बेरोजगार तरुणांसाठी महत्वाची बातमी! 'या' कंपनीत नोकरीची मोठी संधी, 1500 कोटींची गुंतवणूक होणार
Job opportunity : नोकरीच्या (Job) शोधात असणाऱ्या उमेदवारांसाठी एक मोठी आणि महत्वाची बातमी समोर आली आहे. बेरोजगार तरुणांना नोकरीची मोठी संधी मिळणार आहे.
Job opportunity : नोकरीच्या (Job) शोधात असणाऱ्या उमेदवारांसाठी एक मोठी आणि महत्वाची बातमी समोर आली आहे. बेरोजगार तरुणांना नोकरीची मोठी संधी मिळणार आहे. लेन्सकार्ट कंपनीत विविध पदांसाठी लवकरच मोठी भरती केली जाणार आहे. लेन्सकार्ट (Lenskart) कंपनी तेलंगणा राज्यामध्ये मोठी गुंतवणूक करणार आहे. कंपनीने तेलंगणा सरकारसोबत एक सामंजस्य करार केला, ज्या अंतर्गत राज्यात सुमारे 1500 कोटी रुपये खर्चून चष्मा निर्मिती करणारा उभारणार आहे. यामुळं सुमारे 2100 लोकांना रोजगार मिळणार आहे. हा जगातील सर्वात मोठा चष्मा निर्मिती कारखाना असणार आहे.
तेलंगणात जगातील सर्वात मोठा प्लांट उभारणार
राज्याचे उद्योग आणि आयटी मंत्री डी श्रीधर बाबू यांनी ट्विटरवरील याबाबतची माहिती दिली आहे. लेन्सकार्टसोबत सामंजस्य करारावर स्वाक्षरी झाल्याची घोषणा झाली आहे. याचा आम्हाला खूप आनंद असल्याचे ते म्हणाले. या अंतर्गत, कंपनी तेलंगणामध्ये 1,500 कोटी रुपयांच्या गुंतवणुकीसह जगातील सर्वात मोठे आयवेअर उत्पादन युनिट स्थापन करणार आहे. हे उत्पादन युनिट डोळ्यांशी संबंधित सर्व वस्तू जसे की लेन्स, सनग्लासेस इत्यादी तयार करणार आहे.
तेलंगणातून मोठ्या प्रमाणात उत्पादनेही आयात केली जाणार
श्रीधर बाबू यांनी दिलेल्या माहितीनुसार, येथील उत्पादने दक्षिण-पूर्व आशिया आणि मध्यपूर्वेतही निर्यात केली जाणार आहेत. या युनिटच्या स्थापनेमुळे 2100 नवीन नोकऱ्या निर्माण होणार आहेत. याशिवाय यासंबंधी संशोधन आणि विकास केंद्रही स्थापन करता येईल. मंत्र्यांनी असेही सांगितले की कारखान्यासाठी नवीन जमीन शोधण्यात आली आहे, जी या आठवड्यात लेन्सकार्टला दिली जाईल. एप्रिलमध्ये, लेन्सकार्टचे सह-संस्थापक आणि सीईओ पीयूष बन्सल यांनी लिंक्डइनवर एका पोस्टद्वारे सांगितले होते की कंपनी बंगळुरुमधील आंतरराष्ट्रीय विमानतळापासून 60 किलोमीटरच्या अंतरावर कारखान्यासाठी 25 एकर जागा शोधत आहे. मात्र, सध्या तेलंगणामध्ये हा प्रकल्प सुरु करण्यात येणार आहे.
सरकारला एक वर्ष होताच मुख्यमंत्री रेवंत रेड्डी यांनी केला करार
8 डिसेंबर रोजी, रेवंत रेड्डी यांच्या नेतृत्वाखालील सरकारने एक वर्ष पूर्ण झाल्याबद्दल कंपनीसोबत या सामंजस्य करारावर स्वाक्षरी केली. कार्यक्रमात अमित चौधरी म्हणाले की कंपनी अनेक राज्यांमध्ये यासाठी शक्यता शोधत आहे. मात्र तेलंगणाच्या वाढीमुळे प्रभावित होऊन त्यांनी सरकारसोबत हा करार केला आहे. कंपनीने जगातील पहिले स्वयंचलित उत्पादन युनिट भिवडी, राजस्थान येथे सुरू केले. सध्या कंपनीचे दिल्ली, गुरुग्राम तसेच चीनमधील झेंगझो येथे उत्पादन युनिट आहेत. कंपनी बेंगळुरूमध्ये 1600 कोटी रुपये खर्चून नवीन प्लांट उभारणार आहे.
महत्त्वाच्या बातम्या
