Khupte Tithe Gupte : गायक आणि संगीतकार अवधूत गुप्तेचा (Avadhoot Gupte) ‘खुपते तिथे गुप्ते’ (Khupte Tithe Gupte) हा कार्यक्रम प्रेक्षकांच्या भेटीस येत आहे. या कार्यक्रमाच्या पहिल्या एपिसोडमध्ये मनसे अध्यक्ष राज ठाकरे (Raj Thackeray) यांनी हजेली लावली. आता या कार्यक्रमाच्या दुसऱ्या एपिसोडमध्ये अभिनेता श्रेयस तळपदे (Shreyas Talpade) हजेरी लावणार आहे. श्रेयस हा विविध किस्से या कार्यक्रमामध्ये सांगणार आहे. नुकताच खुपते तिथे गुप्ते या कार्यक्रमाचा एक प्रोमो सोशल मीडियावर व्हायरल झाला आहे. या प्रोमोमध्ये दिसत आहे की, श्रेयसनं त्याची एका ऑडिशनदरम्यानची आठवण सांगितली.
खुपते तिथे गुप्ते या कार्यक्रमाच्या प्रोमोमध्ये दिसत आहे की श्रेयस म्हणतो, 'मला एका सीरिअलच्या ऑडिशनसाठी बोलावलं होतं. तेव्हा मी बोलायला सुरुवात करणार तितक्यात कॅमेरामन म्हणाला, थांब. प्रॉब्लेम झाला आहे. अर्धा तास गेला तरी कॅमेरा काही केल्या सुरु होत नव्हता. तेव्हा तो कॅमेरामन मला म्हणाला 'पनौती है ये' मला तेव्हा वाटलं असेन मी कादाचित पनौती कारण तेव्हा कामच नव्हतं.'
पाहा प्रोमो:
'खुपते तिथे गुप्ते' या कार्यक्रमात कला, राजकारण अशा विविध क्षेत्रातील लोक हजेरी लावणार आहेत. आता खुपते तिथे गुप्ते या कार्यक्रमामध्ये श्रेयस अजून कोणकोणते किस्से सांगणार? हे जाणून घेण्यासाठी प्रेक्षक उत्सुक आहेत. 'खुपते तिथे गुप्ते' या कार्यक्रमात मुख्यमंत्री एकनाथ शिंदे (Eknath Shinde) देखील लवकरच हजेरी लावणार आहेत, असंही म्हटलं जात आहे. काही दिवसांपूर्वी 'खुपते तिथे गुप्ते' या कार्यक्रमाचा एक प्रोमो सोशल मीडियावर शेअर करण्यात आला होता. या प्रोमोमध्ये दिसत आहे की, मुख्यमंत्री एकनाथ शिंदे म्हणतात, 'खुपते तिथे गुप्ते' कार्यक्रमातील प्रश्नांना खूप धार आहे, पण मी पण तयार आहे.'
श्रेयसचे चित्रपट
श्रेयस हा मालिका आणि चित्रपटांमधून प्रेक्षकांच्या भेटीस येतो. इक्बाल, पोस्टर बॉईज, गोलमाल 3, ओम शांती ओम यांसारख्या हिट चित्रपटांमध्ये काम केलं. तसेच त्यानं 'माझी तुझी रेशीमगाठ' या मालिकेमध्ये प्रमुख भूमिका साकारली. या मालिकेमधील त्याच्या अभिनयाला प्रेक्षकांची पसंती मिळाली. श्रेयसच्या आगामी चित्रपटांची प्रेक्षक उत्सुकतेने वाट बघत आहेत.
वाचा इतर महत्त्वाच्या बातम्या :