Ranveer Singh Receives Threat: सलमान, रोहीतनंतर, आता रणवीर सिंहला धमकी; कोट्यवधींची मागणी, घराबाहेर कडेकोट बंदोबस्त
Ranveer Singh Receives Threat: सलमान खान, रोहित शेट्टी यांच्यापाठोपाठ आता रणवीर सिंह बिष्णोई गँगच्या रडारवर? व्हॉट्सअॅपवर आलेल्या मेसेजमध्ये धमकीसोबतच कोट्यवधींची मागणी.
Ranveer Singh Receives Threat: गेल्या काही दिवसांपासून बॉलिवूड (Bollywood News) बिष्णोई गँगच्या (Bishnoi Gang) रडारवर आलं आहे. सलमान खानच्या (Salman Khan) घरावरील गोळीबारानंतर प्रसिद्ध दिग्दर्शक रोहित शेट्टीच्या (Rohit Shetty) घरावर गोळ्या झाडण्यात आल्या. याचा तपास सध्या मुंबई क्राइम ब्रांच (Mumbai Crime Branch) करत आहेत. अशातच आता बॉलिवूड अभिनेता रणवीर सिंहला (Ranveer Singh) धमकी मिळाली आहे. एवढंच नाहीतर, व्हॉट्सअपवरच्या एका धमकीवजा मेसेजनंतर कोट्यवधी रुपांची मागणीसुद्धा करण्यात आली आहे.
मुंबई पोलिसांची गुन्हे शाखा या प्रकरणाचा तपास करतेय. व्हॉट्सअॅपवर धमकीची वॉईस नोट मिळाल्यानंतर अभिनेत्यानं पोलिसांत धाव घेतली. त्यानंतर पोलिसांनी तात्काळ तपासाची सूत्रं हलवली. सध्या पोलीस धमकीचा मेसेज पाठवणाऱ्या व्यक्तीचा शोध घेत आहेत. दरम्यान, रणवीर सिंह किंवा त्याच्या टीमनं अद्याप औपचारिक तक्रार दाखल केलेली नाही. तर, दुसरीकडे रणवीर सिंहच्या घराबाहेर सुरक्षा वाढवण्यात आली आहे.
रणवीर सिंहला धमकी येण्यापूर्वी रोहित शेट्टीच्या घरावर गोळीबार
31 जानेवारी रोजी रात्री उशीरा सुप्रसिद्ध निर्माता-दिग्दर्शक रोहित शेट्टीच्या जुहू इथल्या घराबाहेर पाच राउंड फायर करण्यात आले. त्यावेळी रोहित शेट्टी घरातच होता. सुदैवानं या गोळीबारात कुणालाही दुखापत झालेली नाही. मुंबई पोलीस या संपूर्ण प्रकरणाचा तपास करत आहे. या प्रकरणात पुण्याहून 5 संशयितांना ताब्यात घेण्यात आलं आहे.
रोहित शेट्टीच्या घराबाहेर झालेल्या गोळीबाराचा तपास गुन्हे शाखेकडून सुरू आहे. या घटनेसंदर्भात अमन मारोटे (27), आदित्य गायकी (19), सिद्धार्थ येनपुरे (20), समर्थ पोमाजी (18) आणि स्वप्नील सकट (23) पाच जणांना अटक करण्यात आली आहे. लॉरेन्स बिश्नोई टोळीचा सदस्य शुभम लोणकर याला वॉन्टेड आरोपी म्हणून घोषित करण्यात आलं आहे.
दरम्यान, रणवीर सिंह त्याच्या स्पाय थ्रिलर 'धुरंधर'च्या जबरदस्त यशाचा आनंद घेत आहे. या चित्रपटानं बॉक्स ऑफिसवर 1,300 कोटींपेक्षा जास्त कमाई केली आणि आदित्य धर दिग्दर्शित सिनेमानं भारतात 1,000 कोटींचा टप्पा ओलांडला आहे.
महत्त्वाच्या इतर बातम्या :
रोहित शेट्टी गोळीबार प्रकरणात धक्कादायक माहिती उघड; अकोला कनेक्शन समोर आल्यानं खळबळ
महत्त्वाच्या बातम्या
