'माझ्यासोबत जबरदस्ती शारीरिक संबंध..' प्रसिद्ध युट्यूबरवर पीडित महिलेचे गंभीर आरोप; नेमकं प्रकरण काय?
Woman Files Complaint Against YouTuber Shadab Jakati: युट्यूबर शादाब जकातीवर एका महिलेने गंभीर आरोप केले आहेत. महिलेने पोलीस ठाण्यात अधिकृत तक्रार दाखल केलीये.
Woman Files Complaint Against YouTuber Shadab Jakati: सोशल मीडियातून एक धक्कादायक बातमी समोर येत आहे. युट्यूबर शादाब जकाती पुन्हा एकदा वादाच्या भोवऱ्यात अडकला आहे. यावेळी त्याच्यावर एका महिलेनं गंभीर आरोप केले आहेत. संबंधित महिलेनं त्याच्यावर जबरदस्तीने शारीरिक संबंध ठेवल्याचा गंभीर आरोप केला आहे. शादाबने महिलेसोबत व्हिडिओ तयार केले. परंतु, शादाबने तिला व्हिडिओचे पैसे दिले नाही. तसेच तिच्या पेजचे प्रोमोशन केले नाही. या प्रकरणाबाबत पीडित महिलेने पोलीस ठाण्यात जाऊन तक्रार दाखल केली. तक्रारीच्या आधारे पोलिसांनी तपास सुरू केला आहे.
चांदनी उर्फ तबस्सुम असे पीडित महिलेचे नाव आहे. महिलेनं सांगितलं की, तिचा पती हा मजूर म्हणून काम करतो. तिनं पैसे कमविण्यासाठी आणि तिच्या सोशल मिडिया पेजला प्रोमोट करण्यासाठी शादाब जकातीशी संपर्क साधला होता. शादाबने एकत्र अनेक व्हिडिओ शूट केले पण तिला पैसे दिले नाहीत.
महिलेनं त्याच्यावर शारीरिक संबंध ठेवल्याचा आरोप केला आहे
संबंधित महिलेनं आरोप केला आहे की, शादाब जकातीने सुमारे दीड वर्ष शारीरिक छळ केला. बंधक बनवलं. तसेच शादाबने जबरदस्तीने शारीरिक संबंध ठेवले. चांदनी म्हणाली की, जेव्हा ती याबद्दल तक्रार करण्यासाठी शादाब जकातीच्या पत्नीकडे गेली, तेव्हा तिनं तिच्यावर हल्ला केला. या हल्ल्यात पीडित महिला गंभीर जखमी झाली.
महिलेनं एका हिंदू पुरूषाशी प्रेम विवाह केला
तबस्सुम खान सईद या नावाने महिलेचे सोशल मिडिया अकाऊंट आहे. तिचे सोनू नावाच्या एका हिंदू पुरूषाशी लग्न झाले आहे. या जोडप्याने प्रेमविवाह केला होता. पीडित महिला मुळची छत्तीसगडची रहिवासी असल्याची माहिती आहे. या संपूर्ण प्रकरणाची चौकशी सुरू असल्याचे पोलिसांचे म्हणणे आहे. या प्रकरणाची संपूर्ण माहिती तिनं आपल्या पतीला दिली. पतीनं पोलीस ठाण्यात जाऊन तक्रार दाखल करण्यास सांगितले असल्याचं पीडित महिलेनं सांगितलं.
गेल्या महिन्यात एका तरूणाने शादाब जकातीवर गंभीर आरोप केले आहेत. तरूणाची पत्नी आणि शादाबचे प्रेमसंबंध असल्याचा आरोप केला होता. दोघेही एकत्र राहत होते. त्या तरूणाने दोघांना एकत्र अनेकदा पाहिले, दोघांना रंगेहाथ पकडले. दोघांच्या अफेअरची माहिती मिळताच त्याला जीवे मारण्याची धमकी मिळाली होती. यानंतर तरूणाने त्याचे आरोप मागे घेतले. एका व्हिडिओमध्ये त्याने नंतर सांगितले की, त्याची पत्नी तिच्या मर्जीने शादाब जकातीसोबत राहत आहे.
महत्त्वाच्या इतर बातम्या:
महत्त्वाच्या बातम्या
