Raja Shivaji: 'राजा शिवाजी'ची बॉक्स ऑफिसवर सिंह गर्जना; दुसऱ्या दिवशीही जबरदस्त कमाई, किती कोटींची भर?

Raja Shivaji day 2 box office collection report: 'राजा शिवाजी' या सिनेमाला हिंदी आणि मराठी दोन्ही भाषांमध्ये चांगला प्रतिसाद मिळतो आहे.

Raja Shivaji Day 2 Box Office Collection: रितेश देशमुख (Riteish Deshmukh) अभिनीत आणि दिग्दर्शित 'राजा शिवाजी' (Raja Shivaji) या ऐतिहासिक सिनेमानं अगदी 2 दिवसांत प्रेक्षकांच्या मनात घर तयार केलं. हा  सिनेमा अवघ्या 2 दिवसांत यशस्वी ठरला. या चित्रपटातून छत्रपती शिवाजी महाराज यांची शौर्य गाथा रुपेरी पडद्यावर दाखवण्यात आली आहे.  तगड्या स्टारकास्टने आपल्या भूमिकेत जीव ओतून काम केलं. दुसर्‍या दिवशीही  चित्रपटाने आपली दमदार कमाई कायम ठेवत, हिंदी आणि मराठी व्हर्जन मिळून 20 कोटी रुपयांचा टप्पा ओलांडला आहे.  या सिनेमाने दुसर्‍या दिवशी नेमकी किती कोटींची कमाई केली? जाणून घेऊयात. 

Continues below advertisement

'राजा शिवाजी' चित्रपटाचे दुसऱ्या दिवसाचे बॉक्स ऑफिस कलेक्शन (Riteish Deshmukh Raja Shivaji total box office collection)

सॅकनिल्कच्या माहितीनुसार,  'राजा शिवाजी' या ऐतिहासिक चित्रपटाने दुसऱ्या दिवशी 10.55 कोटींचे बॉक्स ऑफिस कलेक्शन केले असल्याची माहिती आहे. चित्रपटाचे एकूण 6,275 शो झाले आहेत.  ज्यात 28.9 टक्के प्रेक्षकांची उपस्थिती होती.  चित्रपटाने हिंदी व्हर्जनमध्ये  3.40 कोटी आणि मराठीमधून 7.15 कोटी कमावले, अशी माहिती आहे.  दरम्यान,  चित्रपटाच्या दुसर्‍या दिवसाच्या कमाईचे आकडे अद्याप अधिकृतपणे जाहीर झालेले नाहीत. जर या चित्रपटाने दुसऱ्या दिवशी 10.55 कोटी कमावले असतील, तर या सिनेमाची एकूण कमाई 21.90 कोटींपर्यंत पोहोचेल.  

पहिल्या दिवशी सिनेमाने किती कोटींचा आकडा पार केला?

'राजा शिवाजी' या सिनेमाने पहिल्या दिवशी 11.35 कोटी रुपयांची कमाई केली. 

Continues below advertisement

पहिल्या दिवशी चित्रपटाचे 6192 शो झाले होते. 

एकूण 32.3 टक्के प्रेक्षकसंख्या होती.

माहितीनुसार, चित्रपटाने हिंदी व्हर्जनमधून 6.75 कोटी रुपयांची कमाई केली.

तगड्या स्टारकास्टने भूमिकेत जीव ओतून काम केलं (Raja Shivaji review and collection)

 

या दमदार चित्रपटाची निर्मिती जिओ स्टुडिओज आणि मुंबई फिल्म कंपनीने केली आहे.  रितेश देशमुख दिग्दर्शित  हा सिनेमा हिंदी आणि मराठी दोन्ही भाषांमध्ये सिनेमागृहात प्रदर्शित झाला आहे. रितेश देशमुखने या सिनेमात छत्रपती शिवाजी महाराज यांची भूमिका साकारली असून,  जेनेलिया देशमुख, संजय दत्त, अभिषेक बच्चन, महेश मांजरेकर, सचिन खेडेकर, भाग्यश्री, विद्या बालन, फरदीन खान, अमोल गुप्ते आणि जितेंद्र जोशी यांच्या मुख्य भूमिका आहेत.  

महत्त्वाच्या इतर बातम्या: