Samay Raina Medha Shankar: समय रैनाच्या डेटिंगच्या चर्चेत ' इंडियाज गॉट लेटंट 2'मध्ये येणार 'ती' लोकप्रिय अभिनेत्री; प्रोमो पाहताच चाहत्यांच्या भुवया उंचावल्या
शोच्या प्रत्येक नव्या एपिसोडची चाहते आतुरतेने वाट पाहत असतात. पुढच्या भागात कोणते सेलिब्रिटी पाहायला मिळणार, याचाही खुलासा झाला आहे.
Samay Raina Medha Shankar in India's Got Latent: आता ‘इंडियाज गॉट लेटेंट 2’च्या आगामी एपिसोडमध्ये अशी एक अभिनेत्री येणार आहे, जिचं समय रैनाशी (Samay Raina)अफेअर असल्याच्या चर्चा रंगतात. या एपिसोडमध्ये बॉलिवूड अभिनेत्री मेधा शंकर (Medha Shankar) दिसणार आहे. तिच्यासोबत अभिनेता वरुण धवन आणि शेरॉन वर्माही शोचा भाग असणार आहेत. मागील एपिसोडमध्ये झालेल्या बिहारी -काश्मिरी वादावरून समय रैनाच्या अडचणी वाढल्या होत्या. पण, आता समय एका नव्या एपिसोडसोबत पुन्हा चाहत्यांसमोत येणार आहे. शोच्या प्रत्येक नव्या एपिसोडची चाहते आतुरतेने वाट पाहत असतात. पुढच्या भागात कोणते सेलिब्रिटी पाहायला मिळणार, याचाही खुलासा झाला आहे.
मेधा शंकर आणि समय रैनाच्या डेटिंगच्या चर्चा
मेधा शंकर अशा वेळी ‘इंडियाज गॉट लेटेंट 2’मध्ये पोहोचणार आहे, ज्यावेळी तिचं नाव समय रैनासोबत जोडलं जात आहे. गेल्या काही काळापासून दोघे डेट करत असल्याच्या चर्चा सोशल मीडियावर रंगल्या आहेत. अलीकडेच दोघांना एका फ्लाइटमध्ये एकत्र पाहण्यात आलं होतं. त्यानंतर मुंबई विमानतळावरही दोघे एकत्र दिसले. त्यांचे फोटो आणि व्हिडीओ समोर आल्यानंतर पुन्हा एकदा त्यांच्या नात्याबाबत चर्चांना उधाण आलं.
मेधा-समय अनेकदा आलेत एकत्र
याआधी जुलै 2026 मध्येही मेधा आणि समय काही कार्यक्रमांमध्ये एकत्र दिसले होते. दोघे वारंवार एकत्र दिसत असल्याने चाहते त्यांच्या नात्याबाबत वेगवेगळे अंदाज बांधत आहेत. मात्र, समय रैना किंवा मेधा शंकर यांनी अद्याप आपल्या नात्याबाबत कोणताही अधिकृत खुलासा केलेला नाही.
‘इंडियाज गॉट लेटेंट 2’चा प्रोमो रिलीज
‘इंडियाज गॉट लेटेंट 2’च्या आगामी एपिसोडचा प्रोमोही समोर आला आहे. या प्रोमोमध्ये मेधा शंकर समय रैनाच्या शेजारी बसलेली दिसत आहे. त्यांच्यासोबत शोमधील इतर गेस्टही पाहायला मिळत आहेत. विशेष म्हणजे, हा एपिसोड Netflix आणि समय रैनाच्या YouTube चॅनेलवर स्ट्रीम केला जाणार आहे.जर या एपिसोडमध्ये मेधा आणि समयच्या कथित रिलेशनशिपवर एखादा प्रश्न किंवा मजेशीर कमेंट केली गेली, तर दोघांची प्रतिक्रिया काय असेल, याकडे चाहत्यांचं लक्ष लागलं आहे. डेटिंगच्या चर्चांवर दोघे काही खुलासा करणार का? की नेहमीप्रमाणे हा प्रश्नही मजेशीर पद्धतीने टाळणार? हे पाहणं रंजक ठरणार आहे.
View this post on Instagram
महत्त्वाच्या बातम्या
