घटस्फोटाची चर्चा अन् एक्स्ट्रा मॅरिटल अफेअरचा आरोप; विजय थेट 'ती'च्यासोबतच दिसला, नेटकरी म्हणाले, 'भावा, विश्वासघात केलास...'

Viral Wedding Video of Vijay and Trisha Krishnan: घटस्फोटाच्या चर्चांमध्ये विजय थलापती आणि तृषा कृष्णन एकत्र दिसले.

Vijay and Trisha Krishnan viral wedding reception video

Source : Canva

Vijay and Trisha Krishnan viral wedding reception video: दाक्षिणात्य सुपरस्टार विजय थलापती सध्या प्रोफेशनल तसेच वैयक्तिक आयुष्यामुळे चर्चेत आहे. त्याचा आगामी चित्रपट जन नायकन  हा सिनेमा प्रदर्शनासाठी रखडलेला आहे. सध्या त्याच्या वैयक्तिक आयुष्यात घटस्फोट नावाचं वादळ घोंघावत आहे. अभिनेत्याची पत्नी संगीता सोर्नालिंगमने 24 फेब्रुवारी रोजी  चेंगलपट्टू कौटुंबिक न्यायालयात  विजयशी घटस्फोट घेण्यासाठी अर्ज दाखल केला.  तिनं घटस्फोट घेण्यामागील कारण विजयचे विवाहबाह्य संबंध असल्याचे म्हटले आहे. ही बातमी समोर येताच, सोशल मीडियावर अभिनेत्याचे संबंध साऊथ इंडस्ट्रीतील अभिनेत्री तृषा कृष्णनशी जोडले जात आहे.  

दरम्यान, अलिकडेच विजय आणि तृषाचा एक व्हिडिओ सोशल मीडियात व्हायरल होत आहे. या व्हिडिओत तृषा आणि विजय एकत्र दिसत असून,  अनेकांच्या भुवया उंचावल्या आहेत. या व्हायरल व्हिडिओत दोघेही एका लग्नाच्या रिसेप्शनला उपस्थित होते. विजयने उपस्थित मंडळींची गळाभेट करुन हस्तांदोलन केलं.  मंचावर विजय आणि तृषा एकत्र उभे होते. घटस्फोटाच्या चर्चांमध्ये दोन्ही कलाकार एकत्र दिसल्यामुळे, नेटकऱ्यांनी संताप व्यक्त केला आहे. अभिनेत्याकडून अशी अपेक्षा नव्हती, असं म्हणत नेटकऱ्यांनी संताप व्यक्त केला.

सोशल मीडियावर थलापती विजयचा एक व्हिडिओ व्हायरल होत आहे. कल्पना सुरेश आणि  मिनाक्षी यांच्या मुलाचे लग्न होते. लग्नाच्या रिसेप्शनला विजय थलापती अभिनेत्री तृषासोबत उपस्थित होता. रिसेप्शनला उपस्थित राहण्यासाठी दोघांनीही पारंपारिक पोशाख परिधान केला होता. या पारंपारिक पोशाखात विजय आणि तृषा खूप सुंदर दिसत होते.  आधी विजय थलापती गाडीतून उतरतो. त्याच्या हातात  फुलांचा गुच्छ दिसत आहे. तर,  तृषा त्याच्या मागून गाडीतून उतरते. दोघांनी रिसेप्शनमध्ये एकत्र फोटो काढले.  सध्या विजय आणि तृषाचा हा व्हिडिओ सोशल मीडियात व्हायरल होत आहे. नेटकऱ्यांनी या व्हिडिओवर संताप व्यक्त केला आहे. 'तुझ्याकडून ही अपेक्षा नव्हती, आमचा तू विश्वास मोडलास..', असं एकाने कमेंटमध्ये म्हणत संताप व्यक्त केला.

विजय अन् संगीताचं कसं जमलं?

 

 

 

 

 

 

View this post on Instagram

 

 

 

 

 

 

 

 

 

 

 

A post shared by Nikil Murukan (@onlynikil)

विजय थलापती आणि संगीता सोर्नालिंगम यांची लव्हस्टोरी खूप हटके आहे.  'पूवे उनक्कागा' या चित्रपटाला मिळालेल्या यशानंतर तो दुसऱ्या प्रोजेक्टसाठी काम करत असतो.  यावेळी त्याची ओळख संगीताशी झाली. संगीता ही एक तामिळ उद्योगपतीची मुलगी होती. ती त्यावेळेस UKमध्ये राहत होती.  त्यानंतर विजय संगीताला त्याच्या घरी घेऊन गेला.  कुटुंबाशी ओळख करुन दिली. 1999 साली दोघांचा विवाहसोहळा पार पडला. दरम्यान, संसाराच्या  27 वर्षांनंतर दोघांनी काडीमोड घेण्याचा निर्णय घेतला. या घटनेसाठी अभिनेत्री तृषाला जबाबदार धरले जात आहे.