(Source: ECI/ABP News/ABP Majha)
Bigg Boss Marathi : "तिच्या आयुष्यात खूश आहे माझं पिल्लू"; सूरजने सांगितली गुलिगत धोका मिळालेली अधुरी प्रेम कहाणी
Suraj Chavan Love Story : रिल स्टार सूरज चव्हाण याने त्याची अधुरी प्रेम कहाणी सांगितली आहे, त्याचं मुलीने धोका दिल्याने सूरज पुढे गुलिगत स्टार झाल्याचंही त्यानं सांगितलं.
Bigg Boss Marathi 5 Suraj Chavan : बिग बॉस मराठीच्या घरातील यंदाच्या सीझनमधील सर्वात चर्चित आणि बिग बॉस प्रेमींचा लाडका स्पर्धक म्हणजे सूरज चव्हाण. गुलीगत धोका फेम टिक टॉक आणि रिल स्टार सूरज चव्हाण यंदा बिग बॉसच्या घरात स्पर्धक म्हणून सामील झाला असून त्याला महाराष्ट्रातील जनतेचा चांगला प्रतिसाद पाहायला मिळत आहे. सूरज चव्हाणचा खेळ प्रेक्षकांच्या पसंतीस उतरताना दिसत आहे.
सूरज चव्हाणची अधुरी प्रेम कहाणी
बिग बॉस मराठीच्या पुढील भागात सूरजच्या प्रेमाबद्दल चर्चा पाहायला मिळेल. निक्की सूरजला विचारते, प्रेमात धोका मिळाला? यावर सूरज मान हलवून होकार देतो. त्यावर निक्की म्हणते, बाई... कधी? त्यानंतर सूरज सांगतो, भेटला. निक्की पुढे विचारते, तु प्रेम केलं होतं? तिला बुक्कीत टेंगुळ तर नाही दिलं आहे? पुढे सूरज सांगतो, "माझ्या बरोबर चांगली राहायची बोलायची चालायची, पण तिला दुसरा चांगला मुलगा आवडला, गोरा पान, लगेच गेली मला सोडून. गोलीगत धोका दिलाच ना मला? मला लय राग आला मग.. मी म्हणलं स्वत:चं काय तरी बनणार... मग, असला मोठा स्टार बनलो ना, लोकांच्या मनावर राज्य केलं गोलीगत, झापुक-झुपुक गाणी वाजत्यात आपली."
"तिच्या आयुष्यात खूश आहे माझं पिल्लू"
निक्कीनंतर विचारते तिला कधी पाहिलं का नंतर, यावर सूरज उत्तर देत सांगतो, आता नाही. यानंतर निक्की आणि घनश्या:म त्याला मुलीचं नाव विचारतात, पण सूरज नाव सांगणं टाळतो. यावेळी सूरज म्हणतो, "चांगलं चाललंय बिचारीचं, चांगलं होऊ दे. उलट भारी वाटतंय बाबा, खूश आहे ती तिच्या आयुष्यात माझं पिल्लू."
View this post on Instagram
'या' आठवड्यात 'हे' सदस्य झालेत नॉमिनेट
'बिग बॉस मराठी'च्या तिसऱ्या आठवड्यात सूरज चव्हाण, योगिता चव्हाण, निखिल दामले आणि अभिजीत सावंत हे सदस्य नॉमिनेट झाले आहेत. आता या चौघांपैकी या आठवड्यात कोण 'बिग बॉस मराठी'च्या घराबाहेर जाणार हे पाहावे लागेल.
View this post on Instagram
महत्त्वाच्या इतर बातम्या :
Bigg Boss Marathi 5 : निक्की आणि अरबाजमध्ये उडतायत खटके, पण नेमकं कारण कोण? मित्रचं ठरणार वैरी?
महत्त्वाच्या बातम्या
ट्रेंडिंग न्यूज
