Rashmika -vijay: साउथ सुपरस्टार विजय देवरकोंडा आणि नॅशनल क्रश रश्मिका मंदाना या दोघांनी उदयपूरमध्ये राजेशाही थाटात विवाह केला. त्यांच्या लग्नातील फोटोची सध्या एकच क्रेझ आहे. पारंपरिक पद्धतीने केलेल्या या लग्नाची अनेकांना भुरळ पडली आहे. लग्नाची धामधूम संपते ना संपते तोच रश्मिका आणि विजयने चाहत्यांना मोठं सरप्राईज दिलं आहे. त्यांच्या गुड न्यूजमुळे चाहत्यांनाही आनंद झालाय. त्यांच्यावर शुभेच्छांचा वर्षाव होतोय. आता लग्न तर झालं आणखी काय गुड न्यूज? असा प्रश्न पडणं साहजिक आहे. याचे उत्तरही तेवढेच खास आहे.
खऱ्या आयुष्यात एकत्र आल्यानंतर रश्मिका मंदाना आणि विजय देवरकोंडा हे दोघेही आता मोठ्या पडद्यावर एकत्र दिसणार आहेत. त्यांच्या आगामी राणाबली या चित्रपटाचा खास लुक समोर आला असून लग्नाच्या दुसऱ्याच दिवशी या चित्रपटाचं पोस्टर प्रदर्शित करण्यात आलं आहे. या पोस्टर्स सोबत चाहत्यांना आज एक विशेष सरप्राईज मिळणार असल्याचे जाहीर करण्यात आले आहे.
ऐतिहासिक सिनेमा येणार प्रेक्षकांच्या भेटीला
'मैत्री मूवी मेकर्स'ने शेअर केलेल्या या पोस्टर मध्ये राणाबली आणि जयम्मा एकमेकांचे हात हातात धरलेले दिसत आहेत . अर्थात राणा बलीची भूमिका विजय देवरकोंडा साकारणार आहे. तर जयम्मा रश्मिका मंदाना असेल. या पोस्टर मध्ये दोघांचेही चेहरे दिसत नसले तरी त्यांच्या केमिस्ट्रीची एकच चर्चा आहे. राणावली चित्रपटाची पार्श्वभूमी ही ऐतिहासिक आहे. ही केवळ एक प्रेम कथा नसून अठराव्या शतकातील रायल सीमा भागाच्या इतिहासावर असणारा हा थरारपट आहे. राहुल संकृत्यान या दिग्दर्शकांना ब्रिटिश काळातील संघर्ष आणि शोषण या चित्रपटात दाखवलंय. गीता गोविन्दम आणि डियर कॉम्रेड या दोन्ही चित्रपटांच्या प्रचंड लोकप्रियतेनंतर विजय आणि रश्मिका पुन्हा एकदा नव्या चित्रपटातून एकत्र येत आहेत. या सिनेमाकडून चाहत्यांना मोठ्या आशा आहेत. दोघांची जोडी ही पुन्हा एकदा समोर येणार असल्याचे कळताच चाहते आनंदी झाले आहेत.
रश्मिका आणि विजयने 26 फेब्रुवारीला उदयपूर मध्ये लग्न केले. त्यांच्या लग्नाच्या दुसऱ्याच दिवशी चित्रपटाच्या निर्मात्यांनी नव्या चित्रपटाचे पोस्टर समोर आणल्यामुळे चाहत्यांची उत्सुकता शिगेला पोहोचली आहे. राणावली हा चित्रपट 11 सप्टेंबर 2026 रोजी जगभरातील चित्रपटगृहांमध्ये प्रदर्शित होणार आहे. या चित्रपटात हॉलीवुड अभिनेता अर्नोल्ड वोस्लू खलनायकाच्या भूमिकेत दिसणार आहे. या चित्रपटाला अजय अतुलने संगीत दिले आहे.दरम्यान पोस्टर प्रदर्शित करताना निर्मात्यांनी आज चाहत्यांना सरप्राईज मिळणार असल्याचे सांगितलं. आज कदाचित या चित्रपटाचा टिझर प्रदर्शित होऊ शकतो अशी अटकळ चाहते बांधत आहेत.