लोकप्रिय टीव्ही कलाकाराने गंगाघाटावर उरकला लग्नसोहळा, वाढदिवसादिवशीच डबल सेलिब्रेशन, गुड न्यूज देत म्हणाला...
विशालने सोशल मीडियावर स्टोरी पोस्ट करत सगळ्यांनी दिलेल्या शुभेच्छांसाठी मनापासून आभार व्यक्त केले आहेत.
Vishal Nikam Marraige: मराठी मनोरंजनसृष्टीत सध्या लग्नाचे वारे वाहत आहेत. अलीकडे अनेक कलाकारांनी होणाऱ्या जोडीदारासोबत फोटो शेअर करत लग्न होणार असल्याचा सांगितलं. काहींची लग्न झाली आहेत. काही जणांचे साखरपुडे झाले आहेत. तर काही कलाकारांच्या घरी लग्नापूर्वीचे समारंभ सुरू आहेत. या कलाकारांमध्ये आणखी एका नावाचा आता समावेश झालाय. मराठी मालिकामधील प्रसिद्ध अभिनेता विशाल निकम याने अभिनेत्री अक्षया हिंदळकरसोबत लग्न गाठ बांधली आहे. विशालने त्याच्या वाढदिवशी अक्षया सोबत लग्न केलंय. विशालने सोशल मीडियावर स्टोरी पोस्ट करत सगळ्यांनी दिलेल्या शुभेच्छांसाठी मनापासून आभार व्यक्त केले आहेत. लवकरच फोटो अपलोड करेन असंही त्याने चाहत्यांना सांगितलं आहे.
वाढदिवशीच बांधली लग्नगाठ
10 फेब्रुवारी 2026 ला विशाल निकमने अक्षया हिंदळकर या अभिनेत्रीशी लग्न केल्याचं सांगत चहात्यांना खुशखबर दिली आहे. तो म्हणाला, आज 10 फेब्रुवारी 2026 माझा वाढदिवस. सगळ्यांनी दिलेल्या शुभेच्छांसाठी मनापासून धन्यवाद. प्रवास आणि कार्यक्रमामुळे मला रिप्लाय किंवा कॉल घेता आले नाहीत. त्याबद्दल क्षमस्व. आजच्या या खास दिवशी महादेव आणि माता-पार्वती यांच्या आशीर्वादाने मी आणि माझी सखी अक्षया आम्ही दोघांनी साता जन्मांची गाठ बांधली आहे. लग्न सुफळ संपूर्ण पार पडलं. फोटो उद्या अपलोड करेन. हर हर महादेव. असं लिहीत विशाल निकमने फोटो पोस्ट करत सर्वांना आनंदाची बातमी दिली.
View this post on Instagram
'साता जन्माच्या गाठी' या स्टार प्रवाह वरील मालिकेत विशाल निकम आणि अक्षय हिंदळकर या दोघांनी एकत्र काम केलं होतं. प्रेक्षकांची ऑन स्क्रीन जोडी खऱ्या आयुष्यातही लग्न बंधनात अडकल्याने चहात्यांना आनंद झाला आहे. अभिनेता विशाल निकम हा दख्खनचा राजा जोतिबा या मालिकेत झळकला होता. या मालिकेने त्याला घराघरात ओळख मिळवून दिली. त्यानंतर सध्या तो येड लागलं प्रेमाचं या मालिकेतून प्रेक्षकांचे मनोरंजन करत आहे. शिवाय विशाल निकम हा बिग बॉस मराठीचा तिसऱ्या पर्वतही सहभागी झाला होता.
महत्त्वाच्या बातम्या
