Rupali Bhosale Comeback On Theatre: रुपाली भोसलेचं चाहत्यांना सरप्राईज, तब्बल सहा वर्षांनी घेतला मोठा निर्णय; म्हणाली, 'मी यापूर्वी...'

Vandana Gupte Video On Aamne Samane Natak Controversy: आपण आर्टिस्ट, कोणी अपमान केलेला तुला सहन होईल का? आमने-सामने नाटकाच्या वादानंतर वंदना गुप्तेंचा लीना भागवत-मंगेश कदमांना प्रेमळ दम, म्हणाल्या...

एबीपी माझा एंटरटेनमेंट डेस्क — Fri, 30 Oct 2026 10:33:36 +0530

Vandana Gupte Video On Aamne Samane Natak Controversy: मराठी रंगभूमीवर (Marathi Theatre) गाजणारं आणि हाऊसफुल्ल चालणारं मराठी नाटक 'आमने-सामने' (Aamne Samane Marathi Natak) सध्या चर्चेत आलं आहे. त्यासाठी कारण ठरतंय, निर्मात्यांमधला वाद. 'आमने-सामने' नाटकातील कलाकार अभिनेता रोहन गुजर (Actor Rohan Gujar) आणि अभिनेत्री केतकी पालव (Actress Ketaki Palav) यांनी इन्स्टाग्रामवर एक व्हिडीओ (Instagram Video) शेअर केला. ज्यामध्ये त्यांनी नाटकातून अचानक काढून टाकल्याचं सांगितलं. तसेच, त्यासाठी मानधन वाढवून मागितलं हे कारण असल्याचंही सांगितलं. त्यानंतर निर्माते आणि याच नाटकातल्या मुख्य पात्रांपैकी एक असलेल्या लीना भागवत (Leena Bhagwat) आणि मंगेश कदम (Mangesh Kadam) यांनीही एक व्हिडीओ पोस्ट केला आणि आपली बाजू स्पष्ट केली. तसेच, यानंतर आता याविषयावर काहीच बोलणार नसल्याचंही स्पष्ट केलं. त्यानंतर पुन्हा एकदा रोहन आणि केतकीनं व्हिडीओ शेअर केला आणि निर्मात्यांनी दिलेल्या स्पष्टीकरणावर काही मुद्दे स्पष्ट केले आणि आम्हीही या प्रकरणाला पूर्णविराम देत असल्याचं सांगितलं. अशातच, आता या वादावर प्रसिद्ध मराठी अभिनेत्री वंदना गुप्ते यांनी एक व्हिडीओ शेअर केला आहे. तसेच, रोहन गुजर आणि केतकी पालव यांच्यासोबतच निर्माते असलेल्या लीना भागवत आणि मंगेश कमद यांचे कान टोचले आहेत.

आपणही आर्टिस्ट आहोत ना गं. आपण यातून गेलो आहोत, पण आपण असं नाही ना करत की, अचानक थांबवायचं आणि सांगायचं की, नाही! हा तुमचा शेवटचा प्रयोग आहे, असं वंदना गुप्ते म्हणाल्या आहेत. तसेच, आपला कोणी अपमान केलेला तुला सहन होईल का? मंगेशला सहन होईल का? एक पद्धत असते सांगण्याची, असंही वंदना गुप्ते म्हणाल्या आहेत.

'आमने-सामने' नाटकातील कलाकार, निर्मात्यांच्या वादावर वंदना गुप्ते काय म्हणाल्या? (Vandana Gupte On Aamne Samane Natak Controversy)

मराठी अभिनेत्री वंदना गुप्ते व्हिडीओमध्ये बोलताना म्हणाल्या की, "लीना आणि मंगेश मी तुमचा काल व्हिडीओ बघितला. खूप वाईट वाटलं मला. तुझं रडणं बघून तर मला फारच भरुन आलं. पण आपणही आर्टिस्ट आहोत ना गं. आपण यातून गेलो आहोत. मला आठवतंय ना, माझं 80 रुपयाचं 100 रुपये नाईट करा म्हणून मी मोहनकाकांना जवळजवळ 15 वेळा सांगितलं. तेव्हा त्यांनी 100 व्या प्रयोगाला माझी नाईट वाढवली..."

"तू आर्टिस्ट आहेस, मंगेश पण आर्टिस्ट आहे. तुम्हाला कळायला पाहिजे. बंद करायचं ठिकेय, पण आपण असं नाही ना करत की, अचानक थांबवायचं आणि सांगायचं की, नाही! हा तुमचा शेवटचा प्रयोग आहे. असा आपला कोणी अपमान केलेला तुला सहन होईल का? मंगेशला सहन होईल का? नाही... असं नाही करायचं, एक पद्धत असते सांगण्याची...", असं लीना भागवत म्हणाल्या.

View this post on Instagram

A post shared by Vandana Gupte (@vandanagupteofficial)

वंदना गुप्ते पुढे बोलताना म्हणाल्या की, "रोहन आणि यांनी मागितले तर त्यांना असं वाटतं की, आपलाही या नाटकात काही हातभार आहे. जे काही करायचंय ते विचार करुन करायला हवं होतं, असं माझं स्पष्ट म्हणणं आहे. लीना आणि मंगेश तुम्हा दोघांनाही सांगते... कलाकार म्हणून निर्मात्यांकडे पैसे मागण्याचा त्यांना हक्क आहे... तुमच्या हाऊसफुल्लमधले सगळे पैसे काढून द्या, असं मी नाही म्हणत आहे. तरी सुद्धा आपला तो हक्क असतो. ही तर बिचारी आता आलेली माणसं आहेत. तुमच्याशी पाच वर्ष जोडले गेलेले आहेत. तेव्हा असं नका ना करु..."

"त्यांनी पण असं नाही करायचं. मागताना त्यांनीही विचार करायला हवा होता. तीन-तीन वेळा कसं तुम्ही मागता. आणि तुम्ही पण विचार करायला हवा होता की, अचानक काढून टाकलं आणि सांगायचं हा तुमचा शेवटचा प्रयोग... हे मला तुझं पण पटलं नाही. दोघांचंही पटलं नाही. रोहन आणि यांना... प्रत्येकाची गरज असते. त्यांचा स्टेटस असतो. त्यांचाही हळूहळू वाढत जातो. आपला जसा वाढला...", असं वंदना गुप्ते म्हणाल्या.

"इतकी वर्ष, 50 वर्ष काम केल्यानंतर अजूनही मी माझं मानधन वाढवा म्हणून सांगायला बिचकते. ही आजकालची मुलं ऐकत नाहीत. त्यांना हवं असतं ते. का असू नये. प्रत्येकाची इच्छा असते ना, मिळतंय तर आपल्यालाही त्यातला थोडा हक्काचा भाग मिळावा. विचार करा. अशी कॉन्ट्रोव्हर्सी कलाकारांसाठी चांगली नाही. तुम्ही कलाकार म्हणून मी सांगते, प्रोड्यूसर म्हणून नाही सांगत आहे. विचार करा दोघं...", असं वंदना गुप्ते म्हणाल्या.

महत्त्वाच्या इतर बातम्या :

Amane Samne Natak Tejas Raut Rujuta Dharap: 'आमने-सामने' नाटकाबाबत मोठी अपडेट, रोहन-केतकीला बाहेरचा रस्ता दाखवल्यानंतर आता नाटकात दोन नव्या चेहऱ्यांची एन्ट्री, कोण आहेत नवे कलाकार?

Rohan Gujar Ketaki Palav Reaction On Leena Bhagwat Video: 'एका वर्षातली नाही, आठ वर्षांतली तिसरी मानधन वाढ...'; लीना भागवतांच्या व्हिडीओनंतर रोहन-केतकीचं महत्त्वाच्या मुद्द्यावर बोट, काय म्हणाले?

एबीपी माझा एंटरटेनमेंट डेस्क — Fri, 30 Oct 2026 09:32:34 +0530

Rohan Gujar Ketaki Palav Reaction On Leena Bhagwat Video: सध्या सोशल मीडियावर 'आमने-सामने' नाटकातील (Aamne Saamne Marathi Natak) कलाकार रोहन गुजर (Rohan Gujar), केतकी पालव (Ketaki Palav) आणि निर्मात्या लीना भागवत (Leena Bhagwat) यांच्यातील वाद चर्चेत आला आहे. रोहन गुजर आणि केतकी पालव (Rohan Gujar Ketaki Palav VIDEO) यांनी नाटकातून अचानक काढून टाकल्याचा आरोप करत एक व्हिडीओ पोस्ट केला. वाढीव मानधन मागितलं म्हणून त्यांना नाटकातून कोणतीही पूर्वकल्पना न देता रिप्लेस करण्यात आलं आणि त्यामुळे शेवटचा प्रयोगही एन्जॉय करता आला नाही, अशी तक्रार दोघांनी व्हिडीओमध्ये केलेली. त्यानंतर, अनेक सेलिब्रिटींनी त्यांच्या व्हिडीओवर कमेंट करुन त्यांची बाजूही घेतलेली. पण, त्यानंतर 'आमने-सामने' नाटकाचे निर्माते मंगेश कदम (Mangesh Kadam) आणि लीना भागवत यांनी एक व्हिडीओ शेअर करुन आपली बाजू मांडलेली. त्यात त्यांनी रोहन आणि केतकीनं तिसऱ्यांदा मानधनवाढ मागितली, जी देणं आम्हाला शक्य नव्हतं, त्यामुळे आम्ही तिथेच थांबण्याचा निर्णय घेतला, असं म्हटलंय. त्यानंतर आता रोहन आणि केतकीनं पुन्हा एकदा व्हिडीओ शेअर केला आणि निर्मात्यांनी केलेल्या आरोपांवर आपली बाजू मांडली आहे. तसेच, आमच्याकडून यानंतर या प्रकरणाला पूर्णविराम देतोय, असं म्हटलं.

रोहन आणि केतकीनं व्हिडीओमध्ये काय म्हटलंय? (Rohan Gujar Ketaki Palav VIDEO)

'आमने-सामने' नाटकाचे निर्माते लीना भागवत आणि मंगेश कदम यांनी स्पष्टीकरण देणारा व्हिडीओ शेअर केल्यानंतर आता पुन्हा रोहन आणि केतकीनं एक व्हिडीओ शेअर केलाय. तसेच, निर्मात्यांच्या म्हणण्यावर त्यांनी आपली बाजू मांडली आहे.

View this post on Instagram

A post shared by Rohan J M Gujar / रोहन गुजर (@rohanatinsta)

रोहन गुजर आणि केतकी पालवनं म्हटलं की, "आम्ही आमच्या निर्मात्यांचा व्हिडीओ पाहिला. त्या व्हिडीओवरच्या कमेंट्सही वाचल्या. नाण्याची दुसरी बाजू आम्ही ऐकली. पण, ती बाजू मांडत असताना अनावधनानं, चुकून, सोयीस्कररित्या, मुद्दामून काही मुद्दे आले नाहीत... ते मांडण्यासाठी आम्ही हा व्हिडीओ करतोय. आणि या व्हिडीओनंतर आम्हालादेखील कोणत्याही प्रकारचा व्हिडीओ करण्याची इच्छा नाहीये. आमच्या निर्मात्यांनी तिसरी मानधनवाढ हे जितक्या ठामपणे सांगितलं... तितक्या ठामपणे हे नाही सांगितलं की 8 वर्षांतली तिसरी मानधनवाढ... आता असा समज झालाय की, एका वर्षात तिसऱ्यांदा आम्ही पैसे वाढवून मागितले आहेत. तर तसं नाहीये..."

"8 वर्षांत तिसरी मानधनवाढ म्हणजे आपण अॅवरेज काढायला गेलो तर अडीच वर्षांत एक मानधनवाढ... आमची पहिली मानधनवाढ 4 वर्षांनी झाली. जी अत्यंत किरकोळ होती हे स्वत: निर्मात्यांनी मान्य केलं. दुसरी मानधनवाढ 6 वर्षांनी झाली. त्यामधे एकदा आमचं नाटक बंद पडलं. त्यानंतर नव्याने सुरू झालं. त्यानंतर 4 महिने प्रयोग हाऊसफूल होते. त्यानंतर आम्ही मानधन वाढीचा प्रस्ताव मांडला होता. आणि या 6 वर्षांनंतर जेवढी बेसिक मानधनवाढ मिळायला हवी होती. ती आम्ही त्यांच्यापुढे ठेवली. सगळे मेसेज आमच्याकडेही आहेत. ते व्हिडीओमध्ये म्हणाले की आमच्या मागण्या त्यांनी सहज मान्य केल्या, हे चुकीचं आहे. त्यांचं म्हणणं होतं की निर्माता म्हणून स्वत:ला मुरड घालून मी ही वाढ करत आहेत... मुरड घालून म्हणजे मनाविरुद्ध... म्हणजे ही मानधनवाढही त्यांनी मनापासून केलीच नव्हती. आणि तिसरी मानधनवाढ ही वर्षभरानंतर आता आम्ही करत होतो", असं रोहन आणि केतकी म्हणालेत.

"या सात वर्षांत आपलं नाटक चांगलं चाललंय तर आता आपण तुमचे पैसे वाढवुया, असं निर्माते कधीच म्हणाले नाहीत. मानधनवाढीचा प्रस्ताव ठेवला, तेव्हा आम्ही हेदेखील सांगितलं होतं की, उद्या नाटकाचा प्रतिसाद कमी झाला तर आम्ही कमी पैशात प्रयोग करायला तयार आहोत. पण आम्हाला हे नाटक शेवटपर्यंत करायचंय... जेव्हा लॉकडाऊनमध्ये 50 टक्के प्रेक्षकांच्या उपस्थितीत नाटक सुरू होतं. तेव्हा त्यांनी आम्हाला 50 टक्के मानधनात काम करण्याची विनंती केली होती. तेव्हा आम्ही लगेच तयार झालो होतो. ते प्रयोग आम्ही अर्ध मानधन घेऊन केलेत. आम्ही दीड हजार मागत असू... जे लोक तुमच्यासोबत 7 वर्ष काम करत आहेत... तर ही खूप मोठी कमिटमेंट आहे. तर एक टीम म्हणून आम्ही दीड हजार मानधनवाढ मागितली तर तुम्ही लगेच तडकाफडकी निर्णय घेता आणि आम्हाला रिप्लेस करता. कुठलीही पूर्वकल्पना न देता...या गोष्टीचं आम्हाला वाईट वाटतंय... या गोष्टीचा त्रास होतोय की इतकं मन लावून काम केलं. खांद्याला खांदा लावून आणि जेव्हा चांगले दिवस आले तेव्हा आम्हाला खूपच वाईट पद्धतीने बाजूला केलं गेलं...", असं रोहन गुजर आणि केतकी पालव म्हणालेत.

महत्त्वाच्या इतर बातम्या :

'आमने-सामने' नाटकाबाबत मोठी अपडेट, रोहन-केतकीला बाहेरचा रस्ता दाखवल्यानंतर आता नाटकात दोन नव्या चेहऱ्यांची एन्ट्री, कोण आहेत नवे कलाकार?

Amane Samne Natak Tejas Raut Rujuta Dharap: 'आमने-सामने' नाटकाबाबत मोठी अपडेट, रोहन-केतकीला बाहेरचा रस्ता दाखवल्यानंतर आता नाटकात दोन नव्या चेहऱ्यांची एन्ट्री, कोण आहेत नवे कलाकार?

एबीपी माझा एंटरटेनमेंट डेस्क — Fri, 30 Oct 2026 08:59:52 +0530

Amane Samne Natak Tejas Raut Rujuta Dharap: सध्या सोशल मीडियावर 'आमने-सामने' नाटकातील (Aamne Saamne Marathi Natak) कलाकार रोहन गुजर (Rohan Gujar), केतकी पालव (Ketaki Palav) आणि निर्मात्या लीना भागवत (Leena Bhagwat) यांच्यातील वाद चर्चेत आला आहे. रोहन गुजर आणि केतकी पालव यांनी नाटकातून अचानक काढून टाकल्याचा आरोप करत एक व्हिडीओ पोस्ट केला. वाढीव मानधन मागितलं म्हणून त्यांना नाटकातून कोणतीही पूर्वकल्पना न देता रिप्लेस करण्यात आलं आणि त्यामुळे शेवटचा प्रयोगही एन्जॉय करता आला नाही, अशी तक्रार दोघांनी व्हिडीओमध्ये केलेली. त्यानंतर निर्माते लीना भागवत, मंगेश कदम यांनी व्हिडीओ शेअर करुन आपली बाजू मांडली. त्यानंतर पुन्हा रोहन-केतकीनं व्हिडीओ (Rohan Gujar Ketaki Palav Video) शेअर करुन निर्मात्यांच्या काही मुद्द्यांवर स्पष्टीकरण दिलं. अशातच आता ज्या गाजणाऱ्या नाटकातील कलाकारांना अचानक काढून टाकलं, त्या नाटकात त्यांच्या जागी नव्या कलाकारांची एन्ट्री झाली आहे.

मानधन वाढ मागितल्यामुळे एक दिवस प्रयोग झाल्यावर निर्मात्यांनी मिटींग घेतली आणि आजचा तुमचा शेवटचा प्रयोग, असं सांगितलं, असा दावा सोशल मीडियावर व्हिडीओ शेअर करुन रोहन गुजर आणि केतकी पालव यांनी सांगितलं. आम्हाला नीट गुडबायही करता आला नाही, आम्ही आमचा शेवटचा प्रयोग नीट एन्जॉय केला नाही, आम्हाला शेवटचा प्रयोग सेलिब्रेट करता आला नाही, असंही ते म्हणाले. त्यानंतर नाटकाचे निर्माते आणि कलाकार लीना भागवत आणि मंगेश कदम यांनी दोघांना प्रत्युत्तर देणारा व्हिडीओ केला. तिसऱ्यांदा मागितलेली मानधनवाढ परवडणारी नसल्यामुळे आम्ही थांबण्याचा निर्णय घेतला, असं लीना भागवत यांनी स्पष्ट केलं. तर, पुन्हा रोहन आणि केतकीनं तिसऱ्यांदा मानधनवाढ मागितली, पण आठ वर्षांत तिसऱ्यांदा असं स्पष्ट केलं. अशातच आता रोहन आणि केतकीला रिप्लेस करण्यात आलं असून त्यांच्याऐवजी नाटकात तेजस राऊत आणि ऋजुता धारप यांची एन्ट्री होणार आहे. दोघांनीही महाराष्ट्र टाईम्सला प्रतिक्रिया दिली आहे.

रोहन गुजरऐवजी तेजस राऊतची एन्ट्री (Tejas Raut Replaces Rohan Gujar)

'आमने सामने' नाटकात रोहन गुजरऐवजी मराठी अभिनेता तेजस राऊत झळकणार आहे. या नाटकातून तेजस राऊत रंगभूमीवर पदार्पण करणार आहे. "माझं हे पहिलंच व्यावसायिक नाटक आहे, याचा मला आनंद आहे. 'आमने सामने'चा फॉर्म थोडा वेगळा असल्यानं दडपणही आहे. रंगभूमीवर संवाद म्हणण्याची तालीम कलाकार करत असतो. मात्र नाटकामध्ये मला प्रेक्षकांशी संवाद साधायचा आहे. त्याची सवय होईपर्यंत थोडंसं दडपण राहील, असं तेजस राऊत म्हणाला.

केतकी पालवच्या जागी ऋजुता धारप झळकणार (Rujuta Dharap replaces Ketaki Palav)

'आमने सामने' नाटकात केतकी पालवला अभिनेत्री ऋजुता धारप रिप्लेस करणार आहे. ऋजुता धारपचं हे दुसरं व्यावसायिक नाटक आहे. नव्या नाटकाविषयी बोलताना ऋजुता धारप म्हणाली की, "पुन्हा रंगभूमीकडे वळताना फार छान वाटतंय. लीना भागवत, मंगेश कदम यांसारख्या मातब्बर कलाकारांसोबत काम करताना त्यांच्या अनुभवाचा खूप फायदा होतोय. चित्रपट, मालिका आणि रंगभूमी अशा प्रत्येक माध्यमाची वेगळी आव्हानं असतात. नाटकात एखाद्याही चुकीला जागा नसते. नाही तर प्रयोग फसतो. मी न चुकण्याची विशेष काळजी घेत आहे..."

महत्त्वाच्या इतर बातम्या :

Marathi Natak Aamne Samne Leena Bhagwat Mangesh Kadam: 'तिसऱ्यांदा मानधन वाढ...'; रोहन, केतकीच्या नाटकातून काढल्याच्या आरोपांवर निर्मात्यांनी मौन सोडलं, लीना भागवत म्हणाल्या...

Marathi Natak Aamne Samne Leena Bhagwat Mangesh Kadam: 'तिसऱ्यांदा मानधन वाढ...'; रोहन, केतकीच्या नाटकातून काढल्याच्या आरोपांवर निर्मात्यांनी मौन सोडलं, लीना भागवत म्हणाल्या...

एबीपी माझा एंटरटेनमेंट डेस्क — Thu, 29 Oct 2026 11:47:23 +0530

Marathi Natak Aamne Samne Leena Bhagwat Mangesh Kadam: रंगभूमीवर (Marathi Theatre) गाजणाऱ्या 'आमने सामने' (Aamne Samne Natak) नाटकातून अचानक काढून टाकल्याचं सांगत अभिनेता रोहन गुजर (Actor Rohan Gujar) आणि अभिनेत्री केतकी पालव (Actress Ketaki Palav) यांनी व्हिडीओ शेअर केला. एका प्रयोगानंतर अचानक निर्मात्यांनी मिटिंग घेतली आणि आज तुमचा शेवटचा दिवस असल्याचं त्यांनी सांगितलं. तसेच, नाटकातला शेवटचा प्रयोग एन्जॉय करता आला नाही, अशी खंत दोन्ही कलाकारांनी व्यक्त केली. रोहन आणि केतकी दोघांच्याही व्हिडीओनंतर सोशल मीडियावर बराच गदारोळ झाला. तसेच, दोघांच्या व्हिडीओवर काही कलाकारांनीही कमेंट करत संताप व्यक्त केलेला. अशातच आता नाटकाचे निर्माते आणि याच नाटकात कलाकार म्हणून काम करत असलेले, अभिनेते मंगेश कदम (Actor Mangesh Kadam) आणि अभिनेत्री लीना भागवत (Actress Leena Bhagwat) यांनीही एक व्हिडीओ शेअर करुन आपली बाजू मांडली आहे.

रोहन गुजर आणि केतकी पालव यांनी सोशल मीडियावर व्हिडीओ शेअर करत, रंगभूमी गाजवणाऱ्या 'आमने-सामने' नाटकातून अचानक काढून टाकल्याचं सांगितलं. तसेच, त्यासाठी कारण मानधन वाढ मागणं हे असल्याचंही सांगितलं. अशातच आता नाटकातले त्यांचे सहकलाकार आणि निर्माते असलेल्या लीना भागवत आणि मंगेश कदम यांनी आपली बाजू मांडली आहे. तसेच, मानधन वाढीमुळे त्यांना नाटकात रिप्लेस केल्याचंही त्यांनी मान्य केलं. पण, त्यासोबतच रोहन गुजर, केतकी पालव यांनी तिसऱ्यांदा मानधन वाढ मागितल्याचा दावाही केलाय.

रोहन गुजर, केतकी पालवच्या आरोपांवर निर्मात्यांची प्रतिक्रिया, काय म्हणाले? (Leena Bhagwat, Mangesh Kadam On Rohan Gujar Ketaki Palav VIDEO)

लीना भागवत इन्स्टावर पोस्ट केलेल्या व्हिडीओमध्ये बोलताना म्हणाल्या की, "नमस्कार मी लीना भागवत, 'आमने-सामने' नाटकात काम करते. आम्ही दोघंही त्या नाटकाचे निर्मातेही आहोत. आमच्या आधीच्या सहकलाकारांनी जो व्हिडीओ पोस्ट केलाय, तो आम्ही पाहिलाय. दिवसभर त्याच्यावरच्या प्रतिक्रियाही पाहिल्यात. त्यानंतर आता आम्हाला काही गोष्टी नमूद कराव्याशा वाटतात. आमची बाजू असं म्हणा हवंतर..."

व्हिडीओमध्ये लीना भागवत म्हणाल्या की, "मानधन वाढवून मागितलं म्हणून तडकाफडकी काढून टाकलं, अशा आशयाचा सूर एकंदर दिसतो. पण या सगळ्यात एक शब्द राहून गेलाय, तो म्हणजे तिसऱ्यांदा मानधन वाढवून मागितलं. सुरुवातीला आम्हाला त्यांच्याकडून मानधन वाढीचा प्रस्ताव आला होता, तो अगदीच मामुली होता. कारण नाटकही तेव्हा चालू नव्हतं. इतकी वर्ष झाल्यानंतर तो करणं हे गरजेचंच होतं. आम्ही हो म्हटलं. त्यानंतर मात्र नाटक जेव्हा चालायला लागलं त्याच्यानंतर पुन्हा मानधन वाढीचा प्रस्ताव आला..."

मंगेश कदम म्हणाले की, "दोघांकडून जेव्हा तो प्रस्ताव आला, तेव्हा मीच त्यांच्याशी बोललो... तेव्हा मी दोघांनाही विचारलं की, तुमची अपेक्षा काय? तेव्हा त्यांनी त्यांच्या अपेक्षा सांगितल्या... आणि त्या अपेक्षा आम्ही लगेचच मान्य केल्या..."

View this post on Instagram

A post shared by Leena Bhagwat (@leena.bhagwat.94)

लीना भागवत पुढे म्हणाल्या की, "या संदर्भातले सगळे मेसेजेस, जी अमाऊंट त्यांनी आम्हाला सांगितली, आणि आमच्याकडून हो असं सांगण्यात आलीये. त्या संदर्भातले सगळे मेसेजेस लिखित स्वरुपात आमच्याकडे उपलब्ध आहेत. त्यानंतर मानधन वाढ झाली आणि परत एकदा प्रयोग सुरळीत सुरू झालं. मग वर्ष व्हायच्या आधीच कॅनडा दौऱ्यात पुन्हा एकदा आमच्याकडे मानधन वाढीचा प्रस्ताव आला..."

मंगेश कदम म्हणाले की, "तेव्हा मला जरा धक्का बसला. कारण जेव्हा दुसऱ्यांदा मानधन वाढवलं तेव्हा आम्ही त्यांना विचारलं होतं की, तुमच्या आणखी काही अपेक्षा आहेत का? तेव्हा दोघांनी आम्हाला सांगितलं की, नाही नाही सर, आम्हाला एवढं मानधन झालं तरी खूप आहे. बाकी काही प्रॉब्लेम नाही..."

लीना भागवत व्हिडीओच्या शेवटी म्हणाल्या की, "त्या मानधनवाढीच्या प्रस्तावाबरोबर असं सांगण्यात आलं की, ही मानधनवाढ आम्हाला प्रत्येकवर्षी अपेक्षित आहे. मराठी रंगभूमीवरच्या कुठल्याही निर्मात्याला अशी दरवर्षी एखाद्या नाटकातल्या कलाकारांची मानधनवाढ करणं हे शक्य होईल की नाही, माहीत नाही. आम्हाला शक्य झालं नाही. म्हणून आम्ही नाही म्हटलं... ज्या गोष्टीचा त्यांना अपेक्षित असलेला मोबदला निर्माता म्हणून आम्ही देऊ शकत नाही, ते काम त्यांच्याकडून करवून घेणं हे योग्य नाही. म्हणूनच थांबायचा निर्णय घेतला. यापुढे या सगळ्यासंदर्भात काही व्हिडीओ, काही पोस्ट आमच्याकडून केल्या जाणार नाहीत. मला वाटतं की, आम्ही आमची बाजू सांगायचा प्रयत्न केलाय..."

महत्त्वाच्या इतर बातम्या :

Rohan Gujar Ketaki Palav Exit Aamne Samane Natak: रंगभूमीवर गाजणाऱ्या नाटकातून अचानक काढलं, मराठी अभिनेता, अभिनेत्री हिरमुसले; रोहन गुजर-केतकी पालव VIDEO शेअर करुन म्हणाले...

Shrimaan Shrimati Natak: प्रेमात पडणं सोपं, प्रेमासोबत जगणं शिकणं कठीण!; 'श्रीमान श्रीमती'चा पहिला प्रयोग ठाण्यात, पण कधी?

भाग्यश्री कांबळे — Wed, 28 Oct 2026 16:12:00 +0530

Shrimaan Shrimati New Marathi Natak: प्रेम, लग्न आणि नात्यांकडे हसत-खेळत (Relationship), पण तितक्याच हळुवारपणे पाहणारं नवं मराठी नाटक 'श्रीमान श्रीमती' (Shrimaan Shrimati) रंगभूमीवर (Natak) येत आहे. महालक्ष्मी आणि रंगतसंगत निर्मित, अष्टविनायक प्रकाशित या नाटकाचा शुभारंभाचा प्रयोग शुक्रवार, 30 ऑक्टोबर रोजी होणार आहे. विशेष म्हणजे अष्टविनायकचे दिलीप जाधव यांच्या अनुभवी मार्गदर्शनाखाली आनंद काळे (Anand Kale) यांनी निर्मितीची जबाबदारी उचललेली आहे.

'श्रीमान श्रीमती' या नाटकाचा पहिला प्रयोग ठाण्यात (Shrimaan Shrimati New Marathi Natak Play)

प्रेमात पडणं कदाचित सोपं असेल, पण प्रेमासोबत आयुष्यभर जगायला शिकणं हीच खरी गोष्ट आहे, असा विचार हे नाटक मांडतं. लग्न म्हणजे प्रेमाचा शेवट नव्हे, तर समजूतदारपणा, जुळवून घेणं, संयम आणि सोबतीचा एक सुंदर प्रवास आहे. नाटकाची मांडणी एका बापाच्या नजरेतून केली असून विनोद, रोमान्स, भावना आणि कौटुंबिक नाट्य यांचा सुरेख मेळ त्यात पाहायला मिळतो. दोन पिढ्यांचे विचार, बदलत्या अपेक्षा आणि नात्यांमधले रोजचे प्रसंग हलक्याफुलक्या पद्धतीने समोर येतात, आणि हसवता हसवता प्रेक्षकांना अंतर्मुखही करतात.

नाटकात आनंद काळे, रेशम टिपणीस, धनश्री काडगावकर आणि ऋतुराज फडके हे लोकप्रिय मराठी कलाकार एकत्र दिसणार आहेत. अनुभवी आणि ताज्या दमाच्या या कलाकारांची केमिस्ट्री नाटकाचं मोठं आकर्षण ठरेल. कथा-संकल्पना आणि दिग्दर्शन ऋतुराज फडके यांचं असून लेखन अनिल पवार यांनी केलं आहे.

नाटकाची तांत्रिक बाजू अनुभवी हातांत आहे. नेपथ्य प्रदीप मुळ्ये यांचं, प्रकाशयोजना शीतल तळपदे यांची, वेशभूषा भाग्यश्री लेंभे यांची, तर संगीत अनुराग गोडबोले यांचं आहे.

आजच्या काळात लग्न आणि नातेसंबंध हे विषय प्रत्येक घराशी जोडलेले आहेत. त्यामुळे नवविवाहित जोडपी, वर्षानुवर्षं संसार करणारे आणि मुलांचं लग्न पाहणारे पालक अशा सर्वांना हे नाटक आपलंसं वाटेल. नात्यांकडे नव्या नजरेनं पाहायला लावणारा हा अनुभव घेण्यासाठी ३० ऑक्टोबरच्या शुभारंभाच्या प्रयोगाला आवर्जून उपस्थित राहा.

महत्त्वाच्या इतर बातम्या:

Ranbir Kapoor Phone Number: रणबीर कपूरचा मोबाईल नंबर लीक? 'रामायण'च्या इव्हेंटमध्ये काय घडलं? अभिनेत्याचा नंबर टाइप करतानाचा VIDEO व्हायरल

Gashmeer Mahajani New Look Viral: क्लासी हेअर कट, बिअर्ड... गश्मीर महाजनीचा हँडसम लूक; पण हुडीवरच्या 'त्या' ओळीवर खिळल्या नजरा, काय लिहिलंय? PHOTOs

एबीपी माझा एंटरटेनमेंट डेस्क — Wed, 28 Oct 2026 12:33:48 +0530

Gashmeer Mahajani New Look Viral: मराठी सिनेसृष्टीचा (Marathi Film Industry) हँडसम हंक आणि प्रसिद्ध स्टारकीड अभिनेता गश्मीर महाजनी (Actor Gashmeer Mahajani) आजही लाखो तरुणींच्या गळ्यातील ताईत आहे. कित्येक तरुणांचा तर तो स्टाईल आयकॉन आहे. गश्मीर महाजनीचा (Gashmeer Mahajani) लूक चाहत्यांच्या काळजाचा नेहमीच ठाव घेत असतो. अशातच त्याच्या एका नव्या लूकची जोरदार चर्चा रंगली आहे. गश्मीर महाजनीचा लेटेस्ट लूक सध्या चर्चेचा विषय ठरतोय. गश्मीरनं त्याचे काही लेटेस्ट फोटो सोशल मीडियावर शेअर केलेत. ज्यामध्ये तो त्याच्या मुलासोबत दिसतोय. बाप-लेकाचे क्युट फोटो सध्या चर्चेत आहेत. त्यासाठी कारण ठरतंय, या फोटोंमधला गश्मीर महाजनीचा लूक... ज्यावर सर्वांच्या नजरा खिळल्यात.

मराठीतला हँडसम हंक गश्मीर महाजनीचा नवा लूक पाहिलात? (Gashmeer Mahajani New Look)

गश्मीर महाजनीच्या नव्या फोटोंनी सर्वांचं लक्ष वेधलंय. कापलेले केस, पण त्यासोबतची त्याची बिअर्ड... डोळ्यांवर गॉगल अशा काहीशा लूकमध्ये गश्मीर दिसतोय. तर, त्याच्यासोबत त्याचा लाडका लेक व्योम दिसतोय. एका फोटोत गश्मीर महाजनी त्याच्या मुलाकडे पाहून हसताना दिसतोय. एका फोटोत गश्मीर महाजनीनं व्योमचा हात हातात घेतलाय. तर, दुसऱ्या फोटोत तो लेक व्योमकडे पाहून प्रेमानं हसताना दिसतोय. या फोटोमध्ये गश्मीरचा लूक आणि त्याचा लेक व्योमसोबतच सर्वांच्या नजरा खिळतात, त्या त्यानं घातलेल्या हुडीवर.

गश्मीरनं फोटोमध्ये एक हुडी वेअर केलंय. त्यावर 'माझा आवडता प्राणी माझे बाबा... राखणदार', असं लिहिलेलं दिसतंय. यावरुन कळतंय की, गश्मीरचे फोटो कदाचित त्याच्या शुटिंगवेळचे असावेत.

View this post on Instagram

A post shared by Gashmeer Mahajani (@mahajani.gashmeer)

गश्मीर महाजनीच्या लूकवर सेलिब्रिटींच्या कमेंट्स

गश्मीर महाजनीच्या पोस्टवर अनेकांनी कमेंट्स केल्यात. मराठी अभिनेत्री अमृता खानविलकर, सुव्रत जोशी यांनी कमेंट करत गश्मीरचं कौतुक केलंय. तर, ग्लॅमरस अभिनेत्री सई ताम्हणकरनं कमेंट केलीय. ज्यात तिनं 'हुडी छान आहे...', असं म्हटलंय. त्यासोबतच चाहत्यांनीही गश्मीरच्या लूकवर लाईक्स आणि कमेंट्सचा वर्षाव केलाय.

दरम्यान, करिअरच्या सुरुवातीला नृत्यदिग्दर्शक (Choreographer) म्हणून काम केलेल्या गश्मीरला स्टारकीड असूनही खूप संघर्ष करावा लागला. गश्मीर मराठीतले दिग्गज अभिनेत्री रवींद्र महाजनी (Ravindra Mahajani) यांचा मुलगा. वडिलांच्या पावलावर पाऊल ठेवून गश्मीर इंडस्ट्रीत आला खरा, पण त्याच्या वाट्याला संघर्ष आलाच. नृत्यदिग्दर्शन करणाऱ्या गश्मीर महाजनी नंतर मराठीच्या स्टार अभिनेत्यांच्या यादीत समाविष्ट झाला.

महत्त्वाच्या इतर बातम्या :

Prajakta Mali Visit Pushkar Rajasthan Brahma Mandir: 'म्हणूनच मी जीन्स घातलीय...', प्राजक्ता माळीनं दिली जगप्रसिद्ध मंदिराला भेट, स्वतःच्या लूकबाबत म्हणाली...

Rohan Gujar Ketaki Palav Exit Aamne Samane Natak: रंगभूमीवर गाजणाऱ्या नाटकातून अचानक काढलं, मराठी अभिनेता, अभिनेत्री हिरमुसले; रोहन गुजर-केतकी पालव VIDEO शेअर करुन म्हणाले...

एबीपी माझा एंटरटेनमेंट डेस्क — Wed, 28 Oct 2026 11:09:24 +0530

Rohan Gujar Ketaki Palav Exit Aamne Samane Natak: मराठी अभिनेता (Marathi Actor) रोहन गुजर (Rohan Gujar) आणि अभिनेत्री केतकी पालव (Actress Ketaki Palav) यांचा एक व्हिडीओ सध्या सोशल मीडियावर भलताच चर्चेत आलाय. दोघांनाही कोणतीही पूर्वसुचना न देता नाटकातून काढून टाकण्यात आलंय. दोघांचा व्हिडीओ सोशल मीडियावर जोरदार व्हायरल होतोय. रोहन आणि केतकी यांनी संपूर्ण व्हिडीओमध्ये आपली खंत बोलून दाखवली आहे. दोघांच्या व्हिडीओमुळे सोशल मीडियावर वेगवेगळ्या चर्चांना उधाण आलं आहे.

मराठी रंगभूमीवर गाजत असलेलं 'आमने सामने' नाटक चर्चेत आलं आहे. मराठी अभिनेता रोहन गुजर आणि अभिनेत्री केतकी पालव यांनी व्हिडीओ शेअर करत आपल्याला नाटकातून अचानक काढून टाकल्याचं सांगितलंय. लीना भागवत, मंगेश कदम यांच्यासोबत या नाटकात अभिनेता रोहन गुजर आणि अभिनेत्री केतकी पालवदेखील होते. पण, 18 ऑक्टोबरचा प्रयोग झाला आणि एक मिटिंग झाली. त्यानंतर रोहन आणि केतकी यांना थेट, 'हा तुमचा शेवटचा प्रयोग...', असं सांगितलं गेलं. दोघांनी व्हिडीओ शेअर करत याबाबत सर्वकाही सांगितलंय.

रोहन गुजर आणि केतकी पालव यांनी इन्स्टा पोस्टमध्ये काय म्हटलं? (Rohan Gujar Ketaki Palav Post)

मराठी अभिनेता रोहन गुजर आणि अभिनेत्री केतकी पालव यांनी इन्स्टाग्रामवरुन एक व्हिडीओ शेअर केलाय. व्हिडीओमध्ये दोघेही काहीसे हिरमुसलेले दिसतायत. त्या व्हिडीओमध्ये केतकीनं म्हटलंय की, "आता भेटूयात आमने-सामने हे वाक्य आम्ही कधीच बोलू शकणार नाही. कारण यापुढे आम्ही दोघंही आमने-सामने या नाटकाचा भाग नसणार आहोत..." पुढे बोलताना रोहन गुजर म्हणाला की, तो गेली 7-8 वर्ष हे नाटक करतोय आणि तब्बल 670 प्रयोग केलेत. तर, केतकीनं 520 प्रयोग केल्याचं सांगितलं. तसेच, दोघांनीही एक छानसं गुडबायही केलेलं नाही, अशी खंत व्यक्त केली.

View this post on Instagram

A post shared by Rohan J M Gujar / रोहन गुजर (@rohanatinsta)

18 ऑक्टोबरला रवींद्र नाट्यमंदिरात एक नाटकाचा प्रयोग झाला. प्रयोग झाल्यानंतर एक मीटिंग झाली आणि त्यामध्ये त्यांना असं सांगितलं गेलं की, हा तुमचा शेवटचा प्रयोग आहे, असंही दोघांनी सांगितलं.

"25-25 वेळा येऊन लोकांनी हे नाटक पाहिलंय. या नाटकाला शेवटचं गुडबाय नाही म्हणू शकलो आणि शेवटचा प्रयोगही एन्जॉय करता आला नाही...", असंही दोघे म्हणालेत. रोहनच्या बाबांनी 11 वेळा नाटक पाहिलं. जर त्यांना माहीत असतं की, हा आमचा शेवटचा प्रयोग आहे. तर आपलं कुटुंब शेवटचा प्रयोग पाहायला आलं असतं. कुठलीही पूर्वकल्पना न देता नाटकातून काढून टाकल्याचंही रोहन आणि केतकी म्हणालेत.

पैसे, मानधनच्या कारणास्तव नाटकातून काढून टाकल्याचं त्यांनी सांगितलं. कोविडमध्ये नाटक दोनदा बंद झालं. तेव्हा अर्ध मानधन घेऊन नाटकाचे प्रयोग केल्याचा खुलासाही रोहन गुजरनं केलाय. निर्मात्यांमधील वादामुळेही आमने-सामने नाटक बंद झालं होतं. मात्र तरीदेखील आम्ही या नाटकाचे प्रयोग केले, प्रेक्षकांनी या नाटकासाठी दिलेल्या प्रेमामुळे त्यांनी प्रेक्षकांचे आभार मानले आणि शेवटी या नाटकात दिसणार नसल्यामुळे प्रेक्षकांची माफीही रोहन आणि केतकी यांनी मागितली आहे.

रोहन, केतकीच्या व्हिडीओ पाहून मराठी सेलिब्रिटींचा संताप, काय म्हणाले?

रोहन गुजर आणि केतकी पालव हिच्या व्हिडीओवर काही मराठी कलाकारांनी कमेंट करत प्रतिक्रिया दिल्या आहेत. मराठी अभिनेता आस्ताद काळेनं "खरं कारण माहीत आहे, जे कळल्यानंतर मलाही संताप आला होता. तुमचं काय झालं असेल?", असं म्हटलंय. तर, अभिनेत्री अपूर्वा नेमळेकरनं एक अभिनेत्री म्हणून तुमच्या भावना समजू शकते आणि रिप्लेसमेंटचं दु:ख काय असतं, ते जवळून पाहिल्याचं कमेंटमध्ये म्हटलंय. तसेच, मयुरी देशमुख, शशांक केतकर, ऋतुजा बागवे, सुकन्या मोने, स्पृहा जोशी, ऋचा आपटे, विकास पाटील या कलाकारांनीही कमेंट केल्या आहेत.

महत्त्वाच्या इतर बातम्या :

Milind Gawli Became Grandfather: 'आमच्या घरी गौराई आली, आभाळ ठेंगणं झालंय...', अभिनेते मिलिंद गवळी यांची गूड न्यूज देणारी पोस्ट, गोंडस नातीसोबतचा फोटो शेअर करत म्हणाले...

एबीपी माझा एंटरटेनमेंट डेस्क — Wed, 28 Oct 2026 07:05:36 +0530

Milind Gawli Became Grandfather: मराठी सिनेसृष्टीतील (Marathi Film Industry) सदाबहार अभिनेत्यांबाबत चर्चा करायची झाली तर, त्या यादीत मराठमोळे अभिनेते मिलिंद गवळी (Marathi Actor Milind Gawli) यांचं नाव आवर्जुन समाविष्ट केलं जाईल. 'आई कुठे काय करते' (Aai Kuthe Kay Karte) मालिकेत 'अनिरुद्ध'ची भूमिका निभावणारे लोकप्रिय अभिनेते मिलिंद गवळी (Milind Gavli) कायम कोणत्या ना कोणत्या गोष्टीमुळे चर्चेत असतात. अनेक हिंदी मराठी सीरिअल्समध्ये काम केलेल्या मराठी अभिनेत्यानं सिनेमांमध्येही काम केलं आहे. सध्या अभिनेत्यानं सोशल मीडियावर पोस्ट शेअर करुन चाहत्यांसोबत गूड न्यूज शेअर केलीय. चाहत्यांकडून त्यांच्या पोस्टवर शुभेच्छांचा वर्षाव केला जातोय.

मराठी सिनेसृष्टीतील एक काळ गाजवणारं ना म्हणजे, मिलिंद गवळी. नुकतीच त्यांनी सोशल मीडियावर पोस्ट शेअर करुन आपण आजोबा झाल्याची आनंदाची बातमी चाहत्यांसोबत शेअर केलीय. तसेच, आपल्या चिमुकल्या नातीसोबतचा गोड फोटोसुद्धा त्यांनी सोशल मीडियावर शेअर केलाय.

मिलिंद गवळी यांची गूड न्यूज शेअर करणारी पोस्ट... (Milind Gavli Social Media Post)

मराठी अभिनेते मिलिंद गवळी यांनी सोशल मीडियावर पोस्ट शेअर करत गूड न्यूज सांगितली आहे. त्यांनी पोस्टमध्ये म्हटलंय की, "मी आजोबा झालो, आणि दिपा आजी झाली, गणेश चतुर्थीच्या दिवशी आमच्या नातीचा जन्म झाला.‌ गणपती बाप्पाचं आगमन झालं त्याच दिवशी आमच्या घरी गौराई आली, ज्या गोष्टीचं स्वप्न आम्ही दोघांनी पाहिलं होतं ते स्वप्न पूर्ण झालं. वयाच्या चौदाव्या पंधराव्या वर्षी आम्ही एकमेकांच्या प्रेमात पडलो. 9 वर्षानंतर परमेश्वराच्या कृपेनेच आमचं लग्न झालं. लग्नाच्या एका वर्षात आमच्या घरी मिथिलाच्या रूपात राजकन्या आली. मी कलाक्षेत्रात आलो. खडतर प्रवास होता, तरी दिपामुळे संसार मात्र नीटनेटका झाला, आणि या संसाराच्या प्रवासामध्ये आता आमच्या आयुष्यात एक सुंदरसं वळण आलंय. आजी आणि आजोबा व्हायचं भाग्य आम्हाला मिळालंय. एक इवलासा जीव आम्हाला आजी-आजोबा म्हणणार याच्यापेक्षा मोठं सुख काय असू शकतं."

View this post on Instagram

A post shared by Milind Gawali (@milindgawali)

"आम्हाला जसा आनंद झाला तसा आमच्या अनेक शुभचिंतकांना आनंद होणार, बाळाला भरभरून शुभेच्छा आणि आशीर्वाद मिळणार, म्हणून आमच्या आयुष्यातली ही गोड बातमी तुम्हाला सांगावीशी वाटली. आणि आम्ही डॉक्टर मनीषा जोशी आणि डॉक्टर अभिजीत जोशी यांचे खूप खूप आभार मानतो, त्यांच्या मार्गदर्शनाखाली आमच्या मिथिलाची नॉर्मल डिलीव्हरी झालीये. अगदी सुदैवाने तिला पुण्यामध्ये डॉक्टर मनीषा भेटल्या आणि त्यांच्या My Wonderful Pregnancy नावाच्या सुंदर उपक्रमात तिला सहभागी होता आलं, या दोन्ही डॉक्टर दांपत्यांचा Holistic Pregnancy Program for Couples seeking overall baby development,a joyful pregnancy मुळे हा 9 महिन्याचा कालावधी, दिग्विजय आणि मिथिला साठी अतिशय smooth गेला, आणि डिलिव्हरी नॉर्मल पण झाली. जी आजच्या काळात खूप कमी ऐकायला मिळते...", असं मिलिंद गवळींनी पोस्टमध्ये म्हटलंय.

पुढे बोलताना मिलिंद गवळी म्हणालेत की, "आपल्या भारतातल्या शहरांमध्ये, ग्रामीण भागामध्ये डॉक्टर अभिजीत आणि डॉक्टर मनीषा जोशी यांचा माय वंडरफुल प्रेग्नेंसी प्रोग्राम पोहोचणं फार गरजेचा आहे. जेणेकरून आपल्या समाजातल्या गरीब, अशिक्षित गरोदर बायकांना खूपच मदत होईल. काही जुन्या कालबाह्य चुकीच्या रूढी परंपरेतून त्या बाहेर पडतील, आणि बाळ आणि बाळंतीणीला उत्तम आरोग्य, सुदृढ, safe and healthy होतील. मला आता आजोबा हे नवीन पद मिळालं आहे माझ्या आयुष्याची नवी सुरुवात झाली आहे. सध्या मी चार पावलं जमिनीवरनं चालतोय, आभाळ ठेंगणे झालंय.. माझ्या मायबाप रसिक प्रेक्षकांनो माझ्या बाळाच्या बाळाला भरभरून आशीर्वाद द्या. गणपती बाप्पा मोरया."

महत्त्वाच्या इतर बातम्या :

Suraj Chavan Welcome Home Baby Girl: 'माझी लाडाची लक्ष्मी आली...'; सूरज चव्हाणच्या घरी लेकीचं धुमधडाक्यात स्वागत, व्हिडीओत दिसली गोजिऱ्या बाळाची झलक, VIDEO

Sai Paranjpye Declines Presidency Of 100 Marathi Sahitya Sammelan: 100 व्या मराठी साहित्य संमेलनाच्या अध्यक्षपदाला सई परांजपेंचा नकार, आता कोणाच्या नावाची चर्चा?

मंदार गोंजारी, एबीपी माझा, पुणे — Thu, 22 Oct 2026 08:47:39 +0530

Sai Paranjpye Declines Presidency Of 100 Akhil Bharatiya Marathi Sahitya Sammelan: शंभराव्या अखिल भारतीय मराठी साहित्य संमेलनाच्या (100 Akhil Bharatiya Marathi Sahitya Sammelan) अध्यक्षपदासाठी ज्येष्ठ चित्रपट दिग्दर्शक, निर्मात्या आणि लेखिका सई परांजपे (Sai Paranjpye) यांना महाराष्ट्र साहित्य परिषदेकडून (Maharashtra Sahitya Parishad) विचारणा करण्यात आली होती. पण, सई परांजपे यांनी अध्यक्षपदाला नकार कळवला आहे. महाराष्ट्र साहित्य परिषदेकडून त्यांना विनंती करण्यात आलेली. तसेच, शंभराव्या अखिल भारतीय मराठी साहित्य संमेलनाचं अध्यक्षपद सई परांजपे भूषवणार, अशा चर्चांनाही उधाण आलेलं. पण, त्यांनी यासाठी नकार दिल्यामुळे आता अध्यक्षपदी कोण? हा प्रश्न कायम आहे.

महाराष्ट्र साहित्य परिषदेचे स्थानिक कार्यवाह सुनील महाजन यांनी सई परांजपे यांच्याशी संपर्क साधला होता आणि ऐतिहासिक शंभराव्या अखिल भारतीय मराठी साहित्य संमेलनाच अध्यक्षपद स्वीकारावं, अशी विनंती केली होती. मात्र, सई परांजपे यांनी त्यांना नकार कळवलाय.

ऐतिहासिक शंभराव्या अखिल भारतीय मराठी साहित्य संमेलनाच्या अध्यक्षपदाला नकार का दिला?

ऐतिहासिक शंभराव्या अखिल भारतीय मराठी साहित्य संमेलनाच्या अध्यक्षपदाला दिग्दर्शक, निर्मात्या आणि लेखिका सई परांजपे यांनी स्पष्ट नकार दिला आहे. तसेच, नकारासाठी त्यांनी आपल्या तब्येतीचं कारण दिलंय, अशी माहिती महाराष्ट्र साहित्य परिषदेचे स्थानिक कार्यवाह सुनील महाजन यांनी दिलीय.

यंदाचं साहित्य संमेलन शंभरावं असून ते नक्कीच ऐतिहासिक ठरणार आहे. मात्र, सई परांजपे यांना सुनील महाजन यांच्याकडून विचारणा करण्यात आलेली. मात्र, त्यांनी नकार कळवलाय. अशातच नोव्हेंबर महिन्यात महाराष्ट्र साहित्य परिषदेची बैठक पुन्हा एकदा आयोजित करण्यात आली आहे. याच बैठकीत आता ऐतिहासिक शंभराव्या अखिल भारतीय मराठी साहित्य संमेलनाचं अध्यक्ष कोण असेल? हे ठरवलं जाणार आहे. दरम्यान, आता सई परांजपेंनी नकार कळवल्यामुळे आता शंभराव्या साहित्य संमेलनाच्या अध्यक्षपदासाठी कोणाच्या नावावर शिक्कामोर्तब होणार? हे पाहणं महत्त्वाचं ठरणार आहे.

सई परांजपे कोण?

सिनेसृष्टीतलं दिग्गज नाव म्हणजे, सई परांजपे. आपल्या समांतर सिनेमांनी त्यांनी प्रेक्षकांना थिएटर्सकडे खेचून आणलं. कित्येक दर्जेदार सिनेमे देणाऱ्या सई परांजपे उत्तम दिग्दर्शक, निर्मात्या असण्यासोबतच लेखिकाही आहेत. सई परांजपे या एक मराठी लेखिका, नाटककार, बालनाट्य लिहून रंगमंचावर सादर करणाऱ्या, पटकथाकार आहेत. त्यांनी अनेक दर्जेदार बालनाट्यही लिहिलीत.

पाहा व्हिडीओ : 100 व्या मराठी साहित्य संमेलनाच्या अध्यक्षपदाला सई परांजपेंचा नकार, कारण काय?

Rupali Bhosale Comeback On Theatre: रुपाली भोसलेचं चाहत्यांना सरप्राईज, तब्बल सहा वर्षांनी घेतला मोठा निर्णय; म्हणाली, 'मी यापूर्वी...'

एबीपी माझा एंटरटेनमेंट डेस्क — Tue, 20 Oct 2026 10:21:32 +0530

Rupali Bhosale Comeback On Theatre: मराठी रंगभूमीवर (Marathi Theatre) सध्या ज्या उत्कंठावर्धक आणि अंगावर काटा आणणाऱ्या थ्रिलर नाटकाची जोरदार चर्चा सुरू आहे, ते नाटक म्हणजेच 'अ परफेक्ट मर्डर'! (A Perfect Murder) सर अल्फ्रेड हिचकॉक यांच्या अजरामर कलाकृतीवर आधारित असलेल्या या नाटकाने आपल्या पहिल्या प्रयोगापासूनच प्रेक्षकांना श्वास रोखून धरायला लावले आहे. नीरज शिरवईकर यांचे खिळवून ठेवणारे लेखन व नेपथ्य आणि विजय केंकरे यांचे कसलेले दिग्दर्शन लाभलेल्या या नाटकाला प्रेक्षकांचा उदंड प्रतिसाद मिळत असून, या नाटकाची घोडदौड रंगभूमीवर अविरत सुरू आहे. नात्यांमधील गुंतागुंत, थरार, रहस्य आणि अनपेक्षित वळणांचा थरार अनुभवण्यासाठी रसिक प्रेक्षक नाट्यगृहांमध्ये गर्दी करत आहेत.

या गाजलेल्या नाटकाच्या टीममध्ये अनिकेत विश्वासराव, सतीश राजवाडे यांसारख्या तगड्या कलाकारांसोबतच आता अत्यंत लोकप्रिय अभिनेत्री रुपाली भोसले याही एका महत्त्वाच्या भूमिकेत प्रेक्षकांच्या भेटीला येत आहेत. बऱ्याचदा विनोदी आणि हलकीफुलकी नाटके किंवा मालिकांमधून प्रेक्षकांच्या मनावर राज्य करणाऱ्या रुपाली भोसले या नाटकातून एका पूर्णपणे वेगळ्या आणि गंभीर भूमिकेत पाहायला मिळत आहेत.

या भूमिकेविषयी आणि एकूणच या अनुभवाबद्दल सांगताना रुपाली भोसले म्हणाली की, मी यापूर्वी बऱ्याच विनोदी नाटकांमधून प्रेक्षकांच्या भेटीला आले आहे; पण सस्पेन्स-थ्रिलर नाटक करण्याची माझी ही अगदी पहिलीच वेळ आहे. कोणतीही नवीन भूमिका स्वीकारताना मी जुन्या गोष्टींचे दडपण न घेता अगदी 'कोरी पाटी' घेऊन कामाला सुरुवात करते. आधी काय घडलं किंवा काय होतं यापेक्षा 'आता या क्षणी मी प्रेक्षकांसमोर काय सादर करणार आहे' यालाच मी प्राधान्य देते.

पुढे बोलताना विजय केंकरे यांच्याबद्दल बोलताना रुपाली भोसले म्हणाली की, विजय सर आणि इतर सर्वच सहकलाकारांसोबत काम करताना एक वेगळीच मजा येत आहे. विजय सरांचा रंगभूमीवरचा अनुभव इतका दांडगा आहे की, त्यांच्यासोबत काम करताना सतत नवनवीन गोष्टी शिकायला मिळतात. संपूर्ण टीमची एक छान केमिस्ट्री आणि भट्टी जमून आली आहे. सहकलाकारांसोबत काम करताना निर्माण होणारी उर्जा आणि एकत्रित सादरीकरणातून आकाराला येणारे नवे पैलू यामुळे हा अनुभव अधिक आनंददायी ठरत आहे

बदाम राजा प्रोडक्शन निर्मित, नीरज शिरवईकर यांचे लेखन व नेपथ्य आणि विजय केंकरे यांचे दिग्दर्शन लाभलेल्या या नाटकाचे निर्माते माधुरी गवांदे व निनाद कर्पे हे आहेत. रंगभूमीवर यशस्वीरित्या सुरू असलेल्या या दर्जेदार कलाकृतीचा आणि सस्पेन्स थ्रिलरचा जिवंत अनुभव घेण्यासाठी नाट्यप्रेमींनी आवर्जून या नाटकाला पसंती द्यावी.

महत्त्वाच्या इतर बातम्या :

Atharva Sudame Shares Apologizing Video For Kushal Badrike Allgeations: 'मी कलाकारांना घरी बोलावलं आणि...'; कुशल बद्रिकेनं चिडून केलेल्या आरोपांनंतर, अथर्व सुदामेकडून थेट उत्तर, नेमकं घडलं काय? VIDEO