Four Arrested in Rohit Shetty House Firing Case: प्रसिद्ध चित्रपट निर्माते रोहित शेट्टी यांच्या जुहू येथील घराबाहेर झालेल्या गोळीबाराच्या घटनेने संपूर्ण चित्रपटसृष्टी हादरली. मुंबई गुन्हे शाखाने या प्रकरणात चार आरोपींना अटक केली आहे. सर्व आरोपींना काल रात्री उशिरा जिल्हा न्यायालयात हजर करण्यात आले. न्यायालयाने चारही आरोपींना 5 फेब्रुवारीपर्यंत पोलीस कोठडी सुनावण्यात आली आहे. दरम्यान, मुंबई पोलिसांनी शुभम लोणकरला या प्रकरणात फरार आरोपी घोषित केले आहे. या प्रकरणानंतर रोहित शेट्टीने एक महत्त्वाचे पाऊल उचलले. त्यांनी त्यांचे सर्व नियोजित कार्यक्रम रद्द केले. शिवाय त्यांनी त्यांच्या जवळच्या मित्रांना आणि फिल्म इंडस्ट्रीतील सहकाऱ्यांना पुढील 48 तास घरी येऊ नये, अशी विनंती केली. या प्रकरणात रोहित शेट्टी सध्या त्यांना सहकार्य करत आहेत.
इंडिया टुडेमधील एका वृत्तानुसार, रोहित शेट्टी त्यांच्या घराबाहेर झालेल्या गोळीबारानंतर तपासात पोलिसांना पूर्ण सहकार्य करत आहेत. सूत्रांनी दिलेल्या माहितीनुसार, रोहित शेट्टीने पोलिसांकडे तक्रार दाखल केली. तसेच पोलिसांना घटनेची माहिती दिली. रोहित हे सध्या पोलीस तपासात सक्रीयपणे सहभागी होत आहे. दरम्यान, पोलीस प्रशासनाने त्यांच्या जुहू येथील घराबाहेर कडक सुरक्षा व्यवस्था तैनात केली असली तरी, रोहित यांनी मित्रांना सध्या त्यांच्या घरी येऊ नये अशी विनंती केली आहे.
रोहित शेट्टी यांनी त्यांच्या जवळच्यांना घरी न येण्याचे आवाहन केलं
मिळालेल्या माहितीनुसार, रोहित शेट्टी यांना त्यांच्या घराबाहेर गर्दी जमून परिस्थिती आणखी बिकट होऊ नये, किंवा सुरक्षेत अडथळा निर्माण होऊ नये, असे वाटत आहे. कॉलद्वारे तो आपल्या मित्र आणि कुटुंबांना घटनेची माहिती देत आहेत. लोकांशी कनेक्टेड आहेत. परंतु, ते सध्या कुणाशीही वैयक्तिक संपर्क टाळत आहेत. सध्या ते हे प्रकरण नेमकं का घडलं? याचा शोध घेत आहेत.
रोहित शेट्टी यांच्या घराबाहेर गोळीबार
रोहित शेट्टी यांच्या घराबाहेर झालेल्या गोळीबारामुळे परिसरात खळबळ उडाली. रविवारी पहाटे अज्ञात हल्लेखोरांनी शेट्टी यांच्या निवासस्थानीबाहेर चार राउंड गोळीबार केल्याची घटना घडली. पोलीस अधिकाऱ्यांनी दिलेल्या माहितीनुसार, सुदैवाने या गोळीबारात कुणालाही दुखापत झाली नाही, कुणीही जखमी झाले नाही. या घटनेची माहिती मिळताच पोलिसांनी तातडीने कारवाई केली, तसेच संपूर्ण परिसरात घेराव घातला. पुरावे गोळा करण्यासाठी फॉरेन्सिक टीम घटनास्थळी पोहोचली आणि आजुबाजुच्या परिसरात सुरक्षा व्यवस्था कडक करण्यात आली आहे. पोलिसांच्या सीसीटीव्ही फुटेज आले आहेत. सीसीटीव्ही फुटेजमध्ये आरोपी स्पष्टपणे दिसत आहेत.