Madhavi Nimkar: सुख म्हणजे नक्की काय असतं (Sukh Mhanje Nakki Kay Asta) या छोट्या पडद्यावरील मालिकेला प्रेक्षकांची नेहमी पसंती मिळते. या मालिकेतील शालिनी ही भूमिका अभिनेत्री माधवी निमकर (Madhavi Nimkar) ही साकारते. नुकताच माधवी निमकरनं एक खास व्हिडीओ सोशल मीडियावर शेअर केला आहे. या व्हिडीओमध्ये माधवी ही सुख म्हणजे नक्की काय असतं या मालिकेच्या सेटवर काही अॅक्शन सीन्स शूट करताना दिसत आहेत. माधवीनं शेअर केलेल्या या व्हिडीओला कमेंट करुन अनेकांनी तिचं कौतुक केलं आहे.
माधवीनं शेअर केलेल्या व्हिडीओमध्ये ती फाईटिंग सीनचं शूटिंग करताना दिसत आहे. या व्हिडीओला माधवीनं कॅप्शन दिलं, "कठोर परिश्रम करुन मी कठोर परिश्रमाचे मूल्य जाणून घेत आहे." माधवीनं शेअर केलेल्या या व्हिडीओवर नेटकऱ्यांनी लाइक्स आणि कमेंट्सचा वर्षाव केला आहे.
एका नेटकऱ्यांच्या कमेंट्स
एका नेटकऱ्यानं कमेंट केली, "शालिनी खऱ्या अर्थाने हुशार, स्मार्ट दाखवली आहे. तिला सगल्यातल ज्ञान आहे. ती बिझनेस, घर उत्तम सांभाळू शकते. फक्त तिचं पात्र निगेटिव्ह दाखवल्यामुळे हे गुण त्या नकारात्मक हुशारीतून दिसतात. आता तिचा पॉझिटिव्ह रोल पहायला आवडेल. तर सीरियल ला रंगत येईल." दुसऱ्या युझरनं शलिनीनं शेअर कलेल्या व्हिडीओला कमेंट केली, "काय तो आत्मविश्वास,काय तो राग,काय ती एनर्जी ,काय ती लाथ, ओकेच्या ओकेमध्ये हाय सगळ"
पाहा व्हिडीओ:
माधवी ही तिच्या फिटनेसकडे विशेष लक्ष देते. माधवी ही वर्क आऊट करतानाचे फोटो आणि व्हिडीओ सोशल मीडियावर शेअर करते.सुख म्हणजे नक्की काय असतं या मालिकेमुळे माधवीला विशेष लोकप्रियता मिळाली. माधवीबरोबरच सुख म्हणजे नक्की काय असतं या मालिकेमध्ये गिरिजा प्रभू, मंदार जाधव आणि वर्षा उसगावकर हे कलाकार देखील प्रमुख भूमिका साकारतात.सुख म्हणजे नक्की काय असतं या मालिकेच्या आगामी एपिसोडची प्रेक्षक उत्सुकतेने वाट बघतात.
महत्त्वाच्या इतर बातम्या :