Chala Hawa Yeu Dya:  'चला हवा येऊ द्या' (Chala Hawa Yeu Dya)  या छोट्या पडद्यावरील कार्यक्रमाला प्रेक्षकांची पसंती मिळते. या कार्यक्रमामध्ये विविध कलाकार आपल्या विनोदी शैलीनं प्रेक्षकांची मनं जिंकतात. या कार्यक्रमात विविध सेलिब्रिटी देखील हजेरी लावतात. काही दिवसांपूर्वी या कार्यक्रमात बच्चे कंपनीची एन्ट्री झाली आहे. या बच्चे कंपनीचा कॉमेडी अंदाज प्रेक्षकांना आवडत आहे. 


'चला हवा येऊ द्या' या शोच्या मंचावर गेल्या काही दिवसांपासून बच्चे कंपनी विविध स्किट सादर करुन प्रेक्षकांचे मनोरंजन करत आहेत. 'चला हवा येऊ द्या' या शोचा एक प्रोमो सध्या सोशल मीडियावर व्हायरल होत आहे. या प्रोमोमध्ये दिसत आहे की, निलेश साबळे आणि श्रेया बुगडे हे दोघे या बच्चे कंपनीचं स्किट पाहून खळखळून हसत आहेत. 'चला हवा येऊ द्या' या कार्यक्रमाच्या या प्रोमोनं अनेकांचे लक्ष वेधले आहे. 


'चला हवा येऊ द्या' (Chala Hawa Yeu Dya) या कार्यक्रमात बच्चे कंपनीचे कॉमेडी प्रेक्षकांना सोमवार ते मंगळवार रात्री 9.30 वाजता बघता येणार आहे. 


पाहा प्रोमो: 










'चला हवा येऊ द्या'मधील कलाकार


'चला हवा येऊ द्या' (Chala Hawa Yeu Dya) या शोमधील कलाकार प्रेक्षकांना खळखळून हसवतात. भाऊ कदम (Bhalchandra Kadam ), निलेश साबळे ( Nilesh Sable), श्रेया बुगडे (Shreya Bugade), कुशल बद्रिके (Kushal Badrike) हे कलाकार 'चला हवा येऊ द्या'  या कार्यक्रमामध्ये विविध स्किट सादर करत असतात. निलेश साबळे हा या कार्यक्रमाचं सूत्रसंचालन करतो. या कार्यक्रमामध्ये वेगवेगळ्या मालिकांची तसेच चित्रपटाची टीम प्रमोशनसाठी येत असते. आता 'चला हवा येऊ द्या' या शोमध्ये बच्चे कंपनीला पाहण्यासाठी प्रेक्षक उत्सुक आहेत. या कार्यक्रमाच्या आगामी एपिसोडची प्रेक्षक उत्सुकतेने वाट बघत असतात. 


इतर महत्वाच्या बातम्या:


Chala Hawa Yeu Dya: ''चला हवा येऊ द्या' च्या मंचावर बच्चे कंपनीची धम्माल कॉमेडी; प्रोमो पाहून खळखळून हसाल