South Cinema : साउथचे प्रसिद्ध दिग्दर्शक एस. एस. राजामौली यांची फिल्म ‘बाहुबली’ प्रेक्षक कधीही विसरणार नाहीत. आजही प्रभासचं नाव घेतलं की, लगेच बाहुबली या सिनेमाची आठवण येते. अलीकडेच या चित्रपटाच्या सेटवरील एक व्हिडीओ अनेक वर्षांनंतर समोर आला आहे, ज्यात प्रभासचा असा अवतार दिसतो आहे, जो आजवर चाहत्यांनी कधीच पाहिलेला नव्हता.
‘फ्रेंडशिप डे’च्या निमित्ताने म्हणजेच 3 ऑगस्ट 2025 रोजी ‘बाहुबली’ टीमनं एक बीटीएस (बिहाइंड द सीन) व्हिडीओ शेअर केला, ज्यामुळे सोशल मीडियावर एकच खळबळ उडाली. या व्हायरल व्हिडीओत सुपरस्टार प्रभास ‘एक निरंजन’ या चित्रपटाच्या टायटल गाण्यावर सेटवरच नाचताना दिसतो आहे. हा व्हिडीओ सध्या तुफान वायरल होत आहे.
व्हिडीओमध्ये प्रभास आपल्या बाहुबलीमधील शाही पोशाखात दिसतोय आणि तो पूर्ण जोशमध्ये गाण्यावर नाचत आहे, अगदी त्याचे हुक स्टेप्स करताना दिसतो. त्याचा उत्साही डान्स आणि चेहऱ्यावरील हावभाव हे सर्व प्रेक्षकांची मनं जिंकत आहेत. याच व्हिडीओमध्ये राणा डग्गुबाती आणि अनुष्का शेट्टीही त्याच्यासोबत आहेत. या खास क्षणात राणा डग्गुबाती देखील धमाल करताना दिसतो आणि दोघंही मिळून खूप मजा करत आहेत. थोड्याच वेळात देवसेना म्हणजेच अनुष्का शेट्टी देखील फ्रेममध्ये येते आणि स्मित हास्य करत प्रभासशी काही बोलते. त्यांच्या या संवादातली केमिस्ट्री पुन्हा एकदा चाहत्यांच्या मनावर राज्य करत आहे.
प्रभासचं जुनं गाणं, नव्या आठवणी
या समोर आलेल्या व्हिडीओसोबत एक मन जिंकणारं कॅप्शनही लिहिण्यात आलं होतं – "प्रत्येक दिवस सेटवर #FriendshipDayसारखा वाटायचा!" या एका ओळीवरूनच ‘बाहुबली’च्या टीममधील मैत्रीचं आणि आपुलकीचं नातं समजून येतं.
‘एक निरंजन’ हा चित्रपट 2009 मध्ये प्रदर्शित झाला होता ज्यात प्रभास आणि कंगना रनौत मुख्य भूमिकांमध्ये होते. या चित्रपटाचं दिग्दर्शन पुरी जगन्नाध यांनी केलं होतं. गाणं कितीही जुनं असलं, तरी प्रभासच्या एनर्जीने ते पुन्हा चाहत्यांच्या आठवणीत रुजवलं आहे.
हे लक्षात घेणं महत्त्वाचं आहे की, ‘बाहुबली’ सिरीज (2015 आणि 2017) ने भारतीय चित्रपटसृष्टीत बॉक्स ऑफिसचं गणितच बदलून टाकलं. एस. एस. राजामौली यांच्या दिग्दर्शनाखाली तयार झालेल्या या चित्रपटानं केवळ भारतातच नव्हे, तर जगभरात कोट्यवधी प्रेक्षकांची मनं जिंकली. भास (अमरेंद्र आणि महेंद्र बाहुबली), राणा डग्गुबाती (भल्लालदेव), अनुष्का शेट्टी (देवसेना), राम्या कृष्णन (शिवगामी) आणि सत्यराज (कटप्पा) हे सर्व पात्र आजही लोकांच्या स्मरणात घर करून आहेत.
इतर महत्त्वाच्या बातम्या