Sonarika Bhadouria on Salary Hike: मायशोलॉजिकल शो 'देवों के देव...महादेव' (Devon ke Dev Mahadev) या शोची प्रचंड क्रेझ होती. ही मालिका चाहते आवर्जून पाहत होते. या शोमध्ये भगवान शिव (Bhagwan Shiv) यांची भूमिका मोहित रैना यांनी साकारली होती. तर, माता पार्वती यांची भूमिका सोनारिका भदौरिया (Sonarika Bhadouria) हिने साकारली होती. नुकतंच सोनारिका भदौरिया हिने मुलाखतीत मोठा खुलासा केला. तिला या शोमधून काढून टाकण्यात आलं होतं. अभिनेत्रीने शोमधून काढून टाकण्यामागचं कारण सांगितलं. सोनारिका भदौरिया हिने सांगितलं की, तिने आपले मानधन वाढवून मागितले होते. या कारणामुळे तिला या मालिकेतून काढून टाकलं असल्याची माहिती समोर आली आहे.
Sonarika Bhadouria हिने सिरिअल मेकर्सची दुसरी बाजू दाखवली (Sonarika Bhadouria Reveals she was removed from devon ka dev Mahadev)
सध्या कलाकारांच्या मानधनवाढीवरुन होणारे वाद समोर येत आहेत. 'आमने सामने' या नाटकातील कलाकारांचा वाद चव्हाट्यावर आला होता. या वादावर अनेकांनी प्रतिक्रिया दिली. दरम्यान, आता सोनारिका भदौरिया हिला देखील मानधनवाढ या कारणावरुन काढून टाकण्यात आलं असल्याची माहिती आहे. अभिनेत्रीने याचा खुलासा केला. तिने मुलाखतीत सांगितलं की, मानधनवाढ या कारणामुळे तिला या शोमधून बाहेर काढण्यात आले. तसेच तिच्या जागी दुसर्‍या कलाकाराला या भूमिकेसाठी ऑफर देण्यात आली.
शोचं नाव न घेता, तसेच या शोमधील कलाकार आणि निर्मात्यांचे नाव न घेता सोनारिका भदौरिया म्हणाली की, 'जीआरपी सोडाच, या शोची टीआरपी इतकी चांगली होती की, चॅनलने संपूर्ण टिमसाठी पार्टी ठेवली होती. अशावेळी तुम्ही देखील मानधन वाढीचा विचार करता. जेव्हा मानधनवाढ करण्याचा विषय काढला. तेव्हा मेकर्सकडून विचारण्यात आलं की, कोणत्या आधारावर मानधनवाढ मागत आहे. अधिक मानधनाची मागणी केल्यामुळे मला शोमधून काढून टाकण्यात आलं. जेव्हा शोचा टीआरपी वाढायचा, तेव्हा माझे काही पुरुष सहकलाकार मेकर्सना शो सोडण्याची धमकी द्यायचे. त्यांचं मानधन तीन पटीनं वाढवण्यात आली. पण माझे एकदाही मानधन वाढवण्यात आले नाही', असं अभिनेत्री म्हणाली.
'तामिळ आणि तेलुगु फिल्म इंडस्ट्रीमध्येही मानधनवाढीवरुन कलाकारांमध्ये वाद सुरू आहे', असा खुलासा सोनारिका भदौरिया हिने केला.
महत्त्वाच्या इतर बातम्या: