Nikki Tamboli : अरबाज, निक्की, वैभव आणि जान्हवी यांच्या ग्रुपने पहिल्या आठवड्यापासूनच बिग बॉसच्या घरात (Bigg Boss Marathi New Season) राडे घालण्यास सुरुवात केली आहे. त्यांच्या वागण्यावर रितेशने भाऊच्या धक्क्यावर त्यांची वेळोवेळी शाळा देखील घेतली. त्याचप्रमाणे सोशल मीडियावरही या चौघांच्या खेळावर राग व्यक्त केला जातोय. पण आता या ग्रुपमध्ये उभी फूट पडणार असल्याचं पाहायला मिळणार आहे.
'बिग बॉस मराठी'च्या घरातील सदस्यांना भाऊच्या धक्क्यावर रितेश देशमुख एकामागून एक धक्के देत आहे. आज भाऊच्या धक्क्यावर 'भाऊची चक्रव्यूह' खोली उघडण्यात येणार आहे. यात घरातील सदस्यांना एकमेकांचे खरे रंग कळणार आहेत. भाऊच्या चक्रव्यूहात एकमेकांच्या मनातलं बाहेर येणार आहे. एकंदरीतच घरातील सदस्यांसमोर सगळं उघड होणार आहे. आजच्या भागात निक्कीसमोर तिच्या ग्रुपमधील सदस्यांचे खरे चेहरे येणार आहेत.
निक्कीने व्यक्त केला राग
'बिग बॉस मराठी'च्या आजच्या भागाचा नवा प्रोमो समोर आला आहे. या प्रोमोमध्ये निक्की तांबोळी चक्रव्यूह खोलीत बसलेली दिसून येत आहे. निक्कीला तिच्या ग्रुपमधील सदस्य तिच्याबद्दल काय म्हणतात हे रितेश भाऊ दाखवतो. त्यानंतर बाहेर येऊन निक्की म्हणते,"ग्रुप A साठी मी टाळ्या वाजवत आहे. त्यांच्यात दम तर नाहीच आहे. हलके लोक आहेत हे.. ग्रुप Aला मी ट्रॉफी उचलू देणार नाही, हा माझा वादा आहे".
निक्की आणि अभिजीत बनवणार ग्रुप C?
निक्कीसमोर सत्य आल्यानंतर आता ती नक्की कोणाच्या बाजुने खेळणार की नवा ग्रुप निर्माण करणार याकडे सर्वांचच लक्ष लागलं आहे. निक्की आणि अभिजीत ग्रुप C बनवणार असल्याचीही चर्चा आहे. आता नक्की निक्की कसा खेळ खेळणार हे आगामी भागातच कळेल.