Majhi Tujhi Reshimgath : 'माझी तुझी रेशीमगाठ' (Majhi Tujhi Reshimgath) ही मालिका सध्या लोकप्रियतेच्या शिखरावर आहे. मालिकेतील यश आणि नेहाच्या जोडीला प्रेक्षकांची चांगलीच पसंती मिळत आहे. सध्या मालिकेत एक नवा ट्विस्ट आला आहे. नेहा ऑफिसच्या कामामुळे अचानक लंडनला जावे लागले आहे. त्यामुळे परीची सगळी जबाबदारी यशकडे आली आहे. दरम्यान परीमुळे यशच्या आयुष्यात मोठी घडामोड होणार आहे.
नेहा लंडनला गेल्यामुळे परी आणि नेहाची ताटातुट होईल,असे म्हटले जात होते. पण परीमुळे यशची परदेशी कंपनीसोबतची एक महत्त्वाची डिल क्रॅक झाली आहे. त्यामुळे मालिकेच्या आगामी भागात यश परीचे कौतुक करताना दिसणार आहे. तसेच परदेशी क्लाईंटसमोर यश परीची त्याची मुलगी अशी ओळख करताना दिसणार आहे.
मालिकेत परीने यशचा बाबा म्हणून स्वीकार केला आहे. तसेच आता नेहा लंडनला गेल्याने यश आणि परीचं बाप-लेकीचं नातं अधिक घट्ट होणार आहे. परी पॅलेसवर आल्यामुळे पॅलेसवरील सर्वच खूप आनंदी झाले आहेत. घरातील मंडळी एकमेकांसोबत वेळ घालवत आहेत. मालिकेत नेहा लंडनला गेली असली तरी पॅलेसवरील सर्वच मंडळी परीची काळजी घेत आहेत. मालिकेच्या आगामी भागात परी आणि यशच्या कुटुंबाचं बॉन्डिंग झालेलं दिसून येणार आहे.
प्रार्थना लंडनला गेली असली तरी नेहा मालिकेत दिसणार
मालिकेत नेहाची भूमिका साकारणारी प्रार्थना बेहेरे सध्या तिच्या नवऱ्यासोबत लंडनला गेली आहे. त्यामुळे नेहा मालिकेत दिसणार नाही, अशी म्हटले जात होते. पण प्रार्थना जरी लंडनला गेली असली तरी नेहा मालिकेत दिसणार आहे. मालिकेत नेहा लंडनला गेलेली दाखवली असल्याने नेहा व्हिडीओ कॉलच्या माध्यमातून परीसोबत संवाद साधताना दिसणार आहे.
श्रेयस तळपदे (Shreyas Talpade) आणि प्रार्थना बेहरे (Prarthana Behere) 'माझी तुझी रेशीमगाठ' या मालिकेत मुख्य भूमिकेत आहेत. तसेच या मालिकेचे मुख्य आकर्षण म्हणजे नेहाची गोड मुलगी अर्थात परी. परीची भूमिका साकारणारी मायरा वायकुळने (Mayra Vaikul) आपल्या निरागस अभिनयाने प्रेक्षकांच्या मनावर राज्य केले आहे.
संबंधित बातम्या