Vijay Thalapathi Divorce: साऊथ मनोरंजन विश्वातील एक शाही लग्न सोहळ्याची सध्या एकच चर्चा सुरू आहे. रश्मिका मंदाना आणि विजय देवरकोंडा या दोघांनी नुकतीच उदयपूरमध्ये लग्नगाठ बांधली. दोघांच्या फोटोंनी सोशल मीडियावर धुमाकुळ घातलाय. मात्र दुसरीकडे तमिळगा वेत्री कळघम' पक्षाचे अध्यक्ष आणि दाक्षिणात्य सुपरस्टार विजय थलपतीच्या घटस्फोटाची एकच चर्चा आहे. थलपथी विजयच्या वैयक्तिक आयुष्यात मोठं वादळ उठलं आहे. विजयच्या पत्नी संगीता सोरनलिंगम यांनी घटस्फोटासाठी याचिका दाखल केल्याची माहिती समोर आली आहे. या याचिकेमागे अभिनेत्याचे कथित विवाहबाह्य संबंध कारणीभूत असल्याचा दावा केला जात आहे.
Vijay Thalapathi: नेमका प्रकार काय?
चेंगलपट्टू कुटुंब न्यायालयात दाखल अर्जात कोणाचेही नाव नमूद केलेले नाही. मात्र 2021 पासून पती भावनिकदृष्ट्या दूर गेले, तोंडी अपमानास्पद वर्तन केले आणि वेगळे राहण्यास भाग पाडले, असे आरोप करण्यात आल्याचे वृत्त आहे. तसेच एका अभिनेत्रीबरोबर परदेश दौरे आणि सार्वजनिक कार्यक्रमांना उपस्थिती लावल्याचा उल्लेखही अर्जात असल्याचे सांगितलं जातंय.दरम्यान, सोशल मीडियावर अभिनेत्री त्रिशा क्रिशनन यांचे नाव जोडत अटकळी लावल्या जात आहेत.
विजय आणि तृषा यांच्यातील जवळिकीबाबत काही पोस्ट व्हायरल होत असून चाहत्यांमध्ये चर्चा रंगली आहे. काहींनी थेट दोघांचे नाव जोडत आरोप केले आहेत, तर काहींनी संगीता यांना पाठिंबा दर्शवला आहे.
अलीकडेच तृषाने विजयसोबतचा एक फोटो शेअर करत वाढदिवसाच्या शुभेच्छा दिल्या होत्या. याआधीही तिने त्यांच्या वाढदिवसानिमित्त भावनिक पोस्ट केली होती. या पोस्ट्समुळेही चर्चांना अधिक उधाण आले आहे.
2004 मध्ये केलेलं या ब्लॉकबस्टर चित्रपटात काम
विजय आणि तृषा यांनी 2004 मधील ब्लॉकबस्टर चित्रपट Ghilli पासून अनेक चित्रपटांत एकत्र काम केले आहे. त्यांच्या जोडीला प्रेक्षकांची विशेष पसंती लाभली होती. मात्र सध्याच्या घडामोडींवर संबंधितांकडून अधिकृत प्रतिक्रिया आलेली नाही.
विजय आणि तृषा यांनी 2004 मधील सुपरहिट चित्रपट घिल्लीमध्ये एकत्र काम केले होते. त्यांच्या जोडीला प्रेक्षकांची चांगली पसंती मिळाली होती. सध्या या प्रकरणावर संबंधितांकडून कोणतीही अधिकृत प्रतिक्रिया आलेली नाही. या घडामोडीनंतर सोशल मीडियावर विविध चर्चांना उधाण आले आहे.
हेही वाचा: