Saiyaara ची 200 कोटींची कमाई, Gen Z चा थिएटरमध्ये धुमाकूळ, आता चालू वर्षातील फक्त एक सिनेमा पुढे

Saiyaara box office collection day 9 : 'सैयारा' चित्रपटाने 200 कोटींच्या क्लबमध्ये प्रवेश केला आहे. रिलीजच्या नवव्या दिवशी सिनेमाने मोठं यश मिळवलंय.

Saiyaara box office collection day 9

Source : ABPLIVE AI

Saiyaara box office collection day 9 : ‘सैयारा’ या सिनेमाने बॉक्स ऑफिसवर जोरदार कब्जा केला आहे. 18 जुलै 2025 रोजी प्रदर्शित झालेल्या या चित्रपटाने दमदार ओपनिंगसह सुरुवात केली. पहिल्याच दिवशीचा कमाईचा आकडा आणि प्रेक्षकांची प्रतिक्रिया पाहता हे स्पष्ट झाले की हा चित्रपट कमाल करणार आहे आणि तसंच घडतंय. दररोज नवे विक्रम प्रस्थापित करणाऱ्या या चित्रपटाने आज शनिवारी म्हणजे नवव्या दिवशी आणखी एक महत्त्वाची कामगिरी केली आहे.  ‘सैयारा’ आता 200 कोटींच्या क्लबमध्ये दाखल झाला आहे. (Saiyaara box office collection day 9)

नवव्या दिवशी 200 कोटी क्लबमध्ये प्रवेश

मोहित सूरी दिग्दर्शित या चित्रपटाने ओपनिंग दिवशी 21.5 कोटी रुपयांची कमाई केली. अवघ्या चार दिवसांत हा चित्रपट 100 कोटींचा झाला होता. पहिल्या आठवड्यातच ‘सैयारा’ने बॉक्स ऑफिसवर 172.75 कोटी रुपयांचा गल्ला जमवला. काल शुक्रवारी म्हणजे आठव्या दिवशी या चित्रपटाने 18 कोटी रुपये कमावले. तर आज शनिवारी (ही बातमी लिहीपर्यंत) 11.21 कोटी रुपयांची कमाई झाली आहे. (Saiyaara box office collection day 9)

वर्षातील दुसऱ्या क्रमांकाचा सर्वाधिक कमाई करणारा चित्रपट

चालू आठवड्याच्या अखेरीस  पुन्हा एकदा प्रेक्षकांचा   ‘सैयारा’‘सैयारा’साठी थिएटरकडे वळला आहे. भारतात या चित्रपटाची एकूण  कमाई 201.96 कोटी रुपये झाली आहे. देशाबरोबरच परदेशातही या चित्रपटाने आपली छाप पाडली आहे. वर्ल्डवाइड कमाईच्या बाबतीत हा चित्रपट यावर्षीचा दुसऱ्या क्रमांकाचा सर्वाधिक कमाई करणारा चित्रपट ठरला आहे. (Saiyaara box office collection day 9)

आमिर, अक्षय आणि अजय यांच्या चित्रपटांना टाकलं मागे

वर्ल्डवाइड कलेक्शनच्या शर्यतीत फक्त विक्की कौशलचा ‘छावा’ हा चित्रपट ‘सैयारा’च्या पुढे आहे. ‘सैयारा’ने जागतिक स्तरावर 278.6 कोटी रुपयांची कमाई केली आहे, तर ‘छावा’चे वर्ल्डवाइड कलेक्शन 797.34 कोटी रुपये आहे. ‘सितारे जमीन पर’, ‘हाउसफुल 5’, ‘रेड 2’ यांसारख्या या वर्षीच्या इतर सर्व चित्रपटांना ‘सैयारा’ने मागे टाकले आहे. (Saiyaara box office collection day 9)

अहान आणि अनीतचा हा डेब्यू चित्रपट

‘सैयारा’ हा एक रोमँटिक म्युझिकल लव्हस्टोरीवर आधारित चित्रपट आहे. यशराज फिल्म्सच्या बॅनरखाली बनलेला हा चित्रपट अहान पांडे आणि अनीत पड्डा यांचा अभिनय क्षेत्रातील पहिलाच सिनेमा आहे. पहिल्याच चित्रपटातून या दोघांनी प्रेक्षकांवर जादू केली आहे. ‘सैयारा’चा अंदाजे बजेट 50 ते 60 कोटी रुपये इतका आहे.

इतर महत्त्वाच्या बातम्या