Vada Pav Girl Chandrika Dixit: 'वडा पाव गर्ल' (Vada Pav Girl) म्हणून ओळखली जाणारी चंद्रिका दीक्षित (Chandrika Dixit) सध्या तिच्या वैयक्तिक आयुष्यामुळे चर्चेत आहे. काही दिवसांपूर्वीच तिनं आपल्या पतीवर तिची फसवणूक केल्याचा आरोप केलेला. त्यानंतर तिच्या पती युगमनंही काही खळबळजनक खुलासे केलेले. मात्र, या दोघांपैकी नेमकं कोण खरं बोलतंय आणि कोण खोटं, हे फक्त ते दोघंच सांगू शकतात. अशातच, आता सोशल मीडिया इन्फ्लुएन्सर असलेली चंद्रिका दीक्षित हिनं आणखी एक धक्कादायक खुलासा करुन सर्वांना हादरवून सोडलंय. पण, यावेळी चंद्रिकानं तिच्या पतीवर कोणतेही आरोप केलेले नाहीत, तर तिनं दुसऱ्याच एका व्यक्तीची पोलखोल केलीय.
चंद्रिका दीक्षितनं खुलासा केलाय की, तिला 'कॉम्प्रोमाइज' करण्याचा प्रस्ताव देण्यात आला होता, ज्याच्या बदल्यात समोरच्या व्यक्तीनं मोठी रक्कम देण्याची तयारी दर्शवली होती.
चंद्रिकाकडे ई-मेलद्वारे 'कॉम्प्रोमाइज'ची मागणी
अलिकडेच सिद्धार्थ कन्ननला दिलेल्या मुलाखतीत चंद्रिका दीक्षितनं खळबळजनक खुलासा केलाय. ती म्हणाली की, "माझ्याकडे व्यवस्थित ई-मेल आला होता. एक मोठा बिझनेसमन होता. मी तुम्हाला त्या मेलचा स्क्रीनशॉटही देऊ शकते... तो मला रिसॉर्ट देण्याची ऑफर करत होता. त्यानं म्हटलेलं की, "कंडिशन आणि सिच्युएशन तुमची, जागा माझी... चंद्रिका, मी तुम्हाला 50 लाखांची ऑफर देतो, बाकी तुम्ही सांगा..."
चंद्रिकानं पुढे बोलताना सांगितलेलं की, हा प्रस्ताव तिला प्रोफेशनल पद्धतीनं ई-मेलद्वारे पाठवण्यात आला होता. तसेच सैफीनंही सांगितलं की, काही दिग्दर्शक आणि निर्मातेही तिला फोन करून 'कॉम्प्रोमाइज' करण्याचे प्रस्ताव देत होते. काही जणांनी तर तिला दुबईला येण्याचंही आमंत्रण दिलं होतं.
याशिवाय, चंद्रिकानं सांगितलं की, ऑफर देणाऱ्या व्यक्तीनं तिला असंही सुचवलं होतं की, जर पुढे जायचं असेल तर 'कॉम्प्रोमाइज' करावंच लागेल, अन्यथा करिअरमध्ये प्रगती होणार नाही. यावर प्रतिक्रिया देताना चंद्रिकानं म्हटलं की, "हे सगळं खरं आहे, खूप घाणेरडं वातावरण आहे..."
ती पुढे म्हणाली की, "लोक म्हणतात की, तुम्हाला अशा प्रकारे पुढे जाऊ देणार नाहीत, यात तथ्य आहे. ब्रँड शूटमध्येही असंच होतं. लोक म्हणतात, एकदा तरी कॉम्प्रोमाइज करावंच लागेल. किती पैसे हवेत ते सांगा असंही विचारतात. दोन-तीन वर्षांच्या लहान मुलींनाही सोडत नाहीत आणि तुम्ही माझ्यावरच आरोप करताय..."