Bigg Boss Marathi New Season Day 12 : 'बिग बॉस मराठी'च्या (Bigg Boss Marathi) घरात छोटा पुढारी घन:श्याम दरोडेसोबत घरातील सदस्य कसेही वागत असले तरी तो त्यांच्याशी प्रेमानेच वागताना दिसत आहे. बिग बॉस मराठीचा यंदाचा सीझनचा कल्ला प्रेक्षकांच्या पसंतीस उतरताना दिसत आहे. त्यातच यंदाचे स्पर्धकही एकापेक्षा एक आहेत. सभा गाजवणारा, व्यासपीठावरुन भल्याभल्यांना घाम फोडणाऱ्या छोट्या पुढारीची म्हणजेच घन:श्याम दरोडेची 'बिग बॉस मराठी'च्या घरात एन्ट्री झाली आणि पहिल्या दिवसापासून त्याने प्रेक्षकांची मने जिंकली आहेत.
ताई, बाई अन् छोटा पुढारी
आपली मतं रोखठोक मांडणारा, मोठमोठ्या नेत्यांना चॅलेंज देणाऱ्या पुढारीचे व्हिडीओ कायमच व्हायरल होतात. आता तो बिग बॉसच्या घरातील सदस्यांच्या मनातही घर करताना दिसत आहे. 'बिग बॉस मराठी'चा नवा प्रोमो समोर आला आहे. या प्रोमोमध्ये घन:श्याम इरिनाला म्हणतोय, "तू माझ्याशी कसंही वाग...पण मी तुझ्यासोबत प्रेमानेच वागणार". छोटा पुढारी जान्हवी ताई, निक्की बाई आणि इरिनासोबत बोलताना या व्हिडीओमध्ये दिसत आहे. या प्रोमोवर नेटकऱ्यांनी कमेंट करत प्रतिक्रिया मांडल्या आहेत.
घनश्याम सगळ्यांशी प्रेमानेच वागणार
बिग बॉस मराठीचा सध्या दुसरा आठवडा सुरु आहे. बिग बॉसच्या घरात आज बाराव्या दिवशी इंटरटेंमेंटचा तडका पाहायला मिळणार आहे. आज बीबी हाऊसमध्ये टीव्ही टास्क पार पडणार आहे. बिग बॉस टीव्ही चॅनलवर घरातील सदस्य धमाकेदार परफॉर्मन्स सादर करताना दिसत आहेत. घन:श्याम सर्व परफॉर्मन्सचं परिक्षण करताना दिसणार आहे. त्यामुळे आजचा भाग खूपच रंजक असणार आहे.
नवा प्रोमो पाहिला का?
या सदस्यांवर नॉमिनेशनची तलवार
बिग बॉसच्या घरात नुकतच दुसरं नॉमिनेशन कार्य पार पडलं आहे. या आठवड्यात घरातून बाहेर होण्यासाठी नॉमिनेट झालेल्या सदस्यांमध्ये निक्की तांबोळी, घनश्याम दरोडे, योगित चव्हाण, पंढरीनाथ कांबळे, सूरज चव्हाण आणि निखिल दामले हे सदस्य नॉमिनेट झाले आहेत.
इतर महत्त्वाच्या बातम्या :