Kalaawati Marathi Movie : 'वेड', 'वाळवी' या सिनेमांनी वर्षाच्या सुरुवातीलाच मराठी सिनेसृष्टीला सुगीचे दिवस दाखवले आहेत. वेगवेगळ्या जॉनरचे मराठी सिनेमे आता प्रेक्षकांच्या भेटीला येत आहेत. अशातच आता रोमॅंटिक सिनेमांचे बादशहा असलेल्या संजय जाधवने (Sanjay Jadhav) नव्या सिनेमाची घोषणा केली आहे. 'कलावती' (Kalaawati) असे या सिनेमाचे नाव आहे.
संजय जाधवचा पहिला हॉरर कॉमेडी सिनेमा
संजय जाधवने 'दुनियादारी', 'प्यारवाली लव्हस्टोरी', 'तू ही रे','लकी', 'चेकमेट', 'खारी बिस्किट', 'ये रे ये रे पैसा', 'तमाशा लाईव्ह' अशा वेगवेगळ्या जॉनरच्या सिनेमांच्या माध्यमातून प्रेक्षकांचे निखळ मनोरंजन केले आहे. पण आता 'कलावती' या सिनेमाच्या माध्यमातून तो पहिल्यांदाच हॉरर कॉमेडी सिनेमा घेऊन प्रेक्षकांच्या भेटीस येत आहे.
तगडी स्टारकास्ट असलेला 'कलावती'
'कलावती' या सिनेमात अमृता खानविलकर, संजय नार्वेकर, तेजस्विनी लोणारी, अभिजित चव्हाण, हरीश दुधाडे, ओंकार भोजने, दिप्ती धोत्रे, संजय शेजवळ, नील साळेकर (इन्फ्लूएन्सर) मुख्य भूमिकेत आहेत. तगडी स्टारकास्ट असलेल्या या सिनेमाची प्रेक्षकांना उत्सुकता आहे. या सिनेमाची पटकथा दर्जेदार कलाकृतींचं लेखन करणाऱ्या अभिजित गुरुने लिहिली आहे. तर अमेय खोपकर या सिनेमाची निर्मिती करणार आहेत.
'कलावती'चं पोस्टर आऊट! (Kalaawati Poster Out)
'कलावती' या सिनेमात अमृता खानविलकर नक्की कोणती भूमिका साकरणार हे अद्याप समोर आलेलं नाही. नुकतचं या सिनेमाचं पोस्टर आऊट आलेलं आहे. या पोस्टरमध्ये अमृता खानविलकरचा मराठमोळा लूक पाहायला मिळत आहे. या पोस्टवरुन 'चंद्रमुखी'नंतर अमृता पुन्हा एकदा लावणीसम्राज्ञीच्या भूमिकेत दिसणार असल्याची चर्चा आहे.
अमृता खानविलकर आणि ओंकार भोजने जोडी प्रेक्षकांच्या भेटीला
कलावती' या सिनेमाच्या माध्यमातून अमृता खानविलकर (Amruta Khanvilkar) आणि ओंकार भोजने (Onkar Bhojane) ही जोडी प्रेक्षकांच्या भेटीला येणार आहे. 'कलावती' हा बिग बजेट सिनेमा असून या सिनेमाने ओंकारला चांगली संधी मिळाली आहे. तर दुसरीकडे संजय जाधवचा सिनेमा जवळपास चार वर्षांनी रुपेरी पडद्यावर प्रदर्शित होणार आहे. त्यामुळेच एकंदरीतच या भव्य सिनेमाची प्रेक्षकांना उत्सुकता आहे. नुकताच या सिनेमाचा मुहूर्त सोहळा पार पडला असून लवकरच या सिनेमाची रिलीज डेट जाहीर करण्यात येईल.
संबंधित बातम्या