Salman Khan on Tukaram Mundhe: '...तर तुझ्या कॅफेत तुकाराम मुंढेंना पाठवेन ' सलमान खानने मैत्रिणीला दाखवला धाक; म्हणाला...
सलमानने एक सोशल मीडिया पोस्ट केलीय. कोणाचेही नाव न घेता केलेल्या या प्रेमळ धाकामुळे त्याची ही पोस्ट चर्चेत आहे.त्याच्या मिश्कील अंदाजाची चर्चा रंगली आहे.
Salman Khan on Tukaram Mundhe:'बॉलीवूडचा भाईजान' सलमान खान (Salman Khan) कायम त्याच्या उत्स्फूर्त बोलण्यामुळे आणि हटके अंदाजासाठी ओळखला जातो. सोशल मीडियावर बऱ्यापैकी सक्रिय असलेला सलमान गेल्या काही दिवसांपासून त्याच्या 'बिग बॉस 20' शोमुळे चर्चेत आहे. एका मैत्रिणीच्या कॅफेला शुभेच्छा देताना महाराष्ट्राचे अन्न व औषध प्रशासनाचे आयुक्त तुकाराम मुंढे (Tukaram Mundhe) यांच्यावरून केलेल्या एका मजेशीर कमेंटमुळे तो सध्या चर्चेत आला आहे. कॅफेची स्वच्छता आणि पदार्थांची गुणवत्ता योग्य ठेवली नाहीस तर तुकाराम मुंढे यांना तपासण्यासाठी पाठवेन, असं म्हणत सलमानने एक सोशल मीडिया पोस्ट केलीय. कोणाचेही नाव न घेता केलेल्या या प्रेमळ धाकामुळे त्याची ही पोस्ट चर्चेत आहे.त्याच्या मिश्कील अंदाजाची चर्चा रंगली आहे.
नेमकं काय म्हणाला सलमान खान?
अभिनेता सलमान खान कायमच आपल्या मित्र-मैत्रिणींना त्यांच्या नव्या कामासाठी शुभेच्छा देताना दिसतो. अलीकडेच त्याचा एका मैत्रिणीने मुंबईतील वांद्रे भागात नवीन कॅफे सुरू केलं आहे. या कॅफे ची माहिती सोशल मीडियावर शेअर करताना सलमानने म्हटलं ' सृष्टी माझी कॉफी रिफील करून दे यार..किंमत वाढवू नकोस. गुणवत्ता आणि स्वच्छता राख, नाहीतर मी त्यांना (तुकाराम मुंढे) पाठवीन. आणि मग Its Done Sis'.
तो पुढे म्हणाला, 'एक दिवस मी इथे माझं ' Being Human'चा टी-शर्ट आणि जीन्स घालून येईन. मी तुझ्यासाठी खूप आनंदी आहे. या व्हिडिओत जी व्यक्ती बोलत आहे तीच या कॅफेची मालकीण आहे आणि तीच बॅटमॅनही आहे.' असं सलमानने त्याच्या मैत्रिणीच्या कॅफेतला एक फोटो पोस्ट करत त्यावर लिहिलं.
अन्न व औषध प्रशासनाचा कारभार हाती घेतल्यापासून आयुक्त तुकाराम मुंढे यांनी अन्नसुरक्षा, भेसळयुक्त पदार्थ, हॉटेल, बेकरी व इतर आस्थापनांमधील स्वच्छता या सगळ्या मुद्द्यांवरून कारवाया करत आहेत. FDAच्या धडक कारवाया अख्ख्या महाराष्ट्रभर चर्चेचा विषय ठरत आहे. राजकीय वर्तुळापासून मनोरंजनसृष्टीतील अनेक कलाकारांपर्यंत अनेक जण या कारवायांवरून FDA आयुक्त तुकाराम मुंढे यांचे कौतूक करत आहेत.
महत्त्वाच्या बातम्या
