Sookshmadarshini malayalam mystery thriller film : ओटीटी प्लॅटफॉर्म आल्यानंतर कंटेंटची कमतरता राहिलेली नाही. एकाहून एक उत्कृष्ट सिनेमे ओटीटी प्लॅटफॉर्म्सवर उपलब्ध आहेत. केवळ बॉलिवूडचेच नव्हे, तर साऊथ इंडियन सिनेमांपासून ते परदेशी सिनेमांपर्यंत. आता तुम्हालाच ठरवायचं असतं की तुम्हाला नेमकं काय पाहायचं आहे. मात्र इतक्या सगळ्या पर्यायांमधून काय पाहावं हे ठरवणं हेही एक मोठं आव्हान ठरतं. त्यामुळेच तुमच्यासाठी एक दमदार सिनेमाची शिफारस करत आहोत. ज्यासाठी तुम्ही तुमचा मौल्यवान वेळ देऊ शकता.
आम्ही तुमच्यासाठी एक जबरदस्त मिस्ट्री-थ्रिलर सिनेमा घेऊन आलो आहोत, ज्यामध्ये सस्पेन्स भरपूर आहे. ही फारशी जुनी फिल्मही नाही. ही 2024 साली रिलीज झाली होती आणि बॉक्स ऑफिसवर तिला चांगला प्रतिसादही मिळाला होता.
या सिनेमाचं नाव आहे ‘सूक्ष्मदर्शिनी’, ही मूळ मलयाळम फिल्म आहे, जी एक परफेक्ट ब्लॅक कॉमेडी मिस्ट्री थ्रिलर आहे.
‘सूक्ष्मदर्शिनी’ या चित्रपटाचं दिग्दर्शन एम. सी. जितिन यांनी केलं आहे, तर मुख्य भूमिकेत आहेत मल्याळम सिनेमातील सुपरहिट अभिनेता बेसिल जोसेफ. तर मुख्य अभिनेत्रीच्या भूमिकेत आहेत नज़रिया नाज़िम फ़हाद.
हा चित्रपट 22 नोव्हेंबर 2024 रोजी सिनेमागृहांमध्ये प्रदर्शित झाला होता. या चित्रपटाने फक्त कथेमुळेच नाही तर कमाईच्या बाबतीतही जोरदार कामगिरी केली. 2 तास 23 मिनिटांच्या या चित्रपटासाठी सुमारे 14 कोटी रुपयांचा खर्च झाला होता, पण त्याने 56 कोटी रुपयांची कमाई करत 'हिट'चा दर्जा मिळवला.
या चित्रपटातील सगळ्यात ताकदीचा भाग म्हणजे त्याची कथा. सुरुवातीला वाटतं की सगळं स्पष्ट आहे, पण शेवटपर्यंत पोहोचता-पोहोचता कथा पूर्णपणे वळण घेते.
‘सूक्ष्मदर्शिनी’ ची कथा आहे प्रिया (नज़रिया नाज़िम फ़हाद) या स्त्रीभोवती, ज्यांच्या शेजारी मॅन्युअल (बेसिल जोसेफ) आपल्या आईसोबत नव्यानं राहायला आले आहेत. मॅन्युअलच्या आईला अल्झायमर आहे असं दाखवलं जातं. पण प्रिया आणि तिच्या मैत्रिणींना संशय वाटतो. एक दिवस असं कळतं की ती वृद्ध महिला घरातून गायब झाली आहे.
हे पाहून प्रियाच्या मनात शंका येते की हे सगळं मॅन्युअलचं कारस्थान असावं. आईच्या गायब होण्याचं कळल्यावर तिची मुलगी न्यूझीलंडहून परत येते. शेजाऱ्यांना मॅन्युअलवरच शंका जाते, पण तो अतिशय हुशारीने आपली प्रतिमा स्वच्छ दाखवतो. मग कथेत एक मोठं वळण येतं — बहिणीचा मृत्यू होतो! आणि त्या नंतरचा सगळ्यात मोठा सस्पेन्स म्हणजे खरा खून करणारा कोण आहे हे. जेव्हा तुम्ही चित्रपटाचा शेवट पाहता, तेव्हा तुमचा धक्का बसतो.
जर तुम्हाला हा चित्रपट पाहायचा असेल, तर तो जिओ स्टार या ओटीटी प्लॅटफॉर्मवर उपलब्ध आहे. तो हिंदीतही उपलब्ध आहे. चित्रपटाच्या कमजोर बाजूचा विचार केला तर सुरुवातीचा अर्धा तास थोडा संथ वाटू शकतो, पण दुसरा भाग जबरदस्त आहे. एकदा तरी हा चित्रपट पाहायलाच हवा.
इतर महत्त्वाच्या बातम्या
सोशल मीडियावर अजय देवगणचे ढीगभर डुप्लिकेट, काजोल प्रतिक्रिया देताना म्हणाली...