Tejashree Pradhan: घटस्फोटाला 11 वर्ष, सिंगल असलेली तेजश्री प्रधान पुन्हा लग्न करण्यासाठी तयार; आयुष्यात सेटल होण्याबाबत म्हणाली...
लग्न आणि प्रेमाबद्दल तेजश्रीने केलेल्या विधानानंतर चाहते तेजश्रीच्या आयुष्यात कोण येणार याची वाट पाहत आहेत.
Tejashree Pradhan On Marriage: अभिनेत्री तेजश्री प्रधान (Tejashree Pradhan) हा छोट्या पडद्यावरील अत्यंत लोकप्रिय चेहरा आहे. तेजश्री कायमच तिच्या अभिनयाने प्रेक्षकांची पसंती मिळवते. 'होणार सुन मी या घरची', अगबाई सासूबाई, प्रेमाची गोष्ट आणि आता 'वीण दोघातली तुटेना' या मालिकांमधून ती प्रेक्षकांचे मनोरंजन करतेय. सध्या झी मराठीवरील 'वीण दोघांतली तुटेना ' या मालिकेत स्वानंदीची भूमिका साकारत आहे. मालिकांमधील तिच्या भूमिका जेवढा गाजल्या तेवढेच तिचं वैयक्तिक आयुष्य ही चर्चेत असतं. घटस्फोटाच्या 11 वर्षानंतर आता तेजश्री पुन्हा लग्न करण्यासाठी तयार असल्याचं तिने अलीकडेच दिलेल्या मुलाखतीत सांगितलं. 'सिने तडका'ला दिलेल्या मुलाखतीत लग्न करून सेटल व्हायला आवडेल का असा प्रश्न विचारल्यावर तिने या प्रश्नाचे उत्तर दिलं.
दुसऱ्या लग्नाबद्दल काय म्हणाली तेजश्री?
अभिनेत्री तेजश्री प्रधान सध्या झी मराठीवरील 'वीण दोघातही तुटेना' या मालिकेतून प्रेक्षकांचे मनोरंजन करत आहे. मालिकांमध्ये सोज्वळ आणि प्रसंगी खंबीर भूमिका साकारणाऱ्या तेजश्री च्या आयुष्यात अनेक चढ-उतार आले. अनेकदा ती मुलाखतींमध्ये आपल्या मनातल्या भावना मोकळेपणाने बोलताना दिसते. अभिनेता शशांक केतकर सोबत घटस्फोट झाल्यानंतर आता 11 वर्षांनंतर पुन्हा एकदा तेजश्री प्रधान लग्न करायला तयार आहे. सिने तडकाला दिलेल्या मुलाखतीत तिने याबद्दल खुलासा केला आहे. 'तुला असं वाटतं का की तू आता प्रेमात पडू शकतेस?' असा प्रश्न तेजश्रीला विचारण्यात आला. त्यावर लगेच तेजश्रीने 'नक्कीच ' असं उत्तर दिलं. तुला सेटल व्हायला आवडेल का असेही तिला विचारल्यानंतर तिने हसत 'का नाही ? नक्कीच.. ' असं उत्तर दिलं. शशांक केतकरसोबत घटस्फोट झाल्यानंतर तेजश्री दुसऱ्या लग्नाबद्दल विचार करत नव्हती.मात्र आता अकरा वर्षानंतर आपण पुन्हा प्रेमात पडायला तयार आहोत असं तिने सांगितलं. लग्न आणि प्रेमाबद्दल तेजश्री ने केलेल्या विधानानंतर चाहते तेजश्रीच्या आयुष्यात कोण येणार याची वाट पाहत आहेत.
तेजश्रीच्या आयुष्यात कोणी खास व्यक्ती आहे का?, हे तिने स्पष्टपणे सांगितलेलं नाही; पण प्रेमात पडायला आणि लग्न करून सेटल व्हायला ते तयार असल्याचं ती म्हणाली आहे. एकीकडे 'वीण दोघातही तुटेना' या मालिकेत स्वानंदी आणि समरच्या प्रेमाला बहर आला आहे. स्वानंदीची भूमिका साकारणारी तेजश्री प्रधान खऱ्या आयुष्यात सिंगल असली तरी तिने अलीकडेच दिलेल्या विधानामुळे ती चर्चा झाली आहे.
महत्त्वाच्या बातम्या
