Siddharth Jadhav on Rejecting Sacred Games: बॉलीवूडमध्ये मोजकेच असे मराठी कलाकार आहेत ज्यांना हिंदी कलाकारांच्या तोलामोलाच्या, मानधनाच्या भूमिका मिळतात. हिंदी मनोरंजनविश्वात मराठी कलाकारांना फारशी किंमत मिळत नसल्याची तक्रार आपण अनेकदा ऐकली आहे. मराठी इंडस्ट्रीतील प्रचंड एनर्जेटिक म्हणून ओळखला जाणारा अभिनेता सिद्धार्थ जाधव (Siddharth Jadhav) सध्या चर्चेत आहे त्याने अलीकडेच दिलेल्या मुलाखतीमुळे. जुलै 2018मध्ये रिलीज झालेला नवाजुद्दीन सिद्दिकी, सैफ अली खान यांच्या 'सेक्रेड गेम्स ' (Sacred Games)या लोकप्रिय वेब सिरीजमध्ये सिद्धार्थने ऑडिशन दिलेली. मात्र, सगळं जवळपास ठरलेलं असताना पैशांची बोलणी झाली आणि सगळ्याच बोलण्या फिस्कटल्या. निर्मात्यांनी ऑफर केलेली अपमानजनक रक्कम पाहून सिद्धार्थने 'सेक्रेड गेम्स' नाकारल्याचं या मुलाखतीत सांगितलं. 'बॉलीवूड बबल'ला तो बोलत होता.
Siddharth Jadhav: काय म्हणाला सिद्धार्थ जाधव ?
सिक्रेट गेम्स नाकारल्याचं कारण उघड करताना सिद्धार्थ म्हणाला ' खरंतर सिक्रेट गेम्सला मी नकार दिलेला नाही.मी त्यावेळी एक मराठी चित्रपट करत होतो 'फास्टर फेणे' नावाचा. त्याचे दिग्दर्शक आहेत आदित्य सरपोतदार. माझं खूप चांगले मित्र आहेत. त्यांच्या पहिला चित्रपटात मी काम केलंय. त्याने मला सांगितलं मला मुकेश छाबरा यांच्या कास्टिंग एजन्सीतून फोन आला होता ऑडिशनसाठी. पण माझं असं होतं की आता ऑडिशन देण्याची माझी वेळ संपली आहे. मी तर मुकेश छाबरा यांना ओळखतही नव्हतं तेव्हा. मी त्यांचा अपमान नाही करत. पण, माझा झोन मराठी आहे. मला हिंदीची मोठी माणसं आपल्याला कशी माहिती असतील; मी विचारलं मुकेश छाब्रा कोण आहेत ? मला त्यांच्याकडून फोन आलाय ऑडिशनसाठी. विक्रमादित्य मोटवानी सर फँटम प्रोडक्शनसाठी काहीतरी करत आहेत. आदित्य मला म्हणाला की, मोठे दिग्दर्शक आहेत, तू ऑडिशनला जा. त्याचा एकून मी पण गेलो. ऑडिशन झाली."
Siddharth Jadhav: मानधनाची रक्कम एवढी अपमानजनक ..
तो पुढे म्हणाला, "छोटा बदरिया, बडा बदरिया अशी दोन पात्र होती. आणि गणपत नावाचं एक पात्र नवाझ सरांसोबत असणार होतं. ऑडिशन नंतर मला फोनही आला, त्यांनी मला सांगितलं की तुझी ऑडिशन यूएसमध्ये जाणार आहे. नेटफ्लिक्सकडे ऑडिशन गेली. ते सगळं झालं. आणि पैशांची बोलणी झाली. आणि मानधनाची रक्कम इतकी अपमानजनक होती. त्यामुळे इतकं कमी चालणार नाही असं मी कळवलं. मी हळूहळू ही गोष्ट शिकलोय. मी जेव्हा सिरीज पाहिली तेव्हा ते पात्र फारसं दिसलंच नव्हतं. त्यामुळे ती वेब सिरीज नाकारल्याचा पश्चाताप मला अजिबात नाही. फक्त एक आदर असला पाहिजे. कुठल्याही कलाकारासाठी आदर पाहिजे, मग तुम्ही 2 रुपये द्या 10 रुपये द्या, किंवा 100 रुपये द्या. प्रत्येक जण हा पैशांसाठी काम करत असतो, पण फक्त पैशांसाठी काम करत नसतो. हा विचार आधी ऐकला पाहिजे, समजून घ्यायला पाहिजे. सुरुवातीला 'हे असं कसं बोलतात ' असं व्हायचं. आता ही फारशी मोठी गोष्ट मला वाटत नाही. " असं सिद्धार्थ जाधवने सांगितलं.