Sharad Ponkshe On BJP: आम्हाला कुणीच हरवू शकत नाही, आम्हीच सर्वस्वी, या अहंकारात भाजपनं राहू नये; शरद पोंक्षेंचा नागपुरात जाऊन इशारा!

Ae bhau doka nako khau Marathi Natak: रंगभूमी गाजवणाऱ्या अतुल परचुरेंच्या नाटकाचं 20 वर्षांनी कमबॅक; दोन दिग्गज अभिनेते साकारणार मुख्य भूमिका

एबीपी माझा एंटरटेनमेंट डेस्क — Wed, 22 Apr 2026 08:36:29 +0530

Ae Bhau Doka Nako Khau Marathi Natak: अभिनयाची अचूक जाण आणि संवादांचे वेगवान टायमिंग ही आपली स्वतंत्र शैली जपणारे ज्येष्ठ अभिनेते विनय येडेकर (Veteran Actor Vinay Yedekar) आता एका नव्या आणि विशेष भूमिकेतून प्रेक्षकांसमोर येत आहेत. रॉयल थिएटर निर्मित आणि मिहिर गवळी (Mihir Gawali) यांची निर्मिती असलेल्या 'ए.. भाऊ डोकं नको खाऊ!' (Ae Bhau Doka Nako Khau) या नव्या कोऱ्या नाटकाचा शुभारंभ होत आहे. सातत्याने रंगभूमीवर कार्यरत असणाऱ्या विनय येडेकर (Vinay Yedekar) यांनी या नाटकासाठी खास वेळ काढण्यामागे एक अत्यंत जिव्हाळ्याचे कारण दडलेले आहे.

अतुल परचुरेंच्या आठवणी आणि मैत्रीचा ऋणानुबंध

या नाटकाची निवड करण्यामागचे मुख्य कारण सांगताना विनय येडेकर भावूक झाले. ते म्हणतात, "मी गेल्या काही काळापासून 'गेला माधव कुणीकडे' या नाटकाचे दौरे आणि मालिकांच्या चित्रिकरणात व्यग्र होतो. त्यामुळे नवीन नाटक हातात घ्यायला वेळ मिळत नव्हता. मात्र, जेव्हा या नाटकाची संहिता माझ्याकडे आली, तेव्हा ती नाकारणे शक्यच नव्हते. याचे सर्वात मोठे कारण म्हणजे, माझा जवळचा मित्र दिवंगत अभिनेते अतुल परचुरे याने ही भूमिका यापूर्वी अजरामर केली होती. अतुलने ज्या ताकदीने हे नाटक गाजवले, त्याच मंचावर त्याची आठवण जागवत ही भूमिका साकारणे, हा एक वेगळाच योग आहे."

विनय येडेकर पुढे सांगतात की, "तालमींच्या दरम्यान एखाद्या प्रसंगात अडकलो की, मी थोडा वेळ थांबतो आणि विचार करतो की, 'जर अतुल या जागी असता, तर त्याने हे कसं केलं असतं?' त्याच्या पावलावर पाऊल ठेवून हे नाटक करणे, हीच माझ्यासाठी त्याला खरी श्रद्धांजली आहे."

विनोदाची नवी जुगलबंदी आणि जुने ट्यूनिंग

दिग्दर्शक संतोष पवार यांनी या नाटकाची धुरा सांभाळली आहे. विनय येडेकर आणि संतोष पवार यांचे जुने ट्यूनिंग आणि कामाचा प्रदीर्घ अनुभव यामुळे संहितेतल्या विनोदाची अचूक पकड प्रेक्षकांना पाहायला मिळेल. त्यांच्या सोबतीला अभिनयाची वेगळी शैली असलेले आनंदा कारेकर इतर कलाकार मनोरंजनात अधिक रंग भरणार आहे.

तगडा नटसंच आणि तांत्रिक फळी

नाटकात विनय येडेकर आणि संतोष पवार यांच्यासोबत आनंदा कारेकर, सानिका शिंदे, सोनाली मगर, आदित्य गटे आणि संकेत बिवलकर या उत्साही कलाकारांची फळी आहे. नाटकाच्या तांत्रिक बाजू संदेश बेंद्रे (नेपथ्य), शीतल तळपदे (प्रकाश योजना), आशुतोष वाघमारे (संगीत) आणि हास्या पवार (वेशभूषा) यांनी समर्थपणे सांभाळल्या आहेत. नितीन नाईक हे या नाटकाचे सूत्रधार आहेत.

शुभारंभाचे प्रयोग:

1 मे 2026 (शनिवार): रात्री 8.30 वाजता, यशवंत नाट्य मंदिर, माटुंगा, मुंबई
2 मे 2026 (रविवार): दुपारी 4.00 वाजता, मीनाताई ठाकरे नाट्यगृह, बोरिवली, मुंबई

महत्त्वाच्या इतर बातम्या :

जमलं ! लोकप्रिय अभिनेत्रीची मालिकेतील हिरोसोबतचं जमली जोडी; राजकीय नेत्याशी जवळचा संबंध

Bhool Bhulaiyaa Marathi Natak: रंगभूमीवर अनोखा प्रयोग 'भुल भुलैय्या'; कुमार सोहोनी यांचं 125वं नाटक प्रेक्षकांच्या भेटीला

एबीपी माझा एंटरटेनमेंट डेस्क — Fri, 17 Apr 2026 09:37:18 +0530

Bhool Bhulaiyaa Marathi Natak: नाट्य दिग्दर्शन क्षेत्रातील एक प्रभावी व्यक्तिमत्त्व म्हणजे कुमार सोहोनी... त्यांच्या प्रदीर्घ नाट्य कारकिर्दीकडे पाहिलं तर ती सतत प्रयोगशील राहणाऱ्या नाट्य प्रयोगशाळेसारखीच वाटते. नवनवीन संहितांचा शोध, नवोदित कलाकारांना संधी आणि सादरीकरणात सातत्याने वैविध्य आणण्याची त्यांची दृष्टी नेहमीच प्रकर्षाने दिसून येते. अशा या प्रयोगशील दिग्दर्शकाच्या कारकिर्दीतील महत्त्वाचा टप्पा म्हणजे त्यांचं 125वं नाटक… 'भुल भुलैय्या'.

तब्बल 53 वर्षांची अखंड नाट्यसेवा आणि 125 नाट्यकृतींचा समृद्ध अनुभव पाठीशी असलेल्या सोहोनी यांनी 'भुल भुलैय्या' या नव्या नाटकाद्वारे एक वेगळी दिशा शोधण्याचा प्रयत्न केला आहे.

'भुल भुलैय्या' नाटकाचे निर्माते असलेले केदार सामंत आणि रणजीत देसाई हे सिंधुदुर्ग जिल्ह्यातील कुडाळ येथील असून 'बाबा वर्दम थिएटर्स' या हौशी नाट्य संस्थेशी गेली अनेक वर्षे जोडलेले आहेत. ही संस्था 54 वर्षांपासून हौशी आणि प्रायोगिक रंगभूमीवर कार्यरत आहे. या संस्थेमार्फत दोघेही गेली 28 वर्षे नाट्यक्षेत्रात सक्रिय आहेत. राज्यभरातील कलाकारांना व्यावसायिक रंगभूमीवर संधी मिळावी या हेतूने त्यांनी 'श्री लक्ष्मीनारायण प्रॉडक्शन्स'ची स्थापना केली. केदार सामंत यांनी 13 नाटकं, 6 बालनाट्य आणि 6 एकांकिकांचे दिग्दर्शन केलं असून अनेक नाटकांत अभिनय आणि तांत्रिक बाजू सांभाळली आहे. रणजीत देसाई यांनी नाटकांचं व्यवस्थापन आणि नाट्य महोत्सवांचं आयोजन केलं आहे.

'नाटकाची कथा ऐकल्यानंतरच हे नाटक करण्याचा मी निर्णय घेतल्याचे कुमार सोहोनी सांगतात. कथेत असा वेगळा गाभा होता की त्यावर नाटक होऊ शकतं, हे स्पष्ट जाणवलं आणि त्यामुळेच हा प्रयोग करण्याचं ठरवलं'. या नाटकाचा फॉर्म पारंपरिक चौकटींपेक्षा पूर्णतः वेगळा आहे. विज्ञान, वास्तुशास्त्र आणि तंत्र-मंत्र या तीनही घटकांच्या साह्याने ‘आत्म्याचा शोध’ घेण्याचा हा प्रयत्न आहे. त्यामुळे हे नाटक केवळ फॅण्टसी नसून, एक सखोल आणि विचारप्रवर्तक शोधयात्रा आहे.

मराठी रंगभूमीवर अशा प्रकारचा प्रयोग प्रथमच सादर होत असल्याचं कुमार सोहोनी यांनी पत्रकार परिषदेत सांगितलं. आशय, मांडणी आणि सादरीकरण या तीनही स्तरांवर वेगळेपण जपणारे हे नाटक प्रेक्षकांना एक नवीन अनुभव देईल,असा विश्वास यावेळी नाटकाच्या टीमने व्यक्त केला. कुमार सोहोनी यांचा हा प्रयत्न नक्कीच रसिकांच्या उत्सुकतेचा विषय ठरणार आहे.

'रंगत संगत'आणि 'श्री लक्ष्मीनारायण प्रॉडक्शन्स' निर्मित 'भुल भुलैय्या' नाटकाची कथा हेमंत एदलाबादकर यांची असून रंगावृत्ती, दिग्दर्शन, प्रकाश कुमार सोहोनी यांचे आहे. रणजित देसाई, केदार सामंत नाटकाचे निर्माते आहेत. प्रसिद्ध अभिनेत्री प्रिया बेर्डे, साहिल देसाई, परिणिता पावसकर, आरती सोळंकी, अमीर तडवळकर, आशुतोष घोरपडे, विजय सूर्यवंशी हे कलाकार नाटकात आहेत. नेपथ्य संदेश बेंद्रे तर संगीत विजय गवंडे यांचे आहे. वेशभूषा मंगल केंकरे यांनी केली आहे. सूत्रधार-विजय सूर्यवंशी आहेत.

'भुल भुलैय्या' नाटकाच्या शुभारंभाचे प्रयोग

रविवार 19 एप्रिल दुपारी 4 वाजता रवींद्र नाट्य मंदिर, प्रभादेवी
सोमवार 20 एप्रिल रात्री 8 वाजता डॉ. काशिनाथ घाणेकर, ठाणे
मंगळवारी 21 एप्रिल दुपारी 4 वाजता दीनानाथ नाट्यगृह, पार्ले

महत्त्वाच्या इतर बातम्या :

Pudhchya Shukrawari Saat Vaajta Marathi Play: सतीश राजवाडे-चैत्राली गुप्तेंचं रंगभूमीवर दमदार पुनरागमन; 'पुढच्या शुक्रवारी 7 वाजता'मधून झळकणार

Pudhchya Shukrawari Saat Vaajta Marathi Play: सतीश राजवाडे-चैत्राली गुप्तेंचं रंगभूमीवर दमदार पुनरागमन; 'पुढच्या शुक्रवारी 7 वाजता'मधून झळकणार

एबीपी माझा एंटरटेनमेंट डेस्क — Thu, 16 Apr 2026 14:35:00 +0530

Pudhchya Shukrawari Saat Vaajta Marathi Play: मराठी रंगभूमीवर (Marathi Theatre Play) एक वेगळा, भावनिक आणि मनाच्या आत खोलवर स्पर्श करणारा अनुभव घेऊन येणारे 'पुढच्या शुक्रवारी 7 वाजता' (Pudhchya Shukrawari Saat Vaajta) हे नवं नाटक येत्या 25 एप्रिल रोजी आपल्या पहिल्या प्रयोगासह प्रेक्षकांच्या भेटीला येत आहे. जीवनातील नात्यांची गुंतागुंत, चढ-उतार आणि आशेचा नाजूक धागा यांची सांगड घालत हे नाटक प्रेक्षकांच्या आयुष्याशी जोडणारं एक भावविश्व निर्माण करणार आहे.

आजच्या धकाधकीच्या आयुष्यात माणूस अनेकदा हरतो, खचतो, तुटतो… परंतु त्या सगळ्या अवस्थांमधून पुन्हा उभं राहाण्याची ताकद कुठून येते? नात्यांमध्ये अपेक्षा असाव्यात का, की निःस्वार्थ प्रेमच खरं असतं? हरवलेली मैत्री पुन्हा नव्याने सुरू होऊ शकते का? अशा अनेक प्रश्नांना भिडत हे नाटक प्रेक्षकांसमोर एक प्रामाणिक आणि वास्तववादी कथा मांडणार आहे. त्यामुळे हे नाटक मनोरंजनासोबतच, प्रत्येकाला स्वतःच्या आयुष्याचा आरसा दाखवणारा अनुभव ठरणार आहे.

या नाटकाची आणखी एक मोठी जमेची बाजू म्हणजे सतीश राजवाडे आणि चैत्राली गुप्ते यांचे रंगभूमीवर होणारे पुनरागमन. दीर्घ काळानंतर हे दोघे पुन्हा रंगमंचावर एकत्र दिसणार असल्याने नाट्यरसिकांमध्ये विशेष उत्सुकता निर्माण झाली आहे. त्यांच्यासोबतच या नाटकाचे लेखक सुदीप मोडक हे एका विशेष भूमिकेत दिसणार असून त्यांनी लेखक आणि अभिनेता अशी दुहेरी जबाबदारी पेलली आहे. जाहिराती, हिंदी चित्रपट (Hindi Film) आणि वेब सीरिजमधून (Web Series) आपली वेगळी ओळख निर्माण केलेल्या सुदीप मोडक यांची ही रंगभूमीवरील उपस्थिती नाटकाला आणखी बळकटी देणारी ठरणार आहे.

चौरंगी एंटरटेन्मेंट निर्मित या नाटकाचे दिग्दर्शन नीरज शिरवईकर यांनी केले आहे. 'आमने सामने', 'दोन वाजून बावीस मिनिटांनी' आणि 'अ परफेक्ट मर्डर' यांसारख्या नाटकांमुळे ओळख निर्माण केलेल्या नीरज शिरवईकर यांनी या कथेला अत्यंत संवेदनशील आणि वास्तववादी स्पर्श दिला आहे. नाटकाच्या नेपथ्याची जबाबदारी संदेश बेंद्रे यांनी सांभाळली असून, संगीत राहुल रानडे यांचे आहे. प्रकाशयोजना शीतल तळपदे यांनी केली आहे, तर वेशभूषा शाल्मली टोळ्ये यांची आहे. नितीन नाईक हे या नाटकाचे सूत्रधार आहेत.

दिग्दर्शक नीरज शिरवईकर म्हणतात, "'पुढच्या शुक्रवारी 7 वाजता' हे नाटक म्हणजे प्रत्येकाच्या आयुष्यात शांतपणे चालणाऱ्या भावनिक प्रवासाची कहाणी आहे. कधी आपण खूप लोकांमध्ये असूनही एकटे असतो, तर कधी एखादी व्यक्ती आपल्या आयुष्याला नव्याने अर्थ देऊन जाते. हे नाटक त्या न बोलल्या जाणाऱ्या भावनांना आवाज देण्याचा प्रयत्न आहे. प्रेक्षकांनी नाट्यगृहातून बाहेर पडताना स्वतःकडे थोडं वेगळ्या नजरेने पाहावं, नात्यांना पुन्हा एकदा जपावं आणि आयुष्याला नव्या आशेने सुरुवात करावी, हीच आमची अपेक्षा आहे..."

दरम्यान, भावना, नाती आणि आयुष्याला नव्याने उभं राहाण्याची प्रेरणा देणारा हा नाट्यप्रवास 25 एप्रिलला रंगभूमीवर खास ठरणार आहे. नाट्यरसिकांसाठी हे नाटक नक्कीच 'मिस न करण्यासारखा' अनुभव ठरणार आहे.

महत्त्वाच्या इतर बातम्या :

Deool Band 2 First Poster Released: 'देऊळ बंद 2'मध्ये स्वामींचा सर्वसामान्य महिलेच्या दुचाकीवरुन प्रवास; 'देऊळ बंद 2'च्या पहिल्या पोस्टरनं उत्सुकता वाढवली

Marathi Natak Shantecha Karta Chalu Aahe: लक्ष्मीकांत बेर्डे सर.. लक्ष असू द्या! खळखळून हसवणारं 'शांतेचं कार्ट' पुन्हा रंगभूमीवर; प्रियदर्शन जाधवची पोस्ट चर्चेत

जयदीप मेढे — Sun, 12 Apr 2026 09:15:14 +0530

Marathi Natak Shantecha karta Chalu Aahe: मराठी रंगभूमीवर गाजलेलं विनोदी नाटक 'शांतच कार्ट चालू आहे' (Shantecha Karta Chalu Aahe) पुन्हा एकदा प्रेक्षकांच्या भेटीला येत आहे. 1983 साली रंगभूमीवर आलेल्या या नाटकाने त्या काळात मोठं यश मिळवलं होतं . लक्ष्मीकांत बेर्डे, सुधीर जोशी, नयनतारा आणि लाली जोग यांच्या अभिनयामुळे हे नाटक विशेष गाजलेलं. पण covid काळात थांबलेलं हे नाटक 217 प्रयोगांनंतर पुन्हा नव्या जोमात सादर केलं जात आहे. नुकताच 11 एप्रिल रोजी प्रभादेवी येथील रवींद्र नाट्य मंदिरात या नाटकाचा प्रयोग झाला. या प्रयोगाला प्रेक्षकांनी भरभरून प्रतिसाद दिला. दरम्यान, अभिनेता प्रियदर्शन जाधवने (Priyadarshan Jadhav) देव्हाऱ्यात लक्ष्मीकांत बेर्डे यांचा फोटो ठेवत एक खास पोस्ट केलीये. 'लक्ष्मीकांत बेर्डे सर लक्ष असू द्या ! तुमच्यासारखेच आमच्यावरसुद्धा प्रेक्षक प्रेम करतील आणि शांतीच कार्ट चालूच राहील अशी आशा बाळगतो' असं त्याने लिहिले आहे. या पोस्टची सध्या चर्चा रंगलीय.

काय म्हणाला प्रियदर्शन ?

"१९८३ साली शांतेचं कार्ट चालू आहे हे नाटक रंगभूमीवर आलं आणि अक्षरशः धुमाकूळ घातला या नाटकाने. लक्ष्मीकांत बेर्डे सुधीर जोशी नयनतारा लाली जोग यांनी त्यांच्या भूमिका अजरामर करून ठेवल्या. नाटक तुफान गाजले. श्रीनिवास भणगे लिखित आणि " प्रकाश बुद्धीसागर " दिग्दर्शित हे नाटक सुपरहिट ठरलं. बुद्धीसागर काय कमाल करू शकतात ह्या नाटकाने सिद्ध झालं आणि पुढे त्यांनी अनेक सुपरहिट नाटके दिग्दर्शित केली.

आज त्याच नाटकाचा नव्याने प्रयोग होत आहे. 217 प्रयोग केल्यानंतर कोविड मुळे नाटक बंद पडले. आता नाटक पुन्हा नव्या दमाने सुरू होत आहे. लक्ष्मीकांत बेर्डे इतकं धमाकेदार काम मला करताच येणार नाही पण तरीही जमेल तेवढं उत्तम करायचा प्रयत्न करेन. #लक्ष्मीकांत बेर्डे सर.... लक्ष असू द्या ! तुमच्यासारखेच आमच्यावर सुद्धा प्रेक्षक प्रेम करतील आणि शांतेच कार्ट "चालूच" राहील अशी आशा बाळगतो. बाकी................. मजेत !"
प्रेक्षकांना नम्र विनंती : खळखळून हसायचं असेल..... तर कार्ट चालूच आहे !

View this post on Instagram

A post shared by Priyadarshan Jadhav (@priyadarshanjadhavv)

कुटुंबातील छोट्या-मोठ्या प्रसंगांमधून उलगडणारे नातेसंबंध, त्यातील गंमती-जंमती, गैरसमज आणि आपुलकी यांचा हलकाफुलका वेध या नाटकातून घेतला जातो. त्यामुळेच हे नाटक प्रेक्षकांना हसवतानाच आपलंसंही वाटतं. पूर्णपणे कौटुंबिक स्वरूपाचं असल्यामुळे, हे नाटक सगळ्यांनी एकत्र बसून पाहाण्यासारखं आहे.

Marathi Natak: 'या' गाजलेल्या नाटकातून खळखळून हसवणार हास्यजत्रेतला चिपळूणचा पारसमणी; पुजाऱ्याच्या अवतारात उडणार धमाल

जयदीप मेढे — Sat, 11 Apr 2026 07:12:23 +0530

Marathi Natak Prabhakar More: गेली अनेक वर्षे ‘हास्यजत्रा’त कोकणी व्यक्तिरेखेमधून प्रेक्षकांना खळखळून हसवणारे अभिनेते प्रभाकर मोरे आता एका वेगळ्याच भूमिकेत दिसणार आहेत. ‘अबब विठोबा बोलू लागला’ या गाजलेल्या बालनाट्यात ते प्रथमच काम करणार असून पुजाऱ्याच्या भूमिकेत झळकणार आहेत. यासाठी प्रमाण भाषेत संवाद साधण्याचं मोठं आव्हान त्यांनी यशस्वीपणे पेललं आहे. विविध विषयांवरील बालनाट्यांनी नेहमीच प्रेक्षकांची मनं जिंकली आहेत. आता त्याच परंपरेला उजाळा देत, एकेकाळी गाजलेलं आणि प्रेक्षकांना खळखळून हसवणारं ‘अबब विठोबा बोलू लागला’ हे लोकप्रिय बालनाट्य पुन्हा एकदा रंगभूमीवर धम्माल करायला सज्ज झालं आहे.

पुढील प्रयोग कुठे ?

मालिका आणि चित्रपट क्षेत्रात आपली स्वतंत्र ओळख निर्माण करणारे दिग्दर्शक प्रशांत गिरकर ‘अबब विठोबा बोलू लागला’ या नाटकाचं दिग्दर्शन करत असून, त्यांच्या दिग्दर्शनातून या नाटकाला आधुनिक सादरीकरणाची जोड मिळाली आहे. जुन्या आठवणींना नवी झळाळी देत, विनोद आणि संदेश यांचा सुंदर मेळ घालणाऱ्या या बालनाट्याचे पुढील प्रयोग १६ एप्रिल गुरु दु ४:३० काशीनाथ घाणेकर, ठाणे १७ एप्रिल शुक्र स ११:३० प्रबोधनकार ठाकरे, बोरिवली १७ एप्रिल शुक्र संध्या ७:३० शिवाजी मंदिर, दादर येथे होणार आहेत. मुंबई, पुणे, नाशिक येथे १० यशस्वी प्रयोग झाल्यावर मुलांच्या परीक्षे नंतर आता सुट्टीत महाराष्ट्रभर याचे प्रयोग होणार आहेत. १ ते ३ मे कोकण दौरा आहे.

प्रमाण भाषेत बोलणं मोठं चॅलेंज - प्रभाकर मोरे

नुकत्याच पार पडलेल्या पत्रकार परिषदेत प्रभाकर मोरे यांनी सांगितलं, “प्रमाण भाषेत बोलणं माझ्यासाठी खूप मोठं चॅलेंज होतं. इतकी वर्षं कोकणी व्यक्तिरेखा साकारल्यानंतर हा बदल सोपा नव्हता. त्यामुळे या नाटकासाठी मला अधिक वेळ देऊन मेहनत घ्यावी लागली. पण त्या प्रक्रियेत खूप काही नवीन शिकायला मिळालं.” संस्कृती आणि परंपरेची सुंदर सांगड घालणारं हे बालनाट्य केवळ लहान मुलांसाठीच नव्हे, तर मोठ्यांनाही अंतर्मुख करणारं ठरणार आहे. आजच्या मोबाईलच्या आहारी गेलेल्या पिढीला वास्तवाशी पुन्हा जोडण्याचा प्रयत्न या नाटकातून प्रभावीपणे करण्यात आला आहे. मनोरंजनासोबतच विचार करायला भाग पाडणार ‘अबब विठोबा बोलू लागला’ हे बालनाट्य लहान मोठ्या प्रत्येकाने आवर्जून बघावं, असं आवाहन प्रभाकर मोरे यांनी यावेळी केलं.

लक्ष्यासह दिग्गज कलाकारांमुळे गाजलेलं हे नाटक

‘कर्टेन रेझर एंटरटेनमेंट’ आणि ‘लिटिल थिएटर’ अर्थात‘बालरंगभूमी’या संस्थेकडून नीळकंठ नांदुरकर लिखित हे विनोदी नाटक नव्या संचासह प्रेक्षकांच्या भेटीला आलं आहे. या नाटकाचा इतिहासही तितकाच समृद्ध आहे. यापूर्वी लक्ष्मीकांत बेर्डे, विजय केंकरे, विनोद हडप यांसारख्या दिग्गज कलाकारांनी या नाटकात काम करत त्याला अफाट लोकप्रियता मिळवून दिली होती. त्यांच्या अभिनयामुळे हे नाटक त्या काळात प्रचंड गाजलं होतं. आता सुधाताईंच्या पश्चात निर्माती नमिता वागळे-गिरकर या नाटकाला नव्या रूपात सादर करत आहेत.

या नव्या आवृत्तीत प्रसिद्ध अभिनेते प्रभाकर मोरे ‘धम्माल पुजारी’च्या भूमिकेत असून त्यांच्यासोबत सागर पवार, नीता दोंदे, निखिल केंजळे, प्रकाश अय्याळ, अजित सावरे, प्रेम औटि, आशिक चव्हाण, विरराज राजपूत, उन्नती शिंदे, बालकलाकार अबीर जोशी, गोजिरी जगदाळे, कियारा पाटील, श्रीजा पोटे, आयुष टेंबे, ध्रुव खानविलकर, सिद्धेश बरीदे, ओवी भुजबळ, मृगा जोशी नाटाकाची रंगत वाढवणार आहेत.

लहान मुलांना नक्की दाखवावं असं नाटक

या नाटकाविषयी बोलताना दिग्दर्शक प्रशांत गिरकर सांगतात, आजच्या डिजिटल युगात मोबाईलच्या जाळ्यात अडकलेल्या पिढीला वास्तवाशी पुन्हा जोडण्याचा एक सुंदर प्रयत्न म्हणजे ‘अबब विठोबा बोलू लागला’ हे नाटक. हे नाटक केवळ मनोरंजनापुरतं मर्यादित नसून, संस्कार आणि संस्कृती यांचा सुरेख मिलाफ प्रेक्षकांसमोर मांडतं आजच्या धावपळीच्या जीवनात हरवत चाललेल्या मूल्यांची

जाणीव करून देत, कुटुंबाला एकत्र आणण्याचं काम हे नाटक करतं. विशेष म्हणजे, हे फक्त बालनाट्य नाहीतर मोठ्यांसाठीही तितकंच महत्त्वाचं आहे. पालकांनी बालकांसोबत बालक होवून पहावे असे नाटक आहे. पालक आणि मुलांमधील नातं अधिक घट्ट करण्यासाठी, संवाद वाढवण्यासाठी आणि एकमेकांना समजून घेण्यासाठी हे नाटक एक प्रभावी माध्यम ठरेल, असा विश्वास ते व्यक्त करतात.

नाटकाचे नेपथ्य महेश साळगावकर तर संगीताची जबाबदारी आनंद ओक यांनी सांभाळली आहे. रंगभूषा स्वप्नील चिमणे, प्रकाशयोजना केदार भोंडवे यांची आहे. वेशभूषा काजल अटेलियर यांची आहे. निर्मिती व्यवस्था नरेंद्र आंगणे यांनी सांभाळली आहे.

Samay Raina and Balraj Singh Ghai: अख्ख्या जगाने तोंड फिरवलं पण पडत्या काळात समय रैनाच्या पाठी मित्र खंबीरपणे उभा राहिला, कोण आहे बलराज सिंह घई?

भाग्यश्री कांबळे — Fri, 10 Apr 2026 16:40:37 +0530

Who Is Balraj Singh Ghai Friend Of Samay Raina: कॉमेडियन समय रैना (Samay Raina) पुन्हा एकदा चर्चेत आला आहे. पण चर्चेत येण्यामागचं कारण 14 महिन्यांपूर्वीचं प्रकरण नसून, त्यानं अलिकडेच शेअर केलेला व्हिडीओ आहे. 'स्टिल अलाइव्ह' या व्हिडीओमुळे समय पुन्हा एकदा ट्रेन्डिंगवर आला आहे. या व्हिडीओत त्यानं 14 महिन्यांत नेमकं काय काय घडलं? याची आपल्या शैलीत माहिती दिली. या व्हिडीओत त्यानं वारंवार एका मित्राचा उल्लेख केला. समय रैनाच्या आयुष्यातील सर्वात महत्त्वाची व्यक्ती म्हणजे बलराज सिंह घई (Balraj Singh Ghai). मित्र वणव्यात गारव्यासारखा असतो, असं त्याच्या व्हिडीओतून स्पष्ट झालं. यावरुन आयुष्यात बलराजसारखा मित्र हवा, असं अनेकांना वाटलं असेल. दरम्यान, बलराज सिंह नेमका आहे तरी कोण? समय रैना आणि बलराज यांच्यातील बॉण्डिंग कशी वाढली? असा प्रश्न नेटकऱ्यांकडून उपस्थित केला जात आहे.

बलराज नेमका आहे तरी कोण? (Samay Rainas Friend Balraj Singh Ghai)

बलराजचं पूर्ण नाव बलराज सिंह घई असं आहे. 'द हॅबिटॅट' या ठिकाणी समय रैनाच्या 'इंडियाज गॉट लेटेंट' या शोचे चित्रीकरण सुरु होते, ते ठिकाण बलराजच्या मालकिचे आहे. 'द हॅबिटॅट' हा स्टूडिओ मुंबईत उपस्थित आहे. माहितीनुसार, बलराज हा परमजीत सिंह घई यांचा मुलगा असून, ते युनिकॉन्टिनेंटल हॉटेल्सच्या व्यवसायात कार्यरत आहेत. आतापर्यंत समय आणि बलराजने आपल्या मैत्रीविषयी कधीही कॅमेऱ्यासमोर उघडपणे चर्चा केलेली नाही. परंतु, रेडिटमध्ये केलेल्या दाव्यानुसार, दोघांमध्ये पूर्वीपासून मैत्री आहे.

एकानं रेडिटवर लिहिले की, जेव्हा समय आपल्या करिअरची सुरुवात करत होता, तेव्हा बलराजने बऱ्याचदा त्याला कार्यक्रमांसाठी त्याचे 'द हॅबिटॅट' हे ठिकाण विनामूल्य दिले होते. हळूहळू त्यांच्यातील प्रोफेशनल बॉण्डिंग एका अतुट मैत्रीत रुपांतरित झाली. समयने आपल्या 'स्टिल अलाइव्ह' या शोमध्ये सांगितले की, 'इंडियाज गॉट लेटेंट' या शोमुळे झालेल्या वादाच्यावेळी मी बलराजसोबत यूएसमध्ये होतो. बलराजच्या बायकोनं एक व्हिडीओ पाठवला होता. या व्हिडीओत बलराजचे आई वडील हे तरुण पोलीस अधिकाऱ्यांच्या पाया पडत होते. आम्हाला जाऊ द्या, आम्ही काहीही चुकीचं केलेलं नाही, अशी विनवणी करत होते', असं समय म्हणाला.

मित्र वणव्यामध्ये गारव्यासारखा, दु:ख अडवायला उंबऱ्यासारखा (Balraj Singh Information)

वाद आणि अडचणी असूनही बलराजने कधीही समयची साथ सोडलेली नाही. त्यानं शेवटपर्यंत, भारतात येईपर्यंत समयची साथ दिली. समय आणि बलराज दोघेही लवकरच 'इंडियाज गॉट लेटेंट' चा दुसरा सिझन घेऊन येत आहेत. व्हिडीओच्या शेवटपर्यंत समय बलराजच्या मैत्रीबद्दल सांगत होता. बलराजचे हेच गुण कौतुकास्पद आहे, असं नेटकऱ्यांनी म्हटलं आहे. यातून असे दिसून येते की, बलराज सिंह हा केवळ समयचा एक मित्र नसून, जेव्हा संपूर्ण जग त्याच्या विरोधात होते, तेव्हा तो समयच्या पाठीशी उभा होता.

महत्त्वाच्या इतर बातम्या:

'बिग बॉस मराठी 6' अंतिम टप्प्यात, या आठवड्यात कोण बाद होणार? विशाल की...

Marathi Natak Shantecha Karte Chalu Aahe: लक्ष्मीकांत बेर्डेंचं अजरामर मराठी विनोदी नाटक, पुन्हा रंगभूमीवर; 'शांतेचं कार्टं चालू आहे'चा प्रयोग कुठे?

एबीपी माझा एंटरटेनमेंट डेस्क — Thu, 9 Apr 2026 12:22:54 +0530

Marathi Natak Shantecha Karte Chalu Aahe: रंगभूमीवर काही नाटकं (Marathi Natak) अशी असतात, जी प्रेक्षकांच्या मनात कायम घर करून राहातात. 'शांतेचं कार्टं चालू आहे' (Shantecha Karte Chalu Aahe) हे असंच एक गाजलेलं आणि आवडतं नाटक आता पुन्हा एकदा रंगभूमीवर परतत आहे. काही काळ विश्रांतीनंतर हे नाटक नव्या उत्साहात पुन्हा सादर होत असून, येत्या 11 एप्रिल रोजी प्रभादेवी (Prabhadevi) येथील रवींद्र नाट्यमंदिर (Ravindra Natya Mandir) येथे त्याचा प्रयोग रंगणार आहे.

'शांतेचं कार्ट चालू आहे' हे लक्ष्मीकांत बेर्डे अभिनीत एक अजरामर मराठी विनोदी नाटक, जे आपल्या अफलातून विनोदी अभिनयासाठी ओळखलं जातं. या नाटकात लक्ष्मीकांत बेर्डे यांनी मुख्य भूमिका साकारलेली, नयनतारा यांच्यासोबत त्यांची जुगलबंदी प्रेक्षकांना खूप आवडलेली. अशातच आता हे नाटक रंगभूमीवर परतत असल्यामुळे प्रेक्षकांना खूप उत्सुकता लागली आहे.

अमेय विनोद खोपकर (Ameya Khopkar) सादर करत असलेलं हे नाटक, एव्हीके पिक्चर्स आणि सीजी ग्रुप यांच्या निर्मितीतून साकारलं आहे. दिग्दर्शक विजय केंकरे (Director Vijay Kenkre) यांच्या नेटक्या दिग्दर्शनातून आणि लेखक श्रीनिवास भणगे यांच्या खुसखुशीत लेखणीतून उभं राहिलेलं हे नाटक प्रेक्षकांना पोट धरून हसवतानाच जीवनातील नातेसंबंधांवरही भाष्य करतं. संगीतकार अजित परब यांच्या सुरांनी नाटकात अधिकच रंगत आणली असून स्वाती खोपकर, दिनेश खंडागळे आणि निनाद नं बत्तीन या नाटकाचे निर्माते आहेत. यात प्रियदर्शन जाधव, विक्रांत कोळपे, सुकन्या काळण, राजेश चिटणीस, प्रदीप जोशी, मयुरा रानडे आणि विशाखा सुभेदार यांसारखी लोकप्रिय कलाकारांची फळी पाहायला मिळणार आहे.

रंगभूमी ही जिवंत माध्यम : दिग्दर्शक विजय केंकरे (Director Vijay Kenkre On Natak)

दिग्दर्शक विजय केंकरे म्हणतात, "रंगभूमी ही जिवंत माध्यम आहे. प्रेक्षकांचा श्वास, त्यांचं हसणं आणि त्यांच्या प्रतिक्रिया यामुळे प्रत्येक प्रयोग नव्याने घडतो. 'शांतेचं कार्टं चालू आहे' हे नाटक पुन्हा सादर करताना आम्ही त्यात आजच्या काळाची झलक आणि अधिक परिपक्वता आणण्याचा प्रयत्न केला आहे. हे नाटक "प्रेक्षकांना केवळ हसवणार नाही, तर त्यांच्या मनात दीर्घकाळ ठसा उमटवेल..."

निर्माते अमेय विनोद खोपकर म्हणतात, "चांगल्या आशयाला वेळेची मर्यादा नसते. हे नाटक आधी गाजलं कारण त्यात प्रामाणिकपणा होता आणि आजही तो तितकाच जिवंत आहे. नव्या पिढीसाठी आणि जुन्या रसिकांसाठी आम्ही हे नाटक नव्या उर्जेसह सादर करत आहोत. प्रेक्षकांनी पुन्हा एकदा रंगभूमीचा आनंद घ्यावा, हीच आमची इच्छा..."

निर्माते दिनेश खंडागळे म्हणतात, "अशा दर्जेदार नाटकाची निर्मिती करत असल्याचा मला मनापासून आनंद आहे. चांगल्या आशयाच्या प्रकल्पातूनच निर्मिती क्षेत्रात पदार्पण करावं, असं नेहमी वाटत होतं आणि ते या नाटकाच्या निमित्ताने साध्य झालं. या नाटकाची संपूर्ण टीम अतिशय उत्तम आहे. नाटकाला आधीपासूनच प्रेक्षकांची पसंती मिळाली आहे, त्यामुळे अशा लोकप्रिय नाटकाचा भाग होता येत असल्याचा मला विशेष आनंद आहे."

एकूणच, हास्य आणि भावनांचा समतोल साधणारं 'शांतेचं कार्टं चालू आहे' हे नाटक पुन्हा एकदा रंगभूमीवर आपली छाप पाडण्यासाठी सज्ज झालं आहे. त्यामुळे या उन्हाळ्याच्या सुट्टीत नाट्यरसिकांना कुटुंबासोबत हलकंफुलकं आणि दर्जेदार मनोरंजन अनुभवायला मिळणार आहे.

महत्त्वाच्या इतर बातम्या :

Girish Oak In Deep Jyoti TV Serial: खलनायकनंतर सज्जन 'पुरुषोत्तम'! 'दीपज्योती'मधून 'हे' ज्येष्ठ अभिनेते नव्या अंदाजात, मालिकेत ट्वीस्ट येणार?

Priya Berde: लक्ष्याच्या पत्नीचं रंगभूमीवर कमबॅक; थरारक ‘भुल भुलैय्या’मधून प्रिया बेर्डे प्रेक्षकांच्या भेटीला, चाहत्यांना उत्सुकता

एबीपी माझा एंटरटेनमेंट डेस्क — Mon, 6 Apr 2026 19:26:21 +0530

Priya Berde Comeback Marathi Theatre Play: मराठीसह हिंदी सिनेसृष्टीतील प्रसिद्ध अभिनेत्री प्रिया बेर्डे (Priya Berde) यांनी आपल्या कारकि‍र्दीत बऱ्याच चित्रपटांमध्ये काम केलंय. दिवंगत अभिनेते लक्ष्मीकांत बेर्डेंसोबतची (Laxmikant Berde) त्यांची केमिस्ट्री सुपरहिट होती. त्यांनी आपल्या कारकि‍र्दीत अनेक नाटकांमध्येही (Marathi Natak) काम केलंय. दरम्यान, आता अभिनेत्री प्रिया बेर्डे पुन्हा एकदा थिएटरमध्ये पुनरागमन करणार आहे. 'धनंजय माने इथेच राहतात का?' या नाटकानंतर बऱ्याच वर्षांनी प्रिया बेर्डे पुन्हा एकदा नाट्यरसिकांसाठी थिएटरमध्ये पुनरागमन करणार आहेत. ‘भुल भुलैय्या’ असे नाटकाचे नाव असून, या नाटकात त्यांची मुख्य भूमिका आहे.

प्रिया बेर्डेंचं ‘भुल भुलैय्या’ नाटकातून मराठी रंगभूमीवर पुनरागमन

‘भुल भुलैय्या’ म्हणजे काय? तर मनाच्या गाभाऱ्यात दडलेलं रहस्य, अनपेक्षित वळणांनी भरलेला एक प्रवास, तसेच प्रत्येक क्षणी चकित करणारा थरारक अनुभव. जिथे सत्य आणि भास यांच्यातील सीमारेषा इतकी धूसर होते की काय खरं? अन् काय खोटं? हे ओळखणंच कठीण होतं. भ्रम आणि वास्तव यांच्यातील गुंतागुंतीचा असाच रंगतदार खेळ, ‘भुल भुलैय्या’ या नाटकाद्वारे लवकरच प्रेक्षकांना अनुभवता येणार आहे. या नाटकाच्या शुभारंभाचा प्रयोग रविवार १९ एप्रिलला दु. ४.०० वा. रवींद्र नाट्य मंदिर, प्रभादेवी, येथे संपन्न होणार आहे.

रंगत संगत आणि श्री लक्ष्मीनारायण प्रॉडक्शन्स निर्मित भुल भुलैय्या नाटकाची कथा हेमंत एदलाबादकर यांची आहे. तर, रंगावृत्ती, दिग्दर्शन, प्रकाश कुमार सोहोनी यांचे आहे. रणजित देसाई, केदार सामंत नाटकाचे निर्माते आहेत. विशेष म्हणजे प्रसिद्ध अभिनेत्री प्रिया बेर्डे ‘भुल भुलैय्या’ मधून रंगभूमीवर नव्या उर्जेसह पुनरागमन करत आहेत. ‘भुल भुलैय्या’ च्या माध्यमातून पुन्हा नाट्यरसिकांच्या भेटीला येण्याबाबत प्रिया बेर्डे म्हणाल्या की, ‘जरी बऱ्याच वर्षांनी पुन्हा नाटकात काम करीत असले तरी नाटकापासून कधीच दूर गेले नव्हते. नाटकात काम करण्याची इच्छा मनात होतीच. पुनरागमन करण्यासाठी एका चांगल्या नाटकाच्या प्रतिक्षेत होते. ‘भुल भुलैय्या’ च्या माध्यमातून पुनरागमन करताना खूप आनंद होतोय.

‘भुल भुलैय्या’ नाटकात तगड्या कलाकारांची फौज

‘भुल भुलैय्या’ या नाटकात प्रिया बेर्डे यांच्यासोबत साहिल देसाई, परिणिता पावसकर, आरती सोळंकी अमीर तडवळकर, आशुतोष घोरपडे, विजय सूर्यवंशी यांच्या मुख्य भूमिका आहेत. या नाटकाच्या शुभारंभाचे प्रयोग रवि १९ एप्रिल दु. ४.०० वा. रवींद्र नाट्य मंदिर, प्रभादेवी, सोम २० एप्रिल रात्रौ ८.०० वा. डॉ. काशिनाथ घाणेकर, ठाणे मंगळ २१एप्रिल दु. ४.०० वा. दीनानाथ नाट्यगृह, पार्ले येथे रंगणार आहेत. नेपथ्य संदेश बेंद्रे तर संगीत विजय गवंडे यांचे आहे. वेशभूषा मंगल केंकरे यांनी केली आहे. सूत्रधार-विजय सूर्यवंशी आहेत.

महत्त्वाच्या इतर बातम्या:

कुंभमेळ्यातील IIT यन बाबाचं शुभ मंगल सावधान; अभयची अर्धांगिनी आहे तरी कोण, कधी केलंय लग्न?

Marathi Natak: 'पारू'च्या जोडीची आता पाकिस्तानात 'स्पायगिरी'! भरत दाभोळकरांचं अनोखं नाटक प्रेक्षकांना खळखळून हसवणार

एबीपी माझा एंटरटेनमेंट डेस्क — Mon, 6 Apr 2026 15:09:26 +0530

Bharat Dabholkars Carry On SpyGiri: अनेक दशके, इंग्रजी, हिंदी तसेच गुजराती रंगभूमी गाजवणारे आणि अॅड गुरू भरत दाभोळकर (Bharat Dabholkar) आता एका नव्या इनिंगसाठी सज्ज झाले आहेत. लवकरच ते मराठी प्रेक्षकांसाठी एक नवीन सरप्राईज (Marathi Natak) घेऊन येत आहे. कॅरी ऑन स्पायगिरी या नाटकातून ते प्रथमच मराठी रंगभूमीवर (Marathi Theatre) पाऊल ठेवत आहेत. भरत दाभोळकर यांनी आता आपल्या कारकि‍र्दीत लेखक, दिग्दर्शक आणि अभिनेता अशा तिहेरी भूमिका साकारल्या आहेत. आता ते लवकरच कॅरी ऑन स्पायगिरी या नाटकाद्वारे प्रेक्षकांचं मनोरंजन करण्यास सज्ज होणार आहेत. अभिनेते आकाश भडसावळे यांच्या ‘सवाईगंधर्व’ आणि ‘अभिजात’ या दोन संस्थांची ही निर्मिती असून, अभिनेता विजय पटवर्धन आणि मुग्धा कर्णिक यांची 'केमिस्ट्री' या नाटकातून आपल्याला अनुभवता येईल.

पारू मालिकेतील विजय पटवर्धन आणि मुग्धा कर्णिक प्रेक्षकांच्या भेटीला

झी मराठीवरील पारू या मालिकेमुळे विजय पटवर्धन आणि मुग्धा कर्णिक या जोडीला विशेष ओळख मिळाली. ही जोडी पुन्हा एकदा या नाटकाद्वारे प्रेक्षकांच्या भेटीस येणार आहेत. या नाटताबाबत अभिनेते विजय पटवर्धन म्हणतात, "कॅरी ऑन SPYगिरी हे माझं 58 वं व्यावसायिक नाटक आहे. या नाटकातून मी आणि मुग्धा कर्णिक पुन्हा एकदा एकत्र काम करणार आहोत. मुळात मुग्धा आणि माझी गट्टी 'घोळात घोळ' या नाटकापासून जमली होती. आम्हाला एकमेकांच्या कामाच्या पद्धतीची आणि 'टायमिंग'ची अचूक कल्पना आहे, त्यामुळे 'कॅरी ऑन SPYगिरी' मध्येही प्रेक्षकांना आमची तीच सहज केमिस्ट्री पाहायला मिळेल, यात शंका नाही. मालिका आणि नाटकात खूप फरक असतो. नाटकावेळी प्रेक्षक तुमच्या समोर असतो, त्याला दोन तास खिळवून ठेवणं ही कलाकाराची खरी कसब असते. आजच्या स्ट्रेसने भरलेल्या आयुष्यात विनोदी नाटक हा सर्वोत्तम विरंगुळा आहे. ‘कॅरी ऑन SPYगिरी’ नाटकात भरत सरांसोबत काम करण्याचा अनुभव उत्तम होता. त्यांच्या 'ब्लॅक ह्युमर'ची शैली प्रेक्षकांचा नक्कीच हशा वसूल करेल.

अभिनेत्री मुग्धा कर्णिक सांगते, "मराठी रंगभूमीला सध्या सुगीचे दिवस आले असून हे नाटक प्रेक्षकांना खळखळून हसवायला तयार आहे. 'पारू' या मालिकेमुळे गेल्या दोन वर्षांपासून विजय आणि मी एकत्र आहोत, ज्याचा फायदा नाटकाच्या तालमीतही होतो आहे. मात्र, मालिकेतली आमची पात्रं आणि या नाटकातली पात्रं एकमेकांच्या पूर्णपणे टोकाची आहेत. या नाटकाला दाभोळकरी 'पॅटर्न' मिळाल्यामुळे हे नाटक अजून खुलून निघालंय. भरत सरांची काम करण्याची पद्धत अत्यंत अभ्यासू असून त्यांच्या लिखाणातील 'राजकीय भाष्य' नाटकाला एक वेगळीच उंची देते. नाटकाच्या तालमींदरम्यान त्यांच्याकडून खूप काही शिकायला मिळालं."

'कॅरी ऑन SPYगिरी' नाटकात तगड्या कलाकारांची फौज

'कॅरी ऑन SPYगिरी' या नाटकात मोहन आझाद, विजय पटवर्धन, मुग्धा कर्णिक, राहुल पेठे, आकाश भडसावळे, सुयश पुरोहित, गीतांजली गणगे, गौरव निमकर आणि स्वतः भरत दाभोळकर अशा तगड्या कलाकारांची फौज पाहायला मिळणार आहे. 10 एप्रिल रोजी श्री शिवाजी मंदिर नाट्यगृह, दादर, मुंबई येथे; तर 18 एप्रिल रोजी बालगंधर्व रंगमंदिर, पुणे येथे या नाटकाचे शुभारंभाचे प्रयोग होणार असल्याची माहिती आहे. अस्सल 'दाभोळकरी' शैलीतील हे स्पाय-कॉमेडी नाटक मराठी रंगभूमीवर एक नवा इतिहास घडवण्यासाठी सज्ज झाले आहे.

Sharad Ponkshe On BJP: आम्हाला कुणीच हरवू शकत नाही, आम्हीच सर्वस्वी, या अहंकारात भाजपनं राहू नये; शरद पोंक्षेंचा नागपुरात जाऊन इशारा!

रजत वशिष्ट, एबीपी माझा, नागपूर — Mon, 30 Mar 2026 12:55:47 +0530

Sharad Ponkshe On BJP: भाजपची (BJP) काँग्रेस (Congress) व्हायला लागली तर राष्ट्रीय स्वयंसेवक संघ (Rashtriya Swayamsevak Sangh) हिंदुत्व बाळगणाऱ्या दहा भाजप उभा करू शकतो हे लक्षात ठेवावं, असा सूचक इशारा मराठी अभिनेते शरद पोंक्षे (Actor Sharad Ponkshe) यांनी नागपुरातील (Nagpur News) एका कार्यक्रमात बोलताना दिला आहे. आम्हाला कुणीच हरवू शकत नाही, आता आम्हीच आहोत..., या अहंकारात ही भाजपनं राहू नये, असं वक्तव्यही शरद पोंक्षे (Marathi Actor Sharad Ponkshe) यांनी या कार्यक्रमात बोलताना केलंय.

शरद पोंक्षे नेमकं काय म्हणाले? (Sharad Ponkshe On BJP And RSS)

राज्य सरकारच्या (Maharashtra News) सांस्कृतिक कार्य संचालनालयाच्या वतीनं रविवारी नागपुरात व्याख्यानमालेचं आयोजन करण्यात आलं होतं. या कार्यक्रमासाठी मराठी अभिनेते शरद पोंक्षे उपस्थित होते. या कार्यक्रमात 'भारत एक हिंदू राष्ट्र' या विषयावर बोलताना शरद पोंक्षे यांनी मोठं वक्तव्य केलं आहे. राष्ट्रीय स्वयंसेवक संघ ही भाजपची आई आहे, मात्र भाजपची काँग्रेस व्हायला लागली तर, अशा दहा भाजप संघ उभा करू शकतो, हे त्यांनी लक्षात ठेवावं, असा सूचक इशारा शरद पोंक्षे यांनी बोलताना दिलाय.

"आज भारतामध्ये हिंदूंचे सण, उत्सव मोठ्या थाटात साजरे केले जातायत. 'गवनि म्हणा आम्ही हिंदू आहोत', असं म्हणण्याची ताकद केवळ केंद्रातील पंतप्रधान नरेंद्र मोदी यांच्या सरकारमुळेच आहे. याचं संपूर्ण श्रेय मोदींसोबत संघाला जातं. शंभर वर्षात अनेक उपेक्षा सहन करूनही संघ आज ताठ उभा आहे. संघ ही भाजपची आई आहे. मात्र, भाजपची काँग्रेस व्हायला लागली तर अशा दहा भाजप संघ उभा करू शकतो, हे त्यांनी लक्षात ठेवावं. पुन्हा दहा-पंधरा वर्ष वाट पाहावी लागली तरी चालेल. पण, कट्टर हिंदूच्या दहा भाजप उभ्या करण्याची ताकद संघात आहे...", असं शरद पोंक्षे म्हणालेत.

"मनुस्मृतीमध्ये कोणालाही दुय्यम वागणूक दिलेली नाही, ते जाळणाऱ्यांनी वाचली नाही, वाचली असती तर ते जाळूच शकले नसते...", असं यावेळी बोलताना शरद पोंक्षे म्हणाले आहेत.

दरम्यान, राज्य सरकारच्या सांस्कृतिक कार्य संचालनालयाच्यावतीनं आयोजित तीन दिवसीय रामस्मरण व्याख्यानमालेत 'भारत एक हिंदू राष्ट्र' या विषयावर पोंक्षे बोलत होते. नागपुरात रेशीमबाग इथल्या महर्षी व्यास सभागृहात व्याख्यानमालेचा कार्यक्रम पार पडला.