'ठरलं तर मग'फेम अभिनेत्रीच्या खऱ्या आयुष्यातला 'तो' कोण? प्रेमावर एका शब्दात सगळं सांगून टाकलं
Tharla Tar Mag Actress: सोशल मीडियावर सध्या प्रेमाचे वारे वाहत आहेत. अनेक कलाकार मंडळी आपल्या जोडीदारासोबत फोटो व्हिडिओ शेअर करत प्रेम व्यक्त करताना दिसत आहेत.
Jui Gadkari: स्टार प्रवाहच्या 'ठरलं तर मग' या मालिकेतून प्रेक्षकांच्या मनावर राज्य करणारी अभिनेत्री जुई गडकरी (Jui Gadkari) ही कायम चर्चेत असते, तिच्या साध्या आणि नैसर्गिक अभिनयाने. अभिनयासोबत तिची वक्तव्यही कायम चर्चेत असतात. तिनं साकारलेली सायलीची भूमिका आणि अर्जुन आणि सायलीची जोडी कायमच प्रेक्षकांना भावली आहे. पडद्यावर संस्कारी, साळसूद भूमिका करणारी अभिनेत्री खऱ्या आयुष्यात कशी आहे? तिची लव्ह लाइफ कशी आहे? हे जाणून घेण्यासाठी चाहते कायम उत्सुक असतात. मालिकांमध्ये अभिनय करणारी जुई गडकरीचे अनेक चाहते आहेत. नुकतंच एका मुलाखतीत तिने प्रेमाबद्दल तिचं मत व्यक्त केलं आहे.
काय म्हणाली जुई गडकरी?
सोशल मीडियावर सध्या प्रेमाचे वारे वाहत आहेत. अनेक कलाकार मंडळी आपल्या जोडीदारासोबत फोटो व्हिडिओ शेअर करत प्रेम व्यक्त करताना दिसत आहेत. शिवाय अनेक कलाकारांची लग्न ठरत आहेत. अनेकजण व्हॅलेंटाईन्स डे जोरात साजरा करत आहेत. व्हॅलेंटाईन वीकच्या निमित्ताने जुई गडकरीने मराठी वाहिनीला मुलाखत दिली. यात तिला विचारण्यात आलं प्रेमाला जर एकाच शब्दात मांडायचं असेल तर तू काय म्हणशील? यावर जुई म्हणाली," माझ्यासाठी प्रेम म्हणजे आपली सेफ स्पेस. जगात कुठेही काहीही झालं असेल तरी ती व्यक्ती आपल्या सोबत असेल तेव्हा सेफ वाटतं, हे माझ्यासाठी प्रेम आहे. त्यासाठी असे दिवस सेलिब्रेट करावे लागत नाहीत. मला असं वाटतं की ती योग्य व्यक्ती आपल्या आयुष्यात असेल तर प्रत्येक दिवस हा व्हॅलेंटाईन डे असतो.' असं जुई म्हणाली.
जुई गडकरीच्या आयुष्यातील व्हॅलेंटाईन कोण?
कामाबद्दल बोलायचं झाल्यास जुई गडकरीने पुढचं पाऊल वर्तुळ माझी या प्रियाला प्रित कळेना यासारख्या मालिकांमध्ये काम करत प्रेक्षकांची मन जिंकली आहेत. ती सध्या ठरलं तर मग या स्टार प्रवाहवरील मालिकेतून प्रेक्षकांचे मनोरंजन करत आहे. जुई गडकरी बिग बॉसच्या सीजनमध्येही दिसली होती. वैयक्तिक आयुष्याबद्दल बोलायचं झाल्यास तिचं नाव मराठी अभिनेता प्रसाद लिमये सोबत जोडलं गेलं होतं. त्यांच्या नात्याचाही बऱ्याच चर्चा झाल्या मात्र त्या दोघांनीही यावर कोणतीही प्रतिक्रिया दिलेली नाही. त्यामुळे जुईच्या खऱ्या आयुष्यातील तो स्पेशल व्यक्ती कोण हे वेळ आल्यावरच कळेल.
महत्त्वाच्या बातम्या
