Marathi Serial Updates Satvya Mulichi Satavi Mulgi : सस्पेन्स, थ्रिलर असलेली ‘सातव्या मुलीची सातवी मुलगी’ (Satvya Mulichi Satvi Mulgi) ही 'झी मराठी' वाहिनीवरील (Zee Marathi Channel) मालिका सध्या रंजक वळणावर आली आहे. नेत्राच्या हल्ल्यानंतरही विरोचक जिवंत असल्याने राजाध्यक्ष कुटुंबातील सदस्यांमध्ये खळबळ उडाली आहे. आता, विरोचकाला नवी शक्ती मिळणार असून राजाध्यक्ष कुटुंबावर नवं संकट ओढावण्याची शक्यता आहे. विरोचक आपल्या नव्या शक्तीतून अद्वैतला लक्ष्य करणार का, हे पाहणे उत्सुकतेचे असणार आहे.
‘सातव्या मुलीची सातवी मुलगी’ या मालिकेने नुकतेच 500 भाग पूर्ण केले. या मालिकेत मागील काही एपिसोडपासून ट्वीस्ट येत असल्याने प्रेक्षकांची उत्सुकता वाढली आहे. मालिकेत रोज नवीन ट्विस्ट आणि रहस्य उलगडताना दिसत आहेत. या आठवड्यात नेत्राने अस्तिकाचा वध केला. आस्तिकाचा वध झाल्याने विरोचक रुपाली बिथरते आणि ती अद्वैतवर हल्ला करते. मात्र, त्याच वेळेस नेत्रा संतापून चाकूने रुपालीच्या गळ्यावर वार करते. रुपालीपासून आता अखेर सुटका झाली असल्याचे वाटत असताना ती पु्न्हा जिवंत होते. रुपाली जिवंत झाल्याने नेत्रासह सगळ्यांना धक्का बसतो. तर, रुपाली विरोचक अमर असल्याचे सांगत त्यांच्या भितीत भर घालते.
विरोचकाला मिळणार नवी शक्ती...
नेत्राने जीवे मारल्यानंतर पुन्हा जिवंत झालेल्या रुपालीला प्रचंड अस्वस्थ वाटत असते. हे सगळे त्रिनयना देवी करते की काय असे तिला वाटते. रुपालीला दक्षिण दिशेकडे जाण्याचे संकेत मिळतात. एका वाद्याच्या आवाजाने रुपालीला भंडावून सोडले आहे. त्या वाटेवर जात असतानाच रुपालीच्या हाती विरोचकाकडून एका वाद्याची खूण मिळते जे वाद्य ‘विचित्र वीणा’ आहे. या विचित्र वीणाच्या सूर्योदयापासून सूर्यास्तापर्यंत रुपाली वादन करताना तिच्या हातातून खूप रक्त येते. मात्र, तिच्या रक्ताने आणि ह्या वादनातून रुपालीला नवी शक्ती प्राप्त झाली. आता प्राप्त झालेली नवी शक्ती काय? या नव्या शक्तीने राजाध्यक्ष कुटुंबावर कोणतं नवीन संकट ओढवणार? काय असेल विरोचकाची नवी चाल? हे सगळं आगामी एपिसोडमध्ये दिसणार आहे.