BEL Apprentice Recruitment 2024 : तुम्ही नोकरीच्या (Job News) शोधात असाल तर ही बातमी तुमच्यासाठी महत्त्वाची आहे. भारत इलेक्ट्रॉनिक्स लिमिटेडने भरती अधिसूचना जारी केली आहे. या भरतीअंतर्गत 100 हून अनेक विविध पदांवर भरती करण्यात येणार आहे. या भरती मोहिमेद्वारे शिकाऊ पदे (Apprentice Job) भरण्यात येणार आहेत. भारत इलेक्ट्रॉनिक्स लिमिटेड अंतर्गत भरतीसाठी अर्ज प्रक्रिया सुरू झाली आहे. इच्छुक आणि पात्र उमेदवार nats.education.gov.in या अधिकृत वेबसाइटला भेट देऊन या मोहिमेसाठी अर्ज दाखल करू शकतात. या मोहिमेसाठी अर्ज करण्याची अंतिम तारीख 15 जानेवारी 2024 आहे. उमेदवारांनी अर्ज दाखल करण्यासाठी शेवटच्या तारखेची वाट न पाहता वेळीच अर्ज दाखल करावा. या भरती मोहिमेसाठी अर्ज करण्यासाठीची अधिक माहिती जाणू घ्या.


BEL Apprentice Recruitment 2024 : रिक्त जागांचा तपशील


भारत इलेक्ट्रॉनिक्स लिमिटेडने 100 हून अधिक पदांसाठी भरती जाहीर केली आहे. एकूण 115 विविध पदांवर ही भरती करण्यात येईल.


एकूण रिक्त पदांची संख्या : 115 पदे


यांत्रिक अभियांत्रिकी (Mechanical Engineering) : 30 पदे


संगणक अभियांत्रिकी (Computer Engineering) : 15 पदे


दूरसंचार अभियांत्रिकी (Telecommunication Engineering) : 30 पदे


स्थापत्य अभियांत्रिकी (Civil Engineering) : 20 पदे


आधुनिक कार्यालय व्यवस्थापन (Modern Office Management) : 20 पदे


 


BEL Apprentice Recruitment 2024 : शैक्षणिक पात्रता


अधिसूचनेनुसार, या भरती मोहिमेसाठी अर्ज करण्यासाठी, उमेदवाराने संबंधित क्षेत्रातील डिप्लोमा उत्तीर्ण करणे आवश्यक आहे.


BEL Apprentice Recruitment 2024 : वयोमर्यादा


या भरती मोहिमेसाठी अर्ज करणाऱ्या सर्वसाधारण आणि EWS श्रेणीतील उमेदवारांचे कमाल वय 23 वर्षांपेक्षा जास्त नसावे. तर, OBC प्रवर्गातील उमेदवारांना कमाल वयाची तीन वर्षे सूट दिली जाईल आणि SC/ST/PWD प्रवर्गातील उमेदवारांना पाच वर्षांची सूट दिली जाईल.


BEL Apprentice Recruitment 2024 : तुम्हाला किती स्टायपेंड मिळेल?


या पदांवर निवड झालेल्या उमेदवारांना दरमहा 12,500 रुपये मानधन दिलं जाईल.


BEL Apprentice Recruitment 2024 : अशा प्रकारे निवड केली जाईल


या भरती मोहिमेसाठी अर्ज करणाऱ्या उमेदवारांना शैक्षणिक पात्रतेच्या आधारावर निवड केली जाईल. भरतीत निवडलेल्या उमेदवारांची गुणवत्ता यादी तयार केली जाईल आणि अधिकृत वेबसाइटवर प्रसिद्ध केली जाईल. अधिक माहितीसाठी उमेदवार अधिकृत वेबसाइटची मदत घेऊ शकतात.