Eetha Movie Release Date: बॉलिवूड अभिनेत्री श्रद्धा कपूर (Shraddha Kapoor) सध्या आपला आगामी सिनेमा 'ईठा'मुळे (Eetha) चर्चेत आहे. 'ईठा' सिनेमाचा टीझर रिलीज झाल्यापासून या सिनेमाची प्रचंड चर्चा होऊ लागली आहे. या सिनेमात कोण कोणते कलाकार झळकणार? हे अद्याप उघड झालेलं नाही. माहितीनुसार, श्रद्धा कपूरने 'ईठा' या सिनेमात प्रसिद्ध तमाशासम्राज्ञी विठाबाई नारायणगावकर (Vithabai Narayangaonkar) यांची भूमिका साकारली आहे. या सिनेमाच्या टीझरमुळे प्रेक्षकांमध्ये हा सिनेमा पाहण्याची उत्सुकता शिगेला पोहोचली आहे. दरम्यान, या सिनेमाबाबत एक मोठी अपडेट समोर आली आहे. फिल्ममेकर्सने या सिनेमाच्या ट्रेलर रिलीज डेटबाबत मोठी माहिती दिली आहे. 'ईठा' सिनेमाचा ट्रेलर नेमकं कधी रिलीज होणार? जाणून घेऊयात.
श्रद्धा कपूरच्या 'ईठा' चित्रपटाचा ट्रेलर याच आठवड्यात पण कोणत्या दिवशी रिलीज होणार? (Shraddha Kapoors Eetha Movie Trailer Release Date)
'ईठा' या सिनेमात श्रद्धा कपूरसह रणदीप हुड्डा यांची मुख्य भूमिका आहे. श्रद्धा कपूरने आपल्या अधिकृत इन्स्टाग्राम अकाऊंटवर एक व्हिडीओ शेअर केला आहे. तिने व्हिडीओ शेअर करत 'ईठा' या सिनेमाचा ट्रेलर कधी रिलीज होणार? याची माहिती दिली. मिळालेल्या माहितीनुसार, 'ईठा' या सिनेमाचा ट्रेलर या आठवड्याच्या शुक्रवारी रिलीज होणार आहे. 30 ऑक्टोबर रोजी 'ईठा' या सिनेमाचा बहुप्रतिक्षित ट्रेलर रिलीज होणार आहे. या व्हिडीमध्ये गावाचे दृश्य दिसत आहे. एका महिलेभोवती लोक जमलेले दिसत आहेत. तसेच 'ईठा - ईठा' या नावाचा जयघोष करत आहेत. व्हिडीओतील वातावरण आणि बॅकग्राऊंड म्युझिकमुळे प्रेक्षकांमध्ये हा सिनेमा पाहण्याची उत्सुकता वाढली आहे. सध्या श्रद्धा कपूरने शेअर केलेला व्हिडीओ सोशल मीडियात व्हायरल होत आहे.
'ईठा' या सिनेमाची रिलीज डेट देखील समोर आली आहे. 'ईठा' हा चित्रपट 4 डिसेंबर 2026 रोजी सिनेमागृहात रिलीज होणार आहे. सध्या प्रेक्षक 'ईठा' या सिनेमाच्या ट्रेलरची आतुरतेने वाट पाहत आहेत. ट्रेलरमधून प्रेक्षकांना आणखी नवीन काय पाहायला मिळणार? कोणत्या नवीन कलाकारांची झलक पाहायला मिळणार? हे पाहणं महत्त्वाचं ठरणार आहे. 'ईठा' या सिनेमातून श्रद्धा कपूरचा कधी न पाहिलेलं रुप प्रेक्षकांना बघायला मिळत आहे, त्यामुळे प्रेक्षकांमध्ये या सिनेमाविषयी उत्सुकता आहे. श्रद्धा कपूरचे पात्र अशा एका स्त्रीची कथा सांगते, जे लोकांना प्रेरित करेल. Laxman Utekar दिग्दर्शित 'ईठा' या सिनेमाचा ट्रेलर रिलीज झाल्यानंतर प्रेक्षकांची नेमकी काय रिअॅक्शन असणार? हे पाहणं महत्त्वाचं ठरणार आहे.
महत्त्वाच्या इतर बातम्या:
