Shah Rukh Khan Gave Cash To Fan: शाहरुख खानने (Shah Rukh Khan) नुकतच त्याचा 59वा वाढदिवस साजरा केला. त्याच्या वाढदिवसानिमित्त अनेक चाहत्यांना त्याला भेटण्याची इच्छा होती. पण सुरक्षेच्या कारणास्तव शाहरुखने यावेळी 'मन्नत'बाहेर (Mannat) येऊन चाहत्यांना झलक दाखवली नाही. पण त्यानंतर सोशल मीडियावर (Social Media) व्हायरल झालेल्या एका फोटोने जोरदार चर्चा रंगली आहे.
शाहरुखला भेटण्यासाठी एका चाहत्याने त्याच्या मन्नतबाहेर तब्बल 95 दिवस तळ ठोकला होता. त्यानंतर शाहरुखही या चाहत्याची भेट टाळू शकला नाही. त्याने या चाहत्याची भेट घेतलीच पण त्याला योग्य अशी भेटही दिली. शाहरुखने या चाहत्याला काही पैसे दिले. मन्नतवर त्याचा योग्य पाहुणचारही या चाहत्याचा करण्यात आला.तसेच या चाहत्याने आर्यन खानच्या डेब्यूविषयीही मोठी बातमी दिली आहे.
चाहत्याला शाहरुखचं गिफ्ट
इन्स्टंट बॉलीवूडशी बोलताना शेर मोहम्मदने शाहरुख खानने त्याला कोणत्या गोष्टी भेट म्हणून दिल्या, याविषयी माहिती दिली. त्याने म्हटलं की, 'त्याने मला घरी जाण्यासाठी काही हवे आहे का असे विचारले, शाहरुख सरांनी मला 10,000 रुपये दिले आणि 4700 रुपयांचे पेट्रोल भरले. म्हणजे सरांनी मला 14700 रुपये दिले. त्याचसोबत त्यांनी मला पाणी दिलं, खायला दिलं इतकच नव्हे तर माझ्या गाडीमध्येही त्यांनी काही खायला ठेवलं.
आर्यनच्या पदार्पणाविषयीही दिली मोठी अपडेट
शेर मोहम्मदने पुढे शाहरुख खानचा मुलगा आर्यन खानच्या पदार्पणाविषयी देखील मोठी बातमी दिली आहे. त्याने म्हटलं की, मी आर्यन खानवर एक स्क्रिप्ट लिहिली होती, जी मला शाहरुखला द्यायची होती. त्यावर शाहरुखने मला सांगितलं की, 'मी माझ्या मुलावर आधीच स्क्रिप्ट लिहिली आहे. ‘किंग’ या माझ्या चित्रपटानंतर वर्षभरानंतर मी त्यावर चित्रपट प्रदर्शित करणार आहे. आर्यन खान सारा अली खानसोबत पडद्यावर येणार आहे.
शाहरुख खानचा वर्कफ्रंट
वर्क फ्रंटबद्दल बोलायचे झाले तर शाहरुख खान शेवटचा 'डिंकी' चित्रपटात दिसला होता. आता तो 'किंग' चित्रपटात दिसणार आहे. त्यांची मुलगी सुहाना खान या चित्रपटातून पडद्यावर पदार्पण करण्यास सज्ज आहे.
ही बातमी वाचा :
Salman Khan Threat: सलमान खानला मिळणाऱ्या धमक्यांवर उज्वल निकमांची प्रतिक्रिया, म्हणाले...