सोनाली बेंद्रेच्या गाण्याचं पन्हाळ्यावर शूटिंग, पाऊस-थंडीने कुडकुडली, तळपायाला ब्रँडी घासण्याची वेळ!
Sonali Bendre shooting at Panhala : अभिनेत्री सोनाली बेंद्रे हिने एका मुलाखतीत पन्हाळ्यावर झालेल्या शूटिंगबाबत मोठा खुलासा केलाय.
Sonali Bendre shooting at Panhala : अभिनेता आमिर खान (Aamir Khan) आणि अभिनेत्री सोनाली बेंद्रे (Sonali Bendre ) यांचा Sarfarosh हा सिनेमा 1999 मध्ये प्रेक्षकांच्या भेटीला आला होता. आमिर खानच्या यशस्वी चित्रपटांमध्ये Sarfarosh या सिनेमाचं नाव घेतलं जातं. या सिनेमातील प्रत्येक पात्राचं एक खास नाव आहे. एसीपी राठोड, गुलफाम हसन, मिर्ची सेठ, इन्स्पेक्टर सलीम, बाला ठाकुर असे 'एकसे बढकर एक' कॅरेक्टर या चित्रपटात पाहायला मिळतात. हा चित्रपट पाकिस्तानकडून भारतात सुरु असलेल्या कुरापतींवर आहे. शिवाय भारतातील गुन्हेगारीविरोधात लढणाऱ्या एका पोलीस ऑफिसरची ही कहाणी आहे. (Sonali Bendre shooting at Panhala)
अभिनेता आमिर खानने एसीपी राठोडची भूमिका अगदी व्यवस्थितरित्या पार पाडलीये. मात्र, चित्रपटात आणखी एक महत्त्वाचा अँगल आहे. तो म्हणजे प्रेमाचा...एसीपी राठोडची कॉलेजपासूनची लव्ह स्टोरी या सिनेमात दाखवण्यात आली आहे. आमिर खानच्या प्रेयसीची भूमिका अभिनेत्री सोनाली बेंद्रे हिने निभावली आहे. कॉलेजपासूनचं दोघांचं प्रेम फुललेलं पाहायला मिळतं. दरम्यान, अभिनेत्री सोनाली बेंद्रे हिने नुकतीच एक मुलाखत दिली. तिने या मुलाखतीत Sarfarosh या सिनेमातील Jo Haal Dil Ka Idhar Ho Raha Hai या गाण्याबाबत मोठा खुलासा केलाय. सोनाली बेंद्रे काय काय म्हणाली? जाणून घेऊयात... (Sonali Bendre shooting at Panhala)
Sarfarosh सिनेमा गंभीर विषयावर होता, त्यात मी विनोदी होते
सोनाली बेंद्रे हिने Bollywood Bubble ला मुलाखत दिली. यावेळी तिच्या सिनेक्षेत्रातील करिअरमधील महत्त्वाचे फोटो दाखवण्यात आले आणि त्यावेळीच्या आठवणी काय आहेत? याबाबत विचारणा करण्यात आली. दरम्यान, यावेळी सोनालीला Sarfarosh सिनेमातील Jo Haal Dil Ka Idhar Ho Raha Hai या गाण्यातील फोटो दाखवण्यात आला होता. यावर बोलताना सोनाली बेंद्रे म्हणाली, या गाण्यामध्ये संपूर्णपणे डिझायनर जॉन मॅथ्यू मथान यांचं काम होतं, त्यांनी सगळं ठरवलं होतं. मी नेहमी जॉनला म्हणायचे की या चित्रपटात मी कॉमिक रिलिफ आहे. हा चित्रपट खूप गंभीर विषयावर होता आणि त्यात मी थोडा हलकाफुलका विनोद आणणारी होते. मला ते आठवून हसू येतं.
शूटींग झाल्यावर पायांना ब्रँडी घासावी लागायची
पुढे बोलताना सोनाली बेंद्रे म्हणाली, 'जो हाल दिल का इधर हो रहा है' हे गाणं खूप सुंदर होतं… गाण्याचे बोलही खूप छान होता. राजूने हे गाणं केलं होतं. आम्ही या गाण्याचं पन्हाळ्यावर शूटींग करत होतो. त्याठिकाणी डोंगर आणि पावसात हे गाणं शूट झालं. पावसात चक्क 10 दिवस आम्ही शूटींग करत होतो. शेवटी शूटींग झाल्यावर पायांना ब्रँडी घासावी लागायची कारण फार थंडीचं वातावरण होतं. (Sonali Bendre shooting at Panhala)
Sonali Bendre's Memory Book | Halwa scene with Salman, Duplicate with SRK, red dress look with Aamir
इतर महत्त्वाच्या बातम्या
1995 साली रिलीज झालेला सिनेमा आजही थिएटरमध्ये गाजतोय, किती कोटींची केली होती कमाई?
महत्त्वाच्या बातम्या
