Mazhi Tuzhi Reshimgath Marathi Serial Latest Update : 'माझी तुझी रेशीमगाठ' (Mazhi Tuzhi Reshimgath) ही छोट्या पडद्यावरील लोकप्रिय मालिका आहे. गेल्या वर्षी अचानक निर्मात्यांनी मालिका बंद करण्याचा निर्णय घेतला. पण प्रेक्षकांच्या आग्रहाखातर त्यांना ही मालिका पुन्हा सुरू करावी लागली. आता या मालिकेचा दुसरा भाग येणार येणार असल्याच्या चर्चांना सुरुवात झाली आहे.
'माझी तुझी रेशीमगाठ' ही मालिका गेल्या दोन वर्षांपासून प्रेक्षकांच्या भेटीला येत होती. टीआरपीच्या शर्यतीतदेखील ही मालिका अव्वल ठरली होती. पण अचानक काही कारणाने निर्मात्यांनी ही मालिक बंद करण्याचा निर्णय घेतला. याचाच परिणाम मालिकेच्या टीआरपीवर झाला आणि टीआरपीच्या शर्यतीत ही मालिका मागे पडली. त्यामुळे निर्मात्यांनी पुन्हा एकदा ही मालिका बंद करण्याचा निर्णय घेतला.
'माझी तुझी रेशीमगाठ' या मालिकेत प्रार्थना बेहेरे आणि श्रेयस तळपदे मुख्य भूमिकेत होते. तसेच मालिकेतील छोट्या परीने अर्थात मायरा वैकुळने अल्पावधीतचं प्रेक्षकांचं मन जिंकून घेतलं आहे. मायराने या मालिकेच्या मध्यमातून वयाच्या चौथ्या वर्षी मालिकाविश्वात पदार्पण केलं आहे. सोशल मीडियावर तिचा मोठा चाहतावर्ग आहे.
'माझी तुझी रेशीमगाठ 2'बद्दल दिप्ती तळपदे म्हणाली... (Dipti Talpade On Mazhi Tuzhi Reshimgath 2)
'माझी तुझी रेशीमगाठ' या मालिकेत मुख्य भूमिकेत असणाऱ्या श्रेयस तळपदेने नुकतचं 'पोस्टर बॉईज 3' या सिनेमाचं पोस्टर आऊट केलं आहे. पोस्टर आऊटच्या कार्यक्रमादरम्यान श्रेयसची पत्नी दिप्तीदेखील या कार्यक्रमाला उपस्थित होती. दरम्यान तिला 'माझी तुझी रेशीमगाठ 2'बद्दल प्रश्न विचारण्यात आला. ती म्हणाली,"माझी तुझी रेशीमगाठ 2' पाहायला मलादेखील नक्कीच आवडेल. मालिकेच्या नव्या भागाबद्दल निर्मात्यांना विचारायला हवं".
दिप्ती पुढे म्हणाली,"प्रार्थना आणि श्रेयस या दोघांची जोडी या मालिकेत खूप छान दिसली आहे. फक्त ती दोघेच नाही तर या मालिकेतील सगळ्याच कलाकारांनी खूप छान काम केलं आहे. या सगळ्या कलाकारांची भट्टी खूप छान जमली होती. त्यामुळे ‘माझी तुझी रेशीमगाठ २’ सुरू झाली तर मला नक्कीच ती पहायला आवडेल".
संबंधित बातम्या