Raqesh Bapat-Tejashree Pradhan Wedding Rumors: 'बिग बॉस मराठी' (Bigg Boss Marathi) सीझन 6 मध्ये उपविजेता ठरलेला पन्नाशीच्या उंबरठ्यात असलेला राकेश बापट (Raqesh Bapat) आजही कित्येक तरुणींच्या गळ्यातील ताईत आहे. 'तुम बिन' (Tum Bin Movie) हिंदी सिनेमातून (Hindi Film) सिनेसृष्टीत पदार्पण केलेल्या मराठमोळ्या राकेश बापट (Actor Raqesh Bapat) यानं सिनेसृष्टी दणाणून सोडलेली. त्यानंतरही त्यानं काही सिनेमांमध्ये काम केलं, पण अपेक्षित यश त्याला मिळालं नाही. त्यानंतर त्यानं हिंदी बिग बॉस (Hindi Bigg Boss) केलं, मध्यंतरीच्या काळात त्यानं मराठी टेलिव्हिजनवरही (Marathi Television) आपलं नशीब आजमावलं. त्यानंतर नुकताच तो मराठी बिग बॉसमध्ये (Marathi Bigg Boss) दिसला. यंदाच्या मराठी बिग बॉसच्या सीझनमध्ये राकेश बापट हे नाव एक ट्रू जेंटेलमन म्हणून चर्चेत होतं. पण, दुसरीकडे राकेश बापटबाबत अनेक चर्चा बाहरे सुरू होत्या. अशातच नुकत्याच एका मुलाखतीत बोलताना राकेश बापट आणि त्याच्या बहिणीनं अशाच एका अफवेबाबत सांगितलं आहे.
अभिनेता राकेश बापट नुकताच बिग बॉस मराठी 6 च्या घरातून बाहेर आलाय. मराठी बिग बॉसमध्ये असताना राकेश बापटच्या वैयक्तिक आयु्ष्याची खूप चर्चा झाली. राकेश बापट आणि त्याची पहिली बायको रिद्धी डोगरा यांच्या डिवोर्सबाबतही त्यानं स्वतःच सांगितलं होतं. अशातच राकेश बापट मराठी बिग बॉसच्या घरात असताना बाहेर प्रसिद्ध अभिनेत्री तेजश्री प्रधान हिच्यासोबत त्याचं लग्न होणार असल्याच्या चर्चांना उधाण आलं. स्वत: राकेश आणि त्याच्या बहिणीनं याबाबत खुलासा केला आहे. 'राजश्री मराठी'ला दिलेल्या मुलाखतीत बोलताना राकेश बापट आणि त्याच्या बहिणीनं याबाबत सविस्तर सांगितलं आहे.
राकेश बापट आणि तेजश्री प्रधानच्या लग्न ठरलेलं?
'राजश्री मराठी'ला दिलेल्या मुलाखतीत बोलताना अभिनेता राकेश बापट आणि त्याची मोठी बहीण शीतल यांनी अनेक गोष्टींवर गप्पा मारल्या. मुलाखतीत राकेश बापटच्या बहिणीला "तुमच्या आयुष्यातील अशी एक गोष्ट जी तुम्हाला थेट बातमी वाचून समजली होती…अन्यथा नेमकं काय घडलंय? याची तुम्हाला कल्पनाच नव्हती, ती गोष्ट कोणती?", असा प्रश्न विचारण्यात आला. त्यावेळी त्यांनी सांगितलं की, "मी परवाच त्याला अशी एक बातमी दाखवली... मधे एक रील सर्वत्र व्हायरल होत होतं. त्या व्हिडीओमध्ये राकेश बापट आणि तेजश्री प्रधान, मे महिन्यात लग्न करणार असं सांगितलं होतं, आणि तेव्हा राकेश 'बिग बॉस मराठी'मध्ये होता..."
पुढे बोलताना शीतल म्हणाल्या की, "माझ्या सगळ्या मैत्रिणी वगैरे मला तो व्हिडीओ पाठवत होत्या आणि विचारत होत्या की, "अगं आता ही कोणती सून?" पण, या दोघांचा काहीच संबंध नाहीये. लोक उगाच काहीतरी चर्चा सुरू करतात. बरं त्या व्हिडीओमध्ये लग्नाची तारीख वगैरे सगळं जाहीर केलं होतं... मुळात असं काहीच घडलंच नव्हतं. काही-काही नातेवाईकांनी माझ्या आईलासुद्धा फोन केले... "अगं ही बातमी खरीये का? असेल तर मग आवडेलच आम्हाला…" म्हटलं असं काहीच नाहीये.'असं शीतल यांनी सांगितलंय.
राकेश बापट पुढे बोलताना म्हणाला की, "मी तेव्हा 'बिग बॉस'च्या घरात होतो आणि बाहेर हे सगळं सुरूये याची मला काहीच कल्पना नव्हती. बातमी पाहिल्यावर माझं असं झालं, अरे हे काय मध्येच सुरू केलंय. कारण शोमध्ये मला काहीच माहिती नव्हतं..."
महत्त्वाच्या इतर बातम्या :