Peddi Box Office Collection: साऊथ सुपरस्टार राम चरण (Ram charan) सध्या 'पेद्दी' (Peddi) या सिनेमामुळे चर्चेत आहे. प्रदर्शनापूर्वीपासून स्पॉर्ट्स ड्रामा (Entertainment) या सिनेमाची प्रेक्षकांमध्ये क्रेझ पाहायला मिळत आहे. 4 जून रोजी हा सिनेमा जगभरातील चित्रपटगृहांमध्ये रिलीज झाला. या सिनेमाला प्रदर्शित होऊन 4 दिवस झाले असून, या चित्रपटाने बॉक्स ऑफिसवर धुमाकूळ घातला आहे. दमदार ओपनिंगनंतर या सिनेमानं ओपनिंग विकेंडला चांगली कमाई केली आहे. चला तर मग पाहूयात, 'पेद्दी'ने प्रदर्शनाच्या चौथ्या दिवशी, म्हणजेच रविवारी किती कोटी रुपयांची कमाई केली आहे.
'पेद्दी' सिनेमानं प्रदर्शनाच्या चौथ्या दिवशी किती कोटींचे कलेक्शन केले? (Peddi box office collection day 4 report)
1980 च्या दशकातील ग्रामीण आंध्र प्रदेशात घडणारी 'पेद्दी' ही एक अशी गावातील कथा आहे, जे खेळांच्या माध्यमातून आपल्या समाजाला एकत्र आणते, तसेच बलाढ्य प्रतिस्पर्ध्यांविरुद्ध उभे राहते. सिनेमाची ग्रामीण पार्श्वभूमी, भावनित कथा आणि राम चरणच्या दमदार अभिनयाने प्रेक्षकांच्या मनाला स्पर्श केला आहे. ज्यामुळे हा सिनेमा चित्रपटगृहांमध्ये यशस्वी ठरला आहे.
राम चरणच्या स्पॉर्ट्स ड्रामा सिनेमानं बॉक्स ऑफिसवर दमदार सुरुवात केली आहे. पेड प्रिव्ह्यूमधून या सिनेमानं 18.50 कोटींची कमाई केली आहे. तसेच पहिल्याच दिवशी तब्बल 51 कोटी कमावले. दुसऱ्या दिवशीही या सिनेमानं हीच गती कायम ठेवत 26.90 कोटी रुपये कमावले. तिसऱ्या दिवशी या सिनेमानं 28.85 कोटींचे कलेक्शन केले आहे. तर, रविवारी या सिनेमानं बॉक्स ऑफिसवर धुमाकूळ घातला. या चित्रपटाच्या कमाईत प्रचंड वाढ दिसून आली.
अवघ्या 4 दिवसांत 'पेद्दी' सिनेमानं 150 कोटींचा टप्पा पार केला (Peddi movie Sunday box office collection)
सॅकनिल्कच्या सुरुवातीच्या ट्रेंडनुसार, 'पेद्दी'नं प्रदर्शनाच्या चौथ्या दिवशी म्हणजेच रविवारी या सिनेमानं 31.55 कोटी रुपयांची कमाई केली आहे. यामुळे या सिनेमाची चार दिवसांतील एकूण कमाई आता 153.80 कोटी रुपये झाली आहे. म्हणजेच अवघ्या चार दिवसांत या सिनेमानं 150 कोटींचा टप्पा पार केला आहे.
2026 मधील सर्वाधिक कमाई करणाऱ्या टॉप 3 तेलुगू चित्रपटांची यादी
मन शंकर वारा प्रसाद गरु – 220.99 कोटीराजा साब - 146.04 कोटीपेद्दी - 125.25 कोटी
महत्त्वाच्या इतर बातम्या:
'वीण दोघांतली ही तुटेना'च्या सेटवरील 'तो' VIDEO व्हायरल; तेजश्री प्रधानची कमेंट चर्चेत, म्हणाली...