Chala Hawa Yeu Dya: दुनियादारी (Duniyadari) या मराठी चित्रपटानं प्रेक्षकांची पसंती मिळवली होती. या चित्रपटामधील गाणी, डायलॉग्स आणि कलाकरांच्या अभिनयाला प्रेक्षकांची पसंती मिळाली. दुनियादारी हा चित्रपट 19 जुलै 2013 रोजी रिलीज झाला. या चित्रपटाला रिलीज होऊन 10 वर्ष होत आहेत. त्या निमित्तानं या चित्रपटाच्या टीमनं 'चला हवा येऊ द्या' (Chala Hawa Yeu Dya) या कार्यक्रमामध्ये हजेरी लावली. यावेळी दुनियादारी या चित्रपटाचे किस्से या चित्रपटामधील कलाकारांनी सांगितले आहेत.
'चला हवा येऊ द्या' या कार्यक्रमाचा एक प्रोमो सोशल मीडियावर व्हायरल झाला आहे. या प्रोमोमध्ये दिसत आहे की, दुनियादारी चित्रपटातील अभिनेत्री सई ताम्हणकर, आभिनेता अंकुश चौधरी आणि स्वप्निल जोशी तसेच चित्रपटाचा दिग्दर्शक संजय जाधव हे दुनियादारी चित्रपटाचे किस्से सांगत आहेत. प्रोमोमध्ये दिसत आहे की, संजय जाधव म्हणतो, 'जेव्हा शो हाऊसफुल होत आहेत हे आम्हाला कळालं तेव्हा मी खूप रडलो.' पुढे स्वप्निल जोशीनं सांगितलं, 'आम्हाला एका थिएटर मालकाचा फोन आला. तो म्हणाला, माझ्याकडे बायकोला द्यायाला पण तिकीट नाहीये.'
दुनियादारी या चित्रपटासाठी 'चला हवा येऊ द्या' या कार्यक्रमामधील कलाकार एक स्पेशल स्किट सादर करणार आहे.
'चला हवा येऊ द्या' (Chala Hawa Yeu Dya) या शोमधील कलाकार प्रेक्षकांना खळखळून हसवतात. भाऊ कदम (Bhalchandra Kadam ), निलेश साबळे ( Nilesh Sable), श्रेया बुगडे (Shreya Bugade), कुशल बद्रिके (Kushal Badrike) हे कलाकार 'चला हवा येऊ द्या' या कार्यक्रमामध्ये विविध स्किट सादर करत असतात. आता 'चला हवा येऊ द्या' या कार्यक्रमात दुनियादारी या चित्रपटामधील कलाकार कोणते किस्से सांगणार? याकडे प्रेक्षकांचे लक्ष लागले आहे.
दुनियादारीची स्टार कास्ट
अंकुश चौधरी,स्वप्नील जोशी,जितेंद्र जोशी,संदीप कुलकर्णी,उदय टिकेकर ,सुशांत शेलार,सई ताम्हणकर आणि ऊर्मिला कानेटकर या कलाकारांनी दुनियादारी या चित्रपटामध्ये प्रमुख भूमिका साकारली आहे.
वाचा इतर महत्वाच्या बातम्या:
Duniyadari: 'दुनियादारीमधील शिरीनचा रोल माझा होता, पण...'; या अभिनेत्रीनं केला गौप्यस्फोट