Sai Tamhankar On Motherhood: 'जर उद्या मी मातृत्व स्वीकारलं तर...'; आई होण्याबद्दल पहिल्यांदाच सई ताम्हणकर थेटच बोलली, नेमकं काय म्हणाली?

Sai Tamhankar On Motherhood: आपल्या आजवरच्या करिअरमध्ये सईनं अनेक सिनेमे केले. त्यासोबतच अनेक विषयांवर सई आपलं मत अगदी निर्भिडपणे आपलं मत मांडताना दिसलीय. अशातच सई पहिल्यांदाच तिच्या मातृत्त्वावर बोललीय.

Sai Tamhankar On Motherhood

Source : ABP Majha

Sai Tamhankar On Motherhood: मराठी सिनेसृष्टीच्या (Marathi Film Industry) आघाडीच्या अभिनेत्रींमध्ये समाविष्ट होणारी सई ताम्हणकर (Sai Tamhankar) आजही लाखो चाहत्यांच्या गळ्यातील ताईत आहे. असं असलं तरीसुद्धा सई ताम्हणकर केवळ मराठीपुरतीच (Marathi Films) मर्यादीत नाही, तर तिनं अनेक बॉलिवूड (Bollywood Movies) सिनेमांमध्येही दमदार भूमिका साकारल्या आहेत. ग्लॅमरस आणि बोल्ड अशी सई या ना त्या कारणांमुळे नेहमीच चर्चेत असते. केवळ भूमिकांसाठीच नाहीतर, सई तिच्या स्टाईल स्टेटमेंटसाठीही ओळखली जाते. खरं तर सई ताम्हणकरनं तिच्या करिअरची सुरुवात मालिकांमधून केली. पण, त्यानंतर तिनं थेट सिनेमांमध्ये एन्ट्री घेतली. आजवर तिनं अनेक सिनेमांमध्ये काम केलंय. पण, 2013 मध्ये आलेल्या 'दुनियादारी' या सिनेमानं तिला वेगळी ओळख मिळवून दिली. अशातच सध्या ती तिच्या आगामी सिनेमामुळे चर्चेत आहे. याचनिमित्तानं सई ताम्हणकर हिनं नुकतीच एक मुलाखत दिलीय. या मुलाखतीत बोलताना तिनं मातृत्त्वावर भाष्य केलं. 

सई ताम्हणकर (Marathi Actress Sai Tamhankar) हिचा 'अडकित्ता' (Adkitta Movie) हा सिनेमा सध्या चर्चेत आहे. 11 सप्टेंबर रोजी येणारा हा सिनेमा एका वेगळ्या विषयावर आहे. सिनेमाच्या ट्रेलरमधून तरी आई आणि तिच्या बाळाला सांभाळणारी नॅनी यांच्याभोवती हा सिनेमा फिरताना दिसतोय. याचनिमित्तानं सई ताम्हणकरनं नुकतीच 'कलाकृती' मीडियाला मुलाखत दिली. या मुलाखतीत बोलताना सई ताम्हणकरनं आई होण्याबद्दल तिचं मत व्यक्त केलंय. 

आपल्या आजवरच्या करिअरमध्ये सईनं अनेक सिनेमे केले. त्यासोबतच अनेक विषयांवर सई आपलं मत अगदी निर्भिडपणे आपलं मत मांडताना दिसलीय. त्याचप्रमाणे तिनं मातृत्त्वाबद्दलचंही तिचं मत अत्यंत परखडपणे आणि स्पष्टपणे मांडलंय. 

आई होण्याबाबत सई ताम्हणकर नेमकं काय म्हणाली? (Sai Tamhankar On Motherhood)

मराठी अभिनेत्री सई ताम्हणकर म्हणाली की, "किशोरवयीन मुलाची आई थोडी वेगळी असेल, लहान मुलाची आई थोडी वेगळी वागत असेन हे सगळे अनुभव मला माझ्या कामाच्या निमित्ताने घेता येतात. गंमत म्हणजे हे सगळं करुन जर उद्या मी मातृत्व स्वीकारलं तर वेगळाच प्रयोग होईल. त्यामुळे मला असं वाटतं की हेच आमच्या क्षेत्राचं वेगळेपण आहे..."

दरम्यान, सई ताम्हणकरनं आजवर अनेक भूमिका साकारल्यात. त्यात ती काही सिनेमांमध्ये आई म्हणूनसुद्धा दिसलीय. 'गुलाबजाम' सिनेमात तर तिनं 'महाराष्ट्राची हास्यजत्रा' फेम समीर चौघुलेंच्या पत्नीची भूमिका साकारलेली. त्यामध्ये तिला दोन मुलं असल्याचं दाखवण्यात आलेलं. सईनं ती भूमिकाही अत्यंत दमदार पद्धतीनं साकारली आहे. आगामी सिनेमा 'अडकित्ता' 11 सप्टेंबरला प्रेक्षकांच्या भेटीला येतोय. या सिनेमात सई ताम्हणकरसोबत सिद्धार्थ चांदेकर, सखी गोखले झळकणार आहे. तर, या सिनेमात सई एका नॅनीची भूमिका साकारणार आहे.