Revati Lele wedding: गेल्या काही दिवसांपासून मराठी कलाकारच्या लग्न सोहळ्यांची सध्या एकच चर्चा आहे. अनेक कलाकारांच्या घरी सनई चौघडे वाजत आहेत. अनेकांची लग्नापूर्वीचे समारंभ, फाेटोशूट सुरु आहेत. गेल्या काही दिवसांपासून लग्नाची बेडी फेम अभिनेत्री रेवती लेले हिच्या लग्नाची एकच चर्चा आहे. मराठी टेलिव्हिजन विश्वातील या सुप्रसिद्ध खलनायिका लग्नबंधनात अडकली होती. रेवतीनं पुण्यात कौशिक भिडेसोबत लग्नगाठ बांधलीय. दोघांनीही पारंपरिक वेशात आपल्या आयुष्याला नवी सुरुवात केलीय. काही दिवसांपूर्वीच रेवतीने सोशल मीडियावर हातातली अंगठी दाखवत प्रेमात पडल्याचं चाहत्यांना सांगितलं होत. होणाऱ्या नवऱ्याचा चेहरा तिनं गुलदस्त्यात ठेवला होता. आज लग्न झाल्यानंतर तिने सोशल मीडियावर लग्नाचे फोटो शेअर करत चाहत्यांना लग्न झाल्याचं कळवलं.
कोण आहे रेवती लेलेचा नवरा?
गेल्या अनेक दिवसांपासून अभिनेत्रीच्या आयुष्यातील या नव्या सुरुवातीकडे चाहत्यांचे लक्ष आहे. रेवतीनं आपल्या हातातील साखरपुड्याची अंगठी दाखवत लग्न ठरल्याचं सांगितलं होतं. नंतर सोशल मीडियावर तिच्या लग्नविधींचेही फोटो चाहत्यांनी पाहिले. मात्र, रेवतीचा नवरा कोण? याचं कुतूहल चाहत्यांना होतं. कारण तिने नवऱ्याचा चेहरा गुलदस्त्यात ठेवलेला. आता लग्नानंतर रेवती आणि तिच्या नवऱ्याने एकत्रित पोस्ट करत लग्नाचे फोटो चाहत्यांसोबत शेअर केले आहेत. रेवतीच्या नवऱ्याचं नाव कौशिक भिडे असं आहे. त्यानं लग्नाचा फोटो शेअर करत हे यू असं कॅप्शन लिहिलं आहे. त्यावर रेवतीनं 'हॅलो हसबंड' अशी कमेंट केलीय.
तर त्याच्या सोशल मीडियावर असलेल्या व्हिडिओ वरून असं लक्षात येतंय की कौशिक भिडे हा ब्रँड मार्केटिंग क्षेत्रातील आहे. अनेक वेगवेगळ्या ब्रँड्सचं मार्केटिंग तो करतो.
पारंपरिक पोशाखात रेवती कौशिक अडकले लग्नबंधनात
रेवती लेले आणि तिचा नवरा कौशिक भिडे या दोघांनी पुण्यात लग्नगाठ बांधली. यावेळी दोघांनीही पारंपरिक मराठमोठा पोशाख परिधान केला होता. रेवतीनं पिवळ्या रंगाची सुंदर साडी, नाकात नथ, हातात चुडा असा पारंपरिक लूक केलेला. तर कौशिकने लाल आणि पांढऱ्या रंगाचा पारंपरिक पोशाख घातलेला.दोघेही त्यांच्या लग्नाच्या वेशात फार सुंदर दिसत होते.
दरम्यान, लग्न झाल्यानंतर रेवतीच्या या आनंदात मराठी कलाकारही सहभागी झाले. रेवतीला चाहत्यांसह अनेक मराठी कलाकारांनी शुभेच्छा दिल्या आहेत. नांदा सौख्यभरे म्हणत या जोडीला चाहत्यांसह सिनेकलाकारांनी आशीर्वाद दिले आहेत.