Bayangi Palaychi Nahi Talaychi Marathi movie: जगभरात आपल्या कंटेंटमुळे प्रेक्षकांच्या मनावर अधिराज्य गाजवणारे टीव्हीएफ (TVF Motion Pictures) आता मराठी माणसाची मन जिंकायला तयार आहे. आपल्या पहिल्या मराठीची घोषणा टीव्हीएफने केली असून, सिनेमातून प्रेक्षकांना नवीन कथा पाहायला मिळणार आहे. 'बायंगी: पाळायची नाही टाळायची!' (Bayangi Palaychi Nahi Talaychi) असे सिनेमाचे नाव असून, दमदार विषय आणि उत्तम स्टारकास्ट (Entertainment) असलेला हा सिनेमा लवकरच प्रेक्षकांच्या भेटीस येत आहे. ही रंजक कथा प्रेक्षकांना नक्कीच आवडेल यात शंका नाही.
गेल्या अनेक वर्षांपासून टीव्हीएफने सातत्याने प्रेक्षकांचं मनोरंजन केलं आहे. मनाला भिडणारे असे चित्रपट तयार करून टीव्हीएफने प्रेक्षकांच्या मनात स्थान निर्माण केलं आहे. आता लवकरच ते नव्या कलाकृतीतून प्रेक्षकांच्या भेटीस येत आहे. 'बायंगी: पाळायची नाही टाळायची!' या बहुप्रतीक्षित चित्रपटाचे दिग्दर्शन अभय राऊत यांनी केले आहे. या सिनेमात अमेय वाघ यांची महत्वाची भूमिका आहे तर, अमेय वाघसोबत हार्दिक जोशी, मनमित पेम तसेच अविनाश खेडेकर यांच्या महत्वाच्या भूमिका आहेत.
'बायंगी: पाळायची नाही टाळायची!' हा बहुप्रतिक्षित सिनेमा कधी रिलीज होणार? (TVF Motion Pictures Bayangi Palaychi Nahi Talaychi)
2026 साली टीव्हीएफने 9 शोज प्रदर्शित केले होते. त्यामध्ये सोनी लिव्ह वरील गुल्लक सीझन 5, अॅमेझॉन प्राइम व्हिडिओवरील सप्ने व्हर्सेस एव्हरीवन सीझन 2 आणि अॅस्पिरंट्स सीझन 3, नेटफ्लिक्सवरील हॅलो बच्चो सीझन 1 तसेच जिओहॉटस्टारवरील स्पेस जेन : चांद्रयान सीझन 1 यांचा समावेश आहे. प्राइम व्हिडिओ प्रेझेंट्स या कार्यक्रमात टीव्हीएफने ‘वन’आणि ‘कॉलेज फेस्ट’ यांसारख्या चित्रपटांसह मोठ्या घोषणांची मालिका सादर करून विशेष चर्चा रंगवली होती.
टीव्हीएफच्या गाजलेल्या कार्यक्रमांमध्ये पंचायत, गुल्लक, कोटा फॅक्टरी, अॅस्पिरंट्स, टीव्हीएफ पिचर्स, ये मेरी फॅमिली, क्युबिकल्स आणि पर्मनंट रूममेट्स यांचा समावेश आहे. व्ह्यूज अन् जागतिक स्तरावरील मोठ्या प्रेक्षकवर्गासह टीव्हीएफ यूट्यूब, इन्स्टाग्राम, फेसबुक अन् प्राइम व्हिडिओ, नेटफ्लिक्स, सोनी लिव्ह, झी5 आणि जिओहॉटस्टार यांसारख्या प्रमुख ओटीटी प्लॅटफॉर्मवरून प्रेक्षकांपर्यंत पोहोचते. तमिळ, तेलुगू आणि मराठी भाषांमधील वाढत्या निर्मितीसह टीव्हीएफ ‘लाईट्स. कॅमेरा. एक्सपेरिमेंट.’या आपल्या तत्त्वज्ञानातून भारतीय कथाकथनाच्या भविष्याला आकार देत आहे. टीव्हीएफ मोशन प्रस्तृत आणि अभय राऊत दिग्दर्शित हा सिनेमा लवकरच प्रेक्षकांच्या भेटीस येणार आहे.
महत्त्वाच्या इतर बातम्या: