26 जानेवारीची परेड पाहतानाच्या नरेंद्र मोदी, महेंद्रसिंह धोनी अन् सचिन तेंडुलकरच्या फोटोचं सत्य समोर, Fact Checkमध्ये काय आढळलं?

Trigrahi Yog 2025 : तब्बल 50 वर्षांनंतर बनतोय पॉवरफुल त्रिग्रही योग; 18 ऑगस्टपासून 'या' राशींचा सुवर्णकाळ सुरु, हातात खेळणार पैसाच पैसा

जगदीश ढोले — Sat, 16 Aug 2025 11:00:00 +0530

Trigrahi Yog 2025 : वैदिक ज्योतिष शास्त्रानुसार, प्रत्येक ग्रह ठराविक अंतराने राशी परिवर्तन करतात. यामुळे त्रिग्रही (Trigrahi Yog) आणि चतुर्ग्रही योग जुळून येतो. याचा प्रभाव मानवासह देश-विदेशात पाहायला मिळतो. द्रिक पंचांगानुसार, 26 जुलै 2025 रोजी शुक्र ग्रहाने मिथुन राशीत प्रवेश केला. तर, गुरु ग्रह मिथुन राशीत संक्रमण करतायत. त्यामुळे मिथुन राशीत शुक्र आणि गुरु ग्रह एकत्र विराजमान आहेत.

या दरम्यान 18 ऑगस्ट रोजी चंद्राचा मिथुन राशीत प्रवेश होणार आहे. त्यामुळे शुक्र आणि गुरु ग्रहाची युती होणार आहे. या दरम्यान काही राशींना याचा लाभ मिळेल. या राशी कोणत्या ते जाणून घेऊयात.

तूळ रास (Libra Horoscope)

तूळ राशीसाठी त्रिग्रही योग फार लाभदायक ठरणार आहे. या राशीच्या भाग्य स्थानी हा योग जुळून येणार आहे. त्यामुळे तुम्हाला नशिबाची चांगली साथ मिळेल. तसेच, नोकरीत प्रमोशन मिळण्याची शक्यता आहे. या कालावधीत तुम्ही धार्मिक कार्यात मग्न व्हाल. तसेच, तुमची आर्थिक स्थिती फार चांगली असेल.

मिथुन रास (Gemini Horoscope)

त्रिग्रही योग मिथुन राशीसाठी फार शुभदायी असणार आहे. या राशीच्या लग्न भावात हा योग जुळून येतोय. त्यामुळे या कालावधीत तुम्हाला चांगली स्थळं येऊ शकतात. तुमच्या व्यवसायात तुम्हाला चांगला लाभ मिळू शकतो. तसेच, कोर्ट कचेरीच्या संदर्भातील कामे लवकर संपतील. या काळात तुमचं आरोग्य देखील एकदम चांगलं असणार आहे.

कन्या रास (Virgo Horoscope)

कन्या राशीच्या लोकांसाठी त्रिग्रही योग फार लाभदायी ठरणार आहे. कारण या राशीच्या कुंडलीच्या कर्म भावात जुळून येणार आहे. त्यामुळे या काळात तुमची व्यवसायात चांगली प्रगती होईल. तसेच, तुम्ही केलेल्या कामाचं फळ तुम्हाला नक्की मिळेल. तुमच्या कामाचं कौतुक केलं जाईल. तसेच, तुमच्या व्यवसायातून तुम्हाला चांगला लाभ मिळेल.

(टीप : वरील सर्व बाबी एबीपी माझा केवळ माहिती म्हणून वाचक-प्रेक्षकांपर्यंत पोहोचवत आहे. यातून एबीपी माझा कोणताही दावा करत नाही.)

हेही वाचा :

Numerology : लग्नसंस्था, नको गं बाई! लग्नाच्या नावानेच दूर पळतात 'या' जन्मतारखेचे लोक; कितीही मागे लागा, शेवटी आपलंच करतात खरं

Fact Check: भजन गायक अनुप जलोटा यांच्या धर्मांतराचा दावा खोटा,जुना फोटो खोट्या दाव्यासह व्हायरल, फॅक्ट चेकमध्ये सत्य समोर

विश्वास न्यूज — Mon, 31 Mar 2025 23:23:52 +0530

विश्वास न्यूज (नवी दिल्ली): भजन गायक अनुप जलोटा यांचा एक फोटो सोशल मीडियावर व्हायरल होत आहे. ज्यामध्ये त्यांनी हिरवा कुर्ता आणि इस्लामिक टोपी घातलेली दिसून येते. आता काही यूजर्स, हा फोटो शेअर करत असा दावा करत आहेत की, अनुप जलोटा यांनी इस्लाम धर्म स्वीकारला आहे.

विश्वास न्यूजच्या तपासात हा दावा खोटा असल्याचे आढळून आले. खरेतर, अनुप जलोटा यांचा व्हायरल केला जात असलेला फोटो, त्यांच्या “भारत देश है मेरा” या चित्रपटाच्या शूटिंगच्या दरम्यानचा आहे. जो आता खोट्या दाव्यासह शेअर केला जात आहे.

काय होत आहे व्हायरल

फेसबुक वापरकर्ता Kanhaiya Dixit ने 19 मार्च 2025 रोजी पोस्ट करत लिहिले की, “हे प्रसिद्ध भजन गायक, अनुप जलोटा आहेत ज्यांचे भजन जवळजवळ प्रत्येक हिंदू घरात आणि मंदिरात ऐकले जाते.

काही दिवसांपूर्वी, त्यांनी, त्यांच्यापेक 50 वर्षांनी लहान असलेल्या मुलीशी प्रेम प्रसंग केला होता. आपण जास्त तपशीलात जाणार नाही. पण तेव्हा त्याचे चारित्र्य समोर आले होते, पण आता त्यांनी आणखी पुढे मजल मारली आहे.

आपाला धर्मच बदलला, आता नाव देखील बदला”

फेसबुक पोस्टमधील मजकूर येथे जसाच्या तसा लिहिला आहे. त्याची संग्रहित आवृत्ती येथे पाहता येईल.

पडताळणी

व्हायरल दाव्याची चौकशी सुरू करताना, आम्ही गुगल ओपन सर्चचा वापर केला. आम्ही अनुप जलोटा यांच्याशी संबंधित बातम्या, संबंधित कीवर्ड टाइप करून शोधण्यास सुरुवात केली. त्यांनी इस्लाम धर्म स्वीकारला आहे, याची पुष्टी करणारी कोणतीही बातमी आम्हाला सापडली नाही.

परंतु शोधाच्या दरम्यान, आम्हाला अशा अनेक बातम्या सापडल्या, ज्यात लिहिले गेले की, हा त्याच्या चित्रपटाच्या शूटिंगमधील एक फोटो आहे. आम्हाला ndtv.in या वेबसाइटवर एक बातमी सापडली. 20 मार्च 2025 रोजी प्रकाशित झालेल्या बातमीत असे लिहिण्यात आले होते की, भजन गायक, अनुप जलोटा यांनी आपला धर्म बदलला नाही परंतु हा त्यांच्या चित्रपटाच्या शूटिंगमधील फोटो आहे. अनुप जलोटा यांनी त्यांच्या आगामी चित्रपटाचे शूटिंग सुरू केले आहे, ज्यामध्ये ते दुहेरी भूमिकेत दिसणार आहेत. हे फोटो त्यावेळचे आहेत, जे खूप व्हायरल होत आहेत.

व्हायरल फोटोशी संबंधित बातम्या, इतर अनेक न्यूज वेबसाइटवर देखील आढळल्या.

तपास पुढे नेत, आम्ही अनुप जलोटा यांचे सोशल मीडिया हँडल तपासले. आम्हाला अनुप जलोटा यांच्या इंस्टाग्राम हँडलवर व्हायरल झालेले फोटो सापडले. 18 मार्च 2025 रोजी शेअर केलेल्या पोस्टमध्ये असे लिहिले आहे की, “नाशिक या चैतन्यशील शहरात, “भारत देश है मेरा’ या चित्रपटाची शूटींग करण्यास उत्सुक आहे! #BhaaratDeshHaiMera #ShootingInNasik #FilmProduction #Bollywood #OnSet #BehindTheScenes #IndianCinema #Nasik”

आम्हाला येथे इतरही काही फोटो सापडले, जे “भारत देश है मेरा” चित्रपटाच्या शुटिंगमधील असल्याचे सांगितले जाते.

व्हायरल पोस्टच्या पुष्टीसाठी, दैनिक जागरणच्या वरिष्ठ पत्रकार स्मिता श्रीवास्तव, ज्या मुंबईत बॉलीवूड कव्हर करतात, यांच्याशी संपर्क साधण्यात आला. त्यांनी आम्हाला पुष्टी केली की, व्हायरल दावा खोटा आहे. हा फोटो अनुप जलोटा यांच्या चित्रपटाच्या शुटिंगमधील आहे.

शेवटी, आम्ही पोस्ट शेअर करणाऱ्या वापरकर्त्याचे प्रोफाइल स्कॅन केले. फेसबुकवर या वापरकर्त्याला 18 हजार लोक फॉलो करतात.

निष्कर्ष: विश्वास न्यूजच्या तपासात, अनुप जलोटा यांच्या फोटोबद्दल केला जात असलेला दावा खोटा असल्याचे आढळून आले. त्यांनी इस्लाम स्वीकारला नाही. हा फोटो त्याच्या आगामी “भारत देश है मेरा” चित्रपटाच्या शूटिंगचा आहे, जो आता खोट्या दाव्यासह शेअर केला जात आहे.

Claim Review : अनुप जलोटा यांनी त्यांचा धर्म बदलला आहे.
Claimed By : फेसबुक वापरकर्ता - Kanhaiya Dixit
Fact Check : False

[डिस्क्लेमर: ही बातमी पहिल्यांदा विश्वास न्यूजवर प्रकाशित झाली होती. एबीपी माझानं 'Shakti Collective' अंतर्गत हे वृत्त प्रकाशित केलं असून मूळ बातमीचा अर्थ बदलेलं असा कोणताही बदल केलेला नाही.]

Fact Check: 1 मार्च 2025 पासून वाहतूक दंडात कोणतेही बदल नाहीत, जुना फोटो व्हायरल; फॅक्ट चेकमध्ये सत्यसमोर

विश्वास न्यूज — Fri, 14 Mar 2025 15:17:27 +0530

नवी दिल्ली (Vishwas News): एक पोस्ट सोशल मीडियावर व्हायरल होत आहे. तिच्यात असा दावा केला जात आहे की, दिल्लीतील ट्रॅफिक चलानचे दर वाढले आहेत. यास अलीकडेच समजून, बरेच सोशल मीडिया वापरकर्ते यास शेअर करून दिल्लीच्या सध्याच्या सरकारला लक्ष्य करत आहेत.

विश्वास न्यूजने याची तपशीलवार चौकशी केली. दावा दिशाभूल करणारा असल्याचे सिद्ध झाले. तपासणीत असे दिसून आले आहे की, सप्टेंबर 2019 मध्ये केंद्र सरकारने मोटार वाहन दुरुस्ती अधिनियम, 2019 च्या 63 तरतुदींची अंमलबजावणी केली. यानंतर कोणतीही नवीन दुरुस्ती लागू केली गेली नाही.

काय होत आहे व्हायरल?

फेसबुक वापरकर्ता बेबाक चर्चा याने 10 मार्च रोजी एक पोस्ट करताना दावा केला की, ” दिल्लीमध्ये ट्रॅफिक चलानचे दर वाढले आहेत, काळजीपूर्वक गाडी चालवा.”

व्हायरल पोस्टमधील मजकूर येथे जसाच्या तसा लिहिला आहे. बरेच वापरकर्ते यास खरे मानून सामायिक करीत आहेत. त्याची संग्रहित आवृत्ती येथे पाहिली जाऊ शकते.

पडताळणी

विशाल न्यूजने प्रथम व्हायरल दाव्याचे सत्य जाणून घेण्यासाठी गुगल ओपन सर्च साधन वापरले. दाव्याशी संबंधित कीवर्ड बनवून शोध घेतल्या नंतर आम्हाला एक अशी एकही बातमी मिळाली नाही, जी व्हायरल दाव्याची पुष्टी करू शकेल. कारण दिल्लीत असा मोठा निर्णय घेतला गेला तर तो नक्कीच मीडियाच्या मथळ्यांत आला असतात. यामुळे हे स्पष्ट झाले आहे की, व्हायरल पोस्टमध्ये कोणतेही सत्य नाही.

शोधादरम्यान, आम्हाला भास्कर डॉट कॉमवर सहा वर्ष जुनी बातमी मिळाली. तिच्यात माहिती देण्यात आली आहे की, सप्टेंबर, 2019 पासून केंद्र सरकारने मोटार वाहन दुरुस्ती कायदा, 2019 च्या 63 तरतुदी लागू केल्या आहेत. काँग्रेस शासित मध्य प्रदेश, राजस्थान, पंजाब तसेच पश्चिम बंगाल आणि तेलंगणाच्या राज्य सरकारांनी नवीन कायदा लागू केला नाही.

या बातमीमध्ये, नवीन कायद्यामुळे झालेले मोठे बदल देखील तपशीलवार वर्णन केले गेले आहेत. ते खाली पाहिले जाऊ शकतात.

या लिंकवर क्लिक करून या कायद्याची प्रत तपशीलवार वाचली जाऊ शकते. त्यात अनेक दुरुस्ती नंतर 2019 मध्ये त्याची अंमलबजावणी केली गेली. कायद्याशी संबंधित भारताचे राजपत्र येथे वाचले जाऊ शकते.

तपासणी दरम्यान आम्हाला पीआयबीच्या वेबसाइटवर एक प्रेस नोट सापडली. 28 ऑगस्ट 2019 च्या या प्रेस नोटमध्ये असे म्हटले आहे की, रस्ता परिवहन व महामार्ग मंत्रालयाने मोटार वाहन दुरुस्ती कायदा 2019 च्या तरतुदींना अधिसूचित केले आहे, ज्या 1 सप्टेंबर 2019 पासून लागू होईल. या तरतुदी अशा आहेत, ज्यांना केंद्रीय मोटार वाहन नियम 1989 मध्ये पुढील कोणत्याही दुरुस्तीची आवश्यकता नाही.

विश्वस न्यूजने सविस्तरपणे चौकशी करण्यासाठी एक्स ची तपासणी केली. आम्हाला पीआयबी इंडिया आणि डीडी न्यूजवर संबंधित जुन्या पोस्ट मिळाल्या. 1 ऑगस्ट 2019 रोजी पीआयबी इंडियाने आयोजित केलेल्या पोस्टमध्ये नवीन दंडाची माहिती दिली गेली होती. त्याचप्रमाणे, डीडी न्यूजने 1 सप्टेंबर, 2019 रोजी पोस्ट करताना लिहिले की, मोटार वाहन दुरुस्ती कायदा 2019 आजपासून अंमलात आला आहे, आता रेड लाईटला तोडल्यानंतर 5000 रुपये दंड द्यावा लागेल, दारू पिवून वाहन चालविण्याकरिता 10,000 रुपये दंड द्यावा लागेल आणि ड्रायव्हिंगचा परवाना नसताना गाडी चालवण्यामुळे भरावे लागतील 5000 रुपये.

विश्वास न्यूजने याची तपशीलवार चौकशी केली त्यामध्या हा दावा दिशाभूल करणारा असल्याचे सिद्ध झाले. तपासणीत असे दिसून आले आहे की, सप्टेंबर 2019 मध्ये केंद्र सरकारने मोटार वाहन दुरुस्ती अधिनियम, 2019 च्या 63 तरतुदींची अंमलबजावणी केली. यानंतर कोणतीही नवीन दुरुस्ती लागू केली गेली नाही.

पीआयबीची पोस्ट

Proposed Amendments in Various Penalties under Motor Vehicles (Amendment) Bill – 2019

The Bill will provide an efficient, safe and corruption free transport system in the country: Union Minister @nitin_gadkari

Details here: https://t.co/bQ4MJA6rFO #MotorVehiclesBill pic.twitter.com/VjtpnNDFIR
— PIB India (@PIB_India) August 1, 2019

दूरदर्शनची पोस्ट

मोटर व्हीकल संशोधन एक्ट 2019 आज से लागू हो गया है, अब रेड लाइट तोड़ने पर देना होगा 5000 रूपए का जुर्माना, नशे में गाड़ी चलाने पर 10 हजार का जुर्माना और बिना ड्राइविंग लाइसेंस के गाड़ी चलाने पर भरने होंगे 5000 रूपए pic.twitter.com/vrCiSsbZII
— डीडी न्यूज़ (@DDNewsHindi) September 1, 2019

आतापर्यंतच्या तपासात असे स्पष्ट झाले आहे की, ट्रॅफिक चलानच्या दंडात बदल 2019 मध्ये करण्यात आला होता.

दिल्लीच्या दैनिक जागरणचे मुख्य वार्ताहर व्ही. के. शुक्ला यांच्याशी विश्वस न्यूजने संपर्क साधला. त्यांनी माहिती देताना व्हायरल पोस्टला चुकीचे म्हटले. ते म्हणाले की, वर्ष 2019 नंतर मोटार वाहन कायद्यात कोणताही बदल झाला नाही.

विश्वास न्यूजने तपासणीच्या दरम्यान नोएडाचे डीसीपी ट्रॅफिक, लखन सिंह यादव यांच्याशी संपर्क साधला. ते म्हणाले की, अलीकडे अशी कोणतीही माहिती मिळाली नाही. दंडाशी संबंधित बदल 2019 मध्येच केला गेला होता. हा जुना आहे.

तपासणीच्या शेवटी, व्हायरल पोस्ट करणाऱ्या वापरकर्त्याची तपासणी केली गेली. 11 हजाराहून अधिक लोक फेसबुक वापरकर्ता, बेबाक चर्चाला फॉलो करतात. वापरकर्ता रुद्रपूरचा रहिवासी आहे.

निष्कर्ष: विश्‍वास न्यूजच्या तपासणीत व्हायरल पोस्ट दिशाभूल करणारी असल्याचे सिद्ध झाली. दिल्लीत 1 मार्चपासून वाहतुकीचा दंड वाढवला गेला नाही. 2019 मध्ये मोटार वाहन कायदा बदलला. त्याच वेळी दंड वाढविला गेला होता. त्यानंतर कोणताही बदल केला गेला नाही.

Claim Review : 1 मार्चपासून दिल्लीत वाढवला गेला ट्रॅफिक चलानचा दंड
Claimed By : FB User Bebak Charcha
Fact Check : False

[डिस्क्लेमर: ही बातमी पहिल्यांदा विश्वास न्यूजवर प्रकाशित झाली होती. एबीपी माझानं 'Shakti Collective' अंतर्गत हे वृत्त प्रकाशित केलं असून मूळ बातमीचा अर्थ बदलेलं असा कोणताही बदल केलेला नाही.]

Fact Check : काँग्रेस नेत्या हिमानी नरवाल हत्या प्रकरणी सोशल मीडियावर चुकीचे दावे, फॅक्ट चेकमध्ये सत्य समोर

विश्वास न्यूज — Thu, 6 Mar 2025 14:59:32 +0530

नवी दिल्ली , विश्वास न्यूज : हरियाणातील काँग्रेस नेत्या हिमानी नरवाल हत्या प्रकरणी सोशल मीडियावर एक धार्मिक अँगल जोडणारी पोस्ट व्हायरल होत आहे. दोन फोटो पोस्ट करुन एक दावा केला जातोय की हिमानी नरवालची हत्या काँग्रेसच्या मुस्लीम कार्यकर्त्यांनी केली यामध्ये एक फोटो हिमानी नरवालचा आहे, दुसरा फोटो सूटकेसचा आहे.

विश्वास न्यूजच्या पडताळणीत हे सत्य समोर आलं की पोलिसांनी हिमानी नरवाल हत्या प्रकरणी सचिन नावाच्या आरोपीला अटक केली आहे. हिमानीच्या दाव्याला चुकीच्या दाव्यासह धार्मिक अँगल जोडून शेअर केलं जातंय.

व्हायरल पोस्ट

फेसबुक यूजर 'निशांत जोशी'ने 3 मार्च ला फोटो पोस्ट (अर्काईव्ह लिंक) करत म्हटलं.

"23 वर्षीय हिमानी नरवाल, हरियाणाची काँग्रेसची कार्यकर्ती होती, कोणत्यातरी काँग्रेसच्या अब्दुलनं सुटकेसमध्ये पॅक करुन फेकून दिलं!"

पडताळणी

व्हायरल दाव्याच्या पडताळणीसाठी आम्ही व्हायरल फोटोंचा गुगल लेन्स सर्चसह शेअर केलं. सत्य हिंदी नावाच्या वेबसाईटवर पहिल्या फोटोला हिमानीचा असल्याचं सांगण्यात आलं. तर दुसरा फोटो हत्याकांडाशी संबंधित असल्याचं सांगण्यात आलं.

या नंतर आम्ही दैनिक जागरणची 4 मार्चची रोहतक आवृत्ती तपासून पाहिली. यामध्ये हिमानी नरवाल हत्याकांडाची छापलेली बातमी पाहायला मिळाली. त्यानुसार हिमानी भारत जोडो यात्रेत राहुल गांधींसोबत चालली होती, ज्यामुळं ती चर्चेत आली होती. त्यांच्या हत्या प्रकरणात पोलिसांनी कोणत्याही काँग्रेस कार्यकर्त्याला नव्हे तर तिचा मित्र सचिनला अटक केली आहे. रोहतक पोलिसांनी झज्जर जिल्ह्यातील खैरपूर गावातील सचिनला दिल्लीतील मुंडका येथून अटक केली. पोलिसांच्या माहितीनुसार पैशांच्या देवाणघेवाणीतून झालेल्या वादातून हिमानीची हत्या करण्यात आली. सचिनला तीन दिवसांची पोलीस कोठडी सुनावण्यात आली होती. एका ठिकाणच्या सीसीटीव्हीत सचिन सूटकेस घेऊन जाताना पाहायला मिळाला होता.

3 मार्चला अमर उजालाच्या वेबसाईटनं छापलेल्या बातमीनुसार, पोलिसांना सचिनजवळून हिमानीचा मोबाईल आणि दागिने मिळाले. आरोपी सचिन हा हिमानी नरवाल सोबत रिलेशनशिपमध्ये होता. दोघांची ओळख सोशल मीडियावरुन झालीहोती. रोहतकच्या सांपला बस स्टँडवर 1 मार्चला हिमानीचा मृतदेह सूटकेसमध्ये आढळला होता.

या बाबत रोहतक येथील दैनिक जागरणचे रिपोर्टर ओपी वशिष्ठ यांनी म्हटलं की हिमानी हत्याकांडातील आरोपीचं नाव सचिन आहे. यामध्ये कोणताही धार्मिक अँगल नाही.

या प्रकरणाला धार्मिक अँगल देणाऱ्या फेसबुक यूजरच्या प्रोफाईलची आम्ही पडताळणी केली. तो एका विचारधारेमुळं प्रभावित असून त्याचे 785 फॉलोअर्स आहेत.

निष्कर्ष : हरियाणात काँग्रेस नेत्या हिमानी नरवाल हत्या प्रकरणात पोलिसांनी तिचा मित्र सचिन याला अटक केलीय. यात धार्मिक अँगल नाही.

Claim Review : हिमानी नरवालची हत्या काँग्रेस कार्यकर्त्यानं केली.

Claimed By : FB User - Nishant Joshi

Fact Check : असत्य

Fact Check : भारत पाकिस्तान मॅचचा दाखला देत फुटबॉल मॅचचा व्हिडिओ शेअर, फॅक्ट चेकमध्ये सत्य समोर

विश्वास न्यूज — Mon, 3 Mar 2025 15:25:34 +0530

नवी दिल्ली : सोशल मीडियावर विविध प्लॅटफॉर्मवर एक व्हिडिओ व्हायरल होत आहे. ज्यामध्ये प्रेक्षक आणि पोलिसांमध्ये झटापट झाल्याचं दिसून येतं. काही लोक आता हा व्हिडिओ भारत आणि पाकिस्तान मॅचनंतरचा असल्याचं सांगत शेअर केला जातोय.

विश्वास न्यूजच्या पडताळणीत व्हायरल दावा चुकीचा ठरला. सोशल मीडियावर करण्यात येत असलेला दावा जून 2024 चा आहे. एका फुटबॉल मॅचमधील प्रेक्षक आणि पोलीस अधिकाऱ्यांमध्ये वादावादी झालीहोती. त्याला चॅम्पियन्स ट्रॉफी 2025 मधील असल्याचं सांगितलं जातंय.

व्हायरल काय होतंय?

इन्साग्राम यूजर 'isvideo786' आर्काईव्ह लिंक 25 फेब्रुवारी 2025 चा व्हिडिओ शेअर करत म्हटलं की In Dubai 23/02/2025

"India vs Pakistan match k bad dkho इसीलिए इंडिया टीम पाकिस्तान नही गई"

फेसबुक यूजर Arvind Kashyap यानं व्हायरल व्हिडिओ शेअर केला आहे.त्यावर लिहिलं आहे की "इंडियाvs पाकिस्तान मॅचनंतर पाकिस्ताननं मॅच हरल्यानंतर लोकांनी स्टेडियममध्ये गदारोळ केला. भारताविरुद्ध मॅच गमावल्यानंतर दुबई स्टेडियममधील चित्र."

पडताळणी

व्हायरल व्हिडिओचं सत्य शोधण्यासाठी आम्ही की फ्रेम काढल्या आणि गुगल रिवर्स इमेजद्वारे सर्च केलं . आम्हाला व्हायरल व्हिडिओ अर्काईव्ह लिंक चं Gary Al-Smith -Journalist च्या फेसबुक पेजवर मिळाला. व्हिडिओ 4 जून 2024 ला अपलोड करण्यात आला होता. व्हिडिओत दिलेल्या माहितीनुसार ट्यूनिस डर्बीमध्ये झालेल्या फुटबॉल मॅचमध्ये एस्पेरेस क्लबनं आफ्रिकेला 2-1 नं पराभूत केलं. त्यानंतर खेळ हिंसा, मिसाईल डागणे, पोलिसांचा हस्तक्षेप आणि अनेक जण दुखापत झाल्यानंतर संपला.

आम्हाला व्हायरल व्हिडिओशी संबंधित न्यूज रिोर्ट Slaati. com या वेबसाइटवर मिळाला. 2024 मध्ये प्रकाशित झालेल्या बातमीत सांगितलं गेलं होतं की, ट्यूनिशियाच्या आफ्रिकेतील क्लबब आणि एस्पेरांस यांच्या दरम्यान प्रेक्षक आणि पोलिसांमध्ये हिंसक घटना घडली. यामुळं रेफरीला तीन वेळ खेळ रोखावा लागला. पोलिसांनी या स्थितीला आटोक्यात आणलं.

सर्च दरम्यान आम्हाला हा व्हिडिओ फुटबॉल फॅन्स या यूट्यूब चॅनेलवर मिळाला. व्हिडिओ 4 जून 2024 ला अपलोड करण्यात आला होता.

व्हायरल व्हिडिओ काही यूजर्सनं 2024 मध्ये शेअर केला आहे.

Troubles at the Tunisian derby between Club Africain vs ES Tunis yesterday! 🇹🇳👀 pic.twitter.com/MXGcseJkru
— 𝐂𝐚𝐬𝐮𝐚𝐥 𝐔𝐥𝐭𝐫𝐚 𝐎𝐟𝐟𝐢𝐜𝐢𝐚𝐥 (@thecasualultra) June 3, 2024

आम्ही दैनिक जागरणमधील क्रीडा पत्रकार वरिष्ठ प्रतिनिधी अभिषेक त्रिपाठी यांच्याकडे पाठवला. व्हिडिओ भारत पाकिस्तान मॅचनंतरचा नाही, अशी घटना घडली नाही त्यांनी म्हटलं.

भारत पाकिस्तान मॅचनंतर अनेक दावे सोशल मीडियावर व्हायरल करण्यात आले होते. ज्याचे फॅक्ट चेक रिपोर्ट इथं पाहायला मिळतील.

शेवटी आम्ही व्हिडिओ चुकीच्या दाव्यासह शेअर कऱणाऱ्या यूजर्सची प्रोफाईल चेक केली. यूजर्ला 5668 लोक फॉलो करतात.

निष्कर्ष : विश्वास न्यूजला पडताळणीत आढळली की भारत पाकिस्तान मॅचमधील व्हिडिओ असल्याचा दावा करण्यात येतोय तो चुकीचा आहे. व्हायरल व्हिडिओ जून 2024 मधील फुटबॉल मॅचमधील आहे. ज्यामध्ये प्रेक्षक आणि पोलीस अधिकाऱ्यांमध्ये वादावादी झाली होती. तो व्हिडिओ काही लोक चॅम्पियन्स ट्रॉफीमधील भारत-पाकिस्तान यांच्या मॅचनंतरचा असल्याचं सांगून शेअर केलं जाातेय ते चुकीचं आहे.

Claim Review : व्हिडिओ भारत-पाकिस्तान मॅचनंतरचा आहे.
Claimed By :इन्स्टाग्राम यूजर -isvideo786
Fact Check : फसवा

Fact Check : बाबर आझमचा एडिटेड व्हिडिओ चॅम्पियन्स ट्रॉफीचा असल्याचं सांगून शेअर, फॅक्ट चेकमध्ये सत्य समोर

विश्वास न्यूज — Thu, 27 Feb 2025 15:33:11 +0530

नवी दिल्ली : वेगवेगळ्या सोशल मीडिया प्लॅटफॉर्मवर बाबर आझमचा व्हिडिओ व्हायरल होतो, ज्यात तो रागावलेला असल्याचं पाहायला मिळतं, ज्यात काही लोक जय श्रीराम चा नारा देत असल्याचं दिसून येतं. आता काही यूजर्सनी व्हिडिओ चॅम्पियन्स ट्रॉफीशी जोडून शेअर केला आहे.

विश्वास न्यूजच्या पडताळणीत व्हायरल दावा खोटा दिसून आला. सोशल मीडियावर व्हायरल होत असलेली क्लिप एडिटेड आहे.तो व्हिडिओ 2024 चा असून पाकिस्तान सूपर लीगचा आहे. ज्यात बाबर आझमला पाहून लोक 'जिम्बाबर' चे नारे लावले होते. लोक एडिटेड व्हिडिओ चुकीच्य दाव्यासह शेअर करत आहेत.

काय व्हायरल होतंय?

फेसबुक यूजर ‘Prakash Maurya’ ने 24 फेब्रुवारी 2025 ला व्हिडिओ शेअर करुन म्हटलं की "बाबर भारत-पाकिस्तान च्या मॅचमध्ये आझम काय म्हणाला पाहा"

याला सत्य मानून इतर यूजर्स देखील व्हिडिओ व्हायरल करत आहेत. याच्या अर्काईव्ह पोस्ट इथ क्लिक करुन पाहू शकता.

पडताळणी

व्हायरल व्हिडिओच्या पडताळणीसाठी आम्ही कीवर्डद्वारे गुगल सर्च केलं. आम्हाला अलीकडील रिपोर्ट मिळाला नाही, ज्यामुळं व्हायरल दाव्याची पडताळणी होते. सर्चच्या दरम्यान व्हायरल व्हिडिओ Crickaith नावाच्या अधिकृत यूट्यूब चॅनेलवर मिळाला. 24 फेब्रुवारी 2024 ला अपलोड केलेल्या व्हिडीओच्या माहितीनुसार हा व्हिडिओ पाकिस्तान सुपर लीग 2024 च्या वेळचा आहे, बाबर आझम डगआऊटमध्ेय बसला होता, तिथं काही लोकांनी बाबरला 'जिम्बाबर' म्हणून चिडवण्यास सुरुवात केली. व्हिडीओ त्यावेळचा आहे.

पडताळणीत आम्हाला freepressjournal.in ची या वेबसाईटची बातमी मिळाली जी 24 फेब्रुवारी 2024 ला प्रकाशित झाली. ज्यात उल्लेख होता की पीएसएल 2024 च्या दरम्यान गर्दीतील काही लोकांनी बाबर आझमला ‘जिम्बाबर’ म्हणून चिडवलं होतं. यावर बाबर संतापला होता त्यानं चाहत्यांना बाटलीनं मारण्याची धमकी दिली होती.

व्हायरल व्हिडीओशी संबंधित बातम्या तुम्ही इथं पाहू शकता.

यापूर्वी देखील एक व्हिडिओ व्हायरल झाला होता, ज्यावेळी विश्वास न्यूजनं पाकिस्तानचे पत्रकार आदिल अली सोबत संपर्क केला होता. त्यांनी व्हायरल दावा चुकीचा असल्याचं म्हटलं होतं. मूळ व्हिडिओ एडिट करुन व्हायरल केला जात आहे. फॅक्टचेकचा रिपोर्ट इथं वाचू शकता.

शेवटी आम्ही व्हिडीओ शेअर करणाऱ्या यजूरच्या प्रोफाईलचं स्कॅनिंग केलं, आम्हाला या यूजर्सचे 5 हजार फॉलओअर्स असल्याचं स्पष्ट झालं. यूजर उत्तर प्रदेशातील मोतीपूरचा असल्याचं सांगितलं.

निष्कर्ष: विश्‍वास न्‍यूज ने केलेल्या पडताळणीत बाबर आझमचा व्हायर व्हिडिओ एडिटेड असल्याचं स्पष्ट झालं. चॅम्पियन्स ट्रॉफीशी त्याचा संबंध नाही. हा व्हिडीओ पाकिस्तान सुपर लीगचा आहे. लोकांनी बाबरसाठी 'जिम्बाबर'च्या घोषणा दिल्या होत्या, तो आताचा सांगून शेअर केला जातोय.

Fact Check : टीम इंडियाच्या खेळाडूंचा डान्स करतानाचा जुना व्हिडिओ नवा म्हणून व्हायरल, फॅक्ट चेकमध्ये सत्य समोर

विश्वास न्यूज — Tue, 25 Feb 2025 14:37:30 +0530

विश्वास न्यूज (नवी दिल्ली) : चॅम्पियन्स ट्रॉफी 2025 मध्ये भारतानं पाकिस्तानला पराभूत करत स्पर्धेतील दुसरा विजय मिळवला आहे. भारतानं रविवारी (23 फेब्रुवारी ) ला झालेल्या सामन्यात पाकिस्तानला 6 विकेटनं पराभूत केलं. या दरम्यान सोशल मीडियावर एक व्हिडिओ व्हायरल होत आहे. ज्यामध्ये रोहित शर्मा, विराट कोहली सह इतर खेळाडू डान्स करताना पाहायला मिळत आहेत. काही यूजर्स व्हिडीओ शेअर करत सध्याचा व्हिडीओ असल्याचं सांगत आहेत. दावा केला जातोय की चॅम्पियन्स ट्रॉफीत पाकिस्तानला पराभूत केल्यानंतर सर्व खेळाडूंनी जल्लोष केलाय.

विश्वास न्यूजनं दाव्याची पडताळणी केली असता तो व्हिडिओ 2024 मध्ये झालेल्या टी 20 वर्ल्ड कपमधील आहे. त्यावेळी भारतीय संघानं टी 20 वर्ल्ड कप जिंकल्यानंतर वानखेडे स्टेडियमवर जल्लोष केला होता. तिथं भारतीय खेळाडूंनी डान्स केलेला. त्याचा व्हिडिओ आताचा सांगून शेअर केला जात आहे.

फेसबुक यूजर 'Pratosh K Karn' यानं 23 फेब्रुवारी 2025 ला व्हायरल व्हिडिओ सेअर करत ऐतिहासिक विजय असं म्हटलं.

चॅम्पियन्स ट्रॉफी 2025 च्या ग्रुप लीगमध्ये भारतीय क्रिकेट संघानं दमदार कामगिरी करत पाकिस्तानला पराभूत केलं. टीम इंडियाच्या या गौरवशाली कामगिरीनंतर सर्व खेळाडूंनी एकत्र होत डान्स केला, हा फक्त एक विजय नाही तर भारताच्या क्रिकेटच्या श्रेष्ठतचं उदाहरण आहे. विराट तर विराट आहे, जय हिंद जय भारत...

पोस्टची अर्काईव्हची लिंक इथ पाहा...

सोशल मीडियावर काही यूजर्सनं हा व्हिडिओ त्याच दाव्यासह शेअर केला आहे.

क्रिकेट किंग विराट कोहली का शानदार शतक 🔥🔥✊✊🏏
King Kohli 💯 🥳 🥳 51*शतक🔥🔥🔥
डांस तो बनता है🤘🤘🤘🤘🤘
भारतीय टीम को जीत की शुभकामनाएं💐💐#INDvsPAK #ViratKohli𓃵 #ChampionsTrophy2025 pic.twitter.com/r6FeKmByof
— 🇮🇳🚩Julie Sharma🇮🇳(मोदी का परिवार ) (@juliesh95316387) February 23, 2025

पडताळणी

व्हायरल पोस्टची सत्यता जाणून घेण्यासाठी आम्ही व्हिडिओच्या की फ्रेम काढून गुगल लेन्सच्या मदतीनं सर्च केल्या. आम्हाला बीसीसीआयच्या अधिकृत एक्स हँडलवरील व्हिडिओ मिळाला. व्हिडिओ 5 जुलै 2024 चा आहे. या माहितीनुसार व्हिडिओ वानखेडे स्टेडियमवरील टी 20 वर्ल्ड कपनंतरचा आहे.

Watch out for those moves 🕺🏻

Wankhede was a vibe last night 🥳#T20WorldCup | #TeamIndia | #Champions pic.twitter.com/hRBTcu9bXc
— BCCI (@BCCI) July 5, 2024

शोध सुरु असताना आम्हाला व्हिडिओशी संबंधित एएनआयच्या वेबसाईटवर बातमी मिळाली. रिपोर्ट 5 जुलै 2024 ला प्रकाशित करण्यात आला आहे. बातमीनुसार, टी 20 वर्ल्ड कपमध्ये विजय मिळवल्यानंतर भारतीय टीमनं दक्षिण आफ्रिकेला पराभूत करुन टी 20 वर्ल्ड कप जिंकला होता. त्याचा जल्लोष वानखेडे स्टेडियमवर आयोजित करण्यात आला होता. तिथं खेळाडूंनी डान्स केला.

व्हायरल व्हिडिओशी संबंधित अन्य बातम्या इथं वाचू शकता. ज्या 2024 च्या टी 20 वर्ल्ड कपच्या असल्याचं सांगण्यात आलं आहे.

अधिक माहितीसाठी आम्ही दैनिक जागरणचे स्पोर्ट्स एडिटर अभिषेक त्रिपाठी यांच्याशी संपर्क केला. त्यांनी हा व्हायरल व्हिडिओ टी 20 वर्ल्ड कपचा असल्याचं सांगितलं.

चॅम्पियन्स ट्रॉफीत भारतानं दोन विजय मिळवले आहेत. 23 फेब्रुवारी 2025 ला पाकिस्तान विरुद्ध झालेल्या मॅचमध्ये भारतानं 6 विकेटनं विजय मिळवला होता. भारतीय संघाला 242 धावांचं आव्हान मिळालं होतं. ते 42.3 ओव्हरमध्ये पूर्ण करत भारतानं विजय मिळवला.

शेवटी आम्ही हा व्हिडिओ शेअर करणाऱ्या यूजर्सच्या अकाऊंटची पडताळणी केली. या व्यक्तीला चार हजार लोक फॉलोअर्स करतात. यूजर्नं तो दरभंगा येथील असल्याचं सांगितलं आहे.

निष्कर्ष : विश्वास न्यूजच्या पडताळणीत हे सत्य समोर आलं की भारतीय खेळाडूंचा व्हिडिओ अलीकडील नाही. तो 2024 च्या टी 20 वर्ल्ड कप विजयानंतरचा आहे. भारतानं दक्षिण आफ्रिकेला पराभूत करत टी 20 वर्ल्ड कप जिंकला होता. त्यानंतर मुंबईतील वानखेडे स्टेडियमवर जल्लोष करण्यात आला होता. तो व्हिडिओ लोक आताचा सांगून शेअर करत आहेत. व्हिडिओ सध्याचा नसून चॅम्पियन्स ट्रॉफीचा संबंध नाही हे स्पष्ट झालं आहे.

Claim Review : चॅम्पियन्स ट्रॉफीत पाकिस्तानला हरवून टीम इंडियाचा डान्स
Claimed By : FB User- Pratosh K Khan
Fact Check : भ्रामक

Fact Check : जसप्रीत बुमराह रुग्णालयात आराम करत असल्याचा फोटो व्हायरल,फॅक्ट चेकमध्ये सत्य समोर

पीटीआय वृत्तसंस्था — Thu, 20 Feb 2025 13:46:47 +0530

नवी दिल्ली (साजन कुमार/प्रत्यूष रंजन पीटीआई फॅक्ट चेक) : सोशल मीडियावर भारताचा क्रिकेटपटू जसप्रीत बुमराह याचे कथित फोटो व्हायरल होत आहेत. ज्यामध्ये तो रुग्णालयात बेडवर झोपलेल्या स्थितीत पाहायला मिळतो. या फोटोंसह जसप्रीत बुमराहची तब्येत बिघडल्यानं रुग्णालयात दाखल केल्याचा दावा करणारा आहे.

पीटीआय फॅक्ट चेक डेस्कच्या पडताळणीत व्हायरल दावा खोटा ठरला. या पडताळणीत हे फोटो एआय जनरेटेड असून बुमराह रुग्णालयात दाखल झाल्याचा दावा खोटा असल्याचं स्पष्ट झालं आहे.

दावा :

फेसबुक पेज ‘क्रिकेट दुनिया’ ने 7 फेब्रुवारीला जसप्रीत बुमराहचा कथित फोटो शेअर करुन "जसप्रीत बुमराहची बिघडलेली तब्येत, एक सच्चा देशभक्त होऊन तुम्ही एक लाईक देऊन आशीर्वाद आणि प्रेम द्या, तो भारताची शान आहे, आपली जान असून महान आहे." पोस्टची लिंक, अर्काईव्ह लिंक आणि स्क्रीन शॉट इथं पाहा.

फेसबुक यूजर मोहम्मद कासिम ने लिहिलं, “जसप्रीत बुमराहची तब्येत खूप खराब आहे... ” पोस्टची लिंक, आर्काइव लिंक आणि स्क्रीनशॉट इथ पाहा.

पडताळणी:

दाव्याची पडताळणी करण्यासाठी, डेस्कने व्हायरल फोटोची गुगल लेन्सच्या मदतीनं रिव्हर्स इमजे सर्चद्वारे पडताळणी केली. यामध्ये आम्हाला काही सोशल मिडिया पोस्ट आढळल्या, ज्यामध्ये हा फोटो एआय जनरेटेड असल्याचं सांगण्यात आलं. पोस्टची लिंक इथं, इथं आणि इथ पाहा.

या आधारे पडताळणी पुढं सुरु ठेवत डेस्कनं फोटोंची एआय डिटेक्टर टूल, हाईव्ह मॉडरेशन आणि साइट इंजिन स्कॅन केलं. यामध्ये फोटो 99 टक्के एआय जनेरेटेड असल्याचं सांगण्यात आलं, स्क्रीन शॉट इथं पाहा.

यानंतर डेस्कनं कीवर्डच्या मदतीनं गुगल सर्च केलं. या दरम्यान आम्हाला काही रिपोर्ट मिळाले. ज्यामध्ये बुमराहाला गेल्या महिन्यात ऑस्ट्रेलिया विरूद्धच्या मॅचमध्ये बॉर्डर गावसकर ट्रॉफी सुरु असताना अखेरच्या कसोटीमध्ये पाठीत दुखापत झाली होती. ज्यानंतर मेडिकल टीमसोत तो मैदानाबाहेर जाताना पाहायला मिळाला होता. पाठीच्या दुखापतीमुळं बुमराह चॅम्पियन्स ट्रॉफीतून बाहेर गेला असून त्याच्या जागी हर्षित राणाला संधी मिळाली आहे. मिडिया रिपोर्टस इथं, इथं आणि इथं पाहा.

पडताळणी दरम्यान जसप्रीत बुमराहचा अलीकडील फोटो डेस्कला मिळाला. चॅम्पियन्स ट्रॉफीतून बाहेर गेल्यानंतरचा तो बुमराहचा पहिला फोटो आहे. ज्यात बुमराह सेल्फी काढत असून तो फिट आहे.

बुमराहनं 13 फेब्रुवारी 2025 ला इन्स्टाग्रामव एक फोटो शेअर केला आहे. यावर त्यानं रीबिल्डिंग कॅप्शन लिहिलं आहे. मात्र, यामुळं बुमराह रुग्णालयात दाखल झाला नसल्याचं दिसून आलं. पोस्टचा सक्रीन शॉट इथं पाहा.

आमच्या पडताळणीत हे स्पष्ट झालं की सोशल मीडियावरील व्हायरल फोटो एआय जनरेटेड आहे. बुमराह रुग्णालयात दाखल असल्याचा दावा चुकीचा आहे.

दावा

“जसप्रीत बुमराहची तब्येत बिघडली”

तथ्य

पीटीआई फॅक्ट चेक डेस्कच्या पडताळणीत व्हायरल दावा खोटा असल्याचं सिध्द झालं.

निष्कर्ष

सोशल मीडियावर व्हायरल होत असलेला फोटो फेक असून दावा चुकीचा आहे. जसप्रीत बुमराह रुग्णालयात भर्ती झालेला नाही.

[डिस्क्लेमर: ही बातमी पहिल्यांदा पीटीआयवर प्रकाशित झाली होती. एबीपी माझानं 'Shakti Collective' अंतर्गत हे वृत्त प्रकाशित केलं असून मूळ बातमीचा अर्थ बदलेलं असा कोणताही बदल केलेला नाही.]

Fact Check : दुबईचा राजकुमार खरंच वंदे मातरम् गीत गातोय का? जाणून घ्या इन्स्टाग्राच्या व्हायरल पोस्टमागचं सत्य नेमकं काय?

विश्वास न्यूज — Thu, 13 Feb 2025 17:05:15 +0530

नवी दिल्ली : सध्या सोशल मीडियावर एक व्हिडिओ व्हायरल होत आहे. ज्यामध्ये एक व्यक्ती अरबी पोशाखात दिसत आहे. ही व्यक्त एका सभागृहामध्ये वंदे मातरम् गीत गाताना दिसतो आहे. सोशल मीडियावर हा व्हिडीओ दुबईच्या राजकुमाराचा आहे, असा दावा केला जात आहे. सोबतच हा राजकुमार वंदे मातरम् हे गीत गात असल्याचे सांगितले जात आहे. असे असतानाच आम्ही या व्हिडीओची सत्यता पडताळून पाहिली. व्हिडीओत दिसणारी व्यक्ती खरंच वंदे मातरमम गीत गातेय का? हे आम्ही शोधले.

विश्वास न्यूजने या व्हिडीओची सत्यता तपासली आहे. या तपासात असे आढळून आले की, या व्हायरल व्हिडिओमध्ये दुबईच्या राजकुमाराच्या संबंधित केलेला दावा खोटा आहे. हा व्हिडीओ कुवैतमधील आहे. डिसेंबर 2024 मध्ये पंतप्रधान नरेंद्र मोदी यांनी कुवैतला भेट दिली होती, त्या भेटीदरम्यानचा हा व्हिडीओ आहे. व्हिडीओमधील व्यक्ती कोणता राजकुमार नसून तो कुवेती गायक आहे. या गायकांचे नाव मुकाबर अल रशीद असे आहे. रशीद यांनी 'हाला मोदी' या कार्यक्रमात ‘सारे जहाँ से अच्छा’ आणि ‘वंदे मातरम्’ हे गीत गायले होते.

सोशल मीडियावर व्हायरल होत असलेल्या पोस्टमध्ये नेमके काय आहे?

हा व्हिडीओ इन्स्टाग्रामवर शेअर करण्यात आला होता. या पोस्टमध्ये 'दुबईचे राजकुमार' असे लिहण्यात आले होते. “फक्त भारतातच वंदे मातरम् म्हणण्यात अडचण आहे, नाहीतर यांचे वडील किती आनंदाने हे गीत गात आहेत, पाहा...” जर तुम्ही कट्टर हिंदू असाल तर, या पेजला नक्की शेअर करा आणि फॉलो करा. जय श्री राम, असे या पोस्टमध्ये म्हणण्यात आले होते.

या पोस्टची संग्रहित आवृत्ती येथे पाहा

तपासात नेमकं काय आढळलं?

या व्हिडीओमागची सत्यता तपासण्याचा आम्ही प्रयत्न केला. इन्स्टाग्रामवरील या व्हिडीओत 'हाला मोदी' असे इंग्रजी आणि अरबी भाषेत लिहिलेले दिसत आहे. तिथे पंतप्रधान नरेंद्र मोदी यांचा एक फोटोही दिसत आहे. सत्यता तपासण्यासाठी या व्हिडीओचे आम्ही की फ्रेम काढले आणि गुगल लेन्सद्वारे कीवर्डच्या मदतीने त्यांचा शोध घेतला. शोधाअंती हा व्हिडीओ फेसबुक पेजवर अपलोड करण्यात आला होता, असे आम्हाला समजले. या व्हिडीओमध्ये दिलेल्या माहितीनुसार व्हिडीओत दिसणारे राजकुमार नसून कुवेतचे गायक मुबारक अलर-शीद आहेत.

शोधामध्ये आम्हाला हैदराबाद 24X7 नावाच्या फेसबुक पेजवरही हा व्हिडीओ अपलोड करण्यात आला होता. हा व्हिडीओ 25 डिसेंबर 2024 रोजी अपलोड करण्यात आला होता. या व्हिडीओमध्ये कुवेती गायक मुबारक अल-रशीद आहेत, ज्यांनी ‘हाला मोदी’ मध्ये ‘सारे जहाँ से अच्छा’ आणि ‘वंदे मातरम’ गीत गायल्याचे सांगण्यात आले होते.

आम्ही मुबारक अल-रशीद यांच्याविषयी माहिती शोधण्याचा प्रयत्न केला. या शोधात आम्हाला त्यांचे इन्स्टाग्राम खाते सापडले. या त्यांच्या खात्यावरही व्हायरल व्हिडीओची एक क्लिप अपलोड करण्यात आले होती. या मूळ व्हिडीओच्या पोस्टमध्ये ‘ मी माझ्या देशाचे म्हणजेच कुवेतचे प्रतिनिधित्व केले आणि पंतप्रधानांच्या कुवेत दौऱ्याचा भाग झाल्याने मला खूप आनंद झाला आहे,' असे म्हणण्यात आले होते.

या कार्यक्रमाच्या बातमीचा आम्ही शोध घेण्याचा प्रयत्न केला. या शोधात आम्हाला अमर उजाला या वृत्तसंकेतस्थळावर या कार्यक्रमाशी संबंधित बातमी आढलली. 25 डिसेंबर 2024 रोजीच्या बातमीनुसार पंतप्रधान नरेंद्र मोदी कुवेतच्या दोन दिवसीय दौऱ्यावर होते. ते कुवेतमधील शेक साद अल अब्दुल्लाह इनडोअर स्पोर्ट्स कॉम्प्लेक्समध्ये 'हाला मोदी' या सार्वजनिक कार्यक्रमात सहभागी झाले होते. याच कार्यक्रमत एका कुवेती गायकाने भारतीय गाणी सादर केली होती.

यासंबंधीचा व्हिडिओ 21 डिसेंबर 2024 रोजी एएनआयच्या एक्स हँडलवर अपलोड केलेला आढळला. येथे दिलेल्या माहितीनुसार, ‘हाला मोदी’ कार्यक्रमात गाणे म्हणणारी व्यक्ती, कुवेती गायक मुबारक अल-रशीद आहेत.

#WATCH | Kuwaiti singer Mubarak Al Rashed sings 'Saare Jahaan Se Accha' after attending PM Modi's community event #HalaModi at Shaikh Saad Al Abdullah Indoor Sports Complex in Kuwait pic.twitter.com/yJDKBHNTKD
— ANI (@ANI) December 21, 2024

आम्हाला मनी कंट्रोलच्या यूट्यूब चॅनेलवर एएनआयच्या सौजन्याने मुबारक अल-रशीदचा व्हिडिओ अपलोड केल्याचे आढळले. या व्हिडीओमध्ये गायक मुबारक अल रशीद हे ‘सारे जहाँ से अच्छा’ आणि ‘वंदे मातरम्’ हे गाणे गाताना दिसत होते.

आम्ही व्हायरल व्हिडिओची पुष्टी करण्यासाठी कुवेतचे पत्रकार मालक बकीर असद यांच्याशी संपर्क साधला आणि त्यांनी पुष्टी केली की, व्हिडिओमध्ये दुबईचे राजकुमार नाहीत. या व्हिडीओत दिसणारे कुवेतचे गायक मुबारक अल-रशीद आहेत.

शेवटी हा व्हिडीओ पोस्ट करणाऱ्या ‘kattar_hindu_balak_’ या इन्स्टाग्राम खात्याचीही आम्ही स्क्रिनिंग केली. या खात्याला एकूण 1 लाख 10 हजारांहून अधिक लोक फॉलो करतात.

निष्कर्ष: विश्वास न्यूजच्या तपासात असे आढळून आले की, व्हायरल व्हिडिओमध्ये दुबईच्या राजकुमाराविषयी केलेला दावा खोटा आहे. हा व्हिडिओ कुवेतमधील आहे. पंतप्रधान मोदी यांनी डिसेंबर 2024 मध्ये कुवेतला भेट दिली होती, तेव्हाचा हा व्हिडीओ आहे. या व्हिडिओमध्ये कुवेती गायक मुबारक अल-रशीद आहेत. रशीद यांनी ‘हाला मोदी’ कार्यक्रमात ‘सारे जहाँ से अच्छा’ आणि ‘वंदे मातरम्’ गायले होते.