Sankarshan Karhade : सध्या संपूर्ण महाराष्ट्रात विधानसभा निवडणुकांची खडाजंगी सुरु आहे. त्यातच आता विधानसभेच्या लढतीही निश्चित झाल्या असून येत्या 23 नोव्हेंबर रोजी कोण मैदान मारणार आणि कुणाच्या पदरात निराशा पडणार याची उत्सुकता असेल. पण त्याआधी महाराष्ट्रात सुरु असलेल्या अनेक नाट्यमयी घडामोडी साऱ्यांचं लक्ष वेधून घेतायत. याच सगळ्यावर अभिनेता संकर्षण कऱ्हाडेने (Sankarshan Karhade) पुन्हा एकदा रचलेली कविता चर्चेत आलीये.
संकर्षणने त्याच्या या कवितेमध्ये थेट पांडुरंगलाच निवडणुकीला उभं राहण्याची साद घातली आहे. या कवितेच्या सुरुवातीलाच म्हटलं की, राजकारण आणि पांडुरंग हे दोन माझे फार आवडीचे विषय आहेत. याच विषयांवर संकर्षने डोळ्यात अंजन घालणारी कविता केली आहे. संकर्षणच्या या कवितेही प्रेक्षकांनी भरभरुन दाद दिली असल्याचं पाहायला मिळतंय.
संकर्षण कऱ्हाडेची कविता काय?
महाराष्ट्रातली सगळी गावं तुझीच आहेत, तू अर्ज भरून पाहावंमला वाटतं पांडुरंगा तू यंदा निवडणुकीला उभं राहावंमग ना पावसातल्या सभा, ना प्रचाराचा घामतुझेच स्टार प्रचारक देवा ज्ञानबा- तुकारामप्रचाराच्या जाहिरातीत यांच्या ओव्या कानी पडतीलबॅनर पाहून वीट येण्यापेक्षा हात जोडले जातील…सगळं सुखाचं होईल देवा, विपरीत काहीच घडणार नाहीआणि तू सगळ्यांचा असल्यामुळे एकही मत जात पाहून पडणार नाहीअजून तरी पांडुरंगा तुझा कोणी विरोधक नसल्याने सगळ्यांना बरंच वाटेलआणि मुख्यमंत्रीपदाचा चेहरा कोण हे कोडं देखील लवकर सुटेलपहिली टर्म असली तरी देवा बिनविरोध येशीलआणि मुख्य म्हणजे भल्याभल्यांना तुझ्या मंत्रिमंडळात घेशीलसगळ्यात पहिला मोठा निर्णय पांडुरंगा असा घे…कायद्यासोबत गृहखातं छत्रपती शिवाजी महाराजांना दे!मग काय टाप कोणाची, कोण कायदा हातात घेईलअरे एका नजरेत पूर्ण महाराष्ट्र सुतासारखा सरळ होईललाडक्या भावांवरचं समान प्रेम जिचा आदर्श म्हणून पाहावंत्या मुक्ताईकडे महिला व बालविकास खातं जावंआणि साक्षरतेचे तर विठ्ठला काय दिवस येतीलबुद्धीला वैभव म्हणणारे आमचे ज्ञानदेव शिक्षणमंत्री होतीलअरे पाणी ज्यांच्या गाथेला तारून स्वत: खाली बुडलं जे सदेह आले स्वर्ग आणि तू दार उघडलंत्या तुकोबांच्या हाती दे पुन्हा हिशेबाच्या वह्या आणि अर्थमंत्री म्हणून घे त्यांच्या ताबडतोब सह्याएकदम झाला आवाज हो…लखलख वीज कडाडलीवीटेवरची माऊली माझ्यावरती चिडलीकाय लावली केव्हापासून तुझी ही बडबड आहे…हे सगळं होणं आता अशक्य आणि अवघड आहेया थोरांना मंत्री करून मला CM करतोय होयराजकारणात यांच्या नावाचा होतोय तेवढा वापर पुरेयराष्ट्राच्या भल्यासाठी बोलतोय म्हणून केव्हाचा ऐकतोयपण, ऐक आता एक उपाय मी मन लावून सांगतोयमाऊलीच्या रुपातला विठ्ठल बापासारखा वागला आणि जबाबदारीने राष्ट्रासाठी पुढे बोलू लागलामला बोलला म्हणाला गाथा, ज्ञानेश्वरी, शिवचरित्र तुम्ही कोणी वाचता?आणि मग कसं काय तुम्ही जयंती असताना डीजे लावून नाचताया सगळ्यांना तुम्ही सोयीनुसार जातीमध्ये वाटलंतडोक्यावरती घेतलं पण, डोक्यात नाही घातलंत.प्रत्येक तुका-शिवाजी आहेत…जर विचारांचा घेतला वसासुराज्यासाठीच काम करावं मग कोणीही खुर्चीत बसा!आणि कर्तृत्वाची वेळ आहे आता नको नुसती बडबडआधी मतदानाला वारी समजून तू घराबाहेर पड…आम्ही सगळे पाठिशी आहोत तुम्ही खुशाल राहाअरे समोर महाराष्ट्र उभा आहे त्याच्यात पांडुरंग पाहा…