Bigg Boss Marathi Latest Episode : बिग बॉस मराठीच्या घरात पहिल्या दिवसापासून आतापर्यंत वेगवेगळी समीकरण पाहायला मिळाली. पहिल्या आठवड्यात बिग बॉसच्या घरात दोन टीम पडल्या होत्या. ज्यामध्ये निक्की आणि जान्हवी एकमेकींच्या जिगरी याप बनल्या होत्या. आता त्याच दोघी एकमेंकींच्या विरोधात उभं राहिल्याचं दिसत आहे. निक्की आणि अरबाजमध्येही वाद झाला होता, पण आता त्यांची पुन्हा मैत्री झाल्याचं दिसतंय.
निक्कीने संग्रामसमोर पुढे केलाय मैत्रीचा हात, अरबाजचं काय?
बिग बॉस मराठीच्या (Bigg Boss Marathi) घरात आतापर्यंत अनेक समीकरणं बदलली आहेत. आता वाइल्ड कार्ड सदस्याच्या एन्ट्रीनंतर पुन्हा एकदा समीकरण बदलण्याची शक्यता आहे. बिग बॉसच्या घरात वाईल्ड कार्ड सदस्य संग्राम चौगुलेची एन्ट्री झाली. पहिल्याच दिवशी संग्रामने अरबाज आणि निक्कीशी पंगा घेतला. यानंतर निक्की-अरबाजची संग्रामसोबत बाचाबाची झाली. पण, आता निक्कीला संग्राममध्ये मैत्रीची झलक दिसत आहे.
संग्राममध्ये निक्कीला दिसतेय मैत्रीची झलक
निक्की-संग्रामची मैत्री होणार?
अरबाजच्या पाठीमागे निक्की संग्रामसोबत गप्पा मारत असल्याचं समोर आलं आहे. कॅप्टन्सी टास्कमध्येही निक्कीने संग्रामला बाय दिला. निक्की संग्रामला म्हणाली की, 'तुमच्याकडून मला फ्रेंडली वाईब दिली. जर तुम्ही मला फ्रेंडली वाईब देताय, तर मी उगाच तुमच्या वाकड्यात का जाऊ, ते ही फक्त अरबाजमुळे?'
आता निक्की आणि संग्रामच्या मैत्रीचं समीकरण जुळणार का, याकडे सर्वांचं लक्ष लागलं आहे. याशिवाय या दोघांची मैत्री झाली तर, अरबाज आणि टीम बीचं काय होणार, हे पाहावं लागणार आहे.
बिग बॉसच्या घरात समीकरणं बदलायला वेळ लागत नाही
महत्त्वाच्या इतर बातम्या :