Salman Khan Warns Paparazzi: मध्यरात्री 3 वाजता रुग्णालयापर्यंत पाठलाग, पॅपाराझींचा घोळका दिसताच सलमान खान प्रचंड चिडला, म्हणाला, 'साठीचा झालोय पण आजही 100 जणांना लोळवेन'
Salman Khan Warns Paparazzi: सलमान खान मध्यरात्री मुंबईतील हिंदुजा रुग्णालयाबाहेर पॅपाराझींवर चिडल्याचा एक व्हिडीओ सोशल मीडियावर तुफान व्हायरल झालेला. आता या संपूर्ण घटनेवर त्यानं सोशल मीडियावर तिखट शब्दांत प्रतिक्रिया दिली आहे.
Salman Khan Warns Paparazzi: बॉलिवूडचा (Bollywood News) दबंग भाईजान सलमान खान (Salman Khan) सोशल मीडियावर फारसा सक्रीय नसला तरी, गेल्या काही दिवसांपासून तो आपले इमोशन्स, नाराजी आणि प्रेम चाहत्यांसोबत शेअर करतोय. नुकतीच त्यानं एकटेपणावर केलेली पोस्ट सोशल मीडियावर तुफान व्हायरल झालेली. अशातच आता सलमान खाननं पॅपाराझींवर निशणा (Salman Khan Warns Paparazzi Video) साधत एक, दोन नव्हे तर तब्बल चार पोस्ट केल्या आहेत. सलमान खाननं (Actor Salman Khan) त्याचे चार वेगवेगळे फोटो शेअर करत माध्यमांना आणि पॅपाराझींना कडक शब्दांत इशारा दिला आहे. त्यामुळे सलमान खान पुन्हा एकदा चर्चेत आला आहे.
सलमान खान मध्यरात्री मुंबईतील हिंदुजा रुग्णालयाबाहेर पॅपाराझींवर चिडल्याचा एक व्हिडीओ सोशल मीडियावर तुफान व्हायरल झालेला. आता या संपूर्ण घटनेवर त्यानं सोशल मीडियावर तिखट शब्दांत प्रतिक्रिया दिली आहे. सलमान खान यानं पहाटे 3 वाजता इन्स्टाग्रामवर काही सेल्फी पोस्ट करत रुग्णालयाबाहेरील फोटोग्राफर्सच्या वागणुकीवर नाराजी व्यक्त केली आहे.
View this post on Instagram
नेमकं झालं काय?
सोशल मीडियावर एक व्हिडीओ प्रचंड व्हायरल झालेला. या व्हिडीओमध्ये सलमान खान हिंदुजा रुग्णालयाबाहेर स्पॉट झालेला आणि त्याला पॅपाराझी कॅमेऱ्यात कैद करत असताना तो पॅपाराझींवर संतापला. सलमान खान घरातून निघाल्यापासून अगदी रुग्णालयापर्यंत त्याचा पाठलाग करत पॅपाराझी फोटो आणि व्हिडीओसाठी आरडाओरडा करत होते. त्यांच्या या कृत्यामुळे सलमान खाननं संयम गमावला आणि चांगलाच भडकला. व्हायरल व्हिडीओमध्ये सलमान खानचा राग त्याच्या चेहऱ्यावरुन आणि हावभावांवरुन स्पष्ट होतोय.
View this post on Instagram
पॅपाराझींवर चिडल्याच्या व्हायरल व्हिडीओवर सलमान खानचं स्पष्टीकरण
पॅपाराझींवर चिडल्याच्या व्हायरल व्हिडीओवर स्पष्टीकरण देताना सलमान खान यानं त्याचे चार वेगवेगळे सेल्फी पोस्ट केले. पहिला सेल्फी पोस्ट करत सलमान खाननं लिहिलंय की, "मी नेहमीच मीडियाला पाठिंबा दिला आहे आणि फोटोग्राफर्सनाही आपलं पोट भरता यावं, याचाच विचार केलाय. तसेच, एखाद्या व्यक्तीच्या कठीण प्रसंगातही त्याचा पाठलाग करून त्यातून 'मज्जा' घेण्याचा प्रयत्न करणाऱ्यांनाही त्यानं थेट सुनावलं आहे.
View this post on Instagram
सलमान खान चिडला , मध्यरात्री 3 वाजता पोस्ट करत म्हणाला...
सलमान खाननं पुढे म्हटलंय की, "ज्या माध्यमांच्या पाठीशी मी नेहमीच उभा राहिलोय, त्यांच्याशी बोललोय, त्यांची काळजी घेतलीय... नेहमीच याची काळजी घेतलीय की, त्यांनाही त्यांचं पोट भरता यावं... पण, जर ते माझं नुकसान करुन पैसे कमावू इच्छित असतील... तर त्यांनी शांतच बसावं, मज्जा घेऊ नये..." अभिनेत्यानं माझा आगामी सिनेमा 'मातृभूमि: मई वॉर रेस्ट इन पीस' याचाही उल्लेख केला आणि प्रश्न उपस्थित केला की, "एक फोटो कोणत्याही व्यक्तीच्या आयुष्यापेक्षा जास्त किमती आहे...?"
View this post on Instagram
सलमान खान संतापला...
आणखी एका पोस्टमध्ये त्यानं लिहिलंय की, सलमान खाननं फोटोग्राफर्सना इमोशनल कंडीशनचा फायदा घेण्याचा प्रयत्न केल्यामुळे ताकीद देत म्हटलंय की, वाढत्या वयाचा विचार केला तरिही, मला अजूनही लढता येतं.
सलमान खान म्हणाला की, "आजही शंभर जणांना मी जाळून खाक करू शकतो... पुढच्या वेळी, फक्त दुखःत असेल, तेव्हा माझ्या वाटेत येऊन बघा... फक्त एकदा प्रयत्न करून बघा... ज्यावेळी तुमचं कुणी हॉस्पिटलमध्ये असेल, तेव्हा मी असंच वागायचं का? मी वयाच्या साठीत आलोय, पण लढायचं कसं हे अजिबात विसरलेलो नाही... "
View this post on Instagram
सलमान खान भडकला VIDEO
मध्यरात्री सलमान खान हिंदुजा रुग्णालयाच्या बाहेर स्पॉट झाला. त्यावेळी पॅपाराझींच्या वागण्यामुळे तो खूपच चिडल्याचं पाहायला मिळालं. सध्या सलमान खान चिडल्याचा व्हिडीओ व्हायरल होत आहे. मीडिया रिपोर्टनुसार, फोटोग्राफर्सनी सलमान खानला तेव्हा पाहिलं, ज्यावेळी त्याची गाडी ट्रॅफिक सिग्नलबाहेर थांबलेली आणि त्यानंतर रुग्णालयापर्यंत त्याचा पाठलाग केला. जसा तो रुग्णालयातून बाहेर पडला, त्यावेळी काही फोटोग्राफर्सनी त्याचं लक्ष वेधून घेण्यासाठी भाई-भाई अशा हाका मारायला सुरुवात केली. त्यावेळी सलमान खाननं रुग्णालय आहे, शांत बसा असं सांगितलं आणि त्यांना विचारलं की, तुमच्या कुटुंबातलं कुणी रुग्णालयात दाखल असेल तर तुम्ही असंच वागाल का?, असं सलमान चिडून विचारतोय.
Before You Go
Arjun Tendulkar Weds Saaniya Chandhok : अर्जुन-सानिया लग्नबंधनात ! स्टायलिश लूकने वेधलं लक्ष
महत्त्वाच्या बातम्या
