Bigg Boss 16 : छोट्या पडद्यावरचा बहुचर्चित आणि वादग्रस्त रिअॅलिटी शो ‘बिग बॉस’ (Bigg Boss 16) नवीन सीझन सुरू होताच प्रेक्षकांना मनोरंजनाची मेजवानी मिळत आहे. ‘बिग बॉस 16’ हा शो सुरू होऊन आता एक आठवडा उलटून गेला आहे. मात्र, दुसऱ्या आठवड्याच्या सुरुवातीपासूनच बिग बॉसच्या घरात चांगलाच गोंधळ उडालेला पाहायला मिळाला. सोमवारी प्रसारित झालेल्या एपिसोडमध्ये अर्चना आणि शालीन यांच्यात जेवणावरून झालेल्या वादापासून ते निमरितकडून कर्णधारपद हिसकावण्यापर्यंत असे अनेक जोरदार धमाके पाहायला मिळाले.


दुसऱ्या आठवड्याच्या पहिल्या एपिसोडच्या सुरुवातीला अर्चना आणि शालीनमध्ये चिकनवरून खूप वाद झाला होता. एकीकडे शालीन आपल्या वैद्यकीय स्थितीचा हवाला देत ‘चिकन’वर आपला हक्क सांगताना दिसला होता, तर अर्चनानेही त्याला संपूर्ण चिकन देण्यास थेट नकार दिला. दोघांमधील वाद इतका वाढला होता की, शालीनने अर्चनाला उद्देशून काही अपशब्द देखील काढले. यानंतर अर्चनाने रागाच्या भरात शालीनला शिवीगाळ केली होती. मात्र, घरातील इतर स्पर्धकांनी या वादात उडी घेत दोघांमधील वाद मिटवण्याचा यशस्वी प्रयत्न केला.


.. म्हणून निमरित कौर अहलुवालियाची कॅप्टन पदावरून हकालपट्टी!


घरातील वातावरण पाहून बिग बॉसने सर्व सदस्यांसाठी वेकअप अलार्म वाजवला. इतकंच नाही तर, त्यांनी स्पर्धाकांना त्यांच्या वागणुकीबद्दल खडसावले. ‘बिग बॉस’ने घरात झालेल्या गोंधळ आणि अराजकतेवरून सर्वांना चांगलेच खडे बोल सुनावले. यासोबतच बिग बॉसने वारंवार घरातील नियमांचे उल्लंघन झाल्यामुळे निमरित कौर अहलुवालियाकडून घराची कॅप्टन्सीही हिसकावून घेतली. निमरितला कॅप्टन पदावरून बाद केल्यानंतर घराचा नवा कॅप्टन होण्यासाठी शिव आणि गौतममध्ये टास्कही आयोजित करण्यात आला होता.



‘हा’ स्पर्धक ठरला नवा कॅप्टन


कॅप्टन बनण्याच्या टास्कचा एक भाग म्हणून शिव आणि गौतम डोक्यावर टब घेऊन उभे राहिले. त्याचवेळी कुटुंबातील सदस्य त्या टबचा भार वाढवण्याचा प्रयत्न करताना दिसत होते. यादरम्यान घरातील सदस्यांमध्ये पुन्हा एकदा जोरदार भांडण झाले. तर, टास्कदरम्यान शालीनने पुन्हा अर्चनाला धक्काबुक्की केल्यामुळे घरात बराच वाद झाला. त्यानंतर मात्र बिग बॉसने याप्रकरणी कठोर पाऊल उचलले आणि शालीनला शिक्षा सुनावली. तर, कॅप्टनसीसाठी टास्कमध्ये फसवणूक केल्याबद्दल शिव या शर्यतीत अपात्र ठरला, त्यानंतर गौतमला घराचा नवीन ‘कॅप्टन’ म्हणून निवडण्यात आले. त्यामुळे आता घराच्या नेतृत्वाची धुरा आता गौतमच्या हातात देण्यात आली आहे.


वाचा इतर महत्त्वाच्या बातम्या: 


Bigg Boss 16 : सलमान खानने घरातील स्पर्धकांना दिली पार्टी; मान्या-श्रीजितामध्ये जोरदार भांडण