Ramcharan Bodyguard Video Viral: रामचरणला हात लावायला चाहता धडपडला; जान्हवी कपूरच्या अंगावर पडला; बॉडीगार्डने अक्षरशः हवेतल्या हवेत केलं असं काही ..; Video Viral 

खऱ्या आयुष्यात MMA फायटर असलेल्या केविनची ताकद या व्हिडीओत स्पष्ट दिसून येते.

Ramcharan Bodyguard

Source : ABPLIVE AI

Ram Charan Bodyguard Viral Video: सध्या साऊथ सुपरस्टार राम चरण त्यांच्या आगामी ‘पेड्डी’ चित्रपटामुळे चर्चेत आहे. ‘गेम चेंजर’ फ्लॉप ठरल्यानंतर राम यांना या चित्रपटाकडून मोठ्या अपेक्षा आहेत. त्यामुळे तो चित्रपटाच्या प्रमोशनमध्ये कोणतीही कसर सोडत नाहीयेत. दररोज वेगवेगळ्या इव्हेंटमध्ये सहभागी होत आहेत. नुकताच ‘पेड्डी’च्या एका प्रमोशनल इव्हेंटमध्ये त्याच्या एका चाहत्याने त्यांना स्पर्श करण्याचा प्रयत्न केला. मात्र त्याचवेळी राम चरणचा MMA फायटर बॉडीगार्ड केविन कुंटा भिंतीसारखा मध्ये आला आणि त्या चाहत्याला अक्षरशः हवेतल्या हवेत उचलून बाहेर नेलं. या घटनेचा व्हिडीओ सध्या सोशल मीडियावर तुफान व्हायरल होत आहे. विशेष म्हणजे त्या कार्यक्रमात जानवी कपूर रामचरण यांच्या बाजूला बसली होती. रामचरण यांना हात लावताना चाहता जान्हवी कपूरच्या अंगावर जवळपास पडलाच होता. पण रामचरण यांचा बॉडीगार्ड ॲक्शन मोडवर आला. 

नेमकं घडलं काय ?

राम चरण यांचा बॉडीगार्ड सध्या सोशल मीडियावर चर्चेचा विषय ठरला आहे. ‘पेड्डी’च्या प्रमोशनसाठी राम चरण सातत्याने इव्हेंटमध्ये हजेरी लावत आहेत. नुकत्याच एका कार्यक्रमात तोते अभिनेत्री जान्हवी कपूरसोबत उपस्थित होते. दोघेही स्टेजवर खुर्चीत बसलेले असताना एक चाहता अचानक राम चरण यांच्या जवळ पोहोचण्याचा प्रयत्न करू लागला. गोंधळात तो चुकून जान्हवी कपूरवर पडला.याच क्षणी राम यांचा बॉडीगार्ड केविन कुंटा तत्काळ अॅक्शन मोडमध्ये आला आणि त्या चाहत्याला एका झटक्यात उचलून बाहेर घेऊन गेला. केविनच्या या अलर्टनेसचं सोशल मीडियावर मोठं कौतुक होत आहे.

 

 

 

 

 

View this post on Instagram

 

 

 

 

 

 

 

 

 

 

 

A post shared by Instant Bollywood (@instantbollywood)

खऱ्या आयुष्यात MMA फायटर असलेल्या केविनची ताकद या व्हिडीओत स्पष्ट दिसून येते. मात्र नंतर राम चरणने मोठेपणा दाखवत त्याच चाहत्याला पुन्हा जवळ बोलावलं आणि त्याच्यासोबत फोटोही काढला. यामुळे नेटकऱ्यांनी राम चरण यांचं कौतुकही केलं आहे.

केविनच्या पगाराचीही चर्चा

दरम्यान, राम चरणचा बॉडीगार्ड केविन कुंटाच्या पगाराचीही सध्या जोरदार चर्चा सुरू आहे. अनेक मीडिया रिपोर्ट्सनुसार, केविन एका दिवसासाठी सुमारे 2 लाख रुपये फी घेतो. त्यानुसार राम चरण त्याला वैयक्तिक सुरक्षा रक्षक म्हणून महिन्याला जवळपास 60 लाख रुपये पगार देत असल्याचं सांगितलं जात आहे.