्या आंदोलनाच्या पार्श्वभूमीवर देशभरातील कार्यकर्त्यांना दिल्लीला जाण्यापासून रोखण्याचे प्रयत्न होत असल्याचा आरोप करण्यात येत आहे. सोशल मिडियावर काही आंदोलनासाठी निघालेल्या विद्यार्थ्यांना जा वेळी पोलिसांनी अडवले त्यावेळी अनेक विद्यार्थी यांनी त्याचे रेकॉर्डिंग सोशल मिडियावर व्हायरल केले आहेत.(Delhi Jantar Mantar Protest)

View this post on Instagram

A post shared by SAHI SAWAAL (@sahisawal.official)

Delhi Jantar Mantar Protest: दिल्लीला चाललेल्या पुण्यातील कार्यकर्त्यांना मध्यप्रदेश पोलिसांनी ताब्यात घेतले

SIR विरोधातील दिल्ली येथील आंदोलनात सहभागी होण्यासाठी निघालेल्या NSYF (न्यू स्टुडंट्स ॲण्ड युथ फेडरेशन) , RRR महाराष्ट्र (संघर्ष, लोकशाही, परिवर्तन अभियान) आणि AISF (ऑल इंडीया स्टुडंट्स फेडरेशन) च्या एकुण 18 कार्यकर्त्यांना मध्य प्रदेश पोलिसांनी इटारसी रेल्वे स्थानकावर जबरदस्तीने ट्रेनमधून खाली उतरवले. त्यांना कोणत्याही पोलीस ठाण्यात न नेता, डिटेन्शन सेंटर म्हणून तयार करण्यात आलेल्या एका अज्ञात ठिकाणी नेण्यात आले आहे. यापूर्वी महाराष्ट्र पोलिसांनीही जळगाव रेल्वे स्थानकावर अशाच प्रकारे कार्यकर्त्यांना रोखण्याचा प्रयत्न केला होता. RRR, नव समाजवादी पर्याय, NSYF, pucl, भारतीय कामगारांचा क्रांतिकारी पक्ष, कम्युनिस्ट पार्टी ऑफ इंडिया आदी संघटनांनी या कृत्याचा निषेध केला आहे.

दिल्लीमध्ये 10 ऑक्टोबर रोजी होणाऱ्या निदर्शनांपूर्वी CJP आणि डाव्या संघटनांनी देशभरातील समर्थकांना ताब्यात घेतल्याचा आरोप केला आहे. कॉकरोच जनता पार्टीने सांगितले की, पुण्यातील विद्यार्थ्यांना दिल्लीला जात असताना मध्येच ताब्यात घेण्यात आले. त्यांना बसमधून अज्ञात ठिकाणी नेण्यात आले. दरम्यान, CJPने मध्य प्रदेशातील एक व्हिडिओही शेअर केला आहे. यात चालत्या बसमधील तरुण दिसत आहेत. एका तरुणाने मध्य प्रदेश पोलिसांनी ताब्यात घेतल्याचे सांगितले. कार्यकर्त्यांच्या घरी जाऊन त्यांच्या कुटुंबीयांना धमकावल्याचाही त्यांनी आरोप केला. वास्तविक, 10 ऑक्टोबर रोजी CJP दिल्लीतील जंतर-मंतरवर मुख्य निवडणूक आयुक्त ज्ञानेश कुमार यांच्या राजीनाम्यासाठी निदर्शने करणार आहे. दरम्यान, दिल्ली पोलिस दिल्लीतील हॉटेल्स आणि गेस्ट हाऊसची तपासणी करत आहेत. अधिकाऱ्यांनी सांगितले की, तपासणीचे निर्देश देण्यात आले आहेत.

Delhi Jantar Mantar Protest: 10 ऑक्टोबरला जंतर-मंतरवर CJPचे आंदोलन

ज्ञानेश कुमार यांच्या राजीनाम्याची मागणी करण्यासाठी कॉकरोच पार्टी 10 ऑक्टोबरला दिल्लीत आंदोलन करणार आहे. दीपके यांनी 2 ऑक्टोबरच्या रात्री ‘एक्स’वर पोस्ट करून म्हटले होते की, ज्ञानेश कुमार यांनी राजीनामा दिला नाही, तर देशभरातून कॉकरोच दिल्लीला पोहोचतील. त्यांनी असेही म्हटले होते की, दिल्ली पोलिसांनी आंदोलकांना जंतर-मंतरपर्यंत पोहोचण्यापासून रोखले, तर त्यांना जिथे रोखले जाईल, तिथेच जंतर-मंतर उभारले जाईल.

Nana Patekar Last Rite Performed At Midnight: नाना पाटेकरांचे अंत्यविधी कुटुंबीयांनी सूर्यास्तानंतर, रात्री उशीरा का उरकले? थोरल्या लेकानं सांगितलं मोठं कारण

एबीपी माझा एंटरटेनमेंट डेस्क — Fri, 9 Oct 2026 09:38:02 +0530

Nana Patekar Last Rite Performed At Midnight: हिंदी (Bollywood News) आणि मराठी चित्रपटसृष्टीतील (Marathi Film Industry) एक दिग्गज व्यक्तिमत्त्व असलेले नाना पाटेकर (Nana Patekar) आता आपल्यात नाहीत. पुण्याच्या (Pune News) जवळ असलेल्या डोणजे गावातील त्यांच्या 'नानाची वाडी' या फार्महाऊसजवळ 8 ऑक्टोबरच्या रात्री उशिरा त्यांच्यावर अंत्यसंस्कार (Nana Patekar Funeral) करण्यात आले. कुटुंबीय, मित्रपरिवार आणि सिनेसृष्टीतील मान्यवरांनी त्यांना भावपूर्ण निरोप दिला. आपल्या दमदार अभिनयानं लोकांची मनं जिंकणाऱ्या नानांचं अंतिम दर्शन घेता न आल्यानं अनेक चाहते आणि कलाकारांना त्यांना श्रद्धांजली वाहण्याची संधी मिळाली नाही. नाना पाटेकरांचं पार्थिव अंत्यदर्शनासाठी ठेवलं जाईल, अशी अपेक्षा लोकांना होती, पण कुटुंबीयांनी त्याच रात्री उशिरा अंत्यविधी उरकून घेतले. त्यामुळे चाहत्यांच्या मनात त्यांच्या लाडक्या अभिनेत्याचं अंत्यदर्शन घेण्याची इच्छा अपूर्णच राहिली. आता नाना पाटेकरांचा थोरला लेक मल्हार पाटेकर यानं रात्रीच अंत्यविधी उरकण्याच्या निर्णयामागचं कारण स्पष्ट केलं आहे.

8 ऑक्टोबरच्या रात्री उशिरा नाना पाटेकर यांच्यावर अंत्यसंस्कार पार पडले, हिंदी आणि मराठी सिनेसृष्टीतील दिग्गज अभिनेत्याचं पार्थिव पंचतत्त्वात विलीन झालं. नानांचा थोरला लेक मल्हार पाटेकर यानं अत्यंत जड अंतःकरणानं अंत्यविधीची सर्व कर्तव्य पार पाडली आणि वडिलांच्या चरणांना स्पर्श करून त्यांना अखेरचा निरोप दिला. मंत्रोच्चारांच्या गजरात हे सर्व विधी संपन्न झाले. या प्रक्रियेदरम्यान त्यांच्या पत्नी, नीलाकांती पुरत्या कोलमडल्या होत्या. तर, नानांचे दोन्ही लेक भावूक झाल्याचं पाहायला मिळालं. तरीही, कुटुंबानं अंत्यसंस्कारासाठी रात्रीची इतकी उशिराची वेळ का निवडली? हा प्रश्न सर्वांच्या मनात होता.

नाना पाटेकरांचे अंत्यविधी रात्री उशीरा का उरकले? (Why Nana Patekar Last Rites Performed Late Night?)

वडिलांना अखेरचा निरोप देताना मल्हार अत्यंत भावूक झालेला दिसला. सामान्यतः हिंदू परंपरेनुसार, सूर्यास्तानंतर अंत्यसंस्कार टाळले जातात, तरीही पाटेकर कुटुंबीयांनी मात्र, नानांचे अंत्यविधी रात्री उशीराच उरकले, पण असं का केलं? नानांचं पार्थिव अंत्यविधीसाठी का ठेवलं नाही? असे अनेक प्रश्न चर्चेत आहेत. अशातच नाना पाटेकरांचा मोठा मुलगा मल्हार यानं यावर स्पष्टीकरण दिलंय.

नाना पाटेकरांच्या पार्थीवावर रात्री उशीरा अंत्यसंस्कार करण्याच्या निर्णयाबाबत बोलताना मल्हारनं सांगितलं की, "आम्ही गोव्याला होतो आणि आम्हाला त्यांचं पार्थिव गावातील फार्महाऊसवर आणायचं होतं... आम्ही लवकर पोहोचू असं वाटलं होतं, पण अपेक्षेपेक्षा जास्त वेळ लागला... त्यांचं निधन पहाटेच झालं होतं आणि बराच वेळ उलटून गेला होता... पार्थिव जास्त वेळ तसंच ठेवणं योग्य नव्हतं... म्हणूनच आम्हाला सूर्यास्तानंतर अंत्यसंस्कार करावे लागले..."

#WATCH | Pune, Maharashtra: On the demise of his father and veteran actor Nana Patekar, Malhar Patekar says, "A person like Nana Saheb never truly leaves us; his achievements have made him immortal. Secondly, he always believed that everyone should come together and follow a righteous path on a global scale... Thirdly, regarding the future—carrying forward the vision Nana Saheb left behind is how we will shape the life ahead. Regarding the Marathwada tour... Nana had recently spoken about it; the work related to it was about to begin... When I met him, we discussed this matter... Given the massive scale at which the NAAM Foundation operates. The CM also felt that if we work together, we would be able to achieve the target..." He further says, "We proceeded (with the last rites today) because the tragedy occurred early this morning, so a significant amount of time had already passed. That is why we decided to go ahead with it today.
— ANI (@ANI) October 8, 2026

नाना पाटेकरांना अखेरचा निरोप देताना पत्नी नीलाकांती भावूक

गेल्या 35 वर्षांपासून नाना पाटेकर यांच्यापासून वेगळ्या राहत असलेल्या नीलाकांती पाटेकर त्यांच्या अंत्यसंस्काराच्या वेळी भावूक झाल्याचं दिसून आलं. पतीचा निरोप घेताना त्या भावूक होऊन रडू लागल्या आणि तिथे उपस्थित असलेल्यांनी त्यांना सावरण्याचा प्रयत्न केला. सोशल मीडियावर समोर आलेल्या एका व्हिडीओमध्ये नीलाकांती अंत्यविधीची प्रक्रिया करताना दिसत आहेत. नाना पाटेकर आणि नीलाकांती यांचं वैयक्तिक आयुष्य नेहमीच लोकांच्या कुतूहलाचा विषय राहिलंय. हे जोडपं जवळपास 35 वर्षांपासून वेगळं राहत होतं, तरीही त्यांनी कधीही घटस्फोट घेतला नाही. नानांना त्यांची पत्नी आणि मोठ्या लेकानं मुखाग्नी दिला. सर्वांचे लाडके नाना पंचतत्वात विलीन झाले.

महत्त्वाच्या इतर बातम्या :

Nana Patekar Death Marathi News: नाना पाटेकरांना मध्यरात्री छातीत तीव्र वेदना, मित्राला मेसेज पाठवला, पण...; शेवटच्या काही तासांत काय घडलं? डॉक्टरांनी सर्वच सांगितलं...

Jalgaon Crime: पैशांचा वाद विकोपाला गेला, 21 वर्षीय भूषणचा काटा काढला; नंतर फुटपाथवर बॉडी फेकली अन्...; जळगाव हादरले!

चंद्रशेखर नेवे, एबीपी माझा, जळगाव — Fri, 9 Oct 2026 09:35:47 +0530

Jalgaon Crime: जळगाव (Jalgaon) जिल्ह्यातील भुसावळ (Bhusawal) येथे पैशांच्या वादातून 21 वर्षीय तरुणाला संपवल्याची धक्कादायक घटना समोर आली आहे. भूषण वावळे असे मृत तरुणाचे नाव आहे. तरुणाची हत्या केल्यानंतर त्याचा मृतदेह महामार्गालगतच्या फुटपाथवर टाकून आरोपी पसार झाल्याची माहिती आहे. सुरुवातीला या प्रकरणी पोलिसांनी अकस्मात मृत्यूची नोंद केली होती. मात्र, तपासादरम्यान भूषणचा मृत्यू नैसर्गिक किंवा अपघाती नसून त्याची हत्या झाल्याचे निष्पन्न झाले. या प्रकरणी पोलिसांनी संजय दत्तू आवटे आणि प्रमोद लाहोरिया या दोन संशयितांना अटक केली असून, तिसरा संशयित फरार आहे.

Jalgaon Crime: महामार्गालगत फुटपाथवर आढळला तरुणाचा मृतदेह

भुसावळमध्ये महामार्गालगत असलेल्या फुटपाथवर भूषण वावळे या 21 वर्षीय तरुणाचा मृतदेह आढळून आला. या घटनेची माहिती मिळताच पोलिसांनी घटनास्थळी धाव घेतली. सुरुवातीला या प्रकरणी अकस्मात मृत्यूची नोंद करण्यात आली होती. मात्र, मृत्यूच्या परिस्थितीबाबत संशय निर्माण झाल्याने पोलिसांनी तपास सुरू केला. तपासादरम्यान समोर आलेल्या बाबींच्या आधारे भूषणचा मृत्यू हा अकस्मात नसून त्याची हत्या झाल्याचे निष्पन्न झाले. त्यामुळे या प्रकरणाला वेगळे वळण मिळाले.

Jalgaon Crime: पैशांच्या वादातून भूषणचा काटा काढल्याचा संशय

मिळालेल्या माहितीनुसार, पैशांच्या वादातून भूषण वावळे याची हत्या करण्यात आल्याचा संशय आहे. आर्थिक व्यवहारावरून निर्माण झालेला वाद टोकाला गेल्यानंतर हा प्रकार घडल्याची माहिती समोर आली आहे. मात्र, पैशांचा नेमका व्यवहार काय होता आणि वादाचे स्वरूप काय होते, याबाबत अधिक तपशील समोर येणे बाकी आहे.

Jalgaon Crime: दोन आरोपी अटकेत

घटनेचा तपास करताना पोलिसांनी संशयितांचा माग काढला. या प्रकरणी संजय दत्तू आवटे आणि प्रमोद लाहोरिया या दोघांना अटक करण्यात आली आहे. तर या गुन्ह्यात सहभागी असल्याचा संशय असलेला तिसरा आरोपी अद्याप फरार आहे. पोलीस त्याचा शोध घेत आहेत.

Jalgaon Crime: भुसावळमधील घटनेने खळबळ

पैशांच्या वादातून एका तरुणाचा जीव गेल्याच्या या घटनेमुळे भुसावळ परिसरात खळबळ उडाली आहे. सुरुवातीला अकस्मात मृत्यू म्हणून नोंद झालेल्या प्रकरणात तपासाअंती हत्येचा उलगडा झाल्याने पोलिसांच्या तपासाकडे लक्ष लागले आहे. या प्रकरणातील तिसऱ्या संशयिताचा शोध सुरू असून, पुढील तपासातून घटनेमागील नेमके कारण आणि इतर तपशील स्पष्ट होणार आहेत.

राज्य आणि देश-विदेशातील महत्त्वाच्या बातम्या; पाहा व्हिडीओ

आणखी वाचा

Dipali Sayyed And Vivekanand Patil MPSC Protest: दीपाली सय्यदचं एक वाक्य आणि प्रचंड गोंधळ; विवेकानंद पाटीलने सांगितलं, आम्ही एपस्टीन फाईल्स बघू, आंदोलनस्थळी काय घडलं?

मुकेश चव्हाण — Fri, 9 Oct 2026 09:29:32 +0530

Dipali Sayyed And Vivekanand Patil MPSC Protest Pune Marathi News: पुण्यातील एस.एम. जोशी पुलावर सुरु असलेल्या एमपीएससी आंदोलनाचा (MPSC Protest Pune) आज नववा दिवस आहे. काल पुणे पोलिसांनी एस.एम जोशी पूल मोकळा करा, असं आंदोलक विद्यार्थ्यांना सांगितलं. मात्र जोपर्यंत मागण्या पूर्ण होत नाही. तोपर्यंत विद्यार्थी आणि राष्ट्रवादी काँग्रेस शरद पवार गटाचे आमदार रोहित पवार (Rohit Pawar) आंदोलनावर ठाम आहेत. विद्यार्थ्यांच्या आंदोलनाला पाठिंबा देण्यासाठी अभिनेत्री आणि शिंदेंच्या शिवसेनेच्या नेत्या दीपाली सय्यद (Dipali Sayyed) देखील आंदोलनस्थळी पोहोचल्या होत्या. मी एक कलाकार म्हणून तुमच्यासाठी याठिकाणी आली आणि तुम्हाला पाठिंबा दिला. तुमच्या मागण्या आगामी 2 दिवसांत नक्की पूर्ण होतील, असं दीपाली सय्यद म्हणाली. मात्र दीपाली सय्यदच्या भाषणावेळी काहीकाळ गोंधळ पाहायला मिळाला. मात्र चर्चेत आलेले विद्यार्थी विवेकानंद पाटील (Vivekanand Patil) यांनी विद्यार्थ्यांची समजूत काढली.

राज्य सरकार सर्व सामान्यांचं सरकार आहे. आपले मुख्यमंत्री देवेंद्र फडणवीस अॅडव्होकेट आहेत. तुम्हाला ते नक्कीच न्याय देतील, असं दीपाली सय्यद म्हणाल्या. दीपाली सय्यदच्या या विधानानंतर एकच गोंधळ झाला. यानंतर विद्यार्थ्यांनी दीपाली सय्यद यांना बोलू दिले नाही. मात्र विवेकानंद पाटील याने मध्यस्थी करत आंदोलक विद्यार्थ्यांची समजूत काढली. आधी पूर्ण ऐका, नंतर प्रतिक्रिया व्यक्त करा...असं विवेकानंद पाटील म्हणाला. यानंतर मी तुमचा आवाज सरकारपर्यंत पोहोचवणार...मी उपमुख्यमंत्री एकनाथ शिंदे यांच्यापर्यंत तुमचा आवाज पोहोचवणार...एकनाथ शिंदे तुमच्यासाठी काम करणार...असं आश्वासन दीपाली सय्यद यांनी दिलं. विद्यार्थी जगला तर महाराष्ट्र आणखी मोठा होईल. मला खरंच मनापासून वाटतं, तुमच्या मागण्या पूर्ण व्हाव्यात. सगळं काही ठीक होईल, तुम्हाला या दोन दिवसांत निकाल समोर येईल. तुम्ही अजिबात काळजी करु नका. मी एक कलाकार म्हणून तुमच्यासाठी याठिकाणी आली आणि तुम्हाला पाठिंबा दिला, असंही दीपाली सय्यद यांनी सांगितलं. (Dipali Sayyed MPSC Protest Pune)

विवेकानंद पाटील काय म्हणाला? (Vivekanand Patil)

तुम्ही इकडे आल्याबाबत दीपाली सय्यद यांचे आभार...तुम्ही सरकारमध्ये असूनही विद्यार्थ्यांसाठी धावून आल्यात. ताई आमच्या आहेत. आम्हाला अर्बन नक्षलवादी म्हणाले, यासाठी विद्यार्थ्यांमध्ये राग आहे. तुम्ही आमचा आवाज पोहोचवा, असं विवेकानंद पाटील यांनी सांगितलं. आपलं इतक्या दिवसांपासून आंदोलन सुरु आहे. मात्र एकही कलाकार आंदोलनस्थळी आला नाही. त्यामुळे त्यांचं पुढे काय करायचं ते आम्ही बघू...तुम्ही (दीपाली सय्यद) आलात, त्यासाठी तुमचे आभार..असं विवेकानंद पाटील म्हणाले. तसेच तुम्ही हा राग तुमच्यावर आहे, असं समजू नका..विद्यार्थ्यांचा हा राग सरकारवर आहे, असंही विवेकानंद पाटीलने सांगितले. त्याचप्रमाणे एमपीएससीचे अध्यक्ष विवेक भीमनवार यांचा राजीनामा झाल्यास आम्ही एपस्टीन फाईल्स हाऊसफुल्ल करुन बघू...पण तुम्ही चित्रपट लवकरच चित्रपटगृहात आणा...आम्हाला पण खरातबाबा कोण आहे, हे बघायचं आहे, असं मिश्किल विधान विवेकानंद पाटीलने केलं.

तातडीने आंदोलनाची जागा रिकामी करा, पुणे पोलिसांचे आदेश- (MPSC Protest Pune Marathi News)

एस. एम. जोशी पूल, पत्रकार भवनाजवळ सुरू असलेल्या धरणे आंदोलनासाठी पोलिसांनी परवानगी नाकारली आहे. तसेच आंदोलनस्थळ तात्काळ रिकामे करण्याचे आदेश पुणे पोलिसांनी दिले आहेत. आंदोलकांनी पर्यायी ठिकाणी आंदोलन करण्यासाठी परवानगी मागितल्यास त्यावर सकारात्मक विचार केला जाईल, असंही पोलिसांनी स्पष्ट केलं आहे. MPSC विद्यार्थ्यांच्या विविध मागण्यांसाठी २ ऑक्टोबरपासून आंदोलन करण्याचा इशारा देण्यात आला होता. त्यानंतर ३० सप्टेंबर रोजी मुख्यमंत्री आणि विद्यार्थी प्रतिनिधी यांच्यात बैठक झाली. या बैठकीत विद्यार्थ्यांच्या बहुतांश मागण्या मान्य करण्यात आल्याचा दावा करण्यात आला. त्यानंतर विद्यार्थ्यांच्या वतीने नियोजित धरणे आंदोलन स्थगित करण्यात येत असल्याचं पत्रही देण्यात आलं होतं. त्यामुळे यापूर्वी आंदोलनासाठी देण्यात आलेली परवानगी रद्द झाल्याचं पोलिसांनी स्पष्ट केलं होतं.

राज्यासह देश-विदेशातील महत्वाच्या घडामोडी, VIDEO:

Nagpur BJP: बंडोबांना थंड करण्यासाठी भाजपच्या वरिष्ठांचाही जोरदार प्रयत्न; नितीन गडकरींचा अनिल सोलेंना फोन, पण...; नागपूर पदवीधर मतदारसंघात भाजपचं टेन्शन वाढलं

रजत वशिष्ठ, एबीपी माझा — Fri, 9 Oct 2026 09:26:37 +0530

Nagpur Graduate Constituency Election 2026: नागपूर विभाग पदवीधर मतदार संघाच्या रणनीतीसाठी केंद्रीय मंत्री नितीन गडकरी (Nitin Gadkari) यांच्या निवासस्थानी भाजपच्या कोअर कमिटीची बैठक झाली. पक्षाच्या प्रमुख नेत्यांच्या उपस्थितीत झालेल्या या बैठकीत भाजपचे नेते आणि बंडखोर उमेदवार अनिल सोले (Anil Sole) यांच्या भूमिके संदर्भात सखोल चर्चा करण्यात आली. या बैठकीत नितीन गडकरी यांनी अनिल सोले यांच्याशी संपर्क साधण्याच्या सूचना दिल्या. सोबतच बैठकीतूनही सोले यांना दूरध्वनीवर संपर्क साधण्याचे प्रयत्न करण्यात आले. मात्र सोले यांचा मोबाईल बंद असल्याने संपर्क त्यांच्याशी संपर्क होऊ शकला नाही. किंबहुना सोले यांच्या निकटवर्तीयांचे ही मोबाईल बंद असल्यामुळे भाजपच्या चिंतेत वाढ झाली आहे.

Nagpur Graduate Constituency Election 2026: बंडोबांचे बंड शमवण्याचे भाजपच्या पक्षश्रेष्ठींना यश येणार?

दरम्यान, आज (9 ऑक्टॉबर) उमेदवारी अर्ज मागे घेण्याची अंतिम मुदत असताना संध्याकाळी पाच वाजता अनिल सोले यांच्या प्रचार कार्यालयाचे उद्घाटन होणार असल्याचे मेसेज सोशल मीडियावर फिरत आहे. विशेष म्हणजे भाजपचे माजी आमदार गिरीश व्यास यांच्या बडकस चौकावरील कार्यालयात सोले यांचे प्रचार कार्यालय राहणार आहे. त्यामुळे अनिल सोलेंच बंड शमवण्यात भाजपच्या पक्षश्रेष्ठीना यश येतं का? हे पाहणं महत्वाचं ठरणार आहे.

Anil Sole : अनिल सोले हे गेल्या दोन दिवसांपासून संपर्क क्षेत्राच्या बाहेर

विधान परिषदेच्या नागपूर पदवीधर मतदारसंघ निवडणुकीतील लढतीचे चित्र आज स्पष्ट होणार आहे. उमेदवारी अर्ज मागे घेण्याचा आज अखेरचा दिवस असून भाजपचे बंडखोर आणि माजी आमदार प्राध्यापक अनिल सोले त्यांचे अर्ज परत घेतात का? याकडे सगळ्यांचे लक्ष लागले आहे. प्रा. अनिल सोले हे गेल्या दोन दिवसांपासून संपर्क क्षेत्राच्या बाहेर असल्याने भाजपची चिंता वाढली आहे. भाजपच्या सर्व वरिष्ठ नेत्यांनी त्यांच्याशी संपर्क साधून त्यांची मनधरणी करण्याचे प्रयत्न केले. मात्र काहींना सोलींचे फोन बंद आढळले, तर काहींशी बोलणं होऊनही सोलेंनी अंतिम शब्द दिला नसल्याची माहिती आहे. प्रदेशाध्यक्ष रवींद्र चव्हाण तर नागपूर दौऱ्या दरम्यान खुद्द अनिल सोले यांच्या घरी जाऊन आले होते. मात्र अनिल सोले तेव्हाही त्यांना भेटले नव्हते.

Nagpur Politics: महाल परिसरातील अनिल सोलेंच्या प्रचार कार्यालयाचे आज उद्घाटन; माविआमध्येही बंडखोरीचं टेन्शन

दरम्यान, अनिल सोले आपला उमेदवारी अर्ज मागे घेतील की नाही अशी चर्चा सुरू असताना नागपूरच्या महाल परिसरातील त्यांच्या प्रचार कार्यालयाचे उद्घाटन आज होणार असल्याचा संदेश समाजमाध्यमांवर फिरत आहे. त्यामुळे सोले माघारीच्या मूडमध्ये नाही, असंच सध्या चित्र आहे. लोक जागृती मोर्चाच्या रमण सेनाड यांनीही उमेदवारी अर्ज दाखल करत भाजपचे डोकेदुखी वाढवली आहे. तर दुसरीकडे महाविकास आघाडीत काँग्रेसचे अधिकृत उमेदवार अभिजीत वंजारी यांच्या विरोधात राष्ट्रवादी शरद पवार पक्षाचे नितेश कराळे यांनी अपक्ष उमेदवारी अर्ज दाखल केला आहे. पदवीधर मतदार संघासाठीच्या विधान परिषदेच्या मागील निवडणुकीत नितेश कराळे यांनी चांगलं मतदान घेतलं होतं. त्यामुळे त्यांची उमेदवारी काँग्रेससाठी चिंता वाढवणारी आहे.

इतर महत्वाच्या बातम्या

Nana Patekar: ‘आग लागण्याची वाट पाहायची का?’ जळगावमध्ये शेतकऱ्यांच्या प्रश्नावर नाना पाटेकर का संतापले होते? नेमकं काय घडलं होतं?

जयदीप मेढे — Fri, 9 Oct 2026 09:03:27 +0530

Nana Patekar: ज्येष्ठ अभिनेते नाना पाटेकर यांच्या निधनाने चित्रपटसृष्टीसह संपूर्ण महाराष्ट्रात शोककळा पसरली आहे. आपल्या दमदार अभिनयासोबतच सामाजिक प्रश्नांवर परखड भूमिका मांडण्यासाठीही नाना पाटेकर ओळखले जात होते. शेतकरी आत्महत्या, शेतीमालाला मिळणारा भाव आणि संकटात सापडलेल्या शेतकरी कुटुंबांची परिस्थिती या विषयांवर त्यांनी अनेकदा आपली भूमिका स्पष्टपणे मांडली होती. 2015 मध्ये जळगावमधील उत्तर महाराष्ट्र विद्यापीठात झालेल्या एका कार्यक्रमात त्यांनी शेतकऱ्यांच्या प्रश्नावर बोलताना, ‘आग लागण्याची वाट पाहायची का?’ असा संतप्त सवाल उपस्थित केला होता. नानांच्या निधनानंतर त्यांच्या त्या भाषणाची पुन्हा चर्चा होत आहे.

25 ऑक्टोबर 2015 रोजी जळगावमधील उत्तर महाराष्ट्र विद्यापीठात ‘नाम फाऊंडेशन’च्या वतीने खान्देशातील आत्महत्याग्रस्त शेतकरी कुटुंबांसाठी मदतवाटपाचा कार्यक्रम आयोजित करण्यात आला होता. या कार्यक्रमात नाना पाटेकर यांच्या हस्ते 353 शेतकरी कुटुंबांना प्रत्येकी 15 हजार रुपयांच्या मदतीचे धनादेश देण्यात आले होते. या उपक्रमांतर्गत एकूण सुमारे 52 लाख 95 हजार रुपयांची मदत करण्यात आली होती. मात्र, शेतकरी कुटुंबांचा संघर्ष केवळ आर्थिक मदत देऊन संपणार नाही, याची जाणीव नाना पाटेकर यांनी त्या वेळी करून दिली होती. संकटात सापडलेल्या कुटुंबांना आधार मिळणे, त्यांचा सन्मान राखला जाणे आणि शेतकऱ्यांच्या कष्टाने पिकवलेल्या मालाला योग्य मोबदला मिळणे आवश्यक असल्याचे त्यांनी सांगितले होते.

Nana Patekar: ‘सहानुभूती नको, आधार द्या’; शेतकरी कुटुंबांना धीर

या कार्यक्रमात नाना पाटेकर यांनी आत्महत्याग्रस्त शेतकरी कुटुंबीयांशी संवाद साधला होता. कुटुंबातील अनेक जबाबदाऱ्या शिल्लक असताना आत्महत्येचा मार्ग स्वीकारल्याने मागे राहिलेल्या कुटुंबीयांना किती मोठ्या संकटाचा सामना करावा लागतो, याकडे त्यांनी लक्ष वेधले होते. कुटुंबातील कर्ता पुरुष गेल्यानंतर त्याच्या पत्नीला, आईला आणि मुलांना दुःख बाजूला ठेवून पुन्हा आयुष्य उभे करावे लागते. गेलेली व्यक्ती परत येणार नसली, तरी तिच्या मागे राहिलेल्या कुटुंबीयांनी जगण्यासाठी उभे राहणे गरजेचे आहे, असा संदेश त्यांनी दिला होता. शेतकरी कुटुंबांना केवळ सहानुभूती दाखवून किंवा पोकळ आश्वासने देऊन उपयोग नाही, तर त्यांच्या पाठीशी प्रत्यक्ष उभे राहण्याची गरज असल्याचे नाना यांनी अधोरेखित केले होते. ‘रडू नका, तर लढा’, असे आवाहन करत त्यांनी संकटात खचून न जाता पुन्हा उभे राहण्याचा संदेश दिला होता.

Nana Patekar: शेतमालाच्या भावावरून नाना पाटेकर संतापले; नेमका सवाल काय होता?

या भाषणातील सर्वाधिक चर्चेत राहिलेला मुद्दा म्हणजे शेतमालाला मिळणारा भाव. इतर वस्तूंच्या किमती आणि विविध क्षेत्रांतील कर्मचाऱ्यांचे पगार वाढत असताना शेतकऱ्यांच्या उत्पादनाला मिळणाऱ्या किमतीत त्या तुलनेत पुरेशी वाढ झालेली नाही, असे नाना पाटेकर यांनी म्हटले होते. "गुरुजींचा पगार सातव्या वेतन आयोगानुसार 35 हजार झाला. सोन्याच्या किमतीत 82 पटीने वाढ झाली. पगार अडीचशे पटीने वाढले; परंतु शेतकऱ्यांच्या मालाची किंमत फक्त आठ पटीने वाढली," असा दावाही पाटेकर यांनी त्या वेळी केला होता. शेतमालाच्या दरातील ही तफावत अधोरेखित करत त्यांनी, "आग लागण्याची वाट पाहायची का?" असा संतप्त सवाल उपस्थित केला होता. शेतकऱ्यांच्या प्रश्नाकडे गांभीर्याने पाहण्याची गरज असल्याचे त्यांनी म्हटले होते.

आणखी वाचा

Nana Patekar Reason For Leaving Mumbai: नाना पाटेकर मुंबईतला झगमगाट, ऐशोआराम सोडून, गावी शेतात का रमायचे? स्वतःच केलेला खुलासा, VIDEO

Sarva Pitri Amavasya 2026: 10 ऑक्टोबरची 'सर्वपित्री' अमावस्या अद्भूत! 3 राशींचं भाग्य फळफळलं, शनि अमावस्येता पॉवरफुल योगायोग, श्राद्धाचा मुहूर्त, महत्त्व...

एबीपी माझा वेब टीम — Fri, 9 Oct 2026 08:47:54 +0530

Sarva Amavasya 2026: हिंदू धर्मात या तिथीला अत्यंत पवित्र आणि पुण्यदायी मानले जाते. वैदिक पंचांगानुसार, 10 ऑक्टोबर 2026, सर्वपित्री अमावस्या असून, हा दिवस अत्यंत खास आहे. ज्योतिषशास्त्र आणि धार्मिक मान्यतेनुसार या अमावस्येला विशेष धार्मिक महत्त्व आहे. या दिवशी पितृतर्पण, दान, स्नान, हनुमान आणि शनि पूजा केल्यास शुभ फळ मिळते, अशी धार्मिक मान्यता आहे. ज्योतिषशास्त्रानुसार, सर्वपित्री अमावस्येला एक अत्यंत दुर्मिळ योगायोग निर्माण होतोय. ज्यामुळे 3 राशींच्या आयुष्यात अत्यंत सकारात्मक बदल घडून येणार आहेत. सर्वपित्री अमावस्येच्या दिवशी ग्रह आणि नक्षत्रांच्या स्थितीचे शुभ परिणाम या तीन राशींवर दिसून येतील. त्यांना मोठे यश, नोकरीत वाढ, आर्थिक लाभ आणि गुंतवणुकीत चांगले परिणाम मिळू शकतात. जाणून घेऊया त्या भाग्यशाली राशींबद्दल, सर्वपित्री अमावस्येचे महत्त्व आणि श्राद्धाच्या शुभ मुहूर्ताबद्दल...

मराठी दिनदर्शिकेनुसार सर्वपित्री अमावस्या तिथी (Sarva Amavasya 2026)

सर्वपित्री अमावस्या: शनिवार, 10 ऑक्टोबर 2026
सर्वपित्री अमावस्या तिथी प्रारंभ: 9 ऑक्टोबर 2026, 9:36 रात्री
सर्वपित्री अमावस्या तिथी समाप्त: 10 ऑक्टोबर 2026, 9:20 रात्री

सर्वपित्री अमावस्येला जुळले मागोमाग शुभ योग...

वैदिक पंचांगानुसार, यंदा सर्वपित्री अमावस्या 10 ऑक्टोबर रोजी साजरी केली जाईल. ही वर्षातील मोठी अमावस्या म्हणूनही ओळखली जाते. ज्योतिष आणि धार्मिक दोन्ही दृष्टिकोनातून ही तारीख खूप विशेष मानली जाते. असे मानले जाते की या दिवशीच्या ग्रहस्थितीचे शुभ परिणाम काही विशिष्ट राशींच्या लोकांच्या जीवनावर दिसून येतात. या वर्षी, शनि मीन राशीत, सूर्य कन्या राशीत आणि शुक्र तूळ राशीत असेल. याव्यतिरिक्त, गुरु कर्क राशीत असेल, ज्यामुळे लोकांना शुभ परिणाम मिळू शकतात. तसेच हस्त नक्षत्र आणि ऐंद्र योगाचा संयोग असेल. परिणामी, या शुभ ग्रहस्थिती आणि संयोगांचे परिणाम 12 राशींपैकी तीन राशींसाठी विशेषतः महत्त्वपूर्ण असतील. भाग्यवान राशींबद्दल जाणून घेऊया.

कर्क (Cancer)

ज्योतिषशास्त्रानुसार, कर्क राशीच्या लोकांना अपेक्षित यश मिळण्याची शक्यता आहे. तुम्ही नवीन लोकांना भेटाल आणि तुमच्या एकत्रित कामात प्रगती होऊ शकते. तुम्हाला तुमच्या मुलांसंबंधी चांगली बातमी मिळू शकते आणि तुमच्या मुलाच्या सुखाची शक्यता आहे. या काळात तुम्हाला नोकरीच्या महत्त्वपूर्ण संधी मिळतील. तुम्हाला सरकारी क्षेत्राकडून एक महत्त्वपूर्ण माहिती मिळेल. कामाच्या ठिकाणी तुमच्या प्रयत्नांची दखल घेतली जाईल आणि अनेक नवीन संधी निर्माण होऊ शकतात. कौटुंबिक जीवन सुखसोयींनी भरलेले असेल आणि घरात आनंदी वातावरण असेल.

कन्या (Virgo)

ज्योतिषशास्त्रानुसार, कन्या राशीच्या लोकांचे नशीब चमकू शकते. तुमच्या मेहनतीचे फळ मिळेल आणि दीर्घकाळापासूनच्या प्रयत्नांचे सकारात्मक परिणाम दिसून येतील. या काळात तुमच्या उत्पन्नात अचानक वाढ होण्याची शक्यता आहे. या काळात गाडी खरेदी करण्याचे तुमचे स्वप्न पूर्ण होईल. तुम्हाला आर्थिक लाभ होईल आणि पूर्वी केलेल्या गुंतवणुकीचे किंवा प्रयत्नांचेही सकारात्मक परिणाम मिळू शकतात. तुम्हाला लग्नासाठी तुमच्या कुटुंबाकडून संमती मिळेल.

मकर (Capricorn)

ज्योतिषशास्त्रानुसार, मकर राशीच्या व्यक्तींना मोठे यश मिळण्याची शक्यता आहे. जुन्या ओळखीच्या किंवा प्रभावशाली व्यक्तींच्या मदतीने तुम्ही एका महत्त्वाच्या कामात यशस्वी होऊ शकता. या काळात, आर्थिक व्यवहारांमध्ये चांगल्या ओळखींचा तुम्हाला फायदा होऊ शकतो. तुम्हाला प्रियजनांसोबत चांगला वेळ घालवण्याची संधी मिळेल, ज्यामुळे तुमच्या मनाला आनंद मिळेल. व्यावसायिकांनाही नवीन संधी मिळतील. तुमच्या करिअरबाबत वेळेवर घेतलेले निर्णय फायदेशीर ठरू शकतात.

सर्वपित्री अमावस्येच्या दिवशी श्राद्धासाठी शुभ वेळ

सर्वपित्री अमावस्येच्या दिवशी पूर्वजांसाठी श्राद्ध, तर्पण आणि पिंडदान करण्याकरिता दिवसातील विशिष्ट वेळा निश्चित केल्या आहेत.
पंचांगानुसार, कुतुप मुहूर्त सकाळी 11:45 ते दुपारी 12:31 पर्यंत असेल. याचा कालावधी अंदाजे 47 मिनिटांचा असेल.
यानंतर, रोहिणी मुहूर्त दुपारी 12:31 ते 1:18 पर्यंत असेल. हा मुहूर्त देखील अंदाजे 47 मिनिटांचा असतो.
दुपारच्या श्राद्ध विधींचा कालावधी दुपारी 1:18 ते 3:37 पर्यंत असेल. याचा कालावधी अंदाजे 2 तास 20 मिनिटे असतो.

श्राद्ध आणि पूर्वजांशी संबंधित विधींसाठी शुभ वेळ..

हिंदू परंपरेनुसार, दिवसातील काही विशिष्ट वेळा श्राद्ध आणि पूर्वजांशी संबंधित विधींसाठी शुभ मानल्या जातात. कुतुप, रोहिणी आणि दुपारच्या वेळेचाही या महत्त्वाच्या वेळेत समावेश होतो. असे मानले जाते की या वेळेत, पितृपक्षात किंवा पूर्वजांच्या मृत्यूदिनी तर्पण, पिंडदान आणि श्राद्ध यांसारखे विधी केल्याने त्यांचे धार्मिक महत्त्व वाढते.

हेही वाचा :

Weekly Horoscope: मेष, वृषभ, मिथुन, कर्क, सिंह, कन्यापैकी 5 राशींची पाचही बोटं तुपात! ऑक्टोबरचा दुसरा आठवडा, नवरात्रीत शुभ संकेत, साप्ताहिक राशीभविष्य

(टीप : वरील सर्व बाबी एबीपी माझा केवळ माहिती म्हणून वाचक-प्रेक्षकांपर्यंत पोहोचवत आहे. यातून एबीपी माझा कोणताही दावा करत नाही.)

Maharashtra Legislative Council Election : विधान परिषदेच्या 5 जागांसाठी चढाओढ; कुठे थेट लढत, कुठे बंडखोरी, किती आले उमेदवारी अर्ज अन् किती ठरले वैध, जाणून घ्या सविस्तर

अंकिता खाणे — Fri, 9 Oct 2026 08:45:41 +0530

पुणे: विधानपरिषदेच्या पाच जागांसाठीच्या निवडणुकीचा बिगुल वाजला असून अर्ज भरण्याची मुदत संपली आहे. त्यामुळे पाचही मतदारसंघांतील (Maharashtra Legislative Council Election) लढतींचे प्राथमिक चित्र आता स्पष्ट झाले आहे. पुणे शिक्षक, पुणे पदवीधर, नागपूर पदवीधर, अमरावती शिक्षक आणि छत्रपती संभाजीनगर पदवीधर या मतदारसंघांमध्ये प्रमुख पक्षांच्या उमेदवारांसह बंडखोर आणि अपक्षांनीही शड्डू ठोकल्यामुळे निवडणूक अत्यंत रंजक व चुरशीची ठरणार आहे. तर आत्तापर्यंत किती आले उमेदवारी अर्ज अन् किती ठरले वैध, जाणून घ्या सविस्तर.(Maharashtra Legislative Council Election)

पुणे विभाग शिक्षक मतदारसंघासाठी ६७ उमेदवारी अर्ज दाखल झाले आहेत. तर पुणे पदवीधर मतदारसंघासाठी ८७ उमेदवारी अर्ज दाखल करण्यात आले होते. ६७ उमेदवारांचा आकडा हा पदवीधरचा नसून शिक्षक मतदारसंघाचा आहे.

पुणे पदवीधर मतदारसंघ - एकूण ८७ अर्जांपैकी छाननीनंतर ६७ उमेदवारांचे अर्ज वैध ठरले आहेत (काही ठिकाणी ६९ अर्ज वैध ठरल्याचे वृत्त आहे). या मतदारसंघासाठी भाजपकडून डॉ. स्मिता योगेश जाधव तर महाविकास आघाडीकडून राष्ट्रवादी काँग्रेसचे (शरद पवार गट) प्रदीप माने निवडणूक लढवत आहेत.

पुणे शिक्षक मतदारसंघ - एकूण ६७ अर्जांपैकी छाननीनंतर ४८ उमेदवारांचे अर्ज वैध ठरले आहेत. या मतदारसंघात महायुतीचे कौस्तुभ गावडे (भाजप) आणि महाविकास आघाडीचे जयंत आसगावकर (काँग्रेस) यांच्यात प्रमुख लढत आहे, तर शिवसेनेकडून (शिंदे गट) मंगेश चिवटे यांनीही बंडखोरी करत अर्ज भरला आहे.

नागपूर विभाग पदवीधर मतदारसंघ निवडणुकीसाठी छाननी प्रक्रियेदरम्यान ६५ उमेदवारांचे अर्ज समोर आले होते. या मतदारसंघासाठी ६ ऑक्टोबर २०२६ रोजी अर्ज भरण्याची अंतिम मुदत संपल्यानंतर ७ ऑक्टोबर रोजी अर्जांची छाननी करण्यात आली.

छत्रपती संभाजीनगर विभाग पदवीधर मतदारसंघ (पूर्वीचा औरंगाबाद विभाग) निवडणुकीसाठी एकूण ६२ उमेदवारांनी ९२ अर्ज दाखल केले आहेत। निवडणूक निर्णय अधिकाऱ्यांनी घेतलेल्या छाननी प्रक्रियेनंतर ही आकडेवारी समोर आली आहे..

अमरावती विभाग शिक्षक मतदारसंघ निवडणुकीच्या अर्जांच्या छाननी प्रक्रियेनंतर सध्या ३० उमेदवार निवडणूक रिंगणात कायम आहेत.

Maharashtra Vidhan Parishad Election: पदवीधर आणि शिक्षक मतदारसंघाच्या निवडणुकीची घोषणा, मतदान अन् निकाल कधी?

महाराष्ट्र विधानपरिषदेच्या (Maharashtra Vidhan Parishad) 3 पदवीधर आणि 2 शिक्षक मतदारसंघांच्या निवडणुकीची अधिकृत घोषणा झाली आहे. 23 ऑक्टोबर 2026 रोजी मतदान होणार असून 27 ऑक्टोबर रोजी मतमोजणी (Counting of Votes) होऊन निकाल जाहीर केला जाणार आहे.

Election Schedule: निवडणुकीचे संपूर्ण वेळापत्रक

अधिसूचना जारी (Notification Date): 29 सप्टेंबर 2026

उमेदवारी अर्ज भरण्याची अंतिम तारीख (Nomination Last Date): 6 ऑक्टोबर 2026

अर्जांची छाननी (Scrutiny): 7 ऑक्टोबर 2026

अर्ज मागे घेण्याची अंतिम तारीख (Withdrawal Last Date): 9 ऑक्टोबर 2026

मतदानाची तारीख व वेळ (Poll Date & Time): 23 ऑक्टोबर 2026 (सकाळी 8 ते दुपारी 4)

मतमोजणी व निकाल (Counting Date): 27 ऑक्टोबर 2026

Graduate and Teachers constituency election maharashtra: कोणत्या पदवीधर आणि शिक्षक मतदारसंघांमध्ये निवडणूक होणार?

1. औरंगाबाद पदवीधर: सतीश भानुदास चव्हाण (राष्ट्रवादी काँग्रेस - शरद पवारांची राष्ट्रवादी / मविआ)- माजी आमदार

2. पुणे पदवीधर: अरुण गणपती लाड (राष्ट्रवादी काँग्रेस - शरद पवारांची राष्ट्रवादी / मविआ)- - माजी आमदार

3. नागपूर पदवीधर: अभिजीत गोविंदराव वंजारी (काँग्रेस)- माजी आमदार

4. अमरावती शिक्षक: किरण रामराव सरनाईक (शिवसेना - शिंदे गट)- माजी आमदार

5 पुणे शिक्षक: जयंत दिनकर आसगावकर (काँग्रेस)- माजी आमदार

Shardiya Navratri 2026 : शारदीय नवरात्रीतील 9 दिवस कोणत्या देवीला काय अर्पण करायचं? संपूर्ण यादी वाचा फक्त एका क्लिकमध्ये...

एबीपी माझा वेब टीम — Fri, 9 Oct 2026 08:44:19 +0530

Shardiya Navratri 2026 : हिंदू धार्मिक परंपरेनुसार, नवरात्रीचा (Shardiya Navratri 2026) उत्सव हा आदिशक्ती दुर्गादेवीच्या उपासनेचा अत्यंत पवित्र सण आहे. या नऊ दिवसांत देवी दुर्गेच्या नऊ रूपांची पूजा केली जाते. प्रत्येक दिवशी देवीला विशिष्ट नैवेद्य, फुले आणि पूजेचे साहित्य अर्पण करण्याची परंपरा अनेक ठिकाणी प्रचलित आहे. भक्तिभावाने केलेली पूजा, नामस्मरण आणि प्रार्थना यांना या काळात विशेष महत्त्व दिले जाते.

नवरात्रीच्या प्रत्येक दिवशी कोणत्या देवीची पूजा करावी? तिला कोणता नैवेद्य दाखवावा आणि कोणती फुले अर्पण करावीत, याची सविस्तर माहिती जाणून घेऊयात.

नवरात्रीच्या 9 दिवसांची संपूर्ण यादी

1. पहिला दिवस – देवी शैलपुत्री

प्रतीक : स्थैर्य आणि शक्ती

नवरात्रीच्या पहिल्या दिवशी देवी शैलपुत्रीची पूजा केली जाते. पर्वतराज हिमालयाची कन्या म्हणून देवीला शैलपुत्री असे नाव मिळाले आहे.

नैवेद्य : शुद्ध गायीचे तूप, तुपातील गोड पदार्थ.

फुले : लाल किंवा पांढरी फुले.

पूजेसाठी : कुंकू, अक्षता, फुले आणि दिवा.

धार्मिक मान्यता : आरोग्य आणि जीवनातील स्थैर्यासाठी देवीची प्रार्थना केली जाते.

2. दुसरा दिवस – देवी ब्रह्मचारिणी

प्रतीक : तपश्चर्या, संयम आणि भक्ती

या दिवशी देवी ब्रह्मचारिणीची पूजा केली जाते. हे रूप साधना, दृढनिश्चय आणि आत्मसंयमाचे प्रतीक मानले जाते.

नैवेद्य : साखर, खडीसाखर आणि फळे.

फुले : पांढरी फुले किंवा जाई-जुई.

पूजेसाठी : फुले, अक्षता, दिवा आणि धूप.

धार्मिक मान्यता : मनःशांती, संयम आणि ध्येय साध्य करण्यासाठी देवीचा आशीर्वाद मागितला जातो.

3. तिसरा दिवस – देवी चंद्रघंटा

प्रतीक : शौर्य आणि निर्भयता

देवीच्या कपाळावर घंटेच्या आकाराचा अर्धचंद्र असल्यामुळे तिला चंद्रघंटा म्हणतात. हे रूप धैर्य आणि संकटांचा सामना करण्याच्या शक्तीचे प्रतीक आहे.

नैवेद्य : दूध, खीर किंवा दुधापासून तयार केलेले गोड पदार्थ.

फुले : लाल फुले किंवा कमळ उपलब्ध असल्यास.

पूजेसाठी : कुंकू, अक्षता, धूप आणि दीप.

धार्मिक मान्यता : भीती दूर होऊन धैर्य आणि सकारात्मकता लाभावी, अशी प्रार्थना केली जाते.

4. चौथा दिवस – देवी कूष्मांडा

प्रतीक : सर्जनशीलता आणि तेज

देवी कूष्मांडेला विश्वनिर्मितीच्या आदिशक्तीचे रूप मानले जाते. या दिवशी तिची भक्तिभावाने पूजा केली जाते.

नैवेद्य : मालपुआ, भोपळ्यापासून बनवलेला पदार्थ किंवा गोड पदार्थ.

फुले : लाल किंवा पिवळी फुले.

पूजेसाठी : फुले, कुंकू, अक्षता आणि दिवा.

धार्मिक मान्यता : ऊर्जा, उत्साह आणि बुद्धीचे तेज लाभावे, अशी प्रार्थना केली जाते.

5. पाचवा दिवस – देवी स्कंदमाता

प्रतीक : मातृत्व आणि वात्सल्य

भगवान कार्तिकेय अर्थात स्कंद यांची माता म्हणून देवीला स्कंदमाता म्हटले जाते. या रूपात मातेचे प्रेम, करुणा आणि संरक्षण यांचे दर्शन घडते.

नैवेद्य : केळी, केळीपासून बनवलेले गोड पदार्थ.

फुले : पिवळी फुले किंवा कमळ.

पूजेसाठी : फुले, अक्षता, दिवा आणि धूप.

धार्मिक मान्यता : कुटुंबाचे कल्याण, मुलांचे सुख आणि घरात प्रेम टिकावे, यासाठी देवीची प्रार्थना केली जाते.

6. सहावा दिवस – देवी कात्यायनी

प्रतीक : सामर्थ्य आणि धैर्य

देवी कात्यायनी हे दुर्गामातेचे पराक्रमी रूप आहे. अन्यायाचा नाश आणि धर्माचे रक्षण करणारी शक्ती म्हणून या देवीची पूजा केली जाते.

नैवेद्य : मध, गोड पदार्थ किंवा फळे.

फुले : लाल फुले.

पूजेसाठी : कुंकू, अक्षता, फुले आणि दिवा.

धार्मिक मान्यता : अडथळ्यांवर मात करण्यासाठी आणि मनोकामनांसाठी देवीचा आशीर्वाद मागितला जातो.

7. सातवा दिवस – देवी कालरात्री

प्रतीक : संकटांचा नाश आणि संरक्षण

कालरात्री हे देवी दुर्गेचे उग्र आणि शक्तिशाली रूप आहे. हे रूप भय, अंधकार आणि नकारात्मक शक्तींवर विजयाचे प्रतीक मानले जाते.

नैवेद्य : गूळ, गुळापासून तयार केलेले गोड पदार्थ.

फुले : लाल किंवा उपलब्ध असलेली सुगंधी फुले.

पूजेसाठी : फुले, कुंकू, अक्षता आणि दीप.

धार्मिक मान्यता : भय दूर होऊन संकटांशी सामना करण्याचे बळ मिळावे, अशी प्रार्थना केली जाते.

8. आठवा दिवस – देवी महागौरी

प्रतीक : पवित्रता आणि शांतता

महागौरी हे देवीचे शांत, निर्मळ आणि सौम्य रूप आहे. अनेक ठिकाणी अष्टमीला कन्यापूजन करण्याचीही परंपरा आहे.

नैवेद्य : नारळ, नारळापासून बनवलेले पदार्थ किंवा खीर.

फुले : पांढरी फुले, जाई किंवा मोगरा.

पूजेसाठी : पांढऱ्या रंगाची फुले, अक्षता आणि दिवा.

धार्मिक मान्यता : मनःशांती, सुख-समृद्धी आणि कुटुंबातील सौहार्दासाठी देवीची पूजा केली जाते.

9. नववा दिवस – देवी सिद्धिदात्री

प्रतीक : सिद्धी, ज्ञान आणि पूर्णत्व

नवरात्रीच्या नवव्या दिवशी देवी सिद्धिदात्रीची पूजा केली जाते. नावाप्रमाणेच देवीला सिद्धी आणि आध्यात्मिक पूर्णत्व प्रदान करणारे रूप मानले जाते.

नैवेद्य : तीळ, खीर किंवा हलवा-पुरीसारखे पारंपरिक पदार्थ.

फुले : कमळ किंवा उपलब्ध असलेली सुगंधी फुले.

पूजेसाठी : फुले, अक्षता, कुंकू आणि दिवा.

धार्मिक मान्यता : ज्ञान, आध्यात्मिक प्रगती आणि कार्यात यश लाभावे, अशी प्रार्थना केली जाते.

(टीप : वरील सर्व बाबी एबीपी माझा केवळ माहिती म्हणून वाचक-प्रेक्षकांपर्यंत पोहोचवत आहे. यातून एबीपी माझा कोणताही दावा करत नाही.)

इतर महत्त्वाच्या बातम्या :

Horoscope Today 9 October 2026 : आज शुक्रवारच्या दिवशी 7 राशींना धोक्याची घंटा, 'या' 5 राशींवर देवी लक्ष्मीची कृपा; वाचा आजचे राशीभविष्य

Tukaram Mundhe FDA Nagpur: नागपुरात तुकाराम मुंढेंच्या FDA अन् अंमली पदार्थ विरोधी टास्क फोर्सची मोठी कारवाई; नशा आणणाऱ्या औषधांचा 22 लाखांचा बेकायदेशीर साठा जप्त

रजत वशिष्ठ, एबीपी माझा — Fri, 9 Oct 2026 08:35:33 +0530

Tukaram Mundhe FDA Nagpur: राज्याच्या अन्न व औषध प्रशासन विभागाचे (Maharashtra Food and Drug Administration) आयुक्त तुकाराम मुंढे (Tukaram mundhe) यांनी कारवायाचा धडाका लावला आहे. गेल्या काही महिन्यांपासून सातत्याने सुरु असलेल्या कारवाईच्या सत्रामुळे तुकाराम मुंढे चांगलेच चर्चेत आले असून त्यांच्या या कारवाईमुळे नियमबाह्य आणि भेसळखोरी करणाऱ्यांचे चांगलेच धाबे दणाणले आहे. अशातच नागपुरात अन्न व औषध प्रशासन विभाग (FDA) आणि अमली पदार्थ विरोधी टास्क फोर्स विभागाने संयुक्तिकरित्या मोठी कारवाई केली आहे. नागपुरात नशा आणणाऱ्या औषधांचा 22 लाख रुपयांचा बेकायदेशीर साठा जप्त करण्यात आला आहे.

Nagpur: औषध दुकानात विनापरवाना औषध विक्री, छापा घालून 22 लाख 3 हजार रुपये किमतीचा औषध साठा जप्त

मिळालेल्या माहितीनुसार, नागपूरच्या भारत माता चौक परिसरातील एका औषध दुकानात विनापरवाना औषध विक्री सुरू असल्याची माहिती मिळाली होती. या माहितीच्या आधारे छापा घालून 22 लाख 3 हजार रुपये किमतीचा औषध साठा जप्त करण्यात आलाय. तर वाठोडा परिसरात एका फार्मसीमध्ये औषध नियमावलीनुसार आवश्यक कागदपत्रे नसताना औषध विक्री सुरू असल्याचे समोर आले. परिणामी या दुकानाचा औषध परवाना रद्द करण्याचे एफडीएकडू प्रस्तावित करण्यात आले आहे.

Yavatmal: अधीक्षकसह कर्मचाऱ्यांना नोटीसा; सफाई कामगाराचे इन्क्रिमेंट रद्द, बोटोणी आश्रमशाळेची जिल्हाधिकाऱ्यांकडून अकस्मात पाहणी

मारेगाव तालुक्यातील बोटोणी येथील शासकीय आश्रमशाळेला जिल्हाधिकारी विकास मीना यांनी आज अचानक भेट देऊन शाळेची पाहणी केली. यावेळी त्यांनी आश्रमशाळेतील विविध सोयी-सुविधांबाबत शाळा प्रशासनाची झाडाझडती घेत विद्यार्थ्यांना उपलब्ध करून देण्यात येणाऱ्या सुविधांचा आढावा घेतला. कामकाजातील त्रुटी व निष्काळजीपणाबाबत आश्रमशाळेचे अधीक्षकसह कर्मचाऱ्यांना नोटीसा बजावण्यात आले असून सफाई कामगाराचे इन्क्रिमेंट रद्द करण्याचे निर्देश देण्यात आले.

Yavatmal News : 30 ऑक्टोबरपर्यंत अहवाल सादर करण्याचे निर्देश

यावेळी आश्रमशाळेतील वर्गखोल्या, डिजिटल क्लासरूम, वसतिगृह, प्रसाधनगृह शाळेची इमारतीची पाहणी केली. विद्यार्थ्यांसाठी आवश्यक त्या सुविधा योग्य पद्धतीने उपलब्ध आहे का? तसेच शाळेतील स्वच्छता व व्यवस्थापनाची स्थिती याबाबत आढावा घेतला. शाळेतील या सर्व आवश्यक सुधारणा, स्वच्छता व व्यवस्थापनाशी संबंधित कामे पूर्ण करून त्याचा अहवाल 30 ऑक्टोबरपर्यंत सादर करण्याचे निर्देश देण्यात आले.

इतर महत्वाच्या बातम्या

Bhandara News: सरकारकडून मंजुरी 100 कोटींची, पण 3 वर्षांत एक रुपयाचाही खर्च नाही; भंडाऱ्यातील बावनथडी पुलाच्या 'कासवगती' कारभारामुळं दोन राज्यांचा संपर्क धोक्यात

MPSC Protest Pune Marathi News: रोहित पवारांच्या MPSC विद्यार्थ्यांच्या आंदोलनातील 7 पैकी 3 जणांनी उपोषण सोडलं; धक्कादायक कारण समोर

मंदार गोंजारी, एबीपी माझा, पुणे — Fri, 9 Oct 2026 08:35:15 +0530

MPSC Protest Pune Marathi News: पुण्यातील एस.एम. जोशी पुलावर सुरु असलेल्या एमपीएससी आंदोलनाचा (MPSC Protest Pune) आज नववा दिवस आहे. काल पुणे पोलिसांनी एस.एम जोशी पूल मोकळा करा, असं आंदोलक विद्यार्थ्यांना सांगितलं. मात्र जोपर्यंत मागण्या पूर्ण होत नाही. तोपर्यंत विद्यार्थी आणि राष्ट्रवादी काँग्रेस शरद पवार गटाचे आमदार रोहित पवार (Rohit Pawar) आंदोलनावर ठाम आहेत. याचदरम्यान एक महत्वाची माहिती समोर आली आहे.

रोहित पवार यांच्या नेतृत्वाखाली सुरू असलेल्या पुण्यातील MPSC विद्यार्थ्यांच्या आंदोलनात गेल्या काही दिवसांपासून काही विद्यार्थी बेमुदत अन्नत्याग उपोषणाला बसले आहेत. रोहित पवारांच्या नेतृत्त्वात सुरू असलेल्या MPSC विद्यार्थ्यांच्या आंदोलनात उपोषण करणाऱ्या सात पैकी तिघांनी मध्यरात्री उपोषण सोडले आहे. ऋषिकेश गांगर्डे, सोमनाथ चव्हाण आणि गजानन शेळके अशी उपोषण सोडणाऱ्यांची नावं आहेत. उपोषणामुळे तिघांच्या किडनीवर परिणाम होण्याचा धोका निर्माण झाल्याने तिघांनी उपोषण सोडल्याचे सांगण्यात आले. इतर चौघांचे उपोषण मात्र सुरू राहणार आहे. (MPSC Protest Marathi News)

रोहित पवार काय म्हणाले? (Rohit Pawar On MPSC Protest Pune)

MPSC चे भ्रष्ट अध्यक्ष विवेक भीमनवार यांच्या राजीनाम्यासाठी पुण्यात सुरु असलेल्या MPSC च्या विद्यार्थ्यांच्या सत्याग्रहामध्ये काही विद्यार्थी हे उपोषणाला बसले आहेत. त्यातील काहींची तब्येत खालावल्याने आणि आंदोलनाला पाठिंबा देणाऱ्या ज्येष्ठ मंडळींच्या आवाहनानुसार सोमनाथ चव्हाण, ऋषिकेश गांगुर्डे आणि गजानन शेळके यांनी उपोषण सोडले. विराज शिंदे या चिमुकल्याच्या काँग्रेसचे आमदार विश्वजित कदम यांच्याहस्ते दूध घेऊन त्यांनी उपोषणाची सांगता केली. पण MPSC चे भ्रष्ट अध्यक्ष विवेक भीमनवार यांची विकेट घेतल्याशिवाय आंदोलनाची सांगता होणार नाही, हा सर्वांचा निर्धार मात्र कायम आहे, असं रोहित पवार म्हणाले.

#MPSC चे भ्रष्ट अध्यक्ष विवेक भिमनवार यांच्या राजीनाम्यासाठी पुण्यात सुरु असलेल्या #MPSC च्या विद्यार्थ्यांच्या सत्याग्रहामध्ये काही विद्यार्थी हे उपोषणाला बसले आहेत. त्यातील काहींची तब्येत खालावल्याने आणि आंदोलनाला पाठिंबा देणाऱ्या ज्येष्ठ मंडळींच्या आवाहनानुसार सोमनाथ चव्हाण, ऋषिकेश गांगुर्डे आणि गजानन शेळके यांनी उपोषण सोडले. विराज शिंदे या चिमुकल्याच्या आणि आ. विश्वजित जी कदम यांच्याहस्ते दूध घेऊन त्यांनी उपोषणाची सांगता केली पण #MPSC चे भ्रष्ट अध्यक्ष विवेक भिमनवार यांची विकेट घेतल्याशिवाय आंदोलनाची सांगता होणार नाही, हा सर्वांचा निर्धार मात्र कायम आहे..! #MPSC_विद्यार्थी_सत्याग्रह #PuneProtest #भिमनवारांचा_राजीनामा_झालाच_पाहिजे #MPSCStudentsProtest
— Rohit Pawar (@RRPSpeaks) October 9, 2026

तातडीने जागा रिकामी करा, पुणे पोलिसांचे आदेश- (MPSC Protest Pune Marathi News)

संपूर्ण ब्रह्मांड तुमच्या बाजूने उभं राहिलं तरी,विवेकानंद पाटील UNCUT:

Nana Patekar Reason For Leaving Mumbai: नाना पाटेकर मुंबईतला झगमगाट, ऐशोआराम सोडून, गावी शेतात का रमायचे? स्वतःच केलेला खुलासा, VIDEO

एबीपी माझा एंटरटेनमेंट डेस्क — Fri, 9 Oct 2026 08:24:31 +0530

Nana Patekar Reason For Leaving Mumbai: ज्येष्ठ अभिनेते नाना पाटेकर (Marathi Actor Nana Patekar) यांचं गोव्यात हृदयविकाराच्या झटक्यानं (Cardiac Arrest) निधन झालं. त्यानंतर त्यांचं पार्थीव पुण्यात (Pune News) आणण्यात आलं आणि त्यांच्या डोणजे गावात, नानांच्याच शेतात त्यांच्यावर अंत्यसंस्कार करण्यात आले. नानांच्या जाण्यानं अख्खा देश शोकाकूल झालाय. शिस्तप्रिय, स्पष्टवक्ता आणि सरळ पण थेट स्वभावाच्या या अवलियाच्या आठवणींनी अनेकजण भावूक झालेत. नाना पाटेकरांचा साधेपणा नेहमीच चर्चेचा विषय ठरलाय. बॉलिवूड (Bollywood News) आणि मराठी सिनेसृष्टी (Marathi Film Industry), रंगभूमी गाजवणारं दिग्गज नाव, तरीही अगदी सरळ, साधं राहणीमान असलेले नाना, सर्वांच्याच मनात घर करुन बसलेले. गाठीशी कोट्यवधींची संपत्ती, शहरात घरं... नानांनी ठरवलं असतं, तर ते अगदी ऐशोआरामात आयुष्य जगले असते, पण त्यांनी शहर सोडून गावी जाण्याचा निर्णय घेतला. मुंबईच्या (Mumbai News) झगमगाटापासून आणि ग्लॅमरपासून दूर गावात राहणं त्यांना नेहमीच आवडायचं, तिथेच ते रमायचे, असं का? यामागचं कारण स्वतः नानांनी सांगितलेलं.

मुंबई सोडून नाना पाटेकर गावी का शिफ्ट झाले? (Nana Patekar Stays In Pune Farmhouse)

8 जून 2025 रोजी नाना पाटेकर 'कौन बनेगा करोडपती 17' या प्रश्नमंजुषा-आधारित रिअ‍ॅलिटी शोमध्ये पाहुणे म्हणून सहभागी झाले होते. तिथे त्यांनी आपल्या गावी परतण्याचं आणि ग्लॅमरच्या राजधानीपासून म्हणजेच मुंबईपासून दूर राहण्याचं कारण सांगितलेलं. शोचे सूत्रसंचालक अमिताभ बच्चन यांनी त्यांना विचारलं की, "तुम्ही आयुष्यात इतकं यश मिळवलं, तरीही ते सर्व मागे सोडून तुम्ही गावात का गेले?" यावर नाना पाटेकर यांनी अत्यंत साधेपणानं उत्तर दिलंय की, "मी काही सिनेसृष्टीचा भाग नाही. मी इथे फक्त कामासाठी येतो आणि परत जातो... मी कधीही पार्ट्यांना गेलो नाही किंवा शहरात जास्त वेळ घालवला नाही. मी एक खेड्यातला माणूस आहे आणि मला तिथेच राहायला आवडतं. मला तिथली जीवनशैली खूप आवडते..."

नाना पाटेकर एकदा म्हणाले होते की, "माझ्या आईकडून मला माझ्या गरजेपेक्षा किंवा मला जेवढं हवं होतं, त्याहीपेक्षा खूप काही मिळालं. आपल्या गरजा मर्यादित ठेवणं खूप सोपं असतं. माझ्याकडे एअर कंडिशनर नाही कारण मला त्याची कधी गरजच वाटली नाही. ज्याप्रमाणे शहरातील घरं भिंतींनी वेढलेली असतात, तसं माझं घर पर्वतांनी वेढलेलं आहे, मी तिथे आरामात राहतो आणि मला ते खूप आवडतं..."

Rest in Peace Nana Patekar ji 🙏 https://t.co/TXFSjjHPTs
— प्रेsident (@Desi_urbann) October 8, 2026

मुंबईच्या झगमगाटात कधीच रमले नाहीत नाना, गावची ओढ कायम मनात असायची...

नाना पाटेकर प्रामुख्यानं मुंबईतील अंधेरी इथल्या लोखंडवाला परिसरातील समर्थ नगरमध्ये एका साध्याशा 'वन बीएचके' (1BHK) फ्लॅटमध्ये राहायचे. इतके मोठे स्टार असूनही त्यांनी कधीही ऐषारामाचं जीवन स्वीकारलं नाही. पुण्याजवळील खडकवासला इथे त्यांचं 27 एकरांचं मोठं फार्महाऊस होतं, जिथे ते शेतीही करायचे. याव्यतिरिक्त, गोव्यातील डोना पॉला इथेही त्यांचं एक घर होतं, याच ठिकाणी गुरुवारी हृदयविकाराच्या झटक्यानं त्यांचं निधन झालं. त्यांचं मूळ गाव महाराष्ट्रातील रत्नागिरी जिल्ह्यात आहे.

महत्त्वाच्या इतर बातम्या :

Amitabh Bachchan Tribute Nana Patekar: 'काही लोक निघून जातात, पण...'; नानांच्या जाण्यानं हळहळले बिग बी, KBC च्या मंचावरुन वाहिली श्रद्धांजली, VIDEO

INDIA Aghadi Protest: INDIA आघाडीच्या आंदोलनाला महाराष्ट्र काँग्रेसच्या खासदारांची दांडी, हायकमांड प्रचंड नाराज, प्रभारींनी फोन करून सुनावले खडेबोल; नेमकं काय घडलं?

वेदांत नेब — Fri, 9 Oct 2026 08:12:22 +0530

INDIA Aghadi Protest: दिल्लीमध्ये INDIA आघाडीच्या वतीने मुख्य निवडणूक आयुक्त ज्ञानेश कुमार यांच्या राजीनाम्याच्या मागणीसाठी आंदोलन सुरू असताना महाराष्ट्रातील काँग्रेस खासदारांच्या अनुपस्थितीवरून पक्षांतर्गत नाराजी निर्माण झाल्याची माहिती समोर आली आहे. आंदोलनात सहभागी न झालेल्या खासदारांना काँग्रेस पक्षाकडून फोन करून जाब विचारण्यात आल्याचे सांगण्यात येत आहे. महाराष्ट्र काँग्रेसचे प्रभारी श्रीवेल्ला प्रसाद यांनी संबंधित खासदारांची कानउघडणी करत आंदोलनाला गैरहजर राहण्याबाबत नाराजी व्यक्त केल्याची माहिती सूत्रांनी दिली आहे. तसेच, तातडीने दिल्लीत पोहोचून पुढील आंदोलनात सहभागी होण्याच्या सूचनाही देण्यात आल्याचे समजते.

INDIA Aghadi Protest: राहुल गांधींच्या नेतृत्वाखाली दिल्लीत आंदोलन

मुख्य निवडणूक आयुक्त ज्ञानेश कुमार यांच्या राजीनाम्याची मागणी करत काँग्रेससह INDIA आघाडीतील विरोधी पक्षांनी दिल्लीत आंदोलन सुरू केले आहे. लोकसभेतील विरोधी पक्षनेते राहुल गांधी आणि काँग्रेस अध्यक्ष मल्लिकार्जुन खरगे यांच्यासह विरोधी पक्षांचे खासदार या आंदोलनात सहभागी झाले आहेत. मतदारयाद्यांच्या विशेष सखोल पुनरीक्षण प्रक्रियेवरून (SIR) विरोधकांनी निवडणूक आयोगाच्या कार्यपद्धतीवर प्रश्न उपस्थित केले आहेत. या पार्श्वभूमीवर मुख्य निवडणूक आयुक्तांनी राजीनामा द्यावा, अशी मागणी विरोधकांकडून करण्यात येत आहे.

मंगळवारी 6 ऑक्टोबर रोजी संसदेच्या परिसरातून निवडणूक आयोगाच्या कार्यालयाकडे मोर्चा काढण्यात आला होता. पोलिसांनी हा मोर्चा अडवल्यानंतर खासदारांनी रस्त्यावर ठिय्या आंदोलन केले. त्यानंतर बुधवारीही आंदोलन सुरू ठेवण्यात आले. राहुल गांधी आणि प्रियांका गांधी यांच्यासह अनेक विरोधी पक्षांच्या नेत्यांना पोलिसांनी ताब्यात घेतल्याची घटनाही घडली.

INDIA Aghadi Protest: महाराष्ट्रातील खासदारांच्या अनुपस्थितीवरून नाराजी

या आंदोलनात महाराष्ट्रातील काँग्रेस खासदार किती संख्येने सहभागी झाले, यावरून आता पक्षात चर्चा सुरू असल्याचे सांगण्यात येत आहे. आंदोलनाच्या पहिल्या दिवशी राज्यातील काही खासदार उपस्थित होते; मात्र त्यानंतरच्या आंदोलनात महाराष्ट्रातील खासदारांची उपस्थिती कमी झाल्याचे पक्षाच्या नेतृत्वाच्या निदर्शनास आले.

तीन दिवसांच्या आंदोलनात महाराष्ट्रातील केवळ चार ते पाच खासदार पूर्णवेळ उपस्थित राहिल्याची माहिती सूत्रांनी दिली आहे. पक्षाकडून दिल्लीत थांबून आंदोलनात सहभागी होण्याच्या सूचना देण्यात आल्या असतानाही अनेक खासदार आंदोलनस्थळी दिसले नसल्याने हायकमांड नाराज असल्याचे सांगितले जात आहे.

INDIA Aghadi Protest: श्रीवेल्ला प्रसाद यांचे खासदारांना फोन; काय सूचना दिल्या?

महाराष्ट्र काँग्रेसचे प्रभारी श्रीवेल्ला प्रसाद यांनी आंदोलनाला अनुपस्थित असलेल्या खासदारांना फोन केल्याची माहिती सूत्रांनी दिली आहे. या संवादादरम्यान आंदोलनाला गैरहजर राहण्याबाबत त्यांनी नाराजी व्यक्त केली आणि खासदारांना स्पष्ट शब्दांत जाब विचारल्याचे सांगण्यात येत आहे. पक्षाच्या महत्त्वाच्या आंदोलनात खासदारांनी उपस्थित राहणे अपेक्षित असताना अनुपस्थिती का, असा सवाल उपस्थित करण्यात आल्याची माहिती आहे. तसेच, तातडीने दिल्लीत पोहोचावे आणि पुढील आंदोलनात सहभागी व्हावे, अशा सूचना संबंधित खासदारांना देण्यात आल्याचे समजते.

INDIA Aghadi Protest: कोणते खासदार आंदोलनात सहभागी झाले?

1. वर्षा गायकवाड - अजूनही दिल्लीत
2. श्याम कुमार बर्वे - अजूनही दिल्लीत
3. प्रशांत पडोळे - अजूनही दिल्लीत
4. गोवाल पाडवी - अजूनही दिल्लीत
5. ⁠शिवाजी काळगे - अजूनही दिल्लीत
6. प्रणिती शिंदे - मंगळवारच्या आंदोलनात सहभागी बुधवारी एमपीएससीच्या पुण्याच्या आंदोलनात सहभागी
7. प्रतिभा धानोरकर - मंगळवारच्या आंदोलनात सहभागी
8. कल्याण काळे - मंगळवारच्या आंदोलनात सहभागी
9. ⁠शोभा बच्छाव- मंगळवारच्या आंदोलनात सहभागी
10. ⁠रविंद्र चव्हाण - मंगळवारच्या आंदोलनात सहभागी

INDIA Aghadi Protest: एकही दिवस सहभागी न झालेले खासदार

1. शाहू महाराज छत्रपती, कोल्हापूर
2. ⁠विशाल पाटील, सांगली
3. ⁠नामदेव किरसान, गडचिरोली
4. ⁠बळवंत वानखेडे, अमरावती

राज्य आणि देश-विदेशातील महत्त्वाच्या बातम्या; पाहा व्हिडीओ

आणखी वाचा

Rahul Gandhi: काँग्रेसचं सलग तिसऱ्या दिवशी आंदोलन...जे खासदार आंदोलनात आले नाहीत त्यांची यादी तयार करा, राहुल गांधी यांची केसी वेणुगोपाल यांना सूचना

Horoscope Today 9 October 2026 : आज शुक्रवारच्या दिवशी 7 राशींना धोक्याची घंटा, 'या' 5 राशींवर देवी लक्ष्मीची कृपा; वाचा आजचे राशीभविष्य

एबीपी माझा वेब टीम — Fri, 9 Oct 2026 07:56:01 +0530

Horoscope Today 9 October 2026 : वैदिक ज्योतिष शास्त्रानुसार, आज 9 ऑक्टोबर 2026 चा दिवस आहे. त्यानुसार आजचा वार शुक्रवार आहे. हा दिवस आपण देवी लक्ष्मीला समर्पित करतो. तसेच, आजच्या दिवशी भक्त देवीच्या मंदिरात जातात. देवीची पूजा, आराधना करतात. उपवास धरतात आणि इच्छित फळ मागतात. ग्रहांच्या हालचालीच्या दृष्टीने देखील आजचा दिवस खास असणार आहे. कारण लवकरच गुरु ग्रहाचं संक्रमण होणार आहे. त्यामुळे ग्रहांच्या संक्रमणाचा कोणकोणत्या राशींवर परिणाम होणार आणि 12 राशींसाठी आजचा दिवस नेमका कसा असणार आहे. यासाठी वाचूयात सर्व 12 राशींचं आजचं राशीभविष्य (Horoscope Today).

मेष रास (Aries Horoscope)

मेष राशीच्या लोकांसाठी आजचा दिवस थोडा चिंतेचा असेल. प्रवास करताना तुम्हाला काही अडचणी उद्भवू शकतात. तसेच, तुमच्या उत्पन्नात चढ-उतार पाहायला मिळेल. तुमच्या मानसिक स्वास्थ्यात थोडाफार बदल जाणवेल. तुमच्या व्यवसायाची स्थिती मध्यम राहील. तुमच्या आजूबाजूच्या नकारात्मक गोष्टींचा परिणाम तुमच्यावर होऊ शकतो.

वृषभ रास (Taurus Horoscope)

वृषभ राशीच्या व्यवसायात थोडा चढ-उतार पाहायला मिळेल. कोर्ट-कचेरीच्या संदर्भातील जुने वाद तुमचे लवकरच मिटतील. मुलांकडून तुम्हाला आज आनंदाची बातमी मिळेल. तसेच, लाल वस्तू दान केल्याने तुमच्या मार्गातील अडथळे दूर होण्याची शक्यता आहे. त्यासाठी प्रयत्नशील राहाल.

मिथुन रास (Gemini Horoscope)

मिथुन राशीसाठीसुद्धा आजचा दिवस फार सामान्य असणार आहे. तुमच्या मान-सन्मानाला आज ठेच लागण्याची दाट शक्यता आहे. प्रवास करताना तुम्हाला काही गोष्टींची विशेष काळजी घ्यावी लागेल. तसेच, धार्मिक कार्यात सहभागी होताना विशेष विधी करावी लागेल. झोप पूर्ण न झाल्यामुळे तुमची चिडचिड होऊ शकते.

कर्क रास (Cancer Horoscope)

कर्क राशीच्या लोकांसाठी दिवसाची सुरुवात फार नकारात्मक होईल. तुमच्या मनाविरुद्ध काम झाल्यामुळे तुम्हाला फार निराश वाटेल. तुमचा व्यवसाय चांगला चालेल. मात्र, त्यात तुम्हाला मनासारखा लाभ मिळणार नाही. आजच्या दिवसात निळ्या वस्तूचं दान करणं तुमच्यासाठी लाभदायी ठरेल.

सिंह रास (Leo Horoscope)

सिंह राशीच्या लोकांनी आपल्या आरोग्याची काळजी घेणं जास्त गरजेचं आहे. आज काही कारणास्तव तुमचं मन फार नाराज होऊ शकतं. तुमच्या भूतकाळातील आठवणी आज ताज्या होतील. नोकरदार वर्गातील लोकांसाठी आजचा दिवस मध्यम स्वरुपाचा असेल. काही विशेष घडणार नाही.

कन्या रास (Virgo Horoscope)

कन्या राशीच्या लोकांसाठी आजचा दिवस फार सतर्कतेचा असणार आहे. तुमचे शत्रू तुमच्या वाईटावर आहेत या गोष्टीची जाणीव तुम्हाला सतत जाणवेल. त्यामुळे तुमच्या कामाशी तुम्ही प्रामाणिक राहा. त्यामध्ये जराही दिरंगाई करु नका. प्रेम जीवन देखील सामान्य राहील.

तूळ रास (Libra Horoscope)

तूळ राशीच्या लोकांसाठी आजचा दिवस चांगला असणार आहे. आज तुम्हाला तुमच्या आरोग्याची काळजी घेण्याची गरज आहे. तसेच, तुमच्या व्यवसायात तुम्हाला चांगलं यश मिळेल. कामाच्या ठिकाणी नवीन ऑर्डर्स येत असल्यामुळे तुमचं मन प्रसन्न राहील. मेहनतीचं फळ मिळेल.

वृश्चिक रास (Scorpio Horoscope)

वृश्चिक राशीसाठी देखील आजचा दिवस शुभदायी असणार आहे. आज घरगुती कामांमध्ये तुम्ही व्यस्त राहाल. घरातील वातावरण चांगलं राहील. मात्र, भविष्याविषयी तुम्हाला चिंता वाटू शकते. अशा वेळी नकारात्मक विचार दूर करण्यासाठी चिंतन किंवा योग करा.

धनु रास (Saggitarius Horoscope)

धनु राशीसाठी आजचा दिवस सामान्य असेल. आज तुम्हाला नाक, कान घशाशी संबंधित आरोग्याच्या काही तक्रारी जाणवू शकतात. आज तुम्हाला तुमच्या मुलांकडून एखादी शुभवार्ता मिळू शकते. तसेच, देवी लक्ष्मीच्या कृपेने तुमची आर्थिक स्थिती चांगली असेल. कामाच्या निमित्ताने तुम्हाला प्रवास करावा लागू शकतो.

मकर रास (Capricorn Horoscope)

मकर राशीच्या लोकांना धनहानीचे संकेत आहेत. त्यामुळे आज कोणताही पैशांचा व्यवहार करु नका. तसेच, गुंतवणुकीसाठी देखील आजचा दिवस योग्य नाही. ग्रहांची स्थिती तुमच्या राशीसाठी अनुकूल नसल्या कारणाने तुम्हाला त्याचे पडसाद भोगावे लागू शकतात.

कुंभ रास (Aquarius Horoscope)

कुंभ राशीसाठी आजचा दिवस चांगला असेल. मात्र, आज कोणतीही महत्त्वाची कामे हाती घेऊ नका. त्यात तुम्हाला यश मिळणार नाही. तसेच, आरोग्याच्या बाबतीतही तुम्हाला तडजोड करावी लागू शकते. तुमच्या व्यवसायाचा विस्तार वाढेल. मात्र, मनासारखा लाभ मिळणार नाही. हिरव्या वस्तू दान करणं शुभकारक ठरेल.

मीन रास (Pisces Horoscope)

मीन राशीसाठी आजचा दिवस शुभकारक असणार आहे. आज तुमची अनेक दिवसांपासून रखडलेली काही महत्त्वाची कामे पार पडू शकतात. काही नवीन गोष्टी तुम्ही शिकण्याचा प्रयत्न कराल. तसेच, हाती घेतलेल्या कार्यात तुम्हाला यश मिळेल. लवकरच प्रवासाचे योग जुळून येतील.

इतर महत्त्वाच्या बातम्या :

Shardiya Navratri 2026 : राग, अहंकारासह शारदीय नवरात्रीत चुकूनही 'या' गोष्टी करू नका; देवी होईल नाराज, घरावर ओढावेल संकट

Bhandara News: सरकारकडून मंजुरी 100 कोटींची, पण 3 वर्षांत एक रुपयाचाही खर्च नाही; भंडाऱ्यातील बावनथडी पुलाच्या 'कासवगती' कारभारामुळं दोन राज्यांचा संपर्क धोक्यात

प्रशांत देसाई — Fri, 9 Oct 2026 07:45:39 +0530

Bhandara News : एकीकडं देश बुलेट ट्रेन आणि हायवेच्या गप्पा मारत असताना, दुसरीकडं सरकारी यंत्रणेच्या ढिसाळ कारभारामुळं दोन राज्यांना जोडणारा एक अत्यंत महत्त्वाचा मार्ग मागील तीन वर्षांपासून रखडला आहे. महाराष्ट्र आणि मध्यप्रदेश (Maharashtra and Madhya Pradesh) या दोन राज्यांना जोडणारा भंडारा जिल्ह्याच्या (Bhandara News) शेवटच्या टोकावरील बावनथडी (Bawanthadi Project) नदीवरील मोठ्या पुलाच्या निर्मितीचा प्रश्न आता चांगलाचं ऐरणीवर आलाय. तीन वर्षांपूर्वी या पुलासाठी तब्बल 100 कोटी रुपयांचा निधी मंजूर झाला. वर्क ऑर्डरही निघाली, पण वस्तुस्थिती अशी आहे की तीन वर्षांत या ठिकाणी साधी एक सिमेंटची बॅगचाही खर्च झालेला नाही. प्रशासनाच्या या 'कासवगती' कारभारामुळं आता थेट सरकारी तिजोरीला आणि जनतेच्या खिशाला कात्री लागणार आहे. दरम्यान, याचा थेट फटका आता नागरिकांच्या दळणवळणावर पडत असून बावनथडी पुलाच्या संथ कारभारावर नागरिकांकडून संताप व्यक्त करण्यात येत आहे.

Bhandara News : बावनथडी पुलाची कासवगती, प्रशासनाच्या कार्यपद्धतीवर गंभीर प्रश्नचिन्ह

एकीकडे, शासन 'गतिमान सरकार' असल्याचा दावा करत असताना, बावनथडी पुलाची ही कासवगती प्रशासनाच्या कार्यपद्धतीवर गंभीर प्रश्नचिन्ह निर्माण करणारी आहे. वर्कऑर्डर देऊनही तीन वर्षे हातवर करून बसणाऱ्या कंत्राटदारावर आणि अधिकाऱ्यांवर सरकार काय कारवाई करणार? आतातरी या भागातील शेतकरी, नागरिक आणि व्यापाऱ्यांची कोंडी फोडण्यासाठी पुलाचे काम युद्धपातळीवर सुरू होणार का? हाच मोठा प्रश्न आहे.

Bawanthadi Project: राज्य आणि केंद्र सरकारकडून तीन वर्षांपूर्वी 100 कोटींचा घसघशीत निधी मंजूर, पण..

महाराष्ट्र आणि मध्यप्रदेश या दोन राज्यांच्या सीमांना जोडणारा बावनथडी नदीवरील जुना पूल आता पूर्णपणे जीर्णावस्थेत पोहोचला आहे. धोका वाढल्यानं या पुलावरून होणारी जड वाहतूक प्रशासनानं पूर्णपणे बंद केलीय. जुना पूल निकामी झाल्याने नवीन पुलाची गरज ओळखून राज्य आणि केंद्र सरकारनं तीन वर्षांपूर्वी 100 कोटी रुपयांचा घसघशीत निधी मंजूर केला. वर्कऑर्डर जारी झाली, वाटलं की आता दोन्ही राज्यांचा प्रवास सुकर होईल. पण, नियती आणि सरकारी बाबूंचा कारभार काही वेगळाच होता.

दरम्यान, या पुलाचं बांधकाम न झाल्याचा थेट फटका केवळ वाहतुकीलाच बसलेला नाही, तर दोन राज्यातील रोटी-बेटीच्या व्यवहाराला आणि व्यापारालाही बसला आहे. या सीमावर्ती भागात मोठ्या प्रमाणावर भाजीपाल्याचं उत्पादन घेतलं जातं. व्यापारी दृष्टिकोनातून महाराष्ट्रातील नकाडोंगरी, तुमसर आणि मध्यप्रदेशातील कटंगी तालुका हा अत्यंत महत्त्वाचा मानला जातो. मात्र, जड वाहतूक बंद असल्यामुळे मागील तीन वर्षांपासून येथील शेतकऱ्यांचा भाजीपाला आणि व्यापाऱ्यांचा लाखोंचा व्यापार अक्षरशः कोलमडला आहे. इतकंच नाही तर, अनेक वर्षांपासून असलेल्या या भागातील पारंपारिक कौटुंबिक आणि विवाहोपयोगी संबंधांवरही या तुटलेल्या संपर्काचा वाईट परिणाम होतोय.

Bawanthadi Project in Bhandara : प्रशासकीय दिरंगाईचा सर्वात मोठा फटका जनतेच्या खिशाला बसणार

तर या प्रशासकीय दिरंगाईचा सर्वात मोठा फटका आता जनतेच्या खिशाला बसणार आहे. तीन वर्षांपूर्वीच्या दराप्रमाणे 100 कोटींचे मूल्यांकन होते. पण आता एकही सिमेंट बॅग न वापरल्यानं पुलाची निर्मिती रेंगाळली आहे. भविष्यात जेव्हा केव्हा हे काम सुरू होईल, तेव्हा नवीन मूल्यांकनानुसार सिमेंट, लोखंड आणि मजुरीच्या किमती गगनाला भिडलेल्या असतील. म्हणजेच, प्रशासनाच्या नाकर्तेपणामुळं पुलाचा खर्च वाढणार असून याचा थेट बोजा सरकारी तिजोरीवर आणि पर्यायानं जनतेच्या कराच्या पैशांवर पडणार आहे.

इतर महत्वाच्या बातम्या

Buldhana Crime News : कौटुंबिक वादानं संतापाचं टोक गाठलं, जन्मदात्या आईसह सख्खा भाऊ आणि तरुण पुतण्याला संपवलं; बुलढाणा हादरलं!

Nana Patekar Demise Tanushree Dutta Reaction Viral: 'अहंकारी माणूस होता, देवानंच त्याचा जीव घेतलाय...'; नाना पाटेकरांच्या निधनानंतर Mee Too चे आरोप करणारी तनुश्री दत्ता बरळली, VIDEO

एबीपी माझा एंटरटेनमेंट डेस्क — Fri, 9 Oct 2026 07:35:17 +0530

Nana Patekar Demise Tanushree Dutta Reaction Viral: दिग्गज अभिनेते नाना पाटेकर (Nana Patekar) यांचं हृदयविकाराच्या झटक्यानं (Cardiac Arrest) निधन झालं. वयाच्या 75व्या वर्षी नाना पाटेकरांनी (Marathi Actor Nana Patekar) अखेरचा श्वास घेतला. नानांच्या अशा अचानक जाण्यानं फक्त मनोरंजन विश्वच नाहीतर अख्खा देश हळहळला आहे. अगदी राजकीय वर्तुळापासून ते बॉलिवूड (Bollywood News), मराठी इंडस्ट्रीपर्यंत (Marathi Film Industry) सर्वच स्तरांतून नानांप्रति शोकसंवेदना व्यक्त केल्या जात आहेत. चाहतेही शोकाकूल झालेत, अशातच कधीकाळी ज्येष्ठ अभिनेते नाना पाटेकर यांच्यावर Mee Too चे आरोप करणारी अभिनेत्री तनुश्री दत्ता (Bollywood Actress Tanushree Dutta) मात्र संवेदनाच विसरल्याचं पाहायला मिळालं. अभिनेत्री तनुश्री दत्ता (Tanushree Dutta) हिनं नानांच्या निधनावर प्रतिक्रिया देताना अत्यंत धक्कादायक वक्तव्य केलंय. तसेच, यावेळीही तिनं आरोप करणं थांबवलं नाही.

नाना पाटेकर यांच्यावर काही वर्षांपूर्वी Mee Too चे आरोप करणारी अभिनेत्री तनुश्री दत्ता हिनं नानांच्या निधनावर प्रतिक्रिया देताना सर्वच मर्यादा ओलांडल्या. अत्यंत अहंकारी माणूस होता, देवानंच त्याचा जीव घेतला, असं वक्तव्य अभिनेत्री तनुश्री दत्तानं केलंय.

नाना पाटेकर यांच्याबाबत तनुश्री दत्ताचं स्पष्ट वक्तव्य (Tanushree Dutta On Nana Patekar Death)

नानांच्या निधनाच्या दिवशी तनुश्री दत्ता लखनौमधल्या एका कार्यक्रमात सहभागी झालेली. सुरुवातीला, नाना पाटेकर यांच्या निधनावर भाष्य करण्यास तिनं स्पष्ट नकार दिला. मात्र, जेव्हा तिला तिनं नानांवर केलेल्या जुन्या आरोपांबाबत विचारलं गेलं, तेव्हा त्या आरोपांवर आपण ठाम असल्याचं तिनं सांगितलं. तनुश्री दत्ता म्हणाली की, "मी माझ्या आरोपांवर 100 टक्के ठाम आहे, अगदी त्यांचा दहा वेळा पुनर्जन्म झाला तरीही... हा केवळ आरोपांचा प्रश्न नाही. सत्य ते सत्यच असतं. माझा मुख्य साक्षीदार ज्या दिवशी कोर्टात साक्ष देणार होता, त्याच दिवशी न्यायाधीशांनी चलाखीनं केस रद्द केली..."

Lucknow, Uttar Pradesh: On the demise of veteran actor Nana Patekar, Actor Tanushree Dutta says, "First of all, I would like to thank Lucknow for welcoming and inviting me here. This is Snigdha ji, this is her event and Shiraz ji, for whom I have come for this event. Having said that, I have no reaction; today, my day is for them, for their event, to make their event a success. Now, what can I say? Whatever has passed, has passed"
— IANS (@ians_india) October 8, 2026

तो शैतान काही थांबायलाच तयार नव्हता... : तनुश्री दत्ता (Tanushree Dutta Allegation On Nana Patekar)

तनुश्री दत्ता पुढे बोलताना म्हणाली की, "माझ्या मुख्य साक्षीदाराचं शपथपत्र सादर झालं होतं, पण ज्या दिवशी सुनावणी होणार होती, ज्या दिवशी आम्ही खटला जिंकणार होतो, त्याच दिवशी ती प्रक्रिया थांबवण्यात आली. तो अत्यंत अहंकारी माणूस होता आणि देवानंच त्याचा जीव घेतलाय, कारण तो काही थांबायला तयारच नव्हता. तो शैतान थांबतच नव्हता, त्यानं मला सतत त्रास देणं सुरूच ठेवलं होतं. एक प्रकरण संपलं की, दुसरं काहीतरी सुरू व्हायचं. मी काय सहन केलंय, हे मी शब्दांत सांगू शकत नाही. मी आजारी पडले. जेव्हा तुम्ही एखाद्या महिलेच्या विरोधात इतक्या लोकांना उभं करता... आणि तो काही चांगला माणूस नव्हता, तो मान्या सुर्वे, एका गँगस्टरच्या कुटुंबातला होता. तो काही सज्जन माणूस नव्हता..."

'इव्हिल डेड' म्हटल्याबद्दल प्रतिक्रिया

नाना पाटेकर यांच्याबद्दल बोलताना तनुश्री दत्तानं त्यांचा उल्लेख 'इव्हिल डेड' असा केला. यावर भाष्य करताना तनुश्री दत्ता म्हणाली की, "माझ्यासाठी ते खरोखरंच 'इव्हिल डेड' आहेत, ज्या परिस्थितीतून मी गेले, त्यावरून माझ्यासाठी ते तसेच आहेत. माझ्या दृष्टिकोनातून बघा, एका पीडितेच्या नजरेतून जिचा छळ झाला होता. माझ्यावर प्रचंड दबाव टाकला गेला... खटला मागे घेण्यासाठी दबाव होता आणि जेव्हा मी तसं केलं नाही, तेव्हा मला आमिष दाखवलं. माझ्या गाडीच्या ब्रेकच्या तारा कापल्या गेल्या. त्या परिस्थितीतून गेल्यानंतर, माझ्यासाठी ते 'इव्हिल डेड'च आहेत. ज्यांच्याशी त्यांचे चांगले संबंध होते, त्यांना कदाचित तसं वाटणार नाही, पण जर तुम्ही माझा दृष्टिकोन विचारात घेतला, तर माझ्यासाठी ते नक्कीच 'इव्हिल डॅड' आहेत..."

महत्त्वाच्या इतर बातम्या :

Nana Patekar Viral Video: 'माझ्या सरणासाठी लागणारी सुकलेली लाकडं जमा करुन ठेवलीत, त्यातच मला जाळायचं...'; नाना पाटेकरांचा 'तो' अंगावर काटा आणणारा VIDEO

Bhiwandi FDA Action: गुलाबजाम खरेदी करताय? जरा सावधान! भिवंडीत मिठाईच्या ट्रेमध्ये आढळला चक्क जिवंत उंदीर; FDA ची मोठी कारवाई

अनिल वर्मा, एबीपी माझा — Fri, 9 Oct 2026 07:29:21 +0530

Bhiwandi FDA Action: मिठाई खरेदी करणाऱ्या ग्राहकांच्या आरोग्याशी संबंधित एक धक्कादायक प्रकार भिवंडीत समोर आला आहे. गैबी नगर परिसरातील हरीश गुलाबजाम स्टोअरमध्ये विक्रीसाठी ठेवलेल्या गुलाबजामच्या ट्रेमध्ये चक्क जिवंत उंदीर फिरत असल्याचे आढळून आले. या घटनेचा व्हिडीओ सोशल मीडियावर व्हायरल झाल्यानंतर परिसरात खळबळ उडाली. या प्रकरणाची दखल घेत अन्न व औषध प्रशासनाने (FDA) संबंधित दुकानाची पाहणी केली. त्यानंतर दुकानदाराला ‘स्टॉप टू बिझनेस’ची नोटीस बजावत व्यवसाय बंद करण्याचे आदेश दिल्याची माहिती समोर आली आहे.

Bhiwandi FDA Action: गुलाबजामच्या ट्रेमध्ये जिवंत उंदीर; प्रकाराने खळबळ

गुलाबजाम ही ग्राहकांच्या आवडीची मिठाई असून सण-समारंभांसह विविध प्रसंगी तिची मोठ्या प्रमाणात खरेदी केली जाते. मात्र, भिवंडीतील गैबी नगर परिसरातील हरीश गुलाबजाम स्टोअरमध्ये घडलेल्या प्रकारामुळे मिठाईच्या स्वच्छतेचा आणि सुरक्षिततेचा प्रश्न उपस्थित झाला आहे. या दुकानात विक्रीसाठी ठेवलेल्या गुलाबजामच्या ट्रेमध्ये जिवंत उंदीर फिरत असल्याचे दिसून आले. या घटनेचा व्हिडीओ सोशल मीडियावर प्रसारित झाल्यानंतर नागरिकांकडून संताप व्यक्त करण्यात आला. ग्राहकांना विक्रीसाठी ठेवण्यात येणाऱ्या खाद्यपदार्थांची स्वच्छता योग्य प्रकारे राखली जाते का, असा प्रश्नही या निमित्ताने उपस्थित होत आहे.

Bhiwandi FDA Action: व्हिडीओ समोर येताच FDA ची कारवाई

या घटनेचा व्हिडीओ समोर आल्यानंतर अन्न व औषध प्रशासनाने तातडीने संबंधित दुकानाची पाहणी केली. तपासणीदरम्यान अन्नपदार्थांची स्वच्छता, साठवणूक आणि सुरक्षिततेशी संबंधित बाबींची दखल घेण्यात आली. त्यानंतर दुकानाच्या मालकाला ‘स्टॉप टू बिझनेस’ची नोटीस बजावण्यात आली असून, दुकानातील व्यवसाय बंद करण्याचे आदेश दिल्याचे सांगण्यात येत आहे.

Bhiwandi FDA Action: गुलाबजामच्या ट्रेमध्ये उंदीर पोहोचलाच कसा?

या घटनेनंतर गुलाबजामुनच्या ट्रेमध्ये जिवंत उंदीर नेमका कसा पोहोचला, हा प्रश्न उपस्थित होत आहे. दुकानातील खाद्यपदार्थांची साठवणूक योग्य पद्धतीने केली जात होती का? मिठाई झाकून ठेवली जात होती का? दुकानात कीटक आणि उंदीर नियंत्रणासाठी आवश्यक उपाययोजना केल्या होत्या का? या बाबींची तपासणी होणे महत्त्वाचे आहे. भिवंडीतील या प्रकारामुळे बाजारात विक्रीसाठी ठेवण्यात येणाऱ्या मिठाई आणि इतर खाद्यपदार्थांच्या स्वच्छतेचा प्रश्न पुन्हा एकदा चर्चेत आला आहे.

राज्य आणि देश-विदेशातील महत्त्वाच्या बातम्या; पाहा व्हिडीओ

आणखी वाचा

Nashik News: पिवळ्या पाण्याने वाढवली धास्ती! नाशिकच्या 'त्या' बोअरवेलमधील पाण्यात 1 हजार पट विषारी क्रोमियम, अहवालात धक्कादायक प्रकार समोर

Vastu Shashtra: झाडू 'उभी' ठेवणे शुभ कि अशुभ? आर्थिक समृद्धी अन् देवी लक्ष्मीशी मोठा संबंध, वास्तुशास्त्राचे 'हे' नियम जाणून थक्क व्हाल..

एबीपी माझा वेब टीम — Fri, 9 Oct 2026 07:16:06 +0530

Vastu Shashtra: घराची स्वच्छता राखण्यासाठी झाडूचा वापर केला जातो. मात्र, आपण अनेकदा पाहतो, काही लोक परिसर झाडून झाल्यावर झाडू एकतर उभी किंवा आडवी ठेवतात. पण तुम्हाला हे माहितीय का? झाडू ठेवण्याची पद्धत वास्तुशास्त्राच्या पारंपरिक मान्यतेनुसार महत्त्वाची मानली जाते. अनेकदा घरातील ज्येष्ठ मंडळीही आपल्याला झाडू ठेवण्याच्या योग्य पद्धतीबाबत सांगत असतात, जाणून घ्या झाडू ठेवण्याची योग्य पद्धत कोणती? याचा आर्थिक समृद्धी आणि देवी लक्ष्मीशी संबंध काय? वास्तुशास्त्र आणि धार्मिक मान्यता काय सांगते?

झाडू उभी ठेवणे शुभ कि अशुभ? (Vastu Shashtra)

घर, परिसर स्वच्छ केल्यानंतर झाडू उभी की आडवी ठेवावी? याबाबत अनेकांच्या मनात प्रश्न असतो, मात्र वास्तुशास्त्रातील काही मान्यतांनुसार झाडू उभी ठेवणे अशुभ मानले जाते. झाडूचा संबंध माता लक्ष्मी आणि घरातील आर्थिक समृद्धीशी जोडला जातो. त्यामुळे झाडू उभी ठेवल्याने घरात आर्थिक अडचणी येऊ शकतात, अशी पारंपरिक समजूत आहे. मात्र, या दाव्याला वैज्ञानिक आधार उपलब्ध नाही.

झाडू ठेवण्याची योग्य पद्धत कोणती?

पारंपरिक वास्तुमान्यतेनुसार झाडू आडवी आणि नजरेआड ठेवणे योग्य मानले जाते. तसेच झाडू स्वयंपाकघरात किंवा मुख्य प्रवेशद्वाराजवळ ठेवू नये, असा सल्लाही दिला जातो. घरातील स्वच्छतेची साधने व्यवस्थित आणि सुरक्षित ठिकाणी ठेवल्यास घर नीटनेटके राहण्यास मदत होते.

झाडू ठेवण्याच्या दिशेबाबत काय सांगितले जाते?

वास्तुशास्त्राच्या काही परंपरांमध्ये झाडू पश्चिम किंवा नैऋत्य दिशेला ठेवण्याचा सल्ला दिला जातो. मात्र, याबाबत वेगवेगळ्या वास्तुपरंपरांमध्ये मतभेद आढळतात. त्यामुळे या नियमांकडे धार्मिक श्रद्धा आणि पारंपरिक समजुतींच्या दृष्टिकोनातून पाहणे योग्य ठरते.

वैज्ञानिक दृष्टिकोनातून काय महत्त्वाचे?

झाडू उभी ठेवल्यामुळे आर्थिक नुकसान होते किंवा घरात नकारात्मक ऊर्जा निर्माण होते, याचा ठोस वैज्ञानिक पुरावा नाही. झाडू योग्य ठिकाणी ठेवल्याने ती पडण्याचा धोका कमी होतो आणि तिचे तंतू खराब होण्यापासूनही काही प्रमाणात संरक्षण मिळू शकते. एकूणच, वास्तुशास्त्रानुसार झाडू आडवी, स्वच्छ आणि नजरेआड ठेवणे शुभ मानले जाते. मात्र, घरात स्वच्छता, सुरक्षितता आणि नीटनेटकेपणा राखणे हेच सर्वाधिक महत्त्वाचे आहे.

हेही वाचा :

Weekly Horoscope: मेष, वृषभ, मिथुन, कर्क, सिंह, कन्यापैकी 5 राशींची पाचही बोटं तुपात! ऑक्टोबरचा दुसरा आठवडा, नवरात्रीत शुभ संकेत, साप्ताहिक राशीभविष्य

(टीप : वरील सर्व बाबी एबीपी माझा केवळ माहिती म्हणून वाचक-प्रेक्षकांपर्यंत पोहोचवत आहे. यातून एबीपी माझा कोणताही दावा करत नाही.)

Tukaram Mundhe At Nana Patekar Funeral: पहिले भावूक पोस्ट, मग तुकाराम मुंढे नाना पाटेकरांच्या अंत्यविधीला पोहोचले अन्..., नेमकं काय घडलं?, VIDEO

मुकेश चव्हाण — Fri, 9 Oct 2026 06:58:15 +0530

Tukaram Mundhe At Nana Patekar Funeral: ज्येष्ठ अभिनेते नाना पाटेकर (Nana Patekar Death) यांच्या पार्थिवावर काल (8 ऑक्टोबर) रात्री पुण्यातील डोणजे गावात अंत्यसंस्कार (Nana Patekar Funeral) करण्यात आले. मराठी रंगभूमी आणि मराठी-हिंदी चित्रपटसृष्टीतल्या या दिग्गज अभिनेत्यानं वयाच्या 75 व्या वर्षी अखेरचा श्वास घेतला. 8 ऑक्टोबर रोजी पहाटे हृदयविकाराच्या झटक्यानं नाना पाटेकर यांचं गोव्यात निधन झालं. नाना पाटेकरांच्या अकाली एक्झिटनं मनोरंजनसृष्टीला मोठा धक्का बसला.

गोव्यातील दोनापावलामधील निवासस्थानी नाना पाटेकरांना हृदयविकाराचा झटका आला. त्यानंतर त्यांना मणिपाल रुग्णालयात दाखल करण्यात आलं. पण उपचारादरम्यान त्यांचं निधन झालं. त्यानंतर नाना पाटेकरांचं पार्थिव एअर अॅम्ब्युलन्सनं गोव्याहून पुणे विमानतळावर आणण्यात आलं. पुणे विमानतळावरून त्यांचं पार्थिव डोणजे गावात आलं. तिथेच त्यांच्यावर राज्यातील अनेक नेतेमंडळी, नातेवाईक आणि नानांच्या असंख्य चाहत्यांच्या उपस्थितीत शोकाकूल वातावरणात अंत्यसंस्कार करण्यात आले. दरम्यान, महाराष्ट्राचे अन्न आणि औषध प्रशासनाचे आयुक्त आएएस अधिकारी तुकाराम मुंढे (Tukaram Mundhe) देखील नाना पाटेकरांच्या अंत्यदर्शनाला पोहोचले होते. नाना पाटेकरांच्या निधनाची बातमी कळताच तुकाराम मुंढे यांनी सोशल मीडियावर एक भावूक पोस्ट लिहिली होती. त्यानंतर रात्री तुकाराम मुंढे पुण्यात नाना पाटेकरांच्या अंत्यसंस्कारासाठी पोहोचले. यावेळी तुकाराम मुंढे भावनिक झाल्याचे दिसून आले. (Tukaram Mundhe At Nana Patekar Funeral Video)

View this post on Instagram

तुकाराम मुंढेंची भावनिक पोस्ट, नानांबद्दल काय म्हणाले? (Tukaram Mundhe On Nana Patekar)

तुकाराम मुंढे आणि नाना पाटेकर यांची निधनाच्या अवघ्या 8 दिवसांपूर्वीच चर्चा झाली होती. यावेळी फोन ठेवताना नानांनी "लव्ह यू, बाळा" असे म्हटले होते, जे आयुष्यभर आपल्यासोबत राहतील अशी भावना मुंढे यांनी व्यक्त केली. नाना पाटेकर आता आपल्यात नाहीत. एक विलक्षण कलाकार, पण त्याहूनही मोठा माणूस. मनस्वी, प्रेमळ, स्पष्टवक्ते आणि माणुसकी जपणारे. माझ्यासाठी नाना केवळ एक महान कलाकार नव्हते; ते एक जिवलग मित्र होते. आठच दिवसांपूर्वी आमचे बोलणे झाले होते. तेच आपले शेवटचे बोलणे असेल, असे स्वप्नातही वाटले नव्हते. त्यांचे शेवटचे शब्द होते, लव्ह यू बाळा. नानांचे हे शब्द आयुष्यभर माझ्या मनात राहतील, असं तुकाराम मुंढे म्हणाले.

Nana Patekar is no more. I have lost not merely an exceptional artist, but an extraordinary human being and a dear friend , someone whose warmth and affection touched everyone around him. We spoke just eight days ago. I could never have imagined that it would be our last conversation. His last words to me were: “Love you, Bala.” Those words will stay with me for the rest of my life. Some people leave behind memories. A few leave behind a part of themselves in our lives. Nana was one of them. Goodbye, my friend. You will be deeply missed, and forever remembered.
— Tukaram Mundhe (@Tukaram_IndIAS) October 8, 2026

नाना पाटेकर यांना निरोप देण्यासाठी तुकाराम मुंढे पोहोचले, तेव्हा..., VIDEO:

Nashik News: पिवळ्या पाण्याने वाढवली धास्ती! नाशिकच्या 'त्या' बोअरवेलमधील पाण्यात 1 हजार पट विषारी क्रोमियम, अहवालात धक्कादायक प्रकार समोर

शुभम बोडके — Fri, 9 Oct 2026 06:55:06 +0530

Nashik News: नाशिकच्या अंबड परिसरातील दत्तनगरमध्ये बोअरवेलमधून येणाऱ्या पिवळ्या पाण्यामुळे नागरिकांच्या आरोग्याचा गंभीर प्रश्न निर्माण झाला आहे. या पाण्याची खासगी प्रयोगशाळेत तपासणी करण्यात आली असून, त्यामध्ये विषारी हेक्साव्हॅलेंट क्रोमियम (Hexavalent Chromium) या रासायनिक घटकाचे प्रमाण सुरक्षित मर्यादेपेक्षा तब्बल 1000 पट अधिक असल्याचा दावा करण्यात येत आहे. या दाव्यामुळे परिसरातील पाणीप्रदूषणाचा प्रश्न ऐरणीवर आला असून, दूषित बोअरवेल तातडीने बंद करण्याची मागणी पर्यावरणप्रेमींकडून करण्यात येत आहे.

Nashik News: अंबडमधील बोअरवेलच्या पाण्याचा रंग पिवळा

अंबडमधील दत्तनगर परिसरात बोअरवेलमधून बाहेर पडणाऱ्या पाण्याचा रंग पिवळा झाल्याचे समोर आले आहे. पाण्याच्या रंगातील या बदलामुळे परिसरातील नागरिकांमध्ये चिंता व्यक्त केली जात आहे. या पाण्यात नेमके कोणते रासायनिक घटक आहेत आणि त्यांचा मानवी आरोग्यावर काय परिणाम होऊ शकतो, याबाबत प्रश्न उपस्थित केले जात आहेत. या पार्श्वभूमीवर बोअरवेलच्या पाण्याचे नमुने खासगी प्रयोगशाळेत तपासण्यात आल्याचे सांगण्यात येत आहे. या तपासणी अहवालाचा हवाला देत पाण्यात हेक्साव्हॅलेंट क्रोमियमचे धक्कादायक प्रमाण आढळल्याचा दावा करण्यात आला आहे.

Nashik News: विषारी क्रोमियममुळे आरोग्याला धोका?

हेक्साव्हॅलेंट क्रोमियम हा क्रोमियमचा विषारी प्रकार असून, त्याच्या संपर्कामुळे मानवी आरोग्यावर गंभीर परिणाम होऊ शकतात. दीर्घकाळ संपर्क आल्यास त्वचेची जळजळ, त्वचेवरील व्रण आणि इतर आरोग्यविषयक समस्या उद्भवू शकतात. या रसायनाचा दीर्घकाळ संपर्क काही प्रकारच्या कर्करोगाच्या वाढलेल्या धोक्याशीही संबंधित आहे. अंबडमधील दूषित पाणी वापरल्यामुळे काही नागरिकांना त्वचेचे विकार आणि जखमांचा त्रास होत असल्याचे निदर्शनास आले आहे.

Nashik News: दूषित पाणी गोदावरी नदीत मिसळत असल्याचा आरोप

या प्रकरणातील आणखी एक गंभीर बाब म्हणजे, बोअरवेलमधून किंवा संबंधित परिसरातून बाहेर पडणारे दूषित पाणी नाल्यावाटे गोदावरी नदीत मिसळत असल्याचा आरोप करण्यात येत आहे. या प्रकरणी महाराष्ट्र प्रदूषण नियंत्रण मंडळाने (Maharashtra Pollution Control Board) एका कंपनीला कारणे दाखवा नोटीस बजावल्याचे सांगण्यात येत आहे.

Nashik News: सिंहस्थ कुंभमेळ्याच्या पार्श्वभूमीवर प्रश्न गंभीर

नाशिकमध्ये आगामी सिंहस्थ कुंभमेळ्याची (Simhastha Kumbh Mela) तयारी सुरू असताना पाणीप्रदूषणाचा हा प्रश्न अधिक महत्त्वाचा ठरत आहे. गोदावरी नदीचे पाणी, नदी परिसरातील स्वच्छता आणि पर्यावरणाचे संरक्षण हे कुंभमेळ्याच्या नियोजनातील महत्त्वाचे मुद्दे आहेत. अशा परिस्थितीत दूषित पाणी नदीत मिसळत असल्याचा आरोप समोर आल्याने संबंधित यंत्रणांच्या कार्यपद्धतीवर प्रश्न उपस्थित होत आहेत.

Nashik News: दूषित बोअरवेल सील करा

दत्तनगरमधील नागरिकांच्या आरोग्याला संभाव्य धोका लक्षात घेता, दूषित असल्याचा संशय असलेल्या सर्व बोअरवेलची तातडीने तपासणी करावी आणि आवश्यकतेनुसार त्या सील कराव्यात, अशी मागणी पर्यावरणप्रेमींकडून करण्यात येत आहे. तसेच, नागरिकांना टँकरद्वारे सुरक्षित पाणीपुरवठा करावा, पाण्याचे नमुने नियमित तपासावेत आणि प्रदूषणासाठी जबाबदार असलेल्या स्रोतांवर कठोर कारवाई करावी, अशीही मागणी होत आहे.

राज्य आणि देश-विदेशातील महत्त्वाच्या बातम्या; पाहा व्हिडीओ

आणखी वाचा

Trimbakeshwar Temple Closed : मोठी बातमी! त्र्यंबकेश्वर मंदिर पुढील दोन महिने दर्शनासाठी बंद राहणार; 'या' तारखेपासून भाविकांना प्रवेश बंद

Weekly Horoscope: ऑक्टोबरचा दुसरा आठवडा गेमचेंजर! नवरात्रीत अद्भूत योगायोग, कोण मालामाल? कोणाला टेन्शन? पैसा, नोकरी, प्रेम...साप्ताहिक राशीभविष्य

एबीपी माझा वेब टीम — Fri, 9 Oct 2026 06:52:00 +0530

Weekly Horoscope 12 To 18 October 2026: ऑक्टोबरचा (October 2026) दुसरा आठवडा अत्यंत खास असणार आहे. 12 ते 18 ऑक्टोबर 2026 असा या आठवड्याचा कालावधी असणार आहे. वैदिक पंचांगानुसार या आठवड्यात शारदीय नवरात्रौत्सवाला सुरूवात होतोय, ज्योतिषींच्या मते, हा आठवडा काहींचं भाग्य उजळणार आहे तर काहींसाठी हा आठवडा आव्हानात्मक ठरणार आहे. त्यामुळे हा आठवडा कोणत्या राशींसाठी कशाप्रकारे बदल घेऊन येतो हे पाहणं महत्त्वाचं ठरणार आहे. आज आपण मेष ते मीन अशा सर्व 12 राशींचं साप्ताहिक राशीभविष्य (Weekly Horoscope) जाणून घेऊयात.

मेष रास (Aries Horoscope)

मेष राशीसाठी 12 ते 18 ऑक्टोबर हा आठवडा तुमच्यासाठी उत्साहवर्धक ठरू शकतो. नोकरीत नवीन जबाबदाऱ्या मिळतील आणि व्यवसायात प्रगतीच्या संधी निर्माण होतील. आर्थिक व्यवहार करताना सावधगिरी बाळगा. कुटुंबात आनंदाचे वातावरण राहील. आरोग्यासाठी पुरेशी विश्रांती घ्या..

वृषभ रास (Taurus Horoscope)

वृषभ राशीच्या लोकांसाठी या आठवड्यात कामातील सातत्यामुळे चांगले परिणाम मिळू शकतात. वरिष्ठांचे सहकार्य लाभेल आणि व्यवसायात नवीन योजना आखता येतील. खर्च वाढण्याची शक्यता असल्याने बचतीकडे लक्ष द्या. कुटुंबातील व्यक्तींशी संवाद सुधारेल. महत्त्वाचे निर्णय विचारपूर्वक घ्या.

मिथुन रास (Gemini Horoscope)

मिथुन रासीसाठी हा आठवडा नवीन कल्पना आणि संपर्क यांमुळे प्रगतीच्या संधी मिळू शकतात. नोकरीत तुमच्या कामाची दखल घेतली जाईल. आर्थिक बाबतीत घाईघाईने निर्णय घेऊ नका. प्रेमसंबंधात स्पष्ट संवाद ठेवल्यास गैरसमज दूर होतील. विद्यार्थ्यांनी अभ्यासावर लक्ष केंद्रित करावे

कर्क रास (Cancer Horoscope)

कर्क राशीच्या व्यक्तींना या आठवड्यात कामाच्या ठिकाणी जबाबदाऱ्या वाढू शकतात, मात्र नियोजनामुळे परिस्थिती हाताळता येईल. आर्थिक व्यवहारांमध्ये शिस्त ठेवा. घरातील एखाद्या महत्त्वाच्या विषयावर चर्चा होऊ शकते. कुटुंबीयांचा सल्ला उपयोगी पडेल. मानसिक शांततेसाठी स्वतःसाठी वेळ काढा.

सिंह रास (Leo Horoscope)

सिंह राशीसाठी हा आठवडा आत्मविश्वास आणि नेतृत्वगुणांमुळे कामात पुढे जाण्याची संधी मिळू शकते. व्यवसायात नवीन योजना आखताना अनुभवी व्यक्तींचा सल्ला घ्या. आर्थिक स्थिती सुधारण्यासाठी प्रयत्न कराल. जोडीदाराशी संबंध अधिक दृढ होऊ शकतात. अहंकारामुळे वाद होणार नाहीत याची काळजी घ्या

कन्या रास (Virgo Horoscope)

कन्या राशीसाठी हा आठवडा नियोजनबद्ध काम केल्यास रखडलेली कामे पूर्ण होतील. नोकरीत मेहनतीचे कौतुक होऊ शकते. आर्थिक व्यवहार आणि कागदपत्रे तपासून घ्या. कुटुंबात छोट्या कारणांवरून मतभेद होण्याची शक्यता असल्याने संयम ठेवा. नियमित दिनचर्या आणि पुरेशी झोप यांना प्राधान्य द्या.

तूळ रास (Libra Weekly Horoscope)

ज्योतिषशास्त्रानुसार, तूळ राशीसाठी हा आठवडा नवीन संधींचा विचार करण्यासाठी अनुकूल ठरू शकतो. भागीदारीच्या व्यवसायात संवादाला महत्त्व द्या. उत्पन्न आणि खर्च यांचा समतोल राखणे आवश्यक आहे. प्रेमसंबंधात जवळीक वाढेल आणि कुटुंबीयांचे सहकार्य मिळेल. महत्त्वाचे निर्णय घेताना सर्व बाजूंचा विचार करा.

वृश्चिक रास (Scorpio Weekly Horoscope)

ज्योतिषशास्त्रानुसार, वृश्चिक राशीसाठी हा आठवडा चिकाटी आणि मेहनतीमुळे कामात प्रगती साधता येईल. नवीन जबाबदारी स्वीकारण्याची संधी मिळू शकते. आर्थिक बाबतीत जोखमीचे निर्णय टाळा. नातेसंबंधात मनातील गोष्टी स्पष्टपणे व्यक्त करा. रागाच्या भरात कोणताही निर्णय घेऊ नका आणि आरोग्याकडे दुर्लक्ष करू नका.

धनु रास (Saggitarius Weekly Horoscope)

ज्योतिषशास्त्रानुसार, धनु राशीसाठी हा आठवडा नवीन कौशल्ये शिकण्यासाठी आणि भविष्यातील योजना आखण्यासाठी हा आठवडा उपयुक्त ठरू शकतो. नोकरी किंवा व्यवसायात नवीन संपर्क फायदेशीर ठरू शकतात. पैशांच्या बाबतीत दीर्घकालीन नियोजन करा. कुटुंबासोबत आनंदाचे क्षण मिळतील. प्रवासाची योजना असल्यास आधी तयारी करा

मकर रास (Capricorn Weekly Horoscope)

ज्योतिषशास्त्रानुसार, मकर राशीसाठी हा आठवडा कामातील शिस्त आणि सातत्यामुळे प्रगतीचा मार्ग खुला होऊ शकतो. वरिष्ठांशी संवाद साधताना आत्मविश्वास ठेवा. आर्थिक नियोजन आणि बचतीवर भर द्या. घरातील जबाबदाऱ्या पार पाडताना कुटुंबासाठीही वेळ काढा. कामाचा ताण वाढू नये म्हणून विश्रांती घ्या

कुंभ रास (Aquarius Weekly Horoscope)

ज्योतिषशास्त्रानुसार, कुंभ राशीसाठी हा आठवडा नवीन कल्पना प्रत्यक्षात आणण्यासाठी प्रयत्नशील राहाल. सहकारी आणि मित्रांकडून मदत मिळण्याची शक्यता आहे. आर्थिक गुंतवणूक करताना योग्य माहिती मिळवा. प्रेमसंबंधात परस्पर विश्वास वाढवण्याचा प्रयत्न करा. विद्यार्थ्यांनी आणि स्पर्धा परीक्षांची तयारी करणाऱ्यांनी नियमित अभ्यास करावा

मीन रास (Pisces Weekly Horoscope)

ज्योतिषशास्त्रानुसार, मीन राशीसाठी हा आठवडा चांगली प्रगती होऊ शकते. नोकरीत नवीन जबाबदाऱ्या स्वीकारताना आत्मविश्वास ठेवा. अनावश्यक खर्च टाळून बचतीकडे लक्ष द्या. कुटुंबात प्रेम आणि सहकार्य वाढेल. भावनिक निर्णय घेण्याऐवजी शांतपणे विचार करा आणि आरोग्यासाठी दिनचर्या नियमित ठेवा.

हेही वाचा :

Weekly Horoscope: मेष, वृषभ, मिथुन, कर्क, सिंह, कन्यापैकी 5 राशींची पाचही बोटं तुपात! ऑक्टोबरचा दुसरा आठवडा, नवरात्रीत शुभ संकेत, साप्ताहिक राशीभविष्य

(टीप : वरील सर्व बाबी एबीपी माझा केवळ माहिती म्हणून वाचक-प्रेक्षकांपर्यंत पोहोचवत आहे. यातून एबीपी माझा कोणताही दावा करत नाही.)

Buldhana Crime News : कौटुंबिक वादानं संतापाचं टोक गाठलं, जन्मदात्या आईसह सख्खा भाऊ आणि तरुण पुतण्याला संपवलं; बुलढाणा हादरलं!

डॉ. संजय महाजन — Fri, 9 Oct 2026 06:45:19 +0530

Buldhana Crime News : बुलढाणा जिल्ह्यातून एक अतिशय खळबळजनक बातमी समोर आली आहे. चिखली तालुक्यातील सोमठाणा (Somthana) येथे धक्कादायक असं तिहेरी हत्याकांड (Buldhana Crime News) घडले आहे. यात जन्मदात्या आईसह सख्खा भाऊ आणि पुतण्याची हत्या करून आरोपी दीपक फत्तेसिंह सुरडकर फरार झाला आहे. या हत्याकांडात (Crime News)आई सरस्वती फतेसिंग सुरडकर, (वय 70 वर्षे), भाऊ संजय फत्तेसिंह सुरडकर, (वय 55 वर्षे), आणि पुतण्या रणजीत संजय सुरडकर, (वय 25 वर्षे) यांचा मृत्यू झाला आहे. घटनेची माहिती मिळताच चिखली पोलीस घटनास्थळी दाखल झाले आहेत. दरम्यान या घटनेतील आरोपी फरार झाला असून त्याचा पोलीस (Buldhana Police) शोध घेत आहे. मात्र या घटनेनं परिसरात मोठी खळबळ उडाली असून आरोपीचा शोध घेणं हे आता पोलिसांपुढंच आव्हान असणार आहे. (Buldhana Crime News)

Buldhana Crime News : जन्मदात्या आईसह सख्खा भाऊ आणि तरुण पुतण्याचा बळी घेतला, आरोपी फरार

दरम्यान, जन्मदात्या आईसह सख्खा भाऊ आणि तरुण पुतण्याचा जीव घेणाऱ्या या घटनेने सोमठाणा हादरले आहे. एकाच कुटुंबातील तीन सदस्यांची हत्या झाली असून, आरोपी दीपक सुरडकर घटनेनंतर फरार झाला आहे. 70 वर्षीय सरस्वती फतेसिंग सुरडकर, त्यांचा 55 वर्षीय मुलगा संजय फत्तेसिंह सुरडकर आणि 25 वर्षीय नातू रणजीत संजय सुरडकर हे या हत्याकांडाचे बळी ठरले आहेत. प्राथमिक माहितीनुसार, दीपकच्या हिश्यातली शेती आईने त्याच्या भावाच्या नावावर केल्याच्या रागातून हे हत्याकांड घडल्याचे सांगितले जात आहे. मात्र, हत्येमागील नेमके कारण आणि घटनाक्रम पोलीस तपासातून स्पष्ट होणार आहे. सध्या चिखली पोलीस घटनास्थळी दाखल झाले असून पुढील तपास सुरू आहे.

Chandrapur News: सैनिक शाळेत इयत्ता पाचवीत शिकणाऱ्या 12 वर्षीय विद्यार्थ्याचा संशयास्पद मृत्यू

चंद्रपूर-बल्लारपूर मार्गावर असलेल्या खाजगी शिक्षण संस्थेच्या सन्मित्र सैनिक शाळेत इयत्ता पाचवीत शिकणाऱ्या 12 वर्षीय विद्यार्थ्याचा संशयास्पद मृत्यू झाल्याने मोठी खळबळ उडाली आहे. चंद्रपूर शहरालगत बल्लारपूर मार्गावर असलेल्या खाजगी शिक्षण संस्थेच्या सैनिक शाळेत इयत्ता पाचवीच्या विद्यार्थ्याचा मृत्यू झालाय. सन्मित्र सैनिक शाळा असे या शाळेचे नाव आहे. बारा वर्षाचा जीवन विलास झरेकर याच वर्षी शाळेत दाखल झाला होता. त्वचेवर पुरळ आल्याने गुरुवारी दुपारी त्याच्या वडिलांनी त्याला चंद्रपूर शहरातील एका त्वचारोग तज्ज्ञाकडे दाखविले. यानंतर जीवनला शाळेत सोडून वडील सुमारे 50 किमी दूर असलेल्या राजुरा तालुक्यातील खांबाडा या गावी पोचले. मात्र त्यांना शाळेतून शिक्षकांचा मोबाईल कॉल आला आणि त्यांनी तातडीने शाळेत येण्याचा निरोप दिला. परतीच्या वाटेवर असताना दुसरा कॉल आला यात त्याचा मृत्यू झाल्याचे म्हटले. सध्या विद्यार्थ्याचा मृतदेह शव विच्छेदनासाठी जिल्हा सामान्य रुग्णालयात असून शोकमग्न पालकांना मात्र शाळा व्यवस्थापन, रुग्णालय आणि पोलीस यांच्या वतीने मृत्यूचे कारण सांगितले गेलेले नाही. या संशयास्पद मृत्यूचा पोलीस तपास करत आहेत.

Bhandara News: पालकमंत्र्यांसमोर रडत-रडत व्यथा मांडली, अधिकाऱ्यांकडून फाईल्स फेकल्याची तक्रार; दोनच दिवसांत भंडाऱ्यातील शेतकऱ्याने टोकाचं पाऊल उचललं

Weekly Horoscope: मेष, वृषभ, मिथुन, कर्क, सिंह, कन्यापैकी 5 राशींची पाचही बोटं तुपात! ऑक्टोबरचा दुसरा आठवडा, नवरात्रीत शुभ संकेत, साप्ताहिक राशीभविष्य

एबीपी माझा वेब टीम — Fri, 9 Oct 2026 06:33:03 +0530

Weekly Horoscope 12 To 18 October 2026: ऑक्टोबरचा (October 2026) दुसरा आठवडा लवकरच सुरु होणार आहे. 12 ते 18 ऑक्टोबर 2026 असा या आठवड्याचा कालावधी असणार आहे. त्यामुळे या आठवड्यात काहींचं भाग्य उजळणार आहे तर काहींसाठी हा आठवडा आव्हानात्मक ठरणार आहे. त्यामुळे हा आठवडा कोणत्या राशींसाठी कशाप्रकारे बदल घेऊन येतो हे पाहणं महत्त्वाचं ठरणार आहे. आज आपण मेष ते कन्या अशा सहा राशींचं साप्ताहिक राशीभविष्य (Weekly Horoscope) जाणून घेऊयात.

मेष रास (Aries Horoscope)

मेष राशीच्या व्यक्तींसाठी 12 ते 18 ऑक्टोबर हा आठवडा मेहनत आणि संयमाची परीक्षा घेणारा ठरू शकतो. नोकरीत नवीन जबाबदाऱ्या मिळण्याची शक्यता आहे. वरिष्ठांशी बोलताना शब्द जपून वापरा. व्यवसायात नवीन योजना आखता येतील; मात्र कोणताही मोठा निर्णय घाईने घेऊ नका. आर्थिक बाबतीत अनावश्यक खर्च वाढू शकतो, त्यामुळे पैशांचे नियोजन आवश्यक राहील. प्रेमसंबंधांत गैरसमज निर्माण होऊ शकतात, पण शांतपणे संवाद साधल्यास परिस्थिती सुधारेल. कुटुंबातील व्यक्तींचे सहकार्य मिळेल. आरोग्याच्या दृष्टीने पुरेशी झोप आणि विश्रांती घेणे महत्त्वाचे ठरेल..

वृषभ रास (Taurus Horoscope)

वृषभ राशीच्या लोकांसाठी हा आठवडा स्थिरता आणि प्रगतीच्या दृष्टीने आशादायक ठरू शकतो. नोकरीमध्ये तुमच्या कामाची दखल घेतली जाण्याची शक्यता आहे. व्यवसाय करणाऱ्यांना नवीन ग्राहक किंवा व्यावसायिक संपर्क मिळू शकतात. आर्थिक परिस्थिती सुधारण्यासाठी प्रयत्न यशस्वी होऊ शकतात, मात्र मोठ्या खर्चाचे नियोजन आधीच करा. प्रेमसंबंधांत जवळीक वाढेल आणि विवाहित व्यक्तींना जोडीदाराकडून सहकार्य मिळू शकते. कुटुंबात आनंदाचे वातावरण राहण्याची शक्यता आहे. विद्यार्थ्यांनी अभ्यासात सातत्य ठेवावे. आरोग्याच्या बाबतीत आहार आणि दिनचर्येकडे लक्ष द्या.

मिथुन रास (Gemini Horoscope)

मिथुन रासीसाठी हा आठवडा नवीन कल्पना आणि संवादासाठी महत्त्वाचा ठरू शकतो. नोकरीत तुमचे विचार मांडण्याची संधी मिळेल. व्यवसायात नवीन योजना सुरू करण्यापूर्वी त्यांचा नीट अभ्यास करा. आर्थिक बाबतीत उत्पन्न आणि खर्च यांचा ताळमेळ राखणे आवश्यक राहील. एखाद्या जुन्या आर्थिक व्यवहाराबाबत चर्चा होऊ शकते. प्रेमसंबंधांत स्पष्टपणे बोलल्यामुळे नात्यातील अंतर कमी होईल. अविवाहित व्यक्तींना नवीन ओळख होण्याची शक्यता आहे. कुटुंबातील जबाबदाऱ्या वाढू शकतात. मानसिक ताण टाळण्यासाठी स्वतःसाठी वेळ काढा..

कर्क रास (Cancer Horoscope)

कर्क राशीच्या व्यक्तींना या आठवड्यात कुटुंब आणि काम यांच्यात समतोल राखावा लागेल. नोकरीत काही कामे अपेक्षेपेक्षा जास्त वेळ घेऊ शकतात, त्यामुळे घाई न करता नियोजन करा. व्यवसायात जुने व्यवहार पूर्ण करण्यावर भर द्या. आर्थिक स्थिती सामान्य राहण्याची शक्यता असून घरासाठी किंवा कुटुंबासाठी खर्च होऊ शकतो. प्रेमसंबंधांत भावनिक समजूतदारपणा आवश्यक राहील. विवाहित व्यक्तींनी जोडीदाराच्या भावना समजून घ्याव्यात. कुटुंबातील एखाद्या महत्त्वाच्या विषयावर चर्चा होऊ शकते. आरोग्याच्या बाबतीत विश्रांती, योग्य आहार आणि नियमित दिनचर्या यांना प्राधान्य द्या..

सिंह रास (Leo Horoscope)

सिंह राशीसाठी हा आठवडा आत्मविश्वासाने पुढे जाण्याचा ठरू शकतो. नोकरीमध्ये नेतृत्व करण्याची किंवा नवीन जबाबदारी स्वीकारण्याची संधी मिळू शकते. व्यवसायात प्रगतीसाठी नवीन संपर्क उपयोगी पडतील. आर्थिक बाबतीत उत्पन्न वाढवण्याचे प्रयत्न करता येतील, परंतु प्रतिष्ठेसाठी अनावश्यक खर्च करणे टाळा. प्रेमसंबंधांत जोडीदारासोबत वेळ घालवण्याची संधी मिळेल. वैवाहिक जीवनात परस्पर आदर राखल्यास नाते अधिक दृढ होईल. कुटुंबात तुमच्या मताला महत्त्व मिळू शकते. आरोग्याच्या दृष्टीने कामाचा अतिरेक टाळा..

कन्या रास (Virgo Horoscope)

कन्या राशीसाठी हा आठवडा नियोजन आणि कामातील अचूकतेचा असेल. नोकरीत अपूर्ण कामे पूर्ण करण्यावर भर द्या. वरिष्ठांकडून अपेक्षा वाढू शकतात, त्यामुळे वेळेचे योग्य व्यवस्थापन करा. व्यवसायात कागदपत्रे आणि आर्थिक व्यवहार काळजीपूर्वक तपासा. पैशांची बचत करण्यासाठी हा काळ उपयोगी ठरू शकतो, जर तुम्ही खर्चावर नियंत्रण ठेवले तर. प्रेमसंबंधांत छोट्या गोष्टींवरून वाद होऊ देऊ नका. कुटुंबीयांशी संवाद साधताना संयम ठेवा...

हेही वाचा :

Sarv Pitri Amavasya 2026: यंदा सर्वपित्री - शनि अमावस्येचा पॉवरफुल योगायोग! पितृदोष, शनिदोष दूर करण्याची सुवर्णसंधी, ज्योतिषशास्त्रानुसार 'हे' उपाय करा..

(टीप : वरील सर्व बाबी एबीपी माझा केवळ माहिती म्हणून वाचक-प्रेक्षकांपर्यंत पोहोचवत आहे. यातून एबीपी माझा कोणताही दावा करत नाही.)

Amitabh Bachchan Tribute Nana Patekar: 'काही लोक निघून जातात, पण...'; नानांच्या जाण्यानं हळहळले बिग बी, KBC च्या मंचावरुन वाहिली श्रद्धांजली, VIDEO

एबीपी माझा एंटरटेनमेंट डेस्क — Fri, 9 Oct 2026 06:32:09 +0530

Amitabh Bachchan Tribute Nana Patekar: बॉलिवूडचे (Bollywood News) महानायक अमिताभ बच्चन (Amitabh Bachchan) यांनी ज्येष्ठ अभिनेते नाना पाटेकर (Nana Patekar) यांच्या निधनानंतर त्यांना भावपूर्ण श्रद्धांजली वाहिली आहे. नानांची आठवण सांगताना अमिताभ यांनी त्यांचं वर्णन मित्र, हितचिंतक, उत्कृष्ट अभिनेता आणि समाजसेवक असं केलंय. नानांचा साधेपणा, स्पष्टवक्तेपणा आणि सत्य बोलण्याचं धाडस त्यांना इतरांपेक्षा वेगळं ठरवत होतं, असंही त्यांनी नमूद केलंय. दरम्यान, नाना पाटेकर यांचं 8 ऑक्टोबर रोजी वयाच्या 75 व्या वर्षी निधन झालंय. हृदयविकाराच्या झटक्यामुळे त्यांचं निधन झालं.

अमिताभ बच्चन यांनी 'कौन बनेगा करोडपती 16'च्या सेटवर नाना पाटेकर यांच्यासोबत झालेल्या भेटीचीही आठवण काढली. नाना पाटेकर यांच्या निधनाबद्दल बोलताना अमिताभ बच्चन म्हणाले की, त्यांचं जाणं ही केवळ सिनेसृष्टीसाठीच नव्हे, तर त्यांना वैयक्तिकरित्या ओळखणाऱ्या प्रत्येकासाठी एक मोठी हानी आहे. नाना हे एक असाधारण कलाकार, मित्र, हितचिंतक आणि समाजसेवक होते, यावर त्यांनी पुन्हा एकदा भर दिला.

अमिताभ बच्चन यांनी नाना पाटेकर यांना वाहिली श्रद्धांजली (Amitabh Bachchan Paid Tribute To Nana Patekar)

एका व्हिडीओमध्ये 'बिग बी' म्हणाले, "इथे उपस्थित असलेल्या सर्वांना मला सांगायचंय की, नाना पाटेकर यांचं आज सकाळी निधन झालंय. एक असाधारण कलाकार, मित्र, हितचिंतक आणि उत्कृष्ट समाजसेवक आज आपल्यात राहिलेला नाही. त्यांचं स्पष्टवक्तेपण, साधेपणा आणि सत्य बोलण्याचं धाडस त्यांना इतरांपेक्षा वेगळं ठरवत होतं..."

अमिताभ बच्चन यांनी पुढे बोलताना नमूद केलं की, काही लोक जरी शारीरिकदृष्ट्या आपल्यात नसले, तरी त्यांचे शब्द, त्यांनी इतरांसाठी केलेलं कार्य आणि त्यांनी दिलेले धडे आपल्यासोबत कायम राहतात. ते म्हणाले, "काही लोक आपल्या आयुष्यातून निघून जातात, पण त्यांचे आवाज, त्यांची समाजसेवा आणि त्यांनी शिकवलेल्या गोष्टी आपल्यातच राहतात. नाना हे अशाच व्यक्तींपैकी एक होते..."

त्यांनी पुढे म्हटलंय की, "नाना, मी तुम्हाला वैयक्तिकरित्या नमन करतो. ज्या निष्ठेनं तुम्ही कलेचं जतन केलं आणि ती आपल्या सर्वांसाठी समर्पित केली, त्या कलेलाही मी श्रद्धांजली अर्पण करतो..."

View this post on Instagram

अमिताभ बच्चन यांनी 'कौन बनेगा करोडपती 16' मधील नाना पाटेकर यांच्या विशेष उपस्थितीचीही आठवण काढली. त्यांनी सांगितलं की, नाना एका विशेष भागासाठी पाहुणे म्हणून शोमध्ये आले होते आणि त्यावेळी त्यांनी आपल्या समाजसेवेच्या उपक्रमांबद्दल माहिती दिली होती.

अमिताभ बच्चन यांनी नाना पाटेकर यांच्या आठवणींना उजाळा दिला

अमिताभ बच्चन म्हणाले की, "ते याच मंचावर आमच्या एका विशेष कार्यक्रमात पाहुणे म्हणून सहभागी झाले होते. ती अविस्मरणीय संध्याकाळ आमच्या कायम स्मरणात राहील." बिग बींनी पुढे सांगितलं की, त्या कार्यक्रमादरम्यान नानांनी उच्चारलेल्या शब्दांनी तिथे उपस्थित असलेल्या प्रेक्षकांच्या मनाला खोलवर स्पर्श केला होता. तसेच, त्या शोमध्ये जिंकलेली बक्षिसाची रक्कम त्यांनी ज्या उदात्त कार्यासाठी समर्पित केली, ते त्यांच्या समाजसेवेप्रती असलेल्या निष्ठेचे एक उत्तम उदाहरण ठरले.

अमिताभ यांनी विशेषतः महाराष्ट्रातील पावसाच्या कमतरतेमुळे प्रभावित झालेल्या गावांमध्ये नानांनी केलेल्या कार्याची आठवण काढली. ते म्हणाले, "पावसाअभावी संकटात सापडलेल्या महाराष्ट्रातील त्या गावांमध्ये त्यांनी शेतकऱ्यांशी संवाद साधला आणि त्यांची प्रत्यक्ष जाऊन सेवा केली..."

आपली श्रद्धांजली अर्पण करताना अमिताभ शोच्या वतीनं म्हणाले, "केबीसी (KBC) परिवाराकडून त्यांना भावपूर्ण श्रद्धांजली."

महत्त्वाच्या इतर बातम्या :

ABP Majha Top 10, 9 October 2026 : आजच्या ठळक घडामोडी, Breaking News Today, सकाळच्या ब्रेकिंग न्यूज, वाचा एबीपी माझाच्या सकाळच्या टॉप १० हेडलाईन्स - Morning

एबीपी माझा वेब टीम — Fri, 9 Oct 2026 06:30:02 +0530

ABP Majha Top 10, 8 October 2026 : आजच्या ठळक बातम्या, Breaking News Today, संध्याकाळच्या ताज्या बातम्या, वाचा एबीपी माझाच्या संध्याकाळच्या टॉप १० हेडलाईन्स - Evening
Check Top 10 ABP Majha Evening Headlines, 8 October 2026 : एबीपी माझा संध्याकाळच्या बुलेटिनमधील टॉप 10 हेडलाईन्स या ठिकाणी वाचायला मिळतील. Read More
ABP Majha Top 10, 8 October 2026 : आजच्या ब्रेकिंग न्यूज वाचा, एबीपी माझा दुपारच्या बुलेटिनमधील टॉप 10 हेडलाईन्स वाचा - Afternoon
Check Top 10 ABP Majha Afternoon Headlines, 8 October 2026 : एबीपी माझा दुपारच्या बुलेटिनमधील टॉप 10 हेडलाईन्स या ठिकाणी वाचायला मिळतील. Read More
Congress Vs CJP : टार्गेट एक, रस्ता वेगळा! राहुल गांधी अन् सीजेपीचा एकाच मुद्द्यावरून केंद्र सरकारवर दुहेरी हल्ला; श्रेय कुणाचे?
Congress CJP Political Rivalry : नीट पेपरफुटीपासून ते मुख्य निवडणूक आयुक्तांच्या राजीनाम्याच्या मागणीपर्यंत, काँग्रेस आणि CJP एकाच मुद्द्यावर रान उठवत असले तरी दोघांमधील राजकीय चढाओढ आता उघड झाली आहे. Read More
USA : अमेरिकनं भारताच्या टीसीएस,एचसीएल, विप्रोला PERM मधून वगळलं, पर्मनंट लेबर सर्टिफिकेशन प्रोग्राम नेमका काय?
USA : अमेरिकेनं आयटी कंपन्यांना दणका दिला आहे. पर्मनंट लेबर सर्टिफिकेशन प्रोग्राममधून भारतीय आयटी कंपन्यांना वगळलं आहे. Read More
पोटच्या लेकराचा दुसऱ्या वर्षीचं मृत्यू, मुंबई बाॅम्बस्फोटात भावाला गमावलं, दिग्दर्शकाला शिवीगाळ, आगीत भाजले ते शाळेत मास्तरांचा दररोजचा मार; नाना पाटेकरांच्या न विसरता येणाऱ्या 10 आठवणी
नाना यांनी रंगभूमीपासून सुरुवात केली आणि नंतर चित्रपटांकडे वळले. त्यांनी \'गमन\', \'अंकुश\', \'परिंदा\', \'क्रांतिवीर\', \'तिरंगा\', \'अब तक छप्पन\', \'अपहरण\' आणि \'वेलकम\'सारख्या चित्रपटांमध्ये भूमिका साकारल्या. Read More
Nana Patekar Tanushree Dutta: नाना पाटेकर यांचं निधन, सिनेसृष्टी हळहळली; Me Too चे आरोप करणारी तनुश्री दत्ता म्हणाली...
Nana Patekar Death Tanushree Dutta: नाना पाटेकर यांच्या निधनानंतर तनुश्री दत्ताचा व्हिडीओ व्हायरल. Read More
पाकिस्तानला धक्का, भारतात होणाऱ्या चॅम्पियन्स ट्रॉफीतून वगळलं, पाकची मागणी अमान्य करत बागंलादेशला संधी
Asian Hockey Champions Trophy 2026: भाराकडून आशियाई चॅम्पियन्स ट्रॉफीचं आयोजन केलं जाणार आहे. या स्पर्धेतून पाकिस्तानची मागणी अमान्य करत त्यांना बाहेरचा रस्ता दाखवण्यात आला आहे. Read More
Smriti Mandhana: \'कॅप्टनशीप भेटेल आमच्या डोक्यातही नव्हतं..\' स्मृती मानधना टीम इंडियाची कॅप्टन होताच वडिलांचा आनंद गगनात मावेना, लेकीच्या त्या कटू प्रसंगावरही बोलले
Smriti Mandhana: एक टी-20 वर्ल्ड कप आणि सेकंड ऑलिम्पिकचं गोल्ड मेडल इंडियामध्ये आणून द्यावे हीच आमची इच्छा आहे, स्वप्न आहे तिच्या कारकिर्दीमध्ये, असेही त्यांनी नमूद केले. Read More
Heart Health: हृदयाचे पंपिंग सामान्य म्हणजे धोका कमी की जास्त? जाणून घ्या EF किती असणं योग्य
Heart Health: इजेक्शन फ्रॅक्शन (इएफ) किंचित कमी झालेल्या परंतु अस्तित्वात असलेल्या हृदयविकाराच्या रुग्णांना परिणामांवर आधारित सेवेची गरज Read More
Home Loan : रेपो रेट वाढताच बँकांनी व्याज दर वाढवले, गृहकर्जाचा हप्ता वाढणार, 4 मोठ्या बँकांकडून व्याज दरात वाढ
Repo Rate : रिझर्व्ह बँक ऑफ इंडियाकडून काल रेपो रेटमध्ये वाढ करण्यात आली. यानंतर बँकांकडून देखील व्याज दरात वाढ करण्यास सुरुवात झाली आहे. Read More

USA : अमेरिकनं भारताच्या टीसीएस,एचसीएल, विप्रोला PERM मधून वगळलं, पर्मनंट लेबर सर्टिफिकेशन प्रोग्राम नेमका काय?

युवराज जाधव — Fri, 9 Oct 2026 00:14:08 +0530

न्यूयॉर्क : अमेरिकन सरकारनं भारतीय आयटी कंपन्यांवर मोठी कारवाई केली आहे. पर्मनंट लेबर सर्टिफिकेशन कार्यक्रमातून दिग्गज आयटी कंपन्यांना निलंबित करण्यात आलं आहे. अमेरिकन प्रशासनानं कथित फसवणुकीचा दावा करत विदेशी कामगार अमेरिकन कर्मचाऱ्यांच्या नोकऱ्यांच्या जागी आमच्या देशात नोकरी मिळवत असल्याचं म्हटलं आहे.

अमेरिकेच्या कामगार विभागाचे सचिव कीथ सॉन्डरलिंग यांनी जगातील काही मोठ्या कंपन्यांना पर्मनंट लेबर सर्टिफिकेशन प्रोग्राममधून निलंबित करत असल्याची घोषणा करतोय असं म्हटलं. यामध्ये त्यांनी कॉग्नीझंट,इन्फोसिस, टीसीएस, विप्रो, एचसीएल आणि कॅपजेमिनी या कंपन्यांचा समावेश असल्याचं सांगितलं. अमेरिकन सरकारच्या या निर्णयानं ज्या भारतीय आयटी अभियंत्यांची अमेरिकेत नोकरी करण्याची इच्छा आहे, त्यांना धक्का बसणार आहे.

पर्मनंट लेबर सर्टिफिकेशन प्रोग्रॅमला अमेरिकेत PERM (प्रोग्रॅम इलेक्ट्रॉनिक रिव्यू मॅनेजमेंट)असं देखील म्हटलं जातं. या तरतुदीचा वापर करुन अमेरिकन कंपन्या विदेशातील कर्मचाऱ्यांना अमेरिकेत कायमस्वरुपी स्थायिक होण्याची द्यायच्या. भारतीय आयटी कंपन्या देखील त्या कार्यक्रमावर अवलंबून होत्या. कीथ सॉन्डरलिंग यांनीस्पष्ट केले की या कंपन्यांशी संबंधित नवीन PERM अर्ज स्वीकारले जाणार नाहीत आणि प्रलंबित अर्जांवरही प्रक्रिया केली जाणार नाही.

PERM म्हणजे नेमकं काय?

PERM हा अमेरिकेच्या employment-based Green Card प्रक्रियेतील महत्त्वाचा टप्पा आहे. कंपनीला परदेशी कर्मचाऱ्याला कायमस्वरूपी नोकरीसाठी स्पॉन्सर करण्यापूर्वी त्या पदासाठी पात्र, इच्छुक आणि उपलब्ध अमेरिकन कामगार उपलब्ध नाहीत, हे सिद्ध करण्याची प्रक्रिया PERM अंतर्गत होते. त्यामुळे या कंपन्यांमध्ये काम करणाऱ्या काही H-1B कर्मचाऱ्यांच्या Green Card प्रक्रियेला विलंब होऊ शकतो, विशेषतः ज्यांचा PERM अर्ज अद्याप प्रलंबित आहे किंवा ज्यांना आता PERM सुरू करायचा होता.

महत्त्वाची बाब अशी की या निर्णयामुळं या कंपन्यांचे H-1B व्हिसा रद्द झाले आहेत, असा अर्थ नाही. हा विशेषतः PERM/Green Card प्रक्रियेवर परिणाम करणारा निर्णय आहे.

आणखी एक महत्त्वाची बाब म्हणजे अमेरिकन प्रशासनाने हा निर्णय visa-system abuse, alleged fraud आणि American workers च्या नोकऱ्यांवर होणारा परिणाम या आरोपांच्या पार्श्वभूमीवर घेतल्याचे सांगितले आहे. हे प्रशासनाचे आरोप/दावे आहेत; संबंधित कंपन्यांची स्वतंत्र बाजू आणि पुढील कायदेशीर घडामोडी वेगळ्या आहेत.

विदेशी कर्मचाऱ्यांचा भार अमेरिकन अर्थव्यवस्थेवरुन कमी करण्याच्या डोनाल्ड ट्रम्प यांच्या धोरणाचा भाग म्हणून याकडे पाहिलं जातंय. आयटी सेवा आणि तंत्रज्ञान कंपन्या ज्या विदेशी कर्मचाऱ्यांवर अवलंबून आहेत, त्याची कसून चौकशी केली जात आहे. अमेरिकन व्यावसायिकांनी जगातील सर्वाधिक कौशल्य असलेल्या अमेरिकन कामगारांकडे पाहावं असं कीथ साँडरलिंग म्हणाले. 2009 नंतर कायमस्वरुपी स्थायिक होण्यासाठी 30 लाख विदेशी अर्ज आले, त्यापैकी 2 लाख 30 हजार एचवन बी व्हिसा आणि 1 लाख पर्मनंट लेबर सर्टिफिकेशन देण्यात आली म्हणजे अमेरिकन कामगारांच्या हजारो नोकऱ्या हिरावल्या गेल्या, असं साँडरलिंग म्हणाले.

दरम्यान, अमेरिकेनं गेल्या महिन्यात कॉग्निझंटला या कार्यक्रमातून निलंबित करत असल्याची घोषणा केली होती. मात्र, कॉग्निझंटवरील नेमक्या आरोपांची माहिती दिली नव्हती.

Horoscope Today 9 October 2026: आजचा शुक्रवार 6 राशींसाठी भाग्याचा! अत्यंत शुभ योग जुळले, कोणाचं नशीब चमकणार? आजचे राशीभविष्य..

ज्योतिषाचार्य डॉ. शिल्पा अग्निहोत्री — Fri, 9 Oct 2026 00:01:25 +0530

Horoscope Today 9 October 2026: वैदिक पंचांगानुसार, आज 9 ऑक्टोबर 2026, आज शुक्रवारचा दिवस अत्यंत खास आहे, सध्या पितृपक्ष पंधरवडा सुरू आहे. आजचा हा दिवस भगवान देवी लक्ष्मीला समर्पित आहे. ज्योतिषशास्त्रानुसार, हा दिवस अनेक राशींसाठी खास आणि लाभदायक ठरण्याची शक्यता आहे. आजच्या दिवशी ग्रहांची हालचाल पाहता दिवस फार महत्त्वाचा आहे, आज ग्रहांचा दुर्लभ संयोगही होत आहे. ज्याचा परिणाम सर्व 12 राशींच्या लोकांवर दिसून येईल. देवी लक्ष्मी कृपेने तुमचा आजचा दिवस कसा असेल? कोणासाठी दिवस फलदायी ठरेल? 12 राशींचे आजचे राशीभविष्य (Horoscope Today) जाणून घ्या...

मेष रास (Aries Horoscope)

मेष राशीसाठी आजचा दिवस भाग्याची साथ मिळेल, तुमच्या मनातील गोष्टी पूर्ण होण्याच्या मार्गावर राहतील

वृषभ रास (Taurus Horoscope)

वृषभ राशीसाठी आजचा दिवस थोडक्यात ज्ञानावर कोणत्याही कामाची जबाबदारी घेऊ नका, गोष्टी अंगलट येतील

मिथुन रास (Gemini Horoscope)

मिथुन राशीसाठी आजचा दिवस मुलांच्या अवास्तव मागण्यांमुळे घरात थोड्या कटकटी होतील, परंतु तुमची मते स्पष्टपणे मांडायला घाबरू नका

कर्क रास (Cancer Horoscope)

कर्क राशीसाठी आजचा दिवस महिलांनी घरातील वातावरण तणावरहित ठेवावे, दुसऱ्यांनी फक्त समजून घ्यावे असा बाणा राहील

सिंह रास (Leo Horoscope)

सिंह राशीसाठी आजचा दिवस आमच्या प्रवासाचे योग येतील, परंतु प्रवासामध्ये प्रकृती आणि चीज वस्तूंची काळजी घ्यावी

कन्या रास (Virgo Horoscope)

कन्या राशीसाठी आजचा दिवस कोणती महत्त्वाची गुंतवणूक आज न केलेली बरी, नोकरीमध्ये तुमचा कामाचा फायदा लगेच मिळेल अशी अपेक्षा ठेवू नका

तूळ रास (Libra Horoscope)

तूळ राशीसाठी आजचा दिवस तुमच्या आमच्या धडाडीचा आज फायदा होईल, तुम्हाला उत्साही बनवणारे लोक आजूबाजूला भेटतील

वृश्चिक रास (Scorpio Horoscope)

वृश्चिक राशीसाठी आजचा दिवस महिलांनी जास्त क्रियाशील बनावे. किरकोळ मुद्द्यांवर तात्विक वाद उकरून काढू नका

धनु रास (Saggitarius Horoscope)

धनु राशीसाठी आजचा दिवस तुमच्या बोलण्याने लोकांची मने दुखावली जाऊ शकतात, पुढे त्याचे परिणामही भोगावे लागतील

मकर रास (Capricorn Horoscope)

मकर राशीसाठी आजचा दिवस कलेच्या क्षेत्रात खूप काम कराल, परंतु त्यासाठी लगेच संधी मिळणार नाही

कुंभ रास (Aquarius Horoscope)

कुंभ राशीसाठी आजचा दिवस उत्साही आणि आनंदी राहाल, एक प्रकारचे समाधान मिळेल

मीन रास (Pisces Horoscope)

मीन राशीसाठी आजचा दिवस बौद्धिक आणि मानसिक उन्नती होईल, अष्टावधानी राहाल.

हेही वाचा :

Hindu Religion: कुलदेवता, ग्रामदेवता की इष्टदेवता? पूजा आधी कोणाची करावी? पूजेचा योग्य क्रम कमी लोकांना माहित, धार्मिक मान्यता...

(टीप : वरील सर्व बाबी एबीपी माझा केवळ माहिती म्हणून वाचक-प्रेक्षकांपर्यंत पोहोचवत आहे. यातून एबीपी माझा कोणताही दावा करत नाही.)

Congress Vs CJP : टार्गेट एक, रस्ता वेगळा! राहुल गांधी अन् सीजेपीचा एकाच मुद्द्यावरून केंद्र सरकारवर दुहेरी हल्ला; श्रेय कुणाचे?

शिशुपाल कदम, एबीपी माझा — Thu, 8 Oct 2026 23:56:37 +0530

मुंबई : काँग्रेस.. देशातला सर्वात जुना राजकीय पक्ष, तर सीजेपी नव्या पिढीच्या रोषावर जन्माला आलेली डिजिटळ चळवळ. गेल्या दोन महिन्यापासून दोघांचे टार्गेट एकच आहे, पण मार्ग मात्र वगळे. निशाणा एकच आहे पण, शस्त्रं वेगळी.. हेतू एकच आहे पण, राजकीय गणितं वेगळी. धर्मेंद्र प्रधानांचा राजीनामा, श्रेय नेमकं कुणाचं?

मे 2026 ला देशात नीटचा पेपर फुटला.. देशभरात विद्यार्थ्यांचा आक्रोश सुरु झाला.. शिक्षणमंत्र्यांचा राजीनाम्याची मागणी वाढली. पण, विरोधकांमध्ये एकाच मागणीसाठी दोन आंदोलनं सुरु झाली. पहिलं काँग्रेस.. दुसरं कॉकरोच जनता पक्षाचं. दिल्लीत कॉकरोच जनता पक्षानं उपोषण सुरु केलं तर काँग्रेसनं संसदेच्या अधिवेशनात हाच मुद्दा लावून धरला. जंतरमंतरवर कॉकरोच जनता पक्षाच्या वतीनं सोनम वांगचुक यांनी 20 दिवसांचं उपोषण केलं. तर काँग्रेसनंही बरोबर 20 दिवस संसदेचं कामकाज ठप्प केलं.

काँग्रेसनं उघडपणे कॉकरोज जनता पक्षाच्या आंदोलनाला पाठिंबा दिला नव्हता आणि ना कधी कॉकरोज जनता पक्षानं काँग्रेस आंदोलनाला समर्थन दिलं. पण जेव्हा राजकीय दबाव वाढला आणि आरोप सुरु झाले, तेव्हा काँग्रेसचे राज्यसभा खासदार पवन खेरा यांना सीजेपीच्या मंचावर पाठण्यात आलं. यानंतर पुन्हा कधीही दोन्ही पक्षांचे नेते एक मंचावर दिसले नाहीत. पण, काँग्रेसच्या नेतृत्वातील इंडिया आघाडीतून बाहेर पडलेला आम आदमी पक्ष मात्र सीजेपीच्या पाठीशी कायम उभा राहिलेला दिसला. जेव्हा नीट पेपरफुटी प्रकरणानंतर धर्मेंद्र प्रधानांचा राजीनामा झाला, तेव्हा त्याचं श्रेय काँग्रेसपेक्षा सीजेपीला मिळ्याल्याचं दिसू आलं. म्हणून की काय त्यावेळी काँग्रेस आणि सीजेपीमध्ये चढाओढ सुरु असल्याच्या चर्चा राजकीय वर्तुळात सुरु झाल्या..

'स्कूल ठीक करो' विरुद्ध 'छात्रों की गूंज'

प्रधानांच्या राजीनाम्यानंतर सीजेपीचं आंदोलनं संपलं. त्यानंतर अभिजित दिपकेंनी तातडीनं 'स्कूल ठीक करो' असं नवं अभियान सुरु केलं. सरकारी शाळांची अवस्था दाखवणं, त्यावरुन सरकारला जाब विचारणं.. हे सगळं सुरु झालं. देशातल्या अनेक राज्यांमध्ये सीजेपीचे कार्यकर्ते शाळांमध्ये जाऊ लागले. एक नवी चळवळ उभी राहत होती. तर 'जेन झी'ला आपल्या बाजूनं कायम ठेवण्यासाठी काँग्रेसनंही राहुल गांधीचा 'छात्रों की गुंज' कार्यक्रमांची मालिकाच सुरु केली. त्यातही विद्यार्थ्यांच्या मुद्द्यावरच भाष्य सुरु होतं. म्हणजेच काय तर पुन्हा एकदा मुद्दा एकच.. टार्गेटही एकच... आंदोलनं मात्र दोन.

निशाणा ज्ञानेश कुमार, काँग्रेस-सीजेपीचे वेगवेगळा एल्गार

काँग्रेस-सीजेपीमध्ये अशीच आंदोलनं सुरु असतानाच दोन केंद्रीय निवडणूक आयुक्तांनी मुख्य निवडणूक आयुक्तांविरोधात घेतलेल्या आक्षेपांची बातमी आली आणि काही तासांमध्येच राहुल गांधींनी पत्रकार परिषद घेतली. वर्षभरापासून आपण हीच बाब समजून सांगतोय असा दावा केला. इतकंच नाही तर विरोधकांच्या इंडिया आघाडीची बैठक बोलवली. त्यात देशव्यापी आंदोलनाचा कार्यक्रम जाहीर केला. तर इकडं स्कूल ठिक करो अभियानात व्यस्त असलेल्या कॉकरोच जनता पक्षांच्या संयोजकांनी तातडीनं सगळी चळवळ थांबवली आणि 'इट्स डन ज्ञानेश कुमार' असं म्हणत निवडणूक आयुक्तांविरोधात मोर्चा उघडला.

गांधी जयंतीलाही वेगवेगळी आंदोलनं

2 ऑक्टोबरला गांधी जयंतीच्या मुहूर्तावर सीजेपीनं मुंबईत जेल भरो आंदोलनाचा निर्धार केला. तर काँग्रेसनंही त्याच दिवशी देशभरात 'संविधान बचाओ' आणि 'मत बचाओ, देश बचाओ' असे नारे देत मोर्चे काढले. पण, मुंबईतल्या सीजेपीच्या आंदोलनात महाराष्ट्र काँग्रेसचा एकही नेते दिसला नाही. म्हणजेच काय तर इथंही मागणी एकच.. मंच मात्र दोन.

सीजेपीनं मुंबईतनंतर जंतरमंतरमध्ये याच मागणीसाठी 10 ऑक्टोबरला आंदोलन करणार अशी घोषणा केली. त्याआधी काँग्रेसनं 6 ऑक्टोबरपासून दिल्लीतले रस्ते जाम केलेत. 6 तारखेला इंडिया आघाडीच्या खासदारांनी आयोगावर मोर्चा काढला. त्यात आकाशवाणी भवनमध्ये राहुल गांधी- प्रियंका गांधींनी दिवसभर ठिय्या मांडला. 7 तारखेलाही काँग्रेस-तृणमूलच्या खासदारांनी जंतरमंतरकडे मोर्चा काढला. त्यातही राहुल गांधी- प्रियंका गांधींनी ठिय्या मांडला. 8 तारखेला पुन्हा एकदा इंडियाच्या खासदारांचा राजघाटावर शांतता मार्च काढला. तर तिकडे आजच्या मुहूर्तावर सीजेपीनं बंगळुरुत आंदोलनं केलं. त्यात अभिनेते प्रकाश राज, यूट्यूबर ध्रुव राठीसह अनेक तरुण नेते होते. सगळ्यांची भाषणं झाली आणि त्यातही ज्ञानेश कुमारांच्यांच राजीनाम्याची मागणी होती.

एकजूट दिसणार की फुटीचा भाजपाला फायदा होणार?

काँग्रेस असो की सीजेपी... दोघांनाही सध्या चांगलं समर्थन मिळतंय. काँग्रेसला याच समर्थनातून राजकीय कमबॅक दिसतंय, तर सीजेपीचं अजूनही स्पष्ट व्हायचंय. काँग्रेस आणि सीजेपी यांच्यात सध्या सुरु असलेली ही स्पर्धा कोण जास्त आक्रमक आहे, याचीच दिसतेय. सत्तेविरोधात आज वेगवेगळ्या मंचावर उभा राहणारा हा आवाज एकत्र येतो की दोन वेगवेगळ्या दिशांनी विखुरतो, यातच खरी परीक्षा असेल. कारण आंदोलनांची ताकद केवळ गर्दीत नसते. ती त्या गर्दीला एका राजकीय प्रश्नाभोवती एकत्र आणण्यात असते... आणि हेच दोन्ही मंचावरील नेत्यांनाही नीट ठाऊक असणार.

ही बातमी वाचा:

Gyanesh Kumar : ज्ञानेश कुमारांच्या समर्थनार्थ 42 निवृत्त न्यायाधीश-अधिकारी मैदानात, SIR प्रक्रियेचं समर्थन, देशवासियांना खुलं पत्र

Nana Patekar : महाराष्ट्र हळहळला, डोळे पाणावले! नाना पाटेकर अनंतात विलीन, डोणजे गावात भावपूर्ण वातावरणात 'नटसम्राटा'ला शेवटचा निरोप

एबीपी माझा ब्युरो — Thu, 8 Oct 2026 23:32:32 +0530

पुणे : अभिनय क्षेत्रातील लाडकं व्यक्तिमत्व आणि खऱ्याखुऱ्या आयुष्यातील 'नटसम्राट' अशी ख्याती असलेले ज्येष्ठ अभिनेते नाना पाटेकर (Nana Patekar) अनंतात विलीन झाले. पुणे जिल्ह्यातील डोणजे (Donje) येथील त्यांच्या निवासस्थानी शासकीय इतमामात त्यांच्यावर अंत्यसंस्कार करण्यात आले. आपल्या लाडक्या अभिनेत्याला डोळे भरून शेवटचा निरोप देण्यासाठी आणि अंतिम दर्शन घेण्यासाठी डोणजे गावात हजारोंचा जनसमुदाय लोटला होता. अश्रू ढाळत आणि जड अंतःकरणाने संपूर्ण महाराष्ट्राने या महान कलावंताला अखेरचा निरोप दिला.

नाना पाटेकर यांचा मुलगा मल्हार याने त्यांना मुखाग्नी दिली. त्यावेळी 'नाना पाटेकर अमर रहे' अशा घोषणा उपस्थित असलेल्यांनी दिल्या.

Nana Patekar Heart Attack In Goa : गोव्यात उपचारादरम्यान घेतला अखेरचा श्वास

ज्येष्ठ अभिनेते नाना पाटेकर यांचं गुरुवारी पहाटे हृदयविकाराच्या झटक्यानं गोव्यात निधन झालं. मराठी रंगभूमी आणि मराठी-हिंदी चित्रपटसृष्टीतल्या या दिग्गज अभिनेत्यानं वयाच्या 75व्या वर्षी अखेरचा श्वास घेतला.

नाना पाटेकरांच्या अकाली एक्झिटनं मनोरंजनसृष्टीला मोठा धक्का बसला आहे. गोव्यातील निवासस्थानी नाना पाटेकरांना हृदयविकाराचा झटका आला. त्यानंतर त्यांना मणिपाल रुग्णालयात दाखल करण्यात आलं. मात्र, उपचारादरम्यान त्यांची प्राणज्योत मालवली. त्यांच्या या अकाली एक्झिटमुळे मराठी रंगभूमीसह संपूर्ण भारतीय चित्रपटसृष्टीला मोठा धक्का बसला आहे.

Air Ambulance Donje Pune : एअर अ‍ॅम्ब्युलन्सने पार्थिव पुण्यात आणले

निधनाचे वृत्त समजताच गोव्याहून नाना पाटेकरांचे पार्थिव विशेष एअर अ‍ॅम्ब्युलन्सद्वारे (Air Ambulance) पुणे विमानतळावर आणण्यात आले. तिथून रस्तेमार्गे पार्थिव त्यांच्या डोणजे येथील निवासस्थानी अंतिम दर्शनासाठी ठेवण्यात आले. नानांच्या निधनाची बातमी पसरताच अवघा महाराष्ट्र हळहळला आणि चाहत्यांनी डोणजे गावाकडे धाव घेतली.

Political Leaders At Funeral : राजकीय आणि सामाजिक क्षेत्रातील दिग्गजांची उपस्थिती

नाना पाटेकरांना अंतिम निरोप देण्यासाठी आणि श्रद्धांजली अर्पण करण्यासाठी राजकीय, सामाजिक आणि चित्रपट क्षेत्रातील दिग्गज मान्यवर डोणजे गावात उपस्थित होते. राज्याचे उपमुख्यमंत्री एकनाथ शिंदे, उपमुख्यमंत्री सुनेत्रा पवार, मंत्री चंद्रकांत पाटील, केंद्रीय राज्यमंत्री मुरलीधर मोहोळ, रामदास आठवले, सुनील तटकरे, माधुरी मिसाळ, आमदार गोपीचंद पडळकर, अर्जुन खोतकर, रुपाली चाकणकर, सदाभाऊ खोत आणि उदय सामंत यांनी उपस्थित राहून पुष्पचक्र अर्पण केले.

अभिनेते मकरंद अनासपुरे, नागराज मंजुळे, नीना कुलकर्णी, प्रवीण तरडे, सुरेश वाडकर, पुरुषोत्तम बेर्डे, सुशांत शेलार, लेखक अरविंद जगताप यांच्यासह 'नाम' (NAAM) फाउंडेशनचे प्रतिनिधी आणि नागरिक मोठ्या संख्येने उपस्थित होते.

ही बातमी वाचा:

Nana Patekar Passed Away : नाना पाटेकर कोणत्या धर्माला मानत होते? ऐकाल तर तुम्हीही सॅल्यूट कराल

Donald Trump : भारताच्या IT कंपन्यांवर अमेरिकेचा सर्जिकल स्ट्राईक, TCS, Wipro, Infosys, Cognizant सह बड्या कंपन्या पर्मनंट लेबर सर्टिफिकेट कार्यक्रमातून आऊट !

युवराज जाधव — Thu, 8 Oct 2026 23:13:40 +0530

US Labour Department न्यूयॉर्क : अमेरिकेच्या परमनंट लेबर सर्टिफिकेशन (PERM) कार्यक्रमाबाबत अमेरिकेच्या कामगार विभागाने मोठा निर्णय घेतला आहे. Infosys, Tata Consultancy Services (TCS), Wipro, HCL Technologies, Cognizant आणि Capgemini या मोठ्या IT कंपन्यांना या कार्यक्रमातून निलंबित करण्यात आल्याची माहिती अमेरिकेचे कामगार मंत्री कीथ सॉन्डरलिंग यांनी दिली आहे. याशिवाय Microsoft आणि Adobe यांनाही PERM कार्यक्रमातून निलंबित करण्यात आल्याचे सॉन्डरलिंग यांनी सांगितले. या दोन्ही कंपन्यांविरोधात सुरू असलेल्या अनेक फेडरल तपासांचा या निर्णयाशी संबंध असल्याचे त्यांनी नमूद केले.

IT कंपन्यांवर अमेरिकेची कारवाई

अमेरिकेचे कामगार मंत्री कीथ सॉन्डरलिंग यांनी सोशल मीडिया प्लॅटफॉर्म X वर केलेल्या पोस्टमध्ये या निर्णयाची माहिती दिली. त्यांच्या म्हणण्यानुसार, अमेरिकेतील कामगारांच्या हिताचे संरक्षण आणि व्हिसा प्रक्रियेतील कथित गैरवापराला आळा घालण्यासाठी हे पाऊल उचलण्यात आले आहे. सॉन्डरलिंग यांनी Cognizant, Infosys, TCS, Wipro, HCL Technologies आणि Capgemini या IT आउटसोर्सिंग कंपन्यांचा विशेष उल्लेख केला.

Microsoft वरही गंभीर आरोप

सॉन्डरलिंग यांनी Microsoft वरही टीका केली. त्यांच्या दाव्यानुसार, 2025 मध्ये Microsoft ने सुमारे 6 हजार अमेरिकन कर्मचाऱ्यांना नोकरीवरून कमी केले. त्याचवेळी काही पदांसाठी पात्र अमेरिकन कर्मचारी उपलब्ध नसल्याचे कंपनीकडून यापूर्वी सांगण्यात आल्याचा त्यांनी उल्लेख केला.

Microsoft कडून या प्रकरणी काय भूमिका मांडली जाते, याकडे आता लक्ष लागले आहे.

PERM म्हणजे काय?

Permanent Labor Certification Program (PERM) ही अमेरिकेतील अशी प्रक्रिया आहे, ज्याद्वारे काही नियोक्ते परदेशी नागरिकाला कायमस्वरूपी नोकरीसाठी प्रायोजित करण्यापूर्वी संबंधित पदासाठी पात्र अमेरिकन कर्मचारी उपलब्ध आहे का, याची प्रक्रिया पूर्ण करतात. अमेरिकेच्या कामगार विभागाच्या निर्णयामुळे भारतीय IT कंपन्यांसह अमेरिकेत मोठ्या प्रमाणावर कर्मचारी नियुक्त करणाऱ्या कंपन्यांवर याचा परिणाम होण्याची शक्यता आहे.

अमेरिकन कामगारांच्या संरक्षणाचा दावा

सॉन्डरलिंग यांनी या निर्णयाला अमेरिकन कामगारांच्या हितासाठी महत्त्वाचे पाऊल असल्याचे म्हटले आहे. व्हिसा प्रक्रियेचा कथित गैरवापर थांबवणे आणि अमेरिकन नागरिकांच्या रोजगाराच्या संधींचे संरक्षण करणे हा या कारवाईमागील उद्देश असल्याचे त्यांनी स्पष्ट

दरम्यान, अमेरिकेचे कामगार सचिव कीथ ई. सॉन्डरलिंग म्हणाले की “आज, राष्ट्राध्यक्ष डोनाल्ड ट्रम्प, उपराष्ट्राध्यक्ष आणि टास्क फोर्सच्या प्रयत्नांमुळे आम्ही या समस्येच्या मुळावरच घाव घालत आहोत. जगातील काही मोठ्या IT आउटसोर्सिंग कंपन्यांना Permanent Labour Certification Programme मधून मी निलंबित करत आहे. यामध्ये Cognizant, Infosys, Tata, Wipro, HCL आणि Capgemini यांचा समावेश आहे. तसेच, अनेक सक्रिय फेडरल तपासांच्या पार्श्वभूमीवर Microsoft आणि Adobe यांनाही या कार्यक्रमातून निलंबित करण्यात येत आहे. या कंपन्यांशी संबंधित Permanent Labour Certification अर्ज आम्ही यापुढे स्वीकारणार नाही, तसेच प्रलंबित अर्जांवरही प्रक्रिया केली जाणार नाही.”

लोकल प्रवाशांच्या समस्यांवर रवींद्र चव्हाण 'अ‍ॅक्शन मोड'वर, DRM सोबत महत्त्वाची बैठक

एबीपी माझा ब्युरो — Thu, 8 Oct 2026 22:56:07 +0530

मुंबई : कल्याण-डोंबिवली आणि आसपासच्या परिसरातील रेल्वे प्रवाशांच्या वाढत्या गर्दीवर नियंत्रण मिळवण्यासाठी आणि त्यांच्या अडीअडचणी सोडवण्यासाठी भाजप महाराष्ट्र प्रदेशाध्यक्ष आमदार रवींद्र चव्हाण 'अ‍ॅक्शन मोड'वर आले आहेत. मध्य रेल्वेच्या छत्रपती शिवाजी महाराज टर्मिनस (CSMT) येथील मुख्यालयात रवींद्र चव्हाण (Ravindra Chavan) यांनी मध्य रेल्वेचे विभागीय रेल्वे प्रबंधक (DRM) हिरेश मीना यांच्यासोबत एक उच्चस्तरीय आणि महत्त्वपूर्ण बैठक घेतली. शनिवार, २६ सप्टेंबर रोजी रेल्वे प्रवासी संघटनांच्या प्रतिनिधींनी रवींद्र चव्हाण यांची भेट घेऊन आपल्या गंभीर समस्या मांडल्या होत्या. त्या पार्श्वभूमीवर प्रवाशांच्या मागण्यांची तातडीने दखल घेत ही बैठक आयोजित करण्यात आली होती.

निळजे आणि डोंबिवलीतून थेट मुंबईसाठी लोकल सुरू करण्याची मागणी

या बैठकीदरम्यान ऐन गर्दीच्या वेळी प्रवाशांची होणारी घुसमट थांबवण्यासाठी रवींद्र चव्हाण (Ravindra Chavan) यांनी रेल्वे प्रशासनासमोर काही प्रमुख मागण्या मांडल्या आणि त्यावर तातडीने उपाययोजना करण्याच्या सूचना दिल्या. गर्दीच्या वेळेत निळजे स्थानकातून मुंबईच्या दिशेने दर तासाला थेट रेल्वे गाडी सुरू करण्यात यावी, सकाळच्या आणि संध्याकाळच्या गर्दीच्या वेळी डोंबिवली आणि दिवा स्थानकातून थेट मुंबईसाठी लोकल फेऱ्या (Mumbai Local) चालवण्यात याव्यात. उशिराने धावणाऱ्या लोकल गाड्यांमुळे होणारा प्रवाशांचा संताप लक्षात घेता गाड्यांच्या वेळेत सुधारणा करणे, गर्दीचे व्यवस्थापन आणि प्रवाशांची सुरक्षा यावर तत्काळ मार्ग काढण्याचे निर्देश त्यांनी प्रशासनाला दिले.

प्रवासी संघटनांच्या पाच प्रमुख मागण्यांवर भर

कळवा–ऐरोली रेल्वे लिंक: कळवा-ऐरोली रेल्वे लिंकचे काम वेगाने पूर्ण करून प्रवाशांसाठी ही थेट सेवा लवकरात लवकर सुरू करावी.

३ री व ४ थी रेल्वे लाईन : बदलापूर–कर्जत आणि कल्याण–कसारा मार्गावरील ३ऱ्या व ४थ्या रेल्वे लाईन प्रकल्पाच्या कामाला गती देणे.

विशेष शटल सेवा: ठाणे- कर्जत आणि ठाणे–कसारा दरम्यान दैनंदिन प्रवाशांच्या सुविधेसाठी विशेष शटल ट्रेन सुरू करणे.

सिग्नल्स व हेडवे सुधारणा: अत्याधुनिक सिग्नल यंत्रणा लागू करून दोन लोकल गाड्यांमधील वेळेचे अंतर (Headway) कमी करणे, जेणेकरून फेऱ्यांची संख्या वाढवता येईल.

थेट कनेक्टिव्हिटी: दिवा–वसई–पनवेल मार्गावर थेट कनेक्टिव्हिटी वाढवणे आणि कल्याण जंक्शनसह सीएसएमटी स्थानकापर्यंतच्या पायाभूत सुविधांची क्षमता वाढवणे.

ही बातमी वाचा:

Nana Patekar :साहेबांनी जवळ घेत मिठी मारलेली आणि खूप छान काम करतोस गौरव असं म्हणालेले, गौरव मोरेनं आठवणींना दिला उजाळा

400 वर्ष जगणारा मासा, 150 वर्षानंतर देतो पिलांना जन्म, तब्बल 10 वर्ष पिलांना वाढवतो पोटात, नेमका कुठे आढळतो हा मासा?

गणेश लटके — Thu, 8 Oct 2026 22:42:23 +0530

Fish News : जगात एक असा शार्क मासा आहे की, ज्याला पृथ्वीवरील सर्वात जास्त काळ जगणारा पृष्ठवंशीय प्राणी मानले जाते. हा शार्क 400 वर्षांपेक्षा जास्त काळ जगू शकतो. केवळ त्याचे वयच आश्चर्यकारक नाही. तो सुमारे 150 वर्षांचा झाल्यावर प्रजननासाठी तयार होतो. असे मानले जाते की त्याच्या पिलांना जन्म देण्यासाठी 10 वर्षांपेक्षा जास्त काळ लागू शकतो. ग्रीनलँड शार्क असं या माशाचे नाव आहे. तो ग्रीनलँड, उत्तर कॅनडा आणि युरोपच्या आसपासच्या थंड पाण्यात आढळतो.

ग्रीनलँड शार्क जगातील सर्वाधिक काळ जगणाऱ्या पृष्ठवंशीय प्राण्यांपैकी एक

ग्रीनलँड शार्क हा काही सामान्य मासा नाही. तो जगातील सर्वाधिक काळ जगणाऱ्या पृष्ठवंशीय प्राण्यांपैकी एक आहे. शास्त्रज्ञांच्या अंदाजानुसार त्याचे आयुष्य 400 वर्षांपेक्षा जास्त असू शकते. त्याचे जीवनचक्र देखील अत्यंत मंद आहे. मादी ग्रीनलँड शार्क अंदाजे 150 वर्षांच्या वयात लैंगिकदृष्ट्या प्रौढ होतात. म्हणजे, ज्या वयात माणसाने अनेक पिढ्या पाहिलेल्या असतात, त्या वयात ही शार्क पहिल्यांदाच आई बनण्यास तयार आहे.

पण आता, या अत्यंत दुर्मिळ आणि हळू वाढणाऱ्या शार्कला मोठ्या संख्येने मारण्याची मागणी होत आहे. एका वृत्तानुसार, ग्रीनलँडमधील काही मच्छीमार या शार्कबद्दल इतके चिंतेत आहेत की ते अंदाजे 1000 शार्क मारण्याची मागणी करत आहेत. एका क्षणी, प्रत्येक शार्कच्या हृदयासाठी पैसे देण्याचा प्रस्तावही मांडण्यात आला होता.

मच्छीमारांना हे शार्क का मारायचे आहेत?

ही संपूर्ण घटना ग्रीनलँडच्या पश्चिम किनाऱ्यावर असलेल्या अवन्नाटा नगरपालिकेत घडली. स्थानिक मच्छीमारांनी तक्रार केली की ग्रीनलँड शार्क त्यांच्या मासेमारीच्या जाळ्यात आणि गळांमध्ये अडकत होते. यामुळे त्यांच्या महागड्या मासेमारीच्या साधनांचे नुकसान होते. 27 वर्षीय मच्छीमार हेन्रिक जेन्सेन यांनी सांगितले की, या वर्षीच त्यांचे जवळपास 6000 गळ गहाळ झाले आहेत. काही दिवसांत, हे नुकसान इतके गंभीर असते की त्यासाठी त्यांना 30 हजार डॅनिश क्रोनर, म्हणजेच सुमारे 4500 अमेरिकन डॉलर्सचा फटका बसू शकतो. मच्छीमारांचे म्हणणे आहे की, जर हा ट्रेंड असाच चालू राहिला, तर त्याचा थेट परिणाम त्यांच्या कमाईवर होईल. या चिंतेच्या पार्श्वभूमीवर, अवन्नाटा नगरपालिकेने या वर्षी फेब्रुवारीमध्ये ग्रीनलँड शार्कची कत्तल करण्याच्या योजनेला मंजुरी दिली.

प्रत्येक शार्कच्या हृदयासाठी 45 डॉलर

या प्रस्तावानुसार अंदाजे 1000 ग्रीनलँड शार्कची कत्तल करण्याची तरतूद होती. प्रत्येक शार्कचे हृदय अंदाजे 45 डॉलरला देऊ केले होते. स्थानिक प्रशासनाने असा युक्तिवाद केला की, मच्छीमारांचे उत्पन्न आणि त्यांची पकड यांचे संरक्षण करणे आवश्यक आहे, जेणेकरून ते येणाऱ्या पिढ्यांसाठी त्यांची पारंपरिक अन्नप्रणाली चालू ठेवू शकतील. या योजनेची बातमी समोर येताच, तीव्र विरोध सुरू झाला.

Nana Patekar :साहेबांनी जवळ घेत मिठी मारलेली आणि खूप छान काम करतोस गौरव असं म्हणालेले, गौरव मोरेनं आठवणींना दिला उजाळा

नाझिम मुल्ला, एबीपी माझा, पिंपरी चिंचवड — Thu, 8 Oct 2026 22:39:00 +0530

पुणे : हिंदी आणि मराठी चित्रपटसृष्टीतील ज्येष्ठ अभिनेते नाना पाटेकर (Nana Patekar) यांचं आज (8 ऑक्टोबर) निधन झालं आहे. वयाच्या 75 व्या वर्षी नाना पाटेकर यांनी अखेरचा श्वास घेतला. अभिनेता गौरव मोरे डोणजे या गावी नाना पाटेकर यांच्या पार्थिवाचं दर्शन घेण्यासाठी आला होता, यावेळी त्याच्यासोबत एबीपी माझानं संवाद साधला. नाना पाटेकर यांच्या निधनामुळं सगळ्यांनाच, आपल्या संपूर्ण महाराष्ट्राला, भारताला धक्का बसला आहे. संपूर्ण सिनेस सृष्टीला धक्का बसलेला आहे, असं गौरव मोरे यानं म्हटलं.

गौरव मोरे म्हणाला की मी खूप लहान आहे. आपण म्हणतो ना वडील गेल्याचं फील होत तसं झालेलं आहे, सगळ्यांनाच म्हणून मी साहेबांना पुन्हा एकदा शेवटचं भेटण्यासाठी आलेलो आहे. मी एका कार्यक्रमाला गेलो होतो, तेव्हा मी थोडा उशिरा पोहोचलो होतो. तेव्हा साहेब तिथे ऑलरेडी स्टेजवरती होते आणि मी त्यांना बघून घाबरलो होतो. साहेब वरती बसले तर मी उशिरा पोहोचलो. जेव्हा त्यांना भेटायला गेलो, त्यांनी मला जवळ घेतलं,मिठी मारली आणि पाठीवर हात फिरवला. नाना पाटेकर यांनी तू खूप छान काम करतोस गौरव, असं म्हटल्याची आठवण गौरव मोरे यानं सांगितली.

नाना पाटेकर यांनी मला जवळ घेतलं तिथे भारी वाटलेलं. साहेबांनी चक्क आपल्या कामाचं कौतुक केलंय आणि मग तीच आठवण आहे. मी नाना पाटेकर यांना म्हटलं की एक रिक्वेस्ट आहे, फोटो तुमच्याबरोबर मला मिळेल का? यावर त्यांनी एक कशाला दोन तीन फोटो घेऊया आपण असं म्हटल्याचं गौरव मोरे यानं म्हटलं. ती आठवण 2024 मधील असल्याचं देखील त्यानं सांगितलं.

नाना पाटेकर यांचा अभिनयातला प्रामाणिकपणा आणि सच्चेपणा घ्यावा वाटतो, बाकी त्यांच्या जवळपास कोणी जाऊ शकणार नाही. मला त्यांची परिंदा मधील भूमिका सर्वाधिक भावली. नाना पाटेकर यांचे परिंदा, अबतक 56, टॅक्सी नंबर, सलाम बॉम्बे, युगपुरुष, यशवंत हे चित्रपट भावले. आम्ही यशवंतचं ऑडिओ रेकॉर्डिंग सुद्धा ऐकलेलं आहे. क्रांतीवर सगळ्यांनाच माहिती आहे, असं गौरव मोरे यानं म्हटलं.

आपण भारताचे नागरिक आहोत, आपल्या महाराष्ट्राचे नागरिक आहोत.आपला जन्म काहीतरी देण्यासाठी झालेला आहे. आपण ते करायला पाहिजे आणि ते नाना पाटेकर साहेबांकडून आम्ही शिकत आलेलो आहे. आपण भविष्यात सामाजिक कार्य करण्याचा प्रयत्न करु, असं गौरव मोरे यानं म्हटलं.

वन डे क्रिकेटमधील 498 धावांचा विक्रम मोडणार, आता 500 धावाही होणार, माजी अष्टपैलू खेळाडूचा खळबजनक दावा

गणेश लटके — Thu, 8 Oct 2026 21:56:36 +0530

Sports Cricket News : एकदिवसीय क्रिकेटच्या इतिहासात 500 धावांचा टप्पा कधीही गाठला गेला नाही. सध्या, या फॉरमॅटमधील सर्वोच्च धावसंख्या 498/4 आहे. जी इंग्लंडने 2022 मध्ये नेदरलँड्सविरुद्ध केली होती. 50 षटकांच्या क्रिकेटचे चाहते ही धावसंख्या पाहून खरोखरच थक्क झाले होते. मात्र, आता वेस्ट इंडिजचा माजी अष्टपैलू खेळाडू ड्वेन ब्राव्होने एक खळबळजनक दावा केला आहे. आता एकदिवसीय सामन्यांमध्ये 500 धावा केल्या जाऊ शकतात असा दावा ड्वेन ब्राव्होने केलाय.

स्पर्धेत टिकून राहण्यासाठी गोलंदाजांनीही आपले कौशल्य सुधारले पाहिजे

ड्वेन ब्राव्होने केलेल्या या दाव्यामुळे गोलंदाज नक्कीच घाबरतील. ब्राव्होच्या मते, फलंदाजांचे वाढते वर्चस्व पाहता 500 धावा करणे ही काही मोठी गोष्ट नाही. त्याने गोलंदाजांना सल्लाही दिला. वेस्ट इंडिजच्या या माजी अष्टपैलू खेळाडूने सांगितले की, फलंदाजांचे कौशल्य सुधारले आहे. त्याचप्रमाणे, स्पर्धेत टिकून राहण्यासाठी गोलंदाजांनीही आपले कौशल्य सुधारले पाहिजे.

फलंदाजांच्या कौशल्यात लक्षणीय सुधारणा झाली आहे. आता गोलंदाजांना सुधारणा करावी

वर्ल्ड चॅम्पियनशिप ऑफ लेजेंड्स दरम्यान ड्वेन ब्राव्हो म्हणाला, "फलंदाजांच्या कौशल्यात लक्षणीय सुधारणा झाली आहे. आता गोलंदाजांना सुधारणा करून आपल्या खेळात नवीन घटक समाविष्ट करावे लागतील. जागतिक क्रिकेटमध्ये होत असलेल्या बदलांशी जुळवून घेण्यासाठी त्यांना आपले कौशल्य वाढवावे लागेल. खेळ बदलत आहे. वेग वाढला आहे, आणि ही चांगली गोष्ट आहे, पण गोलंदाजांनाही जुळवून घ्यावे लागेल. फलंदाज ज्या निर्भयतेने फलंदाजी करत आहेत ते पाहून, मी खेळणे थांबवले याचा मला आनंद आहे. एकदिवसीय सामन्यात सर्वोच्च धावसंख्या 498/4 आहे. जी इंग्लंडने 2022 मध्ये नेदरलँड्सविरुद्ध केली होती. 50 षटकांच्या क्रिकेटचे चाहते ही धावसंख्या पाहून खरोखरच थक्क झाले होते. पण आता हा विक्रम देखील मोडीत निघणार असल्याचं वक्तव्य वेस्ट इंडिजचा माजी अष्टपैलू खेळाडू ड्वेन ब्राव्होने केले आहे. एकदिवसीय सामन्यात 500 धावा होणार असल्याचा दावा त्यांनी केलाय.

एकदिवसीय क्रिकेटमधील 5 सर्वोच्च धावसंख्या

एकदिवसीय सामन्यांमधील सर्वोच्च पाच धावसंख्येमध्ये इंग्लंडचे नाव तीन वेळा आले आहे. या तीनही सर्वोच्च धावसंख्या इंग्लंड संघाने केल्या आहेत. उर्वरित चौथी आणि पाचवी सर्वोच्च धावसंख्या श्रीलंका आणि दक्षिण आफ्रिकेने केली आहे. भारत या यादीत खूप खाली 11 व्या स्थानावर असून त्याची धावसंख्या 418/5 आहे.

इंग्लंड - 498/4 विरुद्ध नेदरलँड्स, 2022

इंग्लंड - 481/6 विरुद्ध ऑस्ट्रेलिया, 2018

इंग्लंड - 444/3 विरुद्ध पाकिस्तान, 2016

श्रीलंका - 443/9 विरुद्ध नेदरलँड्स, 2006

दक्षिण आफ्रिका - 439/2 विरुद्ध वेस्ट इंडिज, 2015

Drought Relief Maharashtra : दुष्काळाची पाहणी करण्यासाठी केंद्रीय पथक राज्यात दाखल; प्रशासनाकडून सादरीकरण, शेतकऱ्यांना लवकरच दिलासा मिळणार

एबीपी माझा ब्युरो — Thu, 8 Oct 2026 21:44:48 +0530

मुंबई : राज्यातील खरीप हंगामातील दुष्काळी परिस्थिती (Maharashtra Drought) आणि पिकांच्या झालेल्या नुकसानीची प्रत्यक्ष पाहणी करण्यासाठी केंद्र सरकारचे आंतरमंत्रालयीन पथक गुरुवारी (8 ऑक्टोबर) महाराष्ट्राच्या दौऱ्यावर दाखल झाले आहे. 8 ते 11 ऑक्टोबर दरम्यान होणाऱ्या या चार दिवसीय दौऱ्यात केंद्रीय पथक राज्यातील विविध जिल्ह्यांमध्ये जाऊन दुष्काळी परिस्थिती, पिण्याच्या पाण्याची उपलब्धता, पिकांचे नुकसान आणि जनावरांच्या चाऱ्याची स्थिती यांचा प्रत्यक्ष आढावा घेणार आहे.

सह्याद्री अतिथीगृहावर प्रशासनाकडून सविस्तर सादरीकरण

मुंबईत आगमन झाल्यानंतर सह्याद्री अतिथीगृह येथे राज्याचे मुख्य सचिव राजेश अग्रवाल यांच्या प्रमुख उपस्थितीत उच्चस्तरीय बैठक पार पडली. या बैठकीत राज्य सरकारच्या विविध विभागांच्या सचिवांनी राज्यातील दुष्काळाची भीषणता केंद्रीय पथकासमोर मांडली.

टंचाई आणि मजुरांचे प्रश्न: पावसाच्या कमतरतेमुळे निर्माण झालेली पाणीटंचाई, टँकर्सची गरज, शेतमजुरांचे प्रश्न आणि संभाव्य स्थलांतर याकडे मुख्य सचिवांनी लक्ष वेधले.

अल निनोचा फटका: मदत व पुनर्वसन विभागाच्या अपर मुख्य सचिव विनिता वेद-सिंगल यांनी 'अल निनो'मुळे हवामानावर झालेला परिणाम आणि पिकांच्या नुकसानीची तांत्रिक आकडेवारी सादर केली.

जिल्हानिहाय पीक नुकसान: कृषी विभागाचे सचिव परिमल सिंह आणि आयुक्त सुरज मांढरे यांनी जिल्हानिहाय पिकांच्या नुकसानीची वस्तुनिष्ठ माहिती दिली.

पिण्याचे पाणी आणि जनावरांच्या चाऱ्याची स्थिती

यंदा पावसाचे प्रमाण कमी झाल्याने राज्यातील अनेक भागांत पिण्याच्या पाण्याची आणि जनावरांच्या चाऱ्याची गंभीर समस्या निर्माण झाली आहे. पाणीपुरवठा विभागाचे अपर मुख्य सचिव पराग जैन यांनी सध्या टँकरद्वारे सुरू असलेल्या पाणीपुरवठ्याची माहिती दिली. तसेच पशुसंवर्धन आयुक्त डॉ. किरण पाटील यांनी आगामी सात महिन्यांसाठी जनावरांच्या चाऱ्याच्या आवश्यकतेचा आणि संभाव्य परिस्थितीचा आढावा केंद्रीय पथकासमोर मांडला.

11 ऑक्टोबरला मुंबईत होणार अंतिम चर्चा

राज्य सरकारने सादर केलेल्या माहितीच्या आणि पुराव्यांच्या आधारे केंद्रीय पथकाने प्रत्यक्ष पाहणीसाठी जिल्हे आणि ठिकाणे निश्चित केली आहेत. केंद्रीय पथकातील अधिकारी विविध गटांमध्ये विभागून राज्यातील दुष्काळग्रस्त भागांना भेटी देतील आणि स्थानिक अधिकारी व शेतकऱ्यांशी संवाद साधतील. प्रत्यक्ष पाहणी पूर्ण केल्यानंतर हे पथक मुंबईत परतणार असून 11 ऑक्टोबर रोजी दुष्काळी मदत आणि उपायांबाबत राज्य सरकारसोबत अंतिम सविस्तर चर्चा करणार आहे.

या बैठकीस महसूल विभागाचे अपर मुख्य सचिव विकास खारगे, ग्रामविकास विभागाचे सचिव डॉ. चंद्रकांत पुलकुंडवार, पर्यावरण विभागाच्या सचिव जयश्री भोज यांच्यासह केंद्रीय पथकातील सदस्य आणि राज्यातील संबंधित विभागांचे वरिष्ठ अधिकारी उपस्थित होते.

ही बातमी वाचा:

GST Council Meeting : अधिकाऱ्यांची अटक करण्याची शक्ती रद्द, 10 हजारांपर्यंतच्या दंडालाही ब्रेक; जीएसटी कौन्सिलचा मोठा निर्णय

ABP Majha Top 10, 8 October 2026 : आजच्या ठळक बातम्या, Breaking News Today, संध्याकाळच्या ताज्या बातम्या, वाचा एबीपी माझाच्या संध्याकाळच्या टॉप १० हेडलाईन्स - Evening

एबीपी माझा वेब टीम — Thu, 8 Oct 2026 21:00:02 +0530

ABP Majha Top 10, 8 October 2026 : आजच्या ब्रेकिंग न्यूज वाचा, एबीपी माझा दुपारच्या बुलेटिनमधील टॉप 10 हेडलाईन्स वाचा - Afternoon
Check Top 10 ABP Majha Afternoon Headlines, 8 October 2026 : एबीपी माझा दुपारच्या बुलेटिनमधील टॉप 10 हेडलाईन्स या ठिकाणी वाचायला मिळतील. Read More
Rajpal Yadav Supreme Court Hearing: \'मी स्वतःच एक तमाशा बनलोय...\'; राजपाल यादवचा कोर्टातच इमोशनल ड्रामा, चेक बाउन्स प्रकरणात अडचणी वाढणार?
Rajpal Yadav Supreme Court Hearing: कोट्यवधी रुपयांच्या \'चेक-बाउन्स\' प्रकरणात सर्वोच्च न्यायालयानं राजपाल यादव यांना दोन आठवड्यांची मुदत दिली आहे. Read More
शिवसेनेतील नेमणुका या लोकशाहीला धरुन नाहीत, पक्षप्रमुखांना अमर्याद अधिकार; शिवसेना पक्ष आणि धनुष्यबाण चिन्हाच्या आजच्या सुनावणीत काय घडलं?
Shivsena Case: पक्षात पडलेल्या फुटीबाबत आयोगाने नोंदवलेल्या निरीक्षणाचा दाखला देत कौल म्हणाले की, शिवसेनेची कार्यपद्धती आणि नेमणुकांची पद्धत यातून पक्षांतर्गत लोकशाहीला धक्का बसत होता. Read More
Nobel Prize Chemistry 2026 : रसायनशास्त्राचा नोबेल पुरस्कार जाहीर, हेन्री बी. कागन आणि केन्सो सोई यांना संयुक्त बहुमान
Nobel Prize 2026 Chemistry : रसायनशास्त्रातील अत्यंत महत्त्वाच्या शोधासाठी या वर्षाचा नोबेल पुरस्कार जाहीर झाला असून, हेन्री बी. कागन आणि केन्सो सोई यांना हा सन्मान प्राप्त झाला आहे. Read More
पोटच्या लेकराचा दुसऱ्या वर्षीचं मृत्यू, मुंबई बाॅम्बस्फोटात भावाला गमावलं, दिग्दर्शकाला शिवीगाळ, आगीत भाजले ते शाळेत मास्तरांचा दररोजचा मार; नाना पाटेकरांच्या न विसरता येणाऱ्या 10 आठवणी
नाना यांनी रंगभूमीपासून सुरुवात केली आणि नंतर चित्रपटांकडे वळले. त्यांनी \'गमन\', \'अंकुश\', \'परिंदा\', \'क्रांतिवीर\', \'तिरंगा\', \'अब तक छप्पन\', \'अपहरण\' आणि \'वेलकम\'सारख्या चित्रपटांमध्ये भूमिका साकारल्या. Read More
Nana Patekar Tanushree Dutta: नाना पाटेकर यांचं निधन, सिनेसृष्टी हळहळली; Me Too चे आरोप करणारी तनुश्री दत्ता म्हणाली...
Nana Patekar Death Tanushree Dutta: नाना पाटेकर यांच्या निधनानंतर तनुश्री दत्ताचा व्हिडीओ व्हायरल. Read More
पाकिस्तानला धक्का, भारतात होणाऱ्या चॅम्पियन्स ट्रॉफीतून वगळलं, पाकची मागणी अमान्य करत बागंलादेशला संधी
Asian Hockey Champions Trophy 2026: भाराकडून आशियाई चॅम्पियन्स ट्रॉफीचं आयोजन केलं जाणार आहे. या स्पर्धेतून पाकिस्तानची मागणी अमान्य करत त्यांना बाहेरचा रस्ता दाखवण्यात आला आहे. Read More
Smriti Mandhana: \'कॅप्टनशीप भेटेल आमच्या डोक्यातही नव्हतं..\' स्मृती मानधना टीम इंडियाची कॅप्टन होताच वडिलांचा आनंद गगनात मावेना, लेकीच्या त्या कटू प्रसंगावरही बोलले
Smriti Mandhana: एक टी-20 वर्ल्ड कप आणि सेकंड ऑलिम्पिकचं गोल्ड मेडल इंडियामध्ये आणून द्यावे हीच आमची इच्छा आहे, स्वप्न आहे तिच्या कारकिर्दीमध्ये, असेही त्यांनी नमूद केले. Read More
Heart Health: हृदयाचे पंपिंग सामान्य म्हणजे धोका कमी की जास्त? जाणून घ्या EF किती असणं योग्य
Heart Health: इजेक्शन फ्रॅक्शन (इएफ) किंचित कमी झालेल्या परंतु अस्तित्वात असलेल्या हृदयविकाराच्या रुग्णांना परिणामांवर आधारित सेवेची गरज Read More
Home Loan : रेपो रेट वाढताच बँकांनी व्याज दर वाढवले, गृहकर्जाचा हप्ता वाढणार, 4 मोठ्या बँकांकडून व्याज दरात वाढ
Repo Rate : रिझर्व्ह बँक ऑफ इंडियाकडून काल रेपो रेटमध्ये वाढ करण्यात आली. यानंतर बँकांकडून देखील व्याज दरात वाढ करण्यास सुरुवात झाली आहे. Read More

हवाई प्रवाशांना मोठा फटका! सणासुदीच्या मुहूर्तावर हवाई प्रवास महागला, नेमकी किती झाली वाढ?

गणेश लटके — Thu, 8 Oct 2026 20:57:19 +0530

Air travel News : सणासुदीच्या काळात विमानाने प्रवास करणाऱ्यांना महागाईचा फटका बसणार आहे. कारण देशातील प्रमुख विमान कंपन्यांनी विमान भाड्यावरील इंधन अधिभारात वाढ जाहीर केली आहे. दोन दिवसांपूर्वी इंडिगोने इंधन अधिभार वाढवला. आता एअर इंडिया, एअर इंडिया एक्सप्रेस आणि अकासा एअरनेही इंधन अधिभार वाढवण्याचा निर्णय घेतला आहे. एव्हिएशन टर्बाइन फ्युएलच्या (एटीएफ) किमतीत सातत्याने होणाऱ्या वाढीच्या पार्श्वभूमीवर कंपन्यांनी हा निर्णय घेतला आहे. हे नवीन दर 9 ऑक्टोबरपासून लागू होतील आणि त्याचा प्रवाशांच्या एकूण विमान भाड्यावर निश्चितच परिणाम होईल.

विमान कंपनीच्या एकूण खर्चात इंधनाचा मोठा वाटा

कंपन्यांच्या मते, भू-राजकीय घडामोडी आणि जागतिक ऊर्जा बाजारावरील दबावामुळे गेल्या काही महिन्यांत एटीएफच्या (ATF) किमतींमध्ये चढ-उतार झाला आहे. या अलीकडील दरवाढीमुळे विमान कंपन्यांचा खर्च वाढला आहे. विमान कंपनीच्या एकूण खर्चात इंधनाचा मोठा वाटा असतो. नवीन इंधन अधिभारामुळे इंधनाच्या वाढलेल्या खर्चाची काही प्रमाणात भरपाई होण्यास मदत होईल, ज्यामुळे दोन्ही विमान कंपन्यांना त्यांचे विविध मार्ग सुरू ठेवता येतील. एअर इंडिया एक्सप्रेससाठी नवीन अधिभार 9 ऑक्टोबर रोजी मध्यरात्री 12 वाजल्यापासून (IST) केलेल्या नवीन बुकिंगवर लागू होईल. एअर इंडियासाठी, तो 9 ऑक्टोबर रोजी सकाळी 11 वाजल्यापासून (IST) केलेल्या नवीन बुकिंगवर लागू होईल. अधिभाराची रक्कम विमानाचा मार्ग आणि अंतरावर अवलंबून असेल.

देशांतर्गत विमानांवर किती इंधन अधिभार लागू होईल?

एअर इंडिया आणि एअर इंडिया एक्सप्रेसने विमानाच्या अंतरावर अवलंबून, एकेरी देशांतर्गत विमानांसाठी इंधन अधिभार 400 ते 1200 दरम्यान निश्चित केला आहे. आंतरराष्ट्रीय विमानांसाठी देखील 55 ते 215 दरम्यान अधिभार आकारला जाईल. याचा अर्थ असा की, वाढत्या एटीएफ (ATF) किमतींचा परिणाम आता देशांतर्गत आणि काही आंतरराष्ट्रीय विमान भाड्यांमध्ये दिसून येईल.

अकासा एअरने इंधन अधिभारात इतकी वाढ केली

अकासा एअरच्या म्हणण्यानुसार, 9 ऑक्टोबर 2026 रोजी मध्यरात्री 12 वाजल्यापासून केलेल्या सर्व नवीन बुकिंगवर नवीन इंधन अधिभार लागू होईल. नवीन नियमांनुसार, देशांतर्गत विमानांतील प्रवाशांना प्रवास केलेल्या अंतरावर अवलंबून, 375 ते 1150 पर्यंत अतिरिक्त इंधन अधिभार भरावा लागेल. दरम्यान, आंतरराष्ट्रीय विमानांसाठी, अकासा एअरने सहा देश/गंतव्यस्थानांकरिता 2500 चा इंधन अधिभार लावला आहे. याचा अर्थ, या मार्गांवर तिकीट बुक करणाऱ्या प्रवाशांना नियमित तिकीट दराव्यतिरिक्त अतिरिक्त 2500 भरावे लागतील.

इंडिगोनेही आपल्या शुल्कात वाढ केली

इंडिगोनेही 6 ऑक्टोबर 2026 रोजी मध्यरात्री 12 वाजल्यापासून केलेल्या नवीन बुकिंगसाठी इंधन शुल्कात वाढ केली आहे. देशांतर्गत विमानांसाठी इंधन शुल्क प्रवास केलेल्या अंतरावर अवलंबून, 375 ते 1300 पर्यंत असेल. आंतरराष्ट्रीय उड्डाणांसाठी, मार्गावर अवलंबून हे शुल्क 1000 ते 10 हजार पर्यंत असेल. युरोपसाठी सर्वाधिक 10 हजार शुल्क निश्चित करण्यात आले आहे. इंडिगोने म्हटले आहे की, प्रवाशांवरील भार कमी करण्यासाठी शुल्कातील वाढ प्रत्यक्ष इंधन खर्चापेक्षा कमी ठेवण्यात आली आहे.

Rahul Gandhi: काँग्रेसचं सलग तिसऱ्या दिवशी आंदोलन...जे खासदार आंदोलनात आले नाहीत त्यांची यादी तयार करा, राहुल गांधी यांची केसी वेणुगोपाल यांना सूचना

युवराज जाधव — Thu, 8 Oct 2026 20:55:02 +0530

नवी दिल्ली : काँग्रेस आणि इंडिया आघाडीच्या पक्षांकडून एसआयआरच्या मुद्यावर निवडणूक आयोग आणि ज्ञानेश कुमार यांच्याविरोधात आंदोलन करण्यात येत आहे. काँग्रेस आणि लोकसभेतील विरोधी पक्षनेते राहुल गांधी सलग तीन दिवस रस्त्यावर उतरुन आंदोलन करत आहेत. राहुल गांधी यांनी पक्षाचे महासचिव केसी वेणुगोपाल यांना आंदोलनात पक्षाच्या सर्व खासदारांनी उपस्थित राहिलं पाहिजे असं सांगितल्याचं समोर येत आहे.

राहुल गांधी यांनी जे खासदार गेल्या दोन दिवसांपासून आंदोलनात उपस्थित नाहीत, त्यांची यादी तयार करण्याचे आदेश दिले आहेत. जे खासदार उपस्थित नाहीत आणि त्यांच्याकडे योग्य कारण नसेल त्यांना कारणे दाखवा नोटीस जारी करावं, अशा सूचना देखील राहुल गांधी यांनी दिल्या आहेत.

मित्रपक्षाच्या नेत्यांना आंदोलनात सहभागी होण्याचे आवाहन

राहुल गांधी यांच्याकडून निवडणूक आयोग आणि ज्ञानेश कुमार यांच्या विरोधात आक्रमक भूमिका घेण्यात आली आहे. इंडिया आघाडीतील पक्षाच्या नेत्यांना संपर्क करुन त्यांना दिल्लीतील आंदोलनात सहभागी होण्याचं आवाहन राहुल गांधी यांनी केलं आहे. ममता बॅनर्जी, उद्धव ठाकरे, तेजस्वी यादव यांना दिल्लीतील आंदोलनात सहभागी होण्याचं आवाहन करण्यात आल्याची माहिती आहे. एसआयआर आणि निवडणूक आयोगातील मुख्य निवडणूक आयुक्तांच्या कार्यपद्धतीवर आक्षेप घेतला आहे. इंडिया आघाडीतील पक्षांनी आंदोलनात सहभागी होत ते आणखी मजबूत करण्यासाठी रणनीती बनवली जात आहे.

पश्चिम बंगालच्या माजी मुख्यमंत्री ममता बॅनर्जी यांनी त्या दिल्लीत पोहोचणार असल्याचं म्हटलं. 8-9 ऑक्टोबरला राष्ट्रपतींची भेट होऊ शकते, असंही त्या म्हणाल्या. राष्ट्रपतींची भेट घेणाऱ्या नेत्यांच्या यादीत देखील ममता बॅनर्जींच्या नावाचा समावेश आहे.

ममता बॅनर्जी यांनी माध्यमांसोबत बोलताना रणनीती काय असेल त्याबाबत सांगू शकत नसल्याचं म्हटलं. मला त्यांनी बोलावलं आहे, आमचं जेनझी सोबत नातं आहे. ते काय करतात, काय करत नाहीत ते पाहू. मी खूप अत्याचार पाहिला आहे. संपूर्ण देशात कोणालाही विरोध करण्याचा अधिकार आहे, असं ममता बॅनर्जी म्हणाल्या. प्रियांका गांधी यांच्यासोबत जे घडलं ते योग्य नव्हतं, असही बॅनर्जी यांनी म्हटलं.

Trimbakeshwar Temple Closed : मोठी बातमी! त्र्यंबकेश्वर मंदिर पुढील दोन महिने दर्शनासाठी बंद राहणार; 'या' तारखेपासून भाविकांना प्रवेश बंद

एबीपी माझा ब्युरो — Thu, 8 Oct 2026 20:25:04 +0530

नाशिक : 12 ज्योतिर्लिंगांपैकी अत्यंत महत्त्वाचे स्थान असलेल्या नाशिक येथील श्री क्षेत्र त्र्यंबकेश्वर (Trimbakeshwar Temple) मंदिरातून भाविकांसाठी एक अत्यंत महत्त्वाची बातमी समोर येत आहे. आगामी सिंहस्थ कुंभमेळ्याच्या पार्श्वभूमीवर मंदिर परिसरात विकासकामे आणि गर्दीचे नियोजन करण्यासाठी त्र्यंबकेश्वर मंदिर पुढील दोन महिने भाविकांसाठी पूर्णपणे बंद ठेवण्यात येणार आहे.

संभाव्य नियोजनानुसार येत्या 15 किंवा 16 ऑक्टोबरपासून भाविकांना मंदिरात दर्शनासाठी प्रवेश दिला जाणार नाही. कुंभमेळा मंत्री गिरीश महाजन (Girish Mahajan) यांनी त्र्यंबकेश्वर देवस्थान ट्रस्ट आणि जिल्हा प्रशासनाला दिलेल्या सूचनांनुसार हा निर्णय घेण्यात येत आहे.

Trimbakeshwar Temple Rules : मंदिरातील नित्यपूजा सुरूच राहणार

मंदिर जरी भाविकांच्या दर्शनासाठी बंद राहणार असले, तरी मंदिरातील पारंपरिक आणि धार्मिक परंपरा खंडित होणार नाहीत. श्री त्र्यंबकेश्वराची दररोज होणारी नित्यपूजा, त्रिकाल पूजा आणि धार्मिक विधी नेहमीप्रमाणे सुरळीत सुरू राहतील.

त्र्यंबकेश्वर मंदिरात रोज हजारो भाविक दर्शनासाठी येतात. कुंभमेळ्याच्या कामांमुळे अपघात किंवा चेंगराचेंगरीची परिस्थिती उद्भवू नये म्हणून गर्दी रोखण्यासाठी हा निर्णय घेण्यात आला आहे. देवस्थान ट्रस्टकडून मंदिर बंद करण्याबाबतच्या तारखांची अधिकृत घोषणा लवकरच केली जाणार आहे.

Trimbakeshwar Temple VIP Darshan Closed : 12 ऑक्टोबरपर्यंत व्हीआयपी दर्शन बंद

दरम्यान, सध्या पितृपक्षाच्या निमित्ताने देशभरातून हजारो भाविक त्र्यंबकेश्वर येथे पितृकर्म आणि धार्मिक विधींसाठी येत आहेत. शनिवार आणि रविवारच्या सुट्ट्यांमुळे मंदिरात भाविकांची प्रचंड गर्दी वाढली आहे.

या पार्श्वभूमीवर प्रशासनावरील ताण कमी करण्यासाठी आणि सर्वसामान्य भाविकांना सुलभ दर्शन मिळावे यासाठी देवस्थान ट्रस्टने 12 ऑक्टोबरपर्यंत सर्व प्रकारचे व्हीआयपी (VIP) दर्शन पूर्णपणे बंद ठेवण्याचा निर्णय घेतला आहे. केवळ केंद्र, राज्य शासन किंवा जिल्हाधिकाऱ्यांमार्फत प्राप्त होणाऱ्या राज्यशिष्टाचाराच्या (Protocol) पत्रांनाच यातून अपवाद ठेवण्यात आले आहे.

Trimbakeshwar Development Work : कुंभमेळ्याच्या विकासकामांना वेग

सिंहस्थ कुंभमेळ्यासाठी त्र्यंबकेश्वर शहर तसेच मंदिर परिसरात मोठ्या प्रमाणात पायाभूत सुविधा आणि रस्ते विस्तारीकरणाची कामे प्रस्तावित आहेत. मंदिर दोन महिने बंद राहिल्याने प्रशासनाला कुंभमेळ्याची विकासकामे कोणत्याही अडथळ्याविना वेगाने पूर्ण करता येणार आहेत.

ही बातमी वाचा:

GST Council Meeting : अधिकाऱ्यांची अटक करण्याची शक्ती रद्द, 10 हजारांपर्यंतच्या दंडालाही ब्रेक; जीएसटी कौन्सिलचा मोठा निर्णय

नानांमुळं आमच्या डोक्यावरचा हंडा खाली आला, पाण्याच्या थेंबा थेंबात त्यांची आठवण येत राहिल, नानांच्या आठवणीत महिला भावूक

आप्पासाहेब शेळके — Thu, 8 Oct 2026 20:11:30 +0530

Nana Patekar Death Naam Foundation News : मराठी आणि हिंदी चित्रपटसृष्टीवर आपल्या दमदार अभिनयाचा ठसा उमटवणारे ज्येष्ठ अभिनेते नाना पाटेकर (Marathi Actor Nana Patekar) यांचं आज निधन झालं, वयाच्या 75 व्या वर्षी गोव्यात हृदयविकाराच्या झटक्याने त्यांचं निधन झालं. त्यांच्या या अकस्मात जाण्याने मनोरंजन विश्वासह राजकीय वर्तुळात मोठी शोककळा पसरली आहे. दरम्यान, नाना पाटेकर यांच्या नाम फाउंडेशनने राज्यभरात मोठं काम केलं आहे. नाम फाउंडेशनने धाराशिवचं वाटवडा गाव पाच वर्षे दत्तक घेतलं होतं. नाना पाटेकर यांच्या निधनानंतर या गावातील महिला त्यांच्या आठवणीत भावूक झाल्या आहेत.

आमच्या डोक्यावरचा हंडा नाना पाटेकर यांच्यामुळे खाली आला

नाना पाटेकर यांच्या नाम फाउंडेशनने धाराशिवमधील वाटवडा हे गाव पाच वर्षे दत्तक घेतलं होतं. नाना पाटेकर यांच्या आठवणीत महिला भाऊक झाल्या आहेत. आमच्या डोक्यावरचा हंडा नाना पाटेकर यांच्यामुळे खाली आला. आज दुष्काळातही नाम फाउंडेशनने जलसंधारणाची काम केले, त्यामुळे पाणी टिकून आहे. पाण्याच्या थेंबा थेंबात आम्हाला नानांची आठवण येत राहील अशा भावना महिलांनी व्यक्त केल्या. एवढा मोठा अभिनेता आमचं गाव दत्तक घेतलं. ते आमच्या कुटुंबातीलच व्यक्ती वाटत होते असे महिलांनी सांगितले.

नाना पाटेकर यांच्या आठवणीत गावकरी भावूक

नाना पाटेकर खऱ्या अर्थाने नटसम्राट होते. त्यांची शेतकऱ्यासोबत, मातीशी बांधिलकी होती. नाना पाटेकर आज आपल्यात नाहीत हे वाटतच नाही. विधवा महिलांना आर्थिक मदत, शेतकऱ्यांना बी बियाणे वाटप, शिलाई मशीनचे ट्रेनिंग घेऊन त्यांनी महिला स्वावलंबी केल्या असे म्हणत नाना पाटेकर यांच्या आठवणीत गावकरी भावूक झाले.

मराठवाड्यात आज नानांच्या कामांची आठवण

पाण्याच्या थेंबा थेंबात आम्हाला नानांची आठवण येईल. नानांमुळे आमच्या डोक्यावरचा हंडा खाली आला या भावना धाराशिवच्या वाटवडा येथील महिलांनी व्यक्त केल्या. दुष्काळात पिचलेल्या मराठवाड्यात नाना पाटेकरांनी नाम फाउंडेशनच्या माध्यमातून रचनात्मक काम केलं. जलसंधारणाचे काम केली. महिला शेतकऱ्यांना स्वावलंबी बनवण्यासाठी शिलाई मशीन दिल्या. आत्महत्याग्रस्त शेतकरी कुटुंबालाही आर्थिक आधार दिला. धाराशिव जिल्ह्यातलं वाटवडा गाव हे नाम फाउंडेशनने दत्तक घेतलं होतं. नाना पाटेकर आपल्यात नाहीत. मात्र त्यांच्या आठवणीने गावकरी भावुक झाले आहेत. नाम फाउंडेशनने काम केलं, त्यामुळं आमच्या डोक्यावरला हंडा खाली आला आहे. नाहीतर आम्हाला पाण्यासाठी भटकंती करावी लागत होती. आज दुष्काळातही पाणी टिकून आहे ते फाउंडेशनच्या कामामुळे.

नाना नटसम्राट होते कारण त्यांची बांधिलकी ही शेती मातीशी होती

नाना नटसम्राट होते कारण त्यांची बांधिलकी ही शेती मातीशी होती. आज आमच्या कुटुंबातील एक व्यक्ती गेल्याची भावना होत असल्याचं वाटवड्यातील महिलांनी सांगितलं. नाना पाटेकर यांच्या आठवणीत महिला भावूक झाल्य्याचे पाहायला मिळालं.

GST Council Meeting : अधिकाऱ्यांची अटक करण्याची शक्ती रद्द, 10 हजारांपर्यंतच्या दंडालाही ब्रेक; जीएसटी कौन्सिलचा मोठा निर्णय

एबीपी माझा ब्युरो — Thu, 8 Oct 2026 19:37:52 +0530

नवी दिल्ली : केंद्रीय अर्थमंत्री निर्मला सीतारामन (Nirmala Sitharaman) यांच्या अध्यक्षतेखाली पार पडलेल्या भारत मंडपम येथील जीएसटी कौन्सिलच्या (GST Council) 57 व्या बैठकीत व्यापारी आणि उद्योग जगतासाठी अत्यंत महत्त्वाचे निर्णय घेण्यात आले आहेत. जीएसटी नियमांचे पालन सुलभ करण्यासाठी आणि कायदेशीर विवाद कमी करण्यासाठी या बैठकीत कौन्सिलने जीएसटी कायद्यांतर्गत अधिकाऱ्यांना असलेले अटक करण्याचे अधिकार (Power to Arrest) पूर्णपणे रद्द केले आहेत. या निर्णयामुळे देशभरातील व्यावसायिक आणि उद्योजकांना मोठा दिलासा मिळाला आहे.

जीएसटी रिफंड मंजूर करण्याची मुदत 15 दिवसांवरून थेट 10 दिवसांवर आणण्यात आली आहे. त्यामुळे व्यवसायांना अडकलेला निधी तुलनेने लवकर उपलब्ध होणार आहे. विशेष म्हणजे, जीएसटी दरांच्या रचनेत सध्या कोणताही बदल करण्यात आलेला नाही. दरांशी संबंधित मुद्द्यांचा विचार आता वर्षातून एकदाच केला जाणार आहे. सरकारचा भर आता करदरांपेक्षा करव्यवस्था अधिक सुलभ, पारदर्शक आणि चेहरा-विरहित करण्यावर असल्याचं अर्थमंत्री निर्मला सीतारमण यांनी स्पष्ट केलं.

GST Arrest Power Removed : खटला भरण्याची मर्यादा 1 कोटींवरून 5 कोटींवर

जीएसटी कौन्सिलने या बैठकीत व्यापाऱ्यांवरील कायदेशीर कारवाईची टांगती तलवार दूर करताना अनेक दिलासादायक निर्णय दिले आहेत:

जीएसटी कायद्यांतर्गत अधिकाऱ्यांकडे असलेले अटकेचे सर्व अधिकार मागे घेण्यात आले आहेत.

जीएसटी उल्लंघनाबाबत थेट खटला भरण्याची (Prosecution) मर्यादा 1 कोटी रुपयांवरून वाढवून थेट 5 कोटी रुपये करण्यात आली आहे.

गुन्ह्यांसाठी असणारी किमान शिक्षेची तरतूद हटवण्यात आली असून, आता दंड किंवा शिक्षेचे स्वरूप हे पूर्णपणे न्यायव्यवस्थेच्या (Judiciary) अधिकारात राहील.

GST General Penalty Reduced : सामान्य दंड 25 हजारांवरून थेट 10 हजार रुपये

छोट्या व्यापाऱ्यांना दिलासा देताना कौन्सिलने सामान्य दंडाच्या रकमेमध्ये मोठी कपात केली आहे. ज्या उल्लंघनासाठी पूर्वी कोणतीही दंडाची रक्कम निश्चित नव्हती, अशा प्रकरणात आधी थेट 25 हजार रुपयांपर्यंतचा दंड आकारला जात होता. जीएसटी कौन्सिलने हा दंड आता 10 हजार रुपयांवर आणला आहे.

GST Tax Recovery : कर भरण्यास उशीर करणाऱ्यांवर व्याज आणि दंड लागू

बैठकीत कौन्सिलने हेदेखील स्पष्ट केले आहे की, जे करदाते (Taxpayers) वेळेवर रिटर्न फाइल करणार नाहीत, कर भरण्यास उशीर करतील किंवा चुका करतील, त्यांच्याकडून कराची वसुली केली जाईल. अशा व्यापाऱ्यांवर व्याज आणि प्रमाणात दंड (Proportionate Penalty) आकारला जाईल. मात्र, केवळ कर उशिरा भरल्याच्या कारणावरून कोणतीही कठोर किंवा जाचक कारवाई केली जाणार नाही, असेही स्पष्ट करण्यात आले आहे. या बैठकीत कर दरांमध्ये (GST Rates) कोणताही बदल करण्यात आलेला नाही.

ही बातमी वाचा:

Home Loan : रेपो रेट वाढताच बँकांनी व्याज दर वाढवले, गृहकर्जाचा हप्ता वाढणार, 4 मोठ्या बँकांकडून व्याज दरात वाढ

पाकिस्तानला धक्का, भारतात होणाऱ्या चॅम्पियन्स ट्रॉफीतून वगळलं, पाकची मागणी अमान्य करत बागंलादेशला संधी

युवराज जाधव — Thu, 8 Oct 2026 19:32:59 +0530

नवी दिल्ली : आशियाई हॉकी चॅम्पियन्स ट्रॉफी स्पर्धेसंदर्भात मोठी अपडेट समोर आली आहे. या स्पर्धेतून पाकिस्तानला बाहेरचा रस्ता दाखवण्यात आला आहे. पाकिस्तानची एक मागणी अमान्य करत त्यांना वगळण्यात आलं आहे. पाकिस्तान स्पर्धेबाहेर गेल्यानं त्यांच्या ऐवजी बांगलादेशला संधी देण्यात आली आहे. आशियाई हॉकी चॅम्पियन्स ट्रॉफी पंजाबच्या जालंधर आणि मोहालीमध्ये आयोजित केली जाणार आहे. हॉकी स्पर्धा 27 ऑक्टोबर ते 5 नोव्हेंबर दरम्यान होणार आहे.

आशियाई हॉकी चॅम्पियन्स ट्रॉफीमध्ये सहा संघ सहभागी होणार आहेत, यामध्ये पाकिस्तानचा देखील समावेश होता. मात्र, पाकिस्तान हॉकी फेडरेशननं आशियाई क्रीडा स्पर्धेतील त्यांचे सामने त्रयस्थ ठिकाणी खेळवले जावेत, अशी मागणी केली होती. मात्र, त्याचवेळी हॉकी इंडियाचे महासचिव आणि आशियाई हॉकी फेडरेशनचे उपाध्यक्ष भोलानाथ सिंह यांनी स्पर्धेच्या ठिकाणासंदर्भात कोणताही बदल केला जाणार नाही, असं सांगितलं होतं.

हॉकी इंडियाकडून सहा संघांची नावं जाहीर

हॉकी इंडियानं एक प्रसिद्धीपत्रक जारी केलं आहे, ज्यामध्ये स्पर्धेत सहभागी होणाऱ्या 6 संघांचा समावेश आहे. यामधून पाकिस्तानचं नाव गायब आहे. सहा संघांमध्ये भारतासह जपान, चीन, मलेशिया, दक्षिण कोरिया आणि बांगलादेश या संघांचा समावेश आहे.

पाकिस्तान स्पर्धेबाहेर, बांगलादेशला लॉटरी

पंजाबचे मुख्यमंत्री भगवंत मान यांनी मोहाली मध्ये स्पर्धेचं वेळापत्रक जाहीर करताना पाकिस्तान सहभागी होईल असा दावा केला होता. त्यावेळी हॉकी इंडियाचे महासचिव भोलानाथ सिंह आणि वरिष्ठ पदाधिकारी देखील उपस्थित होते. एखाद्या संघानं माघार घेतल्यास पर्यायी संघ म्हणून राखीव संघांच्या यादीत बांगलादेश आणि ओमानचा समावेश होता.पाकिस्तान स्पर्धेबाहेर गेल्यानंतर बांगलादेशला लॉटरी लागली आहे.

मुंबईवरील 2008 च्या दहशतवादी हल्ल्यानंतर भारत आणि पाकिस्तान यांच्यात द्विपक्षीय हॉकी स्पर्धा झालेली नाही. दोन्ही संघ आंतरराष्ट्रीय स्पर्धांमध्ये आमने सामने आले आहेत. भारतीय हॉकी संघानं 2006 मध्ये पाकिस्तानचा दौरा केला होता.

जालंधर आणि मोहालीमध्ये स्पर्धा

पंजाबमधील जालंधरमध्ये साखळी सामने खेळवले जातील. हे सामने ऑलिम्पीकवीर सुरजीतसिंह हॉकी स्टेडियममध्ये होणार आहेत. स्पर्धेतील उर्वरित सामने मोहालीमधील बलबीर सिंह सीनिअर इंटरनॅशनल हॉकी स्टेडियममध्ये होणार आहेत. उपांत्य फेरीचे सामने 4 ऑक्टोबरला आणि अंतिम सामना 5 ऑक्टोबरला होणार आहे.

कमी काळात नोकरी हवीय? मग हे अभ्यासक्रम निवडा, 6 महिन्यात नोकरी मिळवा, जाणून घ्या सविस्तर माहिती

गणेश लटके — Thu, 8 Oct 2026 19:17:31 +0530

Career Tips : अलिकडच्या काळात नोकरी मिळवणे कठीण झाले आहे. कारण प्रत्येक क्षेत्रात मोठी स्पर्धा निर्माण झाली आहे. आजच्या जगात, केवळ पदवी मिळवणे पुरेसे नाही. तुमच्याकडे कौशल्ये असणे देखील आवश्यक आहे. कंपन्या विशिष्ट क्षेत्रात व्यावहारिक कौशल्ये असलेल्या लोकांना अधिकाधिक नोकरीवर ठेवत आहेत. यामुळेच तरुणांमध्ये अल्प-मुदतीच्या कौशल्य अभ्यासक्रमांची मागणी वाढत आहे. अशा अभ्यासक्रमांबद्दल जाणून घेऊया जे सहा महिने किंवा त्यापेक्षा कमी कालावधीत पूर्ण करता येतात आणि नोकरीच्या संधी देखील उपलब्ध करून देऊ शकतात.

डिजिटल मार्केटिंगची वाढती मागणी

आजकाल डिजिटल मार्केटिंग तज्ञांची मागणी झपाट्याने वाढत आहे. हे अभ्यासक्रम एसइओ (SEO), सोशल मीडिया मार्केटिंग, कंटेंट मार्केटिंग आणि ऑनलाइन जाहिरात यांसारखी कौशल्ये शिकवतात.

नोकरी

डिजिटल मार्केटिंग एक्झिक्युटिव्ह
एसइओ एक्झिक्युटिव्ह किंवा सोशल मीडिया मॅनेजर यांसारख्या पदांवर संधी उपलब्ध होऊ शकतात.

ग्राफिक डिझायनिंग हा देखील एक चांगला पर्याय

यामध्ये डिझाइन सॉफ्टवेअर वापरून पोस्टर्स, बॅनर्स, लोगो आणि इतर व्हिज्युअल कंटेंट तयार करायला शिकवले जाते.

नोकरी

हा अभ्यासक्रम पूर्ण केल्यानंतर, तुम्हाला ग्राफिक डिझायनर म्हणून सहज नोकरी मिळू शकते.

डेटा एंट्री आणि ऑफिस ॲप्लिकेशन कौशल्ये

अनेक कंपन्यांना संगणक आणि ऑफिस टूल्सचे ज्ञान असलेल्या उमेदवारांची आवश्यकता असते. डेटा एन्ट्री, एमएस ऑफिस आणि संगणक अनुप्रयोगांशी संबंधित अभ्यासक्रम कमी वेळेत पूर्ण करता येतात.

वेब डेव्हलपमेंट आणि कोडिंग

तांत्रिक क्षेत्रात रस असलेले विद्यार्थी वेब डेव्हलपमेंट किंवा बेसिक प्रोग्रामिंगशी संबंधित अभ्यासक्रम करू शकतात.

नोकरी

वेबसाइट डिझाइन आणि डेव्हलपमेंट कौशल्ये शिकल्याने फ्रीलान्सिंग आणि नोकरी या दोन्हीसाठी संधी उपलब्ध होऊ शकतात.

आरोग्यसेवा आणि पॅरामेडिकल अभ्यासक्रम

आरोग्यसेवा क्षेत्रात काही अल्प-मुदतीचे कौशल्य अभ्यासक्रम देखील उपलब्ध आहेत.

नोकरी

मेडिकल लॅब असिस्टंट, फिजिओथेरपी असिस्टंट किंवा हेल्थकेअर सपोर्टशी संबंधित अनेक प्रशिक्षण कार्यक्रम तरुणांना रोजगाराच्या संधी उपलब्ध करून देऊ शकतात.

केवळ अभ्यासक्रमाच्या कालावधीवर आधारित निवड करू नका. तुमच्या आवडीचे क्षेत्र आणि त्या कौशल्यांची बाजारातील मागणी समजून घेणे महत्त्वाचे आहे. योग्य अभ्यासक्रम, सराव आणि व्यावहारिक अनुभवाने, अगदी कमी वेळेतही एक चांगले करिअर सुरू करता येते. अलिकडच्या काळात अनेक कौशल्य आधारीत अभ्यासक्रम सुरु झाले आहेत. या अभ्यासक्रमांच्या माध्यमातून तुम्ही कमी काळात देखील चांगली नोकरी किंवा रोजगाराची संधी मिळवू शकता.

ABP माझा टॉप 10 हेडलाईन्स | 8 ऑक्टोबर 2026 | गुरुवार

गणेश लटके — Thu, 8 Oct 2026 18:27:23 +0530

ABP माझा टॉप 10 हेडलाईन्स | 8 ऑक्टोबर 2026 | गुरुवार

1) 'नटसम्राट' हरपला, ज्येष्ठ अभिनेते नाना पाटेकर यांचं हृदयविकाराच्या धक्क्यानं गोव्यात निधन, 75 व्या वर्षी घेतला अखेरचा श्वास https://tinyurl.com/yck3u9n4 नाना पाटेकरांना मध्यरात्री छातीत तीव्र वेदना, रात्री अडीच वाजता मित्राला मेसेज, डॉक्टरांकडून 45 मिनिटं सीपीआर, मात्र त्यांना वाचवण्यात अपयश, गोव्यातील डोना पावलामधील घरी काय घडलं? डॉक्टरांनी दिली सविस्तर माहिती https://tinyurl.com/2ke38tyw

2) नाना पाटेकर अभिनयाकडे कसे वळले? 35 रुपये कमाई, एक वेळेचं जेवण, डोळे पाणावणारा संघर्ष, कारगिल युद्धातही बजावली सेवा https://tinyurl.com/4dp93xub पोटच्या लेकराचा दुसऱ्या वर्षीचं मृत्यू, मुंबई बॉम्बस्फोटात भावाला गमावलं, दिग्दर्शकाला शिवीगाळ, आगीत भाजले ते शाळेत मास्तरांचा दररोजचा मार; नाना पाटेकरांच्या न विसरता येणाऱ्या 10 आठवणी https://tinyurl.com/ywjf9r4s

3) नाना पाटेकर यांच्यावर पुण्यातील डोणजे गावात आजच अंत्यसंस्कार होणार, लाडक्या नटसम्राटाला शासकीय इतमामात निरोप देण्यात येणार https://tinyurl.com/yv9cfwry नाना पाटेकरांनी स्वत:च्या अंत्यविधीसाठी लाकडं काढून ठेवली, नामचे सीईओ ढसाढसा रडले, शेतातच अंत्यसंस्कार करण्याची नटसम्राटाची शेवटची विनंती https://tinyurl.com/m3adrjyf

4) करारी अभिनेता आपण गमावला, नाना पाटेकर यांच्या निधनाने राजकीय वर्तुळातूनही शोक; शरद पवारांसह दिग्गज नेते भावूक https://tinyurl.com/585rjzb5 नाना पाटेकरांचं निधनानं मुख्यमंत्री देवेंद्र फडणवीसांसह उपमुख्यमंत्री एकनाथ शिंदे, सुनेत्रा पवार भावूक; डोळे पाणावणाऱ्या प्रतिक्रिया https://tinyurl.com/2f8uyjek

5) नाना मला भाऊ आणि मार्गदर्शक मित्रासारखा, मुख्यमंत्री गहिवरले, मल्हारला फोन करुन म्हणाले, नानांचं कार्य आपण कायम ठेवू https://tinyurl.com/yp9h3f65 नानांनी पडद्यावर उभा केलेला तो माणूस अजूनही आपल्या आजूबाजूला, त्याचा राग, अस्वस्थता, अपमान, धडपड आहे; राज ठाकरेंनी नाना पाटेकरांच्या असंख्य भावनांमधील 'मनस्वी' पैलू मांडले https://tinyurl.com/4vxpfueu

6) नाना पाटेकरांच्या निधनाने सिनेसृष्टी हळहळली, अक्षय कुमार, रितेश देशमुख ते रवि किशन, कलाकारांच्या डोळे पाणावणाऱ्या पोस्ट https://tinyurl.com/yeyrad4m माझा मित्र गेला, आयुष्यातली अत्यंत वाईट गोष्ट, नाना पाटेकरांच्या जाण्यानं अशोक सराफ भावूक, आठवणींना दिला उजाळा https://tinyurl.com/3b5y7sbc नाना पाटेकर म्हणजे अत्यंत स्पष्टवक्ते आणि जमिनीशी जोडलेले व्यक्तिमत्त्व, त्यांचं कार्य आणि वारसा पिढ्यानपिढ्या स्मरणात राहील, क्रिकेटर सचिन तेंडूलकरसह विराट कोहलीकडून दु:ख व्यक्त https://tinyurl.com/4czf2uya

7) ज्ञानेश कुमारांच्या राजीनाम्यासाठी दिल्लीत राडा सुरूच, राहुल गांधींसह इंडिया आघाडीचे खासदार आक्रमक, तिसऱ्या दिवशीही पोलिसांचा तगडा बंदोबस्त https://tinyurl.com/56a5n9b9 ज्ञानेश कुमारांच्या समर्थनार्थ 42 निवृत्त न्यायाधीश-अधिकारी मैदानात, SIR प्रक्रियेचं समर्थन, देशवासियांना खुलं पत्र https://tinyurl.com/yzzmpcbu MPSC विद्यार्थ्यांच्या आंदोलनाला मोठा धक्का, तातडीने जागा रिकामी करा, पुणे पोलिसांचे आदेश; एस. एम. जोशी पुलावरील आंदोलनाची परवानगी नाकारली https://tinyurl.com/3jzhhs8n

8) शिवसेनेतील नेमणुका या लोकशाहीला धरुन नाहीत, पक्षप्रमुखांना अमर्याद अधिकार; शिवसेना पक्ष आणि धनुष्यबाण चिन्हाच्या आजच्या सुनावणीत काय घडलं? https://tinyurl.com/42m4tbtj एकनाथ शिंदेंच्या शिवसेनेने उमेदवार कसा काय उभा केला? उमेदवार उभा करता आला असता, पुणे पदवीधर मतदारसंघाच्या जागेबाबत प्रफुल पटेलांचं मोठं वक्तव्य https://tinyurl.com/nhtn2f33

9) युगेंद्र पवारांनी सोमेश्वर साखर कारखान्याच्या निवडणुकीसाठी आपण एकत्र यायचं का विचारलं होतं, जय पवारांनी दिली माहिती, म्हणाले, आम्ही शेवटपर्यंत काहीतरी मार्ग निघेल, अशी अपेक्षा ठेवली होती https://tinyurl.com/mt5m8ub5

10) मान्सूनची एक्झिट; महाराष्ट्रातून मान्सूनची पूर्णपणे माघार; तरीही काही राज्यांमध्ये मुसळधार पावसाचा इशारा, वाचा हवामान विभागाचा अंदाज https://tinyurl.com/bxsvt8ek पालकमंत्र्यांसमोर रडत-रडत व्यथा मांडली, अधिकाऱ्यांकडून फाईल्स फेकल्याची तक्रार; दोनच दिवसांत भंडाऱ्यातील शेतकऱ्याने टोकाचं पाऊल उचललं https://tinyurl.com/4er3hfaz

एबीपी माझा स्पेशल

'नटसम्राट' ते 'जननायक'चा प्रवास करणारा आपला माणूस गमावला! https://tinyurl.com/46kwhd9u
दुष्काळमुक्तीचा वसा, शेतकऱ्याचा कैवारी, नाना पाटेकर यांचं काम महाराष्ट्र कधीही विसरणार नाही https://tinyurl.com/54dpkmch वय वाढत असताना कार्डियाक अरेस्ट धोका शकतो, 60 वर्षांनंतर कार्डियाक अरेस्टचा धोका कमी करण्यासाठी ज्येष्ठांनी कोणती काळजी घ्यावी? https://tinyurl.com/mmh2hej

एबीपी माझा Whatsapp Channel
-https://whatsapp.com/channel/0029Va9dq2e-impact-now-know-in-detail-1402658

'सदा' राहायला आला नाहीस माझ्याकडे, चारच दिवसांपूर्वी फोनवर बोललो होतो, नाना पाटेकरांच्या आठवणीने सदाभाऊ भावूक

कुलदीप माने, एबीपी माझा — Thu, 8 Oct 2026 18:20:53 +0530

Nana Patekar Death Marathi News : मराठी आणि हिंदी चित्रपटसृष्टीवर आपल्या दमदार अभिनयाचा ठसा उमटवणारे ज्येष्ठ अभिनेते नाना पाटेकर (Marathi Actor Nana Patekar) यांचं आज निधन झालं. वयाच्या 75 व्या वर्षी गोव्यात हृदयविकाराच्या झटक्याने त्यांचं निधन झालं. त्यांच्या या अकस्मात जाण्याने मनोरंजन विश्वासह राजकीय वर्तुळात मोठी शोककळा पसरली आहे. त्यांच्या निधनानंतर आमदार सदाभाऊ खोत यांनी शोक व्यक्त केला आहे. नाना पाटेकर यांच्या आठवनींना त्यांनी उजाळा दिला आहे. चार दिवसांपूर्वीच नाना पाटेकर यांच्याशी फोनवरुन आपलं बोलणं झालं होतं, अशी आठवण सांगताना खोत भावूक झाले.

नाना पाटेकर आपला उल्लेख नेहमी ‘सदा’ असा करायचे

ज्येष्ठ अभिनेते नाना पाटेकर यांचं आज पहाटे गोव्यात निधन झाले. यानंतर सर्वच स्तरातून शोक व्यक्त केला जात आहे. नाना पाटेकर यांच्या आठवणींना आमदार सदाभाऊ खोत यांनी उजाळा दिला. चार दिवसांपूर्वीच नाना पाटेकर यांच्याशी फोनवरुन आपले बोलणे झाले होते, अशी आठवण सांगताना सदाभाऊ खोत भावूक झाले. सदाभाऊ खोत म्हणाले, चार दिवसांपूर्वी मी नानांसोबत फोनवर बोललो होतो. राहायला आला नाहीस माझ्याकडे, असे नाना मला म्हणाले होते. नाना पाटेकर आपला उल्लेख नेहमी ‘सदा’ असा करायचे, अशी आठवणही त्यांनी यावेळी सांगितली. सुमारे दीड महिन्यापूर्वी दादा कोंडके यांचे स्मारक उभारणार असल्याचे सांगितल्यानंतर नाना पाटेकर यांनी आपल्याशी संवाद साधला होता. तुम्ही किती कलंदर आहात, असे नाना आपल्याला म्हणाले होते. तसेच, स्मारकाच्या उद्घाटनाला मला बोलवा, असेही त्यांनी सांगितले होते, अशी आठवण सदाभाऊ खोत यांनी सांगितली. मात्र, नाना पाटेकर यांनी दिलेला शब्द पाळला नाही, अशी खंतही खोत यांनी व्यक्त केली. नानांसोबतच्या वैयक्तिक आठवणी सांगताना त्यांचा आणि नाना पाटेकर यांचा असलेला जिव्हाळ्याचा संबंध अधोरेखित झाला.

गोव्यातील डोना पावलामधील घरी हृदयविकाराचा झटका आल्यानं नाना पाटेकरांचं निधन

नाना पाटेकर यांचा हृदयविकाराच्या झटक्याने मृत्यू झाला. गोव्यातील डोना पावलामधील घरी हृदयविकाराचा झटका आला होता. त्यानंतर त्यांना मणिपाल रूग्णालयात उपचारासाठी दाखल करण्यात आले. मात्र तिथेच उपचारादरम्यान नाना पाटेकर यांचं निधन झाल्याची माहिती समोर आली. मणिपाल रुग्णालयाचे कर्करोग विभाग प्रमुख डॉ. शेखर सालकर यांनी 45 मिनिटे सतत सीपीआर देऊनही नाना पाटेकर यांना वाचवता आले नाही. गोव्यातील मणिपाल रुग्णालयाच्या वैद्यकीय पथकाने नाना पाटेकर यांना पहाटे 5.20 वाजता मृत घोषित केले. छातीत तीव्र वेदना होत असल्याने एका फ्लॅटवर वैद्यकीय पथक पाठवण्यात आले होते; तिथे ते प्रतिसाद देत नव्हते. त्यांना 'कार्डियाक मसाज' देऊन रुग्णालयात आणले असता, तेथील वैद्यकीय पथकाने पहाटे 5.20 वाजता त्यांना मृत घोषित केले. हे प्रकरण 'मेडिको-लीगल' (वैद्यकीय-कायदेशीर) स्वरूपाचे असल्याने आज त्यांचे शवविच्छेदन केले जाईल.

गोकुळच्या रणांगणासाठी अखेर महायुती आणि समविचारी आघाडीकडून पॅनेल घोषित; पीएन पाटील गटासह मंत्री मुश्रीफांना सुद्धा तगडा धक्का; सतेज पाटलांकडून 7 विद्यमान संचालकांना संधी, 18 नवीन चेहरे मैदानात

परशराम पाटील, एबीपी माझा, कोल्हापूर — Thu, 8 Oct 2026 18:20:17 +0530

Gokul Election:कोल्हापूर जिल्हा सहकारी दूध उत्पादक संघ अर्थात गोकुळच्या निवडणुकीसाठी अखेर रणशिंग फुंकण्यात आलं आहे. गोकुळची निवडणूक बिनविरोध होणार अशा चर्चा रंगल्या असतानाच दोन्हीकडून आज पॅनेलची घोषणा करण्यात आल्याने एक प्रकारे गोकुळच्या निवडणुकीसाठी आता खऱ्या अर्थाने धुळा उडणार आहे. आज महायुतीकडून पहिल्यांदा गोकुळसाठी 25 जणांची उमेदवारांची यादी जाहीर करण्यात आली. राजर्षी शाहू शेतकरी समविचारी आघाडीकडून सुद्धा 25 जणांच्या उमेदवारीची घोषणा करण्यात आली.

राधानगरी तालुक्यातील समीकरणे बदलण्याची चिन्हे

दुसरीकडे महायुतीचं पॅनेल घोषित झाल्यानंतर महायुतीला तगडा धक्का बसला आहे. अजित पवार गटातील गोकुळचे माजी संचालक किसन चौगले यांना उमेदवारी नाकारण्यात आल्यानंतर त्यांनी आमदार सतेज पाटील यांच्या नेतृत्वातील राजर्षी शाहू शेतकरी समविचारी आघाडीमध्ये जाहीर प्रवेश केला. त्यानंतर त्यांना उमेदवारी सुद्धा देण्यात आल्याने राधानगरी तालुक्यातील समीकरणे बदलण्याची चिन्हे आहेत. दुसरीकडे पी. एन. पाटील गटाला सुद्धा अवघी एका जागेवर बोळवण करण्यात आल्याने करवीर तालुक्यामध्ये मोठा असंतोष महायुतीमध्ये दिसून येण्याची शक्यता आहे.

सात विद्यमान संचालकांना संधी

राजर्षी शाहू शेतकरी समविचारी आघाडी

सर्वसाधारण गट
अ.क्र.	नांव	गांव
1	पाटील चुयेकर शशिकांत आनंदराव	मु. पो. चुये, ता. करवीर
2	चौगले बाबासाहेब श्रीपती	मु. पो. केर्ली, ता. करवीर
3	पाटील उदय निवासराव	मु. पो. सडोली खालसा, ता. करवीर
4	देवकर बाबासाहेब विष्णू	मु. पो. गाडेगोंडवाडी, ता. करवीर
5	पाटील आबा उर्फ सत्यजित सुरेश	मु. पो. कसबा बीड, ता. करवीर
6	तायशोटे अभिजित प्रभाकर	मु. पो. राधानगरी, ता. राधानगरी
7	चौगले किसन बापूसो	मु. पो. चाफोडी, ता. राधानगरी
8	मोरे रणधीर विजयसिंह	मु. पो. सरवडे, ता. राधानगरी
9	घोरपडे सचिन दौलतराव	मु. पो. वाघापूर, ता. भुदरगड
10	जाधव विश्वजीत दिनकरराव	मु. पो. तिरवडे, ता. भुदरगड
11	देसाई राहुल बजरंग	मु. पो. गारगोटी, ता. भुदरगड
12	पाटील दादासाहेब वसंतराव	मु. पो. सातार्डे, ता. पन्हाळा
13	पाटील विकास पांडुरंग	मु. पो. गोगवे, ता. शाहुवाडी
14	बोरगांवे भिमगौंडा कल्लाप्पा	मु. पो. कोथळी, ता. शिरोळ
15	गुरबे विद्याधर बाबूराव	मु. पो. नेसरी, ता. गडहिंग्लज
16	डोंगरे सुभाष बळवंत	मु. पो. जरळी, ता. गडहिंग्लज
17	पाटील विशाल गोपाळराव	मु. पो. तांबुळवाडी, ता. चंदगड
18	पाटील विश्वजीत रणजितसिंह	मु. पो. मुरगूड, ता. कागल
19	पाटील शहाजी केशव	मु. पो. लिंगनूर दुमाला, ता. कागल
20	इंगवले विश्वासराव आनंदराव	मु. पो. हातकणंगले, ता. हातकणंगले

महिला राखीव गट
अ.क्र.	नांव	गांव
1	रेडेकर अंजना केदारी	मु. पो. पेढ्रेवाडी, ता. आजरा
2	डोंगळे भाग्यश्री धीरज	मु. पो. घोटवडे, ता. राधानगरी

इतर मागासवर्गीय गट
अ.क्र.	नांव	गांव
1	खोत शशिकांत शामराव	मु. पो. कणेरीवाडी, ता. करवीर

अनुसुचित जाती-जमाती गट
अ.क्र.	नांव	गांव
1	आवळे राजु जयवंतराव	मु. पो. भांडवडे, ता. हातकणंगले

भटक्या जाती / विमुक्त जमाती गट
अ.क्र.	नांव	गांव
1	शेळके बयाजी देवू	मु. पो. वेसरफ, ता. गगनबावडा


पंचवार्षिक निवडणूक - २०२६ \| छत्रपती शाहू शेतकरी विकास आघाडी

अ.क्र.	गट प्रवर्ग (Category)	अनु क्र.	नांव (Name)	तालुका (Taluka)
१	सर्वसाधारण गट	1	श्री. राजेश नृसिंगराव पाटील	चंदगड
		2	श्री. विश्वास नारायण पाटील—आबाजी	करवीर
		3	श्री. अरूण गणपतराव डोंगळे	राधानगरी
		4	श्री. राहुल पांडूरंग उर्फ पी एन पाटील	करवीर
		5	श्री. अजित शंतनू नर्के	पन्हाळा
		6	श्री. संभाजी रंगराव पाटील	करवीर
		7	श्री. अजित पांडूरंग पाटील	करवीर
		8	श्री. विरेंद्र संजय मंडलिक	कागल
		9	श्री. कर्णसिंह संजयसिंह गायकवाड	शाहूवाडी
		10	श्री. अमरसिंह यशवंत पाटील	पन्हाळा
		11	श्री. युवराज दत्ताजीराव पाटील	कागल
		12	श्री. मदन बाबुराव देसाई	भुदरगड
		13	श्री. अंबरीषसिंह संजय घाटगे	कागल
		14	श्री. चेतन अरूण नर्के	पन्हाळा
		15	श्री. अशोक काशिनाथ चराटी	आजरा
		16	श्री. रणजीत कृष्णाराव उर्फ के. पी. पाटील	भुदरगड
		17	श्री. सतीश भिमगोंडा पाटील	गडहिंग्लज
		18	श्री. रणजीत दिलीप पाटील	शिरोळ
		19	श्री. दिपक भरमू पाटील	चंदगड
		20	श्री. प्रतापसिंह शंकरराव पाटील	करवीर
२	अनुसूचित जाती—जमाती	1	डॉ. श्री सुजित वसंतराव मिणचेकर	हातकणंगले
३	विमुक्त जाती / भटक्या जमाती / वि.मा.प्रवर्ग	1	श्री विश्वास शंकर जाधव	पन्हाळा
४	इतर मागासवर्गीय	1	श्री नविद हसनसाहेब मुश्रीफ	कागल
५	महिला राखीव	1	सौ. शौमिका अमल महाडीक	करवीर
५	महिला राखीव	2	सौ. अर्चना आनंदराव उर्फ ए. वाय. पाटील	राधानगरी

इतर महत्वाच्या बातम्या

Satej Patil: महायुतीचा सगळा कारभार मुंबईतून, उद्या गोकुळचा कारभारही मुंबईतूनच चालेल, म्हशीची धार कधी काढायची हे मुंबईत ठरू नये एवढीच अपेक्षा; सतेज पाटलांचा हल्लाबोल

Home Loan : रेपो रेट वाढताच बँकांनी व्याज दर वाढवले, गृहकर्जाचा हप्ता वाढणार, 4 मोठ्या बँकांकडून व्याज दरात वाढ

युवराज जाधव — Thu, 8 Oct 2026 18:11:26 +0530

नवी दिल्ली: रिझर्व्ह बँक ऑफ इंडियानं पतधोरणविषयक समितीच्या बैठकीनंतर काल रेपो रेटमध्ये वाढ केली आहे. रेपो रेट 0.25 टक्क्यांनी वाढवून 5.50 टक्के करण्यात आला आहे. आरबीआयनं रेपो रेटमध्ये वाढ केल्यानंतर त्याचे परिणाम आता दिसू लागले आहेत. सार्वजनिक क्षेत्रातील चार बँकांकडून रेपो रेटमध्ये वाढ होताच रेपो लिंक्ड कर्जाच्या व्याज दरात वाढ करण्यात आली आहे. यामुळं गृह कर्ज आणि इतर कर्जांचे व्याज दर वाढणार आहेत. तर, रेपो लिंक्ड व्याज दरावर ज्यांनी गृहकर्ज काढली आहेत, त्यांच्या हप्त्याची रक्कम वाढेल किंवा कर्जाचा कालावधी वाढू शकतो.

रिझर्व्ह बँक ऑफ इंडियानं फेब्रुवारी 2023 नंतर व्याज दरात वाढ केली आहे. आरबीआयनं फेब्रुवारी 2025 नंतर व्याज दरात कपात सुरु केली होती. रेपो रेट 6.50 टक्क्यांवरुन व्याज दर 5.25 टक्क्यांपर्यंत कमी झाला होता. आता पुन्हा रेपो रेटमध्ये वाढ करण्यात आली आहे. ज्यामुळं कर्ज देखील महागणार आहेत.

आरबीआयनं रेपो रेटमध्ये वाढ करताच पीएनबी, बँक ऑफ इंडिया, इंडियन बँक आणि बँक ऑफ बडोदाकडून रेपो लिंक्ड लोनच्या व्याज दरात वाड करण्यात आली आहे. यामुळं रेपो लिंक्ड व्याज दरावर कर्ज घेणाऱ्या कर्जदारांच्या ईएमआयमध्ये वाढ होण्याची शक्यता आहे किंवा कर्जाचा कालावधी वाढू शकतो.

पंजाब नॅशनल बँक आणि बँक ऑफ इंडियानं कर्जाच्या व्याज दरात वाढ केली आहे. या बँकांचा व्याज दर 8.10 टक्क्यांवरुन 8.35 टक्के करण्यात आला आहे. बँक ऑफ इंडियानं नव्या व्याज दर 7 ऑक्टोबरपासून लागू केला आहे. इंडियन बँकेनं आरबीएलआर दर 7.95 टक्क्यांवरुन वाढवून 8.20 टक्के केला आहे. बँक ऑफ बडोदानं देखील रिटेल लोनसाठी बीआरएलएलआर 8.15 टक्के केला आहे. हे दर 8 ऑक्टोबरपासून लागू आहेत.

रेपो रेट म्हणजे काय?

रिझर्व्ह बँक ऑफ इंडिया बँकांना ज्या व्याज दरानं पैसे देते त्याला रेपो रेट म्हणतात. जेव्हा आरबीआयकडून रेपो रेट वाढवला जातो तेव्हा बँकांना निधी जमा करण्यासाठी अधिक रक्कम खर्च करावी लागते. याचा परिणाम ग्राहकांवर होतो. ज्यामुळं त्यांचं गृहकर्ज किंवा इतर फ्लोटिंग रेट आधारित कर्ज महागते. बँका त्या स्थितीत ईएमआयची रक्कम वाढवतात अथवा ईएमआयची रक्कम तिच ठेवत, कर्जाचा कालावधी वाढवतात.

गृहकर्ज ज्यांनी घेतलं असेल त्यांनी बँकांना व्याज दरवाढीचा ईएमआयवर किंवा कर्जाच्या कालावधीवर काय परिणाम होईल, हे विचारलं पाहिजे. गृहकर्जदारांना शक्य असल्यास त्यांनी दरवर्षी प्रीपेमेंट केल्यास व्याजाची रक्कम कमी होऊ शकते. रेपो रेट वाढल्यानंतर इतर बँका देखील व्याज दरात वाढ करु शकतात.

CJP Protest In Bengaluru: बंगळुरात सीजेपीचे विराट आंदोलन, ध्रुव राठी, प्रकाश राज सामील; नरेंद्र मोदी व्होट चोर, SIR रद्द करा घोषणांनी फ्रीडम पार्क दणाणला, ज्ञानेश कुमारांच्या अटकेची मागणी

परशराम पाटील, एबीपी माझा — Thu, 8 Oct 2026 17:39:22 +0530

CJP stages a massive protest in Bengaluru: कॉकरोच जनता पक्षाने बंगळूरमधील फ्रीडम पार्कमध्ये आंदोलन केले. सीजेपीचे संस्थापक अभिजीत दीपके, युट्युबर ध्रुव राठी आणि अभिनेते प्रकाश राज यांनी एसआयआर रद्द करण्याची आणि मुख्य निवडणूक आयुक्त ज्ञानेश कुमार यांच्या राजीनाम्याची मागणी करत या आंदोलनात सहभाग घेतला. दीपके यांनी आंदोलकांकडून "नरेंद्र मोदी, मतचोर" आणि "एसआयआर रद्द करा" अशा घोषणा देत आपल्या भाषणाची सुरुवात केली. ते म्हणाले, "पंतप्रधान मोदींनी मते चोरून निवडणूक जिंकली. जिवंत लोकांना मृत घोषित करण्यात आले. ही लोकशाहीची हत्या आहे. भाजप 'एक राष्ट्र, एक निवडणूक' अशी घोषणा देते, पण त्यांचे ध्येय 'एक राष्ट्र, एक पक्ष' निर्माण करणे आहे."

दीपके यांनी याची तुलना हिटलरशी केली. ते म्हणाले, "2024 मध्ये भाजप आणि काँग्रेस यांच्या मतांच्या टक्केवारीत केवळ 2 टक्के चा फरक होता. भाजप 400 जागांचा टप्पा ओलांडण्याचा दावा करत होता. त्यामुळेच त्यांना निवडणुकीच्या निकालांचे आश्चर्य वाटले." दीपक पुढे म्हणाले, "नेहरू भारताचा कणा होते आणि ज्यांना मतदानाच्या हक्काची माहिती नव्हती, त्यांनाही त्यांनी तो हक्क दिला."

ज्ञानेश कुमार यांच्यावर गुन्हा दाखल केला पाहिजे

आपल्या भाषणात अभिनेते प्रकाश राज म्हणाले, "निवडणूक आयोगाने एसआयआरच्या माध्यमातून संपूर्ण देशाचा अपमान केला आहे. पूर्वी निवडणूक अधिकारी घरोघरी जाऊन नवीन मतदारांची नावे समाविष्ट करत असत, पण आता मतदारांना त्यांची नावे काढली जाऊ नयेत म्हणून अधिकाऱ्यांकडे विनवणी करावी लागते." प्रकाश राज म्हणाले की, पूर्वी सरकार कोण स्थापन करणार हे लोक ठरवत असत, पण एसआयआरच्या माध्यमातून सरकार ठरवत आहे की मतदान कोण करणार. नावे काढणे ही केवळ एक आकडेवारी नाही; यातून एक विशिष्ट पद्धत उघड होते, ज्यात अल्पसंख्याक, आदिवासी आणि मुस्लिम मतदारांचा समावेश आहे. ते म्हणाले की, या आंदोलनाचा उद्देश केवळ मुख्य निवडणूक आयुक्त ज्ञानेश कुमार यांना हटवणे नाही, कारण त्यांच्या जाण्यानंतर त्यांची जागा दुसरे कोणीतरी घेणार आहे. आमची मागणी आहे की एसआयआर रद्द करावा आणि ज्ञानेश कुमार यांच्यावर गुन्हा दाखल करावा. या मागण्या पूर्ण होईपर्यंत आंदोलन सुरूच राहील."

आंदोलनापूर्वी लोकांना ताब्यात घेतले जात आहे

अभिजीत दीपके यांनी बंगळूरमधील आंदोलनापूर्वी एका सोशल मीडिया पोस्टद्वारे सरकारवर निशाणा साधला. त्यांनी लिहिले, "तुमच्याकडे सत्ता असेल, पण रस्ते आमचे आहेत. आम्ही इथून आमची लोकशाही परत मिळवू." दुसऱ्या एका पोस्टमध्ये, त्यांनी दावा केला की 10 ऑक्टोबरच्या आंदोलनापूर्वी मोठ्या संख्येने लोकांना ताब्यात घेतले जात आहे. त्यांनी लिहिले, "लोकांना तुरुंगात टाकून विरोधाचा आवाज दाबला जाऊ शकतो, असे मोदींना वाटते." जेवढ्या जास्त लोकांना ताब्यात घेतले जाईल, तेवढे जास्त लोक आंदोलनात सामील होतील."

दिल्लीतील जंतर मंतर येथे सीजेपीचे आंदोलन

ज्ञानेश कुमार यांच्या राजीनाम्याच्या मागणीसाठी 'कॉकरोच पार्टी' 10 ऑक्टोबर रोजी दिल्लीत आंदोलन करणार आहे. 2 ऑक्टोबरच्या रात्री, दीपकेनं 'एक्स'वर पोस्ट करत म्हटले की, जर ज्ञानेश कुमार यांनी राजीनामा दिला नाही, तर देशभरातील झुरळे दिल्लीत पोहोचतील. त्याने असेही म्हटले की, जर दिल्ली पोलिसांनी आंदोलकांना जंतर मंतरपर्यंत पोहोचण्यापासून रोखले, तर त्यांना जिथे थांबवले जाईल तिथे जंतर मंतर उभारले जाईल.

इतर महत्वाच्या बातम्या

'बापू मोदी शाहांना सद्बुद्धी द्या..' इंडिया आघाडीचा सलग तिसऱ्या दिवशी ज्ञानेश कुमारांविरोधात एल्गार, राजघाटावर धरणे आंदोलन करणार

Nana Patekar Passed Away : नाना पाटेकर कोणत्या धर्माला मानत होते? ऐकाल तर तुम्हीही सॅल्यूट कराल

एबीपी माझा ब्युरो — Thu, 8 Oct 2026 17:35:43 +0530

नवी दिल्ली : भारतीय चित्रपटसृष्टीतील अत्यंत दिग्गज आणि अभ्यासू अभिनेते नाना पाटेकर (Nana Patekar) यांचे वयाच्या 75 व्या वर्षी गोव्यात निधन झाले. त्यांच्या अचानक जाण्याने बॉलीवूडसह राजकीय आणि सामाजिक वर्तुळात प्रचंड दुःख व्यक्त केलं जात आहे. नाना पाटेकर यांचे गोव्यात निधन झालं असून त्यांच्यावर पुण्यात अंत्यसंस्कार करण्यात येणार आहेत.

नाना पाटेकर हे केवळ एक उत्कृष्ट अभिनेतेच नव्हते, तर ते एक अत्यंत संवेदनशील आणि समाजभान जपणारे नागरिक होते. त्यांचा जन्म 1 जानेवारी 1951 रोजी मुरुड-जंजिरा येथे एका हिंदू मराठी कुटुंबात झाला. त्यांचे मूळ नाव 'विश्वनाथ पाटेकर' असे होते.

Nana Patekar Thoughts On Religion : "माणुसकी हाच आपला खरा धर्म"

नाना पाटेकर हे आयुष्यभर जात आणि धर्माच्या नावाखाली होणाऱ्या राजकारणाविरोधात उभे राहिले. त्यांनी नेहमीच माणुसकी आणि भारतीयत्वाला प्राधान्य दिले. 'वनवास' चित्रपटाच्या प्रमोशन दरम्यान त्यांनी ठामपणे सांगितले होते की, "आपण सर्वात आधी भारतीय आहोत आणि माणुसकी हाच आपला सर्वात मोठा धर्म आहे." हिंदू आणि मुस्लिम दोघांमध्येही कोणताच भेदभाव नसावा, असे त्यांचे स्पष्ट मत होते.

फेब्रुवारी 2016 मध्ये एका शाळेच्या कार्यक्रमात बोलताना ते म्हणाले होते, "आपण सर्व भारतीय आहोत आणि हाच आपला धर्म असला पाहिजे. शाळा-कॉलेजच्या फॉर्ममध्ये जात किंवा धर्म विचारण्याचा काहीही अर्थ नाही."

नाना पाटेकर यांचे स्पष्ट मत होते की आरक्षण हे केवळ आर्थिकदृष्ट्या मागासलेल्या घटकांनाच मिळाले पाहिजे. "जनतेने मला कधीही माझी जात न विचारता भरभरून प्रेम दिले आहे," असे ते नेहमी सांगायचे.

Nana Patekar Social Work : समाजसेवेत मोठे योगदान

चित्रपटांव्यतिरिक्त नाना पाटेकर यांनी महाराष्ट्रातील दुष्काळग्रस्त भागातील शेतकऱ्यांसाठी मोठे काम केले. अभिनेता मकरंद अनासपुरे यांच्यासोबत मिळून त्यांनी 'नाम' (NAAM) फाउंडेशनची स्थापना केली. आत्महत्याग्रस्त शेतकरी कुटुंबांना आर्थिक मदत देणे, त्यांच्या पुनर्वसनाची जबाबदारी घेणे आणि मराठवाड्यात पाणी अडवण्यासाठी सिमेंटचे बंधारे बांधणे यासारख्या कामांतून त्यांनी खऱ्या अर्थाने 'माणुसकीचा धर्म' पाळला. नाना पाटेकर यांच्या जाण्याने भारतीय कलाक्षेत्राने आणि समाजकारणाने एक खरा 'क्रांतिवीर' गमावला आहे.

ही बातमी वाचा:

Nana Patekar Passes Away: 'नटसम्राट' हरपला, ज्येष्ठ अभिनेते नाना पाटेकर यांचं निधन, 75व्या वर्षी घेतला अखेरचा श्वास...

कर्जाचा वाढता बोजा, सरकारकडे 2 कोटी 50 लाखांचं बिल प्रलंबित, वर्षभरापासून मंत्रालयात चकरा, अमरावतीत कंत्राटदारानं उचललं टोकाचं पाऊल

प्रणय निर्बाण, एबीपी माझा — Thu, 8 Oct 2026 16:41:43 +0530

Amravati News : अमरावती जिल्ह्यातून एक धक्कादायक बातमी समोर येत आहे. जरुड येथील कंत्राटदार सुनील वागद्रे (वय 42) यांनी आपल्या शेतातील आंब्याच्या झाडाला गळफास घेऊन जीवन संपवल्याची घटना घडली आहे. मिळालेल्या माहितीनुसार सुनील वागद्रे यांच्यावर खाजगी बँकेच 30 लाख, बँकेची सी सी 30 लाखांची तर बांधकामासाठी उसने घेतलेले 50 लाख रुपयांचे कर्ज होते. सरकारकडे 4 वर्षापासून 2 कोटी 50 लाख रुपयांचे बिल प्रलंबित आहे. गेल्या एका वर्षापासून ते मंत्रालयात चकरा मारत होते. पण काहीच निष्पन्न होत नसल्यामुळे टोकाचे पाऊल उचलल्याची चर्चा सुरु आहे.

शासनाच्या चुकीच्या आणि असमान निधी वाटप धोरणामुळे नैराश्यातून जीवन संपवल्याचा आरोप

अमरावती जिल्हा कंत्राटदार संघटना यांनी कंत्राटदार सुनील वागद्रे यांनी शासनाच्या चुकीच्या आणि असमान निधी वाटप धोरणामुळे नैराश्यातून जीवन संपवल्याचा गंभीर आरोप केला आहे. अमरावती जिल्हा कंत्राटदार संघटनेच्या वतीने मुख्यमंत्री देवेंद्र फडणवीस यांच्याकडे पत्राद्वारे मागणी केली आहे की, थकीत देयके त्वरित अदा करणे, सुनील वाघद्रे यांच्या आत्महत्येची नैतिक जबाबदारी शासनाने स्वीकारावी आणि त्यांच्या कुटुंबाला आर्थिक संकटातून बाहेर काढण्यासाठी त्यांची सर्व थकीत देयके तात्काळ, कोणत्याही विलंबाशिवाय देण्यात यावी अशी मागणी केली आहे.

हिंगोलीच्या आगीमधील जखमी अग्निशामन कर्मचाऱ्यांचा मृत्यू, मृतांचा आकडा तीन वर

हिंगोली शहरातल्या मारवाडी गल्लीमध्ये तीन दिवसापूर्वी घरात ठेवलेल्या फटाक्यांना आग लागल्याने दुर्घटना घडली होती. या दुर्घटनेत दोघांचा जागीच मृत्यू झाला होता तर 12 जण जखमी झाले होते. जखमीमध्ये हिंगोली पालिकेच्या अग्निशामन जगातील दिलीप दोडके या कर्मचाऱ्यांचा सुद्धा समावेश होता. त्यांच्यावर उपचार सुरू होते. मात्र, उपचारादरम्यान काल त्यांचा मृत्यू झालेला आहे. यामुळे आगीच्या या घटनेतील मृतांची संख्या तीन वर जाऊन पोहोचली असून मयताच्या कुटुंबीयांना प्रत्येकी पाच लाख रुपये आर्थिक मदतीची घोषणा शिवसेनेतर्फे करण्यात आलेली आहे.

दुचाकी अपघातात NSUI तालुकाध्यक्षाचा मृत्यू

भंडारा जिल्ह्यात भीषण अपघात झाल्याची घटना घडली आहे. दोन दुचाकीमध्ये झालेल्या भीषण अपघातात काँग्रेसच्या NSUI चे पवनी तालुकाध्यक्ष भारत मेश्राम यांचा उपचारादरम्यान मृत्यू झाला आहे. हा भीषण अपघात पवनी तालुक्यातील आसगाव इथं घडला. भीषण अपघातात गंभीर जखमी झाल्यानंतर भारत मेश्राम याला तातडीने नागपूर येथे उपचारासाठी हलविण्यात आलं होतं मात्र उपचारादरम्यान त्यांचा मृत्यू झाला. भारत मेश्राम हे एनएसयूआयचे पवनी तालुकाध्यक्ष होते या सोबतचं ते वैनगंगा कनिष्ठ महाविद्यालयात तासिका प्राध्यापक म्हणून कार्यरत होते. त्यांच्या अपघाती निधनानं राजकीय आणि महाविद्यालयीन वर्तुळात दुःखाचं वातावरण पसरलं आहे. दरम्यान, या भीषण अपघातात दोन दुचाकीवरील अन्य तीन जण गंभीर जखमी असून त्यांच्यावर उपचार सुरू आहे. घटनेचा अधिक तपास पवनी पोलिस करीत आहेत.

Gyanesh Kumar : ज्ञानेश कुमारांच्या समर्थनार्थ 42 निवृत्त न्यायाधीश-अधिकारी मैदानात, SIR प्रक्रियेचं समर्थन, देशवासियांना खुलं पत्र

एबीपी माझा ब्युरो — Thu, 8 Oct 2026 16:41:22 +0530

नवी दिल्ली : मुख्य निवडणूक आयुक्त ज्ञानेश कुमार आणि निवडणूक आयोगावर राजकीय पक्षांकडून होत असलेल्या आरोपांच्या पार्श्वभूमीवर देशातील 42 निवृत्त न्यायमूर्ती आणि निवृत्त वरिष्ठ अधिकाऱ्यांनी एकत्र येत देशवासीयांच्या नावाने एक अत्यंत महत्त्वाचे खुले पत्र (Open Letter) जारी केले आहे. भारतातील सर्वोच्च न्यायव्यवस्था आणि निवडणूक आयोगासारख्या स्वायत्त घटनात्मक संस्थांची प्रतिमा मलिन करण्यासाठी कोणताही पुरावा नसताना हेतुपुरस्सर मोहीम राबवली जात असल्याचा गंभीर आरोप या पत्रात करण्यात आला आहे. हे कृत्य जगातील सर्वात मोठ्या लोकशाहीला कमकुवत करण्याचे षडयंत्र असल्याचे मत या माजी न्यायाधीशांनी व्यक्त केले आहे.

Open Letter On SIR : 'SIR प्रक्रिया पूर्णपणे कायदेशीर'

मतदार यादीच्या विशेष संक्षिप्त पुनरीक्षण (SIR) प्रक्रियेवरून राजकीय पक्षांकडून उपस्थित केल्या जाणाऱ्या प्रश्नांवर या पत्रात स्पष्टीकरण देण्यात आले आहे. "SIR ची ही प्रक्रिया 1950 च्या कायद्यानुसार पूर्णपणे वैध आणि कायदेशीर आहे. मतदार यादीतून मृत, बोगस किंवा स्थलांतरित व्यक्तींची नावे हटवणे आणि नवीन पात्र नागरिकांची नावे समाविष्ट करणे हाच या प्रक्रियेचा एकमेव उद्देश आहे. सर्वोच्च न्यायालयानेही या प्रक्रियेला निष्पक्ष निवडणुकांसाठी योग्य ठरवले आहे. तरीही या प्रशासकीय प्रक्रियेला राजकीय षडयंत्र ठरवून जनतेमध्ये भ्रम पसरवला जात आहे," असे पत्रात नमूद करण्यात आले आहे.

Attacks On Constitutional Bodies : "निवडणूक हारल्यावर EVM वर खापर"

राजकीय पक्षांच्या दुटप्पी भूमिकेवर बोट ठेवताना माजी न्यायाधीशांनी पत्रात म्हटले आहे की, "राजकीय मंचांवरून निवडणूक आयोगाचे अधिकारी आणि न्यायालयांविरोधात अपमानास्पद भाषेचा वापर केला जात आहे. आरोप करणारे पक्ष पत्रकार परिषदेत तर मतचोरीचे दावे करतात, परंतु न्यायालयात प्रतिज्ञापत्र किंवा पुरावे देण्याची वेळ येते तेव्हा माघार घेतात."

"एखादा पक्ष निवडणूक हरला की तो इलेक्ट्रॉनिक व्होटिंग मशीनवर (EVM) शंका उपस्थित करतो, तर त्याच EVM च्या माध्यमातून मिळालेला विजय मात्र गुपचूप स्वीकारतो," असा थेट टोलाही या पत्रातून लगावण्यात आला आहे.

In an open letter, 42 former judges have expressed grave concern over attempts to undermine the Election Commission, judiciary and other constitutional institutions. The signatories have questioned allegations of “vote theft” without supporting evidence, warning that repeatedly branding constitutional authorities as “thieves” and “compromised” risks eroding public trust in democracy. “Criticism of institutions is a democratic right. Denigration is not,” the letter states.
— Press Trust of India (@PTI_News) October 8, 2026

Appeal To Citizens And Media : देशवासीयांना आणि राजकीय पक्षांना आवाहन

निवृत्त अधिकाऱ्यांनी देशवासीयांना सावध करताना सांगितले की, घटनात्मक संस्थांवरील जनतेचा विश्वास उडाला तर देशात अराजकता माजेल आणि देशविरोधी घटक याचा फायदा घेतील. या पत्रातून खालील मुख्य आवाहने करण्यात आली आहेत:

राजकीय पक्ष : निवडणुका जरूर लढा, पण घटनात्मक संस्थांची प्रतिष्ठा धुळीस मिळवू नका. तक्रारी केवळ पुराव्यांसहित न्यायालयात किंवा आयोगासमोर मांडा.

मीडिया : कोणतीही शहानिशा न करता केवळ अफवा आणि राजकीय विधानांना बातम्यांचे रूप देऊ नका.

नागरिक : कोणत्याही राजकीय दाव्यांवर डोळे झाकून विश्वास ठेवू नका. तथ्यांची तपासणी करा आणि आपल्या मतदानाच्या ताकदीवर विश्वास ठेवा.

ही बातमी वाचा:

Rahul Gandhi : ज्ञानेश कुमारांच्या राजीनाम्यासाठी दिल्लीत राडा सुरूच, राहुल गांधींसह इंडिया आघाडीचे खासदार आक्रमक, तिसऱ्या दिवशीही पोलिसांचा तगडा बंदोबस्त

'बापू मोदी शाहांना सद्बुद्धी द्या..' इंडिया आघाडीचा सलग तिसऱ्या दिवशी ज्ञानेश कुमारांविरोधात एल्गार, राजघाटावर धरणे आंदोलन करणार

परशराम पाटील, एबीपी माझा — Thu, 8 Oct 2026 16:23:04 +0530

India Alliance: गेल्या दोन दिवसांपासून दिल्लीतील राजकीय वातावरण एकाच साच्यात आहे. काँग्रेस अध्यक्ष खर्गे विरोधी पक्षाच्या खासदारांना जेवणासाठी आमंत्रित करतात, खासदार जेवतात आणि मग बसने निघून जातात. फरक एवढाच आहे की, बुधवारी हे ठिकाण जंतर मंतर होते, तर गुरुवारी राजघाट. काल, धरणे आंदोलन करण्याचा प्रयत्न करत असताना राहुल आणि प्रियांका यांना पोलिसांनी ताब्यात घेतले; आज काय होईल हे पुढच्या काही तासांत कळेल. राहुल यांनी दावा केला आहे की, ३०० खासदार त्यांच्यासोबत आहेत.

राजधानी दिल्लीत इंडिया आघाडीने सलग तिसऱ्या दिवशी एल्गार केला आहे. ज्ञानेशकुमारांविरोधात फास आणखी आवळताना आज समाजवादी पक्षाने सुद्धा आंदोलनात सहभाग घेतला आहे. काँग्रेस अध्यक्ष मल्लिकार्जुन खरगे म्हणाले की, सरकारला सुबुद्धी मिळावी यासाठी ते राजघाटावर प्रार्थना करतील. राहुल म्हणाले की, त्यांना धरणे आंदोलन करण्यापासून रोखले जात आहे. राजघाटावर अनेक काँग्रेस कार्यकर्ते आधीच घोषणाबाजी करत आहेत. मोठा पोलीस बंदोबस्तही तैनात करण्यात आला आहे. पोलिसांनी भारतीय नागरी सेवा संहितेचे (BNSS) कलम 163 लागू केले आहे, जे पाचपेक्षा जास्त लोकांच्या एकत्र येण्यावर बंदी घालते.

इंडिया आघाडीचे खासदार राजघाटकडे रवाना

विरोधी पक्षांच्या खासदारांच्या दुसऱ्या भोजन बैठकीनंतर, लोकसभेतील विरोधी पक्षनेते राहुल गांधी आणि राज्यसभेतील विरोधी पक्षनेते मल्लिकार्जुन खरगे हे इंडिया आघाडीच्या खासदारांसह बसने गांधी स्मृती येथे आंदोलनासाठी रवाना झाले. मल्लिकार्जुन खरगे म्हणाले की, इंडिया आघाडीचे नेते गांधी स्मारकावर जाऊन शांततापूर्ण आंदोलन करतील. ते म्हणाले की, भाजप सरकार, विशेषतः पंतप्रधान नरेंद्र मोदी आणि केंद्रीय गृहमंत्री अमित शाह यांना त्यांचे निर्णय राष्ट्रहिताचे नाहीत, हे समजावे यासाठी तेथे प्रार्थना केली जाईल. मतचोरी, वाढती महागाई, तरुणांच्या समस्या आणि इतर संकटे जनहिताच्या विरोधात आहेत. त्यांनी आरोप केला की, जवाहरलाल नेहरू, महात्मा गांधी आणि सरदार पटेल यांसारख्या नेत्यांनी देशासाठी मिळवलेले हक्क आणि स्वातंत्र्य सरकार काढून घेण्याचा प्रयत्न करत आहे.

राहुल गांधी म्हणाले, 300 खासदार आमच्यासोबत

राहुल गांधी म्हणाले की, 300 हून अधिक खासदार आमच्यासोबत आहेत. आम्हाला शांततापूर्ण आंदोलन करायचे आहे. ज्यांनी संविधान नष्ट केले आहे, त्यांच्यावर खटला चालवला जाईल.

इतर महत्वाच्या बातम्या

Rahul Gandhi : ज्ञानेश कुमारांच्या राजीनाम्यासाठी दिल्लीत राडा सुरूच, राहुल गांधींसह इंडिया आघाडीचे खासदार आक्रमक, तिसऱ्या दिवशीही पोलिसांचा तगडा बंदोबस्त

Heart Health: हृदयाचे पंपिंग सामान्य म्हणजे धोका कमी की जास्त? जाणून घ्या EF किती असणं योग्य

भाग्यश्री कांबळे — Thu, 8 Oct 2026 16:16:53 +0530

Heart Health: हृदयविकाराबाबत (Heart health) सर्वात मोठा गैरसमज असा की, हृदयाचे पंपिंग (Heart Health) कार्य 'सामान्य' (Heart Pumping) असल्यास धोका कमी असतो. इजेक्शन फ्रॅक्शन (ईएफ) सामान्य किंवा किंचित कमी असलेल्या हृदयविकारात (ईएफपीईएफ/एचएफएमआरईएफ), इकोकार्डिओग्रामवर हृदयाचे कार्य सामान्य दिसू शकते. परंतु, रुग्णांना श्वास घेण्यास त्रास होतो, त्यांना वारंवार रुग्णालयात दाखल व्हावे लागते आणि हृदयविकारामुळे मृत्यूचा खूप धोका असतो. हृदयविकाराच्या (Heart Attack) जवळपास निम्म्या रुग्णांचा या श्रेणीत समावेश होतो आणि त्यांचे इजेक्शन फ्रॅक्शन ≥४०% असते, परंतु अनेक रुग्णांचे निदान होत नाही किंवा त्यांच्यावर वर्षानुवर्षे अपुरा उपचार केला जातो.

भारतातील हृदयविकाराचा भार वाढतच आहे. सुमारे 1.3 दशलक्ष ते 22.7 दशलक्ष लोकांना हृदयविकाराचा त्रास होतो. दरवर्षी 1.8 दशलक्ष नवीन रुग्णांचे निदान होते. भारतीय रुग्णांमध्ये उच्च-उत्पन्न असलेल्या देशातील रुग्णांच्या तुलनेत जवळपास एक दशक आधी हृदयविकार होण्याची प्रवृत्ती असते. त्यामुळे आजारपणाचा भार जास्त काळ टिकतो आणि कामाच्या वयात त्यांना वारंवार रुग्णालयात दाखल व्हावे लागते.

इजेक्शन फ्रॅक्शन अबाधित असले तरीही धोका कमी नाही (Why Normal Heart Pumping Does Not Always Mean Low Risk)

ईएफपीईएफ/एचएफएमआरईएफ असलेल्या रुग्णांमध्ये दीर्घकालीन दाह, फायब्रोसिस आणि उच्च रक्तदाब, मधुमेह आणि लठ्ठपणा अशा जुन्या आजारांमुळे डावे निलय (व्हेंट्रिकल) अनेकदा जाड, कडक आणि कमी लवचिक बनते. हृदय सामान्यपणे आकुंचन पावत असले आणि 2डी इको हार्ट टेस्टमध्ये तुलनेने अबाधित इजेक्शन फ्रॅक्शन राखत असले, तरी डायस्टोलच्या काळात म्हणजेच दोन ठोक्यांच्या मधल्या वेळेत हृदय रक्ताने भरण्याच्या अवस्थेत ते कार्यक्षमतेने शिथिल होण्याची क्षमता गमावते. परिणामी, रक्ताभिसरण चालू ठेवण्यासाठी निलयाला जास्त फिलिंग प्रेशरची आवश्यकता असते.

डाव्या वेंट्रिक्युलर फिलिंग प्रेशरमधील ही वाढ डाव्या अॅट्रियम आणि फुफ्फुसांमधील दाब हळूहळू वाढवते. त्यामुळे फुफ्फुसांमध्ये रक्त साठणे, धाप लागणे, थकवा, व्यायामाची क्षमता कमी होणे आणि दैनंदिन कामांमध्येही शरीरात पाणी साठणे अशा समस्या उद्भवतात. त्यामुळे अनेकदा रुग्ण गोंधळून जातात. त्यांना लक्षणे असूनही त्यांच्या हृदयाचे कार्य "सामान्य" असल्याचे सांगितले जाते. संरक्षित ईएफचा अर्थ कमी धोका असा होत नाही. ईएफपीईएफ/एचएफएमआरईएफमधील रुग्णालयात दाखल होण्याचे आणि मृत्यूचे प्रमाण कमी ईएफ असलेल्या हार्ट फेल्युअरच्या तुलनेत सारखेच राहते आणि प्रत्येक वेळी रुग्णालयात दाखल झाल्याने दीर्घकालीन हृदय व रक्तवाहिन्यांसंबंधीचा धोका आणखी वाढतो. निदान होण्यासही अनेकदा उशीर होतो कारण लक्षणे वाढते वय, लठ्ठपणा, मधुमेह आणि फुफ्फुसांच्या आजारांशी मिळतीजुळती असतात, तर नेहमीच्या तपासणीत डायस्टोलिक डिसफंक्शन नेहमीच वेळेवर लक्षात येत नाही.

हृदय-मूत्रपिंड-चयापचय यांचा संबंध

एचएफपीईएफ क्वचितच एकटे आढळते. अनेक रुग्ण मधुमेह, दीर्घकालीन मूत्रपिंड विकार, लठ्ठपणा किंवा उच्च रक्तदाब यांसारख्या समस्यांनी ग्रस्त असतात. भारतात आधीच 10 कोटींहून अधिक प्रौढ मधुमेही आहेत आणि त्यापैकी 40% लोकांना त्यांच्या आयुष्यात दीर्घकालीन मूत्रपिंड विकार होऊ शकतो. सुमारे 40% हार्ट फेल्युअरच्या रुग्णांमध्ये मूत्रपिंडाचे कार्य बिघडलेले आढळते. या गोष्टी दाह आणि तंतुमय ऊतींच्या निर्मितीमुळे एकमेकांशी जोडलेल्या आहेत. त्यामुळे हळूहळू हृदय आणि मूत्रपिंड या दोन्हींचे नुकसान होते.

फायब्रोसिस म्हणजेच ऊतींवर असामान्य व्रण तयार होतात. त्यामुळे हृदय कडक होते आणि मूत्रपिंडांची योग्यरित्या गाळण्याची क्षमता कमी होते. त्याचा परिणाम म्हणून एक असे चक्र निर्माण होते, ज्यात मूत्रपिंडाचा आजार बळावल्याने हृदयावरील ताण वाढतो, तर हृदयविकारामुळे मूत्रपिंडाच्या कार्याला आणखी नुकसान पोहोचते. पूर्वी ईएफ ≥40% असलेल्या रुग्णांवरील उपचार मुख्यत्वे लक्षणांवर नियंत्रण ठेवण्यावर केंद्रित होते, कारण कमी ईएफ असलेल्या हृदयविकारात यशस्वी ठरलेल्या उपचारांमुळे ईएफपीईएफ/एचएफएमआरईएफच्या परिणामांमध्ये सातत्याने सुधारणा होत नव्हती. डॉक्टरांना अनेकदा शरीरातील अतिरिक्त द्रव, रक्तदाब आणि मधुमेह यांचे व्यवस्थापन करावे लागत असे तर दुसरीकडे हृदय व रक्तवाहिन्यांसंबंधीचा धोका जास्तच राहत असे.

प्रगत उपचारांकडे कल

अलीकडच्या वर्षांत एचएफपीईएफबद्दलची समज सुधारली आहे. आता उपचार केवळ लक्षणांवर नियंत्रण ठेवण्यापलीकडे जाऊन आजाराच्या प्रगतीस कारणीभूत ठरणारी जळजळ आणि फायब्रोसिस यांना लक्ष्य करत आहेत.

नवीन नॉन-स्टेरॉइडल सिलेक्टिव्ह मिनरलोकॉर्टिकॉइड रिसेप्टर अँटागोनिस्ट्स रिसेप्टरच्या अतिसक्रियतेला अवरोधित करतात. ते हृदय आणि मूत्रपिंड या दोन्हींवर परिणाम करणाऱ्या जळजळ आणि फायब्रोसिसचे एक प्रमुख कारण आहे. हे दुहेरी संरक्षण विशेषतः भारतात महत्त्वाचे आहे. कारण इथे बरेचदा हृदयविकार, मधुमेह आणि दीर्घकालीन मूत्रपिंड विकार हे आजार एकत्र आढळतात.

या रुग्णांसाठी आता प्रगत उपचार पर्याय उपलब्ध असल्याने लवकर निदान, वेळेवर उपचार आणि डॉक्टरांचा नियमित सल्ला घेतल्यास हृदय आणि मूत्रपिंडाचे दीर्घकालीन आरोग्य सुधारण्यास मदत होऊ शकते आणि भारतात हृदय आणि रक्तवाहिन्यांसंबंधी काळजीसाठी अधिक सक्रिय दृष्टिकोन ठेवण्यास पाठिंबा मिळू शकतो.

- डॉ. जगदीश हिरेमठ, वरिष्ठ इंटरव्हेंशनल कार्डिओलॉजिस्ट, पुणे

महत्त्वाच्या इतर बातम्या:

नाना पाटेकर यांचं निधन, सिनेसृष्टी हळहळली; Me Too चे आरोप करणारी तनुश्री दत्ता म्हणाली...

Layoffs : 1 लाख कर्मचाऱ्यांच्या नोकऱ्या जाणार, वाहन क्षेत्रातील लोकप्रिय कंपनीनं मोठा निर्णय घेतला, लेऑफची प्रक्रिया सुरु

युवराज जाधव — Thu, 8 Oct 2026 16:07:15 +0530

नवी दिल्ली : जर्मनीतील लोकप्रिय कार कंपनी फॉक्सवॅगनने 2030 पर्यंत जगभरात आणखी 50 हजार नोकऱ्या संपवण्याचा निर्णय घेतला आहे. पहिल्या टप्प्यात कंपनीनं कर्मचाऱ्यांच्या यूनियन सोबत झालेल्या समझोत्यानुसार आणि मार्च 2026 पर्यंतच्या योजनांनुसार जवळपास 50 हजार पदं हळू हळू संपवण्यावर सहमती करण्यात आली होती. यासह काही कर्मचाऱ्यांसोबत स्वेच्छानिवृत्ती आणि निवृत्तीच्या करारांवर स्वाक्षऱ्या देखील झाल्या आहेत.

आता दुसऱ्या टप्प्यात सप्टेंबर 2026 नुसार कंपनीच्या पर्यवेक्षणात्मक बोर्डानं आणखी 50 हजार नोकऱ्यांची कपात करण्यास मंजुरी दिली आहे. म्हणजेच कंपनीकडून जवळपास 1 लाख कर्मचाऱ्यांना कामावरुन काढलं जाणार आहे. एकाच वेळी एक लाख कर्मचाऱ्यांना कामावरुन काढलं जाणार नाही. हा कंपनीच्या फ्युचर प्लान 2030 चा भाग आहे. कंपनी हळू हळू पुढील चार वर्षात मनुष्यबळात कपात करणार आहे. फॉक्सवॅगन सध्या संकटात असून 90 वर्षात पहिल्यांदा फेररचनेचा सामना करत आहेत.

कंपनीसमोर मोठी आव्हानं

फॉक्सवॅगननं कर्मचारी कपातीचा निर्णय घेतला आहे याचा परिणाम कंपनीच्या एकूण 15 टक्के कर्मचाऱ्यांवर होऊ शकतो. कंपनीच्या इलेक्ट्रिक कारची कमी झालेली मागणी, अमेरिकन टॅरिफ, चिनी कार उत्पादकांकडून वाढलेली स्पर्धा याचा सामना करावा लागत आहे. फॉक्सवॅगन बाजारातील सद्यस्थितीपाहून त्यांच्या कर्मचाऱ्यांची संख्या आणि उत्पादनक्षमता कमी करण्याचा प्रयत्न करत आहे. कंपनी कर्मचारी कपातीद्वारे त्यांच्या इतिहासातील सर्वात मोठ्या फेररचनेच्या दिशेनं पावलं टाकत आहे.

कंपनी कामगार कपात का करतेय?

फॉक्सवॅगन या कंपनीवर सध्या अनेक कारणांमुळं दबाव आहे. यूरोपमधील इलेक्ट्रिक कारच्या विक्रीत अपेक्षेप्रमाणं तेजी दिसत नाही. चीनच्या कंपन्यांकडून भक्कम स्पर्धक म्हणून स्थान निर्माण करण्यात आलं आहे. जर्मनीत उत्पादन खर्च अधिक आहे, याशिवाय अमेरिकन टॅरिफचा दबाव देखील कंपनीवर आहे.

अमेरिकेनं यूरोपियन यूनियनकडून आयात होणाऱ्या कार आणि ट्रकवरील टॅरिफ 25 टक्क्यांवरुन वाढवून 30 टक्के करण्यात आला आहे. फॉक्सवॅगनचे सीईओ ऑलिव्हर ब्लूम यांच्यामते अमेरिकन टॅरिफच्या नियमांनुसार कंपनीच्या वार्षिक ऑपरेटिंग प्रॉफिटमध्ये 5 अब्ज यूरोचं थेट नुकसान होत आहे. फॉक्सवॅगनच्या तुलनेत अलिशान ब्रँड पोर्शेला टॅरिफमुळं अधिक नुकसान होत आहे. या अडचणींमुळं फॉक्सवॅगनकडून खर्चात कपात करण्यासोबत कामकाज अधिक कौशल्यपूर्ण करण्याचा प्रयत्न आहे.

Janai Bhosle On Nana Patekar: नाना पाटेकरांच्या निधनानंतर आशा भोसलेंची नात हळहळली; भावूक होऊन म्हणाली... VIDEO

भाग्यश्री कांबळे — Thu, 8 Oct 2026 15:55:39 +0530

Janai Bhosle on Nana Patekar Death: सिनेसृष्टीतील 'नटसम्राट' (NatSamrat) अर्थात नाना पाटेकर यांचं निधन (Nana Patekar Death) झालं आणि मनोरंजनसृष्टीवर (Bollywood) दु:खाचा डोंगर कोसळला. नाना पाटेकर यांच्या निधनाची बातमी त्यांचा मुलगा मल्हार पाटेकर यांनी दिली. वयाच्या 75 व्या वर्षी निधन झालं असल्याची माहिती समोर येताच, त्यांचे चाहते, नेते मंडळी तसेच सेलिब्रिटींनी श्रध्दांजली वाहिली. नाना पाटेकर यांच्यावर आज, पुण्यातील डोणजे (Pune) या गावातील फार्महाऊसवर अंत्यसंस्कार होणार आहे. शासकीय इतमामात त्यांच्यावर अंत्यसंस्कार होणार आहे. रितेश देशमुख ते अक्षय कुमार यांनी सोशल मीडियावर पोस्ट शेअर करुन श्रद्धांजली वाहिली आहे. त्यांच्यासोबतच्या जुन्या आठवणींना उजाळा दिला आहे. दरम्यान, सूरसम्राज्ञी आशा भोसले (Asha Bhosle) यांची नात जनाई भोसले हिची प्रतिक्रिया समोर आली आहे. पापाराझींशी चर्चा करताना तिने ही प्रतिक्रिया दिली आहे.

नाना पाटेकरांच्या निधनावर जनाई भोसलेची प्रतिक्रिया (Nana Patekar Death Asha Bhosle Granddaughter Janai Bhosle Reaction)

View this post on Instagram

A post shared by Rohit Saraiya (@rohitsaraiya.official)

आशा भोसले यांची नात जनाई भोसले हिचा एक व्हिडीओ सध्या सोशल मीडियात व्हायरल होत आहे. या व्हिडीओत पापाराझींनी जनाई भोसलेंना काही प्रश्न विचारले. पापाराझींनी तिला, 'नाना पाटेकर आज आपल्यात नाहीत', त्यांच्या निधनावर प्रश्न विचारला. यावर जनाई भोसलेनं प्रतिक्रिया दिली आहे, तसेच शोक व्यक्त केला आहे. जनाई भोसले म्हणाली, 'नाना पाटेकर यांच्या निधनाबद्दल सकाळी कळालं. खूप दु:ख झालं. खूप कमी वयात लोक सोडून जात आहेत. 75 वय हे खूप कमी आहे. कसं झालं कळत नाही. आज खूप दु:ख झालं', असं जनाई भोसले म्हणाली. सध्या जनाई भोसलेचा व्हिडीओ सोशल मीडियात व्हायरल होत आहे. नेटकऱ्यांनी जनाई भोसलेच्या व्हिडीओवर कमेंट करुन नाना पाटेकर यांच्यावर श्रद्धांजली वाहिली.

नाना पाटेकरांच्या निधनावर सिद्धार्थ जाधव काय म्हणाला?

'सकाळीच पद्मश्री नाना पाटेकर सर यांच्या निधनाची बातमी कळली. आज नाना सर आपल्यात नाही, यावर विश्वास बसत नाहीये. उत्तम कलाकार, कमाल माणूस, सर्वांना प्रोत्साहन देणारे... त्यांच्या कामातून एक वेगळीच उर्जा मिळायची. खूप वाईट वाटतंय, शब्दांत व्यक्त होणं कठीण आहे. एवढंच म्हणेन मी या इंडस्ट्रीचा भाग आहे, जिथे नाना सरांसारख्या मोठा कलाकारांचा वावर होता', असं सिद्धार्थ जाधव म्हणाले.

महत्त्वाच्या इतर बातम्या:

Health Tips : 60 वर्षांनंतर कार्डियाक अरेस्टचा धोका कमी करण्यासाठी ज्येष्ठांनी कोणती काळजी घ्यावी?

एबीपी माझा वेब टीम — Thu, 8 Oct 2026 15:54:00 +0530

Health Tips : देशभरात ज्येष्ठ नागरिकांमध्ये हृदयाशी संबंधित समस्या वाढत आहेत. त्यामुळे 60 वर्षांनंतर अचानक येणाऱ्या कार्डियाक अरेस्टचा धोका कमी करण्यासाठी ज्येष्ठांनी काही महत्त्वाच्या गोष्टींची काळजी घेणे गरजेचे आहे. तज्ज्ञांच्या मते, नियमित तपासणी आणि निरोगी जीवनशैलीचा अवलंब केल्याने हृदय निरोगी ठेवण्यास मदत होऊ शकते.

वय वाढत असताना कार्डियाक अरेस्ट किंवा हार्ट अटॅकचा धोका देखील वाढू शकतो. त्यामुळे 60 वर्षांपेक्षा जास्त वयाच्या व्यक्तींनी वेळोवेळी हृदयाची तपासणी करून घेणे आणि निरोगी जीवनशैलीचा अवलंब करणे खूप महत्त्वाचे आहे. केवळ वाढते वय हे हृदयाच्या आजाराचे कारण नाही. उच्च रक्तदाब, वाढलेले कोलेस्ट्रॉल, मधुमेह, व्यायामाचा अभाव तसेच छातीत दुखणे किंवा श्वास घेण्यास त्रास होणे यांसारखी लक्षणे दुर्लक्षित केल्यानेही हृदयाला धोका निर्माण होऊ शकतो.

त्यामुळे प्रत्येकाने, विशेषतः ज्येष्ठ नागरिकांनी, हृदय निरोगी ठेवण्यासाठी संतुलित आहार आणि निरोगी जीवनशैलीचा अवलंब करणे आवश्यक आहे.

हृदय निरोगी ठेवण्यासाठी 'या' महत्त्वाच्या गोष्टी लक्षात ठेवा

ब्लड प्रेशर, कोलेस्ट्रॉल आणि मधुमेह नियंत्रणात ठेवा :

उच्च रक्तदाब, वाढलेले कोलेस्ट्रॉल आणि मधुमेह यांसारख्या समस्या योग्य पद्धतीने नियंत्रणात ठेवल्या नाहीत, तर कालांतराने त्या हृदयाला आणि शरीरातील रक्तवाहिन्यांना नुकसान पोहोचवू शकतात. अनेक वेळा या समस्यांची लक्षणे सुरुवातीला स्पष्टपणे दिसत नाहीत आणि शरीराला आतून नुकसान होत राहते.

त्यामुळे ज्येष्ठ नागरिकांनी नियमितपणे ब्लड प्रेशर, ब्लड शुगर आणि कोलेस्ट्रॉलची तपासणी करून घ्यावी. डॉक्टरांनी सांगितलेली औषधे वेळेवर घ्यावीत. डॉक्टरांचा सल्ला न घेता औषधे बंद करू नयेत किंवा त्यांच्या डोसमध्ये बदल करू नये.

हृदयाची नियमित तपासणी करून घ्या :

60 वर्षांपेक्षा जास्त वयाच्या व्यक्तींनी डॉक्टरांच्या सल्ल्यानुसार नियमितपणे ब्लड प्रेशर, ब्लड शुगर/HbA1c आणि कोलेस्ट्रॉलची तपासणी करून घ्यावी.

हृदयाची धडधड वाढणे किंवा अनियमित होणे, छातीत दुखणे किंवा अस्वस्थ वाटणे, चक्कर येणे किंवा श्वास घेण्यास त्रास होणे अशी लक्षणे दिसल्यास डॉक्टर ECG करण्याचा सल्ला देऊ शकतात.

हृदयाची रचना किंवा हृदय योग्य प्रकारे काम करत नसल्याचा डॉक्टरांना संशय असल्यास इकोकार्डियोग्राम देखील केला जाऊ शकतो. वेळेवर तपासणी केल्यामुळे हृदयाशी संबंधित समस्या लवकर ओळखण्यास मदत होऊ शकते.

डॉक्टरांच्या सल्ल्यानुसार औषधे घ्या :

उच्च रक्तदाब, ब्लड शुगर आणि कोलेस्ट्रॉल नियंत्रणात ठेवण्यासाठी डॉक्टरांनी सांगितलेली औषधे नियमितपणे घ्यावीत. औषधांचा कोणताही डोस आपल्या मनाने चुकवू नये.

डॉक्टरांना न सांगता कोणतीही नवीन औषधे सुरू करू नयेत किंवा सुरू असलेली औषधे बंद करू नयेत. एखाद्या औषधामुळे त्रास होत असल्यास किंवा औषधांबाबत काही प्रश्न असल्यास डॉक्टरांशी चर्चा करावी.

दररोज शारीरिक हालचाल करा :

ज्येष्ठ नागरिकांनी जास्त वेळ एकाच ठिकाणी बसून राहणे किंवा सतत झोपून राहणे टाळावे. दररोज थोडे चालणे, फिरणे आणि हलके स्ट्रेचिंग करणे शरीरासाठी फायदेशीर ठरू शकते.

नियमित शारीरिक हालचालीमुळे हृदयाची कार्यक्षमता चांगली ठेवण्यास, स्नायू मजबूत ठेवण्यास आणि शरीराची हालचाल कायम ठेवण्यास मदत होऊ शकते. यामुळे ज्येष्ठांना दैनंदिन कामे करण्यासही मदत मिळू शकते.

मात्र, ज्येष्ठ नागरिकांनी खूप जास्त किंवा कठीण व्यायाम करू नये. कोणताही नवीन व्यायाम किंवा फिटनेस रूटीन सुरू करण्यापूर्वी डॉक्टरांचा सल्ला घेणे आवश्यक आहे. स्ट्रेंथ ट्रेनिंग किंवा योग करायचा असल्यास तो तज्ज्ञांच्या मार्गदर्शनाखाली करणे अधिक योग्य आहे.

हृदयाशी संबंधित धोक्याची लक्षणे दुर्लक्षित करू नका :

छातीत दुखणे किंवा दाब जाणवणे, अचानक श्वास घेण्यास त्रास होणे, बेशुद्ध पडणे, कोणतेही स्पष्ट कारण नसताना खूप अशक्तपणा जाणवणे, हृदयाची धडधड अचानक वाढणे किंवा अनियमित होणे आणि अचानक चक्कर येणे यांसारखी लक्षणे केवळ वाढत्या वयामुळे होत आहेत असे समजून दुर्लक्षित करू नयेत.

अशी लक्षणे दिसल्यास डॉक्टरांशी संपर्क साधणे आवश्यक आहे. ही लक्षणे वेळेवर ओळखणे आणि योग्य वेळी डॉक्टरांचा सल्ला घेणे खूप महत्त्वाचे आहे.

ज्येष्ठ नागरिकांनी हृदय निरोगी ठेवण्यासाठी आणि हृदयाशी संबंधित समस्यांचा धोका कमी करण्यासाठी नियमित आरोग्य तपासणी करून घ्यावी, डॉक्टरांच्या सल्ल्याचे पालन करावे, औषधे वेळेवर घ्यावीत आणि आपल्या क्षमतेनुसार नियमित शारीरिक हालचाल करावी.

- डॉ. शंकर माचिगर, कार्डिओलॉजिस्ट, अपोलो स्पेक्ट्रा हॉस्पिटल, मुंबई

इतर महत्त्वाच्या बातम्या :

Health: चेहऱ्याला स्पर्श करताना भीती का वाटते? वारंवार होणाऱ्या वेदनांचा रोजच्या आयुष्यावर काय परिणाम होतो? तज्ज्ञ सांगतात..

Rahul Gandhi : ज्ञानेश कुमारांच्या राजीनाम्यासाठी दिल्लीत राडा सुरूच, राहुल गांधींसह इंडिया आघाडीचे खासदार आक्रमक, तिसऱ्या दिवशीही पोलिसांचा तगडा बंदोबस्त

एबीपी माझा ब्युरो — Thu, 8 Oct 2026 15:53:41 +0530

नवी दिल्ली : देशाचे मुख्य निवडणूक आयुक्त ज्ञानेश कुमार यांच्या राजीनाम्यासाठी सलग तिसऱ्या दिवशी दिल्लीमध्ये राडा सुरू आहे. सलग दोन दिवस दिल्ली पोलिसांनी ताब्यात घेतल्यानंतर तिसऱ्या दिवशीही राहुल गांधी हे आक्रमक पवित्र्यात आहेत. महात्मा गांधी यांचे स्मारक असलेल्या राजघाट या ठिकाणी आता इंडिया आघाडीचे खासदार आंदोलन करणार आहेत. ज्ञानेश कुमार यांनी राजीनामा द्यावा, यासाठी हे आंदोलन सुरू आहे.

मुख्य निवडणूक आयुक्त ज्ञानेश कुमार यांनी देशातील लोकशाही संपवली. पंतप्रधान नरेंद्र मोदी, अमित शाहांच्या मदतीने त्यांनी लोकशाही संपवल्याचा आरोप राहुल गांधी यांनी केला. त्यामुळे ज्ञानेश कुमार यांनी राजीनामा द्यावा अशी मागणी त्यांनी केली असून त्यासाठी इंडिया आघाडी चांगलंच आक्रमक झाल्याचं चित्र आहे.

दिल्लीमध्ये गेल्या दोन दिवसांपासून राहुल गांधी यांच्या नेतृत्वाखाली इंडिया आघाडीचे आंदोलन सुरू आहे. मंगळवारी राहुल गांधी यांच्यासह अनेक खासदार केंद्रीय निवडणूक आयोगाच्या कार्यालयाच्या दिशेने निघाले. मात्र पोलिसांनी त्यांना अडवल्यानंतर राहुल गांधींनी आकाशवाणी भवनमध्ये ठिय्या मांडला. तब्बल आठ तासांनंतर पोलिसांनी त्यांना ताब्यात घेतलं.

दुसऱ्या दिवशी, म्हणजे बुधवारी काँग्रेसचे राष्ट्रीय अध्यक्ष मल्लिकार्जुन खर्गे यांनी इंडिया आघाडीच्या खासदारांना स्नेहभोजनासाठी आमंत्रण दिलं होतं. त्यानंतर हे सर्व खासदार दिल्लीतील जंतर मंतर मैदानाच्या दिशेने निघाले. ज्ञानेश कुमार यांनी राजीनामा द्यावा या मागणीसाठी ते आंदोलन करण्याच्या पवित्र्यात होते. मात्र त्याआधीच पोलिसांनी त्यांना अडवलं आणि पुन्हा राहुल गांधी, प्रियंका गांधी यांच्यासह इंडिया आघाडीच्या खासदारांना ताब्यात घेतलं.

आज राजघाटावर आंदोलन

सलग दोन दिवस दिल्ली पोलिसांनी ताब्यात घेतल्यानंतर आज पुन्हा एकदा इंडिया आघाडीचे खासदार एकवटले आणि राजघाटाच्या दिशेने निघाले. ज्ञानेश कुमार यांनी राजीनामा द्यावा यासाठी जवळपास 300 खासदार हे शांततेत आंदोलन करणार असल्याचं राहुल गांधी म्हणाले.

गेल्या दोन दिवसांपासून सरकार आपल्याला आंदोलन करू देत नाही. नरेंद्र मोदी, अमित शाह आणि ज्ञानेश कुमार यांनी व्होट चोरी करून देशातील लोकशाही संपवली, या सगळ्यांना शिक्षा मिळणारच, असा इशारा यावेळी राहुल गांधी यांनी केला.

इंडिया आघाडीच्या मागण्या काय आहेत?

मुख्य निवडणूक आयुक्त ज्ञानेश कुमार यांना हटवण्यासाठी संसदेत प्रस्ताव आणावा.
SIR प्रक्रियेतून मतदार यादीतून वगळण्यात आलेली नावे सार्वजनिक करावीत.
नावे वगळण्यापूर्वी मतदाराला नोटीस आणि अपील करण्याची संधी मिळावी.
ईव्हीएम ऐवजी मतपत्रिकेद्वारे निवडणुका घेण्यात याव्यात.

ही बातमी वाचा:

Jantar Mantar Protest Rules : जंतर-मंतरवर आंदोलन करायचं असेल तर 10 दिवस आधी परवानगी बंधनकारक, 50 हजारांपेक्षा जास्त गर्दी असल्यास थेट 'बुरारी'

Praful Patel : 'एकनाथ शिंदेंच्या शिवसेनेने उमेदवार कसा काय उभा केला? आम्हाला...', पुणे पदवीधर मतदारसंघाच्या जागेबाबत प्रफुल पटेलांचं मोठं वक्तव्य

निलेश बुधावले, एबीपी माझा — Thu, 8 Oct 2026 15:53:02 +0530

पुणे : पुणे पदवीधर मतदारसंघाच्या अनुषंगाने प्रफुल पटेल (Praful Patel) यांचं मोठं वक्तव्य समोर आलं आहे. पुणे पदवीधरची जागा राष्ट्रवादी काँग्रेसला न मिळाल्यामुळे सातारा, सांगली, कोल्हापूर, सोलापूर, पुणे जिल्ह्यातील कार्यकर्त्यांमधे निराशा आहेत. जर महायुतीचा प्रमुख नेत्यांच्या बैठकीत पदवीधर आणि शिक्षकची जागा भाजपकडे गेली असेल तर मग शिक्षकसाठी एकनाथ शिंदेंच्या शिवसेनेने उमेदवार उभा कसा काय केला? आम्हाला देखील शिवसेनेप्रमाणे पदवीधर मधे उमेदवार उभा करता आला असता का याबाबत देखील पक्षांतर्गत चर्चा व्हायला हवी होती. अशी भूमिका पुणे पदवीधर निवडणुकीबाबत प्रफुल पटेल यांनी एबीपी माझाकडे बोलून दाखवली आहे.(Praful Patel)

Maharashtra Vidhan Parishad Election: पदवीधर आणि शिक्षक मतदारसंघाच्या निवडणुकीची घोषणा, मतदान अन् निकाल कधी?

Election Schedule: निवडणुकीचे संपूर्ण वेळापत्रक

अधिसूचना जारी (Notification Date): 29 सप्टेंबर 2026

उमेदवारी अर्ज भरण्याची अंतिम तारीख (Nomination Last Date): 6 ऑक्टोबर 2026

अर्जांची छाननी (Scrutiny): 7 ऑक्टोबर 2026

अर्ज मागे घेण्याची अंतिम तारीख (Withdrawal Last Date): 9 ऑक्टोबर 2026

मतदानाची तारीख व वेळ (Poll Date & Time): 23 ऑक्टोबर 2026 (सकाळी 8 ते दुपारी 4)

मतमोजणी व निकाल (Counting Date): 27 ऑक्टोबर 2026

Graduate and Teachers constituency election maharashtra: कोणत्या पदवीधर आणि शिक्षक मतदारसंघांमध्ये निवडणूक होणार?

3. नागपूर पदवीधर: अभिजीत गोविंदराव वंजारी (काँग्रेस)- माजी आमदार

4. अमरावती शिक्षक: किरण रामराव सरनाईक (शिवसेना - शिंदे गट)- माजी आमदार

5 पुणे शिक्षक: जयंत दिनकर आसगावकर (काँग्रेस)- माजी आमदार

आणखी वाचा - Sharad Lad : भाजपकडून पुणे पदवीधरमधून डॉ. स्मिता जाधव यांना उमेदवारी, शरद लाड पोस्ट शेअर करत म्हणाले...

Rupali Patil Thombare: हे तुमचं अपयश; रूपाली ठोंबरेंनी सुनील तटकरेंना सुनावलं, मुलाच्या आमदारकीचंही काढलं

शिवसेनेतील नेमणुका या लोकशाहीला धरुन नाहीत, पक्षप्रमुखांना अमर्याद अधिकार; शिवसेना पक्ष आणि धनुष्यबाण चिन्हाच्या आजच्या सुनावणीत काय घडलं?

जयदीप मेढे — Thu, 8 Oct 2026 15:47:31 +0530

Shivsena Case: शिवसेना पक्ष आणि धनुष्यबाण चिन्हाबाबत आज झालेल्या सुनावणीदरम्यान वकील नीरज किशन कौल यांनी निवडणूक आयोगाची निरीक्षणे आणि पक्षांतर्गत लोकशाहीवर भाष्य केलं. नीरज किशन कौल सुप्रीम कोर्टात युक्तीवाद करताना म्हणाले की, सुनावणीदरम्यान कौल म्हणाले की, 1998 साली शिवसेनेला पत्राद्वारे कळवण्यात आले होते की पक्षातील नेमणुका या लोकशाहीच्या तत्त्वांना धरून नाहीत, ज्यावर शिवसेनेने आपले उत्तरही दिले होते. आयोगाने प्रत्येक पक्षाने आपली कार्यपद्धती ठरवून ती घटनेत नमूद करणे आवश्यक असल्याचे स्पष्ट केले होते. तसेच 2010 च्या नियमांनुसार, पक्षघटनेतील कोणताही बदल हा पक्षाच्या जनरल बॉडीकडून मान्य होणे बंधनकारक होते.

पक्षप्रमुखांना अमर्याद अधिकार

पक्षात पडलेल्या फुटीबाबत आयोगाने नोंदवलेल्या निरीक्षणाचा दाखला देत कौल म्हणाले की, शिवसेनेची कार्यपद्धती आणि नेमणुकांची पद्धत यातून पक्षांतर्गत लोकशाहीला धक्का बसत होता. तत्कालीन पक्षप्रमुखांना अमर्याद अधिकार देण्यात आले होते; पक्षप्रमुख आणि पक्ष या एकाच नाण्याच्या दोन बाजू बनल्या होत्या, ज्यांना वेगळे करणे अशक्य होते. 2018 च्या पक्षघटनेनुसार सर्व पदाधिकारी नेमण्याचे अधिकारही थेट पक्षप्रमुखांनाच मिळत होते.

राष्ट्रीय कार्यकारिणीत पारदर्शकतेचा अभाव

राष्ट्रीय कार्यकारिणीच्या रचनेविषयी बोलताना कौल यांनी सांगितले की, कार्यकारिणीच्या सदस्यांनी दैनंदिन कामाची माहिती पक्षप्रमुखांना देणे आवश्यक असते. शिवसेनेची राष्ट्रीय कार्यकारिणी ही 'प्रतिनिधी सभा' सदस्यांकडून निवडली जाते, जे पक्षांतर्गत लोकशाहीविरोधी असून यात शेवटच्या कार्यकर्त्याचा विचार होतो का, असा प्रश्न उपस्थित होतो. तसेच 2018 च्या घटनेनुसार कार्यकारिणीची सदस्यसंख्या 13 असणे आवश्यक असताना, शेवटच्या पत्रव्यवहारानुसार केवळ 9 सदस्यांचीच नावे देण्यात आली होती. यावरून पक्षात पारदर्शकता नसल्याचे वारंवार स्पष्ट होते. लाखो कार्यकर्ते असलेल्या पक्षात केवळ 9 सदस्यांची कार्यकारिणी असणे हा अत्यंत छोटा आकडा असल्याचे निरीक्षण आयोगाने नोंदवले होते.

ज्या पक्षघटनेबाबत बोलले जात आहे, ती घटना आयोगाकडे उपलब्धच नव्हती, ज्यामुळे निर्णयप्रक्रियेवर मर्यादा आल्या होत्या. राष्ट्रीय कार्यकारिणीबाबतची अचूक माहिती का दिली गेली नाही, असाही मुद्दा समोर आला. या सर्व बाबींचा विचार करून अखेर निवडणूक आयोगाने विधीमंडळ पक्षाचे बहुमत लक्षात घेऊन निर्णय घेतला, असे नीरज किशन कौल यांनी सांगितले.

इतर महत्वाच्या बातम्या

Jantar Mantar Protest Rules : जंतर-मंतरवर आंदोलन करायचं असेल तर 10 दिवस आधी परवानगी बंधनकारक, 50 हजारांपेक्षा जास्त गर्दी असल्यास थेट 'बुरारी'

Nana Patekar Detah Marathi News: 'नटसम्राट' ते 'जननायक'चा प्रवास करणारा आपला माणूस गमावला!

समीर गायकवाड — Thu, 8 Oct 2026 15:19:01 +0530

Nana Patekar Detah Marathi News: नाना पाटेकर (Vetarna Actor Nana Patekar) गेल्याची बातमी एव्हाना कर्णोपकर्णी झालीय, सर्वांच्या जिवाला हुरहुर लागलीय कारण तो 'आपला माणूस' होता! योगायोग म्हणजे त्यांच्या एका सिनेमाचे नावही 'आपला माणूस' होते! प्रत्येक माणसाला त्यांच्यात एक सत्व आढळायचे, जे सामान्यातल्या असामान्यत्वाचे असे! नाना आपल्यासारखेच आहेत पण आपल्याला त्यांच्यासारखं होता येत नाहीये कारण, काहीतरी एक खास त्यांच्यात आहे जे आपल्यात नाही तरीही हा माणूस आपल्यासारखाच आहे, असे सर्वांना वाटायचे! एखाद्या अभिनेत्याच्या वाट्याला येणारं हे आपलेपण आताच्या काळात दुर्मीळ झालेय. त्यांनी साकारलेल्या व्यक्तिरेखांमध्ये लोक स्वतःला शोधत असत, ती माणसं आपल्या अवतीभवतीच आहेत आणि ती आपल्यासारखीच हाडामासाची आहेत तरीही अलौकिक आहेत, असं त्या पात्रांबद्दल वाटायचं! नाना केवळ सिनेअभिनेता नव्हते तर रंगभूमीवरचे कसदार नट होते, लेखक, कवी, वक्ते होते आणि समाजाची राजकारणाची नाळ जाणणारे, जाणते असे आपले माणूस होते! नात्यांची ही शिदोरी भल्या भल्यांना भेटत नाही, नानांना अगदी सहजपणे भेटली होती. त्यांना याची जाणीव होती मात्र त्याचा त्यांनी कधी गवगवा केला नाही. त्यांना निरोप तरी कसा द्यावा!

नाना पाटेकर गेल्याची बातमी काही केल्या खरी वाटतच नव्हती. त्यांचं, हे असं तडकाफडकी जाणं काही केल्या रुचलं नाही. काही माणसं जातात आणि आपण त्यांच्या जाण्याची नोंद करतो; त्यांच्या जाण्याने आपल्या आयुष्यात काहीतरी गमावल्यासारखं वाटतं. नाना पाटेकर हे अशापैकी एक होते. वास्तवात, ते आपल्या घरचे कुणी नव्हते, नात्यातले नव्हते, रोज भेटणारेही नव्हते; पण पडद्यावर त्यांनी साकारलेल्या पात्रांनी आपल्या आयुष्यात इतक्या वेळा परकाया प्रवेश केला की, त्यांच्या अनुपस्थितीचे वर्णन ‘एका महान अभिनेत्याची रुखरुख लावणारी एक्झिट' अशा रुक्ष शब्दांत करता येणार नाही. 'त्यांच्या जाण्याने चित्रपटसृष्टीत पोकळी निर्माण झालीय' हे वाक्य तर अगदी पुस्तकी होईल, खरेतर त्यांच्या जाण्याने आपल्या सामूहिक स्मृतीतला एक आवाज कायमचा लोप पावलाय हे अधिक उचित होय!

वयाच्या पंचाहत्तरीत नाना गेले. गोव्यातील निवासस्थानी ते बेशुद्ध अवस्थेत आढळले. त्यांना रुग्णालयात नेण्यात आले. डॉक्टरांनी बराच प्रयत्न केला मात्र नियतीला ते मंजूर नसावे. मृत्यूला ते इतक्या शांतपणे सामोरे गेले की, त्यांच्या पात्रांच्या अगणित हाका लोकांच्या कानी पडताहेत. त्यांनी साकारलेल्या नायकांनी पडद्यावर कायम आक्रोश केलाय, एल्गार केलाय, आपल्या अनोख्या शैलीत संताप व्यक्त केलाय! परिस्थितीशी चार हात करताना त्यांची पात्रे अस्मानाला भिडतात, झुंजतात! धगधगत्या लाव्ह्याची बोली बोलणाऱ्या विद्रोही पात्रांना साकारणारा हा माणूस विलक्षण शांततेने आणि कुणालाही न कळवता एकाएकी गेला. काही दिवसांपूर्वीच एका सार्वजनिक कार्यक्रमात, "उद्याचा भरवसा नसतो", या अर्थाचं साधं वाक्य त्यांनी सहज उच्चारलं होतं. तेव्हा तो नानांचा नेहमीसारखा निरिच्छ, थेट बोलण्याचा ढंग वाटला असेल; आज मागे वळून पाहताना त्या वाक्याला नकळत वेगळीच छटा लाभलीय. आयुष्यातली शेवटची वाक्यं वेगळ्या अर्थाने अखेरची असतात, ती उच्चारताना हे कुणालाच कधीच माहीत नसतं.

नाना चांगला कलाकार होता. पण त्याहून महत्त्वाचं म्हणजे तो भला माणूस होता. मात्र पूर्णपणे निर्दोष, निर्व्याज, देवदूतासारखा माणूस नव्हता! आणि म्हणूनच तो आपल्याला अधिक जवळचा वाटायचा. त्याच्या स्वभावात ताठरपणा होता, चिडचिड होती, मतांबद्दल आग्रहीपणा होता, कधी कधी विक्षिप्तपणाची किनारही होती. पण त्याचा विक्षिप्तपणा चहाटळ नव्हता; लुचाड नव्हता; बेमुर्वत नव्हता. तो कुणाच्या आयुष्याचा नाश करून स्वतःची मजा घेणारा विक्षिप्त नव्हता. उलट मनाचा एखादा कोपरा फार हळवा असलेला हा माणूस होता. त्या हळव्या कोपऱ्याची त्याने फारशी जाहिरात केली नाही; पण तो कोपरा त्याच्या भूमिकांमध्ये, शेतकऱ्यांसाठीच्या कामात, सैनिकांविषयीच्या आदरात आणि एखाद्या अनोळखी माणसाच्या दुःखासमोर अचानक बदललेल्या त्याच्या चेहऱ्यात दिसत राहिला.

कदाचित म्हणूनच नानांचा अभिनय इतका जिवंत वाटत असे. अभिनय करताना ओढून ताणून भावनांचे प्रदर्शन त्यांनी केले नाही; ते भावनांना काळजात रुजवत आणि मग त्या भूमिकेत शिरत. पडद्यावर क्रोधाचा भाव दाखवताना ते खरोखरच चिडलेले वाटत. त्याचबरोबर त्यांचं हसणं असो की रडणं असो, त्याची एक स्वतंत्र शैली होती. पडद्यावर ते 'खामोश' असले तरीही त्यांचे पात्र आक्रन्दन करून भावना पोहोचवे हे विशेष होते. अतिशय खर्जातला आवाज ते आक्रोश करणारा गगनभेदी आवाज असे विरुद्ध टोकांचे टोन्स त्यांच्या आवाजात आढळतात. संवादफेक हे त्यांच्या अभिनयाचे स्वतंत्र अंग होते! ते फक्त संवाद उच्चारत नसत तर त्या संवादफेकीच्या जोरावर सीनवर कब्जा करत!काही अक्षरांवर ते अनपेक्षित जोर देऊन बोलत, अचानक पॉझेस घेत, आणि मध्येच एका श्वासासाठीही न थांबता एका दमात भला मोठा संवाद आवाजाच्या वेगवेगळ्या पट्टीत म्हणत! हे सगळं मिळून नानांच्या अभिनयाची स्वतःची एक भाषा तयार झाली होती, लोक त्याला प्रेमाने 'नाना स्टाईल' म्हणत!

1951 सालच्या जानेवारीत रायगड जिल्ह्यातील मुरुड-जंजिऱ्यात जन्मलेल्या नानांच्या घरची परिस्थिती सुखाची नव्हती. वडिलांच्या व्यवसायाला धक्का बसल्यानंतर आर्थिक अडचणी इतक्या वाढल्या की, लहान वयातच नानांना काम करावं लागलं. मुंबईत चित्रपटांची पोस्टर्स रंगवण्याचं काम त्यांनी केलं असं सांगितलं जातं. काम केल्यानंतर मिळणारे तुटपुंजे पैसे, त्यातून येणारं दिवसातलं एक वेळचं जेवण आणि हाताला लागलेले रंग, हे त्यांच्या सुरुवातीच्या आयुष्याचे वास्तव होते. रोज बरीच मोठी पायपीट करून ते कामावर जात. आज आपण ज्याच्या आवाजावर फिदा आहोत, त्यांनी कधीकाळी दुसऱ्यांच्या चित्रपटांचं पोस्टर रंगवलं होतं, हा योगायोग नसून त्यांच्या आयुष्याची जडणघडण समजून घेण्याची महत्वाची पायरी आहे. पडद्याच्या झगमगाटाच्या आधी, त्यांनी जणू स्वप्नांमध्ये रंग भरले होते, भुकेची टोचणी सोसली होती आणि अपमानाची चवही अनुभवली होती. दिवस पालटले तरी जुने दिवस ते विसरले नव्हते, म्हणूनच ते कधी मातले नव्हते! त्यांच्या राहणीमानातून हे नेहमी जाणवायचे.

रंगभूमीने त्यांच्यातल्या नटाला पैलू पाडले असे म्हटले तर ती अतिशयोक्ती ठरणार नाही. विजया मेहता यांच्या हाताखाली त्यांनी अभिनयाचे धडे गिरवले. रंगमंचाने नानांना एक गोष्ट शिकवली, 'अभिनय म्हणजे मोठ्याने बोलणं नव्हे; अभिनय म्हणजे माणसाच्या आत चाललेला संघर्ष प्रेक्षकापर्यंत पोहोचवणं.' रंगभूमीची ही शिकवण आयुष्यभर त्यांच्या रंध्रात भिनली. परिणामी पुढे जाऊन ‘गमन’पासून सुरू झालेल्या चित्रपटप्रवासात नाना कधीच फक्त ‘भूमिका करणारा अभिनेता’ राहिला नाही. तो व्यक्तिरेखा जगू लागला. त्यांच्या अभिनयाचे महत्वाचे अंग असलेला आवाज, त्यांच्या 'खामोशी' सिनेमात मूक केला होता तरीही त्यातले नाना कायम स्मरणात राहतात! हे त्याचेच द्योतक आहे.

‘परिंदा’मधला अण्णा आठवला की, आजही एक थरकाप अंगावरून जातो. त्या भूमिकेत नाना केवळ खलनायक नव्हता. हिंसेच्या कराल साम्राज्यात बेदरकारपणे उभा राहिलेला, संशयी, क्रूर, भावनिकदृष्ट्या विदीर्ण झालेला माणूस होता. त्याच्या डोळ्यांतून हिंसा दिसायची; पण त्या हिंसेत स्वतःचा नाशही दिसायचा. ‘अंगार’, ‘प्रहार’, ‘क्रांतिवीर’, ‘अग्निसाक्षी’, ‘खामोशी’, 'तिरंगा', ‘अब तक छप्पन’, ‘राजनीती’ प्रत्येक ठिकाणी नाना वेगळा दिसत गेला. आणि त्याच वेळी ‘वेलकम’मधला उदय शेट्टी आला आणि आपल्याला हेही कळलं की हा माणूस आपल्याला घाबरवू शकतो, तितक्याच ताकदीने हसवूही शकतो. नानांनी कधी स्वतःच्या गंभीर प्रतिमेचं ओझं वाहिलं नाही. त्यांनी स्वतःला एका चौकटीत अडकू दिलं नाही. इतकं सारं असूनही लोक वेडे होतात ते त्यांच्या 'बारीश'वाल्या अविष्कारासाठी, 'थोडासा रुमानी हो जाये' मधील ती अफलातून बारिश कोण विसरेल!

‘क्रांतिवीर’मधला प्रताप हा नानांच्या कारकिर्दीतला एक महत्वाचा टप्पा असला तरी वास्तवात तो त्यांच्या व्यक्तिमत्त्वाचा पडद्यावर साकारलेला स्फोट होता. व्यवस्था, धर्मांधता, राजकीय ढोंग, हिंसा, सामाजिक अन्याय, सगळ्यावर संतापणारा तो माणूस आजही स्मरणात राहतो. ‘प्रहार’मधला मेजर चौहान नाना केवळ साकारत नव्हता; त्याने त्या भूमिकेसाठी लष्करी प्रशिक्षण घेतलं आणि शिस्त, देहबोली, हालचाली यांना आपल्या अभिनयाचा भाग बनवलं. पुढे टेरिटोरियल आर्मीशी त्याचं नातं जडलं. कारगिलच्या काळात सैनिकांबरोबर प्रत्यक्ष काम करण्याची त्याची ओढ ही अभिनयाच्या पलीकडची होती. याच्यातून नानांच्या मनात सैनिकांविषयीचा अस्सल आदर दिसतो.

आणि मग ‘नटसम्राट’ आला. गणपत बेलवलकरच्या रूपाने नाना जणू स्वतःच्या आयुष्याशीच संवाद साधत उभा राहिला. रंगभूमीवर टाळ्या मिळवणारा, आयुष्यभर दुसऱ्यांचे चेहरे जगणारा एक वृद्ध माणूस शेवटी स्वतःच्या घरातच अनोळखी ठरतो, ही शोकांतिका नानांनी इतक्या आतून जगली की पडद्यावरचा अभिनेता आणि व्यक्तिरेखा यांच्यातील भिंतच कोसळली. त्या भूमिकेत नाना आपल्याला अभिनय शिकवत नव्हता; तो कलाकाराच्या जीवनातील वृद्धत्वाची भीती, नात्यातला दुरावा, कलाकाराच्या अस्मितेचा अंतिम अपमान आणि आठवणींचं ओझं आपल्यासमोर ठेवत होता. ‘नटसम्राट’ पाहताना कित्येकांना स्वतःच्या घरातील वृद्ध माणसं आठवली, हे त्या अभिनयाचं खरं यश.

राष्ट्रीय चित्रपट पुरस्कारांवर त्यांनी तीन वेळा आपलं नाव कोरलं. त्यांनी फिल्मफेअरचे पुरस्कारही पटकावले. सरकारने पद्मश्री पुरस्कार देऊन त्यांचा गौरव केला. त्यांना पुरस्कारांची विशेष हाव नव्हती. त्यांच्या व्यक्तिमत्त्वात एक प्रकारचा निरिच्छपणा होता. ते स्वतःच्या स्टारडमच्या मोहापासून बऱ्यापैकी दूर राहिले. कदाचित आयुष्याच्या सुरुवातीला ज्याच्याकडे काहीच नव्हतं, त्याच्यासाठी नंतर पैसा आला तेव्हा त्या पैशाला फारसं अप्रूप उरलं नाही. अनेकांना आयुष्यात योग्य वेळी योग्य गोष्टी मिळत नाहीत; आणि त्या नंतर अकस्मात मिळाल्या, तरी त्यांचं आश्चर्य वाटत नाही. लहानपणी ज्याने सिनेमांची पोस्टर्स रंगवली, त्याच्याकडे पुढे अफाट पैसा आला; पण पैसा हा त्याच्या आयुष्याचा देव बनला नाही. आयुष्याच्या शेवटापर्यंत त्याच्यात मातीशी, गावाशी, साधेपणाशी एक राकट नातं टिकून राहिलं. तो कुठल्याही अर्थाने ‘शहरातला स्टार’ होऊन गेला नाही. त्याच्या आत एक ‘घाटी’ माणूस जिवंत राहिला, राठ, थोडा हट्टी, आपला, मातीचा.

त्यांच्या सामाजिक कार्याचा विचार केला तर, नानांचं मोठेपण आणखी ठळकपणे समोर येतं. मकरंद अनासपुरे यांच्यासोबत त्यांनी ‘नाम फाउंडेशन’ उभं केलं. दुष्काळग्रस्त महाराष्ट्र, शेतकरी आत्महत्या, त्यांच्या विधवा, मुलांचं भविष्य, जलसंधारण, रोजगारनिर्मिती, या सगळ्यांमध्ये त्यांनी प्रत्यक्ष हात घातला. अनेक शेतकरी कुटुंबांना मदत मिळाली; विधवांसाठी रोजगाराच्या साधनांची उभारणी झाली; गावांमध्ये पाणी साठवण्यासाठी कामं झाली; कालवे, नाले, जलसंधारण यावर काम झालं. ‘नाम’ने केवळ चेक वाटणाऱ्या संस्थेची चौकट ओलांडून ग्रामीण स्वावलंबनाच्या दिशेने जाण्याचा प्रयत्न केला. या कामाचा आवाका आणि सातत्य पाहता, सामाजिक कार्याच्या बाबतीत नानांनी जे साध्य केलं ते मोठं आहे. काही अर्थाने ते आमिर खानच्या सामाजिक कामाशी तुलना करण्याजोगं आहे; किंबहुना ग्रामीण महाराष्ट्राच्या विशिष्ट संदर्भात कांकणभर सरसही वाटू शकतं, कारण नानांचं काम भावनिक भाषणांपेक्षा थेट मातीशी जोडलेलं होतं.

पण याच ठिकाणी नानांविषयी एक अस्वस्थ करणारी गोष्टही सांगावीशी वाटते. शेतकऱ्यांविषयी त्याला कमालीची तळमळ होती, हे नाकारता येत नाही. पण शेतकऱ्यांच्या समस्येचं अंतिम उत्तर फक्त मदत, चेक, विहीर, कालवा किंवा रोजगारनिर्मितीत नाही. शेतकरी का आत्महत्या करतो, शेती तोट्यात का जाते, पिकाला हमीभाव का मिळत नाही, बाजारपेठेची रचना शेतकऱ्याला का पिळते, कर्जव्यवस्था कुठे अपयशी ठरते, विमा, सिंचन, जमीनधोरण, पीकपद्धती, आयात-निर्यात आणि सरकारी निर्णय यांचा शेतकऱ्याच्या जीवनावर नेमका काय परिणाम होतो, हे प्रश्न अधिक खोल आहेत. ‘नाम’ने जखमेवर फुंकर घातली; काही ठिकाणी जखमेला मलम लावलं; अनेक जीवांना उभं केलं. पण रोगाचा उगम बदलला नाही. अर्थात त्याने तसा दावाही कधी केला नव्हता की, ह्या समस्येचे समूळ निराकरण तो करेल. मात्र त्याने त्या दृष्टीने एक प्रयत्न नक्की केला होता, हे अधिक खरे.

नानांविषयीची अनेकांची एक कायमची खंत आहे, ती सुद्धा आज सांगितली पाहिजे. ते अशा स्तरावर जाऊन पोहोचले होते की, सरकारला प्रश्न विचारण्याची त्यांची पात्रता होती. भल्या भल्या राजकारण्यांना सभेत कान धरून सुनावण्याचा वकुब त्यांच्या आवाजात होता, शेतकऱ्यांच्या प्रश्नांवर अधिक स्पष्ट राजकीय भूमिका ते घेऊ शकले असते. चुकीचं सरकारी धोरण असेल, तर धोरण बदललं पाहिजे, असं सरकारला सांगण्याची नैतिक ताकद नानाकडे होती. तो शेतकऱ्यांचा लाडका कलाकार होता, सामान्य माणसाच्या दुःखाचा साक्षीदार होता, लाखो लोकांपर्यंत पोहोचणारा आवाज होता. मग जिथे आवाजाची खरोखर गरज होती, तिथे तो पुरेसा मोठा का झाला नाही, हा प्रश्न अनेकांच्या मनात उरतोच. अर्थातच ही देखील एक अतिरेकी अपेक्षा ठरू शकते, कारण लोकांना नेहमीच मागे थांबायचे असते आणि आपल्यासाठी छातीचा कोट करून लढणारा माणूस समोर हवा असतो!

सर्व प्रकारच्या व्यवस्थांना जाब विचारून अस्वस्थ करण्याची क्षमता त्यांच्यात होती, हे कुणीही मान्य करेल. त्यांच्यात तितकी ताकद होती. सामाजिक कार्य करणारा जननायक, एक लोकप्रिय कलाकार आणि सत्ता यांच्यातला संघर्ष त्यांनी अधिक खुलेपणाने स्वीकाला असता तर आज अनेकांची राजकीय सामाजिक कारकीर्द धोक्यात आली असती. ज्याच्यात समाजाला हलवण्याची ताकद आहे, त्याने महत्त्वाच्या प्रसंगी एक ठाम भूमिका घ्यावी, अशी अपेक्षा असते. आयुष्य आपल्याला एखाद्या निर्णायक क्षणी दोलायमान स्थितीत उभं करतं, तेव्हा योग्य भूमिका घेण्याचं धैर्य हवं असतं., जे नानांच्या ठायी होतं. अनेकदा वाटायचे ह्यावर नाना नक्कीच आसूड ओढतील, कान पकडतील मात्र कधीकधी ते मौन राहिले. कदाचित आगामी काळात या अनुषंगाने त्यांच्या मनात काही वेगळेच नियोजन असण्याची शक्यता नाकारता येत नाही.

चित्रपटसृष्टीत स्वतःची वेगळी वाट चोखाळणं, स्वतःला सिद्ध करून दाखवणं, सत्ता-गटांपासून काही प्रमाणात दूर राहणं, मनाला पटेल ते थेट बोलणं, स्वतःचं स्वतंत्र व्यक्तिमत्त्व जपणं, यातही धैर्य लागतं. पण सामाजिक आणि राजकीय सत्याच्या निर्णायक क्षणी आवाज उचलणं हे वेगळ्या प्रकारचं धैर्य आहे. नानांकडे आवाज होता; त्या आवाजाला इतिहासाचा मोठा मुद्दा बनवण्याची क्षमता होती. त्याने अनेकदा तो आवाज वापरला; पण काही प्रसंगी तो जितका धारदार असायला हवा होता, तितका झाला नाही ही खंत अनेकांना वाटते. मात्र हे देखील अपेक्षांचे एक ओझेच आहे! आपल्या सर्वांच्या अपेक्षा कधीही संपणार नाहीत, हे सांगताना नानांच्या स्पष्टवक्तेपणाचे आणि परखड बोलण्याचे कौतुक केलेच पाहिजे, जमेल तेव्हा त्यांनी हे काम केले आहे, तेही कुठली भीडभाड न बाळगता! त्यांच्या सामाजिक कामाचा गौरव करायला कुणीही कचरणार नाही अशी कामगिरी त्यांनी केलीय.

राजकीय, सामाजिक आणि वैयक्तिक जीवनात अनेक स्तरांवर सक्रिय राहूनही या माणसाच्या मनातली हळुवार जागा नाकारता येत नाही. ‘नाम’च्या कामात तो स्वतःला झोकून देत होता, हे केवळ प्रसिद्धीसाठी केलं गेलं असं म्हणणं अन्यायकारक ठरेल. ग्रामीण भागात फिरताना, शेतकऱ्यांच्या घरात जाताना, आत्महत्याग्रस्त कुटुंबांच्या डोळ्यात पाहताना त्याला त्या माणसांचं दुःख लागून राहत होतं. त्याच्या चेहऱ्यावरची हळहाळ कृत्रिम नव्हती. तो शेतकरी समस्येचा अंतिम अर्थशास्त्रज्ञ नव्हता; पण त्याला शेतकऱ्याचं दुःख झोपवत नव्हतं. या दोन गोष्टी वेगळ्या ठेवून पाहाव्या लागतात. त्यांच्या ठायी करुणा होती; त्या करुणेला धोरणाची भाषा लाभली असती तर त्यांच्या धडपडीचे अधिक सार्थक झाले असते.

नानाच्या खासगी आयुष्यातही थोडी रुक्ष थोडी हळवी गुंफण होती. त्याच्या वैवाहिक आयुष्यात तणावाचे काही क्षण आले. आईच्या मृत्यूने त्याला हादरवलं. पहिला मुलगा बालवयात असताना गेला, तेव्हा नाना हबकून गेला हे देखील खरेय! आयुष्यातील दुःखांची मोठी जाहिरात त्याने केली नाही. पण त्यांचं सावट त्याच्या कलाकृतींमध्ये राहिलं. म्हणून त्याचा वृद्ध बाप इतका खरा वाटायचा, हरवलेला सैनिक इतका खरा वाटायचा, आणि खलनायकाच्या डोळ्यातही अचानक दया दिसायची. तो फक्त व्यक्तिरेखा साकारत नव्हता; तो आपल्या आत साठलेलं जग त्या व्यक्तिरेखांना देत होता.

नानांच्या विक्षिप्तपणाकडेही प्रेमानेच पाहावं लागतं. लाडक्या व्यक्तीचा थोडा विचित्रपणा लोक आनंदाने खपवून घेतात. कारण त्या विचित्रपणात विकृती नसते, लबाडी नसते, स्वार्थी चावटपणा नसतो. नाना थोडा हट्टी होता, अचानक काहीतरी बोलून टाकायचा, स्वतःच्या पद्धतीने जगायचा, प्रसिद्धीला लाथ मारून गावाकडे वळायचा. हे सारे गुण आजच्या गुळगुळीत, मॅनेज्ड सेलिब्रिटी संस्कृतीत दुर्मिळ वाटतात. स्वतःच्या प्रतिमेवर सतत रंगरंगोटी करणाऱ्या काळात नाना स्वतःवर फारशी पॉलिश लावत नसे. कधी विस्कटलेला, कधी चिडका, कधी तडकाफडकी, कधी हळवा वाटायचा, तो ‘पब्लिक रिलेशन’च्या आरशात बसणारा माणूस नव्हता. तमाम मराठी माणसाला तो आपलासा वाटायचा कारण, मराठी माणसात असणारे सगळे सद्गुण दुर्गुण त्याच्याही अंगी होते आणि जोडीला होतं एक रांगडेपण! एक मराठमोळा बाणा!

म्हणूनच त्याच्या जाण्याचं दुःख श्रद्धांजलीच्या चौकटबंद पद्धतीच्या शब्दावलीत तर कधीच सामावणार नाही. त्यासाठीची शब्दांची निवड आणि मांडणीही त्यांच्यासारखीच एकमेवाद्वितीय असावी लागेल! मखमली शब्दांच्या जोडीने थोडे रुक्ष शब्दही हवेत, त्याचं कौतुक करताना जरा आवाज चढलाच पाहिजे; त्याची उणीव सांगताना जरा कंठ दाटलाच पाहिजे. कारण नाना स्वतःसुद्धा ‘एकरेषीय’ देवमाणूस म्हणून स्मरणात राहणार नाही. तो खराखुरा माणूस म्हणून राहणार आहे, ज्यात चांगुलपणा होता, दोष होते, राग होता, अहंकार होता, दया होती, हट्ट होता, वेदना होती आणि काही अपुऱ्या राहिलेल्या शक्यताही होत्या.

आज त्याच्या मृत्यूबद्दल लिहिताना ‘महान अभिनेता’ एवढंच म्हणणं अपुरं वाटतं. कारण त्याचं खरं मोठेपण त्याने केलेल्या भूमिकांपेक्षा अधिक मोठं, आणि त्याच्या सामाजिक कामापेक्षा अधिक गुंतागुंतीचं होतं. तो एक असा माणूस होता, ज्याने स्वतः आयुष्याच्या चिखलातून उभं राहून, पिचलेल्या लोकांना प्रकाशवाटा दाखवल्या! तो प्रकाश कधी स्वतःवर पडू दिला, तर कधी शेतकऱ्यांच्या घराकडे बांधाकडे वळवला आणि कधी तो कुठल्याही दिशेने न नेता स्वतःच्याच अस्वस्थतेत जळता ठेवला!

नानाला 'देवत्वा'च्या पोलादी भिंतीत कुणी चिणू नये, कारण मोठ्या माणसांना देव बनवलं की त्यांच्यातून शिकण्यासारखं काही उरत नाही. नाना देव नव्हता. तो एक मनस्वी माणूस होता आणि म्हणूनच मोठा होता. त्याने जगताना जितकी धग दिली, तितकीच उबही दिली. जितका राग दिला, तितकीच करुणाही दिली. जितक्या भूमिका केल्या, तितक्याच शक्यता अपुऱ्या ठेवल्या. मराठी चित्रपटक्षेत्रातल्या माणसाने अन्यभाषिक राज्यात नानाइतकी लोकप्रियता अपवादाने कमावली असेल. नानांची जागा कुणी घेऊ शकणार नाही, कारण अभिनेता म्हणून आणखी एखादा नाना पाटेकर काही दशकात शतकात उदयास येईल मात्र त्यांच्यासारखे माणूसपण तो कोठून आणणार! हीच तर खासियत होती नानांची, आपल्या माणसाची! हा 'आपला माणूस' आज आपल्यातून निघून गेलाय! शतकांत एखादाच असतो असा, तुमचा माझा, यांचा त्यांचा, आपल्या सर्वांचा हक्काचा माणूस! तुम्ही जिथेही असाल तिथे नटसम्राटाच्या नव्या नांदीची सुरुवात झाली असेल! सर्वसामान्यांची आयुष्ये कलात्मक सामाजिक अंगांनी समृद्ध केल्याबद्दल समाज तुमच्या ऋणात राहील! अलविदा नाना!

Nana Patekar Death Marathi News Medha Majrekar Post: 'नाना मला 'सरकार' म्हणायचे... तुम्ही सदैव 'नटसम्राट'च राहाल...'; नाना पाटेकरांच्या जाण्यानं मेधा मांजरेकर गहिवरल्या, नेमकं काय म्हणाल्या?

एबीपी माझा एंटरटेनमेंट डेस्क — Thu, 8 Oct 2026 15:13:23 +0530

Nana Patekar Death Marathi News Medha Majrekar Post: ज्येष्ठ अभिनेते नाना पाटेकर यांनी वयाच्या 75 व्या वर्षी अखेरचा श्वास घेतला. नानांचं असं अकाली जाणं, प्रत्येकालाच धक्का आहे. नाना पाटेकर म्हणजे, अत्यंत संवेदनशील अभिनेतो, जो प्रत्येक भूमिका आपल्या दमदार कौशल्यानं फुलवायचा, असं म्हटलं तरी वावगं वाटणार नाही. रंगभूमीवर वावरणारे नाना, तितक्याच ताकदीनं सिनेमाच्या रुपेरी पडद्यावरही आपली छाप सोडतात. कोणतीही भूमिका असो, नाना तितक्याच बखूबीनं निभवायचे. नानांच्या गायजेल्या भूमिकांबाबत विचारल तर, अनेकजण अख्खी यादीच वाचून दाखवतील. पण, त्यातल्या त्यात आताच्या नव्या पिढीला माहीत असणारी नानांची गाजलेली भूमिका म्हणजे, 'नटसम्राट'. रंगभूमीवर गाजलेला 'नटसम्राट' नानांनी रुपेरी पडद्यावर गाजवला आणि तितक्याच ताकदीनं तो सर्वसामान्यांपर्यंत पोहोचवला. याच सिनेमात नानांसोबत तितक्याच ताकदीनं भूमिका साकारणाऱ्या मराठी अभिनेत्री मेधा मांजरेकर नानांच्या जाण्यानं भावूक झाल्या आहेत.

मेधा मांजरेकरांनी नानांसोबतचा फोटो शेअर करुन एक भावूक पोस्ट लिहिलीय. मेधा मांजरेकरांनी नानांच्या अनेक आठवणींना उजाळा दिलाय. तसेच, मेधा मांजरेकरांना कर्करोगाचं निदान झाल्यानंतर नाना आठवणीनं फोन करुन विचारपूस करायचे, असंही त्यांनी सांगितलंय.

View this post on Instagram

'नटसम्राट' फेम मेधा मांजरेकर नेमकं काय म्हणाल्या? (Medha Majrekar Post For Nana Patekar)

मेधा मांजरेकर यांनी इन्स्टाग्रामवर पोस्ट शेअर केलीय. पोस्टमध्ये त्यांनी म्हटलंय की, "ते आमचे नाना होते... त्यांच्याबरोबर काम करण्याची संधी मला मिळाली हे माझं भाग्य... नाना पाटेकरांना सादरीकरण करताना पाहणं म्हणजे, फक्त एका अभिनेत्याला पाहण्यासारखं नव्हतं तर त्यांच्यामुळे त्या कलेबद्दल, माणसांबद्दल आणि आयुष्याबद्दलही खूप गोष्टी नव्यानं कळायच्या..."

नाना पाटेकरांबद्दल बोलताना मेधा मांजरेकर पुढे म्हणाल्या की, "पण ते किती मोठे अभिनेते होते, याहीपेक्षा ते किती चांगले व्यक्ती होते, हे माझ्या कायम लक्षात राहणार आहे. ते मला सरकार म्हणायचे. जेव्हा ते मला हाक मारायचे, तेव्हा ते मला सरकार म्हणायचे... ते म्हणायचे सरकार कशा आहात? आणि ते कधीच फक्त औपचारिकतेसाठी नाही विचारायचे, तर ते मनापासून काळजीपूर्वक विचारायचे..."

अभिनेत्री मेधा मांजरेकर यांच्याबद्दल बोलताना म्हणाल्या की, "माझ्या कर्करोगाच्या प्रवासात नाना पाटेकर मला फोन करायचे आणि माझी विचारपूस करायचे. त्यांनी मला 20 दिवसांपूर्वीच फोन केला होता आणि पुन्हा पहिल्यांदा त्यांनी काही विचारलं असेल तर सरकार कशा आहात?"

"मला काहीच कल्पना नव्हती की, त्यांचे ते शब्द शेवटचे ठरतील. लोक नाना पाटेकरांना नटसम्राट म्हणून ओळखतील. एक उत्कृष्ट अभिनेते, एक दमदार आवाज, जे प्रत्येक पात्र प्रामाणिकपणे करायचे. मलासुद्धा ते या सगळ्ळ्यासाठी आठवत राहतील. पण यापलीकडे जाऊन मला ते एक माणूस म्हणून आठवतील जे मला प्रमाणे सरकार कशा आहात असं विचारायचे. नाना तुम्ही मला खूप साऱ्या आठवणी दिल्या ज्या मी आयुष्याभर जपेन. तुम्ही कायम आमचे नटसम्राट राहाल. ओम शांती.", असं मेधा मांजरेकर म्हणाल्यात.

महत्त्वाच्या इतर बातम्या :

Nana Patekar Passed Away: "काल बोललो अन् आज नाना...", नाना पाटेकरांसोबतचा आबा बागुलांचा तो शेवटचा कॉल, नाना म्हणालेले 'अरे मी नाही पुरस्कार स्वीकारत नाही रे बाळा...'

जयदीप मेढे — Thu, 8 Oct 2026 15:07:08 +0530

Nana Patekar Passed Away: ज्येष्ठ अभिनेते नाना पाटेकर (Nana Patekar Death) यांचं आज (गुरूवारी, ता ८) हृदयविकाराच्या झटक्यानं (Severe Cardiac Arrest) निधन झालं. वयाच्या 75 व्या वर्षी नानांची प्राणज्योत मालवली. गोव्यातील (Goa News) डोना पावलामधील घरी त्यांना तीव्र छातीत वेदना होऊ लागल्या, त्यानंतर त्यांना तातडीनं मणिपाल रुग्णालयात दाखल करण्यात आलं. नाना पाटकेरांच्या अकाली जाण्याने मनोरंजन सृष्टीला धक्का बसला आहे. ज्येष्ठ अभिनेते (Marathi Actor) नाना पाटेकर (Nana Patekar) यांचं आज पहाटे 5:20 वाजता त्यांच्या निवासस्थानी तीव्र हृदयविकाराच्या झटक्यानं निधन झालं. नाना पाटेकर यांच्या अकाली निधनाने सर्वच क्षेत्रांत हळहळ व्यक्त होत असताना, पुण्यातील शिवसेना शिंदे गटाचे नेते आबा बागुल यांनी नानांसोबत कालच ( बुधवारी, ता 7) झालेल्या अखेरच्या संभाषणाची आठवण काढत श्रद्धांजली वाहिली आहे. "नानांशी कालच झालेला संवाद आज आठवताना मन पूर्णपणे सुन्न होत असून, ते अखेरचे बोलणे आयुष्यभर माझ्या मनात घर करून राहील," अशी भावना त्यांनी व्यक्त केली.

आबा बागुल यांनी नाना पाटेकरांना नवरात्र उत्सवासाठी बोलावलं होतं, त्याचबरोबर पुरस्कार देण्याचंही नियोजन होतं, मात्र अरे मी नाही पुरस्कार स्वीकारत नाही रे असं नाना पाटेकरांनी म्हटलं होतं, त्याचबरोबर मी गोव्यात आहे, असंही सांगितलं होतं, त्या संभाषणाची ऑडीओ क्लीप देखील समोर आली आहे.

आबा बागुल यांनी नाना पाटेकरांमध्ये नेमकं काय झालं होतं संभाषण?

आबा बागुल: हॅलो
नाना पाटेकर: हॅलो
आबा बागुल: हा, नमस्कार नाना, आबा बागुल
नाना पाटेकर: आबा... अरे मी नाही पुरस्कार स्वीकारत नाही रे बाळा.
आबा बागुल: तुमच्या हस्ते देऊ.
नाना पाटेकर: नाही नाही.
आबा बागुल: एकनाथ शिंदे साहेब आहेत त्या दिवशी.
नाना पाटेकर: मी तिथे नाहीये, मी गोव्यात आहे.
आबा बागुल: अरे... मला वाटलं... ठीक आहे. १० दिवसात कधी येऊन जा, फक्त एक भेट देवून जा देवीला.
नाना पाटेकर: अरे मी गोव्यात राहतो.
आबा बागुल: ओके ओके, तुम्ही सांगाल त्यानुसार.
नाना पाटेकर: तू बाकी कसा आहेस?
आबा बागुल: एकदम मस्त, तुमचा आशीर्वाद, प्रेम असंच राहू द्या.
नाना पाटेकर: हो, ऑल द बेस्ट, टेक केअर.

Nana Patekar : सिनेसृष्टीचा 'नटसम्राट', नाना पाटकरांची चटका लावणारी एक्झिट

नाना पाटेकर यांचा जन्म 1 जानेवारी 1951 रोजी झाला. ते त्यांच्या प्रभावी अभिनयासाठी आणि वैशिष्ट्यपूर्ण भूमिकांसाठी ओळखले जातात. त्यांनी तीन वेळा राष्ट्रीय पुरस्कार जिंकला असून, 'नटसम्राट', 'वजूद', 'वेलकम', 'यशवंत' आणि 'अब तक छप्पन' यांसारख्या सिनेमांसाठी ते प्रसिद्ध आहेत. नाना पाटेकर यांनी 1978 मध्ये 'गमन' सिनेमाद्वारे बॉलिवूडमध्ये पदार्पण केलं. या सिनेमाचं दिग्दर्शन मुझफ्फर अली यांनी केलं होतं आणि यात फारुख शेख, स्मिता पाटील यांच्या मुख्य भूमिका होत्या. सिनेसृष्टी आणि कला क्षेत्रातील योगदानाबद्दल त्यांना 2013 मध्ये 'पद्मश्री' पुरस्कारानं सन्मानित करण्यात आलंय. 2016 मध्ये, 'नटसम्राट' या मराठी सिनेमासाठी त्यांना सर्वोत्कृष्ट अभिनेत्याचा फिल्मफेअर पुरस्कार मिळाला. नाना पाटेकर यांना अलीकडेच 'सुभेदार' सिनेमात एका छोट्या भूमिकेत दिसलेले. तसेच, शाहिद कपूरच्या 'ओ रोमियो' सिनेमात त्यांनी 'इस्माईल खान' ही भूमिका साकारली होती. 2025 मध्ये ते 'हाऊसफुल 5' सिनेमात दिसणार आहेत. नाना पाटेकर यांनी गायनातही आपला हात आजमावला असून, 'यशवंत', 'वजूद' आणि 'आंच' सिनेमांसाठी त्यांनी पार्श्वगायन केलेलं.

Shardiya Navratri 2026 : राग, अहंकारासह शारदीय नवरात्रीत चुकूनही 'या' गोष्टी करू नका; देवी होईल नाराज, घरावर ओढावेल संकट

एबीपी माझा वेब टीम — Thu, 8 Oct 2026 14:47:17 +0530

Shardiya Navratri 2026 : शारदीय नवरात्रीचा (Shardiya Navratri 2026) पवित्र उत्सव अवघ्या काही दिवसांवर येऊन ठेपला आहे. येत्या 11 ऑक्टोबरपासून नवरात्रौत्सवाला सुरुवात होणार आहे. नवरात्रीचे नऊ दिवस देवीच्या वेगवेगळ्या रुपांची पूजा केली जाते. नवरात्रीचे विशेष महत्त्व शास्त्रात सांगण्यात आले आहे. नवरात्रीच्या 9 व्या दिवशी माता दुर्गा देवीची विशेष पूजा केली जाते. दुर्गा ही शक्तीची देवी आहे. नवरात्रीच्या काळात विशेष नियम आणि शिस्त पाळली पाहिजे असे मानले जाते.

पौराणिक कथेनुसार, देवी दुर्गेने महिषासुराशी 9 दिवस युद्ध केले आणि दहाव्या दिवशी या राक्षसाचा वध केला. त्यामुळेच मातृशक्तीची 9 दिवस उपासना केली जाते, या 9 दिवसांना नवरात्री म्हणतात. या 9 दिवसांमध्ये मातेच्या विविध रूपांची पूजा केली जाते.

नवरात्रीत 'या' 5 गोष्टी करू नका (Do Not Do These 5 Things In Navratri 2026)

नवरात्रीत विशेष नियम पाळण्यास सांगितले आहे. जे या गोष्टींची काळजी घेत नाहीत, त्यांना माता दुर्गा कठोर शिक्षा देते अशी श्रद्धा आहे. शारदीय नवरात्र हे सर्व नवरात्रींमध्ये महत्त्वाचे मानले जाते. यामध्ये ध्यानाचे विशेष महत्त्व सांगितले आहे. त्यामुळे या गोष्टी लक्षात ठेवाव्यात.

राग (Anger)

नवरात्रीत काहीही जालं तरीही क्रोधाला तुमच्यापासून दूर ठेवण्याचा प्रयत्न करा. कारण, क्रोध भावनेने देवीचा आशीर्वाद घेतल्यास आपल्याला पुण्य फळ मिळत नाही अशी मान्यता आहे. शास्त्रात असेही सांगण्यात आले आहे की ज्यांना राग येतो त्यांना कधीच यश मिळत नाही. प्रत्येकाला अशा व्यक्तीपासून दूर राहायचे असते.

अहंकार (Ego)

नवरात्रीत अहंकारापासून दूर राहा. जे उपवास करतात आणि देवी दुर्गेची विशेष पूजा करतात त्यांनी अहंकारापासून दूर राहावे. याची काळजी घेतली नाही तर दुर्गा देवीचा आशीर्वाद लाभत नाही.

लोभ (Greed)

नवरात्रीत लोभाचा त्याग करावा. लोभामुळे सर्व प्रकारचे दोष वाढण्यास सुरुवात होते. लोभी माणूस स्वतःचा विचार करतो. जे स्वतःच्या हिताला प्राधान्य देतात, त्यांना देवी कधीच आशीर्वाद देत नाही.

खोटे बोलणे (Lying)

नवरात्रीत खोटं बोलू नका. जे स्वतःच्या फायद्यासाठी इतरांशी खोटं बोलायला सदैव तयार असतात त्यांना देवी दुर्गा कधीच आशीर्वाद देत नाही. अशा लोकांना कधीच समाजात मान मिळत नाही.

फसवणूक (Fraud)

नवरात्रीचा सण हा दोषांवर विजय मिळवण्याचाही सण आहे. स्वत:च्या फायद्यासाठी दुसऱ्यांची फसवणूक करणे अत्यंत चुकीचे आहे. जे ही सवय सोडत नाहीत त्यांना देवी दुर्गा वेळ आल्यावर कठोर शिक्षा देते. अशा लोकांवर देवीची कृपा राहत नाही.

इतर महत्त्वाच्या बातम्या :

Budh Vakri 2026 : 24 ऑक्टोबरला बुध ग्रहाची वक्री चाल; 'या' 3 राशींची होणार छप्परफाड कमाई, बुधाच्या संक्रमणाने धनसंपत्तीत होणार भरभराट

Virat Kohli On Nana Patekar: नाना पाटेकर यांचं हृदयविकाराच्या झटक्याने निधन; विराट कोहली भावूक, पोस्ट करत म्हणाला...

मुकेश चव्हाण — Thu, 8 Oct 2026 14:02:01 +0530

Virat Kohli On Nana Patekar Death Marathi News: ज्येष्ठ अभिनेते नाना पाटेकर (Marathi Actor Nana Patekar) यांचं आज (8 ऑक्टोबर) निधन झालं आहे. वयाच्या 75 व्या वर्षी नाना पाटेकर यांनी अखेरचा श्वास घेतला. गोव्यातील डोना पावलामधील घरी नाना पाटेकर हृदयविकाराचा झटका आला. त्यानंतर त्यांना मणिपाल रुग्णालयात हलवण्यात आले होते. मात्र याचवेळी नाना पाटेकर (Nana Patekar Death) यांचा मृत्य झाला.

नाना पाटेकरांच्या मृत्यूनंतर सिनेसृष्टी हळहळली आहे. तसेच पंतप्रधान नरेंद्र मोदी यांच्यापासून बॉलिवूडपासून, राजकीय नेते आणि खेळाडूंनी देखील नाना पाटेकर यांना भावूक पोस्ट करत श्रद्धांजली वाहिली. याचदरम्यान, भारतीय क्रिकेट संघाचा खेळाडू विराट कोहली (Virat Kohli) याने देखील एक्सवर पोस्ट करत नाना पाटेकर यांना श्रद्धांजली वाहिली. भारतीय चित्रपटसृष्टीतील एक महान व्यक्तिमत्त्व. त्यांचे कार्य आणि वारसा पिढ्यानपिढ्या स्मरणात राहील. नाना पाटेकर जी, आपल्याला भावपूर्ण श्रद्धांजली. ओम शांती...असं विराट कोहली म्हणाला. (Virat Kohli On Nana Patekar Death)

A true legend of Indian cinema. His work and legacy will live on for generations. Rest in peace, Nana Patekar ji. Om Shanti. 🙏
— Virat Kohli (@imVkohli) October 8, 2026

सचिन तेंडुलकर काय म्हणाला? (Sachin Tendulkar On Nana Patekar)

नाना पाटेकर यांच्या निधनानंतर महान क्रिकेटपटून सचिन तेंडुलकर यानेही सोशल मीडियावर पोस्ट करत श्रद्धांजली वाहिली. नाना पाटेकर यांची आठवण एक अत्यंत स्पष्टवक्ते आणि जमिनीशी जोडलेले व्यक्तिमत्त्व म्हणून येते. त्यांच्या कामातही तीच प्रामाणिकपणा दिसून येत असे. मराठी असो वा हिंदी, त्यांनी साकारलेल्या प्रत्येक पात्रात त्यांनी नेहमीच एक जिवंतपणा आणला. त्यांच्या निधनाची बातमी ऐकून खूप दुःख झाले. त्यांचे कुटुंबीय आणि आप्तेष्टांच्या दुःखात मी सहभागी आहे, असं सचिन तेंडुलकर म्हणाला.

I remember Nana Patekar as a very straightforward and grounded person. His work had that same honesty to it. Whether it was in Marathi or Hindi, he always brought something very real to the characters he played. Very sad to hear about his passing. My condolences to his family and loved ones. Om Shanti.
— Sachin Tendulkar (@sachin_rt) October 8, 2026

नाना पाटेकर यांच्यावर आज पुण्यात अंत्यसंस्कार- (Nana Patekar Marathi News)

पुण्यातील डोणजे गावात नाना पाटेकर यांच्यावर सायंकाळी 4 वाजता अंत्यसंसंस्कार केले जाणार आहेत. डोणजे गावातील नानाची वाडी याठिकाणी अंत्यसंस्काराची तयारी सुरु करण्यात आली आहे. डोणजे ग्रामस्थ आणि नाम फाउंडेशनच्यावतीने तयारी सुरु करण्यात येत आहे.

अभिनेते नाना पाटेकर यांचं हृदयविकाराच्या झटक्याने निधन, VIDEO:

BLOG : नाना पाटेकर : हरहुन्नरी, अजातशत्रू, अष्टपैलू!

एबीपी माझा वेब टीम — Thu, 8 Oct 2026 13:59:23 +0530

BLOG : आज सकाळी बातमी वाचली—नाना पाटेकर गेले.
रोज आपल्यापर्यंत मृत्यूच्या अशा अनेक बातम्या येत असतात. दररोज कुणाच्या ना कुणाच्या निधनाची दुःखद वार्ता कानावर पडतच असते. पण आज ही बातमी वाचली आणि मनाला चटका लावून गेली. ऐकायला हा शब्द कितीही गुळगुळीत वाटत असला, तरी आज तो अगदी तंतोतंत खरा ठरतोय.
एखादी व्यक्ती जिच्याशी रक्ताचं किंवा नात्यागोत्याचं कोणतंही देणंघेणं नसतं, तरीही ती नकळतपणे आपल्या अंतःकरणाचा, हृदयाचा एक अविभाज्य भाग बनून जाते. या आभासी आणि दिखाऊ जगात राहूनही ज्यांनी आपला सच्चेपणा कसोशीने जपला, अशा मोजक्या लोकांमध्ये नानांचं नाव अग्रक्रमाने येतं.
नाना पाटेकर म्हटलं की, सर्वात आधी डोळ्यांसमोर उभा राहतो आणि कानात घुमतो तो त्यांचा आवाज. अत्यंत बुलंद, कणखर, तितकाच मधुर आणि एक नादमय व्यक्तिमत्त्व म्हणजे नाना.
मी त्यांच्या सिनेमांपेक्षा त्यांची भाषणं आणि मुलाखती अधिक ऐकल्या आहेत. त्यांची मुलाखत पाहताना प्रत्येक वेळी मनात एक तीव्र ओढ असायची की, या अवलियाला प्रत्यक्ष भेटता यावं. त्यांनी आपला सच्चेपणा जितक्या कसोशीने जपला, तितकी असोशी आणि तळमळ कदाचित माझ्या प्रयत्नांत कमी पडली असावी; म्हणूनच त्यांना भेटायची ही इच्छा शेवटी अपुरीच, राहूनच गेली.
आजच्या या मोजून-मापून चालणाऱ्या, आखीव-रेखीव आणि कॅलिब्रेटेड (calibrated) जगात नाना एक वेगळा अपवाद होते. त्यांच्या व्यक्तिमत्त्वात कोणताही कृत्रिम आव नव्हता. हे त्यांना न भेटताही सहज जाणवायचं. अतिशय उत्स्फूर्त, थेट, रोखठोक, प्रखर आणि त्याचवेळी मनाला भुरळ घालणारे अत्यंत लाघवी. या सर्व परस्परविरोधी आणि सुंदर विशेषणांचा यथार्थ समुच्चय म्हणजेच नाना पाटेकर! त्यांच्या एकंदर वावरण्यातच एक सहज प्रवाहीपण होतं.
त्यांच्या या व्यक्तिमत्त्वाचा मूळ संदर्भ त्यांच्या संघर्षात, बालपणात आणि त्यांच्या आईमध्ये सापडतो. त्यांच्या वडिलांचा पूर्वी संपन्न व्यवसाय होता, घरामध्ये श्रीमंती आणि सुबत्ता होती. पण अचानक परिस्थितीचे ग्रह फिरले आणि संपन्नतेतून हे कुटुंब एका क्षणात संघर्षाच्या आणि विपन्नतेच्या दरीत फेकलं गेलं.
अशा बिकट काळात लहान वयातच कुटुंबाला आर्थिक हातभार लावण्यासाठी नानांची धडपड सुरू झाली. सिनेमांची पोस्टर्स रंगवण्यापासून ते इतर मिळेल त्या कामांतून त्यांचा हा खडतर प्रवास सुरू झाला. पण हे सगळं करताना आपला मुलगा कुठल्याही वाईट मार्गाला लागू नये, भरकटू नये, यासाठी त्यांची आई सतत दक्ष असायची. आईच्या या काळजीचे भान नानांनाही पुरेपूर होते.
पैशांअभावी आणि योग्य उपचारांच्या अभावी जेव्हा महानगरपालिकेच्या रुग्णालयात त्यांच्या वडिलांचा अंत झाला, तेव्हा वडील गेल्याच्या दुःखापेक्षाही त्यांना वेळेवर योग्य उपचार मिळू शकले नाहीत आणि आपण त्यांना वाचवू शकलो नाही, या गोष्टीची टोचणी नानांच्या मनात कायम सलत राहिली.
अभिनयाचा विचार केला, तर 'तिरंगा' चित्रपटातला शिवाजीराव वाघळे असो, 'क्रांतिवीर'मधली व्यवस्था हलवून सोडणारी व्यक्तिरेखा असो, 'गुलाम-ए-मुस्तफा', 'अब तक छप्पन', किंवा 'थोडासा रूमानी हो जायें'मधली अभिजात भूमिका असो—त्यांच्या भूमिकांमधली ती अस्वस्थता त्यांच्या प्रत्यक्ष बोलण्यात आणि मुलाखतींमध्येही स्पष्ट जाणवायची. दुसरीकडे 'वेलकम' चित्रपटातला 'उदय शेट्टी' त्यांनी आपल्या खास आणि वेगळ्याच शैलीत मांडून प्रेक्षकांना खळखळून हसवलं.
नानांकडे केवळ अभिनयाचे कसब, प्रतिभा किंवा तंत्र नव्हते, तर त्यांची स्वतःची एक ठाम सामाजिक आणि वैचारिक भूमिका होती. माणसाने कसं जगावं, समाजात वावरताना संवेदनशीलता, हळवेपणा आणि कणव कशी निरंतर जपावी, याचं नाना हे एक ज्वलंत उदाहरण होते.
'नाम फाउंडेशन'च्या माध्यमातून त्यांनी केवळ सामाजिक कार्यच केले नाही, तर स्वाभिमान, प्रामाणिकपणा आणि साधेपणा या मूल्यांविषयी ते नेहमी परखडपणे बोलले. मराठी भाषेविषयीची आत्मीयता असो किंवा समाजातल्या बोचणाऱ्या विसंगतींवरची त्यांची प्रखर टिप्पणी असो—स्वतः एक सेलिब्रिटी असूनही कुठलाही वैयक्तिक स्वार्थ न ठेवता, समाजाच्या एकंदर स्वास्थ्यासाठी ते अविरतपणे व्यक्त होत राहिले. त्यांनी कधीही कोणाच्या टीकेची तमा बाळगली नाही, कारण त्यांची वैचारिक बैठक अतिशय स्वच्छ आणि सुस्पष्ट होती.
आपल्या आईवर त्यांचं नितांत प्रेम होतं. त्यांच्या मातोश्री दीर्घायुषी ठरल्या, वयाच्या 90-92 व्या वर्षापर्यंत जगल्या. त्या माऊलीनेच आपल्या सर्वांना एक असा कणखर, समर्थ आणि संवेदनशील मुलगा दिला, ज्याच्या मनात समाजाविषयी अथांग आस्था, कामाप्रती संपूर्ण समर्पण आणि प्रत्येक माणसाविषयी निखळ आपुलकी होती.

– ओंकार अंजली देवेंद्र वैद्य

Nana Patekar Son Malhar: नानांचा मुलगा मल्हार पाटेकर नेमकं काय करतो?; लाइमलाइटपासून दूर, पण सिनेसृष्टीशी खास कनेक्शन

भाग्यश्री कांबळे — Thu, 8 Oct 2026 13:56:59 +0530

Nana Patekar Son Malhar Patekar Information: नाना पाटेकर (Nana Patekar) यांचं आज गुरुवारी हृदयविकाराच्या झटक्याने (Heart Attack) निधन झालं. त्यांची अकाली एक्झिट मनाला चटका लावणारी ठरली. नाना पाटेकर (Nana Patekar Death) यांनी आपल्या कारकि‍र्दीत विविध जॉनरच्या चित्रपटांमध्ये काम केलं. केवळ मनोरंजन विश्वात (Entertainment) नाही तर, समाजसेवेसाठीही त्यांची विशेष ओळख आहे. गोव्यातील डोना पावला येथे छातीत कळ आल्याने त्यांना अस्वस्थ वाटू लागलं. त्यांना तातडीने मणिपाल रुग्णालयात नेण्यात आलं. पण डॉक्टरांनी तपासून ज्येष्ठ अभिनेते नानांना मृत घोषित करण्यात आलं. वयाच्या 75 व्या वर्षी त्यांनी अखेरचा श्वास घेतला. 5 वाजून 20 मिनिटांनी त्यांना मृत घोषित करण्यात आलं. नाना पाटेकर यांचा मुलगा मल्हार पाटेकर (Malhar Patekar) यांनी नाना पाटेकर यांचं निधन झालं असल्याची माहिती दिली.

वडिलांच्या निधनानंतर लेक मल्हार पाटेकर खचून गेला. नाना पाटेकर यांची प्रोफेशनल लाइफ कायम चर्चेत राहायची. पण त्यांनी आपलं वैयक्तिक आयुष्य कायम प्रायव्हेट ठेवणं पसंत केलं. नाना पाटेकर यांच्या पश्चात पत्नी आणि त्यांची दोन मुलं आहेत. निलकांती पाटेकर असं त्यांच्या पत्नीचं नाव आहे, तर मल्हार पाटेकर आणि दुर्वासा पाटेकर अशी त्यांच्या मुलांची नावे आहेत. मल्हार पाटेकर यांना वडिलांच्या निधनानंतर अश्रु अनावर झाले आहे. पण मल्हार पाटेकर कोण आहेत? मल्हार पाटेकर करतात काय? हा प्रश्न सध्या उपस्थित केला जात आहे. मल्हार पाटेकर यांची सध्या चर्चा सुरू आहे.

मल्हार पाटेकर कोण आहे? नामा पाटेकर यांचा मुलगा करतो काय? (Nana Patekar Son Malhar Patekar information Marathi News)

मल्हार पाटेकर हे नाना पाटेकर आणि निलकांती पाटेकर यांचा मुलगा आहे. वडिलांप्रमाणेच मल्हार पाटेकर देखील आपलं आयुष्य प्रायव्हेट ठेवणं पसंत करतात. तरुण वयात त्यांना फिल्ममेकिंगची आवड होती. मल्हार पाटेकर यांना कॅमेऱ्याच्या पल्याड काम करण्याची इच्छा होती. अॅक्टिंगमध्ये करिअर न घडवता त्यांना लहानपणापासून चित्रपट निर्मीतीमध्ये रस होता. त्यांनी कॅमेऱ्यामागे काम करण्याचा मार्ग निवडला. मीडिया रिपोर्ट्सनुसार, मल्हार यांनी आपलं सुरुवातीचं शिक्षण मुंबईतील सरस्वती मंदिर हाय स्कूल येथून पूर्ण केलं. नंतर कॉमर्समधून पदवी प्राप्त केली. यानंतर त्यांची आवड फिल्ममेकिंगकडे वळली. मल्हार पाटेकर यांनी सुरुवातीच्या काळात असिस्टंट दिग्दर्शक म्हणून काम केलं.

मल्हार पाटेकर यांनी आपल्या कारकि‍र्दीत फिल्म आणि कॅमेऱ्याच्या पल्याडही काम केलं. राम गोपाळ वर्मा यांच्या 'The Attacks of 26/11' या सिनेमात असिस्टंट दिग्दर्शक म्हणून काम केलं. मल्हार पाटेकर निर्मिती क्षेत्राशी संबंधित असून, त्यांनी 'नानासाहेब प्रॉडक्शन हाऊस' नावाची संस्थाही सुरु केली होती. मल्हार पाटेकर यांनी आपल्या कारकि‍र्दीत अभिनेता म्हणूनही काम केलं आहे.

महत्त्वाच्या इतर बातम्या:

Nana Patekar Viral Video: 'माझ्या सरणासाठी लागणारी सुकलेली लाकडं जमा करुन ठेवलीत, त्यातच मला जाळायचं...'; नाना पाटेकरांचा 'तो' अंगावर काटा आणणारा VIDEO

एबीपी माझा एंटरटेनमेंट डेस्क — Thu, 8 Oct 2026 13:56:21 +0530

Nana Patekar Viral Video: नाना पाटेकर (Nana Patekar)... म्हणजे, अभिनयाची खाण... असं म्हटलं तरी वावगं ठरणार नाही. नाना पाटेकरांचा (Marathi Actor Nana Patekar) गोव्यात हृदयविकाराच्या झटक्यानं (Nana Patekar Passes Away Due To Cardiac Arrest) मृत्यू झालाय. वयाच्या 75 व्या वर्षी नानांनी अकाली एक्झिट घेतली. त्यांचं जाणं प्रत्येकाच्याच मनाला चटका लावणारं आहे. नेहमीच बेधडक आणि थेटच बोलणार नाना चाहत्यांच्या गळ्यातील ताईत होते. सिनेमा कोणताही असो, अगदी समांतर सिनेमांपासून कॉमेडी सिनेमांपर्यंत नाना आपल्या अभिनयाचा ठसा नेहमीच उमटवायचे. फक्त सिनेमातच नाहीतर, खऱ्या आयुष्यातही नाना तितकेच बेधडक आणि बेदरकार होते. नानांची काही वक्तव्य तर, अगदी मनाला चटका लावणारी असायची. कित्येकदा नाना बोलायचे आणि अंगावर सर्रकन काटा यायचा. नाना पाटेकरांच्या निधनानंतर सोशल मीडियावर अनेक जुने व्हिडीओ व्हायरल होत आहेत. त्यातलाच एक व्हिडीओ अगदी डोळे पाणावणारा आहे. नानांचे ते शब्द ऐकून अक्षरशः हादरून जायला होतं.

स्वतःच्या अंत्यविधींबाबत सांगणारा नाना पाटेकरांचा VIDEO (Nana Patekar Viral VIDEO)

स्वतःच्या अंत्यविधींबाबत सांगणारा नाना पाटेकरांचा एक व्हिडीओ दिग्दर्शक राम गोपाल वर्मा यांनी ट्वीट केलाय. या व्हिडीओमध्ये नाना पाटेकरांनी आपल्या मृत्यूबाबत थेट वक्तव्य केलंय. तसेच, आपल्या सरणावर रचण्यासाठी लागणारी लाकडंही स्वतः काढून शेतात एका बाजूला रचून ठेवल्याचं नाना सांगतायत.

"मला माहितीय कधी ना कधी मला जायचंय, त्यासाठी 12 मण लाकडं लागणार आहेत, तेवढीच लागणार आहेत... हिच माझी शेवटची संपत्ती... बाळा मी माझ्या सरणासाठी लागणारी लाकडं जमा करुन ठेवलीत, ती सगळी लाकडं सुकलेली आहेत, त्यातच मला जाळायचंय, ओली लाकडं अजिबातच वापरु नका, नाहीतर खूप धूर होईल... मित्र-मंडळी, शेजारी-पाजारी सगळेच जमा होतील... त्यांच्या डोळ्यांत धूर जाईल, पाणी येईल त्यांच्या डोळ्यांतून... आणि माझ्या मृत्यूनंतर गैरसमज होईल की, हे सगळे माझ्यासाठीच रडतायत... कमीत कमी मी मेल्यानंतर तरी गैरसमज नकोत...", असं अंगावर काटा आणणारं वक्तव्य नाना पाटेकरांनी केलेलं.

https://t.co/GLqT6VXcD5
— Ram Gopal Varma (@RGVzoomin) October 8, 2026

दरम्यान, ज्येष्ठ अभिनेते नाना पाटेकर यांचं वयाच्या 75 व्या वर्षी गोव्यातील राहत्या घरी निधन झालं. नानांना मध्यरात्री छातीत दुखू लागलं, तसा मेसेजही त्यांनी मित्राला केला, पण मध्यरात्र असल्यानं मित्रानं तो काहीसा उशीराच पाहिला. मित्र त्यांच्या घरी पोहोचेपर्यंत फार उशीर झालेला. डॉक्टरांचं पथक घरी आलं, त्यांनी तब्बल 45 मिनिटं नानांना सीपीआर दिला. पण, तोपर्यंत फार उशीर झालेला. नाना पाटेकरांना तातडीनं रुग्णालयातही हलवण्यात आलं, पण तोपर्यंत त्यांची प्राणज्योत मालवली होती.

पाहा व्हिडीओ : नानांनी स्व:तच्या अंत्यविधीसाठी लाकडं काढून ठेवलेली, नामचे सीईओ ढसाढसा रडले...

महत्त्वाच्या इतर बातम्या :

Nana Patekar Death Marathi News: नाना पाटेकरांनी स्वत:च्या अंत्यविधीसाठी लाकडं काढून ठेवली, नामचे सीईओ ढसाढसा रडले, शेतातच अंत्यसंस्कार करण्याची नटसम्राटाची शेवटची विनंती, VIDEO

Monsoon Update: मान्सूनची एक्झिट; महाराष्ट्रातून मान्सूनची पूर्णपणे माघार; तरीही 'या' राज्यांमध्ये मुसळधार पावसाचा इशारा, वाचा हवामान विभागाचा अंदाज

अभिषेक मुठाळ — Thu, 8 Oct 2026 13:55:15 +0530

मुंबई : नैऋत्य मोसमी वाऱ्यांनी आज महाराष्ट्राच्या उर्वरित भागातून माघारी परतला आहे. गोवा, कर्नाटक, तेलंगणा आणि ओडिशाच्या काही भागांतूनही मान्सून माघारी (Monsoon Update) परतला आहे. झारखंड आणि छत्तीसगडच्या आणखी काही भागांतून मान्सून परतला आहे. मान्सूनच्या (Monsoon Update) माघारीची रेषा आता सुपौल, रांची, सुंदरगड, बरगड, बिजापूर, हैदराबाद, बेळगावी, पणजीपर्यंत पोहोचली आहे. पुढील 3 ते 4 दिवसांत मान्सूनची आणखी माघार अपेक्षित आहे. पूर्व भारतातील आणखी काही भाग आणि उत्तर द्वीपकल्पातून मान्सून माघारी जाण्यासाठी अनुकूल परिस्थिती आहे. ईशान्य भारतातील अनेक भागांतूनही पुढील काही दिवसांत मान्सून माघारी जाण्याची शक्यता आहे.(Monsoon Update)

नैऋत्य मान्सूनच्या उर्वरित भागांतून माघारीचा प्रवास

आज, 8 ऑक्टोबर 2026 रोजी, नैऋत्य मान्सून महाराष्ट्राच्या उर्वरित सर्व भागांतून; तसेच गोवा, कर्नाटक, तेलंगणा व ओडिशाच्या काही भागांतून आणि झारखंड व छत्तीसगडच्या आणखी काही भागांतून मागे फिरला आहे.

मान्सूनच्या माघारीची रेषा (Line of Withdrawal) आता 27.5°उत्तर/86.5°पूर्व, सुपौल, रांची, सुंदरगड, बरगड, बिजापूर, हैदराबाद, बेळगावी, पणजी आणि 15°उत्तर/72°पूर्व या भागांतून जात आहे.

पुढील 3 ते 4 दिवसांत पूर्व भारत आणि उत्तर द्वीपकल्पाच्या (Northern Peninsula) आणखी काही भागांतून, तसेच ईशान्य भारताच्या (Northeast India) अनेक भागांतून नैऋत्य मान्सून पूर्णपणे माघारी जाण्यासाठी अनुकूल परिस्थिती निर्माण होत आहे.

नैऋत्य मान्सूनचा महाराष्ट्र, छत्तीसगड आणि तेलंगणाच्या काही भागांतून परतीचा प्रवास सुरूच असून हवामान हळूहळू मान्सूनोत्तर (Post-monsoon) ऋतूकडे सरकत आहे. मान्सूनचा परतीचा प्रवास सुरू झाला असला तरी, अनेक भागांत पावसाची शक्यता कायम आहे. दक्षिण भारतातील राज्यांमध्ये मुसळधार पावसाच्या सरी, तर उत्तर भारतातील काही भागांत तुरळक पाऊस आणि विजांच्या कडकडाटासह वादळी पावसाचा अंदाज आहे.(Monsoon Update)

Monsoon Update: भारतीय हवामान विभागाचा (IMD) नवीन अंदाज

हवामान विभागाने (IMD) दिलेल्या नवीन अंदाजानुसार, येत्या काही दिवसांत उत्तर, पूर्व आणि दक्षिण भारतातील काही भागांत हवामान अस्थिर राहण्याची शक्यता आहे. उत्तर भारत आणि डोंगराळ प्रदेशातील अनेक भागांत विजांचा कडकडाट, वादळी वारे आणि मेघगर्जना होण्याची शक्यता आहे, तर दक्षिण भारतातील काही भागांत पाऊस सुरूच राहील. दिल्ली, पाटणा आणि लखनौमध्ये तुरळक पावसाच्या सरी कोसळू शकतात, तर तमिळनाडू आणि केरळमध्ये जोरदार ते मुसळधार पाऊस होण्याचा अंदाज वर्तवण्यात आला आहे.

महाराष्ट्रात मान्सूनच्या परतीच्या प्रवासाला सुरुवात झाली आहे. 10 ऑक्टोबरपर्यंत मान्सून जाणार असून त्यानंतर सध्या तरी मुसळधार पावसाची शक्यता कुठेही दिसत नाही. हवामान कोरडं राहणार आहे. अरबी समुद्रातून येणाऱ्या उष्ण आणि दमट वाऱ्यांमुळे हवामान बिघडण्याची शक्यता आहे. काही ठिकाणी अगदी तुरळक पाऊस होईल मात्र त्यामुळे आणखी उष्णता वाढण्याची भीती आहे. दुष्काळाच्या झळा बसायला सुरुवात होत आहे. अल निनोचा प्रभाव आणखी तीव्र होण्याची भीती आहे.

Monsoon Update: स्कायमेटनं काय दिला इशारा?

स्कायमेटचे हवामान तज्ज्ञांनी दिलेल्या माहितीनुसार सध्या महाराष्ट्रात अगदी तुरळक पावसाचा अंदाज आहे. मान्सूच्या परतीचा प्रवास सुरू झाला आहे. पाकिस्तानकडून भारताच्या दिशेनं वेस्टर्न डिस्टर्बन्स तयार होत असून तिथून वारे खाली सरकत आहेत. दक्षिण भारतात पाऊस राहणार आहे. महाराष्ट्रात मात्र सध्या तापमान वाढण्याचे संकते आहेत.

Vastu Shashtra: तुमच्या घराच्या मुख्य दरवाजावर 'या' देवतांचे फोटो नाही ना? जीवनात संकट येण्याचे एक मुख्य कारण? वास्तुशास्त्र...

एबीपी माझा वेब टीम — Thu, 8 Oct 2026 13:49:04 +0530

Vastu Shashtra: आपण अनेकदा पाहतो, अनेक लोकांचा मुख्य दरवाजा किंवा त्याच्या वर विविध देवी-देवतांचे फोटो लावलेले असतात. अनेक लोकांच्या समजुतीनुसार, घरातील नकारात्मक ऊर्जा दूर करण्यासाठी आपल्या घराच्या मुख्य दारावर देवतांची चित्रे लावली जातात. मात्र तुम्हाला माहितीय का? काही देवतांच्या प्रतिमा घरात अशांतता आणि नकारात्मक ऊर्जा आणू शकतात. वास्तुशास्त्रानुसार, आज आम्ही तुम्हाला सांगणार आहोत की घराच्या मुख्य दारावर कोणत्या देवतांच्या प्रतिमा लावणे टाळावे? जाणून घ्या...

घराच्या मुख्य दारावर कसे फोटो लावावेत? (Vastu Shashtra)

वास्तुशास्त्रानुसार, घराच्या मुख्य दारावर कधीही देवतांच्या उग्र प्रतिमा लावू नयेत. म्हणून, या लेखात आम्ही तुम्हाला सांगणार आहोत की घराच्या मुख्य दारावर कोणत्या उग्र देवतांच्या प्रतिमा लावणे टाळावे. वास्तुशास्त्रानुसार, घराचा मुख्य दरवाजा सकारात्मक ऊर्जेचे प्रवेशद्वार मानला जातो. मुख्य दाराच्या स्वच्छतेकडे विशेष लक्ष दिले पाहिजे. तरच संपत्तीची देवी, लक्ष्मी, घरात प्रवेश करेल, ज्यामुळे धन आणि समृद्धी वाढेल.

शनिदेव

वास्तुशास्त्रानुसार, शनिदेवाला कर्माचा दाता आणि न्यायाची देवता मानले जाते. तो व्यक्तींना त्यांच्या कर्मानुसार फळ देतो. वास्तुशास्त्रानुसार, शनिदेवाची मूर्ती मुख्य प्रवेशद्वारावर किंवा घराच्या आत ठेवू नये. असे मानले जाते की शनिदेवांची दृष्ट जीवनात अशांतता निर्माण करू शकते. मुख्य प्रवेशद्वारावर मूर्ती ठेवल्याने घरात प्रवेश करणाऱ्यांवर आणि कुटुंबातील सदस्यांवर त्याची थेट नजर पडते, ज्यामुळे अडथळे आणि अनावश्यक ताण निर्माण होतो. याच कारणामुळे, शनिदेवाची मूर्ती मुख्य प्रवेशद्वारावर ठेवू नये.

भगवान शिव

वास्तुशास्त्रानुसार, भगवान शिवाची नटराज किंवा क्रोधी रूपातील प्रतिमा मुख्य प्रवेशद्वारावर कधीही ठेवू नये. वास्तुशास्त्रानुसार, महादेवाच्या या रूपाची प्रतिमा ठेवल्याने कुटुंबातील सदस्यांमध्ये संघर्ष वाढू शकतो आणि जीवघेण्या समस्या निर्माण होऊ शकतात.

देवी महाकाली

वास्तुशास्त्रानुसार, देवी महाकाली ही शक्तीची देवी आहे, परंतु तिचे हे रूप राक्षसांचा संहार आणि प्रखर क्रोधाशी संबंधित आहे. हे अधिक उग्र आणि आक्रमक ऊर्जेचे प्रतीक आहे. वास्तुशास्त्रानुसार, घराच्या मुख्य प्रवेशद्वारावर काली देवीच्या उग्र रूपाचे चित्र लावल्याने अनावश्यक संघर्ष निर्माण होऊ शकतात.

हेही वाचा :

Hindu Religion: कुलदेवता, ग्रामदेवता की इष्टदेवता? पूजा आधी कोणाची करावी? पूजेचा योग्य क्रम कमी लोकांना माहित, धार्मिक मान्यता...

(टीप : वरील सर्व बाबी एबीपी माझा केवळ माहिती म्हणून वाचक-प्रेक्षकांपर्यंत पोहोचवत आहे. यातून एबीपी माझा कोणताही दावा करत नाही.)

पोटच्या लेकराचा दुसऱ्या वर्षीचं मृत्यू, मुंबई बाॅम्बस्फोटात भावाला गमावलं, दिग्दर्शकाला शिवीगाळ, आगीत भाजले ते शाळेत मास्तरांचा दररोजचा मार; नाना पाटेकरांच्या न विसरता येणाऱ्या 10 आठवणी

जयदीप मेढे — Thu, 8 Oct 2026 13:39:30 +0530

Nana Patekar Death: नाना पाटेकर यांच्या अकाली एक्झिट अवघ्या मराठी मनासह देशात सन्नाटा पसरला आहे. गोव्यातील डोना पौला येथील त्यांच्या निवासस्थानी त्यांना हृदयविकाराचा झटका आला. त्यानंतर त्यांना तातडीने रुग्णालयात दाखल करण्यात आले, जिथे सुमारे 45 मिनिटे सीपीआर (CPR) देण्यात आला, परंतु त्यांना वाचवता आले नाही. नाना पाटेकर यांची चित्रपट कारकीर्द जवळपास पाच दशकांची होती. त्यांनी रंगभूमीपासून सुरुवात केली आणि नंतर चित्रपटांकडे वळले. त्यांनी 'गमन', 'अंकुश', 'परिंदा', 'क्रांतिवीर', 'तिरंगा', 'अब तक छप्पन', 'अपहरण' आणि 'वेलकम' यांसारख्या चित्रपटांमध्ये अविस्मरणीय भूमिका साकारल्या.

लहानपासून बंडखोर वृत्ती, तापट स्वभावामुळे चर्चेत

1 जानेवारी 1951 रोजी महाराष्ट्रातील रायगड जिल्ह्यातील मुरुड-जंजिरा या गावात जन्मलेले विश्वनाथ गजानन पाटेकर, जे जगाला नाना पाटेकर म्हणून ओळखले जातात, ते इतर मुलांपेक्षा वेगळे होते. नाना लहानपणापासूनच इतर मुलांपेक्षा वेगळे होते. त्यांच्यात बंडखोर वृत्ती होती आणि त्यांना कलेच्या माध्यमातून सामाजिक दुष्कृत्ये उघडकीस आणायची होती. त्यामुळे, त्यांनी प्रथम रंगभूमीत प्रवेश केला आणि नंतर चित्रपटांकडे वळले.नाना त्यांच्या तापट स्वभावामुळेही चर्चेत होते. जेव्हा रवी चोप्रांनी त्यांना एका बलात्कारीची भूमिका देऊ केली, तेव्हा त्यांनी त्यांना शिवीगाळ केली. 'परिंदा' चित्रपटाच्या चित्रीकरणादरम्यान नाना आणि चित्रपटाचे दिग्दर्शक, विधू विनोद चोप्रा यांच्यात वाद झाला.

वयाच्या 13व्या वर्षी ते दररोज 16 किमी चालायचे

नानांचे वडील कापडावर चित्रकला करण्याचा एक छोटा व्यवसाय चालवत होते. जेव्हा नाना 13 वर्षांचे होते, तेव्हा कोणीतरी त्यांची फसवणूक केली. तो व्यवसाय रातोरात कोसळला. त्यांची सर्व मालमत्ता विकली गेली. पैसे कमावण्यासाठी नानांनाही रस्त्यावर उतरावे लागले. ते सकाळी शाळेत जायचे आणि संध्याकाळी चित्रपटांची पोस्टर्स रंगवायचे. त्यांच्या घरापासून पोस्टर रंगवण्याच्या जागेपर्यंतचे अंतर 8 किलोमीटर होते. अशाप्रकारे, ते दररोज 16 किलोमीटरचे अंतर पायी पार करत असत. या कामासाठी त्यांना महिन्याला 35 रुपये मिळत असत. ही घटना 1963 च्या सुमारास घडली. पैशांची इतकी चणचण होती की कधीकधी त्यांना जेवणही परवडत नसे. दुपारच्या किंवा रात्रीच्या जेवणाच्या वेळी, कोणीतरी आपल्याकडे दोन पोळ्या मागेल या आशेने नाना सहजपणे आपल्या मित्रांना भेटायला जात असे.

शिक्षकांकडून दररोजचा मार

नाना लहानपणी खूप खोडकर होता. इतका खोडकर की, प्रत्येक वेळी मार खाण्यासाठी उठावे लागू नये म्हणून शिक्षक त्याला त्यांच्या शेजारी बसवत असत. खोडकरपणा इतकी वाढली की, सहावी इयत्तेनंतर त्याच्या आईने त्याला त्याच्या बहिणीच्या गावी पाठवून दिले. दुसरीकडे गेल्यास तो सुधारेल असे त्याच्या आईला वाटले. नाना एक-दोन वर्षे त्याच्या मावशीच्या घरी राहिला आणि मग परत आला. नानाच्या संगतीमुळे आपली मुले बिघडतील या भीतीने त्याच्या मावशीने त्याला परत पाठवले.

स्वतःला कुरूप समजत असत

नाना स्वतःला इतरांपेक्षा कमी लेखत असे. तो स्वतःला कुरूप समजत असे. त्याचे दोन्ही भाऊ त्याच्यापेक्षा जास्त देखणे होते. नानाला वाटायचे की त्याचे वडील इतर भावांकडे जास्त लक्ष देतात. लहानपणापासून नाना गावाकडच्या नाटकांमध्ये आणि कार्यक्रमांमध्ये भाग घेत असत. एकदा ते गावात एका नाटकात काम करत होते. त्यांचे वडील फक्त ते नाटक पाहण्यासाठी मुंबईहून आले होते. त्या क्षणी, वडिलांचे आपल्यावर प्रेम नाही हा नानांचा भ्रम दूर झाला. त्यांना जाणवले की, ज्याप्रमाणे त्यांनी आपल्या कलेने वडिलांवर प्रभाव टाकला होता, त्याचप्रमाणे ते संपूर्ण जगावर प्रभाव टाकू शकतात.

वडील रुग्णालयात, औषधांसाठीसुद्धा पैसे नव्हते

नाना यांच्या वडिलांबद्दलचे बालपणीचे गैरसमज काळाबरोबर दूर झाले, पण त्यांच्याबद्दलची खंत आयुष्यभर त्यांच्या मनात राहिली. नाना आपल्या कमाईतील एक रुपयासुद्धा वडिलांना देऊ शकले नाहीत. नाना म्हणाले होते, आपल्या कमाईतून वडिलांसाठी काहीही करू न शकल्याने त्यांना खूप दुःख झाले होते. त्यांचे वडील महानगरपालिकेच्या रुग्णालयात निधन पावले. त्यावेळी नानांकडे औषधांसाठीसुद्धा पैसे नव्हते. या कठीण काळात त्याच्या मित्रांनी त्याला मदत केली आणि त्याच्या औषधांचा खर्च उचलला.

बलात्कारीची भूमिका देऊ केली, शिवीगाळ केली

अभिनेत्री स्मिता पाटील यांनी नानांना बी.आर. चोप्रा यांचा मुलगा, रवी चोप्रा यांच्याकडे पाठवले. त्यावेळी रवी चोप्रा 'आज की आवाज' हा चित्रपट बनवत होते. त्यांनी नानांना बलात्कारी व्यक्तीची भूमिका देऊ केली. ही ऑफर ऐकून नाना संतापले. त्यांनी सर्वांसमोर रवीला शिवीगाळ केली. नाना म्हणाले, "तुम्हाला काय वाटतं, मी कोणीतरी सामान्य माणूस आहे? मी अशी भूमिका करेन का?" हे ऐकून नाना निघून जाऊ लागले. तेवढ्यात स्मिता पाटील तिथे आल्या. त्यांनी नाना आणि रवी दोघांनाही समजावून सांगितले. त्यानंतर रवी चोप्रा यांनी त्यांना मुख्य खलनायकाची भूमिका देऊ केली. यावेळी नाना आपल्या भूमिकेवर ठाम राहिले. ते म्हणाले, "मी ही भूमिका करेन, पण माझे पात्र मी स्वतः लिहीन." अखेरीस, त्यांनी ती भूमिका स्वीकारली.

विधू विनोद चोप्रा यांच्यासोबत झालेली झटापट

'परिंदा' चित्रपटाच्या चित्रीकरणादरम्यान दिग्दर्शक विधू विनोद चोप्रा आणि नाना पाटेकर यांच्यात वाद झाला होता. एका टीव्ही रिॲलिटी शोमध्ये विधू यांनी स्वतः ही गोष्ट कबूल केली. ते म्हणाले, "नाना प्रत्येक सीनमध्ये शिवीगाळ करायचे. मला ते खूप विचित्र वाटायचे. त्यावेळी मला शिवीगाळ कशी करायची हे माहित नव्हते. नाना सतत शिवीगाळ करत राहिले. आणि मग ते शूटिंग न करताच घरी जाऊ लागले. मी म्हणालो, 'आधी मला पैसे द्या, मग परत जा. किमान मला काही इजा तरी करू नका.' असे म्हणत मी त्यांचा कुर्ता फाडला." ते पुढे म्हणाले, "हे सर्व सुरू असताना, कॅमेरामॅन शॉटची तयारी करत होता. तुम्ही चित्रपट बघायला हवा; एका सीनमध्ये नाना बनियन घालून बसून रडताना दिसतात. तो शॉट त्या भांडणानंतर लगेचच घेतला होता. असो, तो शॉट एकदम परफेक्ट होता. नंतर नानांनी मला मिठी मारली."

आगीत भाजले आणि त्वचा सोलून निघाली

'परिंदा' चित्रपटाच्या क्लायमॅक्स दृश्यात नाना पाटेकर आगीत जळताना दाखवले होते. दुर्दैवाने, नाना खरोखरच आगीत भाजले होते आणि परिणामी त्यांची संपूर्ण त्वचा सोलून निघाली होती. वास्तविक पाहता, त्या काळातील चित्रपटांमध्ये कृत्रिमरित्या तिथे आग वगैरे काही नव्हती. सेटवर खरी आग लावण्यात आली होती. चित्रपटाचे दिग्दर्शक, विधू विनोद चोप्रा यांनी नानांना सुरक्षा कवच घालण्यास सांगितले. नाना म्हणाले की, सुरक्षा कवच घातल्यास त्यांचा अभिनय नैसर्गिक दिसणार नाही. तरीही, विधूंच्या आग्रहामुळे त्यांनी स्वतःला थोडे झाकले. मात्र, जेव्हा सीन सुरू झाला, तेव्हा आगीच्या ज्वाला त्यांच्या शरीराला लागल्या. त्यांच्या हाता-पायांची त्वचा नाहीशी झाली. परिस्थिती गंभीर झाली. त्यांना मुंबईतील नानावटी रुग्णालयात दाखल करण्यात आले. या घटनेनंतर नाना वर्षभर चित्रपटांपासून दूर राहिले.

तेव्हा त्यांनी संरक्षण मंत्र्यांना फोन केला

नाना पाटेकर यांना लहानपणापासूनच सैन्यात भरती होण्याची इच्छा होती. 1991 साली प्रदर्शित झालेल्या 'प्रहार' या चित्रपटाने त्यांचे हे स्वप्न साकार झाले. लष्करी पार्श्वभूमीवर आधारित असलेल्या या चित्रपटाच्या तयारीसाठी नानांनी तीन वर्षांचा लष्करी प्रशिक्षण कार्यक्रम पूर्ण केला, जिथे त्यांना कॅप्टनचा मानद दर्जा देण्यात आला. 1999 मध्ये पाकिस्तानसोबत झालेल्या कारगिल युद्धादरम्यान नाना यांनी भारतीय सैन्यात सेवा बजावली. मात्र, यामागे एक रंजक कहाणी आहे. नाना यांनी एका वरिष्ठ लष्करी अधिकाऱ्याला फोन करून सैन्यात भरती होण्याची इच्छा व्यक्त केली. तो अधिकारी म्हणाला, "तुम्ही एक सामान्य नागरिक आहात, आम्ही तुमची भरती करू शकत नाही." त्यानंतर नाना यांनी देशाचे तत्कालीन संरक्षण मंत्री जॉर्ज फर्नांडिस यांना फोन केला. जॉर्ज फर्नांडिस नाना यांना आधीपासूनच ओळखत होते. सुरुवातीला त्यांनी नकार दिला, पण जेव्हा नाना यांनी त्यांना आपल्या लष्करी पार्श्वभूमीबद्दल सांगितले, तेव्हा ते तयार झाले आणि त्यांनी परवानगी दिली.

नाना यांनी कारगिलमध्ये दोन महिने सैन्यात सेवा बजावली. तिथे ते 'क्विक रिॲक्शन टीम'चा भाग होते. 'क्विक रिॲक्शन टीम'मध्ये केवळ अशाच लोकांना नियुक्त केले जाते जे इतरांपेक्षा अधिक कुशल असतात आणि कोणत्याही परिस्थितीत लढायला तयार असतात. नाना यांनी 'पुरुष' (1981) या नाटकात 16 वर्षे काम केले आणि अंदाजे 1,800 प्रयोग केले. या नाटकात त्यांनी खलनायकाची भूमिका साकारली होती. त्यांची भूमिका इतकी किळसवाणी होती की, सादरीकरणादरम्यान महिला त्यांच्यावर चपला फेकून मारू लागत. जेव्हा त्या चपला मागायच्या, तेव्हा नाना नकार द्यायचे. ते त्या चपला आदराचे प्रतीक म्हणून स्वतःजवळ ठेवत.

राजकुमारसाठी घरी बनवलेली भाजी आणली

लल्लनटॉपला दिलेल्या एका मुलाखतीत नानांनी सांगितले की, 'तिरंगा' चित्रपटाच्या चित्रीकरणादरम्यान ते घरून केळीच्या फुलांची भाजी घेऊन आले होते. राजकुमारने ती भाजी खाल्ली आणि नानांना सांगितले की, खिमा खूप छान बनवला आहे. नानांनी त्याला सांगितले की, तो खिमा नाही, तर केळीच्या फुलांची भाजी आहे. राजकुमारने तरीही गंमतीने त्याला खिमाच म्हटले.

1993 च्या मुंबई बॉम्बस्फोटात भाऊ गमावला

नानांनी 1993 च्या बॉम्बस्फोटात आपला भाऊ गमावला. त्यांचा भाऊ ज्या बसमधून प्रवास करत होता, त्या बसचा स्फोट झाला. मृतदेह ओळखण्यासारखा नव्हता. नानांनी मनगटावर एक ब्रेसलेट घातले होते, ज्यामुळे मृतदेहाची ओळख पटण्यास मदत झाली. नानांची पत्नी, नीलकंठी, ज्या बसमध्ये स्फोट झाला, त्या बसच्या पुढच्या बसमधून प्रवास करत होत्या. खरं तर, नानांची पत्नी आणि भाऊ एकत्र निघाले होते. त्यांना एकाच बसमध्ये बसायचे होते, पण फक्त एकच जागा उपलब्ध होती. त्यामुळे नानांच्या भावाला बसच्या मागच्या भागात बसावे लागले. जर त्याला पहिल्या बसमध्ये जागा मिळाली असती, तर कदाचित तो वाचला असता. दोन वर्षाच्या मुलाच्या आकस्मिक मृत्यूनंतरही नानांना प्रचंड धक्का बसला होता.

इतर महत्वाच्या बातम्या

Nana Patekar: 'त्या 4 तासात आपल्यांचे डोळे पाहून मुडद्याला सुद्धा मृत्यू तोहफा वाटत असणार..' मेल्यानंतर जिवंत कोण राहतं? नाना पाटेकर तेव्हा मोजक्याच शब्दात म्हणाले होते

Nana Patekar Death Marathi News: नाना पाटेकरांनी स्वत:च्या अंत्यविधीसाठी लाकडं काढून ठेवली, नामचे सीईओ ढसाढसा रडले, शेतातच अंत्यसंस्कार करण्याची नटसम्राटाची शेवटची विनंती, VIDEO

एबीपी माझा एंटरटेनमेंट डेस्क — Thu, 8 Oct 2026 13:18:44 +0530

Nana Patekar Death Marathi News: रुपेरी पडद्यावरचा 'नटसम्राट' काळाच्या पडद्याआड गेला अन् अख्खी मनोरंजनसृष्टी शोकाकुल झालीय. आपल्या दमदार अभिनयानं सर्वांना खिळवून ठेवणारे ज्येष्ठ अभिनेते नाना पाटेकर (Veteran Actor Nana Patekar) यांनी वयाच्या 75 व्या वर्षी अखेरचा श्वास घेतला. नाना पाटेकरांना (Nana Patekar) गोव्यात (Goa News) त्यांच्या राहत्या घरी हृदयविकाराचा तीव्र झटका आला आणि त्यातच त्यांनी जगाचा निरोप घेतला. पुण्यातील डोणजे गावात नाना पाटेकरांच्या पार्थिवावर अंत्यसंस्कार (Nana Patekar Last Rites) करण्यात येणार आहेत. नानांच्या निधनानं त्यांच्या चाहत्यांना धक्का बसला आहे. तसेच, सोशल मीडियावर त्यांच्या मुलाखतींचे, भाषणांचे जुने व्हिडीओ व्हायरल (Nana Patekar Viral Video) होत आहेत. असाच एक व्हिडीओ सध्या व्हायरल होतोय. जो पाहून डोळ्यांच्या कडा पाणावल्याशिवाय राहणार नाहीत. कोणताही आडपडदा न ठेवता बोलणारा हा अवलिया स्वतःच्या मृत्यूवरही तेवढाच परखडपणे बोलायचा. छाती ठोकून हा दिग्गज मी मृत्यूला घाबरत नाही, अगदी बेदरकारपणे सांगायचा. अशाच एका मुलाखतीत बोलताना नानांनी माझ्या सरणावरच्या 12 मण लाकडांची सोय मी आधीच केलीय, असं थेट सांगून टाकलेलं. सध्या नानांचं हे वक्तव्य भलतंच चर्चेत आलं आहे. तर, पाणी फाऊंडेशनचे सीईओ गणेश थोरात यांनीही नानांच्या या इच्छेबाबत माहिती दिलीय.

पाणी फाऊंडेशनचे सीईओ गणेश थोरात यांनी एबीपी माझाशी बोलताना माहिती दिली की, "आम्हा सर्वांना नाना पाटेकरांनी सांगून ठेवलेलं, माझं काहीही झालं तरी माझे अंत्यविधी माझ्या शेतात करा, मला त्या मातीत राहू द्या, मला त्या मातीत मिसळा, पण तो माणूस वेगळाच होता, आम्ही शब्दांत सांगूच शकत नाही..."

"माझे अंत्यविधी माझ्या शेतातच करा, ही नानांचीच इच्छा होती. स्वतःच्याच अंत्यविधीची लाकडं त्यांनी कधीच बाजूला काढून ठेवली आहेत... माझ्या शेतात मोठी झालेली लाकडंच माझ्या अंत्यविधीसाठी वापरा आणि माझ्याच शेतात माझे अंत्यविधी झाले पाहिजेत, असं सांगितलेलं. त्यांच्याच शेतातली, त्यांनीच काढून ठेवलेली लाकडं त्यांच्या अंत्यविधीसाठी वापरली जाणार आहेत...", अशीही माहितीही पाणी फाऊंडेशनचे सीईओ गणेश थोरात यांनी दिली.

https://t.co/GLqT6VXcD5
— Ram Gopal Varma (@RGVzoomin) October 8, 2026

स्वतःच्या अंत्यविधींबाबत सांगणारा नाना पाटेकरांचा VIDEO (Nana Patekar Viral VIDEO)

कधीच कोणतीही चाळण न लावता थेट आणि बेधडकपणे बोलणारा हा नटसम्राट आपल्या मृत्यूवरही तितक्याच बेदरकारपणे बोलायचा. स्वतःच्या सरणाची तयारी जिवंतपणीच करुन ठेवणारा हा फक्त अभिनेताच नव्हता, तर देवानंच पृथ्वीवर धाडलेला एक चमत्कारच होता, असं म्हटलं तरी वावगं ठरणार नाही. नानांचं असं अचानक जाणं सर्वांसाठीच चटका लावणारं आहे. तर, त्यांच्या जाण्यानं निर्माण झालेली पोकळी कधीच न भरुन निघणारी आहे.

महत्त्वाच्या इतर बातम्या :

Nana Patekar Funeral Updates: नाना पाटेकरांवर पुण्यातील डोणजे गावात आजच अंत्यसंस्कार, लाडक्या नटसम्राटाला शासकीय इतमामात निरोप!

रोहित पवार काय म्हणाले? (Rohit Pawar On Raj Thackeray MPSC Protest)

राज ठाकरे काय म्हणाले होते? (Raj Thackeray On MPSC Protest Pune)

पुण्यातील एस.एम. जोशी पुलावरील एमपीएससीच्या आंदोलनाचा आज नववा दिवस- (Rohit Pawar MPSC Protest Pune)

MPSC च्या विद्यार्थ्यांसाठी चांगली बातमी येणार, राज ठाकरे काय म्हणाले?, VIDEO

संबंधित बातमी:

महायुतीत बंडखोरी, आघाडीतही उमेदवारीचा पेच

मराठवाडा पदवीधर निवडणूक, महत्त्वाचे उमेदवार

Hanere De Panchi Punjabi Film Review: हनैरे दे पंच्छी: पंजाबच्या गावातली किचकट गोष्ट

Ashok Kharat Case: अशोक खरातच्या अडचणी वाढल्या! आर्थिक फसवणूक प्रकरणात 14 दिवसांची न्यायालयीन कोठडी, कोर्टात नेमकं काय घडलं?

Ashok Kharat Case: वृद्धाश्रमासाठी भूखंड खरेदी केल्याचे प्रकरण काय?

Ashok Kharat Case: पोलीस कोठडी संपल्यानंतर न्यायालयात हजर

Ashok Kharat Case: लैंगिक अत्याचार आणि विनयभंगाच्या प्रकरणांची सुनावणी 21 ऑक्टोबरला

Ashok Kharat Case: अशोक खरातवर एकूण 17 गुन्हे

राज्य आणि देश-विदेशातील महत्त्वाच्या बातम्या; पाहा व्हिडीओ

Tanushree Dutta : तनुश्री दत्ताचा व्हिडिओद्वारे गौप्यस्फोट

Tanushree Dutta : 'नाना पाटेकर पैसे देऊन काम करून घ्यायचे'

शिकांत पाटील चुयेकर हेच पहिले अध्यक्ष असतील

तर दुधाच्या उत्पादनावर सुद्धा परिणाम होणार

पहिले चेअरमन शशिकांत पाटील चुयेकर असतील

सोयाबीन गेलं, खर्चही निघेना

Weekly Horoscope: मिथुन, कर्क राशींचे लोक, खर्च जरा हात राखून करा, ऑक्टोबरचा दुसरा आठवडा कसा जाणार? साप्ताहिक राशीभविष्य..

मिथुन रास साप्ताहिक राशीभविष्य (Gemini Weekly Horoscope)

कर्क रास साप्ताहिक राशीभविष्य (Cancer Weekly Horoscope)

8 ते 11 ऑक्टोबर दरम्यान पाळत

तरुणांच्या गटांची चौकशी

दुसऱ्याच्या मालकीची खोली, दुसऱ्याचे वास्तव्य

बस आणि मार्गांवर दक्षता

स्थानके आणि विमानतळांवर तपासणी

आंदोलनांपूर्वी लोकांना ताब्यात घेतले

10 ऑक्टोबर रोजी दिल्लीतील जंतर मंतरवर सीजेपीचे आंदोलन

ABP Majha Top 10, 9 October 2026 : आजच्या ब्रेकिंग न्यूज वाचा, एबीपी माझा दुपारच्या बुलेटिनमधील टॉप 10 हेडलाईन्स वाचा - Afternoon

Someshwar Sugar Factory : निवडणुकीचा आजचा प्रचाराचा शेवटचा दिवस

तूळ रास (Libra Weekly Horoscope)

वृश्चिक रास (Scorpio Weekly Horoscope)

धनु रास (Saggitarius Weekly Horoscope)

मकर रास (Capricorn Weekly Horoscope)

कुंभ रास (Aquarius Weekly Horoscope)

मीन रास (Pisces Weekly Horoscope)

Weekly Horoscope : मेष ते मीन, सर्व 12 राशींसाठी ऑक्टोबरचा दुसरा आठवडा कसा असणार? वाचा लकी कलर, नंबर आणि टीप

Navnath Ban on Vivekanand Patil: पुस्तकात वाचून उत्तर दिले तरी चालेल

Navnath Ban on Vivekanand Patil: कोणाची अक्कल काढताना 100 वेळा विचार करावा

Navnath Ban on Rohit Pawar: रोहित पवार लक्षात ठेवा...

Jay Pawar Baramati : 'युगेंद्रदादा खोटं बोलू नका, सभासद सत्य जाणतात...'; जय पवारांचं स्फोटक भाषण, काय काय म्हणाले?

Jay Pawar Baramati : एकत्र येण्याची चर्चाही झाली होती

Jay Pawar Baramati : ‘माळेगाव कारखाना 70 कोटींच्या तोट्यात असल्याचा दावा; जय पवारांचा पलटवार’

Jay Pawar Baramati : निवडणुकीचा आजचा प्रचाराचा शेवटचा दिवस

Weekly Horoscope: मेष, वृषभ राशींना नवी संधी मिळणार, घाई करू नका, ऑक्टोबरचा दुसरा आठवडा कसा जाणार? साप्ताहिक राशीभविष्य..

मेष रास साप्ताहिक राशीभविष्य (Aries Weekly Horoscope)

वृषभ रास साप्ताहिक राशीभविष्य (Taurus Weekly Horoscope)

त्यांच्या मुलीचा पराभव केल्यापासून त्यांच्या मनात माझ्याविषयी राग

'टोलनाक्यावरील भांडण मिटले'

मुख्यमंत्री सकारात्मक, राज ठाकरे काय म्हणाले? (Raj Thackeray On MPSC Protest Pune)

राज ठाकरे आंदोलनस्थळी काय म्हणाले होते? (Raj Thackeray MPSC Marathi News)

राज्यासह देश-विदेशातील महत्वाच्या घडामोडी, VIDEO:

संबंधित बातमी:

पहिले चेअरमन शशिकांत पाटील चुयेकर असतील

राधानगरी तालुक्यातील समीकरणे बदलण्याची चिन्हे

सात विद्यमान संचालकांना संधी

अन्न व औषध प्रशासनाला संबंधित भोजनगृहात तपासणीदरम्यान काय आढळलं?

Jalgaon Crime: रसवंतीची गाडी जप्त केल्याने तरुणाचा संताप

Jalgaon Crime: महापौरांच्या वाहनावर लोखंडी रॉडने हल्ल्याचा प्रयत्न

Jalgaon Crime: महापौरांचे गुन्हा दाखल करण्याचे निर्देश

राज्य आणि देश-विदेशातील महत्त्वाच्या बातम्या; पाहा व्हिडीओ

Nana Patekar Goa Police Registers Unnatural Death Case: गोवा पोलिसांकडून नाना पाटेकरांच्या अनैसर्गिक मृत्यूची नोंद, पोस्टमॉर्टम रिपोर्टकडे लक्ष

Weekly Horoscope : मेष ते मीन, सर्व 12 राशींसाठी ऑक्टोबरचा दुसरा आठवडा कसा असणार? वाचा लकी कलर, नंबर आणि टीप

मेष रास (Aries)

वृषभ रास (Taurus)

मिथुन रास (Gemini)

कर्क रास (Cancer)

सिंह रास (Leo)

कन्या रास (Virgo)

तूळ रास (Libra)

वृश्चिक रास (Scorpio)

धनु रास (Sagittarius)

मकर रास (Capricorn )

कुंभ रास (Aquarius)

मीन रास (Pisces)

Shardiya Navratri 2026 : शारदीय नवरात्रीतील 9 दिवस कोणत्या देवीला काय अर्पण करायचं? संपूर्ण यादी वाचा फक्त एका क्लिकमध्ये...

Delhi Jantar Mantar Protest: दिल्लीला चाललेल्या पुण्यातील कार्यकर्त्यांना मध्यप्रदेश पोलिसांनी ताब्यात घेतले

Delhi Jantar Mantar Protest: 10 ऑक्टोबरला जंतर-मंतरवर CJPचे आंदोलन