Tujhech Mi Geet Gaat Aahe : 'तुझेच मी गीत गात आहे' (Tujhech Mi Meet Gaat Ahe) ही मालिका अल्पावधितच प्रेक्षकांच्या पसंतीस उतरली आहे. या मालिकेच्या माध्यमातून प्रेक्षकांना नागपूरी तडका पाहायला मिळत आहे. या मालिकेत अभिजीत खांडकेकर (Abhijeet Khandkekar) आणि उर्मिला कोठारे (Urmila Kothare) मुख्य भूमिकेत आहेत. आता मालिकेत भावनिक वळण येणार आहे. स्वराची आई जगाचा निरोप घेणार आहे.
स्वराची आई घेणार जगाचा निरोप
'तुझेच मी गीत गात आहे' या मालिकेत मल्हारची बायको आणि स्वराच्या आईचे वैदेहीचे पात्र उर्मिला कोठारे साकारत होती. आता मालिकेत स्वराच्या आईचे निधन होणार आहे. त्यामुळे मालिकेच्या कथानकानुसार उर्मिला कोठारे मालिकेमधून एक्झिट घेणार आहे. मालिकेत वैदेहीला कँन्सर असल्याचे दाखवण्यात आलं आहे. तिच्या उपचारासाठी पैसे मिळत मिळत नसल्याचे मालिकेत तिचा मृत्यू होणार असल्याचे दाखवण्यात येणार आहे.
मालिकेत येणार भावनिक वळण
आईचा जीव वाचवण्यासाठी स्वराने बरेच प्रयत्न केले. पण आपल्या आईचा जीव ती वाचवू शकली नाही. 'तुझेच मी गीत गात आहे' मालिकेतील हे अत्यंत भावनिक वळण आहे. मालिकेत हा भावनिक प्रसंग शूट करणं संपूर्ण टीमसाठी आव्हानात्मक होतं. सेटवर हा प्रसंग शूट करताना सगळेच भावूक झाले होते. चिमुकल्या स्वरानेही हा सीन साकारण्यासाठी खूप मेहनत घेतली. या भावनिक प्रसंगासाठी एक गाणंही चित्रित करण्यात आलं आहे. दीप्ती सुर्वेने या गाण्याचे शब्द लिहिले असून रोहन रोहन या जोडीने हे गाणं संगीतबद्ध केलं आहे. तर मी होणार सुपरस्टार छोटे उस्ताद फेम स्वरा बनसोडेने हे गाणं गायलं आहे.
आईला गमावल्यानंतर स्वराचा पुढील प्रवास कसा असेल? तिची आणि तिच्या वडिलांची भेट होणार का? स्वराची गाण्याची आवड कशी पूर्ण होणार या सर्व प्रश्नांची उत्तरं प्रेक्षकांना मालिकेच्या आगामी भागात पाहायला मिळणार आहेत.
12 वर्षानंतर उर्मिला कोठारेचं छोट्या पडद्यावर कमबॅक
उर्मिला कोठारेने तब्बल 12 वर्षांनंतर या मालिकेच्या माध्यमातून छोट्या पडद्यावर कमबॅक केलं होतं. उर्मिलाने साकारलेली वैदेहीची भूमिका प्रेक्षकांच्या पसंतीस उतरली होती. उर्मिलाने छोट्या पडद्यावर कमबॅक केल्याने तिचे चाहतेदेखील खुश होते. आता उर्मिला मालिकेत दिसणार नसल्याने तिचे चाहते नाराज झाले आहेत.
संबंधित बातम्या