The Kashmir Files : सध्या सोशल मीडियावर चर्चेत असणारा चित्रपट द कश्मीर फाइल्स (The Kashmir Files)बॉक्स ऑफिसवर धुमाकूळ घालत आहे. लवकरच हा चित्रपट ओटीटी प्लॅटफोर्मवर प्रदर्शित होणार आहे. चित्रपटामध्ये अनुपम खेर (Anupam Kher), पल्लवी जोशी (Pallavi Joshi), मिथुन चक्रवर्ती (Mithun Chakraborty) आणि दर्शन कुमार (Darshan Kumar) या कलाकारांनी प्रमुख भूमिका साकारली आहे. तर चित्रपटाचे दिग्दर्शन  विवेक अग्निहोत्री (Vivek Agnihotri) यांनी केले आहे. नुकताच अभिनेते अनुपम खेर यांनी चित्रपटाच्या शूटिंगचा एक खास व्हिडीओ शेअर केला आहे. या व्हिडीओमध्ये विवेक, अनुपम आणि दर्शन हे भावूक झालेले दिसत आहेत.


चित्रपटातील  पुष्करनाथ ही भूमिका अनुपम खेर यांनी साकारली आहे. पुष्करनाथ यांच्या मृत्यूच्या सिनचे शूटिंग होत असताना विवेक अग्निहोत्री, अनुपम खेर आणि दर्शन हे भवूक झाले होते. या सिनच्या शूटिंगचा व्हिडीओ अनुपम यांना शेअर केला आहे. 'जेव्हा सिनेमाचं वास्तव आयुष्याच्या वास्तवासारखं बनतं, तेव्हा अश्रू अनावर होतात.', असं कॅप्शन अनुपम यांनी या व्हिडीओला दिलं आहे. 






विवेक अग्निहोत्री यांनी देखील हा व्हिडीओ शेअर केला. त्यांनी या व्हिडीओला कॅप्शन दिलं. '2004 मध्ये माझ्या आईचे निधन झाले तेव्हा मी रडलो नाही. 2008 मध्ये माझ्या  वडिलांचे निधन झाले तेव्हा देखील  मी रडलो नाही. पण जेव्हा मी हा  पुष्करनाथ यांच्या मृत्यूचा सीन अनुपम खेर यांच्यासोबत शूट केला तेव्हा मी स्वत:ला थांबवू शकलो नाही.'


हेही वाचा :



LIVE TV | मराठी बातम्या, ब्रेकिंग न्यूज, महाराष्ट्रासह देश-विदेशातील प्रत्येक घडामोडी पाहा लाईव्ह - ABP Majha